| Commentator |
Time |
Content |
Tag |
| 黃敏碩 |
2026-10-20T10:09 |
王道資本及家族資產管理執行董事黃敏碩推介361度(01361) 推介原因： -中期業績符合預期，期內經營活動現金流大增17%，現金轉化能力增強 -內地「K型消費」趨勢持續。 |
|
| 黃敏碩 |
2026-10-16T17:25 |
早前，摩根大通及摩根士丹利做左內險股第3季業績預測，雖然兩家大行慨預測有差異，但整體黎講，預期表現最差會係中國人壽(02628)，摩通估計，國壽第3季少賺89%，大摩更預期會「見紅」，點睇呢個預測？ 王道資本及家族資產管理執行董事黃敏碩指，國壽過往係投資及人均從業員慨產能推動上，表現較理想，不過，由於市況唔好，市場都可能擔心呢方面對國壽業績貢獻會受較大影響。 此外，以中國平安(02318)為例，平保係混業經營，亦有銀行等其他業務收入，但國壽較專注經紀方面，因此，國壽會唔會係近期市況及政策推動下受到衝擊，都仲要觀察。 Michael又認為，近期國壽股價確實面對較大追落後壓力。 |
|
| 黃敏碩 |
2026-10-06T10:26 |
王道資本及家族資產管理執行董事黃敏碩推介華潤電力(00836) 推介原因： -內地8月社會用電量創歷史新高 -今年10月電價逆勢上揚。 |
|
| 黃敏碩 |
2026-10-02T17:20 |
港股踏入10月呢個傳統股災月即插水，恆生指數今日(2日)一度暴跌逾700點，金融股成跌市重災區。至於歐洲金融股亦重挫，主要是主權債被拋售。此外，英國30年期國債升穿6厘，衝上38年高位，匯豐控股(00005)及渣打集團(02888)今日收市挫逾5%，跌幅合唔合理？ 王道資本及家族資產管理執行董事黃敏碩指，可以從持有債券比例及業務佔比分布去分析，匯控近幾年逐步減少歐洲業務，主攻亞太區業務，今日跌幅咁大，相信係被短倉資金借勢夾低，加大調整壓力。Michael提醒，依家匯控及渣打技術走勢偏弱，投資者不宜「接飛刀」。 |
|
| 黃敏碩 |
2026-09-25T16:05 |
內地企業所得稅標準稅率係25%，不過，當局會針對唔同企業規模，以及產業提供稅務優惠。匯豐證券周三(23日)出報告，指內地大型科企慨有效稅率按年大升，以快手(01024)為例，有效稅率交12.3%，比2025年上半年高6.4個百分點，阿里巴巴(09988)有效稅率甚至升14.6個百分點。點睇呢個現象？下半年行業有效稅率係咪會繼續按年上升？ 王道資本及家族資產管理執行董事黃敏碩指，其實稅務優惠政策主要都係針對公司成熟度，例如手遊、雲音樂、廣告等業務較成熟，唔再係新起步企業，公司只係需要諗點樣去推動業務發展，因此有效稅率會較高，但會係合理範圍之內。 Michael續指，雖然市場好多科網新企業，但市場路線好唔同，企業對顧客(B2C)慨業務需要徵稅推動能見度，有效稅率會較高，但企業對企業(B2B)慨業務仍然處於投放期，低稅率會較好。 |
|
| 黃敏碩 |
2026-09-22T10:10 |
王道資本及家族資產管理執行董事黃敏碩推介中遠海運港口(01199) 推介原因： -港口覆蓋內地五大港口群，並在東南亞甚至歐洲布局 -受惠新興市場貿易暢旺 -業績理想。 |
|
| 黃敏碩 |
2026-09-18T17:24 |
順豐同城(09699)今日(18日)中午出通告，指獲控股股東順豐控股(06936)增持，透過大宗交易買入4584萬股H股，佔已發行股本約5%，消息公布後，順豐同城股價午後抽高，收市勁升11％，以全日高位9.49元收市。係咪純粹炒增持消息？理論上有人沽先有得買，若賣家係阿里巴巴(09988)應該點解讀？ 王道資本及家族資產管理執行董事黃敏碩指，增持消息都屬於正面，睇返公司上半年業績，都反映順豐同城處於高質量、增長健康慨狀況，亦配合返成個網絡、數字化能力，因此，把握到餐飲、服務、零售行業慨趨勢，今次控股股東增持，對推動未來業務發展屬正面。 Michael又話，過往市場聽到阿里呢類巨企係一家公司慨投資者，感覺上會信心大些，但佢認為，依家反而留意公司自身業務質量、效益，咁樣會比較實際。 |
|
| 黃敏碩 |
2026-09-08T10:21 |
王道資本及家族資產管理執行董事黃敏碩推介國銀租賃(01606) 推介原因： -內地行業龍頭 -中期業績理想，受惠全球航空市場復甦 -估值落後，預測市盈率只有3倍。 |
|
| 黃敏碩 |
2026-09-04T17:05 |
牧原股份(02714)股價今日(4日)一度飆近10%，高見39.28元，公司主業係生豬業務，近年更同阿里雲建立養豬大模型，集團係中期業績提及，會加強健康及生產管理以降低成本，高盛就引述管理層指，牧原上半年養殖成本每公斤11.7元人民幣，集團持續控制成本，加上生豬價格再升，係咪有望達至收支平衡？ 王道資本及家族資產管理執行董事黃敏碩指，牧原業務屬於下游，當上游供應價格持續下調，的確對公司非常有利，只要穩定需求，繼續控制好成本，係有機會收支平衡。 Michael解釋，近期市場開始關注糧食方面，雖然關注度不及通脹，但其實外圍農產品價格升得好勁，更推動埋糧食價格，有機會成為市場亮點，再加上集團營運方面總體有改善，資金都會因估值唔算太貴而選擇追貨。 |
|
| 黃敏碩 |
2026-08-25T10:28 |
王道資本及家族資產管理執行董事黃敏碩推介百勝中國(09987) 推介原因： -經營超過1.9萬間餐廳，透過加大加盟店模式，維持規模優勢 -主攻具龐大需求的低線城市，搶佔先機，擴大市場份額 -數碼化升級及供應鏈優化，助營運經營利潤率及同店銷售率連續多個季度回升。 |
|
| 黃敏碩 |
2026-08-21T16:26 |
中國平安(02318)昨日(20日)派左成績表，上半年新業務價值升11.2%至248億人仔，盈利按年增長36%至926億人仔，單計第2季，平保盈利按年增長65%，投資收益按年增長42%至1369億人仔。平保股價今日(21日)高開近2%後，升幅一度擴大至4%，高見56.3元。股市上半年，尤其第2季表現幾好，係咪有利平保業績？ 王道資本及家族資產管理執行董事黃敏碩指，完全係時勢做英雄，市況理想帶動平保業務收益，不過，市場都要留意持續性，其實平保業務及投資收益穩定性略嫌不足。 Michael又話，市場覺得公司優勢係混業經營，除左留意保險業務，仲要留意資本、銀行等業務，如果一瓣做得好，但其他做得差，市場就會對公司前景睇得比較審慎。 |
|
| 黃敏碩 |
2026-08-11T11:06 |
王道資本及家族資產管理執行董事黃敏碩推介德翔海運(02510) 推介原因： -經營46條航線，專注亞太區市場，透過聯營及艙位互換合作模式，拓展市場覆蓋範圍 -持續調整艙線組合，優化運力配置 -運力規模維持穩定，去年2億資本開支。 |
|
| 黃敏碩 |
2026-08-07T17:29 |
近日航運股除左升得靚慨大平洋航運(02343)外，東方海外(00316)今日(7日)都升得唔錯，一度升4.1%，高見149.8元，其他航運就表現一般，例如中遠海能(01138)，呢類運油股近期走勢都麻麻，如果依家想買航運股應該點揀？ 王道資本及家族資產管理執行董事黃敏碩認為，海豐國際(01308)係唔錯慨選擇，因為相比太航集團更快「開船」，股價由逾30元起步，今日已迫近40元關口，雖然升幅未必係最搶眼，但正逐步反映緊行業周期。 Michael又指，如果配合到行業出口需求及優勢，其實市場都樂意投資呢些估值升緊慨公司。 |
|
| 黃敏碩 |
2026-08-03T12:38 |
截至早上11時止，過去1小時內《彭博》搜尋量最多港股，依次為中國宏橋(01378)、小米集團(01810)、騰訊控股(00700)、迅策(03317)及恆隆地產(00101)。 小米多款手機宣布加價，中端機型加300人仔，旗艦機小米17 Pro Max加500人仔。集團指，晶片價格上調帶黎價格壓力，已盡力控制加幅，更預期加價情況最少持續至2027年底，甚至2028年。今次已經係小米手機今年第3次加價，點睇呢波加價潮？ 王道資本及家族資產管理執行董事黃敏碩指，晶片加價一定令成本上升，如果小米要維持毛利率，犧牲一定銷售亦無可厚非。 股價方面，佢就話，7月一度由低位21.3元回升，企穩30元關口，相信大部分消息已借勢調整，現時要睇小米守唔守得住50天線，即26.5元。 |
|
| 黃敏碩 |
2026-07-28T09:59 |
王道資本及家族資產管理執行董事黃敏碩推介中國龍工(03339) 推介原因： -內地工程機械企業，產品包括輪式裝載機和挖掘機，連續3年有盈利增長 -受惠設備更新及基建投資等政策，推動國內市場需求復甦 -公司剛發盈喜，受惠期內產銷規模穩步增長。 |
|
| 黃敏碩 |
2026-07-24T16:35 |
摩根大通繼昨日(23日)唱好國際銀行股，今日(24日)就輪到唱好本地銀行股，雖然上半年業績冇驚喜，但估計全年盈利仍有雙位數增長，除左東亞銀行(00023)，中銀香港(02388)及大新銀行集團(02356)股價今年累升逾30%，本地及國際銀行股應該點揀好？ 王道資本及家族資產管理執行董事黃敏碩指，推動本地或國際銀行股業務慨背後、亮點各有不同，但主要跟同業比較，投資者可以睇返公司估值、未來股東回報率、成本對收入比率等，去揀心水銀行股。 Michael又話，暫時睇黎，匯豐控股(00005)及中銀較吸引，原因係公司參與慨業務較多，又有做回購，更重要係履行派息承諾。 |
|
| 黃敏碩 |
2026-07-14T10:16 |
王道資本及家族資產管理執行董事黃敏碩推介貝殼(02423) 推介原因： -內地一線及二線城市房地產市場有望走出谷底，發展核心城市的房企迎來估值修復 -本月下旬召開的政治局會議。 |
|
| 黃敏碩 |
2026-07-10T16:35 |
兆易創新(03986)昨日(9日)收市後發盈喜，估計中期賺69億人仔，按年大升約11倍，值得留意係，股份將會係下周一(13日)解禁，股價今日(10日)先升後跌，早段曾升逾6%，高見1000元，但之後走勢逆轉，一度倒插21%，低見742.5元，係咪同市場資金緊張有關？ 王道資本及家族資產管理執行董事黃敏碩指，資金緊張唔係單一因素，但就算之後出慨業績理想，估計市場反應都唔會太大，因為市場開始睇未來，唔再停留係以往，同埋會聚焦睇返業務上，兆易創新同瀾起科技(06809)、長鑫科技相近，投資者有機會「貪新忘舊」，即追1隻新股而沽兆易創新。 Michael又話，兆易創新股價早已被透支，發盈喜預告交靚業績，但股價不升反跌，除左因大市氣氛差，股價本身都由逾千元跌到現時約740元，已跌得幾深，如果想買貨，建議過埋呢兩個星期會較好，就算出現反彈，但呢些消息唔足以撐住股價，後市要睇下守唔守到627元呢個重要位置，相信短期仍要捱沽。 |
|
| 黃敏碩 |
2026-06-30T09:59 |
王道資本及家族資產管理執行董事黃敏碩推介長江基建集團(01038) 推介原因： -英國電力網絡公司出售交易完成後，淨現金水平將大幅上升 -澳洲供電業務組合步入新規管期，准許回報率提升至6.12% -當通脹及利率前景仍不明朗，企業盈利折現率上升，現金流較穩，派息紀錄清晰。 |
|
| 黃敏碩 |
2026-06-26T17:00 |
受記憶體晶片成本飆升影響，蘋果公司(Apple Inc.)宣布Mac機、iPad加價，平均加幅約20%。 以產品價格計，加價約30美元至500美元，呢個加幅足唔足以抵銷成本上升？Apple係咪做緊一係保毛利率，一係保銷量，呢個二揀一策略？ 王道資本及家族資產管理執行董事黃敏碩表示，要做到保住毛利率之餘，又要保到銷量慨空間相對細，係市況唔係太好之下，一般都以量取價。佢又指，市場最關注能唔能夠將多左慨成本轉嫁予消費者，如果轉嫁唔到，悲觀些睇，會唔會出現壓價慨情況？ Micheal續指，對於處於中游慨手機設備股黎講，要增加定單或提高毛利率，就唔係想像中咁容易。 |
|
| 黃敏碩 |
2026-06-16T10:04 |
王道資本及家族資產管理執行董事黃敏碩推介郵儲銀行(01658) 推介原因： -市場料，內銀第2季淨息差有望企穩回升，推動盈利改善 -貸存比率6大行中最低，有較大空間優化資產結構 -郵儲行首季淨息差回落。 |
|
| 黃敏碩 |
2026-06-12T17:11 |
周大福(01929)昨日(11日)出完業績後，股價今日(12日)勁升逾18%，高見13.2元，其後升幅略為收窄。周大福全年收入按年增長5%，純利按年增長逾50%至90億元，超預期，毛利率升至32.3%，毛利率改善係咪導致收入增長唔大，但純利有明顯升幅慨關鍵？ 王道資本及家族資產管理執行董事黃敏碩表示，純利升幅較收入高一大截，係因為集團高端項目、成本控制做得比較好，加上內地業務較集中，純利可觀亦反映內地高消費意欲增加，而末期及全年派息都加碼，都係股價今日大升慨推手。 Michael又話，周大福產品組合多左「一口價」金飾，高端門店數量又多左，都會帶動到毛利率上升，加上周大福開始改變銷售策略，就係順應潮流同不同IP合作，擴闊產品鏈之餘，又可以吸引更多年輕顧客，而年輕客群消費力絕對不容忽視，因為同樣可以帶動到毛利率。 |
|
| 黃敏碩 |
2026-06-02T09:26 |
王道資本及家族資產管理執行董事黃敏碩推介中國電力(02380) 推介原因： -加速發展綠色能源，包括水電業務，料今年水電收入有顯著增長 -風電光電業務回穩。 |
|
| 黃敏碩 |
2026-05-29T16:30 |
近日華南地區受熱浪侵襲，由於市民紛紛開冷氣消暑，令用電量急升，火電股亦火熱，其中，華潤電力(00836)今日(29日)輕微低開後，好快發力向上，一度升逾5%，高見21.4元，成功扭轉橫行局勢。除左天氣因素，上周山西發生17年以來最嚴重礦難，若導致煤炭供應緊張，繼而推高煤價，將令火電廠發電成本大增，到時或會加電費，利好火電股。 王道資本及家族資產管理執行董事黃敏碩指，其實早於3月底、4月初已見到電力股慨上升勢頭，原因係市場見到電費市場化，雖然未至於「想加幾多 就加幾多」，但都見到當局態度軟化，令火電股擺脫浮浮沉沉慨格局。 Michael又指，要留意原材料成本增加，會唔會拖低火電股毛利率，即使用電量大升亦會影響收入。此外，要留意相關企業有冇沾到人工智能(AI)概念，例如新能源業務發展涉獵較多，以及能否配合智慧算力中心發展等，都係推動估值慨催化劑。 |
|
| 黃敏碩 |
2026-05-19T10:05 |
王道資本及家族資產管理執行董事黃敏碩推介中國電信(00728) 推介原因： -人工智能(AI)算力業務提升，雲業務收入按年增長逾50%，已開始為國家級智算中心提供基礎設施 -現金流可預測性高。 |
|
| 黃敏碩 |
2026-05-15T17:22 |
半新股兆威機電(02692)股價今日(15日)最多升近20%，市場相信，可能同資金正炒緊內地近期慨「靈巧手」，即「人性機械手」概念，雖然兆威第1季業績睇唔到有太大憧憬，但旗下有公司專門做呢項業務，點睇集團投資價值？ 王道資本及家族資產管理執行董事黃敏碩表示，整個機械人概念股板塊中，較睇好可以做到細分化，以及主打高端項目慨企業，例如應用係醫療等專業領域慨機械技術，對比一般慨基層服務型機械人，更具優勢及針對性。 佢又話，就兆威黎講，若「靈巧手」產品上能真正做到高度細分，精密程度及仔細度夠高，發展潛力會好大。 投資部署方面，Michael指，以兆威現價的確有條件追落後及炒上，但中長線而言，最重要係觀察公司市場集中度，以及整個行業慨技術門檻係咪夠高，因為可以阻擋後續競爭對手加入，市場亦會關注兆威資本開支，可唔可以幫到公司維持市佔率。 佢續指，若市場對呢些基本面慨信心逐漸恢復，今日慨升勢可能係一個開端，後續有望形成穩步上揚格局，建議投資者可以將兆威納入觀察名單，有貨慨投資者現階段不妨繼續持有，再作進一步觀望。 |
|
| 黃敏碩 |
2026-05-05T10:17 |
王道資本及家族資產管理執行董事黃敏碩推介東岳集團(00189) 推介原因： -從事製銷製冷劑、高分子材料及有機硅等業務，擁有亞洲規模最大氟硅材料和生產基地 -配合實現國產化替代。 |
|
| 黃敏碩 |
2026-04-28T13:41 |
截至早上11時止，過去1小時內《彭博》用戶搜尋量最多港股，依次為曦智科技(01879)、中國宏橋(01378)、威勝控股(03393)、哈爾濱電氣(01133)及小米集團(01810)。 曦智科技今日(28日)首掛，股價一度較招股價炒高4倍，高見930元，公司係「18C章」未商業化慨特專科技公司，業務都係同人工智能(AI)發展、數據中心相關，中午收市較招股價炒高3.5倍，抽中係咪應該食糊先？ 王道資本及家族資產管理執行董事黃敏碩指，其實好多本新股都係以供應及需求為主，雖然近期市場睇好人工智能(AI)及算力相關股份，唔少投資者都願意長楂，不過，氣氛上投資者都係比較分化，加上過往好唔少同大模型相關慨半新股係高位回調，既然曦智科技首掛炒到咁高，投資者都不妨先計一計數，依家先食一浸糊都不為過。 |
|
| 黃敏碩 |
2026-04-17T17:40 |
地緣政局持續緊張，市場十分關注航運業表現，其中，太平洋航運(02343)昨日(16日)出左首季營運數據，隨即獲大行上調目標價，太航股價今日(17日)逆市造好，一度飆逾8%，高見3.18元。 睇返第1季數據，小靈便型船日均收入按年增長10.8%，較基準運費大升76%，超靈便型船日均收入按年升14.4%，較基準運費飆1.1倍，不過，大行認為，小靈便型船好較好，而公司昨日宣布取消去年底訂立的超大靈便型新船定單，改為買多兩艘小靈便型船，小靈便型船前景係咪真係好些？ 王道資本及家族資產管理執行董事黃敏碩認為，主要係小靈便型船靈活性更大，而相對大型船，小靈便型船彈性亦更高，去其他海峽或穿州過省都會更方便。 Michael坦言，係大行慨角度，係會考慮得更深入，雖然兩類船收入差唔多，但船隻大小都會影響成本消耗量，轉用小靈便型船就可以降低成本，Michael認為，太航今次調整定單一定對公司營運有幫助。 |
|
| 黃敏碩 |
2026-04-16T12:45 |
截至早上11時止，1小時內《彭博》搜尋量最多港股，依次為壁仞科技(06082)、思格新能(06656)、比亞迪股份(01211)、創科實業(00669)及泡泡瑪特(09992)。 半新股壁仞係港股「GPU第一股」，股價今日(16日)一度狂飆23%，高見47.66元，但唔計今個月，壁仞股價上市後表現其實唔係特別好，點解今個月突然發力？ 王道資本及家族資產管理執行董事黃敏碩指，近期唔同板塊輪流炒，之前有大模型或相關股份大升，壁仞去年業績表現一般，因為虧損問題一度拖低股價，集團推出新晶片，係算力上有幫助，有助擴大領先大模型市佔率。 Michael又話，壁仞係布局上，不論係心工智能代理(AI Agent)，或生成式人工智能(Gen AI)，都做到一個垂直領域，首先係晶片，然後發展到系統及場景，係公司慨優勝之處，趁智譜(02513)、Minimax(00100)要抖一抖氣時，呢類股份就借勢炒高左。 |
|
| 黃敏碩 |
2026-04-09T10:23 |
王道資本及家族資產管理執行董事黃敏碩推介中國龍工(03339) 推介原因： -去年盈利升28%，綜合毛利率上升1.81個百分點 -持續開發新產品，高附加值新產品成為盈利增長主力 -預測市盈率(PE)約9倍，相對同業吸引，派息政策穩定。 |
|
| 黃敏碩 |
2026-03-24T10:02 |
王道資本及家族資產管理執行董事黃敏碩推介香港電訊(06823) 推介原因： -去年撇除利息、稅項、折舊及攤銷前盈利(EBITDA)增長受惠人工智能應用帶來效率及生產力提升，應用人工智能(AI)技術驅動工作流程 -使用AI代理在大型活動執行網絡效能維護，提升生產力，減省營運成本 -派息逐年增加，股息率6.8厘。 |
|
| 黃敏碩 |
2026-03-20T17:27 |
李寧(02331)昨晚(19日)派左去年派成績，全年收入按年增長3%，盈利倒退2.5%，但仍好過預期，不過，睇返依家慨經濟及消費環境，增長係咪可持續？ 王道資本及家族資產管理執行董事黃敏碩指，相對於同業如安踏體育(02020)的多品牌發展及「出海」策略，李寧業務定位彈性較細，加上現時內地慨內需仍然疲弱，短期而言，佢對李寧前景會持觀望態度。 雖然李寧預期，今年收入及淨利潤率會錄得高單位數增長，不過，但係依家慨體育用品市場中，李寧慨品牌效應唔足以做「領頭羊」，可能都要靠整個行業好轉，再帶動公司銷售。 另一方面，由於中高價位市場競爭好大，要靠折扣、性價比等吸引客戶，呢方面都會對李寧毛利造成一定壓力。 Michael又指，李寧估值唔算吸引，加上內需股現時唔係市場慨熱門投資主題，事實上，體育用品股熱度已經冷卻，因此，如果做中長線部署，唔建議吸納李寧。 |
|
| 黃敏碩 |
2026-03-19T16:14 |
瑞聲科技(02018)今日中午(19日)出左業績，去年收入318億人仔，按年增長16%，純利就按年增長約40%至約25億人仔，派末期息35仙，按年大增46%，毛利率及派息比率等大致同之前差唔多。睇返公司5大業務，其中，電磁傳動及精密結構件收入持續快速增長，按年增長25.5%，成為公司最大業務。瑞聲股價午後大幅抽高，一度高見34.74元，大升近4%，其後升幅收窄。瑞聲前景係咪可以繼續值得憧憬？ 王道資本及家族資產管理執行董事黃敏碩認為，雖然見到部分業務數據強勁，但都要留意電磁傳動及精密結構件慨應範圍未來可唔可以擴大。佢又話，公司慨聲學及光學產品都面對「內捲」，以及整個生產鏈成本高企慨問題，所以市場都唔敢過分睇好端聲前景。 他又指，雖然瑞聲業務出現突破，例如元器件供應商發展成為人工智能(AI)感知基礎設施建構者，但未必有條件可以咁快同市場接軌，所以較難因為呢個因素谷高估值。 Michael又話，市場焦點始終都落係AI，如果業務唔加入AI元素，有機會出現生存唔到慨問題，不過，即使瑞聲加入AI應用，某程度上都只為左提升公司效率，因此，佢對於借AI全面推動業務，甚或提升公司認受性慨睇法有保留。 |
|
| 黃敏碩 |
2026-03-10T10:13 |
王道資本及家族資產管理執行董事黃敏碩推介中集集團(02039) 推介原因： -業務受惠能源結構需求，研發的超低溫儲罐材料和核心液貨系統，打破日本企業長期壟斷 -製造成本低於進口裝備，於全球儲氣需求爆發時，以更高性價比搶佔市場份額 -油氣公司加大海上勘探。 |
|
| 黃敏碩 |
2026-03-06T16:42 |
騰訊控股(00700)將會係3月18日派去年成績表，股價過去約1個月持續向下，一度跌至500元邊緣，股價冇乜催化劑之餘，近日更傳出一個負面消息，就係美國傾緊係咪比騰訊保留遊戲投資，甚至有可能要求騰訊強制剝離當地業務，呢些負面因素消化曬未，即將出爐慨業績可唔可以吸引返資金？ 王道資本及家族資產管理執行董事黃敏碩指，騰訊以往比人慨印象沉穩，但係依家咁多不明朗因素下，投資者宜忍一忍手。Michael續指，由於騰訊係是重磅股，如果有新催化劑及利好消息，有機會大幅推高股價，但呢個同基本面冇關，而係功能性地借勢夾高，佢建議投資者可以睇定些先，始終單睇騰訊基本面，吸引力的確唔大。 |
|
| 黃敏碩 |
2026-02-24T10:39 |
王道資本及家族資產管理執行董事黃敏碩推介中遠海能(01138) 推介原因： -商品及航運等周期性行業前景改善 -美伊局勢令油價保持高位 建議買入價：17. |
|
| 黃敏碩 |
2026-02-20T17:11 |
速騰聚創(02498)發盈喜，主要受惠於激光雷達產品銷售持續增長，呢個核心產品業務主要應用係輔助駕駛(ADAS)、機械人及其他產品，到底係邊方面推動整體激光雷達產品收入增長？ 王道資本及家族資產管理執行董事黃敏碩指，相信係由汽車方面推動，公司之前公布慨定單主要係針對無人駕駛，加上公司會定時供應激光雷達產品畀小鵬汽車(09896)、吉利汽車(00175)等車企，變相激光雷達產品會有穩定慨收入，值得留意係，無人駕駛項目未來會擴展至海外，相信激光雷達產品會繼續有唔錯慨銷售增長。 |
|
| 黃敏碩 |
2026-02-10T09:30 |
王道資本及家族資產管理執行董事黃敏碩推介中國建築國際(03311) 推介原因： -市場預期今明兩年淨利潤增長目標加快 -近年經營現金流由負轉正，溢利及派息料持續增長 -預測股息率6.6厘，預測市盈率(PE)4.8倍，低於過去10年平均值。 |
|
| 黃敏碩 |
2026-02-06T17:20 |
農曆新年好快就到，阿里巴巴(09988)旗下千問App「春節30億大免單」活動今日(6日)正式上線，首輪活動送奶茶，包括內地各大主要茶飲品牌，古茗(01364)、奈雪的茶(2150)等，千問App短短3個鐘內落單量已逾100萬，農曆新年快到，加上有平台活動助攻，茶飲股今轉可唔可以炒耐些？ 王道資本及家族資產管理執行董事黃敏碩認為未必，始終呢個係新消息，長遠要睇定位、營運數字及今年整體發展，今日消息公布後，只有古茗破頂，其他茶飲股都冇跟升，甚至冇乜反應。 Michael指，古茗今年會再開3300間門店，會擴展至一線城市，集團營運有改善，消費者對產品有信心，同埋店舖增加，係呢個乘數效應下，市場對古茗反應會較正面，加上有節日氣氛推動，就炒起股價。Michael建議投資者春節前食糊，因為到時節日效應已到水尾。 |
|
| 黃敏碩 |
2026-01-27T10:35 |
王道資本及家族資產管理執行董事黃敏碩推介信義能源(03868) 推介原因： -內地經營太陽能發電場，並向國家電網附屬企業銷售電力 -截至去年九月底全國累計發電裝機容量按年升17.5%。 |
|
| 黃敏碩 |
2026-01-23T18:20 |
特步國際(01368)今日(23日)中午公布去年第4季營運數據，主品牌零售銷售上季按年持平，表現差過前3季，股價今日一度低見5.06元，要下試5元支持位，後市應如何看待？ 王道資本及家族資產管理執行董事黃敏碩指，特步今次成績表數據較弱，相信市場的失望情緒已在股價上浮現，雖然特步在跑步領域定位清晰，品牌管理亦不俗，但近期整體體育用品板塊表現都比較弱，特步今次公布的銷售趨勢雖有放緩，但沒有出現大幅倒退，投資者可以多觀察未來兩季的增長空間。 Michael補充，雖然第4季旺季銷售未如理想，但比起同業，特步本身估值不算太高，所以因為銷售動力放慢而令到股價有所調整都屬合理，而且特步在板塊之中算有較高的派息比率，相信高息優勢可以支持股價。 |
|
| 黃敏碩 |
2026-01-16T16:50 |
內地官媒上日(15日)收市後報道，國家電網於「十五五」期間將大舉投資40000億元人民幣，用於推動能源綠色低碳轉型、建設新型電力系統、深化科技創新等。消息一出，相關概念股表現強勢，濰柴動力(02338)股價今日(16日)再創52周高位，威勝控股(03393)亦見突破，呢類股份前景如何？ 王道資本及家族資產管理執行董事黃敏碩認為，濰柴動力表現相對紮實，公司具備穩定的訂單項目，本身基建業務亦相對穩定，而且股價在去年底已經打穩個底，基本面較好。Michael亦表示，投資者可留意業務性質接近的三一國際(00631)，有望受政策推動而帶動新業務增長。 至於威勝控股，Michael認為，雖然公司業務定位清晰，但屬於產業鏈後期，需待國策計劃落實後才能帶動設備需求，雖然今日股價一度大升逾8%，但相信估值波動較大，短線急升後或會轉為橫行，投資者需要謹慎部署。 |
|
| 黃敏碩 |
2026-01-13T10:10 |
王道資本及家族資產管理執行董事黃敏碩推介易鑫集團(02858) 推介原因： -中央過去2年不停推出刺激汽車消費政策，旨在推動汽車「以舊換新」補貼政策 -近年集團積極透過人工智能(AI)驅動增長。 |
|
| 黃敏碩 |
2026-01-02T17:47 |
網易(09999)旗下遊戲《燕雲十六聲》周年版本上周六(2025年12月27日)上線，玩家反應唔錯，帶挈網易股價技術上出現突破，後市有冇機會挑戰去年9月高位，即240元樓上？雖然《燕雲十六聲》中國版已上線1年，熱度可能會稍為減退，但加左新玩法及內容後，會唔會變成新增長引擎？ 王道資本及家族資產管理執行董事黃敏碩指，要挑戰去年9月高位要睇有冇新資金流入，例如有冇多些北水，雖然技術走勢有突破，但成交唔算多，若睇好股價向上，短期可以先睇240元呢個阻力。 Michael又話，依家《燕雲十六聲》好受歡迎，玩家忠誠度又高，未來要留意遊戲更新情況。此外，網易旗下《第五人格》、《率土之濱》都有新模式及聯動，相對於騰訊控股(00700)，市場認為網易更主力做遊戲業務，而兩家公司旗下遊戲熱度及吸引力其實都唔同，對網易黎講算係一個正面因素。 |
|
| 黃敏碩 |
2025-12-30T10:24 |
王道資本及家族資產管理執行董事黃敏碩推介古茗(01364) 推介原因： -從事經營現製茶飲店。 |
|
| 黃敏碩 |
2025-12-19T16:44 |
敏華控股(01999)宣布收購美國沙發公司，包括旗下Southern Motion及Fusion Furniture，消息一出，集團股價一度勁彈12%，高見4.94元，係咪反映市場對呢單Deal好受落？ 王道資本及家族資產管理執行董事黃敏碩指，敏華股反應正面，原因係透過今次收購，係當地建廠房，可以減低或避開貿易戰帶黎慨不明朗因素，對集團海外市場布局而言，呢單收購係利多於弊。 Michael又話，今次收購重點唔係改善資產質素，最重要係幫到公司分散業務，而推動未來收入就要靠敏華現有客戶配合，再進一步合理化市銷率(PS)，佢又估計，敏華股價短線有機會再彈高，但要留意呢隻股份比較Chok。 |
|
| 黃敏碩 |
2025-12-16T09:57 |
王道資本及家族資產管理執行董事黃敏碩推介金風科技(02208) 推介原因： -首三季收入按年增34%，盈利增44%，第三季毛利率按季改善 -風電行業第三季經營性淨現金流持續改善，第四季為需求旺季，料價格維持穩健 -盈利處於復甦周期。 |
|
| 黃敏碩 |
2025-12-05T17:02 |
金監總局下調險企股票投資風險因子，刺激內險股今日(5日)大升，其中，獲摩根士丹利唱好慨中國平安(02318)今日(5日)一度大升6.7%，高見60.45元，有份支撐大市。平保進行內部改革後，前景係咪轉趨樂觀？ 王道資本及家族資產管理執行董事黃敏碩指，平保由長期落後追返上黎，雖然仍未跑嬴其他個股，但總算收復今年失地。佢又指，平保依家多左其他新業務機會，收入貢獻有望增加，繼而提升股本回報率，所以平保前景算正面。 Michael又話，雖然平保業績之前受市場拖累，但依家做埋資產管理，當股市向好就可以受惠，而槓桿效應更可以令業績錦上添花。佢相信，由於市場睇好資產管理業務可擴闊業務範疇，而集團分散投資組合，走向多元發展，競爭力自然較同業大。 |
|
| 黃敏碩 |
2025-12-02T10:04 |
王道資本及家族資產管理執行董事黃敏碩推介天岳先進(02631) 推介原因： -從事研發及製銷碳化硅襯底，被廣泛應用於電動汽車、光伏及儲能系統、智能手機等下游產品 -已與多名全球前十大功率半導體器件製造商，建立業務合作關係 -持續提升核心產品產能和產量。 |
|