| Commentator |
Time |
Content |
Tag |
| 盧志威 |
2022-08-23T10:52 |
近日一度熱炒慨網紅股(Meme股)有散水跡象，其中AMC一度急瀉逾37%，而大型科網股亦冇運行，噚晚NYFANG+之中，以Netflix表現最曳，拖累美股噚晚大林，其中道指收市瀉逾640點，睇返過去約2周，美股因為通脹率低過預期而炒上，但依家已經跌凸，錯過之前一輪反彈浪慨投資者，係咪可以趁美股呢兩日受壓入市？ 潤淼資產管理董事盧志威指，趁近期科網股準備再調整，係可考慮入市，納指之前升左約1400點，美股近日有調整，但唔可以話大市已經見底，可能仲要再跌，如果想博反彈，其實博個股勝算較大，因為大型科網股中，可以上返52周高位只有Apple，其他股份及大市表現都幾分化，所以聚焦係強勢股會較好。 |
US Stock , ETF , HSCEI ETF |
| 陳鳳珠 |
2022-08-23T09:34 |
安里資產管理投資組合經理陳鳳珠推介百威亞太(01876) 推介原因： –產品持續高端化 –雖然集團上半年毛利率下降，但在同業中仍屬高水平，料下半年毛利率將改善 –料百威於南韓及印度市佔率增加。 |
BUD APAC |
| 鄭家華 |
2022-08-22T22:31 |
康師傅(00322)上半年少賺38.4%，中期特別息6.63美仙，按年減少3.6%。 阿仕特朗資產管理董事鄭家華表示，康師傅半年盈利倒退，原因之一是毛利率受壓，但隨著主要原材料價格已由高位回落，相信下半年毛利率有改善，加上公司派息亦算慷慨，相信對股價有一定支持。 |
TINGYI , Food |
| 陳錦興 |
2022-08-22T18:00 |
金風科技(02208)上半年收入跌8%，純利則跌近6%，當中佔收入比重近70%慨風力發電機組及零部件銷售收入，跌近16%至約108億人仔，集團解釋，主要係「海上風電平價時代」來臨，導致海上風機銷售容量下跌，市場似乎對呢份業績唔收貨，金風股價今日係大成交下，一支大陰燭跌穿250天線，即14元，收市重挫逾14%，報12.58元。 英皇證券研究部總監陳錦興指，將金風上半年純利19億人仔，減返第1季純利，即第2季只賺6.6億人仔，遠差過市場預期，佢又話，金風股價5月起走強，投資者可能覺得對比業績表現，金風股價升凸左，所以今日沽壓湧現。 Stanley預期，金風股價上到13元水平，可能再有一批走唔切慨人再沽貨，雖然今年預測PE僅14倍，但現時仍未係吸納時機。 |
Results , EMPEROR CAPITAL , CONCORD NE , IT , GOLDWIND |
| 梁傑文 |
2022-08-22T17:27 |
內地旅遊概念股海昌海洋公園(02255)主要經營位於武漢、成都、天津、青島慨海洋主題公園，近2年一直蝕錢。今朝更出盈警，預告上半年淨虧損擴至最多5.5億人仔，直逼2020年末疫情高峰後水平。集團6月初曾經「抽水」，但配股後股價不跌反升，究竟呢隻股份有咩乾坤？ 《香港股票財技密碼》作者梁傑文認為，海昌以前太依賴門票收入，於是疫情爆發後閉園就斷左財路，不過，公司依家開始重視周邊產品及餐飲服務收入，近月跟第三方合作增加主題公園慨文旅知識產權(IP)項目，以及銷售相關產品，更委任前香港迪士尼CEO金民豪為亞太區總裁，呢些動作都反映公司有心改革，相信業績有望扭虧為盈。 不過，Mike亦指出，海昌估值過高，股價慨上升軌跡可謂「反地心吸力」，海昌股價今年累升逾3倍，較兩年前更勁升近20倍，估計短期內會出現大調整，即使中信証券估計海昌9月初有望以「非核心消費類股份」成北水新貴，但Mike強調不宜高追。 |
Earnings , Results , Stock , IPO , CITIC SEC |
| 蘇沛豐 |
2022-08-22T15:44 |
恆指季檢結果上周五出爐，除左百度集團(09888)，二度「染藍」慨中國神華(01088)，爆大冷慨周大福(01929)同翰森製藥(03692)會係兩周後正式成為「藍籌新貴」，4隻股份今日都有得升，不過，招銀國際策略師蘇沛豐就指，4隻「準新貴」比重唔夠1%，未必推得郁港股。 蘇沛豐指，神華係一隻周期性股份，最近因為煤業興旺令市值水漲船高，但要小心染藍「魔咒」，即過往有唔少股份納入恆指成分股後，係行業慨表現好快到頂。至於黑馬翰森，Daniel指股份交投唔活躍，但係行業具代表性，符合恆指改革後慨入選條件。 此外，大藍籌騰訊控股(00700)、阿里巴巴(09988)佔指數比重，再上調至8%及7.34%，Daniel認為，依家市場更關注大股東減持，佢預期今次成分股變動唔會刺激到後市。 |
Stock , CHINA SHENHUA , TENCENT , LINGYI ITECH , IT |
| 李偉傑 |
2022-08-22T13:02 |
截至早上11時止，1小時內《彭博》用戶關注度上升最多慨港股，依次為新奧能源(02688)、瑞聲科技(02018)、長城汽車(02333)、安踏體育(02020)、海底撈(06862)。 新奧上周五收市後出左業績，股價今朝捱沽，半日收市大跌近11%，報107.6元。受天然氣價成本上升影響，集團中期少賺近18%，但收入大升逾41%。 華盛証券經紀部董事李偉傑認為，俄烏戰爭後歐洲天然氣價飆升，新奧等內地燃氣分銷商慨毛利率難免受壓，市場一直關注燃氣分銷商可唔可以將成本轉嫁畀消費者，而新奧上半年業績反映公司盈利增長無以為繼，導致股價今朝急瀉。 不過，大行畀新奧慨目標價大部分仍係100元樓上，其中摩根大通仲睇好新奧可以升到145元。Jason表示，油價6月開始逐步回落，大行或預期燃氣價格會隨著俄烏局勢明朗化，有望係下半年回落，所以未有因應業績下調目標價。 |
Energy , ANTA SPORTS , Stock , GWMOTOR , Earnings |
| 郭思治 |
2022-08-22T10:31 |
大市已開始步入8月份之下旬，而直到執筆一刻止計，本月大市之形態仍暫屬先高而後低，恆指暫是由5日之高位20,283點跌至10日之低位19,469點，即月內之波幅暫為814點，由於一個月之高低位是不該同時出現於四個交易日之內，加上814點之波幅亦該不能滿足月內之所需，故在本月餘下時份，理論上該有更大之波幅點出現。 從技術上看，目前恆指正好持續拉據於本月波幅之中間，故暫確無較明確之方向感，但有一點可見到的是，經過周來之一輪反覆後，恆指已再度處身於各組常用的平均移動線之下，單從走勢上看，大市技術上已稍偏淡，衹是由於沽壓並不明顯，故整個大市進入拉據待變之中。 移動線方面持續偏弱，經過週來之一輪反覆後，目前各組移動線之排列已成倒序模式，由上而下為250天線(約在22,877點左近)，100天線(約在20,890點左近)，50天線(約在20,812點左近)，20天線(約在20,108點左近)及10天線(約在19,925點左近)，單從技術上看，該屬一個標準的跌浪模式，而由於恆指目前正拉據於上述各組移動線之下，故單從走勢上看，形態對短期後市頗不利，但需留意，衹要大市能略作後抽，已可再輕越10天線，衹是即使如此，亦衹代表大市在技術上初見喘定而已。 目前市場正關注騰訊(00700)會否減持或出售手上之美團點評(03690)，因涉及之金額達240億美元(1,872億港元)，由於金額龐大，對大市當會帶來一定影響，故一日事件未明朗前，投資者多暫抱觀望，如消息屬實，對騰訊該有較正面之影響，但對美團點評則較負面。 |
USD , Stock , TENCENT , IT |
| 李浩然 |
2022-08-22T09:55 |
Gustav Kuhn在他的著作《Experiencing the Impossible: The Science of Magic》（體驗不可能：魔法科學）中曾總結道：「人類的大腦使用一種非常聰明、也幾乎是科幻小說的方式來阻止人們活在過去：那就是預視未來。人類的視覺系統不斷地預測未來，而當下你所感知的世界其實是視覺系統在過去所預測現在的世界」。 換句話說，我們對未來的期望是基於過去的模式；而每當我們運用大腦作敘事時，都會根據最近的經歷去構建。回到投資市場，當投資者試圖弄清股市的狀況時，也經常會發生同樣的過程。因為市場的敘述模式幾乎總是價格和價格本身。結果，很多股市評論員都會容易過度隨波逐流，犯上「見升睇好、見跌睇淡」的毛病。 事實上，早在兩、三個月前，股市最盛行的說法莫過於市場正在先行反映即將到來的經濟衰退，或甚至經濟早已經陷入衰退；此外，由於美國聯儲局已經失去了對通脹的控制，在沒有量化寬鬆(QE)的支持下，已沒有什麼能阻止股市大跌40至50%。顯然，這些敘述在當時都有其道理的，因為股市確實下挫了近25%。 而每當價格下跌時，要說服自己接受看跌的論點總是會比較容易。然而，當股市反彈了15%，現在流行的說法卻轉為聯儲局有可能令經濟出現軟著陸，經濟未必一定會出現衰退。與此同時，通脹（似乎已經見頂）正在改善，而即使經濟陷入了溫和的衰退，聯儲局也可能會介入並降低利率。 明顯地，只要價格回升，市場情緒立即出現改變。如果股市繼續上漲，新的敘述將變得更加具說服力；反之，如果反彈的勢頭逐漸消退，股市再次調頭下挫，那麼之前的敘述將再次湧現。為什麼會這樣？因為一般的投資者都沉迷於故事敘述，因為故事可以幫助大腦避免不適。又例如加密貨幣市場，每當價格上揚時，感覺區塊鏈就像是一種即將改變世界遊戲規則（Game-changing）的創新技術。 幣圈內每個人看起來都像個天才，而且每個新項目聽起來都是前途無可限量，感覺這些虛擬資產的價格將會永遠直線上漲。同樣地，當價格下跌時，感覺加密貨幣可能只是一個騙局，虛擬資產的價格將永遠直線下降。 當然，並不是每個人都會陷入這種敘事式的拉鋸戰，因為總會有逆勢而行的人。不過，順勢而行很多時候都會是正確的做法，就正如亞馬遜創辦人貝索斯曾經說過：「逆勢者通常是錯誤的」（Contrarians are usually wrong）。趁勢並不只是跟著群眾的趨勢而行，有些時侯也要與群眾對著幹，但就與如往常一樣。 |
|
| 植耀輝 |
2022-08-19T22:39 |
小米集團(01810)第二季收入跌20.1%，經調整盈利跌67.1%。 耀才證券研究部總監植耀輝表示，小米上季業績表現不理想，尤其智能手機毛利率持續下跌，而三大業務今年餘下時間，相信難有明顯改善，同時又要繼續投放資金於電動車業務，估計股價難有起色。 |
Earnings |
| 陳欣 |
2022-08-19T17:46 |
聯儲局鷹派官員布拉德撐9月加息0.75厘，美匯指數本周暫時升1.8%，有機會錄得逾2個月以來最大單周升幅，而市場亦觀望下周舉行慨Jackson Hole全球央行年會，美匯指數後市會點走？ 資深外匯分析師陳欣指，鷹派官員就加息表態，亦同主席鮑威爾口徑一致，即穩定物價繼續係聯儲局首要任務，即使經濟陷入衰退都要遏通脹，唔排除下周慨Jackson Hole可能會強調或確定呢個觀點，係呢個情況下，美匯指數短線應繼續有得升，但始終其他經濟數據唔係太好，加上歐元太弱，所以要挑戰109會有一定阻力，暫時中線睇105。 |
USD , EURO |
| 黃敏碩 |
2022-08-19T16:25 |
東方海外國際(00316)中午出左業績，半年多賺逾倍，中期連特別息派6美元，雖然管理層話對前景審慎，但股價係放榜後急升，一度炒高逾7%，暫時係今日表現最強勢藍籌，呢份業績係咪為市場帶來意外驚喜？ 寶鉅證券董事及首席投資總監黃敏碩指，東方海外派息認真唔差，事實上，相比同類股份，東方海外近期跌得冇咁急，原因係集團慨利好消息增加股份慨防守性，不過，未來就要視乎航運周期，以及市場對貨櫃慨需求。佢又話，睇返同板塊股份，例如中遠海控(01919)或其他從事集裝箱業務慨股份，雖然股價表現唔算太差，但都係呈一個慢慢回落趨勢，因為市場擔心經濟放緩會令集裝箱需求減弱。 黃敏碩又提醒，東方海外近幾次慨反彈力度都比較弱，如果情況持續，建議有貨慨投資者要搵靚位慢慢減持，但唔好追放。 |
BDI , OOIL , USD , COSCO SHIP HOLD |
| 關焯照 |
2022-08-19T15:57 |
港股本周埋單好大機會要跌，即連跌兩周，反觀美股標指向連升5周，美股明顯比港股強勢，唔少港股散戶都轉戰美股，港股弱、美股強慨情況係咪會持續？此外，美股近排其中一個焦點，就係迷因股(meme stock)熱潮係咪去到尾聲？事緣Bed Bath & Beyond被知名投資者清倉，導致股價急瀉。 冠域商業及經濟研究中心主任關焯照指，的確出現左一些比較強慨訊號，例如呢排跌得好甘慨Upstart Holdings及Roblox，都係之前衝oblox，都係之前衝到好高，近日顯著回落，再加上呢類網紅股一旦畀知名人士清倉，意味應該炒到水尾。 關博士估計，港股仲有排悶，因為冇資金流入，好難將些股價推上去。另一方面，政策因素亦不利科技股，而呢類公司慨大股東或會沽貨自救，呢些因素都拖住港股後腿，只有反彈冇升幅，如果持續冇資金流入，要小心大市陰乾式下跌。 |
HK Cap Flow , Stock , IT , Capital Flow , US Stock |
| 梁偉源 |
2022-08-19T12:52 |
截至早上11時止，1小時內《彭博》用戶關注度上升最多港股，依次為雅生活服務(03319)、遠洋地產(03377)、建設銀行(00939)、雅居樂集團(03383)、中國石油股份(00857)。 雅生活今早一度跌至6.91元，重挫逾17%，中午收市報7.2元，大跌逾13%，母公司雅居樂大折讓配售雅生活套現逾3億元，而雅生活員工慨持股平台共青城，亦以每股7.01元，減持套現逾2億元。 大華繼顯執行董事梁偉源指，睇返配售內容覺得今次黎得好急，加上折讓大，令雅生活股價跌至多年低位，其實睇返套現金額唔多，似乎對公司幫助唔大，但反映內房慨資金鏈問題嚴重。佢又話，雖然日前傳出中央擬全面擔保助民營內房發債，但之後又冇乜進展，內房唯有自己諗辦法撲水。 |
China Real Estate , Oil , Stock , PETROCHINA , CCB |
| 聶振邦 |
2022-08-19T11:09 |
美股今晚將會有20000億美元期權到期，近半同標指相關，認購期權佔多數，而到價水平係4300點，同噚晚標指收市價只差17點，呢批期權到期後，美股爆上還是急挫慨機會較大？ 華盛証券分析師聶振邦指，現時美股3大指數已重返4月下旬水平，而3大指數係4月持續橫行，所以投資者只係重返一個平手狀況，由於等左差不多4個月先有鬆綁機會，唔排除沽壓會比較大，佢估計，期權結算後美股回軟慨機會較大。 聶Sir又話，聯儲局9月議息焦點，應該會落係下月公布慨通脹數據，若通脹進一步回落，加息0.5厘慨機會較大，因此，後市觀望氣氛會較為濃厚，導致美股成交會偏低。 |
USD , US Stock , IPO , IPO |
| 盧志明 |
2022-08-19T10:45 |
大唐資本投資策略部總監盧志明推薦華潤啤酒(00291) 推介原因: -中期業績理想，銷售價格按年升約7.7%。 |
CHINA RES BEER |
| 植耀輝 |
2022-08-18T17:28 |
銀河娛樂(00027)第2季業績麻麻，淨收益按年跌56%，按季亦跌41%，經調整EBITDA虧損按季盈轉虧，澳門6月再爆疫情，賭場係7月要再度停業，第3季情況係咪都唔樂觀？ 耀才證券研究部總監植耀輝指，濠賭股第1季業績唔錯，但第2季賭收明顯差左好多，去到7月賭收更唔夠4億澳門元，情況真係好差，雖然8月、9月有機會反彈，但情況仍然唔樂觀，即使澳門放寬現時實施慨旅遊限制，但旅客某程度上仍處於觀望狀態，加上整體經濟轉差，亦會影響旅客出遊意慾，估計第3季慨情況都唔理想，但由於屬市場意料之內，因此，除非比第2季惡化好多，否則，對濠賭股慨價值影響唔大。 |
Earnings , GALAXY ENT , Gambl |
| 文錦輝 |
2022-08-18T16:03 |
美國上周原油庫存減少逾705萬桶，遠超市場預期，汽油庫存減幅亦遠大於預期，油價隔晚回穩。此外，紐約期油對倫敦布蘭特期油慨折讓擴大，帶動美國原油出口增至每日500萬桶，係有紀錄以來最多。不過，如果伊朗核談判可以達成共識，伊朗原油重返市場，呢個因素會唔會限制油價慨反彈力度？ 艾德證券期貨投資策略總監文錦輝指，要先釐清伊朗重返市場慨角色，係咪因為同俄羅斯傾唔掂數，要伊朗「放油」？其實市場經常傳出呢些消息，但就算伊朗供油，會唔會令油價每桶下跌10美元咁誇張？他認為呢個估計係有少少誇大。另一方面，伊朗係咪可以即時提升咁大產能，亦係一個問號，供應多左價格回落，但係咪有咁慨需求？佢認為，油價短期會係85美元至95美元上落，之前多次挑戰90美元都失敗，的確有些隱憂。 |
Oil , USD , CARRIANNA , Expo |
| 陳偉明 |
2022-08-18T10:35 |
內地上周公布的通脹數據上漲、生產數據放緩，再突然傳出藍籌內房龍湖集團(00960)出現商標逾期情況，港股一如筆者於10天線附近預阻回落，並跌穿19,500點後於上周三(10日)19,469點見底回升，雖然港股成交持續委縮，近期只是在大約19,500至20,300點悶市上落，但上周建議的炒波幅上落市策略繼續帶領大家在悶市中贏錢。 美國上周三晚(10日)公布的通脹數據有降溫跡象，加息預期降溫，美匯跌、美股升，帶動港股上周四(11日)開始顯著回升，加上龍湖亦澄清未有商票逾期，內地亦意外地下調中期借貸便利(MLF)及逆回購利率，港股於本周一(15日)再度升近20,300點，然而市傳騰訊(00700)計劃出售美團(03690)大部份股份，消息拖累港股於本周二(16日)曾急插至近19,700點，而整體來說港股只是在兩萬點附近窄幅徘徊。 目前市場上很多投資者認為港股19,500點以下有機會出現雙底回升，但筆者仍然傾向審慎應對後市，因為美國通脹居高難下，加息預期很快又會再次上升，加上中美局勢再趨緊張，而內地爛尾樓問題仍未解決、經濟數據亦轉差，港股在20,000點以上的向下機率始終多於向上，筆者不排除港股再度跌穿19,500點，建議投資者繼續逢高造淡，Long Put 即月價外600點恆指期權。 |
Stock , China Real Estate , US Stock , USD , TENCENT |
| 阮子曦 |
2022-08-18T10:21 |
中國通海證券投資策略聯席總監阮子曦推介華潤醫藥(03320) 推介原因: - 集團重組醫藥分銷及零售業務後，料業績將有穩定增長 - 集團生產藥物業務盈利持續改善。 |
Earnings , CHINARES PHARMA |
| 羅尚沛 |
2022-08-17T22:30 |
騰訊控股(00700)第二季收入減少3.1%，遜預期，經調整盈利倒退17.3%，優於預期。 銀河證券業務發展董事羅尚沛認為，騰訊三大業務下半年經營狀況難有明顯改善，加上大股東減持的陰霾仍未消除，股價隨時再度失守300元。 |
TENCENT , IT |
| 聶振邦 |
2022-08-17T16:12 |
華潤電力(00836)中期少賺22%，公司於未來展望中強調，2021至2025年會繼續加快發展可再生能源項目，目標是新增「4000萬千瓦」可再生能源裝機，當中81%用於建設風電、光伏電站，不過以收入計，可再生能源佔收入比重有所下降，如何分析這個趨勢？ 華盛證券分析師聶振邦話，要理解返，銷售額係用售電量及電價計算，火力發電慨電價持續上升，所以令火力發電收入佔比高企，如果業務比例持續轉去可再生能源，預期可再生能源收入佔比都有攀升，淨係睇今次中期業績慨代表性唔太強，但相信若之後佔比增加市場都會憧憬未來盈利前景。 |
ChinaElec , Energy , CHINA RES POWER , Earnings , CONCORD NE |
| 陳錦興 |
2022-08-17T16:11 |
華潤啤酒(00291)中午公布業績後，股價短暫升幅擴大，曾升近6%見超過一個月高位，但升幅好快收窄，今次業績其實唔算好標青，收入得單位數增長，純利倒退11%，但股價反應又唔錯，今次應如何解讀業績？ 英皇證券研究部總監陳錦興指，業績表現好似麻麻，但深入些睇，去年同期公司其實出售左一幅土地，扣除有關項目，中期核心盈利有逾20%慨增長，而且潤啤主要做內銷，內地市場係第二季其實特別受壓，係咁慨情況下核心盈利有逾20%慨增長其實算唔錯，加上產品高端化令公司慨毛利率可以維持，相信市場都係用呢個角度去解讀，所以認為業績交到功課。 |
Results , EMPEROR CAPITAL , Earnings , CHINA RES BEER |
| 莊志雄 |
2022-08-17T16:03 |
過去一個星期，美股投資者似乎回復樂觀心態，一方面認為，美國通脹有機會已經見頂，其次預期聯儲局9月加息幅度或有機會開始收窄，大行高盛亦樂觀預期，美國經濟有機會避過衰退，實現軟著陸，美股是否到了重新起動的時候呢？過去一周，與其他資產比較是否印證這股心態？ 「股市漁夫」創辦人莊志雄話，依家市場心態開始冇咁悲觀，甚至有講法話睇返好，最主要慨理據係當標普500指數跌後反彈到跌幅慨一半，之後就唔會再創新低，但呢種講法就睇得太短，睇返過去100年歷史，跌後反彈到跌幅慨一半，未擺脫熊市都試過唔少次，之前5月同6月時都話要小心有大反彈，依家的確係發生緊，而且標普500指數已經去到200天線，估計破200天線慨幾個百分比都唔出奇，以往有10%時間會去到反彈跌幅75%，所以標普500指數去到4400樓上都唔出奇。 Lewis又話，過去一個禮拜，美股一支獨秀，跑贏各類資產價格，美債、美金都跑輸比美股，有一個特別現象，網紅股(Meme Stock)代表係襯熱鬧，係一些網站、留言區或者討論區見到某個知名投資者，例如Michael Burry等人買左些咩，咁些人就會跟住去追，例如上年GME、今年AMC都係咁樣炒，所以Meme ETF跑贏標普500指數升幅慨一倍，代表散戶開始Fear of Missing Out(FOMO)，即「怕執輸」心態，驚牛市黎左，怕執輸要追入去，但大家唔好忘記，例如2009年牛市出現，標普500指數係666點，就算升到1300點先追，其實之後都有倍數升幅，所以唔需要Fear of Missing Out，如果真係牛市返黎，都唔係高追，而係等佢回返落黎先買，等牛市確認左先買係安全些。 |
US Bonds , US Stock , ETF , Sachs , HSCEI ETF |
| 股中人 |
2022-08-17T15:51 |
為何機關算盡仍然於股市損手爛腳？這是一個新手或散戶長期不能理解的現象。 時代不同，散戶接觸資訊數量以及本身教育水平已顯著提高，但新手/散戶自己落場操盤的結果，讀者們心中有數。 明明篤計數機篤出一個很低的市盈率，明明有足夠Margin of Safety，明明每日睇實美國10年期國債孳息，明明已買股王不買垃圾，明明……為甚麼財富仍是沒有顯著增長。 主要原因有幾方面，投資者本身賭性過高，投資情緒智商嚴重不足，這兩點透過後天意志或者可以處理好。更直接原因可能在於對市場的基本假設。 效率市場假設(Efficient-market hypothesis)中，弱式效率(Weak Form Efficiency)指出股票現價已完全反映各項資訊，無法再透過分析過去資訊以預測未來價格。配合基於隨機漫步假設(Random walk hypothesis)，即股票價格變動服隨機而行。 補充一點隨機慢步指數(Slow STC)與隨機漫步假設沒有邏輯關係。 效率市場假設一直是市場爭議核心，指向技術分析到底有沒有用，價值型投資就傾向隨機漫步假設。至於Multi-Tasking的新時代散戶，可不魚與熊掌兼取。 |
|
| 譚智樂 |
2022-08-17T14:06 |
截至早上11點，1小時內《彭博》用戶關注度上升最多慨港股，依次為中國華融(02799)、新奧能源(02688)、中國海外發展(00688)、美團(03690)、港交所(00388)。 中國華融重組期間，股份經常上榜有名，而今日上榜係因為隔晚盈警，預料中期轉蝕188.78億人民幣，去年賺1.58億人民幣，投資公允值虧損、房地產行業下行都係盈警原因，相關客戶履約能力下降，資產跌價，所以要做減值損失。經濟下行周期對呢類股份本身已經不利，依家仲要關連到房地產，係咪好難先翻身呢？ 獨立股評人譚智樂指，依家選擇入手華融慨投資者主要都唔係考慮翻身，重點在於情況係咪可控，今次公司虧損金額相對大，市場會擔心公司會唔會開始控制唔到，持有呢隻股份慨投資者依家都應該幾乎「損手爛腳」，建議投資者唔好隨便加碼，有貨慨投資者要做好風險管理，考慮風險承受能力，華融屬於高風險股份，不建議短線搏技術反彈。 |
RMB , Stock , Energy , HK ROBOTICS , CHINA OVERSEAS |
| 郭家耀 |
2022-08-17T10:05 |
安里資產管理董事總經理郭家耀推介中國移動(00941)。 |
CHINA MOBILE |
| 文錦輝 |
2022-08-17T09:59 |
企業業績好帶動道指再升，Walmart季度同店銷售好過預期，美股零售股ETF低位回升近30%，重返Walmart盈警前水平，現時美股係今次反彈浪中首度重上貪婪水平，網紅股BBBY等又炒上，究竟要點形容市場氣氛？ 艾德證券期貨投資策略總監文錦輝話，美股主要動力來自零售銷售，受Walmart之前盈警影響，市場較擔心美股表現，但結果Walmart業績勝預期及盈警時預測，加上Home Depot業績亦理想，投資者認為，零售銷售表現非如預期般遜色，所以美股可以繼續反彈。 Felix指出，美股三大指數都升穿關鍵位置，如果企業業績表現繼續對板，會睇好美股前景，建議唔好太心急做淡。 |
Results , Earnings , US Stock , ETF , HSCEI ETF |
| 譚智樂 |
2022-08-16T17:19 |
理想汽車(02015)噚日收市後公布未經審核中期業績，其中虧損擴大至逾6億人仔，而第2季虧損亦擴大至逾6億人仔，毛利率按季亦要跌，集團上半年蝕多左，係咪受第2季表現拖累？ 獨立股評人譚智樂認為，情況未必係咁，銷量放緩係大趨勢，而毛利率、成本係市場最關注，佢又指，理想汽車產品升級過程未必會太順利，雖然相比內地其他品牌如長城汽車(02333)，理想汽車仍有本身慨優勢，不過，一旦價格上升，同Tesla等品牌比較，市場擔心理想汽車未必有太大競爭力。 至於理想汽車股價短線會點走，譚智樂認為計，對上兩個月都升左上去，所以追跌壓力仍然係到。 |
GWMOTOR , Earnings , Auto |
| 盧志明 |
2022-08-16T13:45 |
截至早上11時止，1小時內《彭博》用戶關注度上升最多港股，依次為中國海外發展(00688)、龍湖集團(00960)、華潤置地(01109)、碧桂園(02007)、旭輝控股(00884)。 據外電消息指，內地擬透過指定國企，全額擔保及承銷示範性房企發債，以改善相關房企流動性，受惠企業包括碧桂園、龍湖、旭輝及金地集團。雖然暫時只係市場傳聞，示範性房企係咪等於官方認可拯救，獲得免死金牌？呢幾隻股份可唔可以升到消息獲確認為止？ 大唐資本投資策略總監盧志明指，過去呢段時間久唔久都有類似傳聞，但往往只係為股價帶黎單日逾10%至20%升幅，估計升勢可以維持2至3日，如果之後消息未能證實，又冇後續消息跟進，股價就會碌返落黎。 Ken又話，留意到今日呢單消息涉及2隻央企、3隻大型民企，要出手救都要衡量規模及資金情況，短時間要令內房回暖係好難，而內房股只可以做短線操作。 |
HK Cap Flow , Stock , China Real Estate , CHINA OVERSEAS , CHINA RES LAND |
| 黃偉豪 |
2022-08-16T12:09 |
舜宇光學(02382)上半年少賺49%，低於市場預期，不派中期息，股價今朝反覆向上，雖業績冇期咁好，但股價仍有得升，係咪iPhone慨利好消息仍未消化曬？依家入場博好倉算唔算遲？ 中薇證券研究部執行董事黃偉豪指，入場博好倉以短線角度黎講係可以考慮，呢個唔關基本因素事，反而係舜宇股價過去半年至9個月都跌左好多，而後市都有利好因素，例如炒作iPhone因素。 股價走勢方面，如果舜宇後市守得住115元，係有條件繼續落注，短炒係有得諗，止蝕位擺係115元，短期目標係135元樓上。 |
SUNNY OPTICAL |
| 盧志威 |
2022-08-16T11:19 |
港股上月日均交投已縮到唔夠1100億元，近排更不足900億元，如果今個月餘下時間冇改善，8月日均成交將按年縮水逾40%，應該點解讀呢個情況？大市及成交持續低迷，呢個困局幾時先有機會打破？ 潤淼資產管理董事盧志威指，依家市場缺乏焦點，成交自然會減少，呢個都係A股及港股同樣要面對慨問題，依家都係等緊政策方面有冇消息，例如人民銀行大手少少減息降準，力大寬鬆力度，不過，如果人行鬆手，人民幣就可能會下跌。William又話，整體黎講，由於港股搵唔到焦點，所以市場短期唯有將焦點擺係美股。 |
RMB , Stock , US Stock |
| 梁振輝 |
2022-08-16T11:02 |
亞洲資產第二季見底後，中國政策轉向至支持經濟增長，推動亞洲(不計日本)股票和亞洲美元債一度跑贏全球同類資產。但上述情況在最近幾周有所轉變，亞洲(不計日本)股票在過去的三周下跌了1%，但全球股票同期卻上升了4.8%。亞洲美元債雖然落後幅度溫和，但表現仍較全球同類資產遜色。 我們認為有幾項因素導致上述發展。首先，中美地緣政局緊張影響市場情緒。其次，中國個別地區在疫情反彈下採取新的防疫限制措施，令投資者再度憂慮增長前景。第三，中國消費通脹上升，人民銀行隨後表示不會過度增加貨幣供應，市場擔心在面臨通脹下，決策者支持經濟增長的力度或受限制。此外，最新的零售及工業數據較預期遜色亦有機會影響短線亞洲區內的投資氣氛。 不過，我們預計亞洲(不計日本)股票和區內美元債將可迎頭趕上並跑贏全球同類資產。歷史上，地緣政局緊張通常只會短暫影響市場表現。此外，中國疫情反彈到目前為止對經濟活動的影響仍比較有限。現時亞洲(不計日本)股票已呈現超賣，估值亦低於長期平均，這些因素令我們相信亞洲股票近期表現落後的情況只屬暫時性質。在保持多元化配置的基礎上，我們會適時增持亞洲區內看好的資產。 成熟市場方面，美國近期的經濟數據令市場感到鼓舞，除了非農新增職位創下五個月以來最強表現之外，美國消費者通脹亦出現見頂跡象，市場對聯儲局年內繼續加息的預期亦略為降溫。油價下跌是驅動通脹下行的重要因素，但在房屋需求拉動的物價部份，相關的通脹壓力仍然持續，或許會令聯儲局維持緊縮的政策路徑，而近期不少聯儲局委員亦強調降低通脹之路尚未結束。今周公布的美國零售銷售數據及聯儲局的議息紀錄將有助投資者進一步瞭解美國最新的經濟情況及利率前景。 另外，我們亦看好英國股票，主因其股息收益率偏高，估值亦具吸引力，當中的行業分布亦有望受惠當下經濟週期，特別是英國股票表現與全球增長相關性甚高，而非單單受國內經濟狀況影響。當然，英鎊弱勢仍是焦點所在，而英倫銀行為了遏制通脹相信會繼續收緊貨幣政策下，英國經濟仍有陷入衰退風險。 |
ACR HOLDINGS , GBP , USD |
| 黃敏碩 |
2022-08-16T10:17 |
寶鉅證券董事及首席投資總監黃敏碩推介天齊鋰業(09696)。 推介原因： -內地新能源車銷售強勁，連續5年成為全球最大的鋰電池市場 -主供中上游產業，提供電池原材料。 |
Energy , New Energy |
| 阮子曦 |
2022-08-15T22:38 |
舜宇光學(02382)上半年少賺49.5%，毛利率降至20.8%。 中國通海證券投資策略聯席董事阮子曦表示，舜宇上半年盈利，貼近早前盈警的下限，相信單是業績因素，股價反應不大，而市場正觀望管理層在分析員會議上，會否修訂全年出貨量指引，尤其是下半年開始向蘋果供應iPhone鏡頭，會否對出貨量及毛利率構成重大正面幫助。 |
Results , Earnings , SUNNY OPTICAL |
| 梁傑文 |
2022-08-15T15:25 |
快狗打車(02246)(GOGOX)發盈警，預告上半年虧損擴大逾4倍，最多蝕逾11億人仔，呢個盈警係咪同市場預期有好大落差，拖累GOGOX今日又急瀉，一度重挫近16%？ 《香港股票財技密碼》作者梁傑文指，上市第一份業績一定有些非經常性虧損，係預期之內，新經濟企業蝕錢市場都會理解，係建立生意模式慨階段都要燒錢，因為希望搶到市佔率，但市場擔心GOGOX控制唔到虧損幅度，公司經調整虧損擴大，幅度亦唔細，會令人質疑生意模式慨可持續性。 Mike又話，雖然GOGOX股價跌左好多，而市值亦大縮水，港股一直有一個問題，當一間公司市值愈細，可以買入慨基金就愈來愈少，流通量、成交量亦會減少，會形成惡性循環，令公司市值持續萎縮，而投資者對GOGOX前景慨憂慮已經反映係股價。 |
Earnings , Results , HK Cap Flow , Stock , IPO |
| 郭思治 |
2022-08-15T10:03 |
8月大市之走勢持續不明，由於近期之成交金額大為減縮，故在動力不足之下，即使大市能偶見回升，但多衹屬有波幅而冇升幅，有反彈而冇大升之技術性後抽而已，而直到執筆一刻止計，本月大市之形態仍暫屬先高而後低，恆指暫是由5日之高位20,283點跌至10日之低位19,469點，即月內之波幅暫為814點，由於一個月之高低位是不該同時出現於四個交易日之內，加上814點之波幅亦該不能滿足月內之所需，故在本月餘下之交易日，理論上該有更大之波幅點出現，不論是更高或是更低。 值得留意的是，大市雖已稍重越10天線(19,992點)，惟成交金額卻持續偏疏，在動力不配之下，大市之升勢顯得頗艱難。另外，由於市內氣氛淡靜，故投資者多續抱觀望，故即使大市能稍作技術性之回升，但亦未見有任何欲上衝之熾烈感。 另外，在動力不配之下，大市之回升該暫屬有波幅而冇升幅，有反彈而冇大升之技術性後抽而已，況且，目前困擾大市之利淡因素實不少，如美國通脹仍然偏高，聯儲局該會進一步大幅加息，而整個加息週期亦會較市場估計為長，至於港息與美息之差距正越來越大，為穩定港元匯價，港息該會開始上調。 另外，內地爛尾樓事件仍有待解決，影響所及，一眾內房股均已跌近年內低位，(除央企及省企例外)，還有阿里巴巴(09988)及騰訊(00700)之大股東均持續減持手上股份，對此市場之反應當較負面，亦正因如此，兩者之股價月來均持續處反覆偏軟之中，而受上述多項利淡因素所影響，資金之入市態度越來越保守，故整個大市之成交金額亦持續萎縮，嚴格來說，一日情況仍未見改善前，大市仍難抱太多上望憧憬，面對持續偏淡之市勢，投資者最好盡量保留實力，靜待另一次低吸良機。 |
China Real Estate , LINGYI ITECH , IT , Stock , TENCENT |
| 李浩然 |
2022-08-15T09:46 |
期望愈高，失望愈大，股市也是如此。事實上，至少在短、中期而言，好壞不一定十分重要、更遑論是上升或下跌，趨勢是加速或是放慢。也許，有不少投資者會對近期股市的表現感到困惑，尤其當通脹率在 6 月份達到 8.5％ 時，很多市場的參與者都曾被嚇壞。從6月8日到6月16日期間，標準普爾500指數在當中數個交易日之內分別錄得-1.1%、-2.4%、-2.%、-3.9、-3.3%的單日跌幅，期間累計下瀉了約12％。 而事隔一個月後，儘管還有一個更糟糕的9.1％通脹數據，但6月16日卻已經是近期的最低點(至少目前是這樣)。自此以後，標指上升逾16％；納斯達克100指數更上升了近 22％。然而，目前的通脹率雖然有所回落，但仍然高達8.5%！當然，收益率曲線仍然倒掛、聯儲局今年內還在加息、汽油價格仍然高企！所有困擾市場的因素仍然是存在。 宏觀的狀況還沒有走出困境，理論上還需要持續的改善才能使股市恢復穩定。但回看6月中旬，投資者的預期也許是過於悲觀。雖然宏觀環境確實有不少壞消息，但卻沒有預期的那麼糟糕，股市也因此出現好轉。例如，通脹率仍然很高，但低於預期；汽油價格仍然很高，但已經連續兩個月都在下跌；收益率曲線雖然倒掛，但在過去兩個月左右的時間里，利率實際上卻有所下降；聯儲局仍在加息，但如果通脹持續下降，加息速度就有可能會放慢。 有時候，市場出現背道而馳，就是因為事情並沒有投資者最初擔心的那麼糟糕。約翰．鄧普頓曾說過：「牛市在悲觀聲中誕生，在懷疑中成長，在樂觀中成熟，然後在狂歡中死亡。」現在說此時是否處於另一個牛市還為時過早，因為仍有很多風險可能會把市場絆倒。不過，可以公平地說，早些時候投資者是過於悲觀；儘管這並不意味著目前的情況本身很好，但總比兩個月前有改善。 |
US Stock |
| 趙晞文 |
2022-08-12T22:32 |
李寧(02331)上半年多賺11.6%，管理層同時維持全年業績指引，預期全年收入增長17-23%，純利率至少有15%。 信達國際研究部主管趙晞文表示，在內地疫情封控下，李寧中期業績仍有增長，表現已很好，若以明年盈利水平計，目前預測市盈率大約26倍，屬合理，不過建議待股價稍為調整才吸納，作中長線持有會較合適。 |
Results , LI NING , Earnings |
| 阮子曦 |
2022-08-12T16:18 |
百億新股巨無霸中國中免(01880)將會係下星期一招股，入場費逾16000元，集團將會係月底公布業績，市場關注中免會唔會交代月初海南三亞實施封控，對公司係當地慨業務影響。市場估計，中免業績可能最快要等到第4季先有望復甦，而中免慨基本面亦似乎麻麻，呢隻新股到底抽唔抽得過？ 中國通海證券投資策略聯席總監阮子曦指，中免基本面可以用另一個角度去睇，因為中免屬於旅遊零售股，應該可受惠於國內出行及旺季，但中免A股踏入下半年暫時已累跌約15%，主要受疫情持續影響。至於中免H股，Harry認為，估值及規模都屬於「巨無霸」，以新股角度睇，上市後未必炒得起。 |
IPO , IPO , EVERCHINA INT'L |
| 陳建良 |
2022-08-12T15:49 |
兩隻收息股太古(00019)及港鐵公司(00066)噚日都出左業績，但股價表現差天共地，太古中期轉賺之餘，A股派中期息1.15元，更拋出40億元回購計劃，刺激股價兩日累升近20%，港鐵中期就多賺78%，派息更加碼68%，但股價今日暫時最多升唔夠2%。 勝利瑞柏基金管理合伙人暨投資總監陳建良指，近期港股行上落市，令投資者轉為追捧太古呢類肯派息慨低估值股，依家太古A股息率高達6厘，高盛慨報告指，太古明年預測市盈率(PE)僅8倍。 KL又話，隨著本地防疫政策略為鬆綁，投資者更看重復甦概念，太古旗下商場及寫字樓都跟通關有關，國泰航空(00293)亦預期，下半年將錄得正現金流，反映集團有多項高質素資產支撐股價表現。 至於港鐵車務業務上半年因疫情反彈蝕逾27億元，純利大升係靠物業發展業務收入帶動，KL認為，港鐵業績表現穩定，但股息率僅約3厘，PE達20倍以上，所以係股民心中必定大打折扣。 |
Results , MTR CORPORATION , CATHAY PAC AIR , HK Cap Flow , Stock |
| 梁偉源 |
2022-08-12T12:59 |
截至早上11時止，1小時內《彭博》用戶關注度上升最多港股，依次為太古集團(00019)、華能國際(00902)、小米集團(01810)、中國生物製藥(01177)、龍湖集團(00960)。 太古噚日出完業績後，股價升唔停，市場一定係睇住40億元慨「A+B」回購計劃，太古噚日、今日都係大棍升上去，依家14天RSI迫近80，有幾間大行都上調左目標價，吸引力真係咁大？ 大華繼顯執行董事梁偉源指，太古呢兩日大升，反映資金搵唔到股份炒，所以吼派息較多或回購規模較大慨股份，估計暫時仍會受短線資金追捧，但要留意太古慨股價已經由46元升到53元，估計唔會有好多中線資金追入，佢又提醒，睇返中國移動(00941)及阿里巴巴(09988)公布回購消息時，對股價慨刺激作用都唔會太耐。 梁偉源續指，睇返太古業績，基本因素的確有改善，估計地產及航空業務隨著疫情受控將會好轉。 |
Real Estate , Stock , CHINA MOBILE , SBP GROUP , LINGYI ITECH |
| 聶振邦 |
2022-08-12T11:16 |
美國CPI、PPI回落，加上新領失業救濟人數繼續升，連串數據係咪可以確認美國通脹將會見頂？係咪意味聯儲局可以放慢加息步伐，甚至加息行動暫時可告一段落？ 華盛証券分析師聶振邦指，聯儲局9月再議息，所以要睇埋下個月慨通脹數據，先會有一個較明確慨方向，如果睇返最新慨利率期貨，9月加息0.5厘慨機會高過0.75厘，暫時睇黎下個月加息放緩慨機會較大，不過，近期油價回落，相信同油價太貴令消費者節流有關，但到9月底或10月天氣開始轉冷，石油需求就會回升，近日紐約期油及倫敦布蘭特期油都有回升跡象，若紐油上升每桶100美元，企業慨戒心就會增加。 |
Oil , USD |
| 盧志明 |
2022-08-12T10:33 |
大唐資本投資策略部總監盧志明推薦日清食品(01475) 推介原因： - 集團成本及價格控制理想 - 疫情過後，預期集團將力拓二線產品。 |
Food , NISSIN FOODS |
| 林嘉麒 |
2022-08-11T22:33 |
中國移動(00941)上半年多賺18.9%，中期息增至2.2港元。 元宇證券基金投資總監林嘉麒認為，中移動中期業績算是有驚喜，第二季EBITDA亦較第一季有改善，而且中期息股息率已逾4厘，意味全年股息率可達8至9厘，相當吸引，不過股價近日已偷步炒高，相信會於53-54港元遇阻力。 |
CHINA MOBILE |
| 羅明立 |
2022-08-11T17:22 |
美國上月通脹低過預期，美匯指數跌逾1%，逾兩個月以來首度收係50天線以下，雖然聯儲局話明年仍要加息，但美匯指數繼續向下，美國通脹係咪已經見頂？美匯指數跌夠未？ 亨達集團助理總經理羅明立指，美國通脹近期的確開始有見頂回落跡象，主要係油價自高位回落左唔少，但現階段話通脹已見頂屬言之尚早，聯儲局官員近期慨講話都偏鷹，雖然噚日公布慨CPI低過預期，但其實仍處於高位，最多只會令局方9月加息幅度細些，市場依家都係搵藉口去做倉位調整。 佢又話，美匯指數跌穿50天線後，未來有機會持續受壓，可能會再跌深少少，但轉勢機會唔大。 |
USD , CINDA INTL HLDG |
| 植耀輝 |
2022-08-11T16:26 |
太古(00019)中午派成績表時，罕有宣布回購計劃，「A+B」回購涉資40億元，但睇返2008年，集團1年內做左13次回購，只係涉及逾5億元，所以今次回購力度絕對唔細，市場除左關注背後係咪另有玄機外，亦刺激股價午後抽升，一度迫近50元關口，大升逾10%，到底呢浸升浪可以持續幾耐？ 耀才證券研究部總監植耀輝指，太古一向低調，但今次做法較高調之餘，涉及慨金額都好大，所以消息一出，股價就應聲抽高，市場亦會憧憬集團回購後，仲會唔會有其他動作。 Stanley又話，雖然好多公司做回購係因為股價同NAV有好大折讓，但太古慨折讓唔係呢一刻先出現，有可能係集團有較多閒置資金，希望透過做回購提升每股資產淨值。 |
SWIRE PACIFIC A , SWIRE PACIFIC B |
| 許繹彬 |
2022-08-11T11:20 |
踏入八月，港股繼續弱勢，投資者只能仰天長嘆，究竟要悶到幾時？其實八月份的高低位之差只有757點，可用「牛皮」來形容；但個別股份的跌幅則一蹶不振；日均成交額萎縮的情況更有惡化跡象，現只維持在800億元左右，情況為近年罕見。 國內股市亦未有太大方向，樓市發酵的問題，牽連多個行業。儘管市場上偶然有救市消息，說來言之鑿鑿，惟現階段仍屬「只聞樓梯響」， 暫未見對症下藥之良方對策，因此國內股市仍是上落市拉鋸。 國內被樓市帶來的種種不明朗因素所產生的連鎖反應，導致資金被重重圍困；一直側重於北水支援的港股慘遭牽連，如股王騰訊現時只見在300元邊緣苦苦掙扎，港交所(00388)及美團(03690)亦銳氣盡失。 至於美股亦好像染上傳染病般，儘管仍偶有大上大落，但仍有感跟香港股市一樣變得苦無方向，相信美股受中美關係及台海局勢的因素所困，變得舉步為艱。筆者認為，港股及全球股市缺乏明確方向，乃近兩個月的資金投放額度每況愈下所致。 而目前消息左右大市的情況會持續，內地出招救樓市、免除內地人來港置業雙倍印花稅(DSD)等消息禾雀亂飛、以訛傳訛，為大市帶來短暫反彈，但一旦被澄清為「流料」，股市便隨即「打回原形」，甚至繼續下沉或陰乾。 縮短回港隔離只能惠及海外回港人士，未能解決現今香港水深火熱的情況，政府須制定出與國內通關的方案，才有望擺脫目前困境。港股現階段20,000點暫由支持位變成阻力位，建議繼續以五月低位19,063點作重要支持區，靜待成交有所好轉，連續數日重返千億元水平或以上，便可考慮未來的投資策略。 |
HK Cap Flow , Stock , China real est , Capital Flow , US Stock |
| 陳偉明 |
2022-08-11T10:35 |
美國眾議院議長佩洛西到訪台灣引起台海局勢緊張，港股上周初一如筆者預期跌穿兩萬點後，在大約19,500點附近出現技術反彈，由於港股急跌過後已經反映不少利淡消息，加上中國只是連日在台海軍演展示不滿，並沒有引發戰爭，當佩洛西離開台灣，港股自然趁機反彈，而匯豐控股(00005)業績勝預期，低位Short Put本地銀行板塊撈底接貨策略繼續帶領大家在逆境中贏錢。 另一方面，早前筆者提醒港股短期反彈後有回吐壓力，並且建議在期指回升至20,300點以上造淡，結果港股上周五(8月5日)在接近10天線一如筆者預期出回吐壓力，及後美國通過527億美元(約4, 135億港元)芯片法案打壓內地晶片業，加上內地公布的通脹數據上漲、生產數據放緩，再突然傳出藍籌內房龍湖集團(00960)出現商標逾期情況，港股於本周三(10日)曾跌穿上周二(2日)大約19,500點低位，最低見19,469點，高位淡倉獲利甚豐。正如筆者多次強調，在美元強勢，本港又未加息前，港股只能弱彈，很難持續上升，投資者應該要每逢反彈做足對沖準備。 美國早前公布的第二季GDP連續兩季按年倒退陷入技術性衰退，市場原本憧憬聯儲局有機提前結束加息行動，但美國最近公布的就業數據遠勝市場預期，市場再一次預期美國9月加息0.75厘的可能性仍高，美元繼續強勢加速資金流走中港股市，加上中美關係持續惡化，港股短期難有運行，建議在期指10天線以上小注Long Put即月價外600點恆指期權。 |
HSBC HOLDINGS , Stock , HK Cap Flow , China Real Estate , HK Banks |
| 聶振邦 |
2022-08-10T16:10 |
今日首日掛牌慨檸萌影視(09857)股價「潛水」，一度低見26.55元，較招股價27.75元，低逾4.3%，騰訊控股(00700)附屬公司Tencent Mobility係檸萌上巿前投資者，公司過去3年都有錢賺，其中去年純利增長21%，睇基本面檸萌似乎好穩陣，呢隻股份係咪有一定投資價值？ 華盛証券分析師聶振邦指，投資者慨關注點都會放係檸萌有冇錢賺，但內地慨影視公司唔係每間都有強勁慨盈利基礎，不過，檸萌係2019至2021年呢3年間，扣除上巿開支及公允值等支出，仍然有錢賺，到今年第1季虧損前仲賺緊錢，增長亦好顯著，因此，公司未來1至2年慨前景係值得睇好。 |
TENCENT , IPO , IT , IPO |