| 評論員 |
時間 |
內容 |
標籤 |
| 陳鳳珠 |
2024-10-29T10:04 |
獨立股評人陳鳳珠推介華潤啤酒(00291) 推介原因： -料毛利擴張及經營支出控制下，利潤增長仍正面 -集團續推展高端啤酒。 |
|
| 鄭家華 |
2024-10-28T22:49 |
海昌海洋公園(02255)澄清，並無出售資產的計劃，另外，控股股東不時審視進一步優化股東結構的機會，但目前沒有就股權出售達成任何協議。 阿仕特朗資產管理董事鄭家華表示，海昌海洋公園的回應，並無直接否認，中旅集團洽購公司大股東股權的傳聞，但現階段難以評估成事的機會及出價，不過若日後再傳出相關消息，估計對股價仍有短者刺激。 |
|
| 聶振邦 |
2024-10-28T18:14 |
內地手機品牌VIVO、華為、小米集團(01810)市場份額分別排首3位，力壓蘋果公司(Apple Inc.)慨iPhone。第4季係內地智能手機品牌推出旗艦機型高峰，旗艦新產品會採用最新晶片，估計競爭會更激烈。小米明晚(29日)會舉行新機發布會，屆時小米15系列將會亮相，係多機齊「發」下，會唔會引爆換機潮？小米15系列對集團盈利會有幾大貢獻？ 博威環球證券金融首席分析師聶振邦指，由於買手機佔市民收入唔多，所以換唔換機未必同收入及經濟前景有太大關係。唔少手機生產商揀第4季推出旗艦手機，主要係睇準企業年尾派花紅，以及市民係春節假期消費意欲較強，有助帶動手機銷情。 聶Sir又話，若消費者本身已經係小米用家，「轉會」慨機會一般唔大，對比Apple、三星(Samsung)慨手機，小米15系列售價由4599人仔起跳，性價有一定吸引力。 |
|
| 梁傑文 |
2024-10-28T16:39 |
今日(28日)有多隻內房、物管股復牌，包括力高集團(01622)、力高健康生活(02370)、新明中國(02699)，係咪同中央不斷出招撐內房，令呢些公司銷售及經營回暖，繼而符合到復牌條件有關？力高及力高健康今日復牌股大林，但新明一度狂飆3倍，呢幾隻股份買唔買得過？ 《香港股票財技密碼》作者梁傑文認為，除左刺激樓市措施，市場對股市重拾信心都係原因之一，早前，港股成交一度高達4000億元，雖然近期回落，但仍有近2000億元，市場見到港股仲有一定成交，A股又反彈，對股市慨憧憬就返黎，唔排除投資者會借助現時慨投資氣氛，進行集資或融資以解決資金鏈困難。 Mike又話，新明中國股價彈高，係因為停牌前經歷大跌，由於公司市值細，就吸引資金流入博反彈。佢續指，如果諗住短炒，就未必需要睇基本面，相反，若打算長楂，建議留意返公司管理層質素，因為有可能影響財務狀況或管治。 |
|
| 郭思治 |
2024-10-28T10:14 |
大市已開始步入10月份之尾聲，故即月期指轉倉及結算等相關活動將漸主導大局，直到執筆一刻止計，本月大市之形態仍暫屬先高而後低，恆指暫是由7日之高位23241點跌至17日之低位19,977點，即月內之波幅已達3,264點，由於波幅已不算小，該已可滿足月內之所需，加上本月恆指高低位之距離亦可符合最低之慣性要求，故整個大市卒止跌並稍作技術性之後抽，在維穩買盤扶持下，大市續回升至23日之高位20,942點，即技術上已回升965點，惟由於高台買盤態度漸呈保守，故大市開始進入反覆整固之中，而直到目前一刻止計，整個大市暫仍持續反覆上落於19,977點至20,942點之間，等待變化，由於方向不明，故投資者多抱觀望，而成交金額亦因而漸見萎縮。 經過近周之明顯反覆後，移動線方面之表現亦稍見反覆，由於10天線（約在20,541點左近）已跌穿20天線（約在21,015點左近），加上恆指現已跌穿上述兩組平均移動線，故整個大市不但已擺脫續尋頂之趨勢，且亦漸進入大幅急升後之正常消化及回吐中，而自10月7日高位23,241點開始之回調，技術上仍在延續中，初步看，需待10月期指結算後及美國總統大選明朗後，大市之表現才有機會漸趨明朗，而最關鍵仍需視乎中央政府何時再推出刺激經濟及股市之政策，因直到目前止計，市資對此仍抱有憧憬，由於是潮升市是由政策所主導，並非由實體經濟所帶動，故到最後，仍需等待中央之政策。 大市經過連續四年先高後低之弱態後，今年終扭轉成先低而後高，直到目前止計，今年恆指暫是由1月22日低位14,794點升至10月7日之高位23,241點，即年內之波幅是上升8,447點，單以波幅計當已不算小，但由於大市雖稍見反覆，但恆指暫仍穩企於20,000點之上，故單從走勢上看，大市暫衹屬大幅急升後之正常回吐而已，一旦資金再度入市，大市可能又會候機湧上，至於能否在年底前試頂或穿頂，則需視乎動力能否配合。 |
|
| 李浩然 |
2024-10-28T10:01 |
長期投資者常被貼上「永遠的樂觀者」的標籤，但這個標籤值得深思。 首先，先從數字的角度切入。歷史數據顯示，儘管市場經歷了無數次的下跌和泡沫，長期來看，股市整體呈現上升趨勢。在20世紀，美國經歷了兩次世界大戰、經濟大蕭條、數十次經濟衰退，但道瓊斯工業平均指數從66點上升到近11,500點。而在21世紀，美國又經歷了三次重大戰爭、911事件、三次經濟衰退、以及疫情封鎖，然而道指今年曾升至43,000點以上。 然而，市場的風雲變幻莫測，任何投資者都無法預知未來的每一次波動。未來二十年內，投資者可能會經歷兩至三次經濟衰退，三至四次熊市，甚至可能面臨巨大的市場崩盤或金融危機。正如《Devil Take The Hindmost》這本書揭示了投機失敗的歷史，從17世紀的原始股市到南海泡沫、鐵路狂熱、1929年崩盤和1980年代的日本經濟泡沫。人性的貪婪與恐懼在每一次市場波動中都得到了淋漓盡致的展現。 學習壞時光的歷史——戰爭、經濟衰退、金融危機和市場崩盤——往往提供最好的教訓，因為它提醒投資者必須保持謙遜。沒有人能從牛市中學到什麼，真正的考驗往往發生在困難時期。 面對不確定性，筆者選擇保持樂觀，但絕不盲目樂觀。市場有漲有跌，但長期來看，積極的投資心態與穩健的策略往往能帶來令人滿意的回報。當然，這其中難免夾雜著一些幽默和諷刺，例如在市場高漲時那種「買高賣低」的心理迷思，真是讓人哭笑不得。 透過回顧歷史上的金融危機、戰爭以及其他突發事件，我深刻體認到，真正的投資智慧來自於對「壞時光」的理解與因應。正如「股神」畢非德在2008年《紐約時報》的專欄中所言，儘管經歷了無數次的動盪，股市依然在長期中表現良好。這不僅是因為經濟的韌性，更是因為人類不斷追求進步與創新的精神。 雖然筆者傾向長期樂觀，但並不代表對市場風雲變幻視而不見。正是這些起伏與挑戰，塑造了更為穩健與成熟的投資人。在這個充滿不確定性的時代，只有保持數據驅動的理性分析，加上一點點幽默與諷刺，才能在投資的道路上走得更遠、更穩。惟無論如何，在漫長的時間軸上，樂觀與堅韌肯定是每個投資人不可或缺的特質。 |
|
| 植耀輝 |
2024-10-25T22:43 |
長城汽車(02333)第三季收入升2.6%，盈利倒退7.8%。 耀才證券研究部總監植耀輝表示，內地推出汽車以舊換新、汽車下鄉等政策，但長汽上季盈利不升反跌，確實令人失望，加上內地汽車市場競爭仍相當激烈，公司前景並不吸引。 |
|
| 黃敏碩 |
2024-10-25T18:00 |
近期強勢慨藍籌車股吉利汽車(00175)，股價今日(25日)午後一度升9%。有內媒報道，吉利下周三(30日)將會發布新一代「雷神超級電混技術」，新技術會為公司帶黎咩優勢？ 王道資本及家族資產管理執行董事黃敏碩認為，吉利新技術比同業有更大進步，而市場亦逐漸留意混能車發展，吉利作為傳統車企，本身有相關經驗，所以市場睇好吉利發展混能車。佢又指，若吉利能成功推動混能車，相信未來會令現有車款具正面優勢。 Michael又稱，吉利旗下極氪(Zeekr)及領克(Lynk)銷量一直行先，但搭載混能技術慨「銀河」就近期後發，今年首9個月銷量按年大升2.5倍，係三路齊發下，值得留意唔同品牌慨市場定位同埋市場認受性，亦唔好忽略出口方面慨表現。 |
|
| 關焯照 |
2024-10-25T16:45 |
受惠於中央自9月底頻頻出招救市，恆生指數曾衝上23000點，但之後無以為繼，更一度失守20000點。美國總統大選已進入倒數階段，選情及結果點影響港股後市？ 冠域商業及經濟研究中心主任關焯照認為，港股衝高後回調慨幅度比預期大，有機會係炒港股慨投資者係大市仲升緊時已經獲利離場，然後再吼低位買貨，令港股冇辦法再衝高。佢又話，未來兩周會有美國大選及議息會議等事件，所以港股要等2至3周後，先可以掃除不明朗因素，估計11月中前，港股會係20000點至21100點上落。 關博士續指，內地未來有機會再出大招救經濟，恆指年底前有機會上試21600點，即較現水平仲有約5%上升空間，明年就要留意可唔可以衝破22700點，呢個亦係過去2至3年慨阻力位。 |
|
| 梁偉源 |
2024-10-25T15:31 |
截至早上11時止，過去1小時內《彭博》用戶搜尋量最多港股，依次為中國鋁業(02600)、信義光能(00968)、華潤電力(00836)、小米集團(01810)及地平線機器人(09660)。 鋁業股今日(25日)係基本金屬當中特別弱，有大行提過擔心供應擴張，導致鋁價跌，但又有分析睇好水力發展會提升鋁慨需求，鋁價未來會點走？中鋁下周二(29日)會派季度成績表，鋁價上季升勢持續，中鋁盈利係咪值得憧憬？ 大華繼顯執行董事梁偉源表示，鋁價唔同金價或銅價會明顯受單一因素影響，其實有唔少因素都可以影響鋁慨供應及需求，鋁價近排比較牛皮，係每噸2500至2700美元水平徘徊，所以鋁業股慨股價近期都變化唔大。 業績方面，Steven認為，中鋁未必可以維持到第2季慨表現，而係近期鋁價走勢平平下，相信中鋁股價仍會持續牛皮一陣，暫時唔會出現太大突破。 |
|
| 聶振邦 |
2024-10-25T12:08 |
美股3大指數昨晚(24日)個別發展，其中，道指已連跌4日。早前，道指升唔停，科技股又落後，但呢幾日情況似乎逆轉，美國總統大選已進入倒數階段，雖然美股走勢仍偏強，但係咪仍有資金輪動情況？有民調顯示，特朗普(Donald Trump)暫時佔上風，但其實同賀錦麗(Kamala Harris)支持度唔係相差好遠，大選結果對後市又有咩影響？ 博威環球證券金融分析師聶振邦認為，市場資金從傳統金融股轉投科技股，唔一定完全因為總統大選，亦有可能同孳息率變化有關。佢又話，道指仍企係40000點樓上，始終係較高水平，所以投資者會比較謹慎。 聶Sir又指，若特朗普勝選，市場預期，會利好美國經濟表現，對美股後市亦有較大支持。睇返依家慨選情，似乎市場對特朗普有較大期待，因為佢慨政策及言論不時會為市場帶黎驚喜。另一方面，市場亦期待俄烏戰爭同以巴衝突係特朗普上任後，可能有突破性發展，因此，若特朗普再度入主白宮，相信美股走勢會較樂觀。 |
|
| 彭偉新 |
2024-10-25T10:36 |
獨立股評人彭偉新推介新奧能源(02688) 推介原因： - 內地燃氣股進入冬季後，料整體燃氣需求回升，整體走勢有望向好 - 股份再受北水投資者關注，北水持股佔比。 |
|
| 植耀輝 |
2024-10-24T17:58 |
Tesla業績表現亮麗，帶動股價於美股昨晚(23日)延長交易時段一度抽升12%，但在港上市慨概念股未見異動，電動車股更要跟大市跌，Tesla擬明年上半年開始生產市傳慨Model 2，呢款車會唔會左右Tesla未來股價走向？相關概念股又可唔可以受惠？ 耀才證券研究部總監植耀輝指，Tesla今次重申要生產更平價慨車型，可以低至20000美元一架，一旦開始生產，受規模效應影響，相信首一、兩批新車會壓低Tesla毛利率，睇返今次呢份業績，毛利率升得咁好係因為成本開支減少左，亦唔排除Tesla之後靠呢招提升毛利率。 至於Robotaxi，佢指出，要睇明數據係咪真係達標，同埋技術方面有冇突破，如果之後Tesla股價可以保持升勢，相信相關概念股都可以受惠，短線炒上去亦唔出奇，但Tesla概念股慨股價仍處於低位，建議睇定些再做部署。 |
|
| 陳偉明 |
2024-10-24T12:37 |
自從聯儲局於9月19日大手減息0.5厘後，美國經濟軟著陸機會上升，美國道瓊斯工業平均指數、標準普爾500指數及納斯達克指數亦持續向上破頂，美國短期債息及美匯回落，利好新興市場表現，當時無論日本、韓國、台灣、新加波、印度，甚至越南股市亦造好。雖然中港兩地股市亦受惠美國大手減息回升，但始終跌勢已久，並未獲市場場關注。 正當市場一如以往認為中港兩地股市只是「死貓彈」格局，有反彈、冇升勢，恆指18,000點以上很大機會再度出現回吐壓力，內地意外地在9月24日放大招減息、降準、救股樓，中港股市隨即 瘋狂飆升，並且大幅跑贏外圍股市，恆指924當日急彈逾700點升穿19,000關，其後在10月7日最高升至23,241點，期內最多曾升4,994點或27%。由於科網股並非內地「組合拳」救市力撐對象，加上中美科技戰升溫，不少分析睇淡中港科網版塊，但諷刺的是科技指數由9月24日至10月7日期間最多曾升1,753點或47%，表現冠絕全球。 各大行在恆指向上突破2023年1月22,700點高位後，紛紛轉軑調升中港股市目標，無視美國就業數強勁，繼續大手減息0.5厘的預期降溫，以及中東局勢緊張和AH股溢價大幅收窄等利淡因素，而且所謂的利好消息已經在內地國慶假期間偷步反映在港股身上，結果恆指於前周二(8日)A股復市、北水重臨當天在超過6,200億港元的破紀錄成交額下急瀉近2,200點，並且在前周三(9日)再跌近300點。 港股在A股10月8日復市後，兩日內暴瀉近2,500點跌至低見20,190點，前周四(10日)曾經偷步炒財政部於前周六(11日)的新聞發布會會推出明確規模的增量財政政策，加上人行宣布啟動「證券、基金、保險公司互換便利」(SFISF)的消息，恆指一度反彈近1,000點，升至高見21,622點。 然而，美國9月通脹全線超預期，聯儲局11月大手減息0.5里的預期持續降溫，美匯強勢、人仔受壓，拖累港股回落，加上內地通縮風險未除、進出口數據差過預期、內地擬對中國超級富豪徵收海外投資收益稅、內地住建部記者會無驚喜等利淡因素，恆指於上周四(17日)曾跌穿兩萬關，低見19,977點，港股成交金額亦開始回落至2000億港元以下。 中國第三季國民生產總值(GDP)按年增長及「三頭馬車」(消費、投資及出口)數據均見改變，加上人行預告減息降準，而「證券、基金、保險公司互換便利」(SFISF)正式出台沖喜，中港股市上周五(18日)出現明顯升勢，恆指一禐反彈近900點，升至高見20,952點。然而，部分救市措施落實執行，欠缺驚喜，港股上周五(18日)反彈後很快回歸平靜，恆指本周初只是在20,380至20,942點，大約600點內的波幅窄幅徘徊，而港股成交金額於本周二(22日)更回落至低見1,548億港元水平。 看來大市正等待11月5日美國總統大選、11月8日美國聯儲局議息及人大常委會11月初通過追加預算後才再次出現明顯突破，而筆者傾向港股短期內先向下尋底，不排除恆指會跌穿大約19,700點後，在11月才轉勢向上回升，而中港股市將會由瘋牛變慢牛。策略上，可考慮在恆指20,800點以上，小注Long Put價外1,000點兩星期內到期的恆指每周期權。 |
|
| 許繹彬 |
2024-10-24T10:23 |
屈指一算，傳統的股災月還有一星期便過去，如以昨天全球重要股票市場的收市價作統計，十月股災的魔咒應該慶幸沒有應驗；道瓊斯工業平均指數在十月創下歷史新高而納斯達克指數則創下52周新高，比較沉寂的中港兩地股市在本月同樣創下52周新高(上證綜合指數高見3,674點及港股高見23,241點)，除非十月餘下交易日存在任何變數，否則全球股市在十月可以用「歌舞昇平」來形容。 談回港股，儘管現時仍處於20,000點以上的水平，但自過了十一長假時創下23,241點高位後，在港府發表的施政報告內沒有提及任何寬減印花稅或各項金融相關措施，再加上國家再無推出實質的救市方案下，港股不論升勢及成交均呈現無以為繼的狀態，點數已在本月高位回落至20,500點附近，而成交在本周二(10月22日)更進一步回落至1,548億元，暫為近一個月來最少；即使人行在上月尾使出的「連環拳」救市措施其中一項支持資本市場的證券、基金、保險公司互換便利（SFISF）在周一(10月21日)首次進行，但對中港兩地股市沒有特別大的刺激，只是橫行待變格局。 即使昨天(10月23日)港股有所反彈，但成交則仍不足2,000億元，而指數則在升穿20,800點時明顯乏力，最終只能退守在20,600點(即10天線)；由於大市短期內再沒有任何新衝擊，令恆指步履開始變慢，波幅亦開始縮小，因而令人信心動搖，亦屬正常反應。 筆者認為，港股自9月底急速反彈至今，儘管曾急升至超過23,000點水平，成交更曾創下超過6,000億元的亮麗歷史佳績，如用以上數據及用常理推算，理應是開戰牛市之旅；但如用理智細心再分析，港股在過往三年的低殘及低迷往績下，根本並無圖表及數據可以用來推算；而能夠將成交及點數在短時間內推至頂峰，相信當中不乏有夾淡倉及夾沽空盤而來，才會產生較早前難以置信的成交。 再回想今年5月時的情景，港股亦是受惠於國內使出一系列的救市措施，指數因而曾作出極地反彈，一度由四月的16,044點反彈至五月高位19,706點，高低位亦相差3,700點左右，而成交亦由不足800億元急升至超過2,000億元，當時外間憑數據及圖表推論，均認為港股未來應該有所作為；可惜，當然是理想美好現實殘酷，港股在利好消息無以為繼下，令其再度急速調整至近16,000點水平，而成交則降至不足800億元，前景又再令人大跌眼鏡。 時至今日，港股現行的情況是否有如五月的翻版，仍有待確認；但投資者如再細心想想，中港兩地股市有如一個病入膏肓的病人，即使終於有靈丹可服用救治，亦需要時間去觀察此靈丹是否服後可將病毒掃除，令病情治癒，而整個觀察期定必會遇到一定的考驗；現階段中港兩地股市相信正正受到一定的考驗，其中一樣人民幣匯率突然又變得疲弱，美元兌人民幣在上月股市急升時，曾一度升穿7算水平；但現今在兩地股票市場膠著時，其匯率則再次跌穿7.13，此水平無疑令內地很多資本變得萎縮，相信亦是國內股票市場其中一個痛點；在國內股市走勢欠佳下，港股呈現反覆及回調亦屬正常反應。 除以上因素外，令港股舉步維艱的原因，就是升到如此水平下，不少企業趁高位相繼配股，據統計，單由10月截至上周五的12個交易日，已有13間主板上市公司加入抽水潮，總集資額共涉逾46億元；此舉對上市公司來說，苦等三年，終有機會配股集資用作改善或優化公司營運，實屬自然反應；但從投資者角度而言，則每分每秒擔心自己所持的股份會否掉進抽水池，因而令其投資策略變得保守。 |
|
| 阮子曦 |
2024-10-24T10:17 |
華富建業證券投資策略聯席總監阮子曦推介京東物流(02618) 推介原因： - 業績持續改善，市場正預期公司第3季營收及盈利，分別增長6%及30% - 集團已積極拓展非京東母公司，即其他客戶的訂單。 |
|
| 羅尚沛 |
2024-10-23T22:47 |
新東方(09901)第一季度經調整盈利增長39.8%，預期第二季度收入介乎8.51至8.71億美元，略少於市場預期。 銀河證券業務發展董事羅尚沛表示，新東方核心業務有穩健增長，但旗下東方甄選(01797)會拖後腿，估值上會打折扣，建議公司應撇清與東方甄選的關係。 |
|
| 莊志雄 |
2024-10-23T16:04 |
美國總統大選下個月就舉行，據博彩公司賠率顯示，特朗普(Donald Trump)暫時勝算較大，市場都拿特朗普2016年勝選那次作為炒作參考，各類資產價格走勢都好相似，「Trump Trade」效應係咪繼續有得炒？ 「股市漁夫」創辦人莊志雄指，睇返博彩市場，特朗普10月之後勝算增加左，接近63%，但呢個只可以反映特定某個族群慨取態，炒美股要睇闊些，睇返各類資產價格表現，特朗普2016年第1次參選時，各類資產係係佢當選後先有反應，今次市場算係偷步炒，因為特朗普勝算高些，大部分資產價格走勢同2016一樣，地區性銀行指數跑贏標普500，30年期美國債跌5%，只係金價同當年走勢唔同，今次係有得升。 Lewis又話，睇埋羅素2000指數，長倉倉位已升至阻力位，亦抽升過兩次，如果想繼續部署受惠於減息慨中小型股，就要小心聯儲局未來慨減息幅度，係咪仲有咁大減息空間，因為依家仍處於淺度減息周期，但市場就炒緊未來會減更多，踏入深度減息周期，不過，唔排除美國經濟狀況會再惡化，投資者必須小心部署。 |
|
| 彭偉新 |
2024-10-23T14:52 |
截至早上10時45分止，1小時內《彭博》搜尋量最多港股，依次為周大福(01929)、華潤飲料(02406)、美團(03690)、小米集團(01810)及中國聯通(00762)。 周大福第2季零售值大跌21%，跌幅大過同業六福集團(00590)，不過，同店銷售跌幅就冇咁大，金飾銷售大跌近25%至36%，對應返今年金價30%慨升幅，金飾跌幅都符合金價走勢，但股價係業績後都有得升，一度大升10%，點解會升得咁靚？ 資深證券分析師彭偉新指，依家慨問題係金價升得太急，都擔心會有「摸頂」慨情況，加上市場唱好金價，冇增加市場買金需求，反而令唔少人買金意欲細左，令周大福受慨負面影響更大。 佢又話，周大福股價今日(23日)走強，相信同公司指整體關舖率未來幾季將會減慢有關，反映行業經過整合後逐步有回穩，但基於各種利淡因素，金飾股升勢未來可唔可以持續，宜睇得審慎些。 |
|
| 蘇沛豐 |
2024-10-23T12:46 |
美國總統大選將於11月5日舉行，共和黨總統候選人特朗普(Donald Trump)似乎稍佔上風，近期Tesla行政總裁馬斯克(Elon Musk)亦多次公開撐特朗普，若特朗普最終再度入主白宮，對Tesla有咩影響？美股係大選後又會點走？ 金馬資本管理交易策略師蘇沛豐表示，馬斯克力撐共和黨有機會令Tesla短期被視為「Trump Trade」，但考慮到共和黨係傾向支持傳統石化能源，因此，即使特朗普勝選，都未必會主力炒Tesla，反而民主黨總統候選人賀錦麗(Kamala Harris)當選或對Tesla更有利，因為政策上民主黨係較支持新能源、電動車等科技發展，因此，係特朗普依家選情領先下，近期新能源股表現都較弱勢。 Daniel估計，大選過後，當政治不明朗因素消退後。 |
|
| 盧志威 |
2024-10-23T12:02 |
內地樽裝水品牌怡寶母企華潤飲料(02460)今日(23日)首掛，公開招股超額認購逾233倍，一手中籤率30%，要抽7手先可以穩獲1手，以上限14.5元定價，集資淨額約49億元，更成為今年「凍資王」，招股反應咁好，係因為樽裝水業務有吸引力，還是只係受惠於大市投資氣氛熾熱？上市後股價又會點走？ 潤淼資產管理董事盧志威指，中長期而言，隨著房地產及金融業好轉，消費股亦會跟住上，因此，投資者可以考慮現階段買消費股作中長線投資。 業務方面，William就話，一般樽裝水業務主要係投資消費長期增長概念，唔係睇基本面，所以呢類股份慨走勢好視乎資金配置，希望未來內地消費市場好轉，可以帶動股價，始終依家大部分消費股估值仍處於低位，但佢提醒，要留意內地係美國總統大選後，有冇相關政策出台影響消費股走勢。 |
|
| 郭家耀 |
2024-10-23T10:51 |
宏匯資產管理投資總監郭家耀推介中國平安(02318) 推介原因： -業績符合預期 -新業務價值增長理想 -投資收益。 |
|
| 陳欣 |
2024-10-22T18:09 |
美國聯儲局官員「放鴿」，市場上有交易員重新思考係咪對美國減息預期太大，債市即時有反應，多個地方慨債券被拋售，包括日債，日本10年期債息曾逼近1厘水平，見兩個半月高位，日圓應聲向下，一度失守151兌1美元水平，日本央行月底議息時係咪更加唔敢輕舉妄動？日圓失守150水平後，下一個支持位會係邊度？ 連連STAR FX總經理陳欣指，日圓短期走勢有較大壓力，主要係美元及美債息回升，加上一直主張緊縮貨幣政策慨首相石破茂近期口風有變，意味日央行短期內未必會加息，呢些因素都令日圓受壓，若日央行唔「出口術」又冇動作，日圓好大機會繼續跌，尤其日本經濟數據一般，出口又回落，都對日圓不利。 佢又話，日圓有機會試152，甚至155水平，阻力位就係145水平，並估計日圓短線偏弱。 |
|
| 趙晞文 |
2024-10-22T17:49 |
廣核集團旗下慨中廣核礦業(01164)以經營天然鈾貿易為主，股價今日(22日)一度升近24%，天然鈾係核電最主要燃料，雖然集團上半年天然鈾業務業績由盈轉虧，但天然鈾現貨價格仍處於高水平，其實中廣核礦業慨收入分布，內地市場只佔23%，其餘都係美國、歐洲、英國等地，係咪真係值得憧憬？ 信達國際研究部董事趙晞文指，應該要留意返企業處於產業鏈慨邊個位置，如果只係係上游做開採慨部分，而天然鈾價格長期處於高位，當然係有利企業慨好事，但做貿易就唔同，因為買返黎係要再轉手，利潤相比做純上游慨開採會較低。 晞文續指，核資源係相對較稀缺慨元素，以往都有唔同慨國家爭緊核資源，所以要諗返潛在風險點。既然國際間慨貿易關係緊張，咁限制企業係境外採購核資源都會係潛在風險點。佢指出，歐美收入佔比50%，始終機遇同風險點並存，亦解釋到鈾相關股點解不時有炒作，值得憧憬。 |
|
| 李偉傑 |
2024-10-22T16:42 |
今個星期外圍慨焦點落係美國電動車生產商Tesla，因為集團明晚(23日)會係美股收市後出業績，Tesla放榜前，今日(22日)港股慨Tesla概念股個別升3%，跑贏大市，如果睇返Tesla供應鏈及相關概念股慨表現，係咪預示Tesla份成績表都應該唔差？ 華盛證券財富管理部董事李偉傑指，依家市場都預期Tesla業績唔會太差，集團股價近期跑輸大市同自身因素有關，包括RobotTaxi及政治因素。 業績方面，Jason話，市場預期每股盈利(EPS)按季會有增長，但按年就要跌，主要受高基數效應影響，反映市場競爭劇烈，佢估計，Tesla業績同預期未必有太大落差，但毛利持續收窄，要留意RobotTaxi等慨新題材可唔可以提升毛利，以及回復投資者信心。 |
|
| 譚智樂 |
2024-10-22T15:33 |
截至早上11時止，1小時內《彭博》用戶搜尋量最多港股，依次為吉利汽車(00175)、旭輝(00884)、聯想集團(00992)、長城汽車(02333)及永利澳門(01128)。 吉利今日(22日)跑贏其他車股，消息面方面，吉利旗下附屬斥資1.2億人仔收購同系公司寧波乘用車，後者盈利增長好快，首9個月稅前、稅後溢利最少大升2倍，資產淨值逾5800萬人仔，係咪會對吉利股價有支持？整個汽車板塊後市又會點走？ 富途證券首席分析師譚智樂指，市場暫時唔係炒個別企業消息，全個汽車板塊都造好，市場關注德國反對歐洲對華電動車實施關稅，有助刺激汽車板塊，佢又話，車股受消息影響，大上大落無可避免，睇返圖表走勢，整體車股表現唔差，市場焦點轉至無人駕駛及出口其他市場，市場憧憬出口業務比重較大慨吉利，未來業務會受惠於出口至其他市場。 |
|
| 黃偉豪 |
2024-10-22T12:26 |
車股今朝(22日)有炒作，吉利汽車(00175)附屬公司以1.2億人仔買同系寧波乘用車，吉利上次頂部係14.24元，吉利CALL行使價15.05元，槓桿3.5倍，係咪可以捕捉埋變價內那下爆發力後，就獲利沽出，再換馬16元至17元慨CALL？ 獨立股評人黃偉豪表示，現時距離價內幅度唔算遠，可以博吉利股價突破早前14.24元高位，即14.5元水平，等靠近返行使價先考慮食糊，因為呢款CALL唔係短身，時間值損耗唔明顯，加上吉利估值較平，走勢仍有機會再升，不妨博10月底有機會向上衝再考慮食糊。 |
|
| 梁偉民 |
2024-10-22T11:41 |
美國企業開始派發第3季成績表，並由銀行股打頭陣，今個星期業績焦點落係明日(23日)放榜慨Tesla。摩根大通指，過去幾個月券商下調企業第3季盈利預測，主要集中於商品及周期性板塊，例如工業及非必需消費品企業，平均由增長8%降至4%，至於「科技7雄」(Magnificent 7)盈測就平均增長17%，較第2季近乎「腰斬」，盈測下調幅度足唔足夠？季績後美股又會點走？ 高富金融集團投資總監梁偉民認為，美國企業上季業績差過預期慨機會唔大，因為市場一直對美企盈利有信心，而大部分業績一般都好過預期，但業績後股價升到幾多，就要睇好過預期幾多。 Wyman估計，科技股繼續係高增長慨板塊，但其他板塊盈利增長唔會太高，而工業及能源企業盈利按年仍會下跌，不過，科技股股價今年已升左好多，即使盈利增長唔錯，股價都唔一定大升，因為股價大升後，亦要盈利有一定升幅才可以支持到股價，佢估計，唔少科企盈利增長會跑輸股價升幅，尤其人工智能(AI)相關股，整體黎講，美股現時已偏貴，估計盈利增長唔足以支持美股再大升。 |
|
| 黃敏碩 |
2024-10-22T10:19 |
註冊財務策劃師協會會長黃敏碩推介新創建集團(00659) 推介原因： - 持續改善業務組合, 出售非核心業務釋放資金 - 目前股息率約8.5%, 股息政策可持續及漸進 - 承接不少政府及公營工程。 |
|
| 阮子曦 |
2024-10-21T23:48 |
中興通訊(00763)第三季收入減少約4%至275億元人民幣，純利減少8%至21.7億元人民幣。華富建業證券投資策略聯席總監阮子曦指，中興季績差過預期，亦缺乏亮點，主要是受行業周期影響，內地處於5G維護期，缺乏國內外訂單推動，加上內地目前AI投放不大，缺乏新業務動力，相信要去到明年甚至後年，6G研究加快，三大電訊商資本開支增加，中興業績始有望改善。 |
|
| 聶振邦 |
2024-10-21T17:42 |
自2021年以黎，內地家庭多左8萬億人仔超額存款，摩根大通表示，人民銀行加大減息力度係鼓勵居民將超額存額流入股市追求回報，係內地依家慨政策下，摩通睇好招商銀行(03968)，摩根士丹利就睇好郵儲銀行(01658)，投資者應該點揀好？ 博威環球證券金融首席分析師聶振邦認為，雖然兩家美資大行睇好招行及郵儲行，但投資者揀股要考慮返係短線，還是中長線投資。如果係短線投資，招行股價反應會比較快，升幅亦會大過其他內銀，但值得留意係，招行股價係10月9日開始，股價持續橫行，未見出現明顯反彈，如果想買招行，聶Sir建議係38至39元入手。 郵儲行方面，聶Sir話股價相對行得慢些，但勝在股息率高，依家有約6厘，作為中長線投資有一定吸引力，但如果投資者想博6.5厘以上股息率，就要郵儲行股價再跌，建議係4.3元或以下入手。 |
|
| 梁傑文 |
2024-10-21T16:40 |
從事電力設備、重型機械及核電設備等業務慨上海電氣(02727)，向母公司收購寧笙實業100%股權，後者持有從事工業機械人業務慨日本企業發那科(Fanuc)50%股權，現金代價逾30億人仔，上海電氣股價今日(21日)大幅炒上，一度飆逾39%，點睇上海電氣今次呢單收購？ 《香港股票財技密碼》作者梁傑文認為，上海電氣股價今日升上1個月高位，係反映上海電氣同發那科毋須再磨合呢個亮點，因為上海電氣早於3年前已持有發那科業務，已經好熟悉對方慨經營方針，所以收購完成後，就可以即時產生協同效應，未來亦為上海電氣盈利帶黎大幅增長空間。 |
|
| 姚浩然 |
2024-10-21T10:36 |
亨達財富管理董事總經理姚浩然推介美團(03690) 推介原因： - 外賣業務營運有改善 - 旅遊相關項目見受惠 建議買入價：179元 目標價：196元 止蝕價：168元 |
|
| 郭思治 |
2024-10-21T10:36 |
大市已開始步入10月份之下旬，而直到執筆一刻止計，本月大市之形態仍暫屬先高而後低，恆指暫是由7日之高位23,241點跌至17日之低位19,977點，即在8個交易日內，恆指累積之跌幅已達3,264點，以3,264點之波幅計實已不算小，該已可滿足月內之所需，加上月內高低位之距離或已可滿足最低之慣性要求，故衹要維穩買盤稍作主動，大市暫該可回穩於20,000點左近，但有一點需留意，由於即月期指之轉倉及結算等相關活動將漸主導大局，擔心接近月底時一眾淡友會盡量壓低大市，目的當然是希望即月期指在較低水平轉倉，從而減輕轉倉之成本，另外，亦希望即月期指能在較低位結算，以爭取較大之利潤。 再看移動線方面之情況，直到目前一刻止計，各組平均移動線之排列暫仍屬標準之升市模式，直到執筆一刻止計，各組平均移動線之排列由上而下為10天線（約在21,123點左近），20天線（約在20,507點左近），50天線（約在18,638點左近），100天線（約在18,254點左近）及250天線（約在17,457點左近），單從技術上看，由於月內恆指之跌幅已達3,264點，實已不算小，故衹要大市能略作反彈並重越20天線及10天線，則大市其時該已初呈回穩之迅號，但能否乘勢而上，則需視乎資金之入市態度而定，而觸及或跌穿20天線，一旦出現此情況，技術上頗不利短期後市之發展。 拉闊一點看，大市自8月5日低位16,441點開始之升浪，至10月7日高位23,241點止計，在短短八周左右，恆指累積之升幅已達6,800點，論升幅確實不算小，加上大市之升勢亦頗偏促，故一旦買盤不繼，定必引來伺高回吐之沽盤，如大市需回調升幅6,800之38.2%，則首個技術支持該在20,644點，惟如大市需進一步回調升幅6,800點之50%，則另一個技術支持將退守至19,841點，即是說，其時大市可能會伺機下試今年5月20日之高位19,706點之支持，但需指出，由於近日新樓銷售似見回暖，故在投資氣氛改善下，相信股市及樓市該已漸度過最壞時刻。 |
|
| 趙晞文 |
2024-10-18T22:44 |
維他奶國際(00345)再次獲黃志達及旗下楊協成增持股權，持股升至8.37%。 信達國際研究部主管趙晞文表示，黃志達由10月7日披露持股升至逾5%，僅用一星期時間，持股已升至逾8%，難免令人覺得其有意成為維他奶單一大股東，未來不排除會引發股權爭奪戰。 |
|
| 姚浩然 |
2024-10-18T17:28 |
中聯重科(01157)今日(18日)係大成交下抽升10%，呢隻AH價差股昨日(17日)收市後出通告，指計劃伺機回購H股，又提及回購H股係想進一步加強投資者對公司慨信心，早前港股急升期間，都炒過一浸AH股價差收窄，當時中聯重科H股係短時間內由4.5元升到6元，市場依家係咪又趁機再炒AH股價差收窄？呢個概念仲有冇得炒？ 亨達財富管理董事總經理姚浩然表示，過往港股及A股不時會炒AH股價差異，希望可以收窄AH股差距，市場會搵內地A股價格偏高慨股份，H股就會搵估值偏低慨股份，估計呢個「尋寶潮」唔會持續太耐，因為即使搵到港股估股值平慨股份，唔等於可以係內地市場沽出，仍然要係港股市場沽出，只係高買高賣。 佢又話，如果想繼續炒AH股差價概念，要揀折讓較大，而業績唔太差慨股份。 |
|
| 陳建良 |
2024-10-18T16:27 |
港股近期坐過山車，恆生指數急升完又急挫，早前由17000點衝上23000點，之後又回調，恆指昨日(17日)一度插穿20000關，期間，有唔少外資留意返內地及香港市場，臨近年尾，外資開始部署明年資產配置，會唔會增加返中資股配置？ 勝利瑞柏基金管理合伙人暨投資總監陳建良認為，外資肯定會提高配置中國股票慨比例，因為從唔同跟資產配置有關慨會議中得知，唔少全球大型資金對中資股慨配置係市非常低，對沖基金更沽空股票，經歷今輪急升急跌後，估計資金唔敢再沽空港股及中資股，因為隨時有政策推出再刺激港股向上，因此，沽空A股及港股慨力度暫時偏細。 KL又話，資金重新流入A股及港股後，大部分都持觀望態度(wait and see)，但由於本身對A股及港股慨配置少，令資金傾向增持而非減持，加上美國總統大選臨近，加上中央係財政政策方面，未來會落實更多措施，相信外資2025年配置中資股慨比例將會上升，帶動A股及港股造好。 |
|
| 梁偉源 |
2024-10-18T12:56 |
截至早上11時止，1小時內《彭博》用戶搜尋量最多港股，依次為聯想集團(00992)、紫金礦業(02899)、國泰航空(00293)、中國移動(00941)及普拉達(01913)。 聯想於周二(15日)舉行Lenovo Tech World 2024大會，會上公布一系列人工智能(AI)產品，英偉達(Nvidia)行政總裁黃仁勳亦有站台發言，Nvidia股價昨晚(17日)破頂，加上台積電(TSMC)業績理想，整個產業鏈氣氛返曬黎，聯想股價沉寂左一排又有返起色，今日(18日)早段一度升逾5%，逼近月初高位，後市有冇條件繼續上？ 大華繼顯執行董事梁偉源指，全球投資者一直密切關注AI產業，加上近期半導體龍頭業績好過預期，業務指引亦樂觀，令投資者重新買入聯想炒AI概念，加上市場憧憬集團同Nvidia會有合作，聯想近日股價強勢，即使港股波動都無礙聯想股價。 佢又話，要留意市場對聯想之後推出慨AI產品有咩反應，以及同Nvidia未來深化合作，都有望帶動股價突破前高位。 |
|
| 聶振邦 |
2024-10-18T11:45 |
美國總統大選11月舉行前，美股持續造好，全球最大晶片代工商台積電(TSMC)季績好過預期，刺激ADR昨晚(17日)大升近10%，創新高，更帶動其他晶片股。不過，荷蘭光刻機巨頭艾斯摩爾(ASML)日前公布慨業績令市場失望，點解兩份業績表現相差咁遠？美國人工智能(AI)晶片巨企英偉達(Nvidia)下個月出慨業績值唔值得憧憬？ 博威環球證券金融首席分析師聶振邦指，ASML同台積電業務慨地域分布明顯唔同，ASML業務主要集中係亞洲地區，台積電就集中係美國，由於亞洲同美國慨經濟表現唔同，令兩家公司慨業績都有差別。 Nvidia方面，聶Sir指出，由於美國係集團收入來源，可以預期業績表現唔錯，暫時亦利好美國半導體板塊走勢。 |
|
| 盧志明 |
2024-10-18T10:27 |
大唐資本投資策略部總監盧志明推介泡泡瑪特(09992) 推介原因： -上半年業績理想，收入按年升逾60% -6月尾推出自研手遊 -長線IP打造與營運，商業化變現能力有望持續上升 -東南亞及北美區增長強勁。 |
|
| 林嘉麒 |
2024-10-17T22:47 |
福耀玻璃(03606)第三季多賺53.5%，勝預期。 元宇證券基金投資總監林嘉麒表示，福耀上季業績理想，除了因為毛利率進一步改善，亦受惠內地汽車以舊換新政策，相信明年業績仍可保持不俗增長。 |
|
| 熊俊傑 |
2024-10-17T17:30 |
金價昨晚(16日)終於升穿每盎司2670美元慨短期阻力，更反覆逼近歷史高位，係今日(17日)亞洲交易時段升至逾2685美元，創新高，但破頂後似乎再遇阻，係咪暫時唔夠催化劑再推升金價？ 獨立商品外匯分析師熊俊傑指，未必係唔夠催化劑，反而係歐洲央行今晚(17日)將會議息，匯價波動令金價有不確定性，要留意議息結果及官員慨取態，但值得留意係，金價破頂之際，美匯指數亦向上，反映金價不單受美元牽動，亦受環球息口愈來愈低影響，大部分主要央行傾向減息為金價帶來支持。 Ken預期，金價中短線會繼續強勢，估計2800美元水平係另一個阻力，要留意金價能否企穩2680美元樓上，較穩陣慨投資者可以等市場消化左相關因素再做部署，始終今晚歐央行議息後，金價可能會出現較大波動。 |
|
| 植耀輝 |
2024-10-17T16:25 |
晶圓代工龍頭台積電(TSMC)第3季多賺逾54%，勝預期，期內收入近7600億新台幣，高於集團指引，純利按年升54%，毛利率按季升4.6個百分點至57.8%，高於市場預期慨54.8%。集團預期，第4季收入按季增長介乎逾11%至145.5%，並預期毛利率進一步升至59%。點解台積電盈利能力咁強？係咪同蘋果公司(Apple Inc.)及英偉達(Nvidia)有關？ 耀才證券研究部總監植耀輝指，台積電業績主要受惠於3納米製程，集團出貨銷售金額佔比由15％升至20％，加上近年Apple、Nvidia大部分產品都係採用3納米及4納米製程，帶挈台積電可以交份靚業績，而第4季展望都好過市場預期。 |
|
| 陳偉明 |
2024-10-17T12:24 |
人民銀行、金管總局與中證監三巨頭9月24日聯手召開記者會宣布救市「組合拳」引發中港股市火箭式飆升，9月30日港股成交額破紀錄大幅增至逾5,000億港元、滬深兩市成交暴漲至2.59萬億元人民幣。即使國慶長假期間缺乏北水流入，港股仍能在接近3,000億港元的成交額下，向上突破2023年1月22,700點高位，並於上周一(7日)升至高見23,241點創逾兩年半新高。正當市場氣氛灼熱、證券戶口開戶人數瘋狂上升、各大行紛紛轉軑調升中港股市目標，期待港股在北水重臨及中央政府繼續放水下有能力持續破頂，恆指於上周二(8日)A股復市、北水重臨當天在超過6,200億港元的破紀錄成交額下急瀉近2,200點。 事實上，當時美國非農就業數據遠較市場預期強勁，在聯儲局11月大手減息0.5厘預期降溫及中東局勢緊張下，美匯飆升、人仔急挫，加上AH股溢價大幅收窄後，本來已經大幅增加港股繼續破頂的難度，加上北水甚少在高位接貨，而港股在A股復市前已偷步炒發改委有進一步的利好消息出台，不難估計港股於23,200點水平再上升空間有限，高追風險甚高，筆者不得不懷疑各大行當時唱好是否想趁好消息高位出貨。 內地A股國慶長假後復市雖然追落後地大幅裂口高開，並且有大批股份漲停，但內地傳出嚴防銀行信貸資金違規流入股市，加上發改委記者會欠缺措施細節令投資市場失望，中港股市隨即出現恐慌性拋售，滬深兩市上周二(8日)成交額逼近3.5萬億元人民幣大陰燭回落。財政部上周三(9日)預告於上周六(12日)召開發布會介紹加大財政政策逆周期調節力度，惟A股跌勢持續，並且單日錄逾4年半最大跌幅，拖累恆指曾插水736點，低見20,190點。 港股兩日內暴瀉近2,500點後，人民銀行上周四(11日)率先落實創設「證券、基金、保險公司互換便利」(SFISF)，首期操作規模5,000億元，視情況可進一步擴大操作規模。這項工具允許符合條件的非銀金融機構(證券、基金、保險公司)可抵押流動性相較差的資產(例如債券、股票ETF及滬深300成分股)，從人民銀行換入國債、央行票據等高等級流動性資產，從而融資入市買股票。 人行宣布啟動互換便利後，中港股市顯著回升，恆指於上周四(11日)最多曾反彈近1,000點，高見21,622點，惟美國9月通脹全線超預期，聯儲局11月大手減息0.5里的預期持續降溫，美強勢，拖累港股受壓，最終收21,251點，技術上出現長上影線，反映弱勢持續。 財政部上周六(11日)的新聞發布會雖然沒有提出具體銀碼，但明確表示將陸續推出一攬子有針對性增量政策舉措，包括大規模增加債務額度以支持地方化解政府債務風險、運用地方政府專項債券等工具收購土地儲備及閒置房、發行特別國債支持國有大型商業銀行等，以上措施極有可能遠大於坊間普遍預期的2萬億元人民幣救市方案，而且後續可能還有更多新招。市場普遍預期這些增量財政刺激計劃張在月底全國人大常委會批准或下月初通過追加預算，外資大行普遍亦反應正面，認為這些支持房地產行業及緩解地方政府債券風險的新措施有助穩定市場情緒及資金流。 然而，港股上周重陽假期前已偷步炒具有明確規模的增量財政政策，當財政刺激計劃未見驚喜，加上內地通縮風險未除，投資者自然地傾向獲利離場，恆指本周一(14日)最多跌逾500點後，本周二(15日)在內地3年內發行6萬億人民幣超長國債的利好消息下亦未能擺脫跌勢再插近800點，市傳中國政府擬對超級富豪的海外投資收益徵收最高達20%稅項，加上中國進出口數據差過預期、韓國局勢緊張、特朗普當選美國總統機會仍在、人大會議或延遲至11月初舉行及美元走強令人民幣走弱等利淡素，中港股市本周初弱勢持續，恆指周三(16日)跌至低見20,131點後，略有反彈。 技術上，港股雖然在上周一(7日)23,241點見頂後急插，但近期跌勢喘定穩守在9月26日政治局會議大約兩萬點頂位之上，而且成交額仍能保持在大約2,000億港元之上，或反映港股這次由中央連番出組合拳救市的升浪並未完結。估計恆指短期大約在19,600至21,000點反覆上落，等待本月底或下月初的人大會議表決追加預算才出現向上突破。近期引伸波幅明顯回落，月份期權長倉再現吸引力，策略上傾向等待恆指回吐至19,900點以下，Long Call 11月價外1,000點恆指期權博港股再次爆上。 |
|
| 譚智樂 |
2024-10-17T10:25 |
富途證券首席分析師譚智樂推介美團(03690) 推介原因： -高Beta股份仍可留意，短線或反彈 -過去兩季業績強勁 -新業務價值表現強。 |
|
| 許繹彬 |
2024-10-17T10:20 |
中港兩地股市在十一長假歌舞昇平後，本周突然變得非常平靜；就以港股昨天(即16日)為例，成交與高峰時相比足足下跌三分之二，儘管仍有2,000多億元，但投資者可能經歷了過去半個多月歡喜若狂的心情後，現階段突轉趨平靜，而驅使他們尤如只有不足800億成交般，望住大利是機在閒談或打瞌睡，早前為大市不斷上升的吶喊，在本周完全徹底消失。 回顧港股在是次大戰可謂升得快跌得急，港股在上月20日的18,069點開始起步，只用了十個交易日便急升超過5,000點到23,241點，而成交更由1,000多億元急升至超過6,000多億元，當時氣勢可謂冠絕全球金融界，更令各方專家大跌眼鏡。 但正當大家一致對港股未來走向表示睇好或較為進取的態度時，恆指又突然轉吹淡風，只需6個交易日便由23,241點回調至20,000點邊緣，從高位下跌超過3,000點，成交更急速回落至2,000億元左右。 港股回調時，市場的好消息不但完全欠奉，反而突然傳來壞消息，周一(即15日)市場突然傳出中國已開始對國內富豪的海外投資收益徵稅項，更有傳部分國內富豪將被收取高達20%的投資收益稅，又稱有富豪可能因逾期付款而面臨處罰，但最終金額可以協商等傳聞。 雖然消息未經證實，但足以將中港兩地股市「震散」，港股亦因此下調至20,000點邊緣；即使昨天(即16日)曾一度反彈至超過20,500點，但可惜後勁不繼，最終倒跌收場；如短期內成交沒有增加或持續萎縮，港股下試至20,000點的機會將會大增。 筆者認為，過去港股因為國內使出「連環拳」救市及美國聯儲局減息，而令港股走勢及升幅在「實質」及「確認」的利好消息下，有如脫胎換骨，成交更創下令人難以置信的歷史紀錄，令投資者不期然對久沉三年的港股的未來走向充滿期待；加上港股的走勢更是每天均大幅上升，而且每天收市對比上一日均是呈現大幅上升，令參與港股的投資者只有「升到您唔信」及「想跌都難」的感覺，亦屬正常想法。 但由於是次升浪，除創造了成交額的歷史外，其難以置信的升勢亦是前所未見；但可能因為升得大急，因而令投資者忽略了一些外間的基本因素，例如「台海」及「中東」局勢轉趨緊張，或美元轉強、人民幣匯率走勢變得疲弱等不利因素等；加上由於投資者可能對上月財金官員突然發布「連環拳」挽救經濟措施而令股票大升的畫面早已反射在腦海里，因而對過往國內先後兩次「事先張揚」的經濟發布會充滿憧憬，外間所有人均指發布會應會再推出救市措施，因而毫不猶豫在股票市場落重注；衍生市場更一面倒「好倉」，一心諗著可以食過番尋味；殊不知兩次的發布會均沒有特別提及任何救市措施，令市場普遍認為「好夢成空」或「只聞樓梯響」。 公布後在事實與憧憬的背馳下，港股呈現大幅下調及「人踩人」的慘況。由於成交已呈現萎縮，港股短期內的走勢或會放緩，及回歸現實；未來港股相信會繼續「成也A股，敗也A股」，投資者必須留意國內財金管員會否使出「實在」及「確認」的挽救經濟措施，令國內股票市場打破悶局，因而令港股受惠；否則兩地股市相信亦可能在現階段作出喘息，固本培元，靜待突破，觸底再上；投資者應保持冷靜、「持盈保泰」。 國內「雙11」盛事將至，在過去半個月因資本市場急速變化，而令人均的流動資金增加，相信亦會令「雙11」的銷售額大幅增加，而電商股阿里巴巴(09988)及京東(09618)相信定必受惠，不妨留意。 |
|
| 羅尚沛 |
2024-10-17T09:42 |
據銷售文件顯示，達勢股份(01405)第二大股東Domino』s Pizza擬減持500萬股，減持價折讓最多12.8%。 銀河證券業務發展董事羅尚沛表示，達勢估值不便宜，加上第二大股東大折讓減持，相信股價短期會受壓。 |
|
| 林嘉麒 |
2024-10-16T17:36 |
新一份《施政報告》提及，放寬「新資本投資者入境計劃」投資門檻，容許投資者購買高價住宅物業，將5000萬元或以上豪宅納入投資移民計劃，參考美聯物業慨數據，截至今年10月中，5000萬元以上的一二手註冊441宗，新政策幫唔幫到豪宅市場，甚至整體樓市？ 元宇證券投資總監林嘉麒指，過往「新資本投資者入境計劃」投資範圍唔包括豪宅，新政策一定對豪宅市場有幫助，除政策外，亦有其他政策配套，例如家族辦公室及邀請基金來港有免稅優惠等，有助吸引高資產值慨富豪來港落地投資。 不過，KK認為，單靠新措施未必可以穩住5000萬元以上物業樓價，因為成交唔算太多，貨源供應亦有限，所以難對整個樓市有幫助，要樓價回穩，甚至回升，始終要有針對中價樓或地產商手上「蟹貨」措施。 |
|
| 莊志雄 |
2024-10-16T17:19 |
港股昨日(15日)突一度急瀉逾900點，似乎失左之前慨動力，而美股近期表現唔錯，有唔少投資者覺得美股易玩過港股，不過，美國總統大選仲有約3個星期就舉行，呢場大選對後市有咩影響？ 「股市漁夫」創辦人莊志雄指，睇返上半年，美股慨機會的確比港股多，但踏入8月之後，要揀股能力強先可以係美股搵岩股，例如熱門股份微軟(Microsoft)及英偉達(Nvidia)，其實已有近8個月及4個月有波幅冇升幅，連呢類科技龍頭股只係反覆上落，反映美股其實唔易玩。 Lewis又話，距離美國總統大選完結唔夠30日，MOVE Index反映慨債市引伸波幅創新高，意味交易債券慨投資者擔心大選後，利率波動加劇及債價下跌，而有「恐慌指數」之稱慨VIX升穿20水平，納指波動指數VXN更高見24水平，但標指就繼續創新高，呢個情況係極少見，過去20年，VIX高過20而大市指數創新高，只係出現過兩次，分別係新冠疫情前及科網股爆破前，要小心留意美股後市會點發展。 |
|
| 彭偉新 |
2024-10-16T14:05 |
截至早上10時45分止，1小時內《彭博》搜尋量最多港股，依次為高鑫零售(06808)、聯想集團(00992)、紫金礦業(02899)、中國宏橋(01378)及永利澳門(00864)。 高鑫接獲大股東阿里巴巴(09988)通知，現時有潛在收購要約，公司亦發左盈喜，股價今早(16日)一度勁升逾30%，雖然阿里話有潛在收購，但作價、要約人身分都冇披露，點解市場睇得咁正面？對高鑫又有咩影響？ 資深證券分析師彭偉新指，潛在收購會對高鑫有正面影響，企業一般都會以平均價加溢價做收購，高鑫股價今早爆升，好大機會係呢單潛在收購有溢價，預期小股東、非關連人士都願意投贊成票，即使之後股價升幅收窄，對收購結果都唔會有太大影響，因為主動權仍然係阿里手上。 佢又話，高鑫依家發展路向逐漸清晰，即使被收購後實際價值唔大，收購作價又低過入股價低，但仍會出售股權。 |
|