| 評論員 |
時間 |
內容 |
標籤 |
| 林嘉麒 |
2025-07-30T16:32 |
匯豐控股(00005)今日(30日)中午派左成績表後，股價下晝開市即急挫，一度跌4.5%，低見96.2元，究竟呢份業績出左咩問題？係破壞性關稅下，加上利率向下及經濟前景惡化等，匯控財務總監郭珮瑛(Pam Kaur)指，未來幾年平均有形股本回率(RoTE)應難以達到15%慨目標水平。 元宇證券基金投資總監林嘉麒指，RoTE指標撇除近幾年慨經濟影響，例如減息去評估集團有形資產，簡單黎講，只睇集團增值能力及幅度。KK又認為，RoTE唔達標背後都有好多原因，包括係政治因素等，但完成唔到公司定下慨目標，甚至預期會放緩，一定會影響投資者信心。 KK續指，匯控股價其實都升左一段時間，所以市場會對公司期望好高，預期季績會更好，佢認為，股價午後急挫主要係RoTE差過預期。 |
|
| 陳建良 |
2025-07-30T15:56 |
恆生指數係今日(30日)期指結算日繼續向下，一度瀉逾400點，跌至25000點邊緣，值得留意係，北水日錄得淨流入，後市係咪繼續靠北水撐？有咩板塊值得留意？ 勝利證券首席顧問陳建良指，港股8月會進入業績期，雖然之前估計港股可以趁勢再上，但結果今個星期仍要回調，特別係之前升得多慨科技股，同埋車股都要跌，但醫藥股就升返上黎，反映板塊不停輪動。 KL又話，雖然北水連日錄得淨買入，但只係反映多左內地投資者或資金參與港股，而港股其中一個好處係冇「升/跌停板」機制，睇返A股，當股份單日觸及升或跌10%慨限制，就必須停牌，而內地推出「反內捲」政策，受惠股或會大升，基於「升/跌停板」機制慨考慮，投資者就會偏向揀係香港上市慨同類股份，因為股價都有機會受惠於政策。 |
|
| 盧志威 |
2025-07-30T13:03 |
美股「科技7雄」(Magnificent 7)繼續派成績表，今晚(30日)會輪到微軟(Microsoft)及Meta，而市場對呢兩份成績表期望好高，其中，最關注微軟Azure雲端平台慨人工智能(AI)貢獻增長幅度，Meta方面，市場聚焦集團大規模建設AI數據中心，以及高薪搶AI人才對毛利率慨影響，呢兩份成績表對美股有咩影響？ 潤淼資產管理董事盧志威指，近期出爐慨美國企業業績的確麻麻，所以美股3大指數昨晚都受到拖累，佢建議投資者分散投資，雖然科技巨企整體形勢慢慢向上，但美股依家已升至高位，由於市場期望好高，一旦業績有少少瑕疵，個別公司股價跌5%至10%都唔出奇。 |
|
| 郭家耀 |
2025-07-30T10:13 |
港灣家族辦公室業務發展總監郭家耀推介泡泡瑪特(09992) 推介原因： -盈利能力持續強勁 -知識產權(IP)優勢仍然明顯 建議買入價：250元 目標價：300元 止蝕價：225元 |
|
| 趙晞文 |
2025-07-29T16:41 |
藥明康德(02359)上半年收入按年增長20%，符合盈喜指引，純利則按年增長95%，而被視為重要增長動力慨TIDES業務，上半年收入增速維持1.4倍，帶動化學業務收入增長33%，毛利率就擴大至48.3%。根據公司收入指引，TIDES業務下半年增速keep唔keep到？ 信達國際研究部董事趙晞文指，公司對TIDES慨全年收入增長指引只係50%，所以市場會更留意在手定單係咪維持約50%慨高速增長，展望下半年收入增速可以遠超公司指引。 晞文續指，未來重點會落係在手定單係咪可以再提速，因為在手定單係用作未來幾年慨收入倉庫，所以佢建議，投資者要留意黎緊幾個季度，當在手定單增長維持高速，相信未來兩三年慨TIDES業務收入佔比可進一步提升，慢慢靠近40%至50%水平。 |
|
| 陳欣 |
2025-07-29T16:34 |
美國關稅政策逐步明朗化，已經同美國達成協議慨國家，最終稅率都低過預期，美匯指數連跌6個月後，7月暫時升逾2%，勢成今年表現最好慨月份。聯儲局議息結果將會係本港時間周四(31日)凌晨出爐，美匯指數有冇力再上？ 連連STAR FX總經理陳欣指，美匯指數近日大幅反彈，主要係經濟數據向好，以及美國陸續同貿易伙伴傾掂數，特別係歐盟，因市場憧憬美元未來會向上。 Chase又話，聯儲局今個星期減息機會唔大，但9月減息機會仍有60%，如果到時真係減息，估計美元短線會有反彈，但唔排除中線會掉頭向下，除非經濟數據強勁，先有機會繼續向上，估計99.5水平會係短期阻力，中短線阻力就睇100水平，如果短期內冇進一步利好消息，美匯指數好難繼續突破。 |
|
| 李偉傑 |
2025-07-29T15:37 |
中央昨日(28日)推出全國性育兒補貼方案，將向3歲以下嬰幼兒每年補貼3600元人仔，消息刺激部分乳業及育嬰股今早(29日)衝高過一陣，但好快已經倒跌，點解會咁短癮？ 天風國際李偉傑指，早前已傳出中央會推出嬰幼兒補貼，當時乳業及育嬰股應聲衝高回落，今日撞正大市回落，相信好多投資者趁有好消息選擇即時食糊，雖然相關股份暫時走勢唔好，但長遠而言，補貼政策仍然會利好。 Jason又話，中央推出補貼後，可以留意唔同地方政府會唔會推出地方補貼，雙管齊下谷生育率，若成功刺激生育率，長遠可提升衣食住行需求，但仍要視乎唔同地方政府慨生育率及財政壓力。 |
|
| 譚智樂 |
2025-07-29T13:22 |
截至早上11時止，1小時內《彭博》用戶關注度上升最多股份，依次為小米集團(01810)、石藥集團(01093)、老鋪黃金(06181)、眾安在線(06060)及中升控股(00881)。 受季節性因素影響及補貼效應減弱，小米第2季智能手機出貨量跌4%，係咪股價兩連跌，今日(29日)更落到50天線慨「死因」？ 富途證券首席分析師譚智樂指，近期資金對科技股興趣唔大，北水及資金多數炒醫藥及唔同類型慨話題性股份。小米股價4月底開始，一直企穩係好靚慨上升軌道，因此，佢認為今日下跌只係技術上向下突破，若今日收市仍然係1支大陰燭跌落黎，企唔穩55元以上，先可以視為跌穿上升軌慨訊號。 Arnold續指，小米將會係8月19日出業績，放榜前股價會較為敏感，市場會用出貨量及數據預測業績，唔排除之後有更多負面消息，所以現階段不宜做部署，等股價回落至50元水平再諗。 |
|
| 黃偉豪 |
2025-07-29T11:52 |
中國人壽(02628)股價昨日(28日)已連升第8個交易日，今日(29日)終於回套，早段一度跌逾2%，低見22.6元，北水昨日仍淨買入11億元國壽，外資大行亦紛紛上調內險評級，同埋叫加注，現時好多國壽CALL都係9月底到期，槓桿約7倍，回套壓力及時間值損耗會唔會較大？ 胤源世創家族辦公室(香港)第一副總裁黃偉豪指，由於國壽呢一浸升左唔少，若大市短期走勢反覆，股價表現亦有機會較為反覆，因此，揀太短身慨CALL時間值損耗會大，如果選擇較長身慨CALL，可以減少時間值損耗。 Ravi又話，中線而言，係政策推動下，國壽股價仍有一定上望空間，如果投資者睇好國壽，建議選擇較長身慨CALL。 |
|
| 潘國光 |
2025-07-29T11:39 |
美國今個星期有多項重磅數據出爐，包括7月個人消費支出(PCE)物價指數、有「小非農」之稱慨ADP私人企業就業職位、非農就業指數等，當中有咩要留意？會唔會令聯儲局提前減息？ 富邦銀行(香港)投資策略及研究部主管潘國光指，雖然第1季國內生產總值(GDP)及6月ADP錄得負數，但市場估計，第2季GDP將按年增長約2.4%，而7月大小非農估計約10萬，所以大小非農數據要低過10萬唔難。佢又提醒，當「大非農」都低過10萬時，減息壓力就會增加。 Vicks補充，如果第2季GDP企唔穩2%以上，再加上關稅因素，第3季GDP可能會再低些，因為下半年受關稅效應影響，有機會推高通脹，繼而壓低GDP，因此，佢認為今個星期慨數據都重要，若第2季GDP及大小非農都唔好，就算今個星期唔減息，聯儲局9月減息機會都好大。 |
|
| 文錦輝 |
2025-07-29T11:05 |
自4月興起「TACO交易」(TACO Trade)後，美股強勁反彈，3大指數今年已累升5%至9%，市盈率(PE)絕對唔平，其中，納指PE已高達34倍，究竟美股幾時會出現調整？ 艾德證券期貨投資策略總監文錦輝指，自從4月「解放日」美股跌市後，市場興起TACO Trade並持續推高美股，而近期關稅消息落實後，重磅股上升動力慢左好多，資金集中炒2、3線股。 Felix又指，聯儲局7月減息機會唔大，據FedWatch最新顯示，9月減息機會逾50%，不過，仍需視乎議息後公布慨通脹及就業數據，如果通脹升溫及勞工市場熾熱，9月減息機會就會降溫，所以投資者要小心美股8月有機會出現調整。 |
|
| 黃敏碩 |
2025-07-29T10:11 |
王道資本及家族資產管理執行董事黃敏碩推介保利物業(06049) 推介原因： -行業已從規模擴張導向轉為服務品質導向，未來亦借助人工智能(AI)提升效率 -重點50城新拓展第3方項目 -第3方項目在管面積5.3億平方米，佔總在管面積65% -5大核心業態的新拓展單年合同金額，佔比升至約76%。 |
|
| 阮子曦 |
2025-07-28T22:42 |
藥明康德(02359)半年多賺1倍，首次派發中期息，並調高全年收入指引。 華富建業證券投資策略聯席總監阮子曦表示，藥明康德中期業績跟盈喜數字相若，而全年收入指引僅輕微上調，相信近期股價升勢，已反映大部分利好因素。 |
|
| 聶振邦 |
2025-07-28T16:56 |
恆瑞醫藥(01276)同葛蘭素史克(GSK)達成授權協議，前者將1款治療慢性阻塞性病藥物權利授予GSK，消息刺激恆瑞股價今日(28日)一度飆近20%，高見81.2元，之前三生製藥(01530)跟輝瑞(Pfizer)合作，總額只係恆瑞慨一半，但股價已大幅上升，係咪代表恆瑞呢浸升勢只係岩岩開始？ 博威環球證券金融首席分析師聶振邦指，恆瑞同GSK慨授權協議，金額係一個亮點，更刷新內地藥企「出海」項目新高，繼而刺激股價今日大勁升，消息面係利好，但短線要再出現倍數升幅機會較微。 聶Sir又話，依家創新藥板塊潛力大，亦有一定吸引力，如果恆瑞可以成功將自主開發慨藥品商業化，估值都可睇高一線，跟同業比較，6月至今三生製藥股價累升61%，恆瑞僅累升37%，有一定追落後空間。 |
|
| 梁傑文 |
2025-07-28T15:55 |
企業「抽水潮」未停過，最新有「周同學概念股」巨星傳奇(06683)，集團計劃以先舊後新方式，配售逾3750萬股，配股價9.13元，較上周五(25日)收市價折讓近20%，籌逾3.4億元。巨星傳奇股價懶理配股消息，今日(28日)一度炒高8.5%，高見12.38元，今次係公司第2次「抽水」，集團上次配股後1個月，股價累升40%，今次會唔會歷史重演？ 《香港股票財技密碼》作者梁傑文指，唔會將市場今次反應解讀為正面，因為依家只係資金市慨負面消息未影響到股價，今次集資規模唔算大，咁岩周傑倫近期宣布進駐抖音，令粉絲數量急增，令投資者睇到知識產權(IP)經濟有一定前景。 Mike又話，依家當紅藝人經濟潛力大，隨著內地消費改善，內需產品、新消費股都圍繞唔同IP推出，吸引唔少年輕人，周傑倫更可以話係IP「頂流」，但要留意，睇返巨星傳奇業務，有一半涉及健康產品、護膚品，唔係只做演唱會。 |
|
| 梁偉民 |
2025-07-28T11:15 |
美股仍處於季績高峰，依家有約34%企業派左成績表，其中，Google母公司Alphabet季績好過預期，令市場對人工智能(AI)巨額投資信心大返，今個星期輪到Meta、微軟(Microsoft)公布季績，點睇今個業績期對美股整體影響？ 高富金融集團投資總監梁偉民認為，今個業績期美企業績達標機會好大，甚至可能超標，只係幅度未必好誇張，預期盈利普遍按年增長8%至10%，但佢提醒，相關利好已差唔多反映曬，所以唔會再大幅推高美股。 Wyman又話，市場憂慮美國下半年經濟轉弱，加上關稅問題未完全解決，令美國進口、零售、消費以至企業都受影響，雖然市場仍保持樂觀態度，但美股始終已升左唔少，所以未來要有更多正面因素，先可以進一步推升大市。 佢提醒，市場亦要小心判斷減息因素係咪真係利好股市。 |
|
| 郭思治 |
2025-07-28T11:10 |
大市已身處7月份之下旬，故即月期指轉倉及結算等相關活動將漸主導大局，而直到執筆一刻止計，7月大市之形態仍暫屬先低而後高，恆指暫是由4日之低位23,690點升至24日之高位25,735點，即月內之波幅已擴闊至2,045點，單論波幅該已不算小，惟由於周二(29日)已為本月期指轉倉高峰日，而周三(30日)則是即月期指結算日，到周四(31日)則是即月場外衍生工具結算日，故在好倉大戶主控下，大市技術上仍處續尋頂之中，即是說，一眾早前建立之淡倉，如沒有及時平倉，目前當需面對較沈重之轉倉成本，至於在高位才結算者，則需承擔頗為明顯之虧損。 拉闊一點看，這期升浪是始自4月9日之低位19,260點，至7月24日之高位25,735點止計。大市經過逾近15周之中期上升後，累積之升幅已達6,475點。首先，一個中期升浪所運行之周期約為14至16周，加上以6,475點之升幅計亦已不算小，故大市可能需略作消化，而伺高回吐之獲利貨亦會漸增，故大市技術上或會出現適量調整，尤其是累積升幅較明顯之股份可能會出現較深之調整，故投資者作任何投機性之短炒行動，最好先做足風險管理，目前大市正處風高浪急之階段中，故任何投機性之入市行動均需緊扣安全帶。 再看移動線方面之情況，直到目前一刻止計，各組平均移動線之排列仍屬標準之升市模式，由上而下為10天線(約在24,935點左近)，20天線(約在24,501點左近)，50天線(約在24,040點左近)，100天線(約在23,414點左近)及250天線(約在21,099點左近)，而恆指則位於各組平均移動線之上方，嚴格而言，一日恆指仍能穩守於10天線之上，即表示大市技術上仍處續尋頂之中，但上文已述大市累積之升幅已不少，故在持貨續上望之餘，需留意大市之變化，一旦發現大市之走勢出現逆轉便需小心。 |
|
| 李浩然 |
2025-07-28T11:03 |
請原諒那些在牛市里意氣風發、指望美股像阿波羅火箭一樣永遠直衝雲霄的投資者。畢竟，當你被過去十年科技巨頭的賺錢能力燒得頭暈目眩，誰還想理會經濟學的老古董理論？「新經濟」、「新利潤率」、「新時代」——這些詞每隔一代就會被重新包裝一次，像打折清倉的iPhone。 經典說法是：過去百年美股年化報酬約10%，如今新一代七巨頭（Magnificent 7）利潤率高得嚇人，難道不是該把未來預期拉到13%、甚至15%？太天真。這種樂觀預期就像相信一杯咖啡能讓你三天三夜不睡，終歸會撞到牆。 先來看看數據。標準普爾 500指數的市盈率，如今穩穩站在24倍以上，遠超中型股和小型股的17倍。有人說，科技股主導時代，這種溢價理所當然。這話沒錯，但這些估值已經把「新利潤率」搾乾了。除非你相信蘋果和微軟未來能像大白鯊一樣把整個經濟都吞掉，否則這種估值只會把未來收益提前消耗殆盡。 經濟增長有極限，這不是情緒問題，而是物理學。Kleiber』s Law的啟示是：體型越大，效率越高，但增長速率越慢。一隻大象比一隻老鼠節能，但沒見過大象長到像郵輪一樣大。現今全球股市市值已近50萬億美元，繼續指望其以複利15%狂奔，邏輯上等同於預期美國GDP像病毒一樣無限繁殖——最後只會讓經濟模型和現實脫節。 企業利潤終歸要靠全球消費者掏錢。當然，軟體訂閱和數位廣告比造車造鐵軌賺得快，但消費者的錢包卻沒有跟著AI的曲線指數化膨脹。每一分超額利潤，最終都要找市場接盤。當全世界都把退休儲蓄押在「科技股永動機」上，風險就像雪球一樣在估值底下悄悄滾動。 牛市里沒人會問這些問題，因為大家都忙著在網上發財文、重讀巴菲特語錄，彷彿只要信仰夠虔誠，複利奇蹟就會降臨。但一旦熊市來臨，這些樂觀論調會像流行語一樣一夜之間過時，轉而開始崇拜末日預言家。投資人的心理波動，和市盈率的曲線一樣，從來沒什麼創新。 投資的現實很殘酷：高成長時代終究會讓位於規模經濟的物理上限。那些把15%當作新常態的人，無異於相信地球是平的。估值越高，未來回報越低。這不是悲觀，而是算術。 至於那些還在牛市狂歡，幻想自己比鄰家更快致富的人，最好記得：市場永遠能以你想不到的方式讓你清醒。至於市盈率24倍的標普500，祝你好運。 |
|
| 趙晞文 |
2025-07-25T22:48 |
微創醫療(00853)單一大股東大塚控股擬減持逾2.9億股，佔股本15.71%，接貨的包括上實資本、盡善盡美科學基金會、管理層持股平台。 信達國際研究部董事趙晞文表示，大塚控股已持股多年，沽出大部分持股或因本身業務有資金需求，而上實資本成為微創醫療戰略股東後，市場或憧憬對公司業務有正面幫助。 |
|
| 熊俊傑 |
2025-07-25T17:50 |
國際金價今個星期一度衝上5周高位，現時係每盎司3400美元水平有較大阻力，美國經濟數據堅韌，市場估計，美國聯儲局下周議息後將按兵不動，金價下周會唔會出現回套？ 獨立商品外匯分析師熊俊傑指，金價依家處於較高水平，所以唔會特別睇好，3400美元水平已係日線圖形成「4頂」形態，反映市場視呢個阻力為一個心理關卡，以技術形態黎睇，能向上突破呢個位慨機會唔大。 Ken又補充，美國已陸續同各國就對等關稅(Reciprocal Tariff)達成協議，估計下一個會係歐盟，如果呢些較大慨經濟體都可以傾掂數，相信市場慨風險情緒會降溫，屆時對黃金慨需求將會減少，事實上，各國央行買入黃金慨消息愈來愈少，呢些因素都不利金價向上突破，Ken估計，金價會先下試3200美元，下一站就會係3150美元。 |
|
| 姚浩然 |
2025-07-25T16:21 |
農夫山泉(09633)股價今日(25日)逆市升，上周至今已累升17%，市監局發布《價格法》慨修正草案兼徵求意見，內地「反內捲」政策對改善茶飲股競爭有幾大作用？ 亨達財富管理董事總經理姚浩然指，《價格法》至少可以減少惡意減價，因為以往市場最怕企業為左搶市佔率，旗下產品不斷同對手鬥減價，依家開始留意到價格唔牽涉「內捲」，就會令售價穩定返，亦可以keep到毛利率，有助盈利回穩。 Patrick續指，農夫山泉估值唔算平，預測市盈率(PE)約30倍，市場預期，集團上半年收入及利潤按年增長約20%，但呢個增幅就唔算好吸引，市場唯一可以炒係習慣及必須性，否則，呢些飲品股慨股價未必有好大上升空間。 |
|
| 陳建良 |
2025-07-25T15:27 |
「反內捲」已成為國策，中央昨日(24日)再出手，發改委及市監局就修訂《價格法》公開徵求意見，明確不正當價格行為，花旗認為，修訂草案利好太陽能行業，因為內地大部分太陽能光伏產品都係以蝕本價出售，究竟內地點解決「內捲」問題？ 勝利證券首席顧問陳建良指，因為未來慨人工智能(AI)及高質素生產力，都需要大量低成本電力供應，所以每個國家都用緊自己慨方法搶佔緊能源市場，美國係狂開採石油，而內地就靠太陽能。 KL續指，太陽能行業已經鬥到爛曬，係過去幾年都冇見過人LONG，鬥得太爛時就要蝕住賣，即中國要貼錢畀外國增加能源供應，佢相信，中國會出手禁止呢個情況出現，反而會crack down太陽能產能，然後發展垃圾發電、核能發電、水力發電。 佢認為，內地今次會花更多精力係能源基建上，因為呢些行業係「反內捲」及大部分資金嚴重不足下，相對容易有曙光。 |
|
| 梁偉源 |
2025-07-25T12:50 |
截至早上11時止，過去1小時內《彭博》用戶搜尋量最多港股，依次為美圖公司(01357)、藥明生物(02269)、碧桂園(02007)、維立志博(09887)、快手(01024)。 美圖股價今早(25日)低開近1%後，跌幅一度擴大至逾10%，低見10元，大股東蔡文勝於周一(21日)減持400萬股，年初至今累計減持11次，之前一直減持都仲行緊升浪，點解釋今次會跌？依家係咪買入慨好時機？ 大華繼顯執行董事梁偉源指，大股東今次減持股數唔多，之前公司發盈喜後，股價曾升至11.5元水平，睇返公司基本因素，盈利都有改善，可能因為今日大市轉弱，加上傳出大股東減持消息，睇返今日跌幅，相信係短線獲利回套。 Steven又話，美圖業務配合到市場人工智能(AI)發展，跟得非常貼市，公司亦有一定技術水平，所以吸引到更多用戶，係盈利繼續改善下，今次股價調整至10元水平，都係一個可以考慮買入慨時機。 |
|
| 聶振邦 |
2025-07-25T11:11 |
美國總統特朗普(Donald Trump)昨晚(24日)踩上聯儲局(Fed)華盛頓總部，係近20年首次有總統咁做，一如預期，佢繼續向主席鮑威爾(Jerome Powell)施壓，不過，美國昨晚出爐慨經濟數據繼續顯示，美國經濟仍有韌性，其中，7月企業活動增速係今年以黎最快，而上周新領失業救濟人數係4月中以來最少，點預測聯儲局下周慨議息結果？ 博威環球證券金融首席分析師聶振邦指，依家經濟數據向好，睇返現時慨利率水平，今個月仍冇需要減息，但9月機會就明顯較大，但減息機會相比兩周前係細左，反映市場仍持觀望態度，因為對等關稅(Reciprocal Tariff)慨安排似乎有機會再推遲，所以Fed評估唔到關稅政策對美國經濟及物價慨實際影響。 聶Sir又話，陸續有國家同美國達成貿易協議，基本上最新稅率都低過4月公布慨水平，相信等整體協議落實後，Fed再去規劃議息路徑會較明確，所以下星期慨議息結果應該唔會有太大驚喜。 |
|
| 盧志明 |
2025-07-25T10:06 |
大唐資本投資策略部總監盧志明推介聯想集團(00992) 推介原因： -上季聯想個人電腦(PC)出貨量按年升15.2%，市佔率第一 -文遠知行推出與聯想車計算共同研發、首發搭載英偉達新一代DRIVE Thor X芯片 -美國恢復H20等供應。 |
|
| 林嘉麒 |
2025-07-24T22:44 |
彩星玩具(00869)再次獲美國對沖基金Pelham Investment增持，持股升至6%。 元宇證券基金投資總監林嘉麒表示，對沖基金增持市值僅6億多元的彩星玩具，可能憧憬公司日後或出售生產忍者龜玩具的權利，又或未來或逼使手頭現金充裕的彩星，派發特別股息，但上述猜測未必會於短時間內發生。 |
|
| 羅明立 |
2025-07-24T17:55 |
美國同日本達成貿易協議後，談判焦點轉至其他大國，市傳美歐好快就會達成協議，美國商務部部長盧特尼克(Howard Lutnick)指，美日貿易協議對歐盟有參考作用，歐盟關稅稅會唔會同日本一樣都係15%？歐元後市會點走？ 亨達集團助理總經理羅明立指，美日傾掂數後，美國或會向歐盟施加更大壓力，歐元兌美元近期跌至1.15水平後，已慢慢爬返上黎，暫時仍可守住50天線，整體走勢唔算差。 Patrick又補充，歐洲經濟唔算特別突出，但近期聯儲局內部就貨幣政策慨分歧大左，又有唔同聲音要求減息，再加上解僱主席鮑威爾(Jerome Powell)慨風波，令市場多左炒作空間，歐元有機會上試1.182至1.183水平，如果突破到，下半年有機會見1.21至1.23水平。 |
|
| 植耀輝 |
2025-07-24T17:29 |
商湯(00020)向無極資本配售逾16.66億股新B類股份，配股價1.5元，較昨日(23日)收市價折讓約6%，集資淨額約24.98億元，將用於支持公司生成式人工智能(Generative AI)研發等。值得留意係，集團去年兩次配股都有多名承配人，今次只得無極資本，點睇呢單deal？商湯去年配股後，股價走勢差，今次情況會唔會一樣？ 耀才證券研究部總監植耀輝指，無極資本近期動作都係同內地及AI發展有關，市場上冇太多關於呢間公司慨紀錄，如果商湯係呢個範疇慨表現明顯改善，先可以為市場打一支強心針。 股價方面，Stanley提醒，短線要小心，過去商湯股價較波動，加上每次公司有消息傳出，北水就會關注，係北水參與下，股價有郁動並唔出奇，佢又話，前高位1.9元水平可視為短線目標，但佢提醒，公司仍處於一個「燒錢」比較多慨階段，所以都要小心。 |
|
| 陳偉明 |
2025-07-24T15:09 |
美國對全球各國徵收「對等關稅」，加上美國總統特朗普多次抱怨聯儲局主席鮑威爾太遲減息，甚至曾經揚言要鮑威爾辭職。市場憂慮環球關稅風險升級推高通脹，加上聯儲局的獨立性備受挑戰，美國債息回落，美匯下挫，不少評論指美股有回吐壓力，諷刺的是美國三大指數卻在眾人看淡之聲中，持續破頂。 另一方面，內地面對通縮、內捲及房地產危機，加上環球關稅風險再度升級及缺乏利好消息，早前不少分析指中港股市上升空間有限，但是在中美外長會面、內地似擺脫通縮、中央反內捲、Nvidia重新獲准對華出口「H20」晶片、內地上半年GDP優於預期、中美元首傳出可能今年內會面、中美貿易戰緩和、北水持續流入、美元弱、人仔強等利好因素刺激下，中港股市表現不但比美股理想，甚至跑贏全球主要股市，恆指今個星期持續創出今年新高，最新已升至25,700點之上。 美國堅持對各國徵收高額關稅，導致通脹風險上升，加上美國經濟數據保持強勁，7月減息可能性大幅回落，美匯自7月初以來於96水平觸底反彈，並於上周三(16日)及上周四(17日)向上撲99關，相反港元持續弱勢，港匯再次觸發7.85「弱方兌換保證」，港股上周本來在24,800點水平受阻，並於上周四(17日)跌穿24,500點。 美國通脹數據增長低於預期，加上6月零售銷售遠超市場預期，緩解市場對美國經濟憂慮，再配合不少美企業績理想，美股上周四晚(17日)向好，帶動港股於上周五(18日)顯著高開，但恆指早上仍然受制於24,800關阻力回落至，中午過後似乎有聰明資金於24,600點水平趁低吸納，港股開始出現V型反彈，事後得知原來中國市監局約談阿里巴巴(09988)旗下餓了麼、美團(03690)及京東(09618)等3間外賣平台，要求相關平台企業嚴格遵守多項法律法規，加上內地逾10省市的餐飲行業協會先後呼籲外賣平台停止「內卷」競爭，在憧憬外賣平台暫時「停戰」下，港股於本周升勢持續。 美國總統特朗普政府與聯儲局的矛盾不斷，財長貝森特批評聯儲局裝修超支，聲稱要調查整個聯儲局，令市場憂慮特朗普政府出花招向聯儲局施壓減息，美匯於本周一(21日)開始回復跌勢。本來美匯轉弱、人仔轉強，再配合中國政府反內捲，已經有利中港股市向上，加上多個利好消息相繼出現，包括內地大型水電工程開工、京東收購「平價超市」佳寶、美國與歐盟有望達成貿易協議、中美財金官員將於下周在瑞典再度會唔及中美元首傳出可能於10月底或11月初會面，恆指連升5日，於本周四(24日)升至高見25,735點。 事實上，筆者上周亦未能估到中港股市本周的升勢會如此強勁。相信英偉達(美：NVDA)獲美國批准向中國銷售H20芯片令中美關係緩和、中國政府反內捲及美匯轉弱、人仔轉強，這三大因素是重要的催化劑令港股出現價值重估，向上爆上。 技術上，恆指本周初，同時向上突破短期阻力上周三(16日)頂位24,867點，及長期阻力今年3月19日頂位24,874點後，氣勢如虹，不但連續5日未曾跌穿上日低位，而且從未出現即日「陰燭」回落，反映市場追貨取態明顯。雖然港股短期升幅已巨，但升市莫估頂，切忌造談，好倉可以繼續持有，高追則要審慎。 投資者可以留意恆指支持區域大約24,600點至25,000點撈貨，投機者可以嘗試在恆指跌穿上日低位時，小注Long Call 8月價外1,000點恆指期權，博港股升勢持續。 |
|
| 許繹彬 |
2025-07-24T12:13 |
港股本周終於破頂而上，久攻不破的今年三月高位24,874點，在一連串利好消息配合下，終於在本周一(21日)攻破，直至昨日(即23/7)的表現，港股可謂勢如破竹，締造五連升的局面，不僅攻破25,000點水平，更一度升穿25,500點水平，暫高見25,538點，是2021年11月後新高；港股成交亦顯著增加，本周成交平均也能超過2,500億元水平，昨日(23日)更超過3,330億元。港股本周能夠轉勢突圍的原因，相信是由於市場有接踵而來的利好消息。 首先，近半年來一直被「內捲」競爭纏繞並導致股價持續向下的內地外賣平台，如美團(03690)﹑京東集團(09618)及阿里巴巴(09988)，近日終有突破性發展，內地監管機構擬出手整治電商平台「內捲」的問題，指出外賣內戰會進一步削減各餐飲業門市利潤，在訂單量激增下，反而會增添營運壓力。面對商家困境，中國烹飪協會、中國連鎖經營協會等多個協會紛紛發聲，呼籲平台規範低價補貼競爭，維護市場公平秩序，保障餐飲業的利潤空間。 消息一出，美團及阿里的股價立即作出反應，先後升穿10天、20天及50天線，前者股價更直逼135元水平，後者則已升穿120元，可謂吐氣揚眉。而另一隻早已被投資者遺忘、有大笨象之稱的匯豐控股(00005)，本周連續兩個交易日，股價一度升穿100元的重大阻力區，昨日(23日)終於成為「紅底」股，是2008年9月後首次。與此同時，上證指數亦持續上升，逼近3,600點水平，創下近4年新高，帶動股皇騰訊(00700)及港交所(00388)雙雙發力而上，均創下52周新高，因而令港股氣勢走強，破位而上。港股升勢如此凌厲，北水定必是主要助力，更出現連續第14日淨流入的美好光景。 據彭博統計，今年以來北水合計流入近8,000億元，距離去年全年流入約8,080億元只差一小步，按現行走勢推算，相信短期內有機會超越去年全年的水平。多間大行更估計，北水直到年底流入規模將超過萬億元。由於港股本周持續在大成交下破頂，加上市場上各類消息均對港股有利，故此升勢短期內可能未完，如投資者想做淡，確實要三思而後行。 作為貿易戰發起人，美國總統特朗普本周態度有所緩和，宣布與印尼簽訂貿易協議，美國所有出口到印尼的貨品將不須繳付關稅，相當於消除99%關稅，而印尼進口到美國的貨品則被徵收19%關稅。美國更宣布，對日本的「對等關稅」將由25%下調至15%，雙方亦同意將汽車及零件徵收的進口關稅總額從25%下調至15%。美國財長貝桑稱，他下周在瑞典斯德哥爾摩與中國財長藍佛安會晤時，可能會討論延長8月12日為提高關稅最後期限的問題。 除此之外，狂人特朗普再度釋出善意，預告可能會在未來一段時間訪問中國。如消息屬實，這將是特朗普在第二任期內，與中國國家主席習近平的首次面對面會晤。在各類利好消息帶動下，美國股市亦顯著造好，標指和納指均盤中破頂，收市亦創歷史新高。故此，本周全球股票市場可謂歌舞昇平。 筆者認為，港股今年以來能夠持續強勢，升幅更達全球之冠，除因為今年香港股票市場的基本因素外，亦因為國內股票市場同樣有不俗表現，且受到外資垂青。日前，國家外匯管理局在發布會上表示，今年上半年外匯市場表現遠勝預期，企業、個人等非銀行部門跨境資金淨流入1,273億美元。數據更顯示，上半年外資淨增持境內股票和基金101億美元，扭轉過去兩年總體淨減持的情況，而在5月、6月淨增持規模更增加至188億美元，顯示全球資本市場對內地股市的投資意欲持續增強，因而間接令國內股市呈現屢創新高的格局。 在此優勢下，一直與內地股市有著「唇齒相依」關係的港股，亦自然會受惠，而此「受惠」亦間接帶動港股持續向上，這相信亦跟國內公募基金南下「買貨」成新趨勢有關，有數據顯示，2025年第二季，已有近1,800個內地基金在該季度提高了港股倉位，部分基金的增持幅度更超過50%，增持對象以高股息的銀行股為主，可見港股氣勢如虹，指數暫創下逾3年半新高，更直逼26,000點，並非無跡可尋。 值得一提的是，新能源汽車延續快速增長態勢，產銷量同比均實現40%以上的高位增長。新能源汽車獲得如此佳績，可見曾經令消費者對其續航和充電的憂慮等問題已逐漸解除，因而帶動新能源車股近日有所異動，部分車股亦早已重返招股價，不過小鵬汽車(09868)走勢則較為含蓄，距離招股價仍有一段距離，投資者不妨留意。 |
|
| 陳偉聰 |
2025-07-24T11:42 |
繼美日菲達成貿易協議後，市傳美國及歐盟亦好快傾掂數，刺激美股昨晚(23日)大升，道指收市升逾500點，納指及標指就雙雙破頂。據LSEG最新數據顯示，分析師普遍預期，標指成分股第2季純利按年增長7.5%，主要由市值高慨科技股帶動，公司業績樂觀，加上關稅又陸續有好消息，美股係咪可以繼續上衝？ 東亞證券高級投資策略師陳偉聰認為，關稅拹議進展樂觀，美國已經同東南亞、英國傾掂數，而美日慨15%關稅對美歐談判有參考價值，加上歐盟之前提及慨反制措施，會迫使美國作出讓步，因此，預期美國同其他主要貿易伙伴達成貿易拹議慨機會好大。 Jason又指，公司業績方面，由於4月至5月受關稅戰影響，市場對美企第2季業績慨盈利預測較保守，即使之後傳黎關稅進入「休戰期」呢些利好消息，整體上調幅度都唔會太大。佢又估計，美股將會維持破頂勢頭。 |
|
| 譚智樂 |
2025-07-24T10:09 |
富途證券首席分析師譚智樂推介眾安在線(06060) 推介原因： -第3代互聯網(Web3.0)和真實世界資產(RWA)發展布局 -上月螞蟻集團減持和公司配股消息已反映。 |
|
| 聶振邦 |
2025-07-23T16:09 |
國產重磅遊戲《明末:淵虛之羽》明日(24日)就會係內地遊戲市場正式發售，《明末:淵虛之羽》昨日(22日)係遊戲平台Steam暢銷榜排第2位，今日(23日)已升上榜首，嗶哩嗶哩(B站)(09626)作為呢個game慨內地發行商，股價可唔可以趁機炒上200元？ 博威環球證券金融首席分析師聶振邦指，相比《黑神話:悟空》《明末:淵虛之羽》開售時慨話題性可能有些輸蝕，始終《西遊記》係家傳戶曉慨故事，不過，呢款遊戲勝在劇情係虛構，玩家玩起黎會有更多新鮮感，所以唔排除會吸引到玩家探索。 至於B站股價，聶Sir話，《明末:淵虛之羽》可以間接帶動集團股價，相信最遲下星期就可以企穩200元，係8月甚至有可能去到2022年4月高位，即250元水平。 |
|
| 莊志雄 |
2025-07-23T15:07 |
若預期美國經濟前景會較為暗淡，又或者會轉差之下，投資者係咪都要密切留意美國長債息走向？尤其30年期長債息，依家已升至逾4.9厘。 「股市漁夫」創辦人莊志雄指，股市短期未必同經濟掛鉤，尤其係一個負利率環境下，其實係有利資產價格，依家處於一個相對穩定慨情況，因為長債息仲未抽上去，之前試過幾次衝上5厘水平，其後唔知係咪有一些「有形之手」壓返落去，到底壓唔壓得住都未知，對上一次衝上5厘係長債拍賣結果較差當日，之後又壓返落去，呢個情況係要留意，如果聯儲局黎緊真係減3次息，應該會刺激通脹，長債息就會跟住升上去。 債息落唔到去之餘，股市一樣落唔到去。 |
|
| 譚智樂 |
2025-07-23T14:14 |
截至早上11時止，過去1小時內《彭博》用戶搜尋量最多港股，依次為ASMPT(00522)、藥明合聯(02268)、藥明生物(02269)、比亞迪股份(01211)及騰訊控股(00700)。 ASMPT出左業績，上半年盈利倒退30%，雖然上季收入按年增長約2%，但兩者都差過預期，集團預期，今季收入介乎4.45億至約5億美元，即按年及按季分別增長約9%至10%，點睇今季指引？ 富途證券首席分析師譚智樂指，ASMPT唔少負面影響已開始紓緩，如果市場將目光放係「最壞慨已經過去」，咁業績及指引都可能會收貨，不過，係咪可以支持股價繼續向上，仍然係一個爭議點。 佢又指，值得留意係，考慮返ASMPT現時估值、市盈率(PE)近100倍，雖然業績向好，但毛利率按季仍要跌，收入按季增長約10%，呢個增速相對現時慨估值都只係僅僅合格，Arnold相信，ASMPT股價短線或會借「最壞已過」回升，但估值修正空間就未必大。 |
|
| 盧志威 |
2025-07-23T10:01 |
美股今晚(23日)收市後就輪到Google母公司Alphabet，同埋Tesla派季度成績表，其中，Alphabet股價係放榜前已連升10個交易日，累升約10%，升幅睇落唔算大，但對一家萬億美元市值慨科企黎講，呢個升幅都唔細。Alphabet季績值唔值得憧憬，Google Cloud增長係咪亮點？市場亦關注集團人工智能(AI)模型Gemini發展。 潤淼資產管理董事盧志威估計，Alphabet業績應該唔差，雖然Google Search肯定會走下坡，亦拖低左集團估值，反而變成預期之內，要留意Google service及Google Cloud收入，會唔會因為出左AI而好左，所以整體表現應該係向好。 |
|
| 李偉傑 |
2025-07-22T17:29 |
內地監管部門近期密密約談外賣平台，「內捲」競爭或有望告一段落。不過，京東集團(09618)似乎唔肯罷休，近期頻頻有動作，除左宣布直接自營外賣店，更傳出收購本地食品零售批發商佳寶食品超級市場，收購背後又有咩盤算？ 天風國際李偉傑表示，京東開設自營外賣店，希望係「反內捲」政策下殺出一條血路，成為供應鏈上層，雖然呢個策略要不斷燒錢，但一旦成功，京東就唔需要再畀優惠商家，亦可以係市場分一杯羹。雖然京東目標係3年內開設1萬間分店，但相信發展到一定程度，就會調整擴張規模。 Jason又認為，京東今次收購佳寶，可能係利用佳寶作為拓展海外市場慨試金石，但佳寶慨市場形象同京東有好大差異，呢方面較難說服投資者。 |
|
| 文錦輝 |
2025-07-22T11:21 |
今個星期將會有逾百家標指成分股企業派第2季成績表，標指及納指昨晚(21日)再破頂，其中，納指已連升6個交易日，而標指預測市盈率(PE)已高達24.7倍，係咪反映市場對美企季績好有信心，令美股持續強勢？ 艾德證券期貨投資策略總監文錦輝指，不論美國經濟數據及企業業績都反映聯儲局現階段冇必要減息，但由於美國總統特朗普(Donald Trump)不斷施壓，聯儲局有機會係9月，等經濟數據回落後就開始減息。雖然依家美息高企，但企業業績仍然對辦，所以市場憧憬減息後，美股係第3及第4季仍唔會掉頭。 Felix又話，環球股市慨經濟韌性冇美國咁強，雖然市場之前話要「去美國化」，但最後資金都係重新流入美國，反映投資者對美元資產仍然有信心，所以唔使擔心美股表現，但升幅就可能冇之前咁勁。 |
|
| 盧志明 |
2025-07-22T10:59 |
恆生指數今早(22日)高開30點，開市即升穿25000關，但其後走勢轉差及倒跌，跌至24900點邊緣。好倉昨日(21日)繼續有資金流出，涉及約1740萬元，淡倉則連續兩日有資金流入，昨日流入約3400萬元。此外，牛證重貨區係23600點，最多人加倉係24500點。熊證重貨區就上到25300點，最多人加倉係25500點。恆指昨日一度升上25000點，但之後企唔穩，見到牛證資金多左，熊證重貨係25300點，有冇咩啟示？ 大唐資本投資策略部總監盧志明指，呢些都係重要慨關口，25300點係有一些代表性，睇返5月及6月，每一次慨頂部位置相對之前都有一個韻律係度，最近兩轉都觸及50天線後再彈返上去，都係差不多1600點，睇返兩星期前，即25250至25300點，呢個正正係牛熊證分布重點位。 Ken又話，呢些位可能有投資者博短線調整，現階段係一個牛皮拉扯格局。 |
|
| 姚浩然 |
2025-07-22T10:18 |
亨達財富管理董事總經理姚浩然推介渣打集團(02888) 推介原因： -有機會取得香港穩定幣牌照之一 -未來加強虛擬貨幣發展。 |
|
| 聶振邦 |
2025-07-21T16:16 |
斥資約1.2萬億人仔慨西藏雅魯藏布江下游水電工程項目，已經係上周六(19日)正式開工，摩根士丹利估計，整個工程需時最少18年，水泥需求最多3000萬噸，預期水泥股會成為大贏家，其中，華新水泥(06655)因為業務地區主要集中係西藏、上海、張家界等地區，比同業更有優勢，華新上周發左盈喜，估計中期多賺最多61%，中長線而言，華新似乎會壟斷工程需求，華新股價今日(21日)一度飆逾1倍，高見20.1元，華新中長線能唔能夠維持強勢？ 博威環球證券金融首席分析師聶振邦指，華新業績好難單靠呢項工程撐起，雖然工程耗時長，但由於唔係一次過買入所需慨水泥，所以未必可以係年度業績反映，但呢項工程會對公司形象有幫助，令公司更易接到其他水泥定單，如果華新成為主要供應商，亦都有助穩定未來生意額，但呢些利好因素已經係今日股價反映。 聶Sir又話，如果投資者係14元以下買入華新，不妨考慮先「食糊」，始終唔確定升勢可唔可以持續，因為要視乎後續消息，如果係約16元入手，可以再觀望多兩個交易日，如果企唔穩15元，先行離場可能較穩陣。 |
|
| 梁傑文 |
2025-07-21T15:26 |
科軒動力控股(00476)宣布以每股0.45元，較上周五(18日)收市價折讓近34%，向現有股東徐化配售6000萬股新股，集資淨額2680萬元，徐化持股量將會由9.42%大升至28.36%，成為單一最大股東，公司有3大主業，分別係採礦、金屬礦物買賣、發展及銷售電動車，其中，電動車輛銷售以電動巴士主打，睇返公司截至3月底止全年業績，基本上100%收入都係來自電動車業務，但表現非常差，收入按年大跌約93%，虧損就擴大至逾3.7億元。公司曾經話，業務會持續轉型至「電動公共交通」領域，今次配股集資有逾70%，用作現有採購定單及開發專用電動交通解決方案業務，符合公司發展方向，新股東加上業務轉型，科軒動力值唔值得憧憬？ 《香港股票財技密碼》作者梁傑文指，買家都係大型機構及公司，包括政府機構等，但市場只集中係香港，全年業績收入只得300萬元，反映交付量低，如果收入持續得幾百萬，有機會被港交所(00388)評定為業務不足而除牌，加上本港電動車市場競爭十分激烈，包括比亞迪股份(02011)等龍頭，雖然公司新業務有憧憬，但始終競爭大，依家公司首要係諗辦法改善業績。 Mike又話，徐化係可再生能源、清潔能源相關慨行業有經驗，加上其金融知識，相信成為大股東之後會有新動作，否則唔會用咁大筆錢接手。 |
|
| 梁偉民 |
2025-07-21T11:05 |
美股3大指數上周表現分化，全周埋單計，道指微跌，標指及納指有得升，後者更再創新高。美國總統特朗普(Donald Trump)正式簽署穩定幣法案，又指會提升美元實力，值得留意係，穩定幣慨設計可以用美元或美國國債做抵押，係咪有助化解美國債務危機？ 高富金融集團投資總監梁偉民指，美國政府債務高企，穩定幣法案未必可以完全化解債務危機，不過，若穩定幣未來可以係全球流通，會令美元需求增加，所以市場認為對美元黎講係一個正面因素，不過，到底有幾多公司會申請發行穩定幣，同埋流通程度都係未知之數，相信最快要1至2年後，才知道情況係咪好似市場預期咁理想。 美股方面，Wyman話，依家投資氣氛仍然理想，市場對關稅前景冇4月時咁擔心，不過，關稅問題始終未明朗，美國同大部分國家仍未傾掂數，所以仍要小心市場慨樂觀情緒會逆轉。 |
|
| 郭思治 |
2025-07-21T10:55 |
大市開始步入7月份之下旬，而直到執筆一刻止計，本月大市之形態暫仍屬先低而後高，恆指暫是由4日之低位23,690點升至16日之高位24,867點，即月內之波幅暫為1,177點，首先，本月高低位是相隔9個交易日，基本上已符合最低之慣性要求，但1,177點之波幅計則仍略偏細，似仍未能滿足月內之所需，故在本月底之前，理論上該有更大之波幅點出現，從而擴闊月內之波幅以滿足所需，而從技術上看，只要恆指能持續穩守於10天線 (約在24,273點左近)之上，即表示大市仍處欲試頂之中，而所指之頂，暫該為3月19日之高位24,874點及25,000點大關。 本月大市暫仍屬先低而後高，且恆指亦持續緊扣高台，估計稍作整固後，只要買盤態度略為積極，恆指該可見突破，不妨參考大市5月及6月大市之走勢，5月恆指是由2日之低位22,058點升至21日之高位23,917點，即月內之波幅是上升1859點，到6月份，恆指是由2日之低位22,668點升至25日之高位24,533點，即月內之波幅是上升1,865點，到7月份，以低位暫仍為4日之23,690點計，只要先低後高之形態不變，而月內之上升波幅有約1,500點及1,800點，恆指已可望上試25,190點及25,490點，當然，成交金額能不配否至為關鍵，因大市之動力如不能配合，升勢當會漸受規限。 再看移動線方面之走勢，目前各組平均移動線之排列由上而下為10天線(約在24,273點左近)，20天線(約在24,175點左近)，50天線(約在23,838點左近)，100天線(約在23,320點左近)，250天線(約在20,994點左近)，單從排列上看，技術上該屬標準之升市模式，即是說只要恆指能持續穩守在10天線之上，即表示整個大市仍會處續尋頂之中，以今年低暫仍為1月13日之18,671點計，假如今年大市有約8,000點至8,500點之上升波幅，大市之中期目標已可上望26,671點至27,171點。 |
|
| 李浩然 |
2025-07-21T10:13 |
如果華爾街有一塊墳場，2020年代的美國國債很可能已經在那里預留了自己的墓碑。翻開德意志銀行的長期收益率圖表，那條1920年代後幾乎沒有見過底的藍線，如今徹底栽進了負增長的泥潭。這不是什麼技術性調整，也不是什麼正常迴歸，而是「史上最慘十年」—如果還嫌這個說法不夠戲劇化，不妨問問那些以為自己買了「無風險資產」的債券持有者。 冷冰冰的數字勝過千言萬語。按名義回報計算，2020年代美國10年期國債年化報酬率-1.2%，長年期國債更是慘烈至-4.4%。這還只是表面。當通脹的惡魔入侵，現實比表格更殘酷。以實質回報觀之，10年期國債-5.1%，長年期國債-8.3%。放眼近百年，只有二戰與70年代石油危機能與之並肩，然而那時候至少名義利率還撐得住面子。 這不是什麼隱性損失。iShares 20+年美國國債ETF一路下殺，至今仍在高點腰斬的40%深坑里掙扎。若同樣情況發生在美股，金融媒體恐怕會天天直播「資本主義完蛋了」大戲。但債券市場的血流成河，卻只換來一片死寂。原因也許很簡單——債券還有個「到期還本」的自欺安慰劑。然而，這種「只要不賣就沒損失」的鴕鳥哲學，無法掩蓋現實：一整代人正在親身經歷「固定收益」如何變成「固定失血」。 更諷刺的是，這場災難本可以避免。當2020年長端利率趴在地上，短債、T-bill收益率明顯更高，風險更低——明明擺在眼前的選擇，卻還是有無數投資者迷信久期神話，咬牙死守長債，仿佛美聯儲永遠不會加息，通脹永遠是歷史名詞。 現在，利率終於回到4%-5%。債券突然變得「有吸引力」了？這不過是從地獄爬回人間的幻覺。沒錯，未來回報確實有望改善，但也僅僅因為過去跌得夠慘。美國國債，這個曾經的「全球風險資產定價基石」，現在成了金融市場最大的黑色幽默。 或許有人還會安慰自己：「只要不再升息，回報就會修復。」但歷史教訓擺在眼前，市場不會永遠善待習慣於零利率時代的投資者。這個十年，債券市場終於證明了自己不是避風港，而是風暴中心。未來是否會更好？也許吧。但很少有資產能像美國國債這樣，既能讓你睡得安穩，又能讓你在夢里流血不止。 這不是最糟糕的十年嗎？當然是——而且還遠未結束。 |
|
| 趙晞文 |
2025-07-18T22:46 |
長城汽車(02333)披露，上半年純利跌10.2%，基本盈利跌36.4%。 信達國際研究部董事趙晞文表示，長汽第二季業績相比第一季有改善，下半年亦有多款新車推出，但業績能否持續向好，則要視乎公司的執行能力。 |
|
| 盧楚仁 |
2025-07-18T17:39 |
美國眾議院周四(17日)通過3項加密貨幣(Cryptocurrency)法案，今日(18日)交由美國總統特朗普(Donald Trump)簽署正式成為法律，而且最新據報特朗普會簽署另一項新慨行政命令，允許美國國民以401(K)退休福利計劃帳戶投資加密貨幣、貴金屬、私募股權、基建資產等，消息支持比特幣(Bitcoin)重上12萬美元，仲有冇動力再破頂？ 獨立外匯商品分析師盧楚仁指，Bitcoin一連有多個好消息，相信能夠繼續支持Bitcoin再破頂，加上香港亦即將會係8月舉行國際矚目慨比特幣大會Bitcoin Asia 2025，令市場對Bitcoin更有憧憬，進一步支持再破頂，因此，預期Bitcoin下一站睇13萬美元水平，若能突破，唔排除年底有機會挑戰15萬美元水平。 |
|
| 黃敏碩 |
2025-07-18T16:40 |
周黑鴨(01458)今日(18日)發盈喜，刺激股價一度抽升逾18%，高見2.82元，公司提及，受惠於優化店舖及原材料成本下降，上半年多賺最多近95%，點樣周黑鴨呢個盈喜？股價仲有冇上升動力？ 王道資本及家族資產管理執行董事黃敏碩指，今次盈喜係公司控制成本得來慨成果，同產品創新冇關，業務仍流於傳統模式，不過，市場最關心始終都係毛利率，未來仲有冇上升空間，就要靠自身業務推動，呢個仍要觀望。 Michael又話，係新消費熱潮中，周黑鴨相比茶飲股、IP股等可塑空間較細，依家市盈率(PE)28.5倍，唔係特別平，股價今日衝高後，升幅好快收窄，反映動力不足，佢對周黑鴨有條件再破位向上有保留。 |
|
| 陳建良 |
2025-07-18T16:04 |
雖然中央不斷出招力谷及擴大內需，但消費仍相對疲弱，原因都離唔開價格戰及「內捲式」競爭，如果情況持續，長遠更會影響內地經濟發展，投資者做部署時有咩要留意？ 勝利證券首席顧問陳建良指，過去一段時間經常聽到「內捲」呢兩個字，即係競爭非常激烈，基本上市場諗得到慨行業都有「內捲」，外賣平台、電商，甚至人工智能(AI)都有。 KL又話，面對呢個情況，相信投資者要減持慨股份都已經減持曬，見到過去兩個月慨投資方向都係避開「內捲」嚴重慨板塊，轉揀有定價權、「內捲」情況輕微慨股份。 佢又估計，8月慨投資方向都會偏向揀「反內捲」慨行業，而「內捲」相對輕微慨行業板塊。 |
|
| 梁偉源 |
2025-07-18T13:07 |
截至早上11時止，1小時內《彭博》用戶搜尋量最多港股，依次為紫金礦業(02899)、英皇國際(00163)、美圖公司(01357)、協鑫科技(03800)及美團(03690)。 紫金冇乜新消息，金價、銅價亦未見起色，但紫金股價今朝(18日)愈升愈有，係表現最強勢藍籌。不過，美國昨晚(17日)公布慨經濟數據唔錯，加上內地最新經濟數據大致好過預期，令金屬價格回穩。睇返資源股，以金屬股表現較搶鏡，加上紫金本周初發盈喜，股價本周暫時累升5%，係金價橫行下，上望空間仲有幾大？ 大華繼顯執行董事梁偉源指，隨著美國關稅逐步落實，金融市場回復平穩，各國央行近期積極買入黃金，令金價有支持，雖然最近金市較淡靜，但好快就到業績期，估計會有資金炒作業績股。 Steven又話，金價大升機會唔大，亦要視乎美國下半年減息步伐，同埋各國央行增持黃金慨態度，加上紫金盈喜消息已反映係股價上，除非金價突破每盎司3400至3500美元，否則，紫金股價上望空間唔多。 |
|