| Commentator |
Time |
Content |
Tag |
| 植耀輝 |
2022-09-02T22:43 |
寶勝國際(03813)主席李韶午辭職，由擁有財務經驗的余煥章接替。 耀才證券研究部總監植耀輝表示，李韶午今年7月才由首席執行官，升任主席，短短兩個就辭任，難免令市場產生疑惑，而新上任的余煥章，過往於不同大型機構擔任財務總監，不排除往後會主力縮減寶勝營運開支，以改善業務表現，至於大股東會否再提私有化，相信按目前零售市道及公司財務狀況來看，可能性應不大。 |
POU SHENG INT'L |
| 黃敏碩 |
2022-09-02T17:29 |
睇返九龍倉置業(01997)旗下兩大商場上半年表現，海港城收入微升，但時代廣場收入跌逾20%，出租率就齊齊微升，商場收入可唔可以扭轉上半年劣勢，係咪始終要睇通關？時代廣場收入有冇機會重拾增長？至於對手希慎興業(00014)只有銅鑼灣作為據點，相對九置係咪較輸蝕？ 寶鉅證券董事及首席投資總監黃敏碩指，放寬旅客入境係咪代表一定會黎，如果黎數目又有幾多，呢些都要一關關咁去睇，正如之前市場憧憬澳門通關，賭股就炒曬上去，但依家發覺未必係那回事，同樣諗法擺落收租股，相信情況都係類似。佢又話，依家港島區空置率相對較高，其實時代廣場可以調整租務策略，加入更多餐廳及多些民生租戶，從而提升出租率。 至於希慎Michael就指，希慎較專注商場及寫字樓業務，而區域上銅鑼灣仍需努力復蘇慨地區。 |
HYSAN DEV , WHARF HOLDINGS , HARBOUR CENTRE , WHARF REIC |
| 關焯照 |
2022-09-02T15:41 |
港股好似吊命咁，上又上唔到，反而陰些陰些咁跌，9月開局出師不利，3大指數暫時跌逾2%，港股8月持續悶局，高低波幅只得1094點，係今年最細慨波幅月，8月日均成交只得922億元，係今年最奀，巿況咁淡靜，港股後巿係咪都好推得郁？未來成交會唔會再進一步縮水？ 冠域商業及經濟研究中心主任關焯照指，陰乾式下跌一定係痛苦，其實作為一個國際金融中心，成交只得700幾億真係幾羞家，冇新水入之餘，如果再有水漏出去，個市只會更殘，依家要等消息，例如內地有些好消息咪可以彈下，但基本因素就肯定欠奉，始終加息會影響亞洲市場，加上美元強，以及睇唔到經濟展望好轉，而內地又有封城消息，同埋消費信心低迷，睇黎真係有排搞。 關博士又話，要留意下月慨施政報告有冇刺激政策，令香港經濟穩定落黎之餘，甚至幫到股市，否則，港股有可能陰乾到年尾。 |
Stock , USD |
| 盧志明 |
2022-09-02T14:54 |
截至早上11時止，1小時內《彭博》用戶關注度上升最多港股，依次為華能國電(00902)、港交所(00388)、華潤置地(01109)、萬科企業(02202)及合景泰富集團(01813)。 內蒙取消電價優惠政策，內地電力股炒起曬，其中以華能、華電系升勢最凌厲，H股呢邊都普遍跟升，取消電價優惠政策，係咪意味電價有望上調？繼內蒙後，市場係咪憧憬其他地區都會跟隨？內地今年除四川外，似乎唔似舊年出現大規模電荒，電企真係有機會加價？ 大唐資本投資策略總監盧志明指，如果睇現時慨政策面，電力股係會升返，但如果只係針對民生民需，電價應該唔會上調得太多，因為要考慮整體布局及生產模式，如果認為因政策層面而有突破性發展，因電價令電企盈利大升只係短線憧憬，佢認為應該趁電力股回落時買入，唔好係高位買貨。 Ken又指，內地唔同地區會因應當地市況，作唔同電價調整及部署，但認為短期內唔會出現呢個情況。 |
ChinaElec , KWG GROUP , Stock , CHINA RES LAND , HKEX |
| 聶振邦 |
2022-09-02T11:25 |
3大造車新勢力「蔚小理」噚日收市後出左8月交付數據，蔚來(09866)成功跑出，交付量破萬架，按年增長逾81%，而理想汽車(02015)表現最差，交付量按月跌56%，小鵬汽車(09868)就按年增長33%，「蔚小理」美股噚晚收市跌3%至6%，而3家公司只有蔚來仲未派第2季成績表，要到下星期三先出爐，呢份業績有冇憧憬？ 華盛証券分析師聶振邦指，「股神」巴菲特減持比亞迪股份(01211)股份套現，難免令市場對新能源車股慨前景比較謹慎，加上交付數據唔理想，導致呢些股份出現沽壓。 聶Sir又話，現時港股比較弱勢，加上有唔少不利消息，都影響投資者入市意慾，佢又提醒，有意買新能源車股慨投資者，不妨再睇多兩三日，再決定入唔入市。 |
Stock , Energy , BYD COMPANY , US Stock , New Energy |
| 彭偉新 |
2022-09-02T10:53 |
資深證券分析師彭偉新推介石四藥集團(02005) 推介原因： - 上半年業績增長仍強，純利增幅達盈利預喜上限 - 原料藥營業額大幅升逾兩倍，咖啡因系列產品大增逾四倍 - 股價企穩十天線。 |
Results , Earnings , SSY GROUP |
| 羅明立 |
2022-09-01T18:12 |
美國噚晚公布慨私人職位數據遜預期，市場隨即下調周五出爐慨8月非農新增職位預測至29.8萬份，不過，克里夫蘭聯儲銀行總裁梅斯特最新指，唔認為聯儲局明年有減息條件，又預期聯邦基金利率明年目標係4厘以上。 美國8月就業數據轉弱，聯儲局官員言論又愈來愈鷹派，對過去兩周一直受制於109水平慨美匯指數有咩影響？ 亨達集團助理總經理羅明立認為，距離議息會議仲有20幾日，要睇埋遲些公布慨8月通脹數據，先可以更準確判斷經濟狀況，若通脹回落幅度唔大，甚至進一步上升，9月加息0.75厘慨機會較大，反之通脹回落，加上其他經濟數據疲弱，就可能只加0.5厘。 Patrick又話，美匯指數最近兩度升至109水平後，就冇力再上，認為投資者可以等美匯指數回落至108水平先吸納。 |
USD , CINDA INTL HLDG |
| 植耀輝 |
2022-09-01T17:43 |
澳門中午出左博彩收入數據，8月賭收約22億澳門元，按年跌逾50%，但按月大升逾4倍，不過，賭股午後明顯跌多左，市場似乎唔太受落，係咪反映經過7月澳門賭場關閉後，即使8月賭收有反彈，都係彈得太少？ 耀才證券研究部總監植耀輝指，以8月賭收有約22億澳門元(下同)去睇，其實算幾差，年初至今合共有約288億元賭收，只係大概等於疫情前8月單月水平，意味依家賭收距離正常水平仍好遠，因此，賭收數據一出，賭股就跌多左，加上港股氣氛較差，係雙重打擊下，賭股今日向下都係合理。 |
Stock |
| 許繹彬 |
2022-09-01T11:07 |
美聯儲主席鮑威爾在上周舉行的Jackson Hole會議上，稱或會繼續加息並讓利率在高位保持一段時間以遏制通脹，外間更預期下月的議息會議，會有可能加息0.75%；由於鮑威爾的表態明顯是「偏鷹」，言論一出，拖累美股上周五(8月26日)再次上演直插無水花的高台跳水表演，其後數天的美股走勢，亦顯得乏善足陳。 市場上有分析認為美股值博率高，但筆者對此有所保留，畢竟美股由疫情在2019年爆發至今，道瓊斯工業平均指數仍然高企在30,000點以上，而納斯達克指數仍於12,000點水平，對應目前美國的通賬率及美匯及實際的經濟狀況，略嫌仍屬高企；而未來美股必定繼續受制於通脹等，此問題並非一時三刻能夠解決，現行所使出的壓抑招數相信只有加息這「治標不治本」的方法，除非在短期內能與中國達成撤銷關稅協議，否則美國通脹問題仍是困局，因此投資美股，短炒仍是上策。 談回港股，上周五(26日)美股作出大幅調整後，一眾投資者以為會出現終極一跌，甚至可以在19,000點以下執平貨，但港股好像仍守得住；筆者認為，港股不跟美股跌勢，可能是因為港股在這季確實較其他市場為弱，與美股走勢背馳，並非無可能。 港股八月份一直處於弱勢，在九月上旬或有望出現小陽春；儘管出現背馳，港股仍有很多不確定的因素，如毗鄰的深圳突然傳出疫情有蔓延跡象，而本港確診數字亦不斷上升，第六波即將爆發的聲音此起彼落，港府會否進一步縮緊社交距離措施，相信對後市仍會有所影響。 筆者建議，投資者現階段繼續於19,600點至20,200點水平作短炒，對象首選仍以大價股為主，阿里巴巴(09988)近日的彈力尚算足夠，希望在成交配合下，有望突破100元大關(50天線)。 |
US Stock , Stock , LINGYI ITECH , USD , CARRIANNA |
| 黃麗幗 |
2022-09-01T10:11 |
近期Meta創辦人朱克伯格為慶祝其虛擬社群平台Horizon Worlds登陸法國和西班牙，分別於Facebook及Instagram上傳了一張虛擬形象自拍照片，惟遭網民嘲笑其照片展示的元宇宙平台不及上世紀的PS1遊戲。其後他無奈承認照片乃自己隨手拍。 料元宇宙將貢獻經濟增長三萬億 朱克伯格於2021年將Facebook 改名為Meta Platforms，牽起全球關注元宇宙的熱潮，作為先導者，網民難免對他的期望高一點。不過元宇宙的發展不只局限於美國。國際經濟諮詢公司 Analysis Group 今年發表「元宇宙對全球經濟潛在影響」白皮書，指出若2022年開始發展元宇宙，預測 2031 年元宇宙將貢獻全球GDP達3.01萬億美元(約23.6萬億港元)，佔全球GDP的2.8% 。亞太地區更佔三分一，達1.04萬億美元(約8.16萬億港元)，其次是美國及歐洲。 Meta開發的Horizon Worlds為現時最多人到訪的虛擬世界之一，截至今年4月，四個月以來平台註冊用戶數量已經達到30萬人，用戶在《Horizon Worlds》創建的虛擬世界數量已經達到1萬個。 不得不提的還有騰訊持有近半股份的Epic Games，旗下的《要塞英雄Fortnite》全球玩家人數更超過3.5億人以上。根據荷蘭研究公司Newzoo發表的數據，騰訊去年的遊戲收入高達322億美元，遠高於Sony的182億美元和蘋果的153億美元，有賴騰訊對歐洲、美國和南韓遊戲公司的廣泛投資。 大型遊戲公司不斷併購 中國去年8月宣布暫停發放新遊戲版號，並於今年4月恢復審批，但騰訊(00700)旗下遊戲多次落空。不過其上半年本土市場遊戲收入亦只跌1%，國際市場遊戲收入則只跌1%，如果以固定匯率計算，幾乎沒有升跌。相信騰訊未來都會不斷擴展海外版圖，今年上半年其有四成的投資交易是在中國境外，較2021年全年的18% 大幅增加。 元宇宙發展迅速，全球不少的大型遊戲公司紛紛展開併購。微軟先於1月宣布以687億美元收購知名遊戲的發行商動視暴雪，隔月日本公司Sony也宣布斥資36億美元收購《天命》（Destiny）的遊戲工作室Bungie。 無人直播遊戲及帶貨吸金 近期國內抖音、快手等平台更掀起元宇宙直播，參加者可透過代表自己的虛擬人物，進入虛擬場景，包括廣場舞、擠地鐵、三國攻城等，參與者可透過點贊、評論、刷禮物等形式，享受沈浸式的樂趣，由於可以24小時全天候無人直播，吸金能力驚人。至於淘寶更於今年大力發展虛擬主播及場景，為平台帶貨。 要追趕元宇宙的大潮流，當然不得單靠單一市場，而須放眼全球，投資者可留意追蹤全球元宇宙主題概念的ETF。股神巴菲特在賬面損失愈發嚴重的壓力下，仍繼續買貨，但大減淨買入金額，反映非盲目與市場對著幹，顯示對「投資價值」充滿信心。 |
HK Cap Flow , ITE HOLDINGS , ETF , USD , MTR CORPORATION |
| 陳偉明 |
2022-09-01T10:00 |
港股上周初繼續弱勢，雖然人民銀行不對稱下調貸款市場報價利(LPR)利率，但內地經濟放緩加上人民幣匯價急挫至兩年低位，港股上周三(8月24日)最低跌至19,190點。 然而，國務院推出19項政策救市加上憧憬中美就審計監管達成協議，中概股急升，恆指在上周四(25日)八號風球半日市當天大幅反彈699點，上周五(26日)延續升勢再彈逾200點，高見20,185點。 值得留意，上周A股在利好消息帶動下升勢並不明顯，反映港股上周尾段挾淡倉機會高，加上儲備局主席鮑威爾在全球央行行長年會中放「鷹」，拖累港股本周初回落至兩萬關，及後內地疫情擴散、美國經濟數據理想，9月加息0.75厘預期再度升溫，港股昨日(31日)開市曾回落至19,600點附近，但中國8月製造業採購經理指數(PMI)勝預期，港股借消息再度大挾淡倉，曾升高見20,173點，目前港股走不出反覆上落格局。 現在，無論歐洲、英國及美國亦面臨高通脹問題，聯儲局主席鮑威爾亦很明確表示將會繼續加息直至通脹受控，如果過早減息反而會有風險。由於美國加息大方向不變，在美元強、人仔弱的情況下，港股可以因為一些短線利好消息而挾淡倉向上，但上升空間始終有限。 技術上，期指目前大約19,200至20,300點區間上落，明顯地19,500點以下買盤勁，20,000點以上沽壓強。策略可以好簡單地利用下周五(9月9日)到期的價外600點恆指期權高沽低渣，但只宜小注，升穿昨天期指高位20,073點，逆向Long Put；跌穿昨天期指低位19,421點，逆向Long Call。 |
Stock , RMB , USD , CARRIANNA |
| 阮子曦 |
2022-09-01T09:44 |
中國通海證券投資策略聯席總監阮子曦推介眾安在線(06060) 推介原因： - 全國遊客量恢復至去年同期60%，內地多地發消費券及推進文旅措施 - 電動車保險及疫情衍生對健康保險的額外需求。 |
ZHONGAN GROUP , ZA ONLINE |
| 羅尚沛 |
2022-08-31T22:41 |
開拓藥業(09939)發出澄清通告，更正公司配股數量及配股價，股份周四復牌。 銀河證券業務發展董事羅尚沛指，開拓所犯的屬低級錯誤，亦令人質疑是否純粹手民之誤，加上公司配股的同時，大股東兼主席亦減持套現，用以償還拖欠公司的借款，相信事件會嚴重打擊投資者對公司的信心，股份復牌應會失守配股價。 |
IPO |
| 聶振邦 |
2022-08-31T17:04 |
心動公司(02400)股價今朝輕微低開後，不久已掉頭向上，公司中午出左上半年業績，股價午後一度升幅擴大，曾高見20.4元，升逾10%。心動公司中期虧損擴大至3.9億人仔，除左收入、毛利有增長，其他都係倒退。不過，遊戲業務表現唔錯，收入增長8%，佔比最大慨網絡遊戲更錄得雙位數增長，係咪同疫情防控令唔少人要在家工作帶挈公司？ 華盛証券分析師聶振邦指，市場除左睇大數，亦會睇營運數據，雖然網絡遊戲平均月活躍用戶倒退2%，但月付費用戶大幅增長90%，因此，市場對心動公司下半年，以至明年慨前景有一定憧憬。 聶Sir又指，雖然內地推出政策限制未成年玩網絡遊戲，但似乎唔會禁成年人打機，加上WFH增加對付費遊戲慨需求，因此，佢認為付費遊戲前景值得憧憬。 |
Earnings , XD INC |
| 陳錦興 |
2022-08-31T16:37 |
內房旭輝控股(00884)今朝開市前突然停牌，公司中午宣布以先舊後新方式，折讓配股集資，股價午後復牌急挫。其實旭輝應該唔會太水緊，噚日公布業績時指，公司手頭現金312億人仔，舊年供股又籌左近17億元。點解仲要「抽水」？ 英皇證券研究部總監陳錦興指，內房股資金需求大，雖然旭輝配股集資金額唔大，但係資金流極唔明朗下，做法都係合理。旭輝股價復牌大跌，主要係市場睇得較淡，加上最新出爐慨業績唔係特別靚仔，而岩岩出完業績就嗌「抽水」都有些趕客。 Stanley又話，始終整個內房行業都面對資金流問題，銷售至今仍然好疲弱，旭輝亦唔例外，一定對資金流回籠有影響，如果市場上仍有投資者願意接貨，相信公司都會願意集資，未雨綢繆。 |
China Real Estate , EMPEROR CAPITAL , Capital Flow , IPO |
| 譚智樂 |
2022-08-31T14:01 |
截至早上11時止，1小時內《彭博》用戶關注度上升最多港股，依次為比亞迪控股(01211)、旭輝控股集團(00884)、萬科企業(02202)、中遠海控(01919)及旭輝永升服務(01995)。 今日有3隻內房物管股上榜，旭輝系更齊齊上榜，旭輝開市1分鐘後突然停牌，市傳涉及先舊後新方式配股，配售8.4億股，配股價2元，較停牌前折讓逾12%，雖然市傳只係旭輝配股，但係咪因為「阿媽」停牌沽唔到，走去沽「阿仔」旭輝永升，拖累股價今朝一度急瀉逾16%？ 獨立股評人譚智樂指，的確有呢個可能，信物管同母企內房慨股價走勢會一致，旭輝係呢個時候停牌，市場一定睇淡，當然，真正原因仍未知道，所以投資者唔好咁快下定論。事實上，部分內房股係近3個月面對唔少問題，例如債務違約、表外負債等，所以市場擔心係正常，亦唔應該貿然買入。 佢又話，如果投資者楂住市場上較高風險慨板塊股份，唯一可以做係衡量個人持貨比例有幾高，風險承受能力有幾強，唔止要定止蝕位，未來更可能面對停牌、重組等問題，建議楂住物管慨投資者減持，更認為物管股比內房股更唔吸引。 |
Stock , China Real Estate , BYD COMPANY , COSCO SHIP HOLD , IPO |
| 文錦輝 |
2022-08-31T11:06 |
港股係噚日期指結算日向下，更失守20000關，截至噚日止，恆指8月累跌約1%或約200點，很大機會連跌兩個月，睇返過去10年慨9月，恆指6跌4升，聯儲局議息下個月會議息，加上人仔弱勢，港股9月會唔會連19500點水平都守唔住？ 艾德證券期貨投資策略總監文錦輝指，其實港股8月表現唔錯，雖然有軟銀減持阿里巴巴(09988)及「股神」巴菲特減持比亞迪股份(01211)等利淡消息，港股都只係跌咁少已經交到貨。佢又指，考慮到美股呢浸跌幅，加上人仔偏弱，佢估計，恆指今日可能跌得比較多，但應該少於600點。 Felix又預期，恆指9月有機會跌穿19500點，如果跌至19000點至19200點，甚至有機會再跌1000點，到時要留意會唔會出現技術反彈，上返20400點至20600點，如果係呢些水平冇力再上，投資者要考慮走貨或開淡倉，佢又建議投資者趁高減磅，同埋唔好心急撈底。 |
Stock , BYD COMPANY , LINGYI ITECH , US Stock , IT |
| 郭家耀 |
2022-08-31T09:46 |
安里資產管理董事總經理郭家耀推介美團(03690) 推介原因: - 業績表現強勁 - 監管政策憂慮舒緩 建議買入價:180 目標價:220元 止蝕價:165元 |
Rating |
| 譚智樂 |
2022-08-30T16:08 |
藍籌中升控股(00881)中午出左業績，按年少賺7.3%，如果同去年下半年比較更大跌26%，呢個係咪股價午後愈跌愈多慨主因？中升股價連失40元、39元兩關，5月「染藍」至今已累跌逾20%，仲有幾大下跌空間？ 獨立股評人譚智樂估計，未來一段時間會見到大行下調中升目標價，中升呢些4S企業係典型輕資產行業，只要冇庫存壓力，現金流就會好健康，雖然中升現金流好健康，但庫存明顯增加，呢個正正係市場短線最關注慨問題。 Arnold又話，如果睇估值，中升真係好平，就算計埋盈利倒退因素，PE都只係10幾倍，問題係睇唔到公司有穩定慨盈利能力，以及長遠點樣可以有穩健增長、發展，呢些都可能令中升短期出現over sell慨狀況，如果作長線投資，現水平可以繼續守，短線如果上唔返40元樓上，或要下試36元，甚至35元。 |
Earnings , Rating , ZHONGSHENG HLDG |
| 陳錦興 |
2022-08-30T15:19 |
截至早上11時止，1小時內彭博用戶關注度上升最多港股，依次為比亞迪電子(00285)、遠洋集團(03377)、中遠海控(01919)、農夫山泉(09633)、建設銀行(00939)。 比亞迪系派左成績表，其中比電上半年少賺61%，毛利率跌至5.33%，但集團之前冇發過盈警，所以呢份成績表好意外，拖累股價一度挫近9%，比電呢份業績係咪令市場好失望？ 英皇證券研究部總監陳錦興指，比電業績的確令市場失望，毛利率顯著受壓，反映集團係上半年高通脹環境下，面對原材料、供應鏈唔穩定等問題，加上之前比電慨市場管理唔理想，股價出業績前已經牛皮，放榜後更加波動。 Stanley提醒，如果今日趁低吸納，但比電股價整體走勢偏弱，短期業績唔理想會令更多大行跟進，下調評級或目標價等，應該繼續有沽壓要消化，所以短線走勢唔樂觀。 |
Results , Earnings , Stock , EMPEROR CAPITAL , CCB |
| 黃偉豪 |
2022-08-30T12:03 |
美團(03690)上星期五出完業績後，噚日逆市造好，但今日就回套，美團股價已升至今個月高位，係咪可以開定淡倉？目前，成交活躍慨PUT係11月至12月到期，槓桿4至6倍，熊證距離收回價超過10%，槓桿亦做到4至6倍。 中薇證券研究部執行董事黃偉豪指，熊證係較安全慨選擇，因為唔使蝕時間值，佢又認為，現時美團慨走勢係新經濟股中最強，相信股價今日回落只係跟隨大市氣氛調整。 Ravi建議短期想造淡，可以將目標價定係175元，因為附近有幾條移動平均線，股價要跌穿呢個支持位可能就有大調整。 |
Rating |
| 盧志威 |
2022-08-30T11:41 |
比亞迪股份(01211)噚晚出左業績，中期多賺逾2倍，達盈喜預期上限，睇返比亞迪股價，已由6月底高位333元回套約20%，而係業績前都處於250天線樓下，呢份靚業績可唔可以撐返起比亞迪股價？ 潤淼資產管理董事盧志威估計，比亞迪股價短期可以彈高，始終份業績唔差，但暫難扭轉弱勢，因為「股神」巴菲特減持一定有影響，長遠黎講股價表現都未必太好，預期比亞迪彈一彈之後會繼續橫行，甚至再出現調整，所以現階段唔建議追入。 |
Results , BYD COMPANY , Earnings |
| 黃敏碩 |
2022-08-30T10:32 |
寶鉅證券董事及首席投資總監黃敏碩推介攜程集團(09961) 推介原因： - 全國遊客量恢復至去年同期60%，內地多地發消費券及推進文旅措施 - 去年毛利率維持較高水平，應用人工智能技術，實現高效營銷 - 旅遊復興V計劃，加快市場下沉步伐。 |
|
| 梁振輝 |
2022-08-30T10:00 |
上周全球投資者均注視在Jackson Hole舉行的美聯儲年會，雖然市場一早預期美聯儲將發表強硬的「鷹派」言論，但主席鮑威爾明言即使會令家庭及企業面對困境，但為防止通脹失控帶來更壞影響，仍會致力加息打擊通脹，此番言論成功震撼市場，當中以股市的反應尤其負面，美股上周五(8月26日)大跌3至4%，美國10年期債息重上3%，而美元則試圖突破20年高位。 9月加息0.75厘? 近期美國數據好壞參半下，市場對下月加息的預期一直介乎在0.5厘或0.75厘。雖然鮑威爾的講話令市場相信9月加息0.75厘的機會較大，但目前距離下次加息尚有近一個月時間，期間仍然有多項數據可以左右決定，例如即將於本周將公布的8月份就業數據。除了加息幅度之外，美聯儲的政策利率會否超過市場一直認為的「中性」2.5%水平亦是關鍵，因為若息率高於中性水平，往後的緊縮政策理論上都將開始限制金融狀況及減緩增長。 此外，美國加息始於通脹情況，故此美聯儲會否重新評估2%的長期通脹目標亦對後市舉足輕重。雖然可能性不高，但亦值得留意事態發展。由於基數效應以及商品價格和供應瓶頸的緩解，美國消費通脹(CPI)在創下8%以上的40年新高後，未來幾個月可能會放緩。然而，我們更關注是在達到高位後的路徑。 假若往後有跡象顯示美聯儲考慮調升通脹目標，將可能緩解投資者對未來幾個月美聯儲政策過於激進的擔憂，影響所及美元或會回落，國債收益率曲線可望變得更為傾斜，而全球風險資產亦可能反彈。 中國最新政策對股市的影響？ 在2022年第二季度業績欠理想的情況下，中國股市近期表現遜於全球股市。MSCI中國指數中約有八分之一的公司和MSCI中國A在岸指數中約三分之一的公司未達到普遍的盈利預期。由於開發商面臨流動性壓力，中國房地產市場也繼續面對壓力。 然而，我們預計政策將繼續展現支持，當局早前宣布對於合格的民營開發商發行2,000億元人民幣的特別銀行貸款和國有企業擔保其在岸債券將是積極的發展。更廣泛地說，我們還預計未來可能會進一步降低短期利率和貸款最優惠利率，或是進一步放寬房地產購買限制和第二套住房的首付要求，甚或是採取更多措施支持選定專案及開發商的融資。 此外，在嚴格的成本控制和提高運營效率的措施下，互聯網行業的收益超出了預期。我們認為，該行業還有進一步的反彈空間，尤其是近期中美的監管機構就美國上市的中國公司的審計達成共識，將有利後市表現。我們認為當中通信服務行業是首選，因為該行業主要由中國互聯網的消費公司組成，有望受惠於經濟逐步轉趨穩定。 |
RMB , US Bonds , Earnings , Real Estate , USD |
| 阮子曦 |
2022-08-29T22:30 |
國美零售(00493)上周一股價急挫20%，權益披露顯示，當日大股東黃光裕場內減持15.9億股，套現逾4億元。 中國通海證券投資策略聯席董事阮子曦表示，國美上周一復牌，並指有意向黃光裕收購兩項物業資產，擬發行新股支付交易，而黃光裕當天沽貨數量，佔當天成交逾一半，不排除是有意推低股價，以收取更多股份作為交易代價。 |
GOME RETAIL , IPO , IPO |
| 林嘉麒 |
2022-08-29T18:59 |
豪華車經銷商永達汽車(03669)股價6月後展開跌浪，至今累跌逾30%，公司中午出左上半年業績，少賺42%至6.7億人仔，收入亦跌22%，股價今日由頭跌到尾，收市跌逾3%。 除左新車銷售，售後服務亦係永達好重要慨分部收入，睇返過去5年盤數，售後服務大部分時間維持近20%增長，但今年罕有按年跌近20%。 元宇證券投資總監林嘉麒分析指，永達主要係上海經營業務，而上半年長達2個月慨封城措施，令集團完全停止售後服務，所以第2季就要蝕錢，此外，公司未有係業績提及售後服務有復甦動力，所以畀唔到信心投資者。 但KK認為，新慨二手車經銷業務按年增長近57%，值得憧憬，因為毛利率比賣新車高，加上經濟疲弱時有更大需求。 KK又話，相比其他汽車股，永達股價算守得住，加上現時預測市盈率(PE)唔夠4倍，估值唔算高，相信唔會跌穿年內低位。 |
Earnings , Auto , YONGDA AUTO |
| 梁傑文 |
2022-08-29T16:36 |
石墨稀概念股烯石電車新材料(06128)月中公布發售美國預託股份(ADR)集資後，股價大上大落，一度衝上1.54元，但今日開市前公司話要行使ADR超額配股權，股價今朝輕微高開後，好快就掉頭向下，並愈跌愈多，更一度失守1元關口。 《香港股票財技密碼》作者梁傑文指出，今次發售ADR慨集資成本佔總集資額達20%，即逾200萬港元，遠多過係香港配股，扣除成本後，實際袋得逾7000萬元，其中三分之一用作擴展業務，另外三分之一用黎還債，佢估計，公司可能急需短期資金。 Mike又話，稀石電車舊年先轉型做石墨稀，主營加工同銷售，加上集團舊年收入增長但虧損跟住擴大，對比另一概念股中國石墨(02237)有埋礦場就更有優勢。 |
Stock , New Materials , IPO , GRAPHEX GROUP , CHINA GRAPHITE |
| 王良享 |
2022-08-29T11:39 |
內地下半年至今宏觀經濟復甦進度唔理想，加上中美息差加快收窄，美元強勢似乎仍未見頂，而離岸人仔2年以來，首度跌穿6.93，人仔年底前沽壓究竟有幾大？ 臻享顧問董事總經理王良享認為，內地繼續寬鬆慨貨幣政策對人仔影響唔大，又指1月至7月人民幣總需求量仍升左34000億人仔，反映市場對人仔需求仍然幾大，暫時冇轉弱基礎。 王良享又話，歐元、日圓今年貶值約13%及15%，人仔只轉弱左7.5%，相信人仔年底前會稍微追上其他貨幣慨弱勢，但跌穿7算，甚至7.2水平慨機會唔大。 |
RMB , USD , EURO |
| 陳錦興 |
2022-08-29T10:15 |
英皇證券研究部總監陳錦興推介康師傅控股(00322) 推介原因： -預期下半年飲品業務增長加快 -料原材料價格放緩，利好盈利表現 -息率吸引。 |
TINGYI , EMPEROR CAPITAL , Food |
| 李浩然 |
2022-08-29T10:08 |
假如你有50％機會贏得5,000萬元，或是100％拿到100萬元，你會如何選擇？前者相當於2,500萬元的預期價值(Expected value)，如果對概率有了解，都會選擇前者。因為放棄得到2,500 萬元的機會而選擇100萬元表面上並不合理，對不？ 然而，假設你的口袋里只有100萬元。你會願意花這筆錢以50％概率進行投資博取5000萬元嗎？因為損失厭惡(Loss aversion)作祟，損失的痛苦是收益的兩倍，損失往往比收益帶來的心理影響要大得多。 如果你放棄直接得到100萬元，與此同時卻一無所獲，你會有多少遺憾？簡單而言，數學上(理性)的答案是你每次都是選擇預期價值最高的作投資，但心理(感性)答案是你每次有機會獲利時都是風險規避的。 不過，筆者認為更直接的答案是取決於你擁有多少錢。如果你沒有一毛錢，你應該每天都拿保證的百萬元。但是如果你有一些的閒錢呢？例如你已經是千萬富翁了？在這樣的財富水平上，以50/50的比例去博取5,000萬元可能更具一定吸引力。在做出大筆資金的決策時，情況往往勝過簡單的數學邏輯。 Daniel Bernoulli是18世紀的數學家和物理學家。他有一句至理名言是：「現實生活中的決定更多的是關於後果而不是事實，尤其是在處理不確定的未來時」。他亦曾說到：「以概率作決策的效用取決於做出估計的人的具體情況。沒有理由假設每個人的預期風險(回報)必須被視為相等的價值」。換句話說，環境很重要，風險是個人的。 以純粹概率的實驗，與涉及真金白銀的現實世界，作出的決策肯定會有截然不同的結果。無疑，人們在現實生活中所做的大多數財務決策時，都沒有預設的概率，而不確定性因素總是存在數學公式之內。即使可以估算出特定的機率，選擇具有最高期望值(Highest expected value)的也可能並不總是最有意義的。 有些時候，幸福感、舒適感、滿足感或安全感都勝過單純的金錢符號。數學雖然可以計算出最大化的概率，但在現實生活中並不總是如此，也非所有財務決策都需要由貼現值或貼現現金流的分析所驅使。在思考這些問題時，生活更多時候的是灰色，而不是非黑即白。 再者，真實的生活環境既無法進行數千次蒙特卡羅演算以找出成功概率最高的最佳路徑，也很少有機會給予進行大量練習才去做出最大的金錢決定。在做出艱難的金錢決定時，就必須考慮當前的情況、風險偏好、財務狀況、後悔和幸福的可能性。 有時，人們會故意做出別人認為愚蠢的行為(何況是財務決策)，因為這對他們來說是有意義，即使對其他人來說並沒有。 |
Gold , Capital Flow |
| 郭思治 |
2022-08-29T10:08 |
大市己接近8月份之尾聲，在先高後低之形態主導下，本月恆指暫是由5日之高位20,283點跌至24日之低位19,189點，即月內之波幅稍擴闊至1,094點。 首先，本月高低位出現的時間該己符合慣性之需求，但以1,094點之波幅計則稍偏細，由於恆指現己重越10天線(19,790點)及20天線(19,891點)，表示大市己漸轉穩。從技術上看，目前較重要的支持仍為5月10日之低位19,178點，但需留意，此據點一旦有失，則後市可能會進一步下試3月15日之低位18,235點，此亦為今年暫時之低位，任何有失，當表示大市自今年2月10日高位25,050點開始之跌浪，技術上仍在延續中，且形態上己初呈浪低於浪之弱態。 直到目前一刻止計，今年大市暫仍是由2月10日之高位25,050點跌至3月15日之低位18,235點，即今年大市之波幅暫為6,815點，首先，大市一年之高低位是不該同時出現於五周之內，加上6,815點之波幅亦該不能滿足年內之所需，故在本年餘下之交易日，衹要先高後低之形態不變，大市該仍會再進一步往下尋年內之新低，即是說，從理論上看，大市跌穿3月15日低位18,235點該衹是時間上之問題而已。 再看移動線方面之表現，目前各組常用的平均移動線之排列暫仍屬倒序模式，由上而下為250天線(22,759點)，100天線(20,784點)，50天線(20,661點)，20天線(19,891點)及10天線(19,790點)，單從技術上看，該表示大市之弱態依然，惟有一點需留意，恆指如能回升並成功重越10天及20天線，則可能表示大市暫己初見喘定，衹是在交投持續偏疏及在動力不配之下，大市之升勢未必能持續，即是說，大市之跌勢即使能稍見喘定，惟仍不能過份樂觀，畢竟不明因素仍多，在在規限大市之發展，至於9月份之股市去向如何，當仍需視乎資金之入市態度而定。 |
Stock |
| 趙晞文 |
2022-08-26T22:31 |
美團(03690)第二季收入升16.4%，經調整盈利20.58億元，兩者均勝預期。 信達國際研究部主管趙晞文表示，美團上季業績好過預期，原因之一是有效控制成本，展望第三季，隨著內地疫情緩和，相信到店、酒店及旅遊業務會有明顯改善，而新業務虧損亦可望持續收窄，預料公司估值可進一步修復。 |
Earnings |
| 阮子曦 |
2022-08-26T18:06 |
氫能概念股再有炒作，其中早前發盈喜慨東岳集團(00189)，股價過去2日累升14%。東岳周一收市後出左中期業績，多賺1.8倍，毛利率大升逾10個百分點，中金更指出，呢份係東岳表現最好慨半年業績，但績後連續兩日捱沽。 中國通海證券投資策略聯席總監阮子曦解釋指，東岳上半年業績靚，主要係當時集團生產慨上游資源化工產品，例如有機硅、製冷劑等價格高企，帶動收入顯著增長，不過，下半年唔少化工產品價格顯著回落，加上早前市傳其中1名股東破產，令東岳股價受壓。 Harry提醒，東岳業績僅短暫刺激股價，下半年產品價格下跌，先係主導股價慨長期因素。 |
Results , DONGYUE GROUP , Earnings , Resources |
| 陳建良 |
2022-08-26T15:54 |
市傳中美雙方好快就中概股審計問題傾掂數，中方准美國監管部門派人黎香港審計底稿，如果中美達成協議，係美國上市慨中概股可能唔使退市。受消息刺激，中概股暫時連升2日，仲帶領恆指上返20000點。不過，對港交所(00388)來講就唔係好消息。 勝利瑞柏基金管理合伙人暨投資總監陳建良指，市場之前憧憬中概股係美國退市後會來港上市，繼而刺激港股成交，不過，依家幾隻最大型中概股已經係港交所上市，其他仲係美國慨中概股可能唔符合港交所上市要求，即使合資格又未必有成交配合，結果帶唔起港股。 KL提到，近期大市成交咁奀係因為外資冇興趣投資港股，就算港股多左中概股，美資或會擔心美國禁止投資部分公司。佢又話，港交所股價處於低位，預期未來價格波幅會慢慢收窄變成橫行格局，所以現水平造好、造淡都唔值博。 |
Stock , Money Supply , CARRIANNA , HKEX , IPO |
| 潘國光 |
2022-08-26T12:19 |
除左外圍加息，本港上星期都有大型銀行開始上調H按(銀行同業拆息按揭)封頂息率，令人關注本港銀行會唔會好快會加最優惠利率(P)，加息又會對港股帶黎咩影響？ 富邦銀行投資策略及研究部主管潘國光估計，隨著美國9月再次加息，港銀亦會開始加P，但最終加幅未必太大，可能半年內加2次，每次25點子至3厘水平。 Vicks又話，雖然港股噚日勁彈，但日前其實先落到5個月低位，佢認為，加息預期早已反映係樓市及股市，因此，唔會刺激到港股9月慨走勢。 |
Stock , HK Banks , HK real estate , KLN |
| 聶振邦 |
2022-08-26T10:54 |
港股噚日勁彈前，市場氣氛悲觀兼成交奀，恆指月線RSI跌到32，係近50年以黎最低水平，其實呢個指標反映市場過分悲觀，還是港股基本因素真係出左大問題？ 華盛証券分析師聶振邦指，市場仍關注「保交樓」問題，未來新一輪穩經濟政策，將增加3000億人仔金融工具額度，但要睇返當中有幾多資金係去到內房「爛尾樓」，亦要留意有幾多資金流入資本市場，因為港股近排成交金額維持係800億元水平，後市要上返1300億元樓上，港股先會有更明確上升動力。 |
Stock , HK Cap Flow , China Real Estate , Capital Flow |
| 林嘉麒 |
2022-08-25T22:11 |
青島啤酒(00168)上半年多賺18.1%，其中第二季多賺23.9%，銷量則微升0.5%。 元宇證券基金投資總監林嘉麒表示，內地第二季多個地方出現疫情，但青啤第二季收入、銷量、純利亦錄得升幅，表現理想，而且第二季毛利率按季亦見改善，相信股價短期可重上80元以上。 |
TSINGTAO BREW , Food |
| 盧楚仁 |
2022-08-25T18:06 |
美元兌日圓繼續係137水平爭持，已連續4日企係50天線樓上，日本噚日宣布旅客打齊3針可免核酸檢測入境，更有傳未來或開放自由行，依家係咪時候唱定日圓準備返「家鄉」？ 獨立外匯商品分析師盧楚仁表示，日本央行今日表示，會維持寬鬆貨幣政策，以免入口貨品成本上升，而日圓貶值主要係因為美元強勢，預期美元兌日圓未來會升至140水平，但短期仍會係135至140區間波動。 Jasper又認為，其實日圓匯價已經算低，如果只係去旅行可以唱定先，不過，從投資角度睇，趁依家美元回落買入會抵些。 |
USD |
| 植耀輝 |
2022-08-25T16:40 |
泡泡瑪特(09992)中午出左業績，雖然賺少左7%，但表現好過盈警好多，原本預期最多少賺35%，而集團內地、港澳台及海外收入都錄得增長，雖然受銷售成本上升影響，令毛利率顯著下跌，但股價係業績後仍有得升。 耀才證券研究部總監植耀輝指，泡泡瑪特股價放榜後造好，主要係之前跌左唔少，加上內地二線城市慨業務造好，泡泡瑪特股價係過去呢段時間真係跌得比較多，尤其發盈警後畀人向下尋底慨感覺，但由於最新呢份業績令市場有些驚喜，令股價顯著反彈，加上集團係二線城市慨發展理想，亦成為今次呢份業績其中一個賣點。 |
Results , Earnings |
| 陳偉明 |
2022-08-25T11:43 |
幾名聯儲局官員發表支持加息的「鷹派」言論，美國激進加息預期再度升溫，10年期美債息升破3厘關口，相反內地經濟數據遜預期加上美元轉強，拖累人民幣匯價急挫至兩年低位，港股上周一如筆者預期在兩萬關以上出現明顯沽壓，期指於本周一(8月22日)跌穿19,500點後，在人民銀行下調貸款市場報價利率(LPR)利好消息支持下死貓彈，大約19,800點再遇阻回落，至本周三(24日)已跌至近19,200點水平，「十個牛皮九個淡」，預期港股頗大機會挑戰19,000點以下。 上周人行意外地下調中期借貸便利(MLF)及逆回購利率後，本周一(22日)續下調貸款市場報價利率(LPR)，1年期LPR調低0.05厘至3.65%，作為房貸利率定價基準的5年期LPR大幅調低0.15厘至4.3%，反映中央穩房地產的決心。 然而，在歐美加息；內地減息方向下，人民幣弱勢創近兩年低位，進一步拖累近期港股表現，加上不排除本周五(26日)召開的Jackson Hole全球央行年會中，聯儲局主席鮑威爾有機會「放鷹」提及加息遏抑通脹言論，港股短期仍是只有反彈沒有升勢。 另一方面，港股由8月初悶市上落至今，技術走勢由上星期開始明顯轉弱，高位陰燭漸多，並且頂位有下移跡象，要提防港股借人行減息死貓彈過後向下直插挑戰19,000點關。策略上傾向用7天指數以平移動平均線(EMA 7)作為反彈阻力(目前大約19,500點)，候高小注Long Put 下周五到期的價外600點恆指期權，陽燭收市升穿期指19,600點止蝕。 |
Stock , RMB , US Bonds , Real Estate , USD |
| 羅尚沛 |
2022-08-24T22:27 |
農夫山泉(09633)收市後公布中期業績，在上半年內地經齊疲弱的情況下，收入及盈利保持增長，純利增長仍然有雙位數，算是交足功課。 銀河證券業務發展董事羅尚沛指出，農夫山泉主打包裝水產品，收入增幅雖然不算突出，但期內茶飲業務表現相當強勁，季節性因素可能有正面作用，但並非關鍵原因。更大程度是因為內地消費者，對包裝水及茶飲的需求，並未如其他內需求受到封控太大的衝擊，茶水仍然是消費當中一大主流。雖然意外地，上半年其他收入一項大增近一倍，至超過7億元人民幣水平，公司解釋主要來自匯兌收入及定存，對今次中期雖然有貢獻，但相信只會是一次性。 |
Results , RMB , Earnings |
| 陳錦興 |
2022-08-24T16:07 |
石藥集團(01093)中午出中期業績，上半年收入多近13%，不過，中期少賺3%純利微降至29.66億元人民幣，整體毛利率跌3.5個百分點至72.6%，係2019年中期以來新低。收入比重最大慨成藥，收入多9.4%，公司更慷慨增加派息25%，但點解石藥股價午後沽壓加大？ 英皇證券研究部總監陳錦興指，創新藥物慨增長動力係市場關注點，不過創新藥組合內好多都係舊藥，當中恩比普已賣左好多年，反映來緊持續增長動力有機會放慢，導致投資者見到盤數就「先沽為敬」，後市要睇管理層點解釋業績及前景，同埋留意邊幾隻新藥有機會跑出。 Stanley又指，如果石藥依賴呢兩種藥物推動收入。 |
Results , RMB , EMPEROR CAPITAL , CSPC PHARMA |
| 聶振邦 |
2022-08-24T15:57 |
中國海外發展(00688)中午公布業績後，內房股中拗腰倒升。集團收入按年跌4%，毛利率跌5個百分點，中期息只派40港仙，公司利潤等數據就全線下降，借貸數字升逾10%，呢份成績表係咪預期內慨表演？點評估？ 華盛證券分析師聶振邦指，中海外收入只係跌4%算好唔錯，因為上半年內房銷售數字好差，合約數慨調整都較多，巿場目前傾向睇經濟下半年會向好，所以合約金額倒退幅度會係20%以下。如果環球通脹回落等，集團利潤亦有望改善。 |
China Real Estate , CHINA OVERSEAS |
| 莊志雄 |
2022-08-24T15:26 |
歐元跌至一算以下，歐元資產表現相對亦差，整體金融市場有乜啟示? 「股市漁夫」創辦人莊志雄指，歐洲經濟數據出爐觸發歐元急跌，而一算呢個大位完全冇支持，Lewis相信係一個警號。綜觀過去一星期，歐洲股市表現差，影響環球股市，市場會聚焦係Jackson Hole會議內容上，不過無論放「鷹」定放「鴿」，都改變唔到歐洲局面，因為佢地面對緊好多問題。德國係以往跌市時應該跌得最少，而且跌幅同標普500指數差唔多，但德國ETF係過去一個禮拜跌幅為標普500慨兩倍。另外，跌得第二多慨歐洲MSCI金融股ETF跌6.4%，整體歐洲Stoxx 50指數同歐元累跌6.28%。當歐元跌時，美匯指數會升，對股市同金融狀態有收緊作用，最受影響就係金融機構。過去一個禮拜德意志銀行股價跌約10%，瑞信股價亦下試幾十年來低位，其他銀行都要跌，在歐美銀行中最穩陣慨摩根大通亦受拖累，跌6.5%。匯豐控股(00005)過去一個禮拜累跌5%，Lewis認為匯控遲早被歐洲股市拖累。 |
HSBC HOLDINGS , HSBC , HK Banks , ETF , USD |
| 譚智樂 |
2022-08-24T13:38 |
截至早上11時，1小時內《彭博》用戶關注度上升最多的港股依次為龍光集團(03380)、華潤置地(01109)、恆基地產(00012)、世茂集團(00813)及中國平安(02318)。 龍光停牌3個幾月後，終於出2021年全年業績並復牌，除左舊年賺少23%，業績核數師亦對計息銀行及借款中流動資金及某些非限制性現金等數字發表保留意見，雖然公司話旗下有12隻境內債券完成延期，但股份復牌後仍要追跌，現階段點判斷公司違約及破產風險？ 獨立股評人譚智樂指，綜觀過去一年，好多出事慨內房都係突然公開有表外負債，除非公司實牙實齒表示還到錢，否則通常都會延期還債，投資者應該等內地樓市有回暖跡象，再諗有冇機會撈底，否則唔好掂內房股。 Arnold認為，龍光股價短期內未必有起色，有貨慨投資者要考慮自己慨風險承受能力，如果未能承受跌市，就視乎自己能力減持，唔好溝貨。 |
HENDERSON LAND , China Real Estate , China real est , HK Cap Flow , Stock |
| 王良享 |
2022-08-24T10:43 |
美國聯儲局主席鮑威爾周五會係全球央行年會發表演講，局方官員卡什卡尼又放鷹，指聯儲局有明確方向要收緊貨幣政策，另外新屋銷售數據及PMI都要跌，市場都憂慮聯儲局會大幅加息壓通脹，究竟反高潮慨機會大唔大？ 臻享顧問董事總經理王良享指，巿場目前估計鮑威爾會係年會上發表有決心慨言論，例如積極打擊通脹，不過，根據往年預測同實際落實慨政策，以上估計多數都失敗，認為鮑威爾未必有勇氣再作宣言，三大指數同十年期債息慨反應屬過敏，後日反高潮機會頗大。 |
|
| 植耀輝 |
2022-08-24T09:31 |
耀才證券研究部總監植耀輝推介國際家居零售(01373) 推介原因： －截至4月30日底止業績表現穩健 －財務健康。 |
IH RETAIL |
| 李偉傑 |
2022-08-23T17:55 |
安踏體育(02020)盈利倒退，但中期息增3%至62港仙，派息比率40%，點解安踏賺少左，雖然話增加派息，但其實只係派多3%，點解股價午後大幅抽高？ 華盛証券經紀部董事李偉傑指，安踏呢份業績其實麻麻，整體毛利率都要跌，但係同業間仍然屬於偏高水平。安踏業績冇亮點，雖然增加派息，但體育用品股一向唔係靠息率吸引投資者，唯一解釋係呢份業績冇市場預期咁差，觸發投資者績後夾淡倉，其實安踏過去5個交易日慨沽空比率偏高，達30%以上。 |
ANTA SPORTS , Earnings , Sport |
| 梁振輝 |
2022-08-23T11:24 |
美國股市目前正處於關鍵時刻。自6月觸底反彈以來已累計上升約18%，標準普爾500指數正在測試其200日移動平均線。當然，若指數進一步走高將是利好訊號，有可能推向4,600點附近的下一個重大阻力。然而，技術走勢具挑戰加上貨幣政策背景日漸偏鷹增加了回吐的可能性。 我們認為，美國股票持倉較大的投資者或可考慮將部份投資平倉，並將收益佈置在亞洲（日本除外）股票和亞洲美元債券，因為這兩項資產的估值更為吸引，並可望在未來六至十二個月內受惠於中國不斷增加的政策刺激。成熟市場的股市在未來三至六個月面臨的根本挑戰來自央行積極的貨幣政策。 除了人民銀行外，各地央行重申在放緩或暫停加息之前，持續關注控制目前處於數十年高位的通脹。美聯儲7月會議記錄顯示，決策者在幾十年來首次連續加息75個基點後，正在考慮進一步收緊政策，直到見到通脹「大幅」下降。 由於美聯儲2.5%的政策利率已經處於所謂的「中性」水平，進一步加息將收緊金融狀況，損害經濟活動。儘管如此，由於7月份的消費和工廠生產數據優於預期，以及失業率跌至50年來近乎最低水平，美聯儲可能會鼓起勇氣繼續收緊政策，我們認為美聯儲在年底或將其政策利率提高至3.25%。 現時風險在於市場的「中性」利率實際上高於美聯儲目前的預期，這樣或逼使美聯儲繼續加息至3.25%以上，直到就業市場和消費出現疲軟及通脹邁向2%的目標。本週美聯儲每年一度的全球央行年會將進一步闡明其最新想法。 在全球憂慮通脹及經濟前景下，上周中國人民銀行出人意料地減息10個基點。數據顯示，經濟在第二季度季度出現罕見的環比收縮後，7月份中國的零售銷售、工業產出和固定資產投資均低於預期，反映了推出刺激政策的需要。 本周人行亦一如預期下調銀行用於抵押貸款和基礎設施貸款的貸款最優惠利率。與此同時，國務院總理與各省官員的會晤，討論了促進增長的措施，表明當局仍致力於恢復增長。儘管如此，嚴格的疫情限制措施仍然會拖累經濟活動和投資者情緒，但這將會讓投資者有機會以較低價格吸納受壓的資產，包括中國股票和亞洲美元債券。 |
US Bonds , USD , MIDLAND HOLDING , BAOGAI |
| 黃偉豪 |
2022-08-23T11:22 |
京東集團(09618)今日會出中期業績，市場預期，集團第2季收入按年僅增長3%至4%，增速連續5個季度減慢，京東股價今個月弱勢，暫時累跌6%，加上市場預期集團增長放慢，係咪可以趁機造淡？ 中薇證券研究部執行董事黃偉豪指，其實唔建議投資者係業績前做部署，受疫情及供應鏈等問題影響，市場預期京東業績未必會好靚係正常，見到京東股價疲弱左一段時間，除非業績比預期更差，否則績後急插，有機會被誤以為股價已反映業績表現而夾上，所以等埋業績再做部署都未遲，若績後股價係50天線，即約220元企唔穩，再考慮造淡倉，博落返至200元會較好。 |
IPO , IPO |