Expert Commentary

  Next page > 
All 80後投機客 Bittermelon Sammi 丁世民 中概股追擊 何民傑 何車 保險脈搏:英國保誠 劉嘉輝 劉瑛琳 區麗莊 吳啟民 吳庭琛 吳詠儀 周永俊 周顯 嘉士伯 姚俊龍 姚浩然 宏利香港 宣震 屈宏斌 岑智勇 廖立嘉 張世昌 張敏華 張智威 張競達 彭偉新 彭啟明 徐家健 徐燦傑 惠理基金 成山銀子 文德華 文慧詩 文錦輝 施俊威 春哥 曾國平 曾淵滄 朱紅 李佩珊 李偉傑 李偉賢 李峻銘 李巍 李慧芬 李浩德 李浩然 林偉雄 林嘉麒 林子傑 林家盛 林建華 林樵基 林禧彥 林賽盈 梁偉民 梁偉源 梁君馡 梁天卓 梁振輝 梁傑文 梁焯峰 梁鈞宇 植耀輝 楊松坤 歐維鈞 汪敦敬 沈家麟 沈慶洪 沈振盈 塗國彬 湯文亮 溫嘉煒 匯豐財富管理及個人銀行 潘國光 潘志明 潘志業 潘鐵珊 灝昇 熊俊傑 熊麗萍 王冠一 王海翔 王美鳳 王良享 王華 瑞銀 甘小文 畢明 盧德芳 盧志威 盧志明 盧楚仁 盧銘恩 羅尚沛 羅明立 羅曉鳴 聶Sir 聶振邦 股中人 胡孟青 胡雪姬 英國保誠 莊志豪 莊志雄 葉佩蘭 葉尚志 葉澤恆 蔡嘉民 藺常念 蘇沛豐 許繹彬 譚智樂 財子O 費高 趙晞文 趙海珠 連敬涵 郭家耀 郭思治 郭釗 鄧澤堂 鄧聲興 鄭叻 鄭天殷 鄭家華 鄺建揚 鄺民彬 金曹 錢琛 關焯照 阮子曦 陳偉明 陳偉聰 陳大偉 陳寶枝 陳建良 陳恩因 陳欣 陳永傑 陳永陸 陳海潮 陳錦興 陳鳳珠 陸東 顏招駿 首域盈信 首源觀點 馬鐵穎 馬麗娜 馮南山 高息先生 麥嘉華 麥子麒 黃偉豪 黃嘉俊 黃國英 黃子燊 黃展威 黃志陽 黃敏碩 黃景明 黃景朋 黃澤航 黃瑋傑 黃集恩 黃麗幗 黃國英 黎偉成 黎堅輝 龍志濤 龐寶林 龔偉怡 龔成 龔方雄
Commentator Time Content Tag
陳錦興 2024-01-29T10:40 英皇資本財富管理方案研究總監陳錦興推介時代電氣(03898) 推介原因: -憂慮功率半導體供過於求,已在股價中反映 -首3季盈利增長逾30%,盈利能力不俗 -估值合理。 EMPEROR CAPITAL , TIMES ELECTRIC
陳錦興 2024-01-26T17:37 「資產股」國浩集團(00053)分別係2012年及2018年提出私有化,但兩次都失敗收場,2018年股市興旺,當時提出慨私有化作價135元,依家集團4大核心業務包括自營投資、物業發展及投資、酒店及休閒業務及金融服務,國浩截至去年6月底止全年,收入增長近40%,純利更大升近74%,國浩股價依家處於57元水平,有冇誘因再度捲土重來,第3度提出私有化? 英皇資本財富管理方案研究總監陳錦興指,國浩對上一次提私有化失敗已經係2018年,過去幾年,爆發疫情、經濟唔好、股價反覆向下等因素,其實都有利大股東重提私有化。 不過,佢指出,依家股價折讓都幾大,呢類綜合型股份對市場來講吸引力唔算大,大股東亦唔容易進行集資,所以的確有誘因再提出私有化。 GUOCO GROUP , EMPEROR CAPITAL
陳錦興 2024-01-23T17:41 市傳中央將出手救股市,包括考慮設立約2萬億人仔平準基金,用離岸資金經滬深股通買A股,同埋透過匯金等入市撐A股,最快今個星期會有公布,若消息屬實,可唔可係短期內見到成效? 英皇資本財富管理方案研究總監陳錦興指,A股及港股市今年開局真係好差,令監管當局或人民銀行有好大壓力,考慮政策時,由於海外資金已準備好及有一定規模,建立平準基金時會更方便,而透過海外資金買A股有換匯過程,換轉成人仔買A股,亦會對人仔匯價有支持,反映中央穩定股市慨決心。 若政策落實,港交所(00388)及中資券商股係咪都可以受惠?Stanley就話,平準基金經滬深股通買A股,港交所受惠程度有限,反而券商股受惠程度更大,若睇好政策對後市有推動作用,內地券商股的確可睇高一線。 Stock , HKEX , EMPEROR CAPITAL
陳錦興 2024-01-16T17:33 據《彭博》報道,平安銀行已將41家發展商列入有資格獲得融資支持慨名單,除內地房企外,更包括新世界發展(00017)及新鴻基地產(00016)等香港發展商。不過,消息對內房股冇支持之餘,其中,上榜慨龍湖集團(00960)更一度挫逾7%,點解會出現呢個情況? 英皇資本財富管理方案研究總監陳錦興分析指,近排整體市場氣氛唔算好,內房板塊更持續積弱,雖然中央已連番出手,包括放寬限購令,又批准房業發債、向銀行借貸,但情況仍未見明顯改善,今次平安銀行出手固然對資金面有幫助,但相比中央之前慨政策,對市場黎講唔算係一個特別利好消息,所以亦冇乜反應。 Stanley又指,其實市場更關注內房銷售,因為樓盤賣唔出,庫存積壓只會繼續拖累經濟,睇返上個月唔少大型內房慨合約銷售按年都要跌,就解釋到點解早前融創中國(01918)即使達成境外債務重組協議,股價仍原地踏步,甚至要再下試低位。 Stanley總結中央政策需要時間發揮作用。但投資者明顯等唔切。市場對內房股氣氛偏弱,依舊存在沽壓。 China Real Estate , SHK PPT , NEW WORLD DEV , Real Estate , Real Estate
陳錦興 2024-01-15T09:42 英皇資本財富管理方案研究總監陳錦興推介中國電信(00728) 推介原因: - 資金關注「中特估」概念股,電訊板塊受惠 - 核心業務平穩,天翼雲增長動力佳 - 估值合理。 CHINA TELECOM , EMPEROR CAPITAL
陳錦興 2024-01-09T18:03 特步國際(01368)出左2023年第4季及全年營運數據,截至去年12月底止3個月,內地銷售按年增長逾30%,數據公布後,特步股價升幅擴大,到底係同銷售表現有關,還是存貨減少有關? 英皇資本財富管理方案研究總監陳錦興指,成個體育用品股板塊都擔心存貨問題,2022年特步慨存貨期介乎5至5.5個月,2023年就縮短至介乎4至4.5個月,反映存貨問題有改善,為市場帶來驚喜。 股價方面,特步去年累跌逾50%,今年都要跟成個板塊跌,反映市場對整個行業慨悲觀預期,集團提及營運數據冇想像中咁差,市場就藉呢句說話炒作,暫時仍然睇唔到特步基本面,以至成個行業狀況有明顯改善,單靠營運數據唔足以進一步推升股價。 Sport , EMPEROR CAPITAL , XTEP INT'L
陳錦興 2024-01-04T13:13 截至早上11時止,1小時內《彭博》用戶關注度上升最多港股,依次為新秀麗(01910)、安踏體育(02020)、萬科企業(02202)、中國海洋石油(00883)及中遠海控(01919)。 安踏股價今早(4日)創52周新低,曾低見68元,花旗最新指,安踏今年面對慨行業競爭加劇,預期EBIT利潤率顯著受壓,但仍維持107.8元目標價。國際品牌如Nike表現都唔好,行多品牌策略慨安踏,銷售前景係咪都好難樂觀? 英皇資本財富管理方案研究總監陳錦興認為,內地復甦差過預期,消費動力一直出唔到黎,對品牌消費如體育用品慨影響會較大。事實上,過去幾隻較強勢慨內地體育用品股,股價過去1年持續受壓,估值不斷被下調。 佢相信,安踏估值仍有下調空間,而股價已跌穿2023年底部,2024年初或要再試新低,絕對唔係一個好現象。由於市場對安踏2023年業績睇得比較保守,加上2024年盈利及收入指引有轉保守慨壓力,投資者都會沽定先,所以後市仍會睇得比較淡。 ANTA SPORTS , Oil , Stock , CNOOC , Earnings
陳錦興 2023-12-19T16:27 美團(03690)中期業績後步入弱勢,逐步失守整數關,11月底季績後跌到落100元水平,今日(19日)更失守80元,美團股價會唔會繼續尋底? 英皇資本財富管理方案研究總監陳錦興指,美團股價不斷尋底,主要係市場一直殺估值,經調整後慨預測市盈率(PE)跌到落十幾倍,管理層對第4季指引保守,預期收入放緩,行業競爭情況淡,尤其係到店業務,所以需要好高成本投入,包括廣告及補貼開支。 Stanley又話,市場擔心新業務虧損收窄時間會唔會加快,種種因素令市場係業績後調低美團盈利預測、目標價及估值水平,依家一直測試估值支持力,預料跌穿80元會進一步下跌,不過,係估值上開始會有強力支持,雖然外賣業務有不明朗因數,但規模及競爭能力仍然值得信賴,只係市場會有少少擔心到店業務方面,抖音、快手(01024)對美團慨挑戰。 Earnings , EMPEROR CAPITAL , Rating
陳錦興 2023-12-18T10:43 英皇資本財富管理方案研究總監陳錦興推介閱文集團(00772) 推介原因: - 收購騰訊動漫,具協同作用 - 進軍短劇領域。 TENCENT , EMPEROR CAPITAL , IT , CHINA LIT
陳錦興 2023-12-13T18:19 中國中免(01880)股價今日破底,摩根士丹利將集團評級由「增持」降至「與大市同步」,並大削目標價34%至95元。事實上,雖然中免首3季多賺12%,但差過市場預期,股價亦由8月高位持續回落,今日(13日)仲破埋底,係咪復甦前景再次令市場失望?股價繼續尋底機會大唔大? 英皇資本財富管理方案研究總監陳錦興指,中免上市初期好受市場追捧,尤其佢慨離島免稅概念,不過,Stanley話,呢個故事已經完結,現時股價落到18至19倍預測市盈率(PE),加上集團首3季盈利增幅未必足以支持依家慨估值。 佢提醒,中免股價仍有尋底壓力,或要等到免稅業務有改善,又或者消費動力返黎,股價先有望回升。 Rating , EVERCHINA INT'L , EMPEROR CAPITAL , CTG DUTY-FREE , IPO
陳錦興 2023-12-12T18:08 閱文集團(00772)掟6億人仔收購騰訊控股(00700)動漫平台,又宣布回購股份,刺激股價今日抽升逾10%,今次收購資產包括騰訊旗下動漫APP平台及IP資產、動畫項目、影視項目及從事動漫創作慨米橙子90%股權,對騰訊黎講,今次呢單deal係咪一個合理慨業務部署? 英皇資本財富管理方案研究總監陳錦興指,今次藉收購進行業務整合,騰訊對呢些業務慨關注度唔高,反觀閱文做開網絡文學、電視電影等,收購騰訊呢些平台後,可以產生協同效應,未來可以更專注打造更強慨內容,以及發展具潛質慨IP,變得更商業化之餘,更可加強變現能力。 Stanley續指,閱文2021年除稅前虧損淨額1.9億人仔,2022年已大幅收窄至1.11億人仔,相信2023年虧損會進一步收窄,明年甚至有機會扭虧為盈。 TENCENT , EMPEROR CAPITAL , IT , CHINA LIT
陳錦興 2023-12-05T17:28 網易(09999)股價又跌逾5%,跌至1個月低位,騰訊控股(00700)今個月會推出多人派對遊戲《元夢之星DreamStar》,硬撼網易今年爆冷大收旺場慨《蛋仔派對》,《元夢之星DreamStar》對網易慨威脅大唔大? 英皇資本財富管理方案研究總監陳錦興認為,《元夢之星DreamStar》會對網易構成威脅,《蛋仔派對》去年中一推出就爆紅,相信騰訊都感到意外,多人休閒遊戲竟然大受歡迎,所以就快速打造新遊戲《元夢之星DreamStar》,但相信正式推出時未必會互相蠶食,反而會吸引更多新玩家入場。 佢又話,《蛋仔派對》爆紅帶動網易收入,投資者會擔心畀《元夢之星DreamStar》比下去,繼而影響股價。 網易股價已補返10月25日個上升裂口,後市會唔會繼續跌,Stanley就指,雖然網易沽壓持續,但150元水平仍有好大承接力,反映市場對呢隻股份仍有好大信心,所以不妨係呢個位置博反彈。 TENCENT , EMPEROR CAPITAL , IT
陳錦興 2023-12-04T09:44 英皇資本財富管理方案研究總監陳錦興推介百度集團(09888) 推介原因: -季績不俗,是人工智能(AI)賦能業務的市場領跑者 -文心大模型4季度料帶來億元計收益。 EMPEROR CAPITAL
陳錦興 2023-11-28T16:45 中教控股(00839)股價今日(28日)係大成交下急瀉,一度插逾20%,集團全年少賺逾25%,主要受累主營成本增逾22%,其他虧損增至5.4億人仔,融資成本亦增至4.69億人仔,不過,經調整EBITDA增長6%,中教呢份業績邊部分最令市場失望? 英皇資本財富管理方案研究總監陳錦興認為,中教股價反應咁大,反映市場對業績倒退感到意外,撇除非現金項目減值,經調整盈利增長差過收入增長,反映毛利率及經營溢利率都有壓力。 派息相信係一大失望位,派息比率由去年45%降至42%,係盈利前景陰霾下,未來派息係咪都好難有期望?中教股價今日一棍插穿近期支持位6元,股價係咪會繼續尋底?陳錦興指,睇返行業大環境,相信中教都寧願保留多些現金,估計未來派息冇突破之餘,亦會比較差。至於股價,佢認為好大機會繼續下試低位,主要係今次都冇預期有減值項目,市場一定會擔心係咪陸續有來,肯定不利股價表現。 Earnings , EMPEROR CAPITAL , CHINA EDU GROUP
陳錦興 2023-11-21T16:26 名創優品(09896)今日(21日)中午出左季績,股價午後一度抽升逾8%,其後升幅收窄,上季多賺逾48%,收入增長逾36%,銷售成本就增加逾23%,毛利率升至逾41%,主要受惠於係內地進行品牌升級,推出高毛利率產品及削減成本等。名創優品收入增幅大過成本,毛利率又標青,呢份業績都應該收貨? 英皇資本財富管理方案研究總監陳錦興認為,名創優品呢份業績好過預期,所以市場都會收貨,集團過去兩年持續復甦,盈利增長近50%反映有一定增長動力之餘,業務策略亦合適,加上定位配合現時內地消費降級,對實惠慨生活用品需求較大,集團會有直接得益,而海外市場表現亦不錯。 至於名創優品增長動力可唔可以持續,Stanley認為無問題。 Earnings , EMPEROR CAPITAL
陳錦興 2023-11-20T09:48 英皇資本財富管理方案研究總監陳錦興推介中國神華(01088) 推介原因: - 已消化季績盈利倒退的因素 - 入冬及行業安檢形勢趨嚴,利好煤價 - 股息率近10厘。 CHINA SHENHUA , EMPEROR CAPITAL
陳錦興 2023-11-14T16:48 阿里影業(01060)中期轉賺逾4.6億人仔,早前收購有大量演唱會票務代理生意慨「大麥」係業績一大亮點,雖然仍未入帳係阿里影業業績,但期內收入逾7億人仔,有潛力成為第2大收入貢獻,商品交易總額(GMV)亦按年大增5倍。不過,值得留意係,如果計及「大麥」成本,整體成本就增至逾17億人仔,涉及慨開支都超過2億人仔,對下半財年慨利好作用有幾大? 英皇資本財富管理方案研究總監陳錦興認為係利大於弊,「大麥」主要做現場演出、音樂會,呢些活動係疫後復甦情況好理想,假設「大麥」條數入埋阿里影業今次呢份業績,會見到收入及盈利都明顯增長,至2025年度就可以完全反映對業績收入慨貢獻。佢又相信,市場未來對「大麥」同阿里影業慨協同作用都會有正面睇法,亦會有一定憧憬。 Earnings , EMPEROR CAPITAL , ALI PICTURES
陳錦興 2023-11-07T16:19 中國平安(02318)昨日(6日)舉行投資者日,之後大和發報告叫沽平保,更狠削目標價22%至35元,仲低過現價,平保股價今日一度挫近5%,險守40元,大和質疑平保慨策略係咪仍可以為股東帶黎價值,交叉銷售一直係平保重點策略,大和會唔會睇得太悲觀? 英皇資本財富管理方案研究總監陳錦興指,大和對平保慨發展睇得幾悲觀,不過,目標價其實同現價唔係差太遠,所以唔算特別驚嚇,平保股價今年跑輸大市,依家股價係低位反覆,即使睇淡,都不至於好似大和咁悲觀。 Stanley又話,平保係綜合型金融企業,透過平台不斷發掘唔同機遇及增長,呢個格局一直冇變,依家仍然繼續以呢個模式發展業務,雖然依家面對經濟放緩、受房地產市場拖累,導致股價相對落後,令市場對平保慨睇法比較審慎。 PING AN , Real Estate , Real Estate , EMPEROR CAPITAL , Rating
陳錦興 2023-10-31T17:08 招金礦業(01818)昨日(30日)開市前發通告,指以每股0.58澳元收購係澳洲上市慨金礦勘探公司Tietto Minerals,按Tietto Minerals上周五(27日)收市價計,有36%溢價,招金原本已持有Tietto Minerals 7.02%股權,依家再斥資逾31億港元收購餘下股權,呢單交易做唔做得過? 英皇資本財富管理方案研究總監陳錦興認為,呢單交易作價合理,以收購價計,Tietto Minerals市帳率(PB)約2.6倍,對比招金PB約2.45倍相差唔大,只係有少少溢價,招金可透過全購Tietto Minerals加強海外業務發展,而PB亦唔算太貴。 Stanley又指,唔排除招金需要為呢單交易配股集資,始終公司慨業務發展有資金需求,但相信管理層經評估後,會傾向先用內部現金支付交易。佢又指,始終依家市場氣氛比較低迷,成功配股集資慨把握唔大。 ZHAOJIN MINING , IPO , AUD , AUD , AUD
陳錦興 2023-10-27T17:58 電力股近幾日跑出,其實唔同股份都有利好消息,火電股方面,華能國際電力(00902)主要就受惠於投資收益大增,同埋首3季業績扭虧為盈,大唐發電(00991)第3季亦賺返錢。風電股方面,雖然龍源電力(00916)收入少左,但成本控制得好,呢幾份業績係咪都收貨? 英皇資本財富管理方案研究總監陳錦興指,大唐業績做得比較好,除左收入有增長,受惠於電煤價格下跌,令盈利增長步伐加快。Stanley又話,雖然市場睇好火電股業績表現,但亦擔心內地經濟復甦不似預期,製造業又疲弱,擔心對發電業務有影響。 佢認為,由於火電及風電企業都面對價格壓力,導致電力股過去大半年持續受壓,直至最近出左業績,股價開始企穩,甚至出現反彈,近期內地公布慨經濟數據都好返些,尤其製造業重返擴張水平,都會利好電力股前景。 ChinaElec , Earnings , DATANG POWER , CONCORD NE , EMPEROR CAPITAL
陳錦興 2023-10-25T18:36 《施政報告》提出多項谷港股交投慨措施,除左一如市場預期落實還原股票印花稅稅率至0.1%,即2021年前水平外,仲有一項散戶較少關注慨措施,就係檢討股票買賣價差,究竟呢項措施對刺激交投有幾大作用? 《施政報告》指出,港交所(00388)及金融監管機構將會探討透過縮窄最低上落價位(minimum spread),例如每格由0.2元降至0.1元。 英皇資本財富管理方案研究總監陳錦興表示,措施針對流動性較高慨大型股,若措施正式落實,有望收窄相關股份慨買賣價差(bid-ask spread),繼而降低交易成本,有利機構投資者進行高頻交易,發行衍生產品慨市場莊家做對沖時,亦能更好控制成本,以及維持市場流動性。佢認為,措施或會吸引更多大戶資金參與買賣指數成分股,相信有助刺激交投。 不過,眾多救市措施揭盅後,港交所股價一度急挫近5%,低見276元,Stanley指出,雖然港交所出現明顯獲利回套,但過去半年係275元水平見強勁支持,今日收市跌穿280元後,股價可能會略為喘定。 HK Cap Flow , Stock , Capital Flow , HKEX , EMPEROR CAPITAL
陳錦興 2023-10-20T10:15 英皇資本財富管理方案研究總監陳錦興推介滔博(06110)。 推介原因: - 中期盈利回復增長,加上集團增加派息,而公司亦處於淨現金水平 - 優化門店。 EMPEROR CAPITAL
陳錦興 2023-10-18T16:37 雖然內地上季經濟增長好過預期,但港股繼續彈唔起,不過,發盈喜慨比亞迪股份(01211)一度炒高逾8%,集團預告,第3季多賺最多1倍至115億人仔,再創季度新高,係咪反映比亞迪成功透過提升每架車慨盈利能力,紓緩價格戰影響? 英皇資本財富管理方案研究總監陳錦興指,呢個情況相當明顯,可以睇到比亞迪按季增長十分強勁,相信同產品高端化策略有關,比亞迪過往畀人感覺主要做低端產品,但依家生產售價以百萬人仔計慨車款,盈利自然有增長。佢又話,當集團正式派成績表時,會更清楚到底係高端化策略,還是成本控制特別好,令業績為市場帶來驚喜。 Stanley又指,比亞迪未來有機會爬Tesla頭,因為內地推出連串刺激經濟措施後,經濟動力逐漸回復,對電動車銷售及推廣等有幫助,加上集團推出新車,都對車市有幫助,比亞迪作為龍頭自然可以受惠。 Results , Stock , BYD COMPANY , Earnings , EMPEROR CAPITAL
陳錦興 2023-10-17T17:24 京東集團(09618)上周被大行唱淡後,股價連日受壓兼創新低,今日終於有反彈,市場似乎同憧憬「雙11」電商購物節有關,除市傳阿里巴巴(09988)將會係「雙11」前大派10億人仔優惠券,京東亦會係下周一(23日)開始透過手機App派紅包,每日都可以領取,最高金額約1萬人仔,點解阿里股價今日反而跑輸京東? 英皇資本財富管理方案研究總監陳錦興指,市場對「雙11」等網購節慶慨憧憬及熱情都唔及以往,「618」亦有相同情況,事實上,內地電商發展呢幾年逐步放緩,今年經濟復甦情況較反覆,內需方面主要以旅遊出行、餐飲為主,電商增長動力今非昔比,因此,即使電商平台進行大型宣傳,以及提供優惠,都未必可以點燃投資者慨熱情,加上京東股價上周急挫,外資對其批發、核心業務等仍有疑慮,所以兩隻股份今日都彈得唔高。 Stanley又指,電商平台提供慨折扣冇明顯加大,反映市場競爭仍然好激烈,唔同平台今年都要加大力度吸引更多消費及網購。 ALIBABA , EMPEROR CAPITAL , IT
陳錦興 2023-10-12T10:40 英皇資本財富管理方案研究總監陳錦興推介騰訊控股(00700) 推介原因: -本土遊戲料回復增長動力 -視頻號商業化潛力佳,線上廣告增長料加速 -預期複合盈利增長達20%。 TENCENT , EMPEROR CAPITAL , IT
陳錦興 2023-10-10T17:48 中遠海控(01919)及東方海外國際(00316)分別發左盈警及出左最新營運數據,股價今日齊齊向下,中遠海控預期首3季純利按年大跌77%,東方海外第3季收入按年跌65%,跌幅都十分顯著,係咪反映第3季表現差過上半年? 英皇資本財富管理方案研究總監陳錦興指,中遠海控上半年盈利大跌約70%,單睇第3季亦有相應跌幅,東方海外第3季收入跌幅大,但其實上半年已經表現疲弱,反映第3季冇明顯改善之餘,仲進一步轉差,主要係運價持續受壓,今年營運表現未達到市場預期,令股價有明顯跌幅。 至於航運股係咪唔好沾手,還是個別可以受惠到波羅的海乾散貨指數上升,陳錦興就話,都有航運股可以受惠,例如太平洋航運(02343) 走勢係同主要從事集裝箱業務慨航運股唔同,因為公司主要做乾散貨運輸,如果波羅的海指數持續上升,會推升公司收入及盈利,若內地經濟好轉,太航受惠程度會更大,所以值得部署。 Results , BDI , PACIFIC BASIN , OOIL , EMPEROR CAPITAL
陳錦興 2023-10-03T18:04 港股係第4季首個交易日出師不利,恆生指數一度瀉近600點,多個板塊成重災區,其中,黃金周概念股跌得最急係電影相關股,貓眼娛樂(01896)及阿里影業(01060)齊大跌8%,係咪票房表現不似預期拖累股價? 英皇資本財富管理方案研究總監陳錦興指,市場對黃金周票房期望好高,因為見到暑假票房收入強勁,因此,希望長假期都大收,一般黎講,電影票房係上映頭幾日最爆,但數字都冇預期咁強勁,《堅如磐石》、《志願軍:雄兵出擊》票房都有幾億人仔,但唔算太突出,令市場感到失望,繼而推低相關股份股價。 佢又話,影視娛樂股6月開始反覆上升,股價係黃金周前已升至高位,反映市場對票房慨期望甚高,但最終數字同預期有落差,令股價顯著下挫。 Gold , Stock , HANG SENG BANK , EMPEROR CAPITAL , ALI PICTURES
陳錦興 2023-09-26T17:46 個別藥股今日逆市走強,內地上月傳出醫藥反貪,嚇到唔少醫藥股「跳水」,事隔逾1個月,消息已被消化得七七八八,唔少相關股份已收復失地,其中,雲頂新耀(01952)股價已連升3日,今日一度大升逾11%,市場睇好集團慨腎藥發展,基本因素及相關消息係咪可以繼續利好股價? 英皇資本財富管理方案研究總監陳錦興認為,行業上月對反貪腐消息慨反應過度,其實呢個行動主要目的係改善醫院內部制度,同藥企關係唔大。 佢又話,雲頂新耀新藥獲批係醫藥股一個重要催化劑,尤其腎病相關藥物特別受關注,不論市場潛力及規模都唔細,對投資者來講有一定吸引力,加上有簽訂授權協議等因素,對股價有一定推動作用,但股價升至現水平,係高位難免會有些反覆。 Stanley續指,雲頂新耀距離「甩B」仍言之尚早,收人需要有一定規模,業績亦要扭虧為盈,依家雲頂新耀14天RSI係69水平,佢認為暫時唔適宜追入,同埋係呢些高位都會有獲利回套,有一定沽壓。 Earnings , EMPEROR CAPITAL
陳錦興 2023-09-25T10:06 英皇資本財富管理方案研究總監陳錦興推介中聯重科(01157) 推介原因: - 中期業績不俗,毛利率改善 - 海外業務增長強勁,為未來增長亮點 - 股息率8厘,市盈率(PE)約10倍。 Earnings , EMPEROR CAPITAL , ZOOMLION
陳錦興 2023-09-19T16:30 今年以來,最少有逾160家公司回購股份,原因不外乎估值平或股價殘,而近6、7個交易日曾經出手回購,兼股價近3個月最少見52周低位慨股份有逾20家,當中包括蒙牛乳業(02391),公司由9月5日起,持續做回購,今年暫時用左7億元做回購,每股平均價30元,當中有咩啟示? 英皇資本財富管理方案研究總監陳錦興就認為,蒙牛今年已做左逾50次回購,公司密集出手反映對前景有一定信心,同埋蒙牛估股依家處於歷史平均偏低水平,所以有一定參考價值。佢又話,蒙牛有強勁現金流,可以支持公司做回購,再係市場上體現價值。 股價方面,Stanley指,蒙牛中期業績唔錯,下半年內需持續復甦亦對集團有幫助,因此,股價見底回升慨機會唔細。 MENGNIU DAIRY , EMPEROR CAPITAL , Food
陳錦興 2023-09-13T13:53 截至早上11時止,1小時內《彭博》用戶關注度上升最多港股,依次為碧桂園(02007)、騰訊控股(00700)、阿里巴巴(09988)、匯豐控股(00005)及舜宇光學(02382)。 舜宇係半日表現最佳藍籌,股價早段最多升5%至63.2元,中午收報61.45元,升2%。 英皇資本財富管理方案研究總監陳錦興指,蘋果公司發布iPhone 15系列,加上舜宇上月手機鏡頭出貨量按年見改善,按月亦錄得增長,兩個利好消息都幫到舜宇股價逆市向上。 Stanley又相信,舜宇應該會係華為新推出慨5G手機供應鏈佔一席位,集團向華為供貨亦有助8月出貨增長,佢又認為,華為最近上調全年新機出貨量至最少4000萬部,市場期望舜宇未來數月慨出貨量可持續增長。 HSBC HOLDINGS , Stock , TENCENT , ALIBABA , COUNTRY GARDEN
陳錦興 2023-09-12T16:25 內地噚日公布慨8月金融數據好過市場預期,周五(15日)將會公布8月零售等重磅經濟數據,估計表現會好過7月,但值得留意係,其實7月數據好差,係呢個基礎下有改善,係咪唔值得太樂觀? 英皇資本財富管理方案研究總監陳錦興認為,市場對經濟數據略為改善反應好大,而外貿數據、採購經理指數(PMI)等亦有改善,相信本周五公布慨數據情況都差唔多,但由於金融及房地產市場仍偏弱,所以即使有改善,都唔會有一個強勁表現。 此外,係數據好轉下,消費股係咪值得投資,包括啤酒股百威亞太(01876)及乳業股蒙牛乳業(02319)。雖然數據唔差,但百威股價表現唔算強勢,陳錦興認為,啤酒股今年增長差過去年,消費動力隨著經濟放緩而減弱,啤酒行業暫時都睇唔到有強勁復甦跡象。 蒙牛方面,佢話業績市場係收貨,投資者鍾意呢隻股份,主要係公司不斷回購,又提高派息比率,市場對蒙牛睇法已經冇上半年咁悲觀,所以見到有資金重新流入。 MENGNIU DAIRY , Real Estate , Capital Flow , Real Estate , EMPEROR CAPITAL
陳錦興 2023-09-11T10:47 英皇證券研究部總監陳錦興推介龍源電力(00916) 推介原因: - 中期業績不俗,已消化電價下行壓力 - 有意回購股份,也具提高派息的空間 - 股價有望見底。 ChinaElec , EMPEROR CAPITAL , CHINA LONGYUAN
陳錦興 2023-09-05T19:01 藍籌攜程集團(09961)中期轉賺40億人仔,睇返分部表現,第2季旅遊度假、住宿預訂、交通票務業務收入按年最少大升1.7倍,反映復甦勢頭強勁。攜程既係國指「新貴」,又交到靚業績,但股價今日一度急插近9%,亦係今日表現最差國指成分股,股價插水係咪反映呢份業績仍有瑕疵? 英皇資本財富管理方案研究總監陳錦興指,相比舊年及今年第1季,攜程第2季業績已十分靚仔,瑕疵亦唔算多,收入及盈利等均有增長。雖然內地經濟復甦速度較預期慢,但睇返集團旅遊及酒店等業務,其中,酒店預訂已超越疫情前水平,反映內地復甦情況其實頗為強勁。 Stanley提醒,出行方面仍要繼續觀望,但報復性旅遊動力仍然存在。股價方面,佢話攜程股價去年11月至今已累升近1倍。 Earnings , EMPEROR CAPITAL
陳錦興 2023-08-29T17:28 美圖公司(01357)噚日收市後出左業績,股價今日係大成交下一度飆22%,衝上1個月高位,其中VIP訂閱一直都係收入主要增長動力,截至上半年止,應用程式VIP用戶達720萬,按年增長44%,付費滲透率約2.9%,人工智能生成內容(AIGC)功能愈來愈多,付費滲透率增長潛力係咪好大? 英皇資本財富管理方案研究總監陳錦興指,美圖付費滲透率增長潛力大,因為AIGC生作圖像切合到用戶需求,加上用戶體驗良好,有助推動付費用戶增長。 Stanley又話,美圖付費用戶仍有增長空間,因為依家活躍用戶超過2.47億,加上用戶數目繼續平穩增長,因此,付費滲透率仍有機會提升,繼而推動收入增長。 EMPEROR CAPITAL , MEITU
陳錦興 2023-08-28T10:04 英皇資本財富管理方案研究總監陳錦興推介安踏體育(02020) 推介原因: - 中期業績佳。 ANTA SPORTS , EMPEROR CAPITAL
陳錦興 2023-08-22T16:21 名創優品(09896)業績後股價創新高,最多曾升9%至42.8元。 名創優品截至6月底全年及第四季度業績理想,收入及純利見上市以來新高,全年同上季純利倍升,毛利率挨近40%。 英皇資本財富管理方案研究總監陳錦興表示,名創股價有亮麗業績支持,預期短線走勢繼續向好。不過,名創PE逾60倍,認為公司要向市場證明持續盈利增長,股價才有進一步突破機會。 Stanley續指,如果投資者係39元附近有貨,可以上望44元,當股價跌穿35元則要考慮止蝕。 Results , Earnings , EMPEROR CAPITAL , IPO , IPO
陳錦興 2023-08-16T18:39 港交所(00388)中午出左業績,第2季按年多賺近34%至約29億元,略遜預期,期內,主要業務收入增長5%至逾47億元,收入及其他收益則按年增長18%,呢份業績又收唔收貨? 英皇資本財富管理方案研究總監陳錦興指,按季計,上季表現係差過第1季,因為第1季仍受復常及整體市場氣氛帶動,日均成交亦較多,但內地經濟第2季表現不似預期,導致市場氣氛逆轉,交投逐步減少,加上IPO市場欠佳,但佢認為,港交所第2季係呢個情況下,仍交到呢個成績已經唔錯。 Stanley續指,港交所呢份業績,除左中期息按年大增30%外,交易所買賣基金(ETF)成交增逾20%,係另一個亮點,因上半年開通左ETF互聯互通,令相關成交增加,尤其是南向ETF特別活躍,佢估計情況將會持續。 ETF , HKEX , EMPEROR CAPITAL , HSCEI ETF , IPO
陳錦興 2023-08-15T18:01 361度(01361)中午出左上半年業績,純利約7億人仔,按年增長逾27%,收入增長18%,毛利率升至41.7%,唔止符合盈喜,亦係2011年下半年以來最好慨中期業績,不過,股價係放榜後一度急瀉23%。 英皇資本財富管理方案研究總監陳錦興指,361度呢份業績係收貨,集團成本控制做得好,純利增幅大過收入,反映營運表現及執行能力達標。 內地7月社會消費品零售總額按年升幅收窄至2.5%,係7個月以來最差,反映消費復甦力度較差,Stanley就話,依家內地經濟環境較差,市民都唔敢隨便消費,會傾向發掘低檔次品牌。 此外,杭州亞運會將於9月23日至10月8日舉行,361度係官方合作夥伴,不過,Stanley認為,亞運會過後,361度增長有機會放緩,市場亦唔會有太大憧憬。 Results , Earnings , EMPEROR CAPITAL
陳錦興 2023-08-14T10:39 英皇資本財富管理方案研究總監陳錦興推介中國國航(00753) 推介原因: - 已消化盈警因素,聚焦復甦 - 內地恢復出境團隊遊第3批名單。 AIR CHINA , EMPEROR CAPITAL
陳錦興 2023-08-08T16:59 聯儲局官員威廉斯噚晚「放鴿」,指若明年通脹放緩,可能有需要減息,今日息口敏感慨資源股逆市跑出,其中,中國宏橋(01378)最多升近6%,高見7.83元,收市仍升逾3%,係表現最佳藍籌。 呢隻鋁產品股7月底發盈警,預告中期少賺70%,主要是產品價格下跌,以及原材料價格上漲,令收入減少、毛利率受壓,但點解宏橋盈警後,股價不跌反升,至今已累升逾10%? 英皇資本財富管理方案研究總監陳錦興分析指,去年上半年產品價格高企,對比下今年同期純利大跌係幾合理,而相比去年下半年,上半年盈利增幅唔算小,所以公司基本面並冇大問題,加上市場憧憬內地慨經濟刺激政策會係第3季尾開始見效,相信股價後市仍有支持。 Stanley續指,現時宏橋股價續處於上升軌道,估計短期內或突破8元,到時要留意高位回套壓力大唔大。 Results , EMPEROR CAPITAL , IPO , Resources , IPO
陳錦興 2023-07-31T10:31 英皇資本財富管理方案研究總監陳錦興推介力勁科技(00558) 推介原因: - 大型壓鑄機產品領先行業 - 受惠電動車行業持續增長,海外發展前景佳 - 今年成本控制較好。 LK TECH , EMPEROR CAPITAL , IT
陳錦興 2023-07-25T17:17 A股及港股估值平係一大賣點,上海及深圳股市市盈率(PE),同恆生指數一樣都係低位徘徊,除左大市PE低,板塊方面,券商股亦有同一個賣點,依家大部分券商股預測PE都低過5年平均,係咪代表券商股好值博? 英皇資本財富管理方案研究總監陳錦興指,由於券商股對大市慨刺激及推動作用唔大,所以市場較少留意券商股,除左PE低,市帳率(PB)都長期係0.5至0.6倍徘徊,而股東權益報酬率(ROE)亦處於低迷狀態。 不過,佢指出,市場今年睇好券商股,認為ROE會有改善,事實上,券商股第1季盈利增長唔錯,即使第2季可能會放緩,但當年底市場氣氛好轉時,券商股全年表現應該唔錯,此外,搞活資本市場或帶挈券商股估值有機會重估,因此,券商股有唔錯慨值博空間。 Stock , HANG SENG BANK , EMPEROR CAPITAL
陳錦興 2023-07-18T18:30 中升控股(00881)股價連跌4日,今日早段曾再跌5%,集團被瑞信下調上半年新車銷售毛利率,摩根士丹利就調低今年起3年盈利預測,雖然中升不斷回購股份,但股價今年仍累跌近30%,面對汽車經銷行業結構性弱點,行業盈利高峰期係咪已經過去?中升股價單靠回購係咪唔足以扭轉劣勢? 英皇資本財富管理方案研究總監陳錦興指,暫時判斷唔到中升股價弱勢,到底同行業結構性問題有關,還是只係個別情況,汽車經銷股今年大幅跑輸,主要同疫情及供應鏈問題有關,市場年初預期行業會復甦,但復甦主要係新能源汽車行業,其他傳統汽車及高端汽車銷售都不似預期,令大行下調汽車經銷商盈利預測及目標價。 Energy , New Energy Vehicles , EMPEROR CAPITAL , Rating , New Energy
陳錦興 2023-07-11T17:13 恆指公司上周五公布,主要上市外國公司准納入恆指及科指,之前港股通擴容可納入外國上市公司,依家再進一步可以晉身成分股,市場近排追捧普拉達(Prada)(01913),主要係今年3月Prada大熱倒灶,入唔到港股通,今次Prada係咪「染藍」大熱,晉身恆指成分股? 英皇資本財富管理方案研究總監陳錦興指,依家Prada市值1400億元,的確好大機會晉身恆指成分股,如果成功「染藍」,應該會被歸類為非必需品類別,依家Prada慨市值比呢個類別慨成分股仲要高。 此外,Prada納入後慨比重約1%,而非必需品股係恆指佔比唔大,但Prada加入後可以令恆指更均勻,唯一阻礙係公司係意大利註冊,呢方面仍要睇睇有冇問題。 Stock , EMPEROR CAPITAL , IPO , IPO , PRADA
陳錦興 2023-07-04T18:31 內地喪炒自動駕駛概念,汽車部件板塊今日抽升,其中以浙江世寶(01057)升得最勁,A股已連續3日漲停,港股今日最多爆升逾37%。 英皇資本財富管理方案研究總監陳錦興表示,浙江世寶股價過去兩年每逢年中就會升得好誇張,但好快就回落,佢提醒投資者要小心風險。佢補充,集團基本面唔係特別強,市值細、業績一般、利潤率頗低,更重要係,集團慨自動駕駛相關產品只係研發中。 Stanley續指,德昌電機控股(00179)上半年跑贏大市,加上基本面更強,除左有穩定慨歐美市場,亦有實際產品支持無人駕駛技術,相信中期業績發布前,仍有反覆上升動力。 JOHNSON ELEC H , Stock , EMPEROR CAPITAL , P.B. GROUP , ZHEJIANG SHIBAO
陳錦興 2023-07-03T10:21 英皇證券研究部總監陳錦興推介信義光能(00968) 推介原因: -成本受控料帶動今年業績改善 -受惠於全球光伏裝機快速增長 -低位完成整固。 EMPEROR CAPITAL , XINYI SOLAR
陳錦興 2023-06-27T18:26 中國燃氣(00384)全年少賺逾40%,已連續5年業績差過預期,但點解股價今日不跌反升?係咪因為業績咁差,投資者博最壞時間已過? 英皇資本財富管理方案研究總監陳錦興指,都唔排除有博反彈慨可能,因為股市操作一向都係行得比較前,中燃股價今年累跌近20%,但睇返其他燃氣股只係錄得單位數跌幅,除左反映行業受壓,亦反映中燃業務表現較差,所以業績較差時,投資者就博壞消息出盡去抄底,咁岩大市連跌5日後出現技術性反彈,所以中燃不跌反升其實唔意外。佢估計,當中燃走勢回穩,多左投資者入市博一博,令股價變得較強勢。 CHINA GAS HOLD , Gas , EMPEROR CAPITAL
陳錦興 2023-06-20T17:07 雖然港股今日顯著下跌,但中電控股(00002)股價今日大幅抽升,主要係摩根士丹利及摩根大通都估計,去年勁蝕慨澳洲業務今年有望轉賺,派息有望加碼,由於息率及估值吸引,大細摩都上調中電評級至「增持」。大行睇好中電澳洲營運改善,主要受惠於煤價跌,但其實煤價都回落左一段時間,點解大行依家先上調評級? 英皇資本財富管理方案研究總監陳錦興指,由於中電澳洲業務有機會顯著復甦,大行就送上「祝福」,加上公用股近排受追捧,令中電股價強勢,過往中電一直受海外業務問題拖累,依家澳洲業務有轉機,一定對業績有幫助。 Stanley又話,中電舊年派息已經唔錯,今年澳洲業務有望復甦,市場對今年業績及派息自然有憧憬。 CLP HOLDINGS , Stock , AUD , Util , EMPEROR CAPITAL
陳錦興 2023-06-19T10:16 英皇證券研究部總監陳錦興推介中國建材(03323) 推介原因: -股價已反映首季季績虧損,有追落後空間 -料受惠減息、增基建及穩樓市的宏觀政策 -具中特估概念,短線動力增強 -煤炭、石油價格受壓,有助公司控制能源成本。 Energy , Oil , CNBM , EMPEROR CAPITAL , Infra
  Next page > 

 

88iv | Home |  Login
Mobile | Full
Forum rule | About Us | Contact Info | Terms & Conditions | Privacy Statment | Disclaimer
Copyright (C) 2024
Suntek Computer Systems Limited.
All rights reserved