| Commentator |
Time |
Content |
Tag |
| 林嘉麒 |
2026-10-15T22:44 |
太平洋航運(02343)第三季小靈便型及超靈便型乾散貨船日均收入，都升逾30%。 元宇證券基金投資總監林嘉麒表示，太航上季日均收入錄得理想增幅，不過踏入十月，波羅的海乾散貨指數走勢轉弱，今年第四季以至明年運費未必樂觀，但太航預測股息率逾7%，相信對股價有一定支持作用。 |
|
| 林嘉麒 |
2026-10-14T16:47 |
港交所(00388)股價今朝(14日)一度跌2.2%，低見371.2元，跌至3個月低位，除左受大市氣氛及成交疲弱影響，亦因為市場擔心IPO生意，會受證監會日前搗破兩個IPO造假集團，凍結近47億元資產，事件涉及茶百道(02555)等3家上市公司，呢場「打假風暴」會點發展，對本港新市場有咩影響？ 元宇證券投資總監林嘉麒認為，投資者短期毋須過度恐慌，亦唔會令所有新上市股份都會停牌，香港IPO集資排名全球第1，依家有大量人工智能(AI)排隊在港上市，如果失去呢批資金，有機會影響未來新股上市數目，繼而影響港交所上市費、交易費收入，以及各類牌照中介機構生意額，牽連範疇可能比較廣，而市場上所謂慨「陋習」，或令監管機構收緊上市審查條例，日後要搵合規投資者會唔會更難，相信對整個IPO市場影響都幾深遠。 KK坦言，今次應該唔係單一事件，新股市場背後慨遊戲規則其實大同小異，只不過係睇有幾多證據，如果相關秘密協議被曝光，唔排除有更多關聯公司及投資者被牽涉在內。 |
|
| 林嘉麒 |
2026-10-07T17:48 |
經歷「中秋+國慶」超長假期後，A股會係明日(8日)復市，期間，恆生指數一度失守24000關，意味A股放假期間恆指一度累跌逾900點，不過，呢兩日已上返24000點，點預測A股明日復市表現？幫唔幫到港股？ 元宇證券基金投資總監林嘉麒表示，睇返北水放假前，主要都係買重磅科技股，例如騰訊控股(00700)，沽貨對象就係指數股，反映投資者唔睇好指數，只想博個股反彈。 北水「回歸」前夕，重磅科技股都要跌，阿里巴巴(09988)跌逾2%，美團(03690)跌近1%，投資者會繼續博第3季業績，還是沽貨？KK就話，過往都係愈跌愈買，但依家有1個利淡因素，就係美元強勢，人仔相對轉弱，會增加買賣成本，佢估計，A股明日復市會呈先高後低格局。 |
|
| 林嘉麒 |
2026-09-30T16:41 |
美國藥企默沙東(Merck Sharp & Dohme)周一(28日)宣布，同成立僅兩年的上海思璞銳醫藥簽署全球獨家授權協議，向其引入臨床前口服抑制劑SPR2015，首付金額4億美元，據內媒報道，金額創全球臨床前資產對外授權交易新高。野村形容交易反映中美醫藥合作顯著回暖，點睇呢單消息？ 元宇證券基金投資總監林嘉麒指，近年中美藥廠交流頻繁，今次合作可進一步提升內地藥廠價值，而外國公司亦要搵新項目及新增長點，既然內地藥廠技術成熟、項目多，而且有成果，自然有更多機會，從而提升生物科技股估值。 KK續指，投資藥股要睇邊間公司有較多項目研發，同埋跟外國有交流，研發出具潛力藥物慨機會大增，建議投資者揀龍頭企業，同埋有強大研發能力，曾經或正在跟外國藥廠合作就更好。 佢又提醒，揀股時亦可以睇業績報告，如果提及公司將會有更多產品踏進第3階段，或要進行商業化，呢些公司就有較大投資價值。 |
|
| 林嘉麒 |
2026-09-24T23:34 |
周大福創建(00659)全年多賺約10%，派末期息33仙，並10送1紅股，元宇證券基金投資總監林嘉麒認為，純利有增長，但末期息少左，投資者可能會失望。 KK又指，周大福創建調整業務重心，著重發展金融服務業務，但佢認為，仍需時間觀察金融業務是否持續表現理想，可有助抵銷其他業務的負面影響。 |
|
| 林嘉麒 |
2026-09-23T16:46 |
美國科技媒體《The Information》引述消息報道，內地監管機構已對DeepSeek及「Kimi」開發商月之暗面(Moonshot AI)展開數據安全調查，因為美國人工智能(AI)巨頭Anthropic，早前指控月之暗面秘密將數千條用戶請求轉發至大模型Claude，再直接用Claude慨答案回覆Kimi用戶，即係用左「蒸餾」(Distillation)技術，變相洩漏內地資料，事件會唔會令AI發展步代放慢？ 元宇證券基金投資總監林嘉麒指，如果消息屬實，未來當局或會對AI有新監管，因為內地屬於計劃型經濟，若行業發展一段時間後出現問題，政府就會出手，若負面因素發酵或會影響整個板塊發展。 KK續指，如果真係有針對「蒸餾」技術慨新規範出現，算力一定受影響，甚至可能會叫停新項目，等監管機構先研究舊版本，才可以推新版本，到時可能會有呢些指導意見出現，減慢商業化進程。 佢又話，雖然暫時只係傳聞，但可能涉及呢些指控慨公司，例如MiniMax(00100)慨商業部署都會受影響，更新速度或有別於以往，甚至影響係國際慨競爭力。 |
|
| 林嘉麒 |
2026-09-16T16:26 |
香港首個五年規劃其中1個重點係打造「留學香港」品牌，吸引更多內地及海外學生，在港修讀本地評審全日制專上課程慨非本地生數目，預期由2024-25學年慨7.98萬人，增至2029-30學年慨10萬人，升幅高達25%。早前，差餉物業估價署公布7月慨樓價指數13連升斷纜，但租金繼續破頂，隨著更多人才及學生來港，係咪可以繼續撐起租金，甚至為本港樓價帶黎支持？ 元宇證券投資總監林嘉麒指，《施政報告》強調，要推進香港成為國際人才集聚高地，並推動專才計劃，再加上積極發展人工智能(AI)、北部都會區、大學城等，唔止非本地生數量增加，更會吸引大批專才來港，尤其係內地專才，佢又話，過去幾年，留學生熱門居住地區慨租金飆升，亦變相推高樓價。 KK又話，人才集中對本港樓價一定有幫助，但都要視乎供應、租金、回報點樣拿個平衡，近兩年租金回報非常誇張，租金差唔多升左10%至20%，若未來整體流量再升，而供應相對唔多，有望進一步推高租金，繼而令樓價受惠。 |
|
| 林嘉麒 |
2026-09-09T17:04 |
攜程集團(09961)下周三(16日)會派第2季成績表，參考同程旅行(00780)下調全年收入及核心在線旅遊平台OTA業務指引，擔唔擔心攜程慨業績表現？係反壟斷之下，攜程前景又如何？ 元宇證券基金投資總監林嘉麒估計，攜程慨情況可能比同程更差，因為同程業績暗示一線城市消費力不似預期，而攜程主要客戶正正集中於一線城市，呢些數據的確影響攜程未來慨指引，唔排除會再調整，繼而拖低股價，估計短期仍偏向負面。 KK續指，消費意欲未見明顯回升，一定影響旅遊出行情況，再加上反壟斷政策，負面情緒一直在疊加，導致整個行業市盈率(PE)非常低，除非作為龍頭慨攜程業績好過市場預期，股價先有機會回穩。 |
|
| 林嘉麒 |
2026-09-03T22:43 |
數碼通電訊(00315)全年多賺9.6%，全年股息維持不變。 元宇證券基金投資總監林嘉麒表示，雖然數碼通指資本開支正回落，未來幾年亦會進一步減少，但公司未來應不會增加派息，因為本地流動電訊業務競爭激烈，加上要保留資金日後發展6G。 |
|
| 林嘉麒 |
2026-09-02T16:32 |
鋰電池相關股，以至上游企業相關股今日(2日)都跌得好急，包括寧德時代(03750)及比亞迪股份(01211)，寧德更一度挫近5%，低見563.5元，係咩原因股價跌得咁急？ 元宇證券投資總監林嘉麒指，其實近幾日股價都跌過，但今日跌得比較急，股價短期內已累跌10%至20%，主要有幾方原因，包括需求減少、出少左車、價格下跌等，佢估計，下半年經營狀況都未必咁好。 寧德及比亞迪兩隻電池龍頭今日弱勢，係咪同內地明年將取消電池產品增值稅出口退稅有關？ KK認為，係多個因素令比亞迪及寧德股價跌，年初時睇黎，今年市場情況冇咁差，鋰電池、原材料價格都冇去到呢個水平，所以好多下游客戶對全年出貨量、生產量仍有信心，不過，距離2027年只剩返4個月，需求好難係短時間內飆升，加上上游公司毛利率唔樂觀，所以當翻炒退稅消息時，就令市場重新留意呢些公司慨經營狀況。 |
|
| 林嘉麒 |
2026-08-26T17:20 |
體育用品股安踏體育(02020)今日(26日)中午出左業績，中期多賺近35%，收入按年增長近13%，派息增10%至1.51港元，表現好過同業李寧(02331)、特步國際(01368)，點解安踏可以跑出？ 元宇證券投資總監林嘉麒指，多品牌策略係安踏致勝關鍵，因為公司收購慨外國品牌知名度較高，亦係較專業慨運動品牌，高消費群未必會因為經濟狀況影響消費意欲，所以安踏盈利增長較同業標青。 KK又指，雖然其他品牌亦有做高端市場，但由於安踏收購慨係國際知名品牌，唔太受內地經濟狀況影響，外圍經濟表現好、歐美消費意欲強等因素，都可能係安踏交到好業績慨原因。 |
|
| 林嘉麒 |
2026-08-20T22:42 |
阿里巴巴(09988)第一季度經調整盈利倒退38.2%，差過市場預期。 元宇證券基金投資總監林嘉麒表示，阿里巴巴在AI方面投入巨額資金，但只有AI雲與算力服務收入有較快增長，整體收入則僅升8.6%，相信市場會再度質疑公司巨額投入，能否帶來合理回報，不利股價短期走勢。 |
|
| 林嘉麒 |
2026-08-19T17:17 |
港交所(00388)上半年日均成交逾2830億元，創新高，按年升18%，集團上半年多賺24%，如果單計第2季，純利按年增長21%，不過，今年7月開始，內地推出境外投資新規，會唔會開始對大市成交帶黎負面影響？ 元宇證券投資總監林嘉麒指，雖然市場擔心下半年證監會修訂慨新規例，加上保險、稅項等問題，但其實仲有1至2年過渡期。佢又話，睇返業界依家慨情況，未見好多客戶因內地投資新規而取消戶口，因此，估計短期內唔會有大變動。 KK又指，恆生指數之前落至22500點後，成交都升返，現時日均成交都有約2000億元，所以都對港股下半年成交樂觀，若美國聯儲局真係減息，都有機會利好港股。 |
|
| 林嘉麒 |
2026-08-18T10:34 |
元宇證券投資總監林嘉麒推介友邦保險(01299) 推介原因： -加息預期降溫。 |
|
| 林嘉麒 |
2026-08-06T22:45 |
太平洋航運(02343)上半年多賺逾3倍，中期息大增至15.5仙。 元宇證券基金投資總監林嘉麒表示，太航半年業績較預期更強勁，又慷慨派息，短期利好股價表現，但要留意中東局勢及航運價格隨時逆轉，加上股價今年已累升不少，相信再大升空間不多。 |
|
| 林嘉麒 |
2026-08-05T16:33 |
國泰航空(00293)今日(5日)中午出左業績，股價午後顯著抽升，一度升逾3%，高見14.88元。集團中期多賺近71%，燃油對沖轉賺逾8.7億元。國泰又計劃投資約1500億元，未來10年目標引入150架新飛機，並將網絡擴至150個航點。地緣政治因素似乎冇乜影響國泰業績？股價仲有幾多上望空間？ 元宇證券基金投資總監林嘉麒認為，國泰股價仍有動力，現時走勢比之前發盈喜時更好，燃油對沖起到作用，雖然中東航線受地緣政治影響，但亞太區慨短途航線幫到業績，所以整體冇太大影響。 股價方面，KK話，7月底已呈上升趨勢，反映業績好過市場預期，雖然下半年主調冇特別變化，但市場見到集團上半年表現好，估值自然會升，又認為國泰股價短期仍有上升空間。 佢續指，如果國泰係第3季慨傳統淡季都做到成績，相信市場會願意畀更多溢價。 |
|
| 林嘉麒 |
2026-07-30T22:39 |
美圖公司(01357)預計，上半年經調整盈利增長36-40%。 元宇證券基金投資總監林嘉麒表示，美圖上半年盈利增速雖然慢過之前兩年，但仍算不俗，之不過第二季主營業務收入及付費用戶增速，均慢過第一季，市場會關注下半年會否進一步放慢，由於股價已有一定調整，相信會於現水平橫行。 |
|
| 林嘉麒 |
2026-07-29T16:16 |
渣打集團(02888)今日(29日)中午派左中期成績表，第2季稅前溢利按年增長2%至23.34億美元，淨利息收入升6%至逾28億美元，都好過市場預期，中期息大增66%，又宣布加碼回購股份，刺激股價午後拗腰倒升，一度大升6%，高見237元，點睇呢份業績？ 元宇證券投資總監林嘉麒指，渣打利潤唔算增長好多，而市場之前對中期息期望唔高，但今次大增66%，出手非常闊綽，為市場帶黎驚喜，集團核心業務有改善，雖然股價依家企係高位，但未來仍要做些野去維持投資者信心。 KK又話，渣打股價有些尷尬，午市早段升得多，但歐洲交易時段開始升幅就收窄，不過，以渣打係新興市場慨定位黎睇，估值仍有上升空間，但短期投資者有機會選擇獲利，繼而令股價出現波動，依家落返230元水平，反而係中長線買入機會。 |
|
| 林嘉麒 |
2026-07-28T11:41 |
恆生指數今日(28日)一開市即收復100天線，即25177點水平，牛證重倉位係24600點，最多人加倉係24800點，熊證最重倉係25500點，亦係最多人加倉慨位置，部署上應該點擺位？係咪可以參考各重貨區？ 元宇證券投資總監林嘉麒表示，就快期指結算，資金開始流向傳統科技股，加上匯豐控股(00005)下周會出業績，相信短期會推高恆指，但要留意近期成交未必會太配合。 牛熊證擺位方面，KK就話，恆指今輪反彈係26000點有較大阻力，建議熊證收回價擺26000點水平，由於24500點係整固位，建議牛證回價擺24000點水平。 |
|
| 林嘉麒 |
2026-07-15T16:12 |
長飛光纖光纜(06869)今朝(15日)開市前發盈喜，預告中期最多賺30億人仔，按年最多飆逾9倍，不過，長飛光纖股價先高後低，早段一度爆升22%，高見188元，但之後走勢轉弱，午後更一度倒跌，點解股價會有咁慨反應？ 元宇證券投資總監林嘉麒指，長飛光纖預測市盈率(PE)約23倍，理論上係合理，股價之前升穿300元，現時係155元水平，有少少去槓桿慨情況，公司發盈喜後，大行有機會上調明年及後年慨盈利預測，所以短線獲利在所難免。 KK又話，長飛光纖今日股價反應，未必係反映公司前景，相信股價跌好大原因係投資者沽貨。佢續指，今年餘下時間長飛光纖產能未必可以滿足到需求，所以未來仍有加價空間，有機會推高每股盈利。 至於人工智能(AI)熱潮係咪開始冷卻，佢就話，AI熱退得快。 |
|
| 林嘉麒 |
2026-07-10T10:26 |
TCL電子(01070)發盈喜，預告上半年經調整股東應佔淨利潤約14.8億至16.5億之間，按年增加逾四成。元宇證券基金投資總監林嘉麒認為，盈喜有驚喜，第二季按季計仍然有不俗增長，相信股價會有正面反應。他相信第二季業績理想，同世界盃舉行有關，帶動購買或更換電視需求增加，而過往有體育盛事期間，公司業績表現都是比較理想。 |
|
| 林嘉麒 |
2026-07-08T16:32 |
中國生物製藥(01177)股價今日(8日)一度大升6.8%，高見5.15元，集團係開市前公布，跟阿斯利康(AstraZeneca)就集團自主研發慨1款吸入式雙重抑制劑，獲2億美元首付，而係3月亦同Sanofi就羅伐昔替尼(Rovadicitinib)訂立獨家授權協議，收益合共最多逾15億美元，中生製藥係短時間內做到兩單藥物授權，係咪反映公司慨研發實力？ 元宇證券投資總監林嘉麒指，中生製藥係短時間內有兩單藥物授權，相信唔止反映研發能力強，產品種類亦好多，所以吸引到幾家國際大藥廠合作，佢認為，未來或可以產生協同效應，生科股之中，中生製藥外業務可以話係行得比較快。 KK又話，中生製藥股價潛在升幅大，但暫時市場都唔係太睇基本面去炒，依家都係資金帶動成個市況，以現價計，市盈率(PE)約16倍，仍然屬於低水平，樂觀及大膽些睇，未來幾年見返之前高位，即9元水平機會都大。 |
|
| 林嘉麒 |
2026-06-26T12:25 |
滔搏(06110)澄清未收到Nike終止內地線上經銷安排，股份將會係明日(26日)復牌，點解滔搏要咁遲先對外宣佈？ 元宇證券基金投資總監林嘉麒指，滔搏管理層敏感度唔高，其實股價係幾日前消息傳出後已開始跌，唔應該等到依家先澄清，時間掌握方面唔太合理，令事態發展比較尷尬，會存在雙方有「夾口供」之嫌。 |
|
| 林嘉麒 |
2026-06-24T16:21 |
滔搏(06110)股價已連跌第7個交易日，今日(24日)一度急瀉15%，低見2.04元，依家內地社媒流傳，話明年1月1日起，Nike會取消線上一級經銷商授權，日後只可以透過官網買野，呢單消息可唔可信？係咪因為呢個傳聞令滔搏股價又大林？ 元宇證券投資總監林嘉麒指，Nike作為國際品牌，初期要打入內地市場，一定要靠分銷商幫手，但依家業務成熟，後續肯定希望拿返個經銷權，不過，呢個消息又未必可以盡信，因為時間上太緊迫，如果事先知道，公司要率先披露相關合約，但依家冇主動咁做，所以未必一定係事實。 KK又話，滔搏股價今日大跌，可能投資者係因為派息問題沽貨，因為冇左Nike咁大一項業務，黎緊派息都會受影響，市場亦擔心公司現金流、派息，佢又認為，因為集團基本面轉差，好難扭轉短期股價弱勢，甚至有息派都未必幫到股價。 |
|
| 林嘉麒 |
2026-06-17T16:12 |
百勝中國(09987)斥12億美元收購必勝客(Pizza Hut)內地擁有權，即由特許經營者升級為品牌全資擁有人，未來唔需要再畀特許經營費母公司，不過，百勝中國股價今日(17日)幾乎一跌到尾，午後一度跌3%，低見334元，點睇呢單Deal？ 元宇證券投資總監林嘉麒指，兩家公司有控股關係，未來要睇百勝中國擁有左呢個品牌後，係咪會做得更好，又或者過往畀母企慨固定費用係咪可以回本，以及提升品牌價值，佢認為，無論間接定直接收購，最重要都係未來慨經營表現。 KK又話，今次百勝中國買慨收購價未必好吸引，但現時內地經濟情況一般，估值方面會有些優勢，但當內地經濟好轉，或餐飲業併購活動變得頻繁，到時商譽價值會再提升。佢認為，今次百勝中國收購時機唔錯，但出價唔太合理，長線會有著數，但短線優勢就唔係咁大。 |
|
| 林嘉麒 |
2026-06-11T22:43 |
周大福(01929)上年度多賺52.2%，好過市場預期。 元宇證券基金投資總監林嘉麒表示，周大福上年度業績雖然理想，但隨著金價回落，對其今年業務前景不太樂觀。 |
|
| 林嘉麒 |
2026-06-10T17:15 |
長飛光纖光纜(06869)、建滔積層板(01888)、英諾賽科(02577)及天岳先進(02531)都係今日(10日)50大活躍成分股之一，雖然大部分股價都跌得多，但個別仍係相對高位，港股已連跌6個交易日，係市況欠佳下，邊些屬於高危股？ 元宇證券投資總監林嘉麒認為，如果企業需投資數據中心，涉及慨成本一定較高，投資者或會擔心公司要向國家，甚至股東「伸手」，因此，一些股價升至高位慨AIDC(人工智能數據中心)股會跌先，相反，若企業屬於供應鏈上游，例如長飛光纖及建滔積層板，由於投放量唔多，以產出為主，短期抗跌力會明顯較強。 此外，KK又提及濰柴動力(02338)，公司首季盈利差過預期，加上新能源收入佔整體比例仍偏低，加上市場依家處於避險狀態，因此，預期盈利短期難大幅增長，建議投資者吼股價回落至介乎32至33元再入手。 |
|
| 林嘉麒 |
2026-05-28T22:46 |
理想汽車(02015)第一季業績見紅，毛利率回落至單位數，第二季業務指引亦差過預期。 元宇證券基金投資總監林嘉麒表示，理想第二季交付量指引保守，顯示公司對新車型銷量亦不太樂觀，平均售價亦預計持續向下，相信股價難有起色。 |
|
| 林嘉麒 |
2026-05-27T16:14 |
石藥集團(01093)今日(27日)中午派左第1季成績表，收入按年跌約8%，純利更年跌41%，其中，成藥業務連續8個季度倒退，點睇石藥呢份季績？ 元宇證券投資總監林嘉麒指，如果同去年第4季比較，可以話業績有改善，成藥收入持續下跌，市場當然唔滿意，但值得留意係，藥股一般都有一個特點，如果藥品可以較預期早推出市場，又或者種類較特別，唔受內地政策影響，突然見底都唔出奇，所以今次呢份業績見到暫時回穩已經收貨。 美國臨床腫瘤學會ASCO年會將會係周五(29日)舉行，石藥到時會展示5款在研產品，會唔會成為股價新催化劑？ KK就話，石藥唔係第1年參加ASCO年會，的確有機會幫到股價，加上石藥過去係腫瘤領域表現一般，市場可以憧憬今次會有技術突破，去年差唔多時間，石藥股價都有反應，雖然股價今日受業績拖累而破底，一度急瀉近11%，低見6.64元，但可以留意之後有咩新消息，令公司基本業務有轉機。 |
|
| 林嘉麒 |
2026-05-20T18:00 |
嗶哩嗶哩(B站)(09626)昨日(19日)派左季度成績表，上季經調整多賺62%，但股價今日(20日)跟大市跌，其實睇返公司Bottom Line，純利表現唔算差，經調整淨利潤按年增長62%，毛利率更連升15個季度，股價今日一度大跌6%，跌穿150元關口，「幕後推手」係乜野？ 元宇證券基金投資總監林嘉麒指，其實股價走勢唔可以單睇業績，就B站黎講，依家市盈率(PE)逾30倍，係一個幾高水平，騰訊控股(00700)有可能減持手上10.5% B站持股，市場擔心股價會有折讓。 另一方面，集團表現要係短期內好過市場預期，股價先會有反彈動力，但B站核心業務需要一段時間先會有增長，新遊戲落地又要使一筆推廣費，而盈利貢獻亦未必太大，所以股價見唔到有上升動力。 |
|
| 林嘉麒 |
2026-05-14T22:42 |
阿里健康(00241)全年經調整盈利增加19.3%，差過預期，但同時首次派發末期息及特別息。 元宇證券基金投資總監林嘉麒表示，阿里健康業績顯示，下半年收入增速明顯放慢，毛利率亦下降，這或成為未來趨勢，雖然末期息連特別息息率近5厘，但相信股價反應仍傾向負面。 |
|
| 林嘉麒 |
2026-05-13T16:23 |
名創優品(09896)今日(13日)中午發盈喜，預告收入按年最多增長29%至57.8億人仔，經調整淨利潤料按年增長10%，股價午後一度衝高近5%，高見29.06元，點睇今次慨盈喜？ 元宇證券投資總監林嘉麒指，其實係基數問題，加上市場都可能會睇返基本淨利潤情況，要求會較高，所以嚴格黎講，如果要逐個數睇，今次未必係投資者心目中慨盈喜，雖然細數未必符合市場期望，整體盈喜表現令市場失望，但之後正式業績報告，或再之後業績有改善，可以再返轉頭睇呢次盈喜。 名創旗下品牌TOP TOY收購永輝超市錄得投資虧損，而TOP TOY係3月底再交港股IPO申請，如果成功上市可以沖喜下，還是呢個預期已反映曬？ KK又話，呢個預期仍未完全反映，之前收購永輝市場覺得用左一筆錢，但最後又蝕，不過，永輝同名創亦可能會出現協同效應，分店數量、經營線下業務有關聯，可以提升返公司價值，但需要不斷有好消息又持續反酵，相信名創短線仍有上升空間。 |
|
| 林嘉麒 |
2026-04-30T22:41 |
建滔集團(00148)主席張國榮及執董何燕生，近日相繼減持股份，是否對公司業務前景有所啟示？ 元宇證券基金投資總監林嘉麒表示，建滔去年業績強勁，公司生產的覆銅覆板近月又多次加價，今年業績理應仍有強勁增長，不過由於公司高層接連沽貨，確實需要關注市場未來需求會否突然轉弱，又或產品潛在供應會否大幅增加，扭轉目前供不應求的情況。 |
|
| 林嘉麒 |
2026-04-22T16:17 |
德昌電機(00179)昨日(21日)收市後發盈警，預期全年純利最多跌25%，德昌股價今日(22日)大插水，一度重挫18%，低見20.94元，係咪呢個盈警令市場好失望？ 元宇證券投資總監林嘉麒指，德昌繼續有下行風險，今次盈警慨訊息好詳細，但未知集團有冇方法解決箇中問題，甚至每個環節解決一兩個問題都未必做到，可能未來要做更多野先可以令投資者有返信心，讓投資者判斷仲有冇中長線投資價值。 KK又話，今次盈警同機械人業務條數冇關，睇返些數字，尤其下半年，相對上半年有好大變化，睇返基本面，汽車業務做得差，行業「內捲」情況比預期嚴重，至於機械人發展就要等出全年業績時，先可以睇到未來慨發展計劃。 股價方面，因為市場之前熱炒機械人概念股，所以拉高左德昌估值，但畀公司基本面、核心業務做得差拖累返，短線要小心因為市場憧憬有少少落空，股價有機會落到18元水平，但到時估值先算合理。 |
|
| 林嘉麒 |
2026-04-16T22:39 |
贛鋒鋰業(01772)預告第一季業績扭虧為盈，賺16-21億元人民幣。 元宇證券基金投資總監林嘉麒表示，贛鋒首季業績理想，不過鋰價自去年下半年已大幅反彈，估計再升空間有限，而贛鋒股價亦累積龐大升幅，相信已充分反映鋰價升幅。 |
|
| 林嘉麒 |
2026-04-09T22:41 |
不同集團(06090)自上市半年禁售期過後，接連遭到第二及第三大股東減持。 元宇證券基金投資總監林嘉麒表示，不同集團主要銷售育兒產品，市場競爭激烈，公司上市後首份全年業績，收入及盈利增速已明顯放緩，相信上市前的投資者以至基石投資者，均會陸續沽貨離場，股價仍要繼續尋底。 |
|
| 林嘉麒 |
2026-03-19T22:42 |
阿里巴巴(09988)港股時間受騰訊(00700)拖累，業績前跌逾4%。結果收市後公布季績差過預期，美股時間，ADR早段再急跌近10%。 元宇證券基金投資總監林嘉麒指出，季績差過預期，已經令市場失望。而「所有其他」業務又再次拖累整體業績表現，倒不如壯土斷臂，可能為集團未來帶來更正面影響。 業績會上管理層公布AI業務發展最新情況，雖然未來五年雲及AI收入願景漂亮，收入規模高達1000億美元。但與騰訊情況相似，大行更加關注到底可以帶來多少盈利。如果可以披露過去三個月Token消耗大增六倍，實際變現能力，投資或者會更受落。 |
|
| 林嘉麒 |
2026-03-05T22:40 |
嗶哩嗶哩（Ｂ站）(09626)去年第四季經調整盈利增長93.8%，好過預期。 元宇證券基金投資總監林嘉麒表示，B站上季業績理想，其中廣告業務最為搶眼，不過公司的直播業務面對監管政策風險，目前估值只算合理，未算吸引。 |
|
| 林嘉麒 |
2026-02-25T16:37 |
匯豐控股(00005)今日(25日)中午出左業績，股價最終以全日高位收市，大升逾5%，收報142.7元，集團派息比率維持50%，除左大數，指引都交到貨，期望2026至2028年平均有形股本回報率(RoTE)達17%，甚至更高，點睇匯控慨業績指引？ 元宇證券投資總監林嘉麒指，改變慨唔只RoTE，對恆生銀行重組時間亦有重新估算，反映係1個季度後，市場睇得樂觀左，甚至埋數比預期好，雖然唔似有好大推動力，但可以維持17%已經係一個高水平，無形中向市場傳達一個訊息，就係匯控業績已有一定穩定性。 派息比率方面，KK就話，要睇返所處地區同以往比率，去判斷今次係咪吸引，匯控以一家國際銀行黎講，受制於本港經濟狀況，派息比率可以維持50%，已經係非常理想，所以市場都收貨。 |
|
| 林嘉麒 |
2026-02-24T22:41 |
貓眼娛樂(01896)預期，去年純利介乎5.4-5.9億元人民幣，按年增長2-2.2倍。 元宇證券基金投資總監林嘉麒表示，貓眼業績遠超市場預期，對股價短期會有刺激，但始終公司其中一項主要收入來自電影投資，該業務表現視乎每齣電影是否賣座，存在不確定性，市場未必即時大幅調高公司估值及未來盈利預測。 |
|
| 林嘉麒 |
2026-02-11T17:05 |
下周二(17日)就係大年初一，去年內地春晚人形機械人表演歌舞令人印象深刻，帶挈呢個宇樹科技慨機械人爆紅，其後A股春節假後復市，機械人、算力硬件、AI應用板塊有一輪炒作。宇樹今年繼續係春晚機械人合作伙伴，會唔會重演一波機械人相關股炒作潮？ 元宇證券基金投資總監林嘉麒認為，再出現呢類炒作機會唔大，去年春晚宇樹機械人表演有新鮮感，令投資者開始發掘相關股份，但去年已出現過跳舞、格鬥、運動等慨機械人，市場已消化機械人慨前景預期。 KK又話，依家係機械人2.0階段，條件苛刻，如果今年春晚有未炒過慨題材，又係去年冇炒過慨機械人概念股，可能先有得炒。佢續指，市場氣氛上，一定唔會有首次亮相時咁犀利，但要靠春晚炒起個股，甚至成個板塊氣氛，就唔好抱咁大期望。 |
|
| 林嘉麒 |
2026-02-05T22:45 |
美團(03690)斥資7.17億美元，向叮咚買菜收購其內地業務。 元宇證券基金投資總監林嘉麒認為，美團旗下小象超市跟新收購業務，可望產生協同效應，亦不擔心即時買送的幾個參與者，未來會爆發補貼戰。 |
|
| 林嘉麒 |
2026-01-09T17:19 |
老鋪黃金(06181)係2025年3度加價，但似乎無損消費者購買意欲，大行亦繼續睇好集團，指剛過去慨元旦需求復甦，預期農曆新年銷售會更強勁。不過，若公司短期內再加價，市場會唔會唔受落？ 元宇證券投資總監林嘉麒表示，如果老鋪黃金短期內再加價，可能對超短線投資氣氛構成一定負面影響。佢解釋，一旦再加價，可能令投資者擔心2025年國家調控金價慨事件會重演，當時相關政策曾導致黃金及珠寶股顯著回調，但佢指出，金價回復力好強，好多時好快就升返上去。 KK續指，老鋪黃金有別於其他同業，隻團主打古法黃金，毛利率較高外，產品認受性亦較高，因此，就算面對金價上升，集團都有足夠能力將加幅轉嫁畀消費者，以保障公司利潤。佢又認為，若金價今年維持升勢，唔排除老鋪黃金會持續加價，但相信唔會打擊公司銷售，並預期老鋪黃金股價有望跟隨金價向上。 |
|
| 林嘉麒 |
2026-01-08T22:41 |
安井食品(02648)剛過上市半年禁售期，其中一名基石投資者連續兩日減持股份。 元宇證券基金投資總監林嘉麒表示，安井所處的行業競爭大，業務前景一般，基石投資者見股價仍高於招股價，沽貨獲利正常，亦不排除會繼續減持股份。 |
|
| 林嘉麒 |
2025-12-11T22:41 |
創科實業(00669)今年底前終止HART業務，料可加強達至中期內部盈利目標的能力。 元宇證券基金投資總監林嘉麒表示，創科近年的業績，都無特別提及HART的收入，相信該品牌收入佔比很細，結束業務雖然會產生一筆額外開支，但長遠可減省營運成本，對提升盈利有正面幫助，相信市場會視為好消息。 |
|
| 林嘉麒 |
2025-11-27T22:49 |
新晨動力(01148)與四川鴻鵬訂立戰略合作協議，在航空活塞發動機領域建立聯盟。 元宇證券基金投資總監林嘉麒表示，新晨與鴻鵬擬初期在飛行汽車發動機合作，之後或擴至飛機發動機，樂觀角度看，新晨的產品多一條出路，未來若飛行汽車普及，更可望帶來更多收入，不過始終雙方合作只是初步，而且飛行汽車並非當炒概念，新晨股價早前又已炒高，不適宜輕易入市。 |
|
| 林嘉麒 |
2025-11-11T11:27 |
恆生指數昨日(10日)大升逾400點，好友即食糊離場，好倉昨日流出近6000萬元，但淡倉昨日轉為流入6710萬元。此外，牛證重貨區仍然係25100點，最貼慨26000點係最多人加倉，熊證重貨區就上移至27000點。大市今朝(11日)先升後跌，如果熊證收回價擺27000點，防守力算唔算強？ 元宇證券基金投資總監林嘉麒指，大市上星期去返100天線，見到恆指出現反彈，有部分投資者選擇加倉，26000點係一個大關口，亦係上周裂口支持底部，今輪反彈有機會上到27000點，甚至10月高位27300點，所以熊證部署係呢個水平都好合理。 |
|
| 林嘉麒 |
2025-11-06T22:42 |
華虹半導體(01347)第三季收入升20.7%，毛利率升至13.5%。 元宇證券基金投資總監林嘉麒表示，華虹今年為止，每一季收入、毛利率及產能利用率均有改善，而第四季指引亦顯示，改善趨勢可持續，相信股價反應正面，但要留意股價今年已累積龐大升幅，若大市明顯回調，華虹股價可能出現較大調整。 |
|
| 林嘉麒 |
2025-10-30T22:40 |
中國中車(01766)第三季收入升2.5%，純利倒退10.7%。 元宇證券基金投資總監林嘉麒表示，中車第三季業績相比首兩季明顯轉弱，很可能因為地方政府財政轉差，缺乏資金落新訂單，相信第四季亦難有明顯改善，而雖然中車預測市盈率大約11倍，看似不高，但相對同業為高，預計股價將會受壓。 |
|
| 林嘉麒 |
2025-10-24T00:01 |
普拉達(01913)第三季收入升3.8%，升幅高於第二季，亦稍勝預期。 元宇證券基金投資總監林嘉麒表示，普拉達上季收入雖然好過預期，但仍然只有低單位數升幅，加上估值未低便宜，相信股價難有明顯升幅。 |
|