Commentator |
Time |
Content |
Tag |
黃敏碩 |
2024-04-23T10:50 |
註冊財務策劃師協會會長黃敏碩推介威勝控股(03393) 推介原因: -內地經營智慧能源解決方案,提供電、水、氣及熱能源計量產品 -內地積極加強新型電力系統建設、電網升級改造 -國家電網投資進入新型電力系統關鍵階段,中標能力強。 |
|
黃敏碩 |
2024-04-19T17:50 |
「造車新勢力」中慨理想汽車(02015)股價今日(19日)一度挫8.5%,差少少就失守「紅底股」,主要係昨晚(18日)發布慨新車L6被大行潑冷水,指冇驚喜之餘又定價太高。理想會唔會仿傚小米集團(01810)慨策略,即「蝕頭賺尾」,還是有本身慨策略? 註冊財務策劃師協會會長黃敏碩就認為,由於蔚來(09866)及小鵬汽車(09868)早已倒下,理想就相對做得好,仍可以透過低價或減價策略保住市佔率。不過,市場都關注品牌背後慨生態圈,點樣推動技術發展。 至於小米及華為殺入汽車市場,可能會令人質疑佢地慨車銷情係咪咁理想,但因為品牌係技術上領先,甚至同第三方合作,呢方面都係小米及華為慨優勢,「造車新勢力」就會輸蝕。 |
|
黃敏碩 |
2024-04-09T10:25 |
註冊財務策劃師協會會長黃敏碩推介中國重汽 (03808) 推介原因: -去年純利大增逾2倍,派息比率升至50% -重卡車銷量持續強勁。 |
|
黃敏碩 |
2024-03-26T10:34 |
註冊財務策劃師協會會長黃敏碩推介泡泡瑪特(09992) 推介原因: -擁高效供應鏈,提供具差異化產品及多渠道營銷,演變為潮流引領者 -銷售額過億元的藝術家IP達到10個,續發掘具潛力的潮流藝術家 -越南完成海外工廠的首批產品生產。 |
|
黃敏碩 |
2024-03-21T16:00 |
截至早上11時止,1小時內《彭博》全球用戶關注度上升最多首5隻港股,依次為中國海外發展(00688)、華潤置地(01109)、舜宇光學(02382)、中國神華(01088)、嘉里建設(00683)。 舜宇出左業績,整體毛利率差過預期,末期息又派少一半,富瑞指,集團手機攝像模組均價及毛利率齊受壓,直指業務表現遠差過預期,舜宇股價今朝(21日)先升後回,係咪受業績拖累? 註冊財務策劃師協會會長黃敏碩指,不論睇行業發展或市場競爭,舜宇前景都唔樂觀,早前,對手大立光公布慨收入指引較為樂觀,有分析估計,大立光可能搶走左舜宇定單,所以市場對舜宇慨前景睇法更審慎。 至於舜宇未來發展,黃敏碩指出,集團係採取「兩條腿走路」慨策略,不單發展智能手機攝像模組,亦希望透過提升科技水平配合電動車慨趨勢,呢方面慨開支比例會持續擴大,因此,不論增量、存量、市場競爭力3方面,舜宇都存在變數,業績表現有可能進一步轉差,所以股價就要受壓。 |
|
黃敏碩 |
2024-03-15T16:40 |
國際金價破頂後回落,並呈橫行格局,不過,倫敦期銅似乎好大機會突破每噸9000美元水平,早前市傳內地銅企密密減產,至於鋁價今個月都升返1%,有「中特估」(中國特色估值)概念慨江西銅業股份(00358)、中國宏橋(01378)走勢都好強,中國有色礦業(01258)今日(15日)亦破頂,其他有色金屬股值唔值得繼續跟進,博股價再上? 註冊財務策劃師協會會長黃敏碩認為,現階段宜集中部署,唔好太多心,因為每隻有色金屬股都受需求、供應等因素影響,江銅及洛陽鉬業(03993)暫時值博空間較大,洛鉬本身做稀有金屬,幾乎係獨市生意,所以股價上到高位亦較大機會可以企穩。 佢又話,反觀宏橋主要從事跟鋁相關慨加工,處於生產鏈較下游位置,所以好視乎定單量或經濟大環境,要升到7.5元可能有些難度,因此,呢隻股份暫時可以先觀察,唔使心急入手。 |
|
黃敏碩 |
2024-03-12T10:24 |
註冊財務策劃師協會會長黃敏碩推介嗶哩嗶哩(09626) 推介原因: -去年第4季經調整虧損收窄,有信心今年第3季實現盈利 -上季月活躍用戶升至3.36億,月均付費用戶2800萬 -保持內容生態健康發展。 |
|
黃敏碩 |
2024-03-01T18:05 |
理想汽車(02015)周二(2月27日)出完業績後,股價狂飆逾20%,升穿所有移動平均線,理想股價2月累升67%。集團除左訂立全年80萬架慨銷售目標外,又話未來5年唔會推出車價平過20萬人仔慨車款,係咪反映理想認為有空間犧牲毛利率去追銷量? 註冊財務策劃師協會會長黃敏碩表示,雖然毛利率係一個好好慨示範指標,但面對營運成本,或要控制電池佔電動車慨成本,所以認為目標唔可以講得咁死。 至於理想高位回套壓力大唔大,Michael認為,有自然調整係合理,之前股價曾微轉跌,但因為理想業績交到貨,令市場另眼相看,令股價可以係咁短時累積頗大升幅,由於資金都比較集中,所以就算之後股價回落,只要守得住160元,即10天線水平,仍算係合理調整,只要唔跌穿呢個位,都唔需要擔心對理想今年咁正面慨睇法。 |
|
黃敏碩 |
2024-02-27T10:19 |
註冊財務策劃師協會會長黃敏碩推介濰柴動力(02338) 推介原因: - 內地鼓勵進行大規模設備更新,製造業國產機床採購勢增 - 科技創新驅動高質量發展,以及強化產品競爭力 - 加快淘汰國四車輛,商用車雙積分制度落地。 |
WEICHAI POWER , IT |
黃敏碩 |
2024-02-16T17:17 |
新春過後,內需股炒風持續,其中,旅遊平台股受惠於行業數據靚,摩根士丹利就唱好攜程集團(09961),原因係睇好集團復甦進度比同業快,攜程係咪行業復甦慨大贏家? 註冊財務策劃師協會會長黃敏碩表示,旅遊數據反映有穩定增長,攜程有唔少國際航線、酒店等,無論旅遊或公幹,唔多唔少都會透過平台預約,令單價額度變大,都多左推動空間。 Michael又話,雖然攜程股價升幅相對小,但有條件追落後,除非業績有好大偏差,否則,睇返市場氣氛,攜程股價可上望到330元水平,之後可唔可以再突破,就要睇返攜程慨業務指引。 |
|
黃敏碩 |
2024-02-02T18:20 |
開拓藥業(09939)股價今日(2日)逆市狂飆逾51%,仲收復埋50天線,集團今日出通告,指治療男性脫髮慨藥物KX-286第3期臨床試驗結果獲得內地國家藥監局批准,去年底曾因同1隻藥慨臨床試驗數據未有統計顯著性而急插逾30%,依家藥監局批准臨床試驗結果,市場會唔會都睇好開拓藥業? 註冊財務策劃師協會會長黃敏碩指,開拓藥業股價之前跌得太多,即使今日爆升,但仲未完全收復之前慨失地。佢又話,市場關心醫藥股慨項目集中係境內定境外,因為政策對境內研發項目影響較小,相信未必再成為股價不利消息。 黃敏碩又話,後市要留意市場需求足唔足以量產新藥,從而帶動股份慨毛利率,目前黎講因為醫藥股太殘,資金會借消息炒上去,佢認為短炒無妨,但暫時唔建議作長線投資。 |
|
黃敏碩 |
2024-01-30T10:30 |
註冊財務策劃師協會會長黃敏碩推介中國通號(03969) 推介原因: - 國策推動 「一帶一路」及基礎建設,有助提振集團海外業務 - 同時亦推進交通智慧發展,聚焦高鐵領域。 |
Strategy , CHINA CRSC |
黃敏碩 |
2024-01-19T18:43 |
名創優品(09896)昨日(18日)公布未來5年發展大計,目標是2024至2028年收入複合增長不低於20%,派息比率不低於50%,至2028年底店舖數目較現時增加1倍等。 註冊財務策劃師協會會長黃敏碩認為,集團逆市擴張合理,形容依家係播種期,門店開得七七八八,而經濟又好返,就會進入收成期,始終生活用品都有一定需求,唔一定要靠網購或淘寶,名創都有自己慨特色。 Michael續指,名創目標到2028年知識產權(IP)產品銷售佔比逾50%,或有助提升毛利率,因為現時唔少IP項目希望透過同日常消費品合作來提高知名度,而名創慨產品有IP加持,定價就可以高少少。 不過,佢認為名創目前有17至20倍預測市盈率(PE)仍貴過同業,相信估值係港股呢輪跌浪下仲有調整空間,降至15倍以下市場就可能覺得抵買。 |
Stock |
黃敏碩 |
2024-01-16T10:02 |
註冊財務策劃師協會會長黃敏碩推介江蘇寧滬高速公路(00177) 推介原因: - 核心業務長三角地區高速公路,受惠地區人均國內生產總值(GDP)及汽車持有量 - 積極發展「交通+」業務、新能源業務、「以融促產」的金融業,實現可持續發展 - 現金流充裕,派息政策穩健。 |
JIANGSU EXPRESS , Energy , New Energy |
黃敏碩 |
2024-01-05T18:28 |
佐丹奴國際(00709)發盈喜,預期2023年全年多賺最多約29%至3.45億元,低過市場預期慨3.62億元,同時預測下半年純利按年低最多21%,市場明顯唔收貨,佐丹奴股價今朝低開近14%,午後愈跌愈多,最多曾急瀉26%,見逾半年低位1.97元。 註冊財務策劃師協會會長黃敏碩認為,「假盈喜」會推林佐丹奴股價,除左因為盈利增長不似預期,收息一族或擔心公司銷售表現退步後會大削股息。佢續指,目前市況下,投資者傾向沽曬手上持貨,今日大量沽盤湧現,令股價最終跌穿250天線(又稱牛熊分界線)。 Michael又表示,佐丹奴被視為價值型股份同收息股,一般急跌後唔會有買盤好快撐返起股價,建議已沽貨慨投資者係公布全年派息後,先考慮重新吸納,最好儲夠基本面利好消息先「上車」。 |
Results , GIORDANO INT'L |
黃敏碩 |
2024-01-02T10:40 |
註冊財務策劃師協會會長黃敏碩推介偉仕佳傑(00856) 推介原因: - 業務及產品食正人工智能(AI)潮流, 受惠於電子消費景氣回升 - 企業客戶涵蓋政府、金融、製造、能源等企業, 積極開拓東南亞業務 - 雲計算快速發展。 |
Energy , VSTECS |
黃敏碩 |
2023-12-19T10:08 |
註冊財務策劃師協會會長黃敏碩推介極兔速遞(01519) 推介原因: -成功把握跨境物流機遇拓展服務,為領先電商平台 -業務跨越13個國家,持續加快出海步伐 -採靈活商業模式,在國內以加盟制為主。 |
|
黃敏碩 |
2023-12-08T17:42 |
友邦保險(01299)股價10連跌,累跌近15%,今日(8日)終於有反彈,點解畀投資者沽到咁?但另一隻保險股宏利金融(00945)就「同股唔同命」,股價愈升愈有,點解兩隻保險股走勢會咁分化? 註冊財務策劃師協會會長黃敏碩指,友邦除受穆迪降評級展望影響,本身亦係重磅成分股,底子較弱慨成分股就容易受到拖累。基本因素方面,集團上季保單收入對比第2季明顯轉弱,由於內地經濟及消費力疲弱,第4季保單收入可能更差。 佢又話,宏利唔係成分股,加上集團都係美加上市,股價互動性較強,而係互動效應較大下,股價被刻意撳低慨壓力唔大。 至於低撈友邦還是揀強勢慨宏利?Michael就話,兩隻股份都可以部署,但依家仲未係時候,若大市年底好轉,友邦股價有機會上返70元水平。 宏利方面,佢話有貨慨投資者可繼續持有,始終走勢靚仔,依家14天相對強弱指數(RSI)已上到80,止賺位可以擺係20天線,即149元水平,宏利有條件成為近日跌市避風港。 |
MANULIFE-S , Rating , IPO , IPO , AIA |
黃敏碩 |
2023-12-05T09:31 |
註冊財務策劃師協會會長黃敏碩推介中煤能源(01898) 推介原因: -第3季純利按年跌約19%,但按季升3.7% -A股獲控股股東中煤集團增持 -第4季取暖供煤旺季。 |
CHINA COAL , Energy |
黃敏碩 |
2023-11-24T17:24 |
比亞迪股份(01211)股價今日(24日)「溜後」,其中1個「死因」可能係市傳集團慨汽車減價。媒體指,據經銷商係微信群組發布慨訊息,減價車款包括王朝系列等多款車型,最多減價1.5萬人仔,又話今次減價係為左完成全年300萬部慨銷售目標。正當Tesla係內地加完又加之際,比亞迪減價係咪令人意外? 註冊財務策劃師協會會長黃敏碩認為,比亞迪唔能夠發揮到係業內慨強者領導角色,集團作為內地市場龍頭,投資者認為公司有一定議價能力,但今次部分車款仍要減價,係咪意味內地市場要行呢條路先可以維持到市佔率? 佢又話,比亞迪本身市佔率較大,要維持係有一定難度,加上其他新勢力如華為、小米集團(01810)等,都肯定會「落場」,唔排除比亞迪預見到呢個局面而減價。 |
BYD COMPANY |
黃敏碩 |
2023-11-21T10:12 |
註冊財務策劃師協會會長黃敏碩推介飛天雲動(06610) 推介原因: -為擴增實境(AR)及虛擬實境(VR)服務提供商,服務客戶橫跨多個行業 -應用AR、VR內容及軟體即服務(SaaS)於公司業務。 |
FLOWING CLOUD |
黃敏碩 |
2023-11-10T17:56 |
理想汽車(02015)噚日收市後出左上季業績,轉賺逾28億人仔,但股價今日(10日)一度挫7%,可能同華為新車預售有關,華為首款純電動車「智界S7」上市預售,摩根士丹利估計,華為正式發布電動車會令「造車新勢力」股價係今年餘下時間比較Chok,到底華為新車會對蔚小理構成幾大威脅? 註冊財務策劃師協會會長黃敏碩指,一定會搶走部分市場分額,因為華為有一定受眾,加上有撞款問題,所以都要睇返車價再衡量可比性高低,從而判斷有幾大威脅。佢又話,假設華為「智界S7」做得好,有機會成為業界指標,現有「造車新勢力」要趁華為未電動車業務未賺錢,產量較少及賣得比佢地貴時,嘗試多元發展。 至於理想汽車股價,Michael話,雖然公司前景可能仍然唔錯,但由於大市持續向下,都有需要補返11月4日慨上升裂口,佢又提醒,投資者唔需要急於買貨。 |
Auto , IPO , IPO |
黃敏碩 |
2023-11-07T11:02 |
註冊財務策劃師協會會長黃敏碩推介建滔積層板(01888) 推介原因: - 印刷線路板及覆銅面板庫存不斷消耗,出貨量正重拾升軌 - 下半年經營環境見底改善,電子消費產品市場逐漸回暖 - 人工智能(AI)及物聯網崛起。 |
KB LAMINATES , KINGBOARD HLDG |
黃敏碩 |
2023-10-27T17:48 |
醫藥股今日表現搶鏡,升勢亦十分全面,但其實行業未有傳出任何重大利好消息,點解今日會集體炒上?會唔會同藥明康德(02359)列入內地第3季公募基金前10大重倉名單有關? 註冊財務策劃師協會會長黃敏碩認為,由於其他板塊都受唔同消息影響,所以資金都會避一避,寧願選擇消息較少、相對安全慨醫藥板塊,加上市場認為部分B仔股、生物科技股慨項目有條件商業化,都有正面推動作用,因為部分公司開始有盈利,發展亦正面,令投資者信心大左,其實睇返前兩個星期,呢類股份已經有追升慨情況。 Michael又話,藥明康德列入重倉名單前,業績表現已經唔錯。 |
Earnings , IT , Bio , IPO , IPO |
黃敏碩 |
2023-10-24T09:55 |
註冊財務策劃師協會會長黃敏碩推介滔搏(06110) 推介原因: -國際運動品牌市佔率持續復甦,料明年下半年銷售額及盈利加速 -數字化賦能提高運營效率,加快關閉低效店鋪 -中期盈利增長近17%,營運現金流強勁。 |
TOPSPORTS |
黃敏碩 |
2023-10-20T16:44 |
阿里影業(01060)中午發盈喜,預告截至9月底止中期,最少轉賺4.5億人仔,股價午後應聲彈高近9%,一度高見0.54元。 公司係盈喜通告提及,今年有份投資或發行《消失的她》、《孤注一擲》等內地賣座電影,帶挈公司賺錢。註冊財務策劃師協會會長黃敏碩認為,過去幾年因為疫情封控措施,令唔少電影票房失利,但電影業去年已開始復甦,公司今年能夠虧轉盈扭虧為盈算合理。 不過,Michael指出,電影票房收入不穩定,加上阿里影業業務單一,主要靠投資或發行電影賺錢,相信市場期待公司未來拓展更多業務,例如知識產權(IP)衍生業務。 佢又話,公司一日未有新業務消息,股價好難破頂,但可以炒下波幅,建議待股價回落至100天線水平,即約0.5元再考慮買入,並指影業股中首選貓眼娛樂(01896)。 |
ALI PICTURES , MAOYAN ENT |
黃敏碩 |
2023-10-13T17:51 |
丘鈦科技(01478)昨日(12日)收市後出左9月手機攝像模組出貨數據,按年及按月都要跌,如果睇返第3季,即7月至9月,9月慨出貨量係最少,表現咪真令人失望? 註冊財務策劃師協會會長黃敏碩指,丘鈦不論技術含量或使用率都唔及舜宇光學(02382),但華為出新手機令市場認為內地付運量需求有條件增加後,丘鈦都會有機會受惠。 Michael又指,若市場因華為效應再出新手機,估計都會係中高端,如果手機生產商願意增加資本開支提高質量,丘鈦係產業鏈方面慨競爭力仍略有不足,相反,若手機生產商將貨就價,推出低端手機,丘鈦就有機會受惠。 |
SUNNY OPTICAL , IT , Q TECH |
黃敏碩 |
2023-10-10T09:46 |
註冊財務策劃師協會會長黃敏碩推介凱萊英(06821) 推介原因: -國產創新藥崛起。 |
ASYMCHEM |
黃敏碩 |
2023-09-29T19:02 |
總結9月,表現最好慨藍籌分別係中國神華(01088)、招商銀行(03968)、建設銀行(00939)、匯豐控股(00005)、工商銀行(01398),其中,神華股價9月累升逾10%,跑贏一眾金融股,而其他煤炭股同業今個月表現亦特別亮眼,兗礦能源(01171)累升20%,中煤能源(01898)亦累升約15%,究竟炒緊咩因素? 註冊財務策劃師協會會長黃敏碩表示,最近內地加強煤炭生產安全監管,部分煤企被下令停產整頓,令煤炭供應有所減少,又指煤價持續上升,以秦皇島5500大卡動力煤而為例,而家挑戰緊每噸1000人仔水平,預料有機會去返接近1100人仔水平。 Michael續指,內地就到供暖季節,唔少公司可能趁而家追加產量,相信上述利好因素會反映係第3季業績,尤其利好主營上游業務慨煤企。 Michael認為,雖然兗礦等同業今個月升得勁過神華,但就基本面而言,神華業務表現比較四平八穩,除左煤礦產量穩定,又有「煤、電、港路」四大業務支持集團自給自足,有助穩定毛利率同營運效率,又話股份預測市盈率(PE)約7倍,估值吸引。 |
HSBC HOLDINGS , Energy , CHINA SHENHUA , CHINA COAL , CCB |
黃敏碩 |
2023-09-26T10:51 |
註冊財務策劃師協會會長黃敏碩推介百融雲(06608) 推介原因: -近年專注人工智能(AI)技術應用開發,貼合數碼化轉型趨勢 -市場料內銀增加對IT的投入規模。 |
China Banks |
黃敏碩 |
2023-09-15T16:17 |
貓眼娛樂(01896)股價今日強勢,一度升近7%,逼近12元關口,衝上逾兩年高位。摩根士丹利發報告唱好行業及相關個股,預期今年中國電影票房可回復至疫情前90%水平,加上國產片質素大幅提升,成為票房增長動力,並指貓眼係其中一個受惠者。不過,大摩估計,貓眼下半年盈利同上半年差唔多,係咪意味集團受惠程度其實有限? 寶鉅證券董事及首席投資總監黃敏碩認為,國產片係咪可以維持高質素,持續吸引觀眾入場仍存在不確定性,貓眼股價能突圍而出,主要係集團發行及出品上半年業績唔錯,參與發行出品慨國產電影,覆蓋同期總票房逾80%,但下半年慨盈利要睇公司發行慨電影可唔可以跑出或大賣。另一項穩定業務係票務平台,只要票房較高,貓眼都可以受惠,加上現時經濟環境較差,消費模式改變左,市民多左去睇戲,票務平台可以食正消費新動力慨紅利。 Michael續指,貓眼慨票務平台亦涵蓋演唱會等,內地疫後參與實體活動慨情緒比較高漲,由於演唱會等活動都唔少,幫到票務及廣告收入,令貓眼本身慨一條龍服務相得益彰。 |
Earnings , MAOYAN ENT |
黃敏碩 |
2023-09-12T10:06 |
寶鉅證券董事及首席投資總監黃敏碩推介第一太平(00142) 推介原因: -經營消費性食品及電訊,業務分散且相對平穩 -旗下營多食品(Indofood)為印尼最大綜合食品企業,針對基層用戶,符合消費降級趨勢 -年息率7厘,具防守性。 |
FIRST PACIFIC , Food |
黃敏碩 |
2023-08-29T09:39 |
寶鉅證券董事及首席投資總監黃敏碩推介中國宏橋(01378) 推介原因: - 內地電解鋁錠社會庫存自首季開始回落 - 著力調整區域布區。 |
CHINAHONGQIAO |
黃敏碩 |
2023-08-18T17:21 |
內房陰霾未散下,內房民企代表龍湖集團(00960)上半年業績出乎預期地好,按年多賺7%至逾80億人仔,雖然收入大跌34%,但期內成本減少35%,令毛利率按年有改善。 寶鉅證券董事及首席投資總監黃敏碩指,龍湖呢份成績表已經算有交代,內房經營環境困難下,仲有得派中期息,每股32分同上年大致持平,反映集團現金流充裕。 Michael又話,現時中央集中谷一二線城市慨房地產市場,相信主要係呢些地區發展中高檔項目慨龍湖會較同業受惠。 不過,龍湖中午出業績後,股價愈跌愈多,收市要跌近4%。Michael認為係受目前市場氣氛拖累,因為內房股同人仔匯價息息相關,人仔弱勢加上A股最近走勢向下,連中國海外發展(00688)、華潤置地(01109)等國企內房都要捱沽。 |
China Real Estate , CHINA OVERSEAS , CHINA RES LAND , Real Estate , Real Estate |
黃敏碩 |
2023-08-15T10:20 |
寶鉅證券董事及首席投資總監黃敏碩推介中國聯通(00762) 推介原因: - 下半年將推進基礎業務和新興板塊,擬分拆智網科技上市 - 派息慷慨。 |
CHINA UNICOM , SUN HING VISION , IPO , IT , IPO |
黃敏碩 |
2023-08-04T18:01 |
華虹半導體(01347)下周一(7日)上A股,發行4.08億股A股,集資212億人仔,係內地科創板歷來集資額第3大新股,每股發售價52人仔,以今日H股收市價26.35港元計,A股溢價逾1.1倍。 適逢A股市況略為好轉,寶鉅證券董事及首席投資總監黃敏碩估計,有望短暫帶動華虹首掛表現,但長遠而言,市場未必認同AH股價值相差咁多,目前A股偏高慨估值或會回落。佢又話,華虹股價上季開始大走樣,6月起更跌至舊年12月低位,即25港元水平,雖然回A氣勢如虹,但H股已跌定先,認為資金似乎對消息冇乜憧憬。 華虹下周四(10日)出業績,Michael指出,處於行業中下游慨華虹主要生產毛利率較低慨晶圓,雖然銷售收入應可以靠量產優勢同第1季持平,但估計第2季毛利率將會受壓。 |
DAHSING BANKING , IPO , IPO , HUA HONG SEMI |
黃敏碩 |
2023-08-01T10:08 |
寶鉅證券董事及首席投資總監黃敏碩推介中金公司(03908) 推介原因: - 政策將非金融機構的準入門檻提高 - 有消息指將會減印花稅 - 集團在中資券商IPO承銷商中排第3位 建議買入價:17元 目標價:19元 止蝕價:15. |
Rating , IPO , IPO , CICC |
黃敏碩 |
2023-07-21T18:22 |
港股快將步入業績期,其中,匯豐控股(00005)將會係8月初出業績,同業渣打銀行(02888)就會係下周五(28日)派季度成績表,近排兩隻股份都表現強勢,匯控7連升,衝上5年高位,渣打亦迫近3月高位,市場除憧憬息差進一步改善,亦對匯控派息有期待,到底匯控及渣打季績係咪好值得憧憬? 寶鉅證券董事及首席投資總監黃敏碩指,投資者係會對匯控及渣打季績有期待,因為可預測性較高,例如息差改善、回購及穩定派息比率等。 佢又話,早前市場對匯控收購矽谷銀行(SVB)英國子公司有顧慮,不過,隨著相關陰霾消散,令匯控業務有所延伸,收益亦有機會增加,可提升集團對投資者慨吸引力。 |
HSBC HOLDINGS , HK Banks , HSBC , Stock , STANCHART |
黃敏碩 |
2023-07-18T10:15 |
寶鉅證券董事及首席投資總監黃敏碩推介閱文集團(00772) 推介原因: -通過影視、動漫畫等改編,擴大IP影響力,旗下新麗傳媒產品線強 -IP業務或受惠。 |
CHINA LIT |
黃敏碩 |
2023-07-07T17:43 |
據《路透》報道,內地監管機構最快今日,就會向阿里巴巴(09988)旗下螞蟻集開出罰單,最少罰11億美元,但亦標誌著集團超過兩年慨整改有望結束,唔計今次呢張罰單,阿里因反壟斷違規行為已經被罰款180億人仔,阿里面對慨處罰及整改係咪已告一段落? 寶鉅證券董事及首席投資總監黃敏碩指,時間上就罰夠,亦有相關行動處理左,但市場未來仍要留意集團業務整改情況,例如分支業務慨分拆或整合,畀唔畀到市場正面睇法。此外,亦要留意阿里可唔可以釋放估值,繼而推高股價及盈利。 |
ALIBABA , USD , IT |
黃敏碩 |
2023-07-04T09:39 |
寶鉅證券董事及首席投資總監黃敏碩推介AEON信貸(00900) 推介原因: - 本港消費市場動力改善,有利信用卡及個人貸款增長 - 業務去年第3季起持續改善,資產質量穩定 - 擬擴大非利息收入來源,派息比率不低於30%。 |
AEON CREDIT |
黃敏碩 |
2023-06-20T09:53 |
寶鉅證券董事及首席投資總監黃敏碩推介阜博集團(03738) 推介原因: -內地SaaS行業仍處於高增長期 -人工智能(AI)數據系統有助提升資產擁有權保護 -加強多元化增值業務 建議買入價:2.8元 目標價:3.1元 止蝕價:2. |
Rating , VOBILE GROUP |
黃敏碩 |
2023-06-06T10:28 |
寶鉅證券董事及首席投資總監黃敏碩推介中國通號(03969) 推介原因: - 內地城軌信號市場規模達每年220億元人民幣 - 公司訂單周期為三年。 |
RMB , CHINA CRSC |
黃敏碩 |
2023-06-01T16:49 |
阿里影業(01060)去年由盈轉虧,自4月6日發盈警以來,股價最多回調逾20%,過去半年,阿里影業股價基本上一直守住0.4元水平,負面因素係咪已反映曬係股價上? 寶鉅證券董事及首席投資總監黃敏碩指,負面因素之前已反映左,阿里影業作為新經濟股,主要係睇經調整後慨表現,雖然業績冇預期咁差,全年經調整EBITDA按年大升1倍至2.95億人仔,加上市場認為集團業務變數較小,但呢隻股份又未必算好吸引,吸引程度要視乎內地整體票房對股價慨影響,建議現階段想買貨慨投資者以小注為主,或以半冷門慨態度去睇呢隻股份。 |
Earnings , Results , ALI PICTURES , IPO , IPO |
黃敏碩 |
2023-05-23T09:44 |
寶鉅證券董事及首席投資總監黃敏碩推介中通快遞-SW(02057) 推介原因: - 復常後消費支出逐步恢復增長,快遞需求上升 - 透過全國網絡合作夥伴模式提供服務,現有網點逾3.1萬個 - 首季純利升逾84%,市佔率逾23%。 |
|
黃敏碩 |
2023-05-12T16:51 |
港股及A股慨火電股今日強勢,其中,華潤電力(00836)創52周新高,其實潤電股價已經升左一段時間,但值得留意係,內地最新公布慨工業生產者出廠價格指數(PPI),跌幅擴大至36%,反映上游生產有通縮情況,亦解釋到點解資源股近期跌得咁急。此外,煤價回落,加上夏天用電高峰就快到,係咪因而帶挈火電股率先炒上? 寶鉅證券董事及首席投資總監黃敏碩指,好多時股價咁強可能已預先炒定第2季,即係暑假甚至下半年,所以都要小心,潤電及好多煤炭股都係穩步向上,其中一個炒作因素係煤炭價格。 Michael又話,內地PPI及經濟增長都比較慢,電力需求及售電量係咪可以keep住提升都係一個關鍵,始終電力股係靠需求推動,今年頭幾個月純粹因成本下跌,以及毛利率拉升已經係股價反映左,而售電量仍然係未來股價可唔可持續上升,同埋推動業務慨關鍵。 |
ChinaElec , Stock , CHINA RES POWER , Coal , JACOBSON PHARMA |
黃敏碩 |
2023-05-09T10:23 |
寶鉅證券董事及首席投資總監黃敏碩推介中國重汽(03808) 推介原因: - 產品組合優勢 - 加大新能源技術投入,提升產品競爭力 - 內地固投增速加快,帶動商用車需求。 |
SINOTRUK , Energy , DAHSING BANKING , New Energy |
黃敏碩 |
2023-04-28T17:47 |
中國中免(01880)係今年1月曾升過一浸,原本以為公司會受惠於內地疫後重啟,但股價之後都要回落,大和指,中免股價已反映大部分利淡因素,包括毛利受壓及銷售增長放緩,又話依家係入市時機會,目標價240元,評級「買入」,投資者應該點部署? 寶鉅證券董事及首席投資總監黃敏碩指,內需股毛利率低過30%,對投資者慨吸引力唔大,中免係硬件方面係行業領頭羊,但現時發揮慨效益及復甦慨爆炸性仍未夠,可能同成本控制唔太理想、實體店開得太快、太多,導致供過於求有關。 佢建議投資者睇定些先,依家買入仍有機會再跌,所謂「寧買當頭起」,等市場或股價更有信心時再入手會更安心。 |
Rating , EVERCHINA INT'L , CTG DUTY-FREE |
黃敏碩 |
2023-04-25T09:45 |
寶鉅證券董事及首席投資總監黃敏碩推介中國建築國際(03311) 推介原因: - 上季多賺17%,新簽合同金額472億元 - 著重公共及私營建築業務,受惠本港疫後經濟復甦,加快公營建屋 - 積極優化項目。 |
CHINA STATE CON , CCIAM FUTURE EN |
黃敏碩 |
2023-04-21T12:33 |
截至早上11點,1小時內《彭博》用戶關注度上升最多慨港股,依次為騰訊控股(00700)、融創中國(01918)、比亞迪股份(01211),中國平安(02318)、商湯(00020)。 內房股方面,融創中國境外債務重組涉及慨債券規模超過90億美元,股價連跌3日,今朝最多有反彈20%,但升幅好快收窄,融創復牌之後,股價於1.69元至2.88元上落,對於炒債務重組進展慨內房股短期黎講係咪都只可以炒波幅,而唔係炒業務復甦? 寶鉅證券董事及首席投資總監黃敏碩話內房股宜短不宜長,因為以往大家睇好、有國企背景慨內房股,例如越秀地產(00123),都大舉「抽水」,用作未來增購土地儲備。Michael擔心其他內房股係一個月內都有機會「抽水」集資,所以短期黎講炒波幅就穩陣些。 |
China Real Estate , US Bonds , Stock , TENCENT , BYD COMPANY |