Commentator |
Time |
Content |
Tag |
黃偉豪 |
2024-04-23T11:54 |
銀河娛樂(00027)股價連升第2日,內地「五一黃金周」將至,唔少投資者都趁機短炒銀娛一些在5月至6月到價的短身產品,槓桿6倍至8倍,而較受歡迎長身產品在10月至12月到期,槓桿5倍至7倍。銀娛股價徘徊低位,投資者部署好倉慨時候,應該點揀比較好? 中薇證券研究部執行董事黃偉豪認為,揀銀娛長身產品較合適,雖然大部分投資者認為炒短期某些事件,應該揀短身CALL值博一些,但留意兩款CALL慨槓桿及價外幅度差唔多,最大分別在於時間值,但短身CALL時間值損耗較快,價外最少30%,炒「五一黃金周」熱潮到價慨機會較微,值博空間唔大。 Ravi又指,暫時銀娛慨股價未出現明顯轉勢,距離10天線有約2元距離,對股價能唔能夠大幅度彈上有保留。 |
|
黃偉豪 |
2024-04-16T11:05 |
港股暫時連跌第4個交易日,恆生指數今朝(16日)低開後,跌幅擴大,一度挫近300點。好倉繼續有資金流入,今朝流入4500萬元,5日合計有1億元資金坐貨,淡倉5日合計有約2200萬元資金流出。此外,牛證重貨區介乎16200至16300點,其中,16200點是最多人加倉位置,熊證重貨區就係17200點,最多人加倉係16800點。大市連日下跌,明顯見到資金流較多部署好倉,今日係咪仍然維持呢個趨勢? 中薇證券研究部執行董事黃偉豪認為,港股短期走勢會較為反覆,過去幾日投資者博好倉,因為當時見到大市借勢回落,加上技術上仍未跌穿移動平均線,不過,今朝再跌就有少少破壞左短期上升趨勢,50天及100天線已失守,即16400點水平。 Ravi又話,如果想博好倉,例如牛證就要從收回價著手,宜揀距離現價遠少少,以過夜為主至少要擺係15500點水平。 |
|
黃偉豪 |
2024-04-09T12:51 |
內地昨日(8日)公布,4月批左14款進口網絡遊戲版號,雖然網易(09999)慨遊戲冇份,但股價今日(9日)仍有得升,今朝成交活躍慨CALL集中係9月至12月到期,行使價170元至200元,槓桿做到4至6倍,距離收回價10%至30%慨牛證,槓桿做到3至7倍,兩者槓桿差唔多,想做睇好部署應該點揀? 中薇證券研究部執行董事黃偉豪指,網易股價近期走勢比之前弱,所以建議揀牛證,避免出現縮窩情況,雖然網易股價或會慢慢回升,但始終動力唔大,所以揀CALL可能會縮窩。 Ravi又話,收回價同現價有一定距離,要留意150元係關鍵位置,只要網易股價唔跌穿呢個位,再下試空間唔大,如果守得住,博正股慢慢升返上160元水平。 |
|
黃偉豪 |
2024-03-26T12:45 |
中國石油股份(00857)昨日(25日)出左業績,去年多賺逾8%,派息0.23人仔,高盛指派息符合預期,而集團自由現金更創新高。超短身、1個月就到期慨中石油CALL,行使價7.68元,價外17%,但槓桿做到15倍,博唔博得過? 中薇證券研究部執行董事黃偉豪指,短身CALL慨時間值損耗快,唯一可以博短線價內有好大爆發力,覆蓋時間值損耗慨問題,加上呢隻CALL價外幅度有一定比例,想博就要抱以小博大、可能會輸慨心態,小注去博,如果博到,回報會幾吸引,值博率大。如果睇好中石油前景,建議投資者揀較長身,槓桿唔高慨CALL會更值博。 |
|
黃偉豪 |
2024-03-19T12:26 |
太陽能股信義光能(00968)股價係上公布業績後展開升浪,由4元升至6.8元,累升70%,之前略為調整後,股價今早(19日)向上。信光CALL都有好多選擇,其中,行使價6.98元,輕微價外,4月底到期,時間值唔多,不過,一旦升穿近期頂位,就會係最快到價慨CALL,投資者應該短炒,還是揀返9個月後先到期慨價外CALL? 中薇證券研究部執行董事黃偉豪指,信光暫時只適宜短炒,因為過去大半個月股價升得幾急,亦累積唔少升幅,即使投資者睇好後市,但始終短時間內升得咁急,都較難預測後市走勢,因此,不如博信光慨短期爆發性。 Ravi又提醒,呢類CALL較短身要留意注碼,唔適宜太進取,股價方面,只要守得住250天線,即6.37元水平,令CALL變返價內慨機會較大。 |
|
黃偉豪 |
2024-03-12T10:58 |
雖然港股暫時連升第3日,但恆生指數係100天線有明顯阻力,淡友擺位時係咪都可以參考呢個位?5日合計,好淡倉都有資金坐貨,係咪反映市場對後市睇法有分歧? 中薇證券研究部執行董事黃偉豪指,市場對港股慨睇法都係五十五十,雖然近日大市個勢係強返些,但如果睇返長期趨勢都係偏弱,所以投資者唔會過分樂觀,認為個市會大升。資金部署方面,佢指出,好淡兩邊都有資金做部署。 |
|
黃偉豪 |
2024-03-05T12:39 |
中國聯通(00762)發盈喜,預期全年多賺12%,股價今日(5日)逆市炒上,價外CALL行使價大部分約7.2元,較短身約60日到期慨CALL,槓桿做到9倍,長身少少約90日到期慨CALL,槓桿只得7倍,邊類CALL較值博? 中薇證券研究部執行董事黃偉豪建議揀長身CALL,雖然聯通發左盈喜,但其實股價今日唔算升得靚,呢類股份即使走強,睇返過往表現,都只係呈反覆緩慢上升格局,因此,揀可以楂耐少少慨衍生工具會比較明智。 Ravi表示,較長身慨CALL,槓桿有7倍都算吸引,由於「中特估」概念今年仍然流行,對聯通呢類股份都有正面支持,但要留意聯通股價依家係6元水平有阻力,要升穿6元先有進一步上望空間。 |
CHINA UNICOM |
黃偉豪 |
2024-02-20T12:17 |
獲俄羅斯總統普京批准出售俄羅斯業務慨匯豐控股(00005),明日(21日)會出業績,股價今日(20日)曾衝上1個月高位,報62.85元,如果想做績前部署可以用咩產品? 中薇證券研究部執行董事黃偉豪指,如果做短線業績前部署,用牛證會比較好,因為績前些CALL會比較高,就算業績表現正面,雖然股價會升,但亦有「縮窩」風險,所以依家揀CALL唔算特別值博。 Ravi又話,牛證慨條款唔錯,槓桿有逾10倍,收回價約58元,同現價有一定距離,加上市場對匯控業績慨預期普遍正面,所以建議揀牛證做部署。 |
HSBC HOLDINGS , HSBC , IPO , IPO |
黃偉豪 |
2024-02-06T12:46 |
市場關注內地農曆新年前,會唔會再有刺激經濟政策出台,港股市況牛皮,部署熊證會唔會係較好慨選擇?擺位方面,如果用前高位,即16100至16200點作為收回價合唔合適? 中薇證券研究部執行董事黃偉豪指,港股仍未有大升條件,加上農曆新年前內地未必會推出刺激經濟措施,由於仲有幾日就過年,相信港股大升機會唔大,因此,投資者可以考慮開淡倉做短期部署,但收回價擺16100至16200點會有少少風險,因為只得300至400點收回距離係太貼價。 Ravi建議投資者參考50天線以上,即時收回風險較低慨16500點,作為熊證收回價。 |
Stock |
黃偉豪 |
2024-01-30T12:33 |
恆生指數今朝(30日)低開逾百點,開市即失守16000關。輪證資金流方面,昨日(29日)好友資金轉為流入,流入約630萬元,5日合計有2.17億元離場。淡友資金亦轉為流入,昨日流入3300萬元,5日合計有2.28億元坐貨。牛證重貨區連續3日處於15300點,最多人加倉係係15800點,熊證重貨區繼續係16500點,最多人加倉係16400點。大市再失守16000關,呢個位置短期係咪有較大阻力?貼價牛證已被收回,重貨區會唔會太貼? 中薇證券研究部執行董事黃偉豪指,恆指16000點水平短期應該會有阻力,近期自低位回升近1400點,其實都唔算少,加上近期推升大市慨誘因少左,相信會借勢整固,但要留意農曆新年長假前仲有政策憧憬,或會帶動大市反彈。 產品部署方面,依家牛證重貨區係15300點,如果做即市部署問題唔大,但要過夜或擺耐少少就有保留,一旦大市發力抽高幾百點,牛證有可能全軍覆沒,如果想過夜,可以考慮收回價15000點以下慨條款,若大市反彈,16500點會係下一個挑戰目標。 |
HANG SENG BANK , Capital Flow , Stock |
黃偉豪 |
2024-01-16T12:38 |
理想汽車(02015)昨日(15日)宣布幾個系列大幅減價,股價今日(16日)再向下破位,臨近中午曾見逾半年低位117.4元,半日跌2%。 理想股價連跌3日,但仍未有見底跡象,淡倉係5日計資金流入第4大個股,有669萬元資金坐貨。 熱門PUT輪約26%價外,2024年5月底末至6月到期,槓桿有3倍。中薇證券研究部執行董事黃偉豪認為,呢隻PUT唔算短身,毋須擔心時間值損耗,但價外幅度較大,未必咁容易變價內。 Ravi續指,正股股價累跌幅度頗大,如果後市向上突破250天線,即126元水平,建議淡友先行止蝕。反之,下一步目標價可以放係115元樓下,之後約109元。 |
Capital Flow , Rating |
黃偉豪 |
2024-01-09T12:13 |
聯想集團(00992)股價今日(9日)一度升7%,高見10.88元,係今朝最強勢藍籌,聯想股價之前強勢,但上周開始回套,一度失守10元關口,但今日顯著反彈,差少少就收復所有失地,想部署聯想CALL輪或PUT輪有咩要留意? 中薇證券研究部執行董事黃偉豪指,聯想因為具生成式人工智能(Generative AI)功能電腦概念,股價一直好正面,單睇股價走勢,聯想甚至比匯豐控股(00005)更強,多頭排列兼均線持續擴闊,有機會再試高位,所以資金以部署CALL輪為主,但佢提醒,聯想今日升得比較急,建議等股價回落至10.6元樓下先做部署。 |
HSBC HOLDINGS , LENOVO GROUP , HSBC |
黃偉豪 |
2024-01-02T11:59 |
港股今日(2日)係2024年首個交易日高開,但冇耐已經轉跌,並插穿17000點。輪證資金流方面,好友資金上周五(12月29日)轉為流入逾3400萬元,5日合計有逾4300萬元離場,淡友資金就轉為流出逾1300萬元,5日合計有約1.2億元資金坐緊貨。牛證重貨區上移至16600點,係最多人加倉慨位置,熊證重貨區就繼續係17100點,最多人加倉慨位置係18300點。今朝貼價牛熊證都比較受歡迎,係依家慨市況下會唔會太進取? 中薇證券研究部執行董事黃偉豪認為係比較進取,今日高位係17100點水平,牛證重貨區係16600點,即20天線水平,兩者只相差約500點,除非玩即日鮮,否則,過夜就略嫌太進取。 佢又話,大市今日高低位波幅近400點,如果揀得太貼有收回風險,港股短線方向仍然唔太明顯,投資者都認為趨勢係向下,但短期趨勢都係一個反覆格局,如果向上突破唔到17100點,即50天線水平,向下又未跌穿20天線,亦就好難呈單邊向下趨勢,揀得太貼會有收回風險,可以考慮擺遠些,睇好可以考慮16000點樓下,即2023年尾低位,睇淡可以考慮17500點以上,即100天線以上,會比較安全。 |
HK Cap Flow , Stock , Capital Flow |
黃偉豪 |
2023-12-19T11:50 |
比亞迪股份(01211)今日跌幅顯著,失守200元,再刷新逾8個月低位,近期已明顯弱勢,今日再加大跌勢,好倉較受歡迎,熱門CALL有6月到期,價外25%,睇$250,槓桿6倍,係呢輪跌浪前的水平,呢款CALL條款值搏?到價機會大唔大? 中薇證券研究部執行董事黃偉豪指,呢個條款可考慮博中線反彈,因為6月先到期,唔太短身,唔擔心時間值損耗得非常快,但小心距離價外有些遠,短線番到250元樓上都唔太易。 Ravi又話,以比亞迪近期股價都係向下,似乎都仲尋緊底,所以現階段未企番定,貿然去博要留意,重要關口係3月中大概190元低位,如果跌唔穿先上望220元。 |
BYD COMPANY |
黃偉豪 |
2023-12-05T11:22 |
藥明生物(02269)昨日(4日)開業務會議,股價急瀉後突然中途停牌,集團強調,業務營運維持強勁勢頭,目標今年整體收入實現約10%增長。股份今早(5日)復牌,低開約5%後,跌幅不斷擴大,唔少投資者都開好倉博反彈,熱門CALL輪價外90%,7月到期,槓桿5倍,呢些條款係咪合適? 中薇證券研究部執行董事黃偉豪認為,如果藥明生物大幅反彈,價外條款回報當然吸引,但大幅反彈機會都比較細,因為呢兩日跌落黎慨主因係基於公司營運狀況,相信盈利預測及估值都會被下調,除大行普遍下調目標價,睇返估值下調情況,相信股價仲未跌夠,不過,由於呢兩日跌得比較急,所以有機會出現輕微技術反彈,因為9天RSI已跌到11、12水平,屬於極度超賣。 |
Bio , Rating , WUXI BIO |
黃偉豪 |
2023-11-28T12:40 |
阿里巴巴(09988)股價早前急挫近10%後,已收復部分失地,但股價呢兩日反覆向下,係74元至75元水平徘徊,市場較熱門慨CALL輪都較長身,行使價83元,價外10%,明年8月到期,槓桿4至5倍,係今次大跌之前慨價位,想上返呢些位難度大唔大?行使價可唔可以擺高少少至90元,博高些槓桿? 中薇證券研究部執行董事黃偉豪表示,揀較長身慨CALL唔使擔心時間值損耗問題,阿里公布業績時宣布暫緩分拆進程暫緩,拖累股價顯著下跌,仲有一個較大裂口,即使呢幾日反彈,都只係修補到一半,反映投資者態度偏向謹慎。若揀長身CALL就要畀多些耐性,短線仍有反彈空間,預期股價係73元至77元上落。 |
ALIBABA , IT |
黃偉豪 |
2023-11-14T11:55 |
中國平安(02318)股價噚日跌至年內低位36.6元,今朝持續向好,好倉最少連續6日有資金流入,5日合計有3000萬元坐緊貨,係資金流入最多個股,雖然平保股價持續弱勢一段時間,但今朝有唔錯反彈,想做部署應該點擺位? 中薇證券研究部執行董事黃偉豪指,短線博反彈比較好,雖然平保股價有反彈,但日前創新低之餘,股價今年亦不斷跌緊落黎,而宏觀因素亦較利淡平保,所以估值一直被下調,雖然呢兩日彈高,但整體形態其實冇變。 Ravi又話,平保今日反彈,但10天線仲未升穿,因此,如果想部署好倉,最少要等股價收復10天線,再上望40元水平,暫時都係做短線即市操作比較好。 |
PING AN , Capital Flow |
黃偉豪 |
2023-11-07T11:05 |
港股昨日(6日)顯著造好,恆生指數升逾300點,但今朝出現回套。好倉連續3日有資金流出,噚日流出逾5600萬元,但淡倉連續4日有資金流入,噚日流入逾8500萬元。此外,牛證重貨區上移至17200點,亦係最多人加倉慨位置,熊證重貨區就上移至18300點,最多人加倉係18500點。依家最貼價牛證同現價距離逾500點,係咪一個安全水平?熊證擺位參考資金密集區,即18300至18500點,係咪合適? 中薇證券研究部執行董事黃偉豪指,港股過去幾日升左約1000點,係升得比較急,所以今日出現調整都係正常,佢認為港股年底前仍有條件試高少少,牛證擺位距離現價約500點係冇問題,但就要睇緊些,始終大市近期都比較波動,但熊證收回價擺18500點,除非做即市部署,否則,會有一定風險。 |
|
黃偉豪 |
2023-10-31T11:28 |
快手(01024)今朝走勢反覆,一度失守50元關口,資金流方面,快手好倉連續5日都有加倉,合共有1187萬元資金坐緊貨,係個股中最多,今朝成交活躍慨CALL輪都較長身,條款亦偏保守,明年4至10月先到期,依家係咪較適合做保守部署? 中薇證券研究部執行董事黃偉豪認為,考慮到依家市況比較反覆,做保守部署的確較合理,市場上較多長身好倉,因為暫時唔需要考慮時間值損耗問題,除非大市或快手會出現強勁反彈,否則,如果揀短身CALL,時間值損耗會比較快,風險會較大。快手股價已重返4月、5月低位,出現技術反彈都唔出奇。 佢又話,揀長身CALL輪博反彈會比較好,止蝕價可以擺47.5元,即4月低位。 |
Capital Flow |
黃偉豪 |
2023-10-24T11:48 |
騰訊控股(00700)股價暫時連跌第4個交易日,好倉連續5日錄得淨流入,5日合計有4500萬元資金坐緊貨,係個股中最多,今朝成交活躍慨PUT輪都係較短身,11月至明年2月到期,槓桿7至11倍,熊證方面,距離收回價7%至15%,槓桿5至12倍,到底揀熊證還是PUT輪較好? 中薇證券研究部執行董事黃偉豪指,熊證值博率較高,因為騰訊本身係重磅股,大市向下會利淡騰訊,如果要做淡騰訊,建議等股價彈返高少少先開倉比較好。 Ravi建議,揀熊證短線考慮因素較少,因為短身PUT時間值損耗相對高,反觀熊證唔使特別考慮呢樣野。佢又話,暫時先博騰訊股價彈上300元水平,如果升唔穿,再考慮博淡倉。 |
TENCENT , Capital Flow , IT |
黃偉豪 |
2023-10-17T12:22 |
京東集團(09618)股價連跌兩日後,今日出現反彈,京東股價自8月以黎不斷破底,係資金流入最多慨個股,好倉連續兩日有資金流入,5日合計,有近1700萬元坐貨,依家係咪入場博反彈慨好時機? 中薇證券研究部執行董事黃偉豪指,短線可博反彈,但注碼唔好咁大,始終京東基本面比較差,最近都被幾家大行唱淡,因集團中期業績慨收入幾乎冇增長。不過,從技術面睇,京東反彈唔出奇,雖然股價8月以黎不斷創新低,但RSI有輕微底背馳。 Ravi又話,從走勢上睇,博反彈慨話,近期低位105.1元係關鍵止蝕位,暫時反彈目標睇120元。 |
Capital Flow |
黃偉豪 |
2023-10-10T12:03 |
港股今朝繼續升,升市功臣之一慨美團(03690),股價暫時已連升第3日,並收復10天線,美團股價9月以來持續下跌,跌至年半低位105.5元後,近幾日有反彈,美團股價係咪已初步見底?熱門牛證及CALL輪慨槓桿都係5倍,應該點揀好? 中薇證券研究部執行董事黃偉豪指,大市連日反彈,美團呢類重磅股彈多少少都唔出奇,如果短線博美團好倉,揀CALL輪會好少少,始終股價之前跌左咁多,博股價夾高少少,可能會扯高CALL輪,整體吸引力會較大。 Ravi又話,要等股價升穿20天線,即116元以上水平,再上望125元水平,作為做部署慨目標水平。 |
Stock |
黃偉豪 |
2023-10-03T11:04 |
港股係10月首個交易日急挫,恆生指數一度瀉逾550點,今朝牛熊證街貨比例方面,牛證44%對熊證56%,牛證重貨區繼續係17300至17200點,最多人加倉係17400點,熊證重貨區就上移到18100點,最多人加倉係18500點,大市再創今年新低,係時候撈底未?市況未有好轉,今朝些貼價牛證都被收回,依家係咪適宜保守些? 中薇證券研究部執行董事黃偉豪指,係呢個市況下,楂正股慨投資者一定要以保守為主,如果輪場方面,就要睇投資者係咪比較貼市及轉身比較快,大市上周五(9月29日)突然夾高,之前部署左好倉,上周五都食糊離場,或者轉為部署淡倉,今朝又可以食埋呢浸,因此,暫時都係做較快及較短慨操作為主。 Ravi又話,如果真係要博好倉,要過夜或擺耐少少,偏離17000點多少少會比較好,若擺得太貼,收回風險會比較大。 |
Stock , HANG SENG BANK |
黃偉豪 |
2023-09-26T12:30 |
騰訊控股(00700)股價暫時連跌第2日,今朝一度低見300.8元,資金連續第5日流入好倉,5日合計,有3700萬元資金坐貨,係個股中最多,今朝成交活躍慨CALL輪都較短身,但市況未見好轉,好友係咪唔好揀得太貼? 中薇證券研究部執行董事黃偉豪認為,如果選擇短身產品,就要考慮股價短期內有沒有機會上試返行使價,令產品變返價內,而關鍵係要控制注碼。佢又話,騰訊走勢同大市差唔多,當大市跌至年內低位,騰訊就會慢慢去到300元水平,唔排除會出現技術反彈,若大市反彈,唔排除騰訊會再夾高小小,阻力位係320元水平。 Ravi又話,如果想博CALL輪唔係唔可以,但建議盡量揀長身小小,同埋要控制注碼。 |
TENCENT , Capital Flow , IT |
黃偉豪 |
2023-09-19T11:21 |
騰訊控股(00700)大股東Prosus及其母公司Naspers行政總裁請辭,騰訊股價暫時已連跌6日,今朝一度退守上個低位,即306元水平。不過,資金連續4日流入好倉,5日合共有2300萬元坐貨,係資金流入第2大個股,但亦係資金流出最多慨個股,5日合計,淡倉有790萬元資金離場,投資者似乎都係以睇好為主? 中薇證券研究部執行董事黃偉豪指,單睇好淡倉資金流,投資者仍傾向部署騰訊好倉,但以額度計,規模就相對較小,反映市況比較淡靜,亦意味騰訊走勢暫時仍然反覆。如果睇返正股走勢,雖然股價逼近5月底低位,即306元,但對比其他科技股,騰訊仍然較硬淨。 Ravi續指,想博騰訊好倉仍有得諗,始終股價比較硬淨,但要留意,一旦股價跌穿306元,可能要考慮先行離場。 |
IT , TENCENT , Capital Flow |
黃偉豪 |
2023-09-05T12:13 |
騰訊控股(00700)上月中公布業績後,股價有輕微回落趨勢,兩周前一度見314元水平,不過,之後逐步回勇,上返330元水平,短線有冇力上試較高水平,例如334元慨50天線、337元慨100天線,係咪適合做好倉部署? 中薇證券研究部執行董事黃偉豪指,騰訊正股股價過去4個月維持橫行格局,係315元至360元上落,Ravi又話,現價屬於中等水平,如果想博升穿移動平均線,不妨等回落至325元樓下再開好倉,而止蝕位就定係區間底部。 |
TENCENT , IT |
黃偉豪 |
2023-08-29T12:05 |
比亞迪股份(01211)中期多賺2倍至逾109億人仔,但唔派中期息,股價今朝一度逼近240元,但仍然係近期相對低位。今朝成交活躍慨比亞迪牛證,距離收回價10%以內,槓桿做到9倍,而12月到期慨熱門CALL,就做到7至9倍槓桿,應該點揀好? 中薇證券研究部執行董事黃偉豪指,比亞迪短期可以做返好倉部署,雖然比亞迪近日借業績炒高左,但其實集團盈利未必可以大升,因為毛利率低過預期,估值亦唔係平,可以博好倉,但未必一下子會大升。Ravi又話,CALL慨值博率會較大。 |
BYD COMPANY , Earnings |
黃偉豪 |
2023-08-22T13:43 |
表現較差的藥明生物(02269)四連跌,暫於所有移動平均線下,股價今年持續下挫,今日股價貼近年內35.45元低位,博反彈的話,熱門CALL有較長身,明年3月至12月到期,一款價外22%,3倍槓桿,另一款價外2%,2倍槓桿。 中薇證券研究部執行董事黃偉豪指,第一款值博性比較大,雖然價外幅度大,但起碼槓桿都多少少,博中長期有較明顯反彈。 Ravi又話,藥明短線難調頭向上,因為內地醫藥行業有整頓因素,影響整個板塊投資氣氛,加上股價持續低迷,所以中線博好倉會好些,如果冇延伸跌浪,中線上望44元水平。 |
Bio , WUXI BIO |
黃偉豪 |
2023-08-15T11:58 |
港股噚日再失守19000點,今朝低開過百點,內地「三頭馬車」經濟數據出爐後,大市跌幅一度擴大至逾200點,低見18559點。恆指牛證重貨區係18500點,淡友就比較進取,熊證重貨區係貼價慨19500點。 中薇證券研究部執行董事黃偉豪指,雖然由上月底高位約20300點計,恆指已調整左唔少,按道理短期有機會出現技術反彈。 不過,佢認為,內地經濟數據差過預期,加上人仔持續貶值都利淡港股,技術上相對強弱指數(RSI)亦先向下突破,反映大市仍有下跌空間,估計恆指有機會下試18000點水平。 Ravi提醒,淡友唔好揀太貼價慨熊證,好友博反彈可以揀收回價18000點或以下慨牛證,減低收回風險。 |
Stock |
黃偉豪 |
2023-08-08T12:45 |
阿里巴巴(09988)股價近日受制於100元水平,今朝一度跌逾2%,集團將於周四(10日)派季度成績表,依家適唔適合做部署? 中薇證券研究部執行董事黃偉豪認為,近幾季市場對科網股業績預期都偏淡,不過,即使阿里收入增長麻麻,但成本控制做得唔錯,佢估計,阿里今份業績同對上幾季一樣,都會好過市場預期。 Ravi續指,雖然市場對科網股前景偏樂觀,但預期阿里股價後市唔會係大升格局,佢認為,好友可以用短線策略做業績前部署,因為阿里股價近期走勢唔錯,一直沿20天線向上。 不過,Ravi提醒,通常業績前CALL輪引伸波幅會扯高唔少,即使業績好過預期,仍有縮窩風險。 |
ALIBABA , IT |
黃偉豪 |
2023-08-01T12:18 |
快手(01024)今朝開市前發盈喜,預告中期轉賺最少5.6億人仔,刺激股價今朝顯著造好,一度高見72.5元,升近8%,之後升幅收窄,快手有冇力進一步反彈,上試更高水平? 中薇證券研究部執行董事黃偉豪指,快手短期走勢呈明顯上升格局,加上公司發盈喜,對本身未有盈利慨新經濟股黎講係有好大憧憬,呢類平台股一般前期都不斷蝕錢,但只要有錢賺,股價就升得好急,佢估計,快手仲有少少上望空間。 Ravi又話,7月初一度低見50元水平,近日逼近70元,如果依家先做部署,建議止蝕位擺係68元,因為呢個位有較大支持位,如果短線即市跌穿左68元,上升軌略為破壞左,不妨考慮先止蝕離場。 |
|
黃偉豪 |
2023-07-18T10:51 |
港股連升5日後,今朝顯著回套,而牛熊證街貨比例就偏向熊證,擺位方面,較多投資者揀20500點,會唔會太過保守?係咪可以進取些? 中薇證券研究部執行董事黃偉豪指,港股過去個幾星期都彈得比較急,差不多升左過千點,所以係高位部署淡倉都係正常,其實港股仍然係一個區間上落格局,彈下又跌下,未見出現突破,因此,做熊證部署都係比較合適。 佢又話,雖然大市係上落格局,但唔排除夾高時會比較急,恆指近月高位係20155點,所以擺20500點係合理,但港股今朝咁殺落去,投資者轉為較進取亦唔出奇,佢估計,若恆指再失守19000點,有機會落返依家慨牛證重貨區,即18500點水平。 |
Stock |
黃偉豪 |
2023-07-04T14:32 |
中國聯通(00762)股價由5月高位約6元一路跌落近期低位4.86元,近日有回升跡象,目前已連升第3日,如果想博反彈追好倉,成交活躍慨長身CALL輪,行使價5.96元,5倍槓桿係咪值博? 中薇證券研究部執行董事黃偉豪認為,呢批長身CALL值博,唔使擔心時間值損耗較快,加上正股跌得多過另外兩隻中資電訊股,加上已經收復短平均線,有條件借勢反彈。 Ravi續指,若股價突破埋5.8元水平慨大阻力,亦係50天及100天線水平,雖然未到行使價,但回報會幾吸引。 |
CHINA UNICOM |
黃偉豪 |
2023-06-27T12:35 |
阿里巴巴(09988)接連傳出分拆上市消息,最新係旗下菜鳥網絡及盒馬鮮生,最快第3季遞上市申請,今朝較受歡迎慨阿里CALL都係年底到期,價外近20%至30%,行使價約99元,槓桿5倍至6倍,呢類CALL值唔值博? 中薇證券研究部執行董事黃偉豪指,可以考慮中長線持有呢類CALL,因為較長身,時間值損耗唔會咁快,同埋博阿里分拆對股價有刺激作用,但佢提醒,如果去到第3季中後段都睇唔到阿里股價升,就要考慮離場。 Ravi又話,其實唔太睇好阿里分拆,因為分拆後股份會細隻左,以往美國科企因為愈做愈大,先有資金追捧,擔心阿里長線吸引力會下降,但短期而言,仍唔排除分拆會對股價有正面推動作用。 |
ALIBABA , IPO , IT , IPO |
黃偉豪 |
2023-06-20T11:11 |
銀河娛樂(00027)今朝一度升2.6%,係表現較好慨藍籌一,銀娛股價今年一直係50元至56元上落,依家股價係呢個區間慨中游位置,楂住好倉慨投資者係咪應該考慮食糊?還是等埋暑期旺季,博酒店入住情況及賭收都理想? 中薇證券研究部執行董事黃偉豪指,對銀娛睇法暫時都偏向正面,除左暑假旺季因素外,通關後,過去半年賭收係有改善,雖然增幅係以倍數計,但其實金額只係相等於疫前60%至70%,反映去澳門已經唔再只係賭博,所以暑假期間可能會炒作呢個因素,而銀娛非博彩設施都相對多,所以可以睇得正面些。 佢又話,銀娛股價仍有一定動力,因此,只要股價可繼續企係10天線樓上,楂住好倉慨投資者不妨再等一等。 |
GALAXY ENT |
黃偉豪 |
2023-06-13T12:41 |
中國海洋石油(00883)股價連跌第2日,市場依家都睇淡油價後市,如果想開淡倉,係咪唔建議揀短身PUT?8至9月到期慨PUT,槓桿8倍至13倍,但成交活躍慨熊證,槓桿只得2倍至4倍,似乎冇乜肉食? 中薇證券研究部執行董事黃偉豪指,如果做短線操作,可以考慮博油股再向下,因為油價仍處於弱勢,估計仍有幾美元下跌空間,利淡中海油股價。 Ravi又話,過去揀中海油可能係想收息或炒「中特估」概念,但依家「中特估」氣氛弱左,加上中海油幾個星期前已除淨,要到9月再到中期息除淨,所以呢段時間股價可能有下跌空間,短線可以睇10.8元水平。 |
Oil , CNOOC , USD |
黃偉豪 |
2023-06-06T12:41 |
中芯國際(00981)噚日一舉收復10天、20天、50天線,今日平開後,一直企係50天線樓上,好倉已最少連續5日錄得淨流入,5日合共有逾680萬元資金坐緊貨,中芯股價噚日急升6%,係咪應先行食糊離場?想繼續追好倉可以點擺位? 中薇證券研究部執行董事黃偉豪指,本身楂住好倉係手,又有一定利潤慨投資者,可考慮先換一換馬,雖然中芯唔可以同外國慨芯片公司比較,但仍有追落後本錢,如果短線可企穩20元水平,預期股價反覆向上,因此,有好倉係手慨投資者,可考慮拿部分利潤換馬較遠價慨CALL輪。 |
SMIC , Capital Flow |
黃偉豪 |
2023-05-23T12:11 |
快手(01024)首季虧損收窄,較預期好,更計劃回購最多40億元股份,股價今早高開3%,一度升逾6%,市場似乎都收貨,快手向上空間仲有幾大?股份升左咁多上黎,係咪已經冇咁值博? 中薇證券研究部執行董事黃偉豪指,怏手已經升左「兩棍」,依家值博率一定唔算非常高,但業績後先入手風險較低。快手對上兩年都要虧損,今次成功扭虧,對估值帶黎正面刺激,所以股價最近彈返係正常。快手股價迫近約100天、250天平均線位置,大約60元會見阻力,短線可部署60元作目標價。 |
Earnings , Rating |
黃偉豪 |
2023-05-16T11:58 |
百度集團(09888)稍後出業績,目前百度熱門牛證距離收回價約15%,做到5至6倍槓桿,熱門CALL價外約20%,同樣是5至6倍槓桿,今年8至10月到期,到底點揀好? 中薇證券研究部執行董事黃偉豪指出,如果睇好百度再上,牛證同CALL輪分別唔大,但考慮埋百度今日出業績,好多時業績前後引伸波幅都有比較大改變,Ravi建議博牛證會好些,即使業績不太理想,短線都不至於有好大下調風險。 |
|
黃偉豪 |
2023-05-09T11:31 |
騰訊控股(00700)股價繼續係334元水平徘徊,資金連續5日淨流入,合共有逾4000萬元坐緊貨,騰訊股價近日同大市一樣淡靜,熱門CALL輪大部分係價外約20%,槓桿8倍至11倍,股份近期冇乜利好消息,以上擺位會唔會太進取?值唔值得吸納? 中薇證券研究部執行董事黃偉豪指,最主要睇CALL輪慨年期,如果係較長身慨CALL都值得部署,雖然騰訊股價近期冇乜動靜,資金亦唔熱衷買科技股,但較長身慨CALL有一定槓桿,加上價外幅度達一定程度時,當資金追返落去時,存在一定上升空間,因此,部署CALL輪要留意年期夠唔夠長,太短身可能會蝕時間值,加上正股依家係中長期均線以下,升勢唔明顯,所有短身CALL都冇優勢。 |
IT , TENCENT , Capital Flow |
黃偉豪 |
2023-05-02T11:48 |
匯豐控股(00005)今日中午會派首季成績表,市場預期,匯控業績造好,如果依家先做業績部署會唔會太遲?揀短身CALL可唔可取? 中薇證券研究部執行董事黃偉豪指,博業績做短線部署有得諗,估計匯控呢份季績及股價走勢都唔差,股價依家仍處於反覆上升格局,睇基本面預期及技術走勢,有條件再試高些,投資者可以考慮揀短身CALL,但要控制注碼,唔好太重手,因為股價可能係出完業績後縮。 |
HSBC HOLDINGS , HSBC |
黃偉豪 |
2023-04-25T12:10 |
中國海洋石油(00883)周四(27日)公布今年首季業績,公司股價近期強勢,依家好倉仲值唔值搏? 中薇證券研究部執行董事黃偉豪認為,好友買牛證會較買Call化算,因為買中海油Call有縮窩風險。 Ravi建議投資者揀收回價較遠慨牛證,避免股價升勢突然逆轉帶來慨風險,可以留意收回價約10元,槓桿5至6倍慨產品。 |
CNOOC , Oil |
黃偉豪 |
2023-04-18T12:03 |
安踏體育(02020)先舊後新折讓8.8%配股,安踏股價失守100天線,亦曾失守「紅底股」行列,股價短線會繼續受壓定有反彈?建議部署淡倉嗎? 中薇證券研究部執行董事黃偉豪建議,投資者保持觀望態度,部署上唔建議太進取,因為配股造成攤薄效應,加上集資所得部分用於還債,市場感覺不太正面,股價跌係好合理。 不過,佢唔建議追淡或單向部署,因為係輪證上安踏選擇唔多,但唔排除有炒作投資者博跌幅收窄。 |
ANTA SPORTS , IPO |
黃偉豪 |
2023-03-21T12:14 |
收購美國矽谷銀行(SVB)英國業務慨匯豐控股(00005),股價由SVB出事前約59元,跌至噚日低位49.7元,過去5日係較多資金流出淡倉個股之一,匯控仍未失守100天線,1月初3個上升裂口中,噚日已經補左1個,如果補曬就會落返去年12月橫行區,即46水平元慨機會有幾大? 中薇證券研究部執行董事黃偉豪指,匯控股價暫時未去到咁低,雖然近期走勢麻麻,因為歐美銀行業出事,始終都會左右匯控股價,短短兩星期已跌左8元,跌幅都唔小,因此,有部分造淡倉投資者選擇食糊離場都唔出奇。 Ravi又話,由於市場對美國議息結果只都係估估下,因此,好難估計匯控股價走向,資金選擇先離場再觀望都係正常慨。佢認為,匯控再大跌空間唔大,所以落到40元水平機會唔大。 |
HSBC HOLDINGS , HSBC , HK Banks , Capital Flow |
黃偉豪 |
2023-03-14T11:52 |
匯豐控股(00005)噚日宣布以1英鎊收購矽谷銀行(SVB)英國業務,今朝係拖低大市元兇之一,1月以黎仲有幾個上升裂口未補返,匯控淡倉博唔博得過?如果想進取些,收回價約60元慨熊證有冇得諗? 中薇證券研究部執行董事黃偉豪指,聯儲局減息機會唔大,局方亦唔會因個別銀行爆煲、倒閉,改變利率政策方向,仍然係視乎通脹走向,依家炒減息或放慢加息步伐,都係投資者個人判斷,因而影響銀行股氣氛。 Ravi又話,匯控用1英鎊收購返SVB英國業務,表面睇似乎好著數,但關鍵係當中慨注資、債務等帶黎慨影響,加上歐美業務做得唔好,睇返基本因素,匯控暫時都係比較利淡,如果想部署淡倉都可以,但要留意股價有冇機會彈上54元樓上,如果升穿50天線,即55元水平,要考慮先行止蝕。 |
HSBC HOLDINGS , HSBC , HK Banks , US Bonds , GBP |
黃偉豪 |
2023-03-07T11:08 |
賭股近期表現唔錯,其中,銀河娛樂(00027)股價今朝都有得升,一度升穿55元關口。澳門2月賭收增長逾30%,銀娛同金沙中國(01928)股價一直係高位徘徊,冇明顯回調,如果睇好3月及之後「5‧1」假期賭收,開好倉有咩要注意? 中薇證券研究部執行董事黃偉豪指,由於已全面通關,市場一定對賭收有憧憬,但始終都係偏向中線,唔係即時會發生,唔少利好因素都係偏向中長線,如果揀CALL為主,要留意時間性,揀返長身少少,股價方面,銀娛走勢係ok,如果股價繼續貼住53元樓上走,有機會上到56元、57元。 |
GALAXY ENT |
黃偉豪 |
2023-02-07T12:32 |
港股連跌3日後,今朝顯著反彈,牛熊證部署方面,博大市連跌3日後持續受壓,還是博後市會有可觀慨反彈? 中薇證券研究部執行董事黃偉豪指,港股連跌幾日後,借勢反彈,但唔建議現階段貿然博好倉,技術層面上,判斷港股走向時想再穩陣些,起碼要等恆指上返20天線水平,即21700點水平,距離現水平約200點。Ravi又提醒,等恆指企穩20天線,再部署好倉博進一步反彈會比較好,依家博反彈水位未必太多。 |
Stock |
黃偉豪 |
2023-01-31T12:02 |
港股噚日顯著回套,一度失守22000點關口,恆指今朝反彈,10天線係咪有較大支持?如果做睇好部署,恆指牛證應該點擺位?噚日最多資金加倉慨21700點穩唔穩陣? 中薇證券研究部執行董事黃偉豪指,隨著北水回歸、A股復市,港股借勢調整,睇返整體格局,雖然後市未必睇得好淡,但已炒左復常及通關一段時間,港股要再上需視乎有冇新催化劑。 佢又話,恆指20天線有較大支持,如果投資者唔係太進取,揀收回價係21400點樓下比較合適,如果揀21700點咁貼,隨時即日被收回。 |
Stock |
黃偉豪 |
2023-01-17T11:57 |
藥明生物(002269)大股東減持套現,股價今朝應聲下跌,依家係咪開好倉慨好時機?不過,今朝成交活躍慨CALL,行使價係80元水平,槓桿只得3倍,至於牛證距離收回價約10%,槓桿做到5倍至7倍,係咪牛證較值博? 中薇證券研究部執行董事黃偉豪指,藥明牛證較值博,其實減持消息唔算太負面,配售價折讓幅度亦唔係特別大,加上牛證槓桿做到5倍至7倍,距離收回價仲有10%價外,即市收回風險唔大,藥明股價由去年10月底低位計,至昨日已累升逾1倍,由於升勢較急,扯高左引伸波幅,揀CALL冇咁著數。 Ravi又認為,可以等藥明股價企穩10天線,即69元水平先做部署,高位可上望77.4元,見68.9元、69元入手可以部署,短期止蝕位擺67元。 |
Bio , WUXI BIO |
黃偉豪 |
2023-01-16T16:42 |
騰訊音樂(01698)係內地市場擁有近70%份額,集團去年第3季透過贊助虛擬演唱會,帶動廣告收入強勁增長,股份評級有機會被上調,大和認為,短期而言,市場對互聯網行業慨投資信心好轉、會員服務收費加價等,都係騰訊音樂慨股價催化劑,不過,截至去年9月底止,集團係收入未有大幅增長下,純利重上10億人仔水平,係咪反映業績基本面持續改善? 中薇證券研究部執行董事黃偉豪指,騰訊音樂基本因素唔差,截至舊年第3季止,在線音樂業務按年增長19%,音樂平台類或平台經濟類股份,都好著重活躍人數表現,騰訊音樂係呢方面的確較強,有逾5.8億人次,付費率亦升至14.5%,如果之後愈黎愈多人肯比錢,盈利前景會較樂觀。 Ravi又話,之前內地對音樂平台實施監管,要求開放市場避免壟斷,消息一度影響騰訊音樂,依家已到左監管尾聲,係重拾行業增長慨時間,騰訊音樂仍有較強議價能力。 |
Results , Earnings , TENCENT , Rating , IT |