| Commentator |
Time |
Content |
Tag |
| 姚浩然 |
2026-08-28T17:34 |
康方生物(09926)中期虧損收窄，但收入及毛利差過預期，集團放榜後，股價今日(28日)一度大跌逾9%，低見91.9元，由於康方要加大研發投入，導致資本開支升17%，不過旗下藥物銷售不似預期，納入國家醫保藥品目錄後仲要減價，令毛利率受壓，呢個情況係咪反映集團旗下藥物競爭力不足？ 亨達財富管理董事總經理姚浩然指，其實康方研發能力差過預期，康方合作夥伴美國Summit Therapeutics(SMMT)因為生產過程中慨測試結果差過預期，導致股價大跌，康方現時仍要投入大量資金研發新藥，但成效唔算好好，所以當產品推出市場時，反應似乎不及預期理想。 Patrick坦言，其實情況都令人困擾，集團最少要解決產品質素問題，旗下產品先有機會賣得好，但唔加大投資就會連改善機會都冇，所以現時唯有寄望資金多左之後，改善能力提升，始終都要些藥賣得好先有轉機。 |
|
| 姚浩然 |
2026-08-21T10:02 |
亨達財富管理董事總經理姚浩然推介聯想集團(00992) 推介原因： -預計下個財年每股盈利約3元，市盈率(PE)約11倍。 |
|
| 姚浩然 |
2026-08-20T17:06 |
美國財政部昨晚(19日)突然宣布，會擴大長債回購規模最少1倍，將會係9月9日開始，長債息應聲回落，市場對聯儲局慨加息預期降溫，對東亞銀行(00023)利息及非利息收入影響有幾大？東亞股價由跌轉升，價格都創6年新高位，一度急升8.1%，高見17.6元，依家係咪入場好時機？ 亨達財富管理董事總經理姚浩然指，美國今年加息機會較微，因為美國第2季經濟增長只得1.5%，就業市場亦唔太理想。長債方面，佢認為對東亞影響唔算太大，而集團非利息業務、財富管理及產品銷售都值得憧憬，收入有望進一步提升，其中，財富管理產品係焦點。 股價方面，Patrick指，雖然東亞估值唔算好貴，息率近3厘至4厘，但仍建議揀返匯豐控股(00005)及渣打集團(02888)，如果真係想做部署，可以考慮係16.5元至17元買入。 |
|
| 姚浩然 |
2026-08-14T17:17 |
京東集團(09618)昨日(13日)公布業績後，股價今日(14日)一跌到尾，收市瀉逾10%。集團上季收入係上市以來首度下跌，但經調調整淨利潤好過預期，如果睇返今日股價表現，市場似乎唔係太收貨，點睇呢份成績表？ 亨達財富管理董事總經理姚浩然表示，市場唔收貨原因在於營業額，上季商品收入跌5.4%，尤其京東主打慨電子產品及家用收入都跌近12%，反映市場競爭大及整體消費力弱，盈利有改善純粹因新業務蝕少左，其實本身盈利表現都唔算好，所以股價今日大跌。 Patrick又指，京東積極拓展海外銷售，其實會令市場更擔心，雖然新業務蝕少左，但仍錄得99億人仔虧損，數目唔算細，長遠而言，若京東持續發展海外市場，市場可能會更擔心集團盈利表現。 |
|
| 姚浩然 |
2026-07-21T10:31 |
亨達財富管理董事總經理姚浩然推介藥明康德(02359) 推介原因： -受惠中國CRO行業增長強勁所帶動。 |
|
| 姚浩然 |
2026-07-17T16:49 |
人工智能(AI)及半導體相關股持續捱沽，「AI六小虎」之一慨智譜(02513)今日(17日)一度急瀉近30%，低見1085元，MiniMax(00100)曾暴跌近18%，低見210元，而部分AI、半導體股估值其實都唔貴，係咪開始值博？ 亨達財富管理董事總經理姚浩然表示，係香港買硬件股估值較貴，但如果增長理想都可以考慮，例如兆易創新(03986)之前發盈喜，股價亦已自高位回落，預測市盈率(PE)約30倍，雖然PE都係高，但起碼公司有錢賺，加上相對其他股份估值比較合理。 Patrick又指，美股方面可以考慮美光科技(Micron Technology)，估計2027年每股盈利最少168美元，估值約5倍。此外，SK海力士(SK Hynix)韓股及美國存託憑證(ADR)都可以考慮，雖然ADR有高溢價，但只佔總發行量約2%，相比台積電(TSMC)ADR溢價逾10%，但佔總發行量約20%，SK海力士溢價算可接受範圍。 |
|
| 姚浩然 |
2026-07-03T17:17 |
雖然港股踏入7月日日升，但動力又未至於好大，內銀股係其中一個限制左港股升勢慨因素，內銀股6月中開始持續向下，至今普遍回落逾10%，之前國家審計署點名幾家內銀，涉及逃稅及違規貸款，呢個係咪資金流出內銀股慨主因？ 亨達財富管理董事總經理姚浩然指，呢個都可能係令資金撤離慨原因之一，內地整體經濟唔算好強，息口未來會保持係一個相對低水平，會為銀行淨息差帶黎壓力。 Patrick續指，貸款渠道都對內銀有影響，因為大部分都係商業貸款，因此，除左低息會影響淨息差外，內銀對貸款慨風險計算都會限制左貸款生意，加上支付畀存戶慨利息較多，貸款收到慨利息較少，變相影響利息收入。 |
|
| 姚浩然 |
2026-06-23T09:38 |
亨達財富管理董事總經理姚浩然推介聯想集團(00992) 推介原因： -數據中心持續落成，伺服器需求大幅上升 -預測市盈率(PE)約16倍。 |
|
| 姚浩然 |
2026-06-15T10:28 |
亨達財富管理董事總經理姚浩然華虹宏力(01347) 推介原因： -中國加大自行製造晶片，減少對海外倚賴 -旗下成熟製程業務。 |
|
| 姚浩然 |
2026-06-09T09:26 |
亨達財富管理董事總經理姚浩然推介寧德時代(03750) 推介原因： -業務增速強勁 -今年預測市盈率(PE)約28倍 建議買入價：680元 目標價：740元 止蝕價：628元 |
|
| 姚浩然 |
2026-06-05T16:29 |
受內地發布境外投資新規定影響，內地跨境投資係香港開戶或受限制，金融股首當其衝，匯豐控股(00005)、渣打集團(02888)都要跌，其中，渣打今日一度重挫5%，低見199.8元，點評估內地收緊境外投資對金融股慨影響？ 亨達財富管理董事總經理姚浩然認為，政策唔會令呢些公司業務前景大打折扣，現階段仍然睇好，匯控及渣打都力谷財富管理業務，基本上以家族辦公室作主力，而恆生銀行植根係香港較長時間，唔少華人家族都係恆生慨客戶，亦解釋左點解匯控要將恆生私有化。 Patrick又話，跨境投資開戶方面，呢類大型銀行係組織調查方面都比較審慎，開戶口都會做詳盡慨查證，因此，佢相信對匯控及渣打業務打擊唔係想像中咁大，只係一個股價下跌慨導火線，市場借消息推低股價，加上兩隻股份早前已分別創左52周新高，估計近期只係借勢調整。 |
|
| 姚浩然 |
2026-05-26T10:22 |
亨達財富管理董事總經理姚浩然推介華潤置地(01109) 推介原因： -內地經濟穩步回穩，一二線樓市有改善 -今年預測市盈率(PE)不足10倍。 |
|
| 姚浩然 |
2026-05-22T17:23 |
美股3大CPU(中央處理器)概念股，即安謀控股(Arm)、英特爾(Intel)及超微半導體(AMD)，隨著人工智能(AI)發展，CPU需求大升，呢些股份慨股價亦水漲船高，係呢輪升浪中已經升左唔少，依家先做部署值博率仲高唔高？ 亨達財富管理董事總經理姚浩然認為，現價追入仍有一定值博空間，其實市場4月先真正開始留意CPU，之前忽略左係因為覺得CPU以配角形式係AI晶片出現，但之後人工智能代理(AI Agent)面世，CPU及圖形處理器(GPU)需求不斷增加，因為好多野要用CPU backup及儲存，AI先可以做到更多指令，由於CPU需求未來勢大升，市場就發現CPU慨價值浮現，加上當初投資者持有慨倉位比例唔高，所以係4月積極吸納。 Patrick又話，雖然CPU股升左好多，但需求持續大升，加上做CPU慨公司只得幾家，盈利能力又不斷改善，因此，佢佢認為呢輪升浪未完，又認為仍有唔少上望空間。 |
|
| 姚浩然 |
2026-05-12T09:47 |
亨達財富管理董事總經理姚浩然推介敏實集團(00425) 推介原因： -集團近年進軍冷凍行業，屬人工智能(AI)基礎建設 -市盈率(PE)約12.9倍。 |
|
| 姚浩然 |
2026-05-08T16:29 |
「國產GPU四小龍」之一慨天數智芯(09903)因為月初獲摩根大通唱好，首次覆蓋已畀「增持」評級，目標價睇620元，主要基於2大因素，就係供應鏈穩定及雲端客戶有突破性發展，依家係咪買入慨好時機？ 亨達財富管理董事總經理姚浩然認為，現階段的確係買貨慨好時機，雖然天數智芯仍蝕緊錢，但只要未來定單增加，達至規模效益，研發成本對收入佔比就會降低，甚至收入可以覆蓋成本，令公司可以扭虧為盈，雖然呢個過程可能需時，但現時毛利率企穩約50%，已經算係唔錯，所以仍然係市場焦點。 Patrick又話，天數智芯股價之前升得太急，升穿500元關口後，上星期更殺上640元，股價升得太急而出現調整係好合理，股價今日(8日)一度落到531元，已自高位回落左約100元，估計短期會見530至540元水平，投資者可考慮分段吸納，中長線前景唔錯。 |
|
| 姚浩然 |
2026-04-28T09:59 |
亨達財富管理董事總經理姚浩然推介寧德時代(03750) 推介原因： -首季盈利增長約40% -市盈增長率(PEG)低於1 建議買入價：650元 目標價：740元 止蝕價：590元 |
|
| 姚浩然 |
2026-04-14T10:07 |
亨達財富管理董事總經理姚浩然推介瀾起科技(06809) 推介原因： -國產化存儲芯片可受惠國產化。 |
|
| 姚浩然 |
2026-03-31T10:09 |
亨達財富管理董事總經理姚浩然推介寧德時代(03750) 推介原因： -電池業務市場佔有率超過40%，擁定價權，毛利率穩定 -儲能業務增長強勁。 |
|
| 姚浩然 |
2026-03-17T10:20 |
亨達財富管理董事總經理姚浩然推介濰柴動力(02338) 推介原因： -集團發動機獲美國「星門」准許成為供應商之一，料可受惠數據中心需求上升 -今年預測巿盈率(PE)約18倍。 |
|
| 姚浩然 |
2026-02-03T10:22 |
亨達財富管理董事總經理姚浩然推介哈爾濱電氣(01133) 推介原因： -2025至2026年預測市盈率分別為15.5倍及12.5倍，估值吸引 -隨著大力發展人工智能，內地電力需求顯著增加。 |
|
| 姚浩然 |
2026-01-20T10:27 |
亨達財富管理董事總經理姚浩然推介兆易創新(03986) 推介原因： -業務包括專用型儲存晶片、模擬晶片及傳感器晶片 -近日A股股價已出現技術性突破。 |
|
| 姚浩然 |
2026-01-06T10:22 |
亨達財富管理董事總經理姚浩然推介洛陽鉬業(03993) 推介原因： -受惠銅價急升，盈利顯著增加 -資源股有望避開「內捲」憂慮。 |
|
| 姚浩然 |
2025-12-23T10:26 |
亨達財富管理董事總經理姚浩然推介中創新航(03931) 推介原因： -儲能電池業務未來增長動力強，值得留意 -預計市盈率(PE)27倍。 |
|
| 姚浩然 |
2025-12-09T10:49 |
亨達財富管理董事總經理姚浩然推介渣打集團(02888) 推介原因： -2026年預測市盈率(PE)不足10倍，估值吸引 -穩定幣業務發展進取。 |
|
| 姚浩然 |
2025-11-25T10:00 |
亨達財富管理董事總經理姚浩然推介匯豐控股(00005) 推介原因： -財富管理業務增長理想。 |
|
| 姚浩然 |
2025-11-14T16:25 |
百度集團(09888)昨日(13日)發布新慨文心大模型5.0，但驚喜欠奉，拖累股價今日(14日)一度瀉逾9%，低見113.9元，集團下周二(18日)就會出業績，會唔會令市場失望？ 亨達財富管理董事總經理姚浩然指，以前百度慨人工智能(AI)模型係行業中有優勢，但後來慢慢被阿里巴巴(09988)追上，搶去市場焦點，最新發布慨文心大模型5.0，市場認為唔算突出，若AI模型冇變現能力，公司需要面臨一定財務負擔。 Patrick又話，內地經濟上季走弱，令百度搜尋及廣告業務增長放慢，不過，百度估值唔貴，預測市盈率(PE)約14倍，佢估計，股價短期會係110元水平上落，但冇乜上升動力。 |
|
| 姚浩然 |
2025-11-11T10:39 |
亨達財富管理董事總經理姚浩然推介敏實集團(00425) 推介原因： -開始交付人工智能(AI)服務器液冷產品 -具機械人概念，未來3年每年盈利增長逾20% -預測巿盈率(PE)約14倍。 |
|
| 姚浩然 |
2025-10-28T10:49 |
亨達財富管理董事總經理姚浩然推介津上機床中國(01651) 推介原因： -早前發盈喜 -估值吸引 建議買入價：40元 目標價：45元 止蝕價：37元 |
|
| 姚浩然 |
2025-10-23T16:03 |
李寧(02331)股價今日(23日)高開1.5%後，愈升愈有，升幅一度擴大至逾7%，高見18.66元。集團今日宣布進駐美團(03690)慨閃購平台，將會有逾千家門店同步上線，線下門店就會做儲倉，如果今次成效理想，李寧現有慨7534家實體店，未來會唔會全數轉型做閃購？ 亨達財富管理董事總經理姚浩然指，實體門店仍然有需求，例如可以畀消費者即場試穿等，不過，由於門店經營成本高，相信未來門店數目會逐步縮減至每個大區只有1至2家，節省成本之餘，仍可滿足消費者實際到店需要。 Patrick又話，如果今次李寧成功「試水溫」，估計大部分現有門店將會改為閃購店，並保留少量實體門店以支援形式存在，拿個平衡點。 |
|
| 姚浩然 |
2025-10-17T17:33 |
自A股上周四(9日)復市後，港股走勢反覆，近期表現較好慨股份包括恆生銀行(00011)、泡泡瑪特(09992)、中國人壽(02628)及周大福(01929)，似乎反映資金由科技股，流向新消費股及防守性股份，資金換馬對大市有咩影響？ 亨達財富管理董事總經理姚浩然指，早前，大市升勢由中資科技股、國際金融股帶動，前者主要靠人工智能(AI)、雲業務表現等憧憬炒起，以阿里巴巴(09988)為例，股價因集團加大AI投資而炒上，但AI最終可唔可以提升盈利仍有待觀察，而中資金融股息率經調整後再度回升，都係資金換馬主因，亦影響大市今輪升勢。 個股方面，Patrick話，泡泡瑪特晉身恆指成分股後，股價沉左一段時間，未來要留意集團旗下產品炒價走勢，包括Labubu，佢又話，泡泡瑪特現價唔算貴，但亦唔算平，建議暫時先行觀察。 |
|
| 姚浩然 |
2025-10-14T10:15 |
亨達財富管理董事總經理姚浩然推介藥明合聯(02268) 推介原因： -盈利處於高增長階段 建議買入價：68. |
|
| 姚浩然 |
2025-09-30T10:11 |
亨達財富管理董事總經理姚浩然推介哈爾濱電氣(01133) 推介原因： -隨著數據中心持續增長，電力需求增長殷切。 |
|
| 姚浩然 |
2025-09-12T13:34 |
截至早上11時止，1小時內《彭博》用戶搜尋量最多港股，依次為恆大物業(06666)、騰訊控股(00700)、泡泡瑪特(09992)、中國宏橋(01378)及美團(03690)。 近日人工智能(AI)板塊炒作持續，騰訊控股慨微信推出新功能，搜尋介面加入「AI搜索」，可以連接DeepSeek或騰訊混元模型，雖然唔算太大驚喜，但受惠於AI板塊炒作氣氛，騰訊股價今日(12日)又破位，迫近650元水平，一度升3%，高見649元，後市有冇力再上？ 亨達財富管理董事總經理姚浩然指，現時騰訊預測市盈率(PE)約25倍，唔算平，但近期港股氣氛好，恆生指數升穿26000關，科技股及金融股主力帶動大市上升，因此，騰訊股價仍有力再上，若港股進一步造好，騰訊有機會見700元水平。 Patrick又話，雖然中資科技股有好多新消息利好股價，但最重要係睇有冇AI變現能力，AI要帶黎變現能力，先可以進一步推升股價。早前騰訊股價已經突破620元阻力位，後市有機會上試660元至670元。 |
|
| 姚浩然 |
2025-09-05T17:01 |
美國減息預期升溫，帶挈金價向上，但似乎唔係所有金飾股都受惠金價上升。周六福(06168)依家有逾3800家分店，當中只有約20%係自營店，主攻下沉市場，即三、四線城市及年輕客群，如果金價升產品都要上調價格，係咪會削弱目標客群消費力？相對同業，周六福毛利率最低，點解會出現呢個情況？ 亨達財富管理董事總經理姚浩然指，一般而言，金飾行業慨毛利率會跟隨金價上升，因為售價比入貨價高，但周六福目標客群係年輕人，佢地購買力較弱，當金價上升就會削弱佢地慨消費意欲，繼而拖低銷量。睇返周六福上半年業績，收入增速曾因金價上升而放緩。 佢又指，周六福毛利率跑輸同業係預料之內，但同經營能力強弱冇關，周六福採用加盟店模式，有助業務快速增長，但亦會攤薄利潤，除非周六福提升自營店佔比，否則，毛利率會繼續低過同業。 |
|
| 姚浩然 |
2025-08-19T10:11 |
亨達財富管理董事總經理姚浩然推介浪潮數字企業(00596) 推介原因： -7月底發盈喜。 |
|
| 姚浩然 |
2025-08-05T10:42 |
亨達財富管理董事總經理姚浩然推介康方生物(09926) 推介原因： -若有外資藥廠向公司作海外授權(License out)。 |
|
| 姚浩然 |
2025-07-25T16:21 |
農夫山泉(09633)股價今日(25日)逆市升，上周至今已累升17%，市監局發布《價格法》慨修正草案兼徵求意見，內地「反內捲」政策對改善茶飲股競爭有幾大作用？ 亨達財富管理董事總經理姚浩然指，《價格法》至少可以減少惡意減價，因為以往市場最怕企業為左搶市佔率，旗下產品不斷同對手鬥減價，依家開始留意到價格唔牽涉「內捲」，就會令售價穩定返，亦可以keep到毛利率，有助盈利回穩。 Patrick續指，農夫山泉估值唔算平，預測市盈率(PE)約30倍，市場預期，集團上半年收入及利潤按年增長約20%，但呢個增幅就唔算好吸引，市場唯一可以炒係習慣及必須性，否則，呢些飲品股慨股價未必有好大上升空間。 |
|
| 姚浩然 |
2025-07-22T10:18 |
亨達財富管理董事總經理姚浩然推介渣打集團(02888) 推介原因： -有機會取得香港穩定幣牌照之一 -未來加強虛擬貨幣發展。 |
|
| 姚浩然 |
2025-07-10T15:59 |
全球最大電池生產商寧德時代(03750)，月底就會派發上市後首份中期成績表，不過，係Tesla汽車銷量跌，內地車企又要減價去庫存，再加埋貿易戰陰霾，寧德時代係咪仲值得憧憬？ 亨達財富管理董事總經理姚浩然指，內地電動車存貨唔少，而個別汽車生產商去庫速度慢左，意味未來未必會生產咁多新車，電池需求就會減少，無疑係一大憂慮。 佢又話，日本豐田汽車(Toyota)宣布會係2027年生產全自動電動車，之前唔生產係因為覺得續航力太低，依家決定生產，反映豐田慨汽車續航力一定提升左好多，而豐田後年推出慨固態電池車款，對寧德時代有幾大影響仍然係未知之數。 |
|
| 姚浩然 |
2025-07-08T11:02 |
亨達財富管理董事總經理姚浩然推介小米集團(01810) 推介原因： -YU7銷售理想，有望推動汽車業務收入顯著增長 -股價回調至57元以下。 |
|
| 姚浩然 |
2025-07-04T16:21 |
7月開局冇耐，美股已明顯跑贏，標指及納指升逾1%，但港股暫時就要跌，下半年有咩股份值得留意？亨達財富管理董事總經理姚浩然指，下半年睇好3類股份，包括人工智能(AI)、金融及經濟敏感度低慨股份。 Patrick認為，美股「科技7雄」(Magnificent 7)之一慨英偉達(Nvidia)，可以作為下半年投資主力，因為第1季業績睇到毛利率開始穩定，加上AI晶片Blackwell開始全面投產後，睇返第2季指引，保證金比例由第1季71.2%上調至72%。 佢續指，因為發現巨型股(Mega Cap)係DeepSeek出現後對算力需求大，所以Blackwell下半年可以繼續睇好。基於1月做年結，估計2026年及2027年1月，Nvidia市盈率(PE)分別逾40倍及近30倍，以集團增長動力計，約30倍PE唔算貴。Patrick又指，Nvidia股價過去1年係100美元至150美元上落，依家突破左150美元，佢估計，股價未來一段長時間仍會向上，不妨現價買入，年底目標睇180美元至190美元，即較現價升最多19%。 |
|
| 姚浩然 |
2025-06-27T17:10 |
《時代》雜誌最新公布2025年全球最具影響力百強企業名單，串流服務商Netflix 有入選，公司2022年尾推出包括廣告的訂閱方案，一度令市場憂慮可能會拖累業務，不過低價策略的確可以成功吸客，未來業務會唔會受惠人工智能(AI)應用？ 亨達財富管理董事總經理姚浩然指，Netflix業務唔受經濟盛衰影響，每月月費唔會造成好大負擔，用戶人數及收入有穩定增長。Netflix亦有涉獵製片業務，AI令製作時間加快及節省營運成本，係消閒類別中慨顛覆者(Disrupters)，將受惠於生產更多片種，吸引更多訂閱者。 Patrick又話，Netfilx估值吸引，值得長楂。 |
|
| 姚浩然 |
2025-06-24T10:03 |
亨達財富管理董事總經理姚浩然推介建設銀行(00939) 推介原因： -股息率約5.6厘 -預計巿盈率(PE)約5.3倍。 |
|
| 姚浩然 |
2025-06-13T16:33 |
市傳騰訊控股(00700)想買雙方已有長年合作關係，南韓遊戲巨頭Nexon創辦人家族手持慨67%股權，一旦成事，估計作價高達520億港元。受消息帶動，Nexon日本股價今日(13日)一度急升10%，不過，騰訊股價反覆靠穩，僅一度升1%，高見515.5元，呢單deal又可唔可以為騰訊帶黎增長動力？ 亨達財富管理董事總經理姚浩然指，睇返呢單交易，估計Nexon可直接受惠，而騰訊收購Nexon後，發行費將會大減，由於成本下降，未來可以推更多遊戲，不過，呢些交易慨效益要一段時間先會浮現，因此，騰訊股價相對冷靜。 佢續指，近期資金主要追入以收息為主慨板塊，例如內銀及電訊，令科技股動力不足，呢個亦係騰訊股價今日冇乜變動慨原因。 Patrick又話，騰訊平台規模龐大，涉及大量遊戲，若某款遊戲跑出，成為爆款IP，將帶動集團收入增長，繼而刺激股價。 |
|
| 姚浩然 |
2025-06-10T10:10 |
亨達財富管理董事總經理姚浩然推介泡泡瑪特(09992) 推介原因： - 產品熱潮從亞太區擴展至歐美市場 - 市場憧憬收入增長可以加快 建議買入價：243元 目標價：270元 止蝕價：228元 |
|
| 姚浩然 |
2025-05-30T17:27 |
周一(26日)傳出比亞迪股份(01211)推出「618」優惠，22款車減價最多34%，市場擔心價格戰升級，之後又傳集團山東經銷商爆煲，拖累股價今個星期跌足5日，而長城汽車(02333)董事長魏建軍慨言論，惹黎市場揣測比亞迪會唔會變成「恆大2.0」，睇返比亞迪首季業績，負債比率約70%，利潤又跌緊，情況會唔會令人擔心？集團隱性負債似乎亦不少，會唔會影響埋供應商，出現「火燒連環船」慨情況？ 亨達財富管理董事總經理姚浩然認為，比亞迪情況未去好嚴峻，而公司情況亦同恆大唔同，內地樓市本身供過於求，恆大主攻內地，比亞迪已逐步拓展海外市場，集團期望至2030年外銷佔50%，若比亞迪可以擴大海外市場，抗衡「內捲」之餘，亦可減低風險。 Patrick又指，比亞迪所需慨零件及產品數量較大，供應商會提供較長付款周期，相信減價促銷某程度上係希望套現找數，今次減價慨車款好全面，反映集團存貨唔少，加上舊車款之後更難賣出，所以希望透過今次減價盡快去貨，即使今次減價導致利潤減少，但可以套現找供應商慨數，佢認為出現「火燒連環船」機會較微。 |
|
| 姚浩然 |
2025-05-27T10:12 |
亨達財富管理董事總經理姚浩然推介比亞迪股份(01211) 推介原因： -歐洲市場增長強勁，推出最低售價後，更利好優質汽車企業 -即將納入科技指數。 |
|
| 姚浩然 |
2025-04-29T09:58 |
亨達財富管理董事總經理姚浩然推介康方生物(09926) 推介原因： -擁有良好的藥物產品線 -股價回調為吸納機會 建議買入價：84元 目標價：100元 止蝕價：79元 |
|
| 姚浩然 |
2025-04-15T10:13 |
亨達財富管理董事總經理姚浩然推介巨子生物(02367) 推介原因： -業務為皮膚護理產品，去年營業額增57%，純利增42% -毛利率達82.1% -有40億元現金，無負債。 |
|
| 姚浩然 |
2025-04-01T09:40 |
亨達財富管理董事總經理姚浩然推介信達生物(01801) 推介原因： - 藥品收入大增44%。 |
|