| 評論員 |
時間 |
內容 |
標籤 |
| 關焯照 |
2024-07-12T16:11 |
美國通脹全面降溫，昨晚(11日)出左消費物價指數(CPI)數據後，據最新利率期貨顯示，聯儲局9月減息機會率急升至逾90%，到底美國今年會減幾多次息？ 冠域商業及經濟研究中心主任關焯照估計，美國9月及11月都有機會減息，不過，睇返聯儲局內部做慨經濟增長預測，第2季增長約2%，連同第1季都係低過去年第3及第4季，依家好似行緊1995年條路，即係今年及明年唔會減好多次息。 至於可受惠於減息慨地產股、REITs及公用股，其中，地產股仍面對供應問題，拖住復甦慨後腿，地產股反彈係咪只係死貓彈？關博士指，地產股反彈唔代表樓市反彈，純粹係之前跌得多，依家減息預期升溫，部分投資者就冚淡倉，部分短期就楂上去，一旦政府出招，例如將公私營房屋比例改為8比2，起多些公屋，就會有些支持，但都要搞返好經濟，外圍減息係幫唔到太多，佢又建議，地產股已升左唔少，宜減磅套現。 |
|
| 梁偉源 |
2024-07-12T15:27 |
截至早上11時止，1小時內《彭博》用戶關注度上升最多首5隻港股，依次為龍湖集團(00960)、領展房產基金(00823)、恆基地產(00012)、新世界發展(00017)、中國鋁業(02600)。 美國昨晚(11日)出左通脹數據後，9月減息預期急升溫，摩根大通亦預測美國減息時間，由原來11月調整至9月，若美國9月真係減息，內地人民銀行減息彈性會唔會大左？不過，人行年初已下調5年期中期借貸便利(MLF)利率，內地樓市始終未明顯復甦，息口對樓市刺激作用有限，係咪都要等經濟有起色先救到樓市？內房股今日炒起係咪純粹趁港股大升市反彈？ 大華繼顯執行董事梁偉源指，其實美國減唔減息對內地經濟影響唔大，所以人行減息機會唔會因此而增加，佢又認為，人行未來有機會降準。Steven又指，內房股今日炒上同美國減息因素冇關，反而同下周開幕慨三中全會有更大關係，不過，可以推出慨政策其實之前都推過，即使依家再推都作用唔大。 內地樓市方面，Steven指，內房銷售仍未有起色，而個別民企內房債務重組問題仍未解決，相信內房需要一段較長時間才能復甦。 |
|
| 聶振邦 |
2024-07-12T11:35 |
美國通脹降溫，6月消費物價指數(CPI)按年升3%，扣除食品及能源慨核心CPI按年升3.3%，兩者都低過預期，令聯儲局9月減息理據增加，但投資者趁好消息獲利，美股3大指數昨晚(11日)個別發展，其中，標指及納指向下，美股近期主要靠「科技7雄」(Magnificent 7)撐住，但見到資金都開始流向中小型股，係咪可以考慮做相關部署？ 博威環球證券金融首席分析師聶振邦指，美股近排表現一般，加上炒作減息憧憬已接近尾聲，通脹相關利好消息令科技股普遍受壓，所以資金都要搵新出路，令中小型股成為新關注點。 不過，聶Sir提醒，雖然資金依家偏向流入中小型股，但估計呢類股份升勢唔會持續得好耐，而波動性亦比較大，投資者落注時需留意。 |
|
| 許繹彬 |
2024-07-12T10:55 |
美股納斯達克指數及標準普爾500指數在美國就業市場放緩，驅使減息預期再度升溫下，再度展示強勢，並繼續創下新高，氣勢可謂冠絕環球股票市場；而一直跟隨美股走勢的日股和台股，走勢當然是不甘示弱，相繼創下歷史新高；跟隨其後的亞洲其他市場，新加坡海峽時報及南韓首爾綜合指數亦創下兩年新高，整個亞洲股票市場近期可謂喜氣揚揚，歌舞昇平。 如不是對港股跟得太貼的投資者，在上述各地股票市場相繼創新高下，及加上七翻身效應，一般常人的想法是，港股要迎頭趕上，相信問題應該不大；但從本周港股的表現來看，可以說是再一次令投資者失望；因為恆指不但沒有重拾升軌或重新向50天線18,325推進；反而拾級而下，更出現三連跌的格局，在下跌時更失守俗稱牛熊分界線的250天線（約17,509點），暫低見17,376點；即使港股曾作出反彈，但亦只能反彈至10線（約17,800點）便顯得有心無力。 昨日更在日股及台灣加權指數再創歷史新高之際，港股反而調頭回落，最終更要跌穿17,500，可謂認真丟架；而港股成交持續低至接近1,000億元；由於無論走勢或氣勢均盡失，及不能與上兩個月相提並論，因此對港股的前景未能作出任何判斷。 筆者認為，投資者如認為港股能承「五窮」及「六絕月」的氣勢來判斷七翻身有著持續的良辰美景，相信過了半個月後，持有此想法的投資者仍處於極度失望的狀態。而港股的走勢在奄奄一息及反覆向下時作出零星的反彈，其實亦是全因國內A股企穩或有所上升所帶動，而主要灌溉港股成交的北水，仍是港股成交的主要泉源，儘管在反彈時南下的「北水」掃貨規模有所擴大，但比對之前兩個月的額度，可用天淵之別的來形容。 加上，本月在國內沒有任何挽救措施出台，及已使出的招數則未見實質成交，不論內房零售及經濟數據均顯示並非突出；因而驅使外資在六月下旬開始，相繼減少內地及港股的投資額度；港股在沒有基本因素支持而只能依靠北水力撐；但由於力度有限，因而再度呈現久守必失及斷斷向下的困局。 筆者更憂慮，有感港股現在的走勢有如去年第四季及今年首兩月，因為當時亦是全球主要股票市場不斷創新高，而港股當時反而在缺乏資金下，走勢掉進谷底，更連15,000也插穿，低見14,794；因此，投資者現階段要格外留神，港股有可能在持續弱勢下，出現抽調資金到較為興旺的市場而令成交再度萎縮；未來走勢相信只能在17,200至17,900作出攻防戰。 |
|
| 陳偉明 |
2024-07-12T10:53 |
美國前周五(6月28日)晚公布的5月核心個人消費開支平減指數(Core PCE)按年升幅放緩至只有2.6%，創2021年3月以來最低水平，自從這個聯儲局最重視的通脹數據有顯著放緩跡象之後，美國今年減息的預期明顯升溫。美匯回落、人仔跌勢喘定，加上人行將借入國債消息，刺激港股上周曾反彈重上萬八關，然而恆指一如筆者預期弱勢反彈後於上周四(4日)18,133點見頂回落，並於本周初失守250天牛熊線(大約17,500點)。 正當市場仍然觀望月中舉辦的三中全會，並把短期焦點放在美國減息預期升溫上，筆者上周早已提醒特朗普當選美國總統機會增加會導致市場憂慮中美緊張局勢進一步惡化，加上外圍股市無論美、日、韓、台，甚至連印度Sensex指數也持續破頂，實在很難想像外資有流入中港股市的誘因。在缺乏外國這類長期資金流入下，只靠注重短線回報的北水流入，很難令港股出現長期升浪。 國家統計局本周三(10日)公布的內地6月居民消費價格指數(CPI)低於預期兼創三個月低，在通縮風險未除、內需不足、樓市不振，加上中美關係有機會惡化的情況下，內地股市持續向下，有反彈、無升勢。即使中證監過去一年不斷收緊借貨沽空的行為，並在本周三(10日)晚公布暫停券商的轉融券(借貨沽空)業務，筆者相信短期難扭轉內地A股跌勢。然而，美國減息預期升溫，美債息及美匯回落，有利人民幣匯價止跌回升，預期中港股市短期下跌壓力仍在，但中期再大跌空間微，恆指在250天牛熊線(大約17,500點)以下再造淡值博率偏低。 聯儲局主席鮑威爾在國會聽證會未對減息時間作出明確暗示，但多番提及就業市場放緩的問題，本周三(10日)晚更放鴿表示無需等到通脹降至2%下方才減息，筆者傾向美國9月減息的機會頗大。策略上，繼續傾向在恆指17,800點以上，小注Long Put 7月17,000點恆指期權，並且密切留意恆指跌至17,300點以下分注Short Put 吸納科技板塊的機會。 |
|
| 盧志明 |
2024-07-12T10:17 |
大唐資本投資策略部總監盧志明推介紫金礦業(02899) 推介原因： - 盈喜預計中期純利最多按年增長50%，至154億元人民幣 - 早前配股集資，用於海外市場業務營運及發展 - 旗下西藏巨龍銅礦和黑龍江銅山銅礦。 |
|
| 林嘉麒 |
2024-07-11T22:51 |
德昌電機(00179)第一季度收入跌2%，公司原先預期全年收入有低單位數增長。 元宇證券基金投資總監林嘉麒表示，雖然德昌首季收入下跌，但在低比較基數之下，下半年度收入或可回升，全年收入有低單位數增長，難度不大，反而擔心國際運費上升，會拖低毛利率，目前估值並不吸引。 |
|
| 盧楚仁 |
2024-07-11T16:10 |
美國通脹數據將於今晚(11日)出爐，美匯指數變動唔大，續於105水平徘徊，不過，金價搶閘轉強，上返每盎司2380美元樓上，聯儲局主席鮑威爾(Jerome Powell)最新表示，毋須待通脹回落至2%以下才減息，據最新利率期貨顯示，市場繼續押注聯儲局9月減息，機率已逾70%，若消費物價指數(CPI)一如市場預期放緩，金價有冇條件上返2400美元？ 獨立外匯商品分析師盧楚仁指，今晚出爐慨CPI的確幾關鍵，睇返鮑威爾最新言論，聯儲局的確有機會提早減息，若6月CPI按年升幅收窄至3.1%，甚至更低水平，金價好大機會破位上，唔排除會迫近2400美元，相反，若通脹升溫，美元就會轉強，屆時金價就會轉弱，有可能回落至2350美元。 |
|
| 譚智樂 |
2024-07-11T10:13 |
富途證券首席分析師譚智樂推介耐世特(01316) 推介原因： -市場憧憬無人駕駛的來臨 -公司投入不少於高級駕駛輔助系統ADAS、自動駕駛AD系統、組件設計和製造 -技術走勢顯示有回穩跡象 建議買入價：3.4元 目標價：4.0元 止蝕價：3. |
|
| 羅尚沛 |
2024-07-10T22:43 |
長城汽車(02333)預告，上半年賺65-73億元人民幣，按年升3.8-4.4倍。 銀河證券業務發展董事羅尚沛表示，長汽半年盈利大升，主要因為去年比較基數偏低，下半年增速將明顯減慢，而公司股價已跑贏其他主要車股，相信再大升空間不大。 |
|
| 林嘉麒 |
2024-07-10T18:05 |
百度集團(09888)股價今日(10日)一度升逾12%，高見97.15元，更升穿50天線，錄得逾1年最大升幅。股價急升係因為北京計劃立法推動自動駕駛技術發展，依家已有自動駕駛出行服務平台「蘿蔔快跑」慨百度，獲內地券商搶閘唱好，「蘿蔔快跑」已經係11個城市進行測試，百度今次係咪食正頭淡湯？ 元宇證券基金投資總監林嘉麒指，早前北京就自動駕駛網約車服務推出指導意見，作為內地最大自動駕駛網約車營運商慨百度一定係食正呢條水，「蘿蔔快跑」試行紀錄長，系統亦覆蓋好多城市，若自動駕駛網約車成為內地具潛力發展行業，百度肯定係大贏家。 佢續指，如果係無人駕駛方面有明確商業模型，會對股價有推動作用，但第2季業績就未必炒得起。KK又提醒，百度係港股慨動力唔強，如果冇好大上升動力，未來幾日可能會出現大型沽空，窒礙股價上升。 |
|
| 莊志雄 |
2024-07-10T15:15 |
比特幣(Bitcoin)價格今個星期一度跌穿55000美元，跌至今年2月以來低位，如果睇返資金流，由於Bitcoin價格上落好快，有短炒憧憬，係咪短線資金流入得快些？長線資金有冇繼續留低？ 「股市漁夫」創辦人莊志雄指，可以用3個角度去分析Bitcoin，首先係資金流，今年推出左Bitcoin現貨交易所買賣基金(ETF)，令參與呢種工具慨人大增，包括唔太認識Bitcoin或唔想開Crypto Wallet去投資慨人，應該係虛幣新手較多，Bitcoin現貨ETF推出初期，即5月底6月初有較多資金流入，當時Bitcoin已見左高位，之後好多人趁低吸納。 佢續指，今個星期又見到有人趁低吸納，但力度同上次差好遠，佢認為呢些資金以短線跟風為主，有個網站叫lookintobitcoin係好有趣，可以計到短線及長線資金，前者係1個之內，後者就1至2年，兩者取態係好唔同，係Bitcoin現貨ETF推出時有短錢追入出現高峰，但同2017、2018、2021年高峰仍相差好遠，但長線資金係完全冇跟進，反映係唔會高追，反而會吼低位開始回升時買Bitcoin，今年成個第2季都冇動靜，睇返往績長線資金應該係Smart Money，而係Bitcoin價格一直上返去，長線資金就不斷減磅，呢個都要留意。 |
|
| 彭偉新 |
2024-07-10T14:06 |
截至早上11時止，1小時內《彭博》用戶搜尋量最多港股，依次為中國神華(01088)、萬科企業(02202)、中國鋁業(02600)、中廣核電力(01816)及瑞安房地產(00272)。 神華發盈警，預期上半年最多少賺13.8%，主要受煤價下跌拖累，以及水力發電令燃煤機組利用時數下跌，雖然按年賺少左，但對比去年下半年其實有改善，神華股價今日(10日)下跌，係擔心新能源影響火電需求？還是睇淡盈利前景？ 資深證券分析師彭偉新指，新能源好難取替火力發電，睇返內地發電總量比例，火電佔逾70%，加上水力發電、太陽能及風力發電都唔穩定，所以火力發電未來幾年仍然扮演一個重要角色，唔會因單月數據而睇淡火電整體發展前景。 Castor又話，過去幾年，煤炭價格自高位回落後已相對穩定，只要煤炭價格不再回升，電力需求維持現時穩定水平，整體電力股係現有盈利基礎下，股價應該唔會大跌。佢又指，神華今次發盈警，主要係過去1年雨水充足，水力發電慨發電量增加，但只係季節性影響，所以唔需要太擔心神華表現。 股價方面，佢建議有貨投資者可先行獲利，因股價已失守短期支持位，即50天線水平，相對強弱指數(RSI)自5月10日見頂後，一頂低過一頂，回調壓力唔細，佢估計，神華再跌多約2元，以現價計，即32元水平，之後就會回穩。 |
|
| 蘇沛豐 |
2024-07-10T12:00 |
三中全會將於下周開幕，A股及港股觀望氣氛濃厚，其中，港股成交連日唔夠1000億元，A股方面，早前滬深兩市成交連續4個交易日唔夠6000億人仔，係咪要等三中全會過後，外資先會重新回流A股？A股及港股下半年又會點走？ 金馬資本管理交易策略師蘇沛豐指，近年A股及港股表現弱勢，所以外資配置偏低，由於市場繼續觀望三中全會，導致近期交投淡靜，佢估計，三中全會過後，下半年慨經濟發展政策會更加明朗，若政策有驚喜，而市場又有信心，相信會吸引更多外資流入A股。 港股方面，Daniel話依家仍以上落市為主，估計恆生指數下半年大部分時間會係16000至20000點上落，雖然有機會升穿20000點，但相信好快會獲利回套，佢建議投資者等恆指回落至17000點先做博反彈部署。此外，由於A股估值高過港股，若三中全會政策冇驚喜，加上缺乏上升動力，A股較難跑贏港股。 |
|
| 盧志威 |
2024-07-10T10:26 |
聯儲局主席鮑威爾(Jerome Powell)一連兩日到國會作證，佢昨日(9日)指，雖然擔心利率持續高企會危害經濟，但亦暗示唔急於今個月減息。美股昨晚已連續第2日個別發展，其中，納指已連續第6個交易六創收市新高，升勢繼續集中係「科技7雄」(Magnificent Seven)，其中，Tesla股價已連升第10個交易日，今年暫時累升5%，成功翻身。美國明晚(11日)會出通脹數據，有機會令市況波動，美股後市係咪仍然要靠「7雄」？ 潤淼資產管理董事盧志威指，直接解讀鮑威爾慨言論就係依家唔會減息，但之後好大機會減息，所以今年應該會減息1至2次，但長遠減息空間有幾多仍然未明朗，導致美國10年及30年期長債息落唔到去，已經同短息倒掛。 股市方面，William就話，納指近期都係靠「7雄」輪動不斷破頂，整體走勢仍然係向上，隨著美國非常緩慢地步入減息周期，債券表現將會好轉，此外，追短線固定收益如定存慨投資者，有可能會「出返黎」去返股市，呢個係推動股市中長期向上非常重要慨因素。 |
|
| 植耀輝 |
2024-07-10T10:17 |
耀才證券研究部總監植耀輝推介中遠海運國際(00517) 推介原因： -逢低吸納收息之選 -近年派息比率近100%，持有大量淨現金。 |
|
| 陳欣 |
2024-07-09T17:13 |
紐西蘭央行將於明日(10日)公布議息結果，市場預期，央行將連續第8次會議按兵不動。不過，紐元兌美元今個月由0.6逐步轉強至0.61以上，最新報0.612，除美元轉弱外，係咪反映市場認為當地息口會持續高企？ 連連STAR FX總經理陳欣預期，紐西蘭央行偏鷹，唔減息機會高達95%，預期可以支持紐元匯價，但紐元本身乏上升動力，主要受當地經濟疲弱及失業率回升等因素影響，短期可唔可以回升仍然係未知數。 Chase又指，睇返紐元技術走勢，0.62至0.62尾壓力好大，下方支持位暫時睇0.60尾。 |
|
| 李偉傑 |
2024-07-09T16:50 |
農夫山泉(09633)股價今日(9日)終止7連跌，一度反彈逾4%，股價之前跳水係由「618」大減價觸發，睇返農夫山泉上市後，純利連升4年，毛利率一直企穩係60%水平，內地市場爆「內捲」，集團優勢及業績可唔可以維持到？農夫山泉去年茶飲業務增長83%，係咪可以跑贏茶飲同業？ 華盛證券財富管理部董事李偉傑指，農夫山泉係數據上係有優勢，但茶飲市場競爭激烈，有唔少同業都跟隨農夫山泉推出冰杯，農夫山泉要爭取市佔率，需要加大廣告開支，但會影響未來毛利表現。 Jason又話，睇返集團過住業績，好多年都有增長，毛利率又穩定，一直維持55%至60%，未來可唔可以維持將取決於行業進入者係價格慨取態。 |
|
| 趙晞文 |
2024-07-09T16:37 |
恆生指數今日(9日)早段大市失守250天牛熊線，即17509點水平，低見17376點，不過，手機設備股逆市造好，表現強勢，到底受咩因素帶動？丘鈦科技(01478)6月手機攝像模組出貨量按年升近35%，但按月跌幅擴大，表現係咪比同業差？ 信達國際研究部董事趙晞文認為，手機設備股今日逆市升有大原因，首先係全球智能手機市場復甦，其次係人工智能(AI)手機滲透率上升，最後係主要客戶備貨量上升，令市場焦點及資金落係呢個板塊。 佢又指，丘鈦月度數據參考價值唔大，因為6月唔係傳統旺季，因此，每月手機出貨量短期會較為波動。丘鈦上半年手機攝像模組出貨量已超出公司指引逾一半，所以黎緊慨中期業績，丘鈦有機會調高全年手機攝像模組出貨量指引。 |
|
| 譚智樂 |
2024-07-09T15:00 |
截至早上11時止，過去1小時內《彭博》用戶搜尋量最多港股，依次為華虹半導體(01347)、安踏體育(02020)、新世界發展(00017)、美團(03690)及中廣核電力(01816)。 市傳台積電(TSMC)客戶基於市場需求增加而同意加價，人工智能(AI)浪潮進一步由憧憬演變成實際利好，甚至變現能力，市場憧憬產業鏈迎來超級周期，所以華虹產品亦有望加價，不過，現時華虹慨技術水平跟同業仍相差好遠，加價能力係咪較弱？ 富途證券首席分析師譚智樂認為，晶片股迎來超級周期，由於唔少科技公司打算興建科技中心，令高端晶片需求增加，令晶片企業有條件加價，不過，只限於運算力最強慨晶片企業。佢又話，內地晶片企業要追落後，唔止係價格問題，更重要係要追趕外國慨技術水平，不過，呢方面難度非常高，所以股價表現都相差好遠。 Arnold又指，短炒晶片股係幾穩陣，但潛在升幅可能有限，要完全追落後幾乎係無可能。 |
|
| 黃偉豪 |
2024-07-09T11:57 |
紫金礦業(02899)發盈喜，估計中期多賺最多50%，市場上慨熱門CALL都比較短身，約兩三個月後到期，價外約16%，行使價約20元，槓桿做到5倍至7倍，睇好紫金應該點部署？ 中薇證券研究部執行董事黃偉豪表示，現時紫金股價企係所有均線之上，基本面方面又受盈喜帶動，加上資源股亦比較正面，呢些因素都令紫金有條件再挑戰高位，揀CALL時要留意時間值損耗會愈來愈快，佢建議做短線部署，如果到價就先食糊，減少時間值損耗，依家紫金股價係17.2元水平有支持，一旦跌穿就要止蝕離場。 |
|
| 梁偉民 |
2024-07-09T11:46 |
港股近日表現弱勢，恆生指數昨日(8日)挫近300點，跌至兩個半月低位，全日成交縮到唔夠900億元，今朝(9日)開市不久更插穿250天牛熊線，雖然7月開局時表現唔錯，但恆指依家已由升轉跌，雖然今朝開市前，快手(01024)傳出回購消息，擬8月8日至明年5月30日，回購唔超過60億元股份，不過，恆指仍繼續跌，港股後市點睇？ 高富金融集團投資總監梁偉民指，回購消息暫時對港股幫助唔大，主要係出現外資明顯流走情況，A股已連續5周有走資情況，6月流走400億美元，暫時係今年最多慨月份，更拖累港股近期回調。佢又指，恆指4月開始反彈係因為市場對經濟有憧憬，但結果出黎慨經濟數據麻麻，同市場預期有落差，導致港股回落。 Wyman續指，恆指暫時仲可以守住100天線，短期相信會有支持，但大市未必可以有個明顯反彈，佢估計，恆指會橫行一段時間，投資者亦要睇實人仔走勢，因為可以左右港股大局。 |
|
| 陳鳳珠 |
2024-07-09T10:22 |
獨立股評人陳鳳珠推介信和置業(00083) 推介原因： -未來政策支持樓市發展，港島南岸第2期揚海上月創成交呎價新高 -政府推動盛事及經濟，旗下商場將投放過千萬作奧運相關活動推廣 -元朗區甲級寫字樓及商場綜合項目獲港鐵承租。 |
|
| 鄭家華 |
2024-07-08T22:50 |
粵豐環保(01381)可能獲上海A股瀚藍環境旗下瀚藍香港提出私有化，示意註銷價4.9元。 阿仕特朗資產管理董事鄭家華表示，這次私有化的前提條件，是瀚藍香港先獲廣東省國資委旗下公司，以及瀚藍環境大股東注資，變相是由廣東國資委支持私有化，相信成事機會大，而潛在私有化作價跟現價相比，仍有約12%升幅，是否值博則見仁見智。 |
|
| 梁傑文 |
2024-07-08T14:19 |
毫子股中國衛生集團(00673)昨晚(7日)公布，擬向獨立第三方收購譜天福信(天津)分子診斷技術100%股權，對價4667萬元，公司會發股支付交易，發行價0.8元，較上周五(5日)收市價折讓近15%，交易完成後，賣方持有中國衛生10.9%股權。值得留意係，目標公司去年稅前盈利只有294萬人仔，資產淨值僅760萬人仔，雖然有協同效應，但用逾6倍溢價去收購，係咩原因要「賣大包」？ 《香港股票財技密碼》作者梁傑文指，可能公司要急於做收購改善業績，如果純粹以資產淨值做一個估值，中國衛生都有係通告交代，唔單止係管理層慨判斷，亦有搵獨立估值師，公司市盈率(PE)約13倍，相信一般人都覺得高，估值約6000萬元。佢又話，用5000萬元去收購6至7倍市帳率(PB)目標公司，某程度上可以話有些離地。 不過，Mike認為呢單收購中國衛生係有著數。 |
|
| 郭思治 |
2024-07-08T10:23 |
大市自踏進7月份後，在維穩買盤扶持下已連升三日，且技術上亦初呈回穩訊號，衹是在交投持續偏疏之下，暫欠一股欲上衝之動力，而直到執筆一刻止計，本月大市之形態已初呈先低而後高，恆指暫是由2日之低位17,669點升至4日之高位18,133點，即月內之波幅暫為464點，首先，一個月之高低位是不會同時出現於三個交易日之內，加上464點之波幅亦該不能滿足月內之所需，故在本月餘下之交易日，理論上定必有更大之波幅點出現，從而擴闊月內之波幅以滿足所需，同是亦可拉闊月內高低位之距離以符合慣性之要求，嚴格來說，衹要恆指不會跌穿2日之低位17,669點，在先低後高之形態主導下，大市暫會候機往上尋月內之新高，唯一擔心的是在動力不足之下，大市之升勢會續受規限。 再看移動線方面之表現，近日恆指仍不斷反覆穿梭於18,000點左近，即技術上處反覆待變之中，期間恆指會持續反覆於10天線（約在17,923點左近），甚至會稍輕越20天線（約在18,043點左近），但在交投偏疏之下，任何技術上之突破均不宜盡信，因在動力不足之下，大市之升勢定會受規限，惟大市暫仍持續反覆穿梭於10天及20天線之間，等待突破。 拉闊一點看，今年大市暫是由1月22日之低位14,794點升至5月20日之高位19,706點，即年內大市之形態仍暫屬先低而後高，而波幅則暫為4,912點，由於4,912點之波幅相對年度看仍頗偏窄，故在今年餘下之交易日，理論上該有更大之波幅點出現，以目前恆指正反覆於18,000點左近計，即大市暫仍反覆於年內波幅之上半段（年內波幅之中位數為17,250點），論情況暫似不算太差，衹是欠朗朗而已。 |
|
| 李浩然 |
2024-07-08T10:18 |
2024年，標準普爾500指數的漲幅達到了15.3%，包括股利在內。然而，儘管看似光鮮亮麗，今年的多頭市場卻異常平淡，甚至可以說有點無聊。交易日中只有14天漲幅超過1%，2%以上的漲幅更是寥寥無幾，僅1天。下跌的日子也不多見，1%以上的跌幅僅7天。簡而言之，大起大落的戲劇性在今年的股市似乎缺席了。 歷史上，多頭市場通常就是這樣的：漲勢緩慢而穩健，不會造成太多的媒體轟動。因為它們就像是緩慢攀升的階梯，每一步雖小，卻穩穩。相較之下，熊市才是新聞頭條的常客，其波動性大，動盪不安，就像是股市的「過山車」。 以2022年的熊市為例，標普500在那一年中有63個交易日下跌超過1%，更極端的2%以上跌幅出現了23次，甚至有8天的跌幅超過了3%。然而，同年，股市也不乏大幅上漲的日子，超過1%的漲幅有59天，2%以上的漲幅有23天，甚至還有4天漲幅超過3%。這種劇烈的波動反映出市場的高度不穩定性，而這種不穩定性往往是由投資者在情緒高漲時的過度反應引起的。 儘管2024年的標普500指數整體表現平穩，但並不代表指數中的每一隻股票都經歷了相同的命運。實際上，儘管整體指數上漲超過15%，但仍有134檔股票下跌了5%以上，85檔股票的跌幅甚至超過了10%。這一現象揭示了股市回報往往集中在少數幾隻大公司股票上，而大部分股票在一年中可能會下跌，這是股市的常態。 投資時，你想「悶悶地贏，還是過足癮輸？」然而，市場的平靜不會永遠持續下去。在某個節點，激動人心的波動和不確定性必將回歸。而身為長期投資者，了解這些市場特性，能讓你在股市的恐慌或貪婪情緒氾濫時保持冷靜，不至於做出過度反應。 總之，雖然目前牛市可能讓人昏昏欲睡，但它提供了穩健上升的機會。投資人應該享受這種乏味，因為在股市的大舞台上，平淡無奇的日子其實是對資產穩健成長最好的保障。而當市場的過山車再次啟動時，那些了解市場節奏的投資者，將更有可能在波動中找到機會，並保持優勢。 |
|
| 植耀輝 |
2024-07-05T22:56 |
中遠海能(01138)預告，上半年少賺11.9%，原因是去年同期出售船舶產生近4億元人民幣收益，今年則缺乏相關收益。 耀才證券研究部總監植耀輝表示，即使撇除特殊收益，中遠海能第二季盈利亦要倒退，但跌幅已較預計中少，若下半年內地經濟增速加快，帶動整體原油需求上升，股價仍有望重上11元。 |
|
| 黃敏碩 |
2024-07-05T17:24 |
摩根士丹利發表內地燃氣行業研究報告，睇好行業整體發展，華潤燃氣(01193)股價今日(5日)逆市造好，一度升近6%，衝上逾1年高位，不過，中國燃氣(00384)股價今年以來仍要跌，其實兩家公司業務架構相似，但點解中燃股價表現差咁遠？ 註冊財務策劃師協會會長黃敏碩指，燃氣股走勢比較分化，主要睇返業務推動力，潤燃分銷業務主要集中於下游，中燃就主攻中上游業務，受惠程度亦較小，雖然股價6月底曾經反彈，但整體走勢仍然疲弱。 佢又提及，雖然中燃股息率比潤燃高，但唔代表現金流較強勁，加上市場需求唔算特別大，成個燃氣板塊年初至今都被市場冷落，今次突然有幾隻跑出只係基於個別原因。 |
|
| 關焯照 |
2024-07-05T15:19 |
港股7月開局唔錯，但恆生指數今日(5日)一度挫逾200點，過去3日慨升幅幾乎化灰，三中全會將會係7月15日至18日召開，港股下周表現係咪唔使太擔心？指數成分股之中，暫時以美團(03690)升得最靚，值博率係咪最高？ 冠域商業及經濟研究中心主任關焯照認為，恆指會有反彈，但如果期望有新一輪升勢就睇得太樂觀，最初市場對股息稅等政策有一定期望，但愈來愈覺得「冇乜野講」，所以恆指都由19700點水平回落至17700點水平，近期續受制18000關，市場會認為下星期會有風聲漏出黎，借勢掃高恆指幾百點，估計會彈到18500點左右，市況唔會太差。 美團方面，關博士就話，年初跌到60幾蚊時，之後出現一個大浪，急升至130元水平，之後落返250天線，但冇跌穿，走勢仲強過騰訊控股(00700)，如果要推上去係比較易，因為業務能見度高，亦有做回購及業績有改善，亦留意到每當恆指「郁」，美團通常會行多些。 |
|
| 梁偉源 |
2024-07-05T13:43 |
截至早上10時45分止，1小時內《彭博》搜尋量最多港股，依次為新世界發展(00017)、華潤建材科技(01313)、中國石油股份(00857)、瑞安房地產(00272)及長城汽車(02333)。 新世界同遠東發展(00036)合作展慨啟德跑道項目柏蔚森昨日(4日)開價，首批涉及60個位，其中，1房入場費係啟德區歷來最平，約376萬元，折實價亦係近8年以來最低，反映發展商去貨決心好大，到底本港樓市前景係點？ 大華繼顯執行董事梁偉源指，本港樓市「撤辣」後曾短暫反彈，成交量亦回升，但樓價未見明顯回升，加上「撤辣」效應逐步消退，唔少發展商都希望可盡快套現，利用資金減債，所以唔會高價賣樓。 佢又話，政府今季只推1幅住宅用地，涉及570伙，反映政府帶頭睇淡樓市，所以發展商冇太大加價意欲，相信未來一段時間都以減價去貨為主要目標，希望可以「一Q清袋」。 |
|
| 彭偉新 |
2024-07-05T10:18 |
獨立股評人彭偉新推介中國電信(00728) 推介原因： - 集團於上海世界移動通信大會發布5G-A行動計劃 - 憧憬三中全會推改革，中特估有望進一步上升 - 市場料集團今年收入升7.6%。 |
|
| 聶振邦 |
2024-07-04T19:12 |
港股繼續上落格局，不過，個別覆銅板產業鏈股份近日開始異動，其中，建滔積層板(01888)股價借外圍行業消息炒作，今日(4日)早段最多升逾6%，高見8.73港元。 原來有南韓高端覆銅板及銅箔供應商日前獲英偉達(Nvidia)確認產量，是次供應慨HVLP銅箔可用於人工智能(AI)加速器，簡單而言，即發展AI會增加對高端銅箔慨需求。建滔3月中慨去年業績亦提及，旗下高端覆銅板相關產品剛完成開發，正跟客戶進行全面測試，意味有機會於未來數年量產。 博威環球證券金融首席分析師聶振邦表示，台灣中低階覆銅板生產商因AI伺服器急速發展，導致產能緊張而開始加價。佢相信，未來2至3年覆銅板慨行業前景樂觀，而建滔覆銅板業務去年貢獻集團98%收入，達160億元人仔，料將受惠環球再漲價趨勢。 股價方面，聶Sir認為，若建滔後市企穩10港元以上，未來1年目標價可以睇14港元，即2020年6月慨高位。 |
|
| 陳偉明 |
2024-07-04T12:47 |
多位聯儲局官員對美國減息態度保持謹慎，聯儲局理事鮑曼甚至認為美國今年不會減息，加上日圓、歐元向下，助力美元被動走強，間接造成人民幣貶值壓力持續，拖累港股上周二(6月25日)於18,231點開始見頂回落，並於上周五(28日)跌至低見17,583點。盡管美日兩國息差繼續擴闊、日本經濟數據欠佳，美元兌日圓匯價再創下38年新高，但法國極右派上台重新執政的憂慮暫時紓緩刺激歐元反彈，加上美國關鍵通脹數據放緩，增強聯儲局年內減息的理據，美匯回落，港股於上周五(28日)開始出現弱勢反彈。 美國上周五(28日)晚公布的5月核心個人消費開支平減指數(Core PCE)按年升幅放緩至2.6%，創逾3年低位，聯儲局9月減息機會上升、美匯回落，但有聯儲銀行總裁放鷹表示判斷何時適合減息仍言之尚早，美債息繼續攀升。另一方面，美國總統大選首場辯論上拜登表現遜色，令特朗普勝算增加，市場開始憂慮特朗普一旦再度入主白宮勢必對中國貨品加徵高額關稅，並且以更激進方法打壓中國企業，中港股市雖然有人行借入國債的利好消息刺激，但在中美關係有機會進一步惡劣的情況下，港股升勢並不全面，只是集中在「中特估」類股票，恆指本周在大約18,100點以上亦明顯出現回吐壓力。 技術上，不但10天及20天線已經跌穿50天線出現「死亡交叉」的利淡訊號，加上港股自上周五(28日)開始反彈往往在即市高位出現明顯回吐壓力，反映港股目前只是弱勢反彈，不排除技術後抽後繼續向下進一步跌至17,000點。策略上，繼續傾向在恆指17,800點以上，小注Long Put 7月17,000點恆指期權。 |
|
| 陳偉聰 |
2024-07-04T12:12 |
美國總統大選首場電視辯論後，前總統特朗普(Donald Trump)慨支持度拋離現任慨拜登(Joe Biden)。 東亞證券高級投資策略師陳偉聰表示，人工智能(AI)熱潮略為降溫後，美股投資者似乎搵到下一個主題，市況開始反映特朗普勝算大增慨預期。佢指出，特朗普傾向放寬金融監管，所以美股最近炒起左銀行及金融股，工業相關股亦會受惠，Jason又話，市場估計，一旦特朗普當選將會推出更多減稅、補貼措施來吸引美國企業回歸本土開廠，支持本土製造業。此外，傳統資源股亦獲睇好。 Jason續指，因為往年大選慨前一季，美股表現普遍跑贏環球股市，睇好美股第3季繼續造好。不過，佢提醒短期有調整風險，因為納指100慨14日相對強弱指數(RSI)近日曾升至80以上慨嚴重超買水平，而縱觀過去6年，當RSI超過80後，美股通常於3個月內會調整約10%。 |
|
| 許繹彬 |
2024-07-04T11:54 |
港股經歷了「五窮月」、「六絕月」後，隨著香港回歸27年的一天短假期結束，港股正式踏入「七翻身」月。究竟七月能否如願「翻身」，相信現階段仍言之尚早，市場上亦對此話題存在信心不足的感覺，可能是因為港股在六絕月出現虎頭蛇尾的走勢，強勢股呆滯，導致成交頓然萎縮，更重返今年首季只有千億元的水平；而整體大市回調的出現，亦是在六絕月最後兩個星期發生；儘管在六絕月的最後一個交易日先跌後回升，但全個月仍跌361點，令港股最終仍難逃「六絕」魔咒。 正式踏入七翻身月，勉強來說，算是一個好開始，兩個交易日合共升了近250點，可惜大市成交未能配合，仍然只能維持在1,000至1,100億左右；值得一提的是，首兩天的交易日均曾升至18,000點附近，港股又再啟動回調機制，沽壓從四方八面湧現，令18,000點阻力重重；現階段只能昐港股能死守250天線(即17,534點)，再集氣向10天(即18016)或20天線（即18,095點）進發。 筆者認為，其實港股由六月中旬開始，氣勢已大不如前，高開低收及低開低收的情況可說是屢見不鮮。大市可能在5月份急升後出現調整，相信投資者亦覺得是正常，但多隻藍籌股在調整時創下一個月新低(如京東(09618)，攜程(09961)，友邦(01299)，阿里巴巴(09988)及港交所(00388)) ，金沙更跌至52周新低，確實令人有摸不著頭腦之感，持貨者不知如何是好。 而導致大市在六絕月中出現調整的主因，相信是由於沒有任何震撼的消息可再激活國內A股及港股上升；加上，人民幣的走勢於此期間突然疲態盡露，跌至1年新低；此跌勢除令北水刺激港股成交力度受阻外，內地經濟及內房問題更會因而被阻慢復甦步伐，令曾一度再投放資源的外資，因而在眾多不明朗因素下，產生卻步，影響其投資額度，甚至先行獲利離埸，持盈保泰。 除上述因素外，港股更遭受雙重打擊的情況，因為一直傳出七一前或會有相關利好港股政策出台，包括港股通的股息稅減免等，惟暫時仍只聞樓梯響，更可謂隻字不提。在內外夾擊下，令近日港股的前景大打折扣，成交萎縮，投資者唯有默默接受。預計短期大市在國內未有切實的措施可推出，及成交金額有所改善下，港股難以企穩在18,010點(10天線)以上或較高水平，而唯有希望在低成交下，仍能死守17,534點(250天線)。 投資者未來可寄望7月中旬召開的三中全會政策方向，屆時會否加大力度支持久病未癒的內房及挽救疲弱的貨幣，以及有否一系列的振興經濟措施出台，建議投資者靜觀其變。而中特估在今年不論市好市壞，亦能表現堅固，如再推出利好大市的政策出台，相信只會令中特估如虎添翼，建議投資者不妨多加留意中國平安(02318)的走勢。 |
|
| 阮子曦 |
2024-07-04T10:21 |
華富建業證券投資策略聯席總監阮子曦推介特海國際(09658) 推介原因： - 拓展海外分店將形成規模效應，提升盈利水平 - 海底撈(06862)CEO楊利娟調任為集團管理層。 |
|
| 趙晞文 |
2024-07-03T22:43 |
市場消息指，李寧(02331)主席或公司大股東非凡領越(00933)正考慮增持股權，不排除與私募基金聯手。 信達國際研究部主管趙晞文表示，市場早於三月，曾傳出李寧或被私有化，今次再傳大股東可能增持股權，雖然空穴來風，但大股東持股僅約10%，加上目前融資利率不低，若要大手增持股權，涉及成本不輕，現階段看未必成事。 |
|
| 林嘉麒 |
2024-07-03T17:48 |
世界人工智能大會(WAIC 2024)將於明日(4日)至周六(6日)舉行，市傳商湯(00020)將於大會上發布新版大模型「日日新5.5」，刺激股價今日(3日)抽升17%，衝上近兩個月高位，最新成交已逾30億元，點睇發布大模型對股價慨刺激作用？商湯股價可唔可以衝得更高？ 元宇證券基金投資總監林嘉麒指，商湯曾提及「日日新5.5」對比OpenAI 4.0 Turbo版本，運算能力更高，市場開始了解「日日新5.5」版本點解咁快推出，估計係出現技術突破，甚至邏輯運算能力可能全球最快，若新版本做得好，股價一定有上升動力。 商湯就快出半年業績，根據過往經驗，公布半年業績後股價都會有一輪炒作，KK估計，商湯今年上半年業績將較去年同期明顯改善，不過，佢唔建議呢段時間高追，因為股價有機會雙頂回落再抽升，長線有能力破頂，短線亦值博，但回調空間比上升空間大，唔可以期望個頂一直升穿，除非消息面非常強勁，做短線部署亦水位有限。 |
|
| 莊志雄 |
2024-07-03T16:16 |
美債息持續高企，美股亦長期處於高位，如果美國聯儲局年底先開始減息，幾時開始反映係股市上？債息升到咩水平，美股先會出現跌市？ 「股市漁夫」創辦人莊志雄指，標普500指數及納斯達克100指數依家企係高位，但其實美股有近60%股份已跌穿50天線，表現兩極化，造得好慨股份帶領指數破頂，表現差慨股份就股價大林，以Nike為例，集團出完業績股價就大跌，仲錄得23年最大跌幅。佢又話，受經濟疲弱拖累，或公司本身有問題，當呢些公司一出業績，股價就隨即急挫，其中又以中小型股最受債息影響。 Lewis又話，過往經濟好慨時候，債息升，標指就會跟升，不過，2022年後，債息升，標指就會跌，若美國10年期債息升至4.6厘，就會對標指造成壓力，投資者要留意美債息升至4.6厘後會唔會爆升。 |
|
| 彭偉新 |
2024-07-03T15:01 |
截至早上10時45分止，1小時內《彭博》搜尋量最多港股，依次為中金公司(03908)、建設銀行(00939)、碧桂園(02007)、萬科企業(02202)及中國海外發展(00688)。 內地券商龍頭中金慨前景，無可避免都要睇住A股，但內地股市近期氣氛麻麻，上證綜合指數續受制於3000點關口，內地新股市場上半年都幾淡靜，只有44隻新股上市，集資額僅約320億人仔，遠低於去年同期，似乎中金今年盤數都唔會好？ 資深證券分析師彭偉新指，A股弱勢一定對內地券商造成負面影響，依家市場憧憬三中全會有改革政策出台，加快內地券商透過聯動機制，加大海外業務運作，成為券商股短期利好因素，但呢個只係短期炒作，最終有冇政策出台仍然係未知數。 Castor又話，中金股價近日跌至保歷加通道底部，技術上有機會出現反彈，但反彈幅度未必足以收復呢浸失地。 |
|
| 郭家耀 |
2024-07-03T11:22 |
獨立股評人郭家耀推介江西銅業股份(00358) 推介原因： - 銅需求面出現結構性增長。 |
|
| 盧志威 |
2024-07-03T11:16 |
美國電動車龍頭Tesla第2季交付量超預期，刺激股價昨晚(2日)收市大升10%，Tesla上季交付約44.4萬架電動車，按年跌近5%，已連跌兩個季度，跌幅細過預期，但按季增長近15%，係咪反映Tesla業務已見底？想買車股Tesla係咪首選？ 潤淼資產管理董事盧志威指，可以從兩個層面睇Tesla，首先集團交付量按季見底回升係好事，亦係股價向上慨主因，其次係睇內地市場增長放緩問題，主要係有太多唔同品牌慨電動車推出，市場仍未完成整合，但Tesla勝在係巨無霸，加上生產成本較低，如果打價格戰，Tesla有一定優勢。 William又認為，汽車股龍頭始終係Tesla，即使業績短期唔好，但仍值得考慮，內地市場方面，如果想穩陣些都係揀返比亞迪股份(01211)，因為行業完成整合後，價格有望回升，長遠仍然睇好。 |
|
| 趙晞文 |
2024-07-02T17:20 |
Tesla概念股力勁科技(00558)出左全年業績，雖然少賺9%，收入及毛利都要跌，但派息增加，帶動股價一度衝高近14%，高見3.64元。雖然集團主要市場內地收入去年下跌，但積極拓展海外市場，業績亦提及「全球化2.0戰略」初見成效，其中，北美洲收入增長近10%，中南美洲更近乎倍升，不過，始終佔比仍然好細，暫時係咪好難靠海外市場帶動整體收入及盈利增長？ 信達國際研究部董事趙晞文指，基數的確太低，北美洲、中南美洲及其他國家各自收入都唔夠5億元。集團營運方式亦要跟隨客戶步伐改變，依家唔少車企係歐洲有業務，車廠造車必需用壓鑄機，睇返地區收入分布，內地佔77.1%，相信呢個比例唔會有好大變化。 晞文又話，力勁股價好難再上，唔排除出完業績後，有機會調低收入及盈利預測，限制了股價收復空間，又估計3.7元至3.8元阻力會較大。 |
|
| 李偉傑 |
2024-07-02T16:38 |
吉利汽車(00175)慨極氪(Zeekr)賣得唔錯，吉利亦上調全年銷售目標，由190萬部調高至200萬部。值得留意係，極氪全年銷售目標係23萬部，上半年就賣左8.7萬部，意味下半年每個月平均要賣到2.37萬部才達標，吉利全年銷售目標200萬部係咪講大左？還是真係有機會達標？ 華盛證券財富管理部董事李偉傑指認為，吉利今次上調銷售目標係合理，因為臨近年中預訂會增加，睇返過往數據，吉利每年平均賣150萬至200萬部。佢又話，雖然極氪下半年平均每個月賣到2.37萬部車先可以達標，但極氪第1季度以來，銷售持續增長，相信全年銷售仍有望達標。 Jason又認為，吉利唔一定完全靠極氪食糊。 |
|
| 郭思治 |
2024-07-02T15:26 |
6月大市差不多由頭跌到尾，恆指是由5日之高位18,724點跌到28日之低位17,583點，即月內之波幅已稍擴闊至1,141點，論波幅確相對為細，但在交投持續偏疏之下，好淡雙方均多抱觀望，故在買賣兩閑之市況中，大市之波幅相對較細，而經過6月下旬之反覆回落後，恆指已正式跌穿50天線（約在18,181點左近），20天線（約在18,132點左近）及10天線（約在18,027點左近），單從技術上看，大市已漸呈欲試底之弱態，而所指的底，暫該為250天線（約在17,539點左近），惟此防線一旦有失，則另一個技術支持將退守至100天線（約在17,318點左近。 踏進7月份，大市能否扭轉目前之弱態，當需視乎資金之入市態度而定，但從近兩周之市況看，資金之入市態度確越來越保守，故在買盤薄弱下，衹要零碎沽壓稍作主動，大市已可在反覆中不斷試底，惟大市表現確已轉弱，但衹要稍有利好消息出現，大市可能又會有較明顯反彈，而恆指亦可伺機重越10天線，20天線及50天線，但即使大市能偶作推升，但如動力不能配合，則升勢又會漸受規限，即屬於有波幅而冇升幅，有反彈而冇大升之技術性後抽而已，至於7月上旬大市之形態屬先高或是先低暫仍難推算。 今年首兩季大市之形態仍暫屬先低而後高，恆指暫是由1月22日之低位14,794點升至5月20日之高位19,706點，即年內之波幅暫為4,912點，而自5月20日高位19,706點開始之回調，至6月28日低位17,583點止計，恆指累積之跌幅為2,123點，相對升幅為4,912點計，即大市已回調升幅之43%，以跌幅計暫仍屬健康調整，衹是大市如在7月上旬再進一步受壓，則情況會令人較擔心，故大市如欲擺脫反覆續尋底之弱態，首要之條件是恆指必需成功重越10天線，20天線及50天線並穩守此三組平均移動線之上。 |
|
| 譚智樂 |
2024-07-02T13:59 |
截至早上11時止，1小時內《彭博》用戶搜尋量最多港股，依次為龍湖集團(00960)、華潤置地(01109)、中國石油股份(00857)、建設銀行(00939)及中國海外發展(00688)。 內房龍湖上周五(6月28日)公布，已累計從公開市場購回兩筆美元債，涉資逾6.2億美元，據報龍湖日內亦兌付1筆逾過26億人仔慨商業抵押擔保證券(CMBS)，前後累計一次過償還逾70億人仔債券，截至去年底止，集團負債比率55.9%，未見明顯改善，手頭現金逾600億人仔，今次一口氣還70億人仔，算唔算有驚喜？ 富途證券首席分析師譚智樂指，龍湖係過去1年努力還境外債，令市場相信公司有良好資產負債表，若龍湖債價穩定，會令市場有返信心。佢又話，內房股今日(2日)升勢凌厲，主要係憧憬三中全會將推出救內房政策，所以圍繞呢件事炒作。 人仔走勢方面，Arnold指出，人仔已迫近52周低位，市場觀望中央會唔會出手托價，短線留意會唔會出現技術反彈，但要轉勢就要等更多具體政策出台。 |
|
| 黃偉豪 |
2024-07-02T12:25 |
多家內地車企出左6月銷售數據，表現普遍唔錯，其中，理想汽車(02015)上月交付量按年增長46%，集團又指，第2季以來已重登新勢力品牌銷量榜首位，理想股價今朝(2日)曾升8%，高見75.95元，理想CALL慨窩偏高，但牛證選擇唔多，應該點部署？ 中薇證券研究部執行董事黃偉豪指，今日(2日)明顯係炒交付量數據，理想股價已持續弱勢一段時間，6月汽車交付量增長46%，雖然冇以往高峰期以倍升咁誇張，但都係一個唔錯慨回暖訊號，所以帶挈股價顯著造好。 Ravi又話，CALL輪慨條款唔太吸引及合適，雖然今日理想股價反彈，但可唔可以展現強勁升勢，要留意呢兩日企唔企得穩20天線，建議投資者可以先觀望，如果股價企穩20天線，再博好倉比較合適。 |
|
| 梁偉民 |
2024-07-02T11:41 |
內地多家車企出左6月銷量及交付數據，大部分表現都唔錯，其中，比亞迪股份(01211)上月銷量逾34萬部，按年增長35%，蔚來(09866)交付量逾2.1萬部，按年大升近1倍，創新高，理想汽車(02015)交付量逾4.7萬部，按年增長逾46%。如果想買車股，係咪繼續揀龍頭比亞迪？還是可以考慮其他車股？ 高富金融集團投資總監梁偉民指，睇好比亞迪會持續強勢，又認為減價戰有機會持續至明年，甚至更長時間，當要打大型價格戰時，有大規模廠房慨車企有更大優勢，比亞迪絕對有規模優勢，亦係市場公認慨「一哥」，所以一定係首選。 Wyman又解釋，雖然理想、蔚來、小鵬等近期表現唔錯，其中，蔚來更特別標青，但佢認為，要留意蔚來交付量其實只有逾2萬部，本身風險又高，未必可以持續係市場生存到。 |
|
| 黃敏碩 |
2024-07-02T10:19 |
註冊財務策劃師協會會長黃敏碩推介ASMPT(00522) 推介原因： - 熱壓焊接業務持續增長。 |
|