| Commentator |
Time |
Content |
Tag |
| 陳建良 |
2022-07-29T15:37 |
美股近日「連過3關」，經歷聯儲局再加息、公布GDP、季績期，都可以持續反彈，反觀港股又再下試20000點關口，應該點解讀美股慨反彈勢頭，以及港股慨弱勢？ 勝利瑞柏基金管理合伙人暨投資總監陳建良指，美股反彈係因為聯儲局預告唔再急進加息，會後聲明亦承認經濟放緩，所以市場預期經濟會陷入衰退，通脹就會降溫，不過，佢認為美股仲未見底，通脹亦有可能再度失控。 至於港股弱勢，KL相信，主要係受政治陰霾困擾，市場關注美國眾議院議長佩洛西亞洲之行，係咪包括訪問台灣，如果佩洛西真係訪台，中方會唔會採取軍事行動暫時係未知之數，相信呢些壓力會令港股繼續下試低位，唔排除恆生指數再失守20000關。 |
Stock , HANG SENG BANK , US Stock |
| 梁偉源 |
2022-07-29T13:10 |
截至早上11時止，1小時內《彭博》用戶關注度上升最多港股，依次為信義光能(00968)、快手(01024)、美團(03690)、領展房產基金(00823)、小米集團(01810)。 信光係今朝升幅最大藍籌，中午收市升近6%，今日成板清潔能源股炒上，係咪同噚日召開慨中央政治局會議有關？會議提及，要全方位守住安全底線，強化糧食安全保障，提升能源資源供應保障能力，加大力度規劃建設新能源供給消納體系。 大華繼顯執行董事梁偉源指，政治局講新能源發展已經唔係新鮮事，佢都唔明點解信光呢類股份咁大反應，睇返成個新能源板塊，光伏玻璃股固然好，但其實最好應該係多晶硅，因多晶硅價格6月至今已累升逾10%，加上呢些公司可以上調產品價格，不過，呢類股份就唔識升，反而信光呢類光伏股就冇加價能力，加上下半年光伏玻璃供應增加，甚至出現供過於求慨情況，所以對光伏股慨升勢令人費解。 Steven又話，黎近要特別留意信光上半年業績，同埋集團對下半年慨展望。 |
Stock , Energy , AVIC JOY HLDG , LINK REIT , XINYI SOLAR |
| 聶振邦 |
2022-07-29T11:03 |
美國經濟連續兩季收縮，但美國總統拜登只係話，對經濟放緩唔感到意外，如果照拜登咁講，經濟只係放緩，唔係衰退，聯儲局9月加息仲會唔會加息0.75厘，還是會稍為「鬆手」？ 華盛証券分析師聶振邦指，暫時美國出左中期業績慨公司唔係一面倒偏淡，所以市場仲觀望緊，究竟美國經濟係咪已經陷入衰退。加息方面，佢認為照噚日聯儲局主席鮑威爾慨言論睇，如果9月、11月、12月3次議息合共加息0.75厘，咁即係平均每次加0.25厘，的確係有降溫跡象。聶Sir又話，黎緊9月就算唔係加息0.25厘，加息0.5厘慨機會都比較大。 |
|
| 盧志明 |
2022-07-29T09:39 |
大唐資本投資策略部總監盧志明推介新秀麗(01910) 推介原因： -三個月銷售淨額按年升61%，純利1640萬美元，由虧轉盈 -旅遊興趣改善。 |
USD , SAMSONITE |
| 文錦輝 |
2022-07-28T17:37 |
俄烏上周簽訂穀物出口協議，烏克蘭可恢復穀物出口，加上內地以至巴基斯坦對小麥需求高，小麥期貨回穩至每蒲式耳800美仙，小麥期貨今個月曾見過750美仙水平，係咪已經見左近期低位？ 艾德證券期貨投資策略總監文錦輝指，其實一眾農產品近期都見過低位，依家借美元強勢可以上返高少少，所以唔建議過分睇淡小麥。佢又話，雖然烏克蘭可以恢復小麥出口，但出完呢一輪後，供應都會少左，Felix估計，小麥期貨第3、第4季仍會走高。 |
Agricultural Products , USD , Expo |
| 植耀輝 |
2022-07-28T17:06 |
華能國際電力(00902)日前出左業績，上半年轉蝕逾32億人仔，股價今日一度升近5%，管理層噚日透露，火電業務將達至收支平衡，依家秦皇島5500卡動力煤現貨價約每噸1200人仔，事實上，動力煤價已企穩係現水平近3個月，後市係咪會隨著煤炭供應增加進一步回落？ 耀才證券研究部總監植耀輝指，煤炭價格對火電行業發展有決定性影響，如果燃煤成本高，電力股就冇運行，預期下半年將會較上半年顯著回落，預期會跌至1050至1060人仔。 Stanley又估計，火電企業下半年好大機會可以扭虧，但煤炭價格走勢仍須視乎發電狀況、需求及國際形勢，依家全球對資源需求增加，因而扯高煤價，所以煤價回落速度係咪合符預期仍要再觀察。 |
ChinaElec , Earnings , HUANENG POWER , Resources |
| 王良享 |
2022-07-28T16:00 |
市場今個星期焦點除左聯儲局加息外，其實今晚都好重要，因為美國會公布第2季GDP數據，市場預期按年會錄得0.3%慨升幅，扭轉第1季慨跌勢。 臻享顧問董事總經理王良享指，呢個預測係基於大部分經濟學家認為，美國勞工市場仍然暢旺，上次非農職位增長逾40萬個，有別於亞特蘭大聯儲銀行所慨GDP Now數據，依家估計係負1.3%，而第1季係負1.6%，即連續兩個季度錄得負增長，意味陷入技術性衰退，但美國係唔會承認，就要留待NBER公布，美國到底係咪衰退，由於權重有唔少放係就業市場，所以點解好多人估計美國經濟明年先有機會出現衰退，因為勞工市場仍然健康，所以就唔承認衰退。 |
|
| 王良享 |
2022-07-28T11:30 |
美國聯儲局持續加息，但香港一直都冇上調最優惠利率(P)幾時加息，本港銀行體系結餘不斷縮水，到底仲可以等幾耐？ 臻享顧問董事總經理王良享就認為，本港加息機會都係一半一半，唔敢講絕對唔加，1個月拆息依家係1.3厘水平，而樓按實際息率2.61厘，已經過左封頂位，但唔代表過左呢個位就要加息，銀行仲可以等到9月，但9月加息應無可避免，依家本港3個月拆息係低過美國0.6%，會產生唔少套息交易買美元，預期金融管理局會繼續干預，銀行體系結餘會同步縮水，去到9月會跌至1000億至1200億元，估計9月加P慨機會較大。 佢又話，美國12月或會停止加息，本港9月加P可能加0.25厘，去到11月再加0.125厘，即全年只加0.375厘，若美國明年停止加息，香港亦會停低。 |
HK Banks , USD |
| 許繹彬 |
2022-07-28T10:59 |
港股繼續陷入膠著狀態，本周日均成交均未達千億，在「塘水滾塘魚」下，儘管大市目前於20,300點看似有顯著支持，但受累於成交過份單薄，因此不論支持點或突破點均不能盡信。 以「股王」騰訊控股(00700)為例，一向其充當「維穩份子」，在本月不但沒有見其股價有「七翻生」之感，反而暫時跑輸大市，股價回落至五月的水平，令投資者摸不著頭腦。 筆者認為，騰訊是北水主力灌溉的對象，近日北水力度有限，拖累騰訊及美團(03690)走勢受阻。此類股份若要「重振雄風」，必須仰賴北水力度回復強勁才可望實現，現階段唯有寄望國內「爛尾樓」問題不再繼續發酵，及較早前市傳國內有意成立規模最多3,000億元人民幣的房地產基金，以及資助深陷債務危機的開發商收購爛尾項目的措施確實會付諸實行，北水若仍然「滴滴仔」式，作有限度灌溉，恆指亦難望出現突破性進展。 息口持續向上，本月納指走勢顯得份外穩陣，在港上市的科技股理應不會出現太大搖晃；再者，國內對科技企業受到懲處已是老生常談的話題，市場對此消息反應不大；但在港上市的科技股仍欠缺銳氣，相信是缺水所致。 談回大市，本周市場聚焦於聯儲局議息會議宣布加息0.75%，一如市場所料，美股顯著造好，但港股則無太大變化；惟投資者需時刻留意美息高企帶來的後遺症，若港匯被進一步衝擊，大市去向將會受阻。除議息之外，本周另一焦點是中美元首於今日(28日)稍後舉行的電話會議，市場寄望將談及撤銷關稅議題，一旦成事，部分股份或會受惠，當中可留意海爾智家(06690)。 |
Stock , RMB , IT , US Stock , TENCENT |
| 陳偉明 |
2022-07-28T10:39 |
最近多名聯儲局官員表態只支持加息0.75厘，美國大力加息1厘的預期驟降，美匯回軟，科網股普遍造好，加上中國銀保監會高度關注內地「爛尾樓」事件，帶動港股上周初報復式反彈，並於上周三(7月20日)高見21,111點。 然而，正如筆者上周預早提及這次絕地反彈背後主因是借好消息「超賣反彈」，小心向上假突破21,000關後回落，強烈建議高位Long Put對沖倉位風險，結果內房斷供事件繼續發酵影響市場氣氛，加上美國議息前夕，港股成交淡靜，高位獲利盤亦湧現，恆指反覆回落，至本周一(25日)低見20,353點。然而，阿里巴巴(09988)將申請在港主要上市，消息帶動港股再度回升至近21,000關。 美國聯儲局一如預期連續第二次加息0.75厘，但無論如何在加息的前提下美元強勢，港股難以向上突破。另一方面，早前支持港股跑贏外圍股市的原因是因為估值便宜及憧憬內地在疫情過後經濟復甦，但隨著歐美股市因為加息回落，估值逐漸與港股拉近，港股吸引力已經開始漸降，加上內地疫情繼續反覆、內房斷供問題未解決，而最重要的是國務院總理李克強明確表示不會為過高增長目標出台超大規模刺激措施，港股向上的催化劑減少，要有再向下跌穿兩萬關的心理準備，港股後市有機會演變成反覆向下格局。 技術上，期指上周三(20日)高位21,135點為短期重要阻力所在，建議投資者繼續逢高造淡，繼續小注Long Put 價外600點下星期五(8月5日)到期的每周期權。由於期指20,207點始終是短期關鍵支持，在未正式跌穿前，盡量避免低沽。 |
Stock , China Real Estate , LINGYI ITECH , USD , US Stock |
| 陳錦興 |
2022-07-27T17:52 |
內房有債務問題外，其實物管股增長亦遇到好大阻滯，呢些公司過往急速壯大，但隨著內房銷售大幅下滑，動工項目又大減，影響物管股併購及擴張，高盛將行業覆蓋股份，下調未來幾年慨收入、盈利及毛利率預測，亦下調大部分物管股目標價，8月中至8月底係物管股業績高峰，係咪唔應該抱太大期望? 英皇證券研究部總監陳錦興指，由於物業發展商合約銷售做得差，甚至唔知可唔可以達標，未來幾年物管公司慨在管面積，增長可唔可以好似以往咁勁係一大疑問，佢估計，大幅增長機會甚微。 Stanley又話，房地產業氣氛疲弱，合適慨併購項目唔多，事實上，市場亦唔支持物管公司做無謂慨併購，所以會限制左增長能力，物管公司過往慨增長故事，相信未來幾年都未必複製到，因此，大行下調預測係合理。 |
China Real Estate , EMPEROR CAPITAL , Earnings , Real Estate , Sachs |
| 聶振邦 |
2022-07-27T16:34 |
藥明康德(02359)噚晚出左中期業績，半年多賺73%，收入則增長68%，符合盈喜預測，其實由公司上周五發盈喜到派成績表期間，大行普遍選擇以不變應萬變，只係野村下調藥明康德目標價，但上調今、明兩年純利預測，強調藥明康德係CRO股首選，其實大行冇唱淡公司，亦睇好行業前景，但點解對股價冇乜支持作用？ 華盛証券分析師聶振邦指，睇返野村慨盈利增長預測只係單位數，但藥明康德市盈率(PE)逾30倍，似乎支撐唔到股價企係現水平，雖然藥明康德今年慨盈利表現都算標青，但睇返每股盈利，係2018上半年賺1.15元，今年就1.86元，每年平均增長都好低。此外，2018年純利只得13億人仔，2022上半年有46億人仔，增長超過2倍，但每股盈利只係增長逾20%至30%，反映公司期內不斷發新股，溝談左盈利表現，未來除非業績表現標青，否則，係不斷發新股下，反而令藥明康德股價受壓。 |
Results , Earnings , Rating , IPO , IPO |
| 文錦輝 |
2022-07-27T11:08 |
Walmart發盈警震散美股，3大指數噚晚全線低收，不過，微軟及Alphabet兩大科企龍頭盤後造好，帶動美股指數期貨回升，其中以納期升得最靚，市場關注科網巨企係經濟衰退憂慮下，業績係咪可以持續交到貨？ 艾德證券期貨投資策略總監文錦輝指，Alphabet份業績係對辦，雲端業務亦有增長，所以唔使太擔心。美股噚晚肯定係畀Walmart拖累，始終Walmart係零售龍頭，如果今季及去到年底業績都唔好，投資者當然擔心，消費信心差，Walmart又唔掂，就會影響成個大市氣氛，加上聯儲局今晚會公布議息結果，既然前一日升左上去，不如先計一計數。 Felix又話，今次聯儲局應該加息0.75厘，但下一次加幾多，所以要留意今晚講咩，但強美元對美國整體企業盈利慨影響係不容忽視。 |
Results , Earnings , USD , US Stock |
| 植耀輝 |
2022-07-27T09:46 |
耀才證券研究部總監植耀輝推介新特能源(01799) 推介原因: -矽料市場供應緊缺局面仍未緩解 -續受惠多晶硅價持續高企 -上半年股東應佔溢利已超越去年全年水平 建議買入價:20. |
Energy , XINTE ENERGY |
| 李偉傑 |
2022-07-26T16:39 |
摩根大通一份報告指，唔係每個加息周期本港樓價都會跌，摩通又係報告中大派定心丸，唔使太擔心發展商慨股價，因為過去22年地產股慨盈利波動率好低，相比同期二手樓價及一手銷售波動介乎逾10%至20%，但地產股盈利波動率僅1.3%，由於資產負債表及經常性現金流強勁，所以有一定抗跌力，地產股前景係咪應該唔錯？ 股評人李偉傑指，在港上市傳統地產股，資產負債表係十分穩健，經營模式係經過幾十年發展，對於美國加息狀況都心中有數，所以地產股韌性或波動係比較細，但點解本地地產股走勢會有咁大分野，關乎佢地係呢段期間有冇樓盤推出，同埋銷售情況係咪持續熾熱，但要留意一點，本地建築成本持續上升，因為「麵粉」貴左，「麵飽」亦自然會貴左，雖然本港樓市等緊加息，但仲未出現一個拐點，如果年尾可以同外國通關，樓市調整壓力有機會細些，對本港經濟及樓市都有正面幫助。 |
HK Cap Flow , HK real estate , Real Estate , hk real estate , Real Estate |
| 梁偉源 |
2022-07-26T14:24 |
截至早上11點止，1小時內彭博用戶關注度上升最多港股，依次為協鑫科技(03800)、蒙牛乳業(02319)、華潤置地(01109)、中國海外發展(00688)及佳兆業集團(01638)。 協鑫科技今日開市前錄得兩手宗大手成交，股價一度升近9%，公司過去一段時間都傳出多個利好消息，上周五獲主席父子增持，上月中又發盈喜，而樂山廠房上星期正式投產，呢些消息對股價慨利好作用可以持續幾耐？ 大華繼顯執行董事梁偉源指，投資者係未知大手上板股份係來自邊個時，市場會憧憬集團獲有份量投資者入股，再加上國內不斷推動環保政策，而係封城之後，6月至今多晶硅價格累升逾10%，其他同太陽能相關慨零件或原料價格都跟升，令投資者憧憬下半年業績會更靚仔，所以股價今日就升左上去。 |
Results , MENGNIU DAIRY , Stock , CHINA OVERSEAS , CHINA RES LAND |
| 黃偉豪 |
2022-07-26T11:39 |
比亞迪股份(01211)深圳廠房因疫情封閉運行7日，股價近期沿10天線向下尋底，並受制於多條平均線，10天線已插穿50天線，出現死亡交叉，依家係時候入手博反彈？ 中薇證券研究部董事黃偉豪指，比亞迪因為之前衝得急，近期走勢較為反覆，見到除左比亞迪，整個新能源車股板塊都係回調居多，睇返技術走勢，一些短期均線出現死亡交叉，或股價落到短期均線樓下，意味股價短線仍較反覆，暫時都好難回升，但較長均線如100天、250天線，同現水平有一段距離，反映長線睇法較正面樂觀，因此，比亞迪吼低做好倉會較好，等正股落返約270元時入手，止蝕價擺256元水平，如果之後股價唔再跌，博整固完慢慢上返300元。 |
Energy , BYD COMPANY , New Energy |
| 盧志威 |
2022-07-26T10:54 |
愈黎愈多股份選擇係香港及紐約雙重主要上市，阿里巴巴(09988)最新宣布已向港交所(00388)提交申請，將新增香港為雙重主要上市地，不過，睇返同樣係雙重主要上市慨股份，例如理想汽車(02015)及小鵬汽車(09868)等，似乎對股價冇乜幫助，但點解呢些公司會選擇雙重主要上市？ 潤淼資產管理董事盧志威指，雙重主要上市唔關股價事，純粹係公司想減低係美國慨敏感資料數據及體積，一旦有咩問題，公司可以即時將業務搬返黎香港，美國方面係唔使完全停牌，佢認為雙重主要上市慨意義就係在於有Plan B，即係一個後備方案，相信對成交量及買賣唔會有太大幫助。 |
LINGYI ITECH , HKEX , IPO , IT , IPO |
| 梁振輝 |
2022-07-26T10:01 |
上周風險資產走勢回勇，反映現時擔心全球經濟衰退或許為時過早。早前投資者倉位極端看淡，故風險資產迎來技術反彈並不意外。即使經歷了上周的反彈，市場倉位依舊偏淡，市場情緒仍然低落，這可能是一個反向訊號，顯示短期內風險資產將會持續反彈。我們相信上行和下行的風險均等，投資者應保持多元配置，避免過度集中單一資產的風險。 過去一周，市場的復甦部分由基本面因素所驅動，美國零售銷售數據較預期理想，意味著強勁的就業市場繼續支持家庭消費，美國消費者信心亦顯示從紀錄低位復甦的跡象。歷史經驗來看，美國密西根大學消費者信心指數在見底之後的12個月內，美股平均投資回報達14%。此外，迄今為止約20%的標普500指數成分企業公布了第二季盈利，整體情況較預期理想，從而幫助提振了投資者信心。 本周公布的美國經濟數據可能需要留神，第二季經濟增長預估可能會顯示美國經濟已經在上半年陷入技術性衰退。亞特蘭大聯儲最近的GDPNow模型的預測顯示，美國經濟第二季衰退了1.6%，與第一季衰退幅度相若。投資者面臨的真正考驗在於，美國是否會更深度及更長時間的經濟衰退和盈利退倒，並同時伴隨著就業市場轉弱？特別是市場目前定價尚未反映對就業市場可能轉弱。 我們認為這個問題的答案很大程度取決於美聯儲未來還會怎樣收縮貨幣政策。我們與及市場共識預計美聯儲本周和9月份將分別加息75個基點，並在隨後放慢加息腳步。美國通脹預期回落，企業信心指標放緩，以及4月份以來樓市大幅下跌的情況如果持續下去，這將支持美聯儲暫停緊縮腳步。不過，美聯儲可能還是希望見到短期通脹持續下降，以及供不應求的就業市場冷靜之後，才會考慮剎停加息。美聯儲加息預期見頂的影響可能會層層傳導至美國國債收益率和美元匯率，引導兩者下行，進而支持全球風險資產表現。 市場面對的風險是美國通脹踞高不下，並沒有像市場預期的那樣在未來12個月跌穿4%。最近幾個月，通脹範圍不斷擴大，已經超越了供應鏈的影響，原因是住宿和服務業成本壓力不斷上升。俄羅斯決定宣布對歐洲客戶的天然氣供應遭遇不可抗力因素，這可能令歐洲今年冬天面臨天然氣供應短缺威脅，後者可能會加劇全球能源危機。這是美聯儲可能需要在2023年加息至遠超過3.5%的風險之一，而該水平是當前市場定價中的最高預期。 歐洲是另一個可能導致市場下行的風險來源，意大利總理德拉吉辭職後，其國內的政治危機無助於歐元區風險資產表現。雖然，歐洲央行上周宣布將使用新工具控制南歐國家債券和德國國債間的利差，但意大利債券相對於德國債券的利差依舊上升。面對通脹飆升的壓力，歐洲央行決定十多年來首次加息50個基點。 市場定價反映出對9月份歐洲央行將會繼續加息。加息可能會拖累歐元區經濟未來幾個季度的增長，令美元短期內更受追捧，特別是日本央行承諾維持超級寬鬆的貨幣政策。與此同時，中國疫情再度反覆，以及圍繞部分專案房貸斷供事件的不確定性，或會壓抑短期內的投資情緒。 |
US Bonds , US Stock , Energy , USD , EURO |
| 陳鳳珠 |
2022-07-26T09:45 |
安里資產管理投資組合經理陳鳳珠推介安踏體育(02020) 推介原因: -第2季防疫措施相對嚴厲，高端品牌業務受影響較大 -6月線上線下銷情好轉，FILA及安踏品牌零售額恢復雙位數增長 -下半年較少大型賽事。 |
ANTA SPORTS |
| 鄭家華 |
2022-07-25T22:45 |
理文造紙(02314)預告，上半年純利倒退大約59%，理由是邊際利潤下跌。 阿仕特朗資產管理董事鄭家華認為，內地零售市道，包括電商在內，上半年表現疲弱，加上燃料、人工、紙漿等原材料價格高企，是導致理文造紙發盈警的原因，而情況於下半年未必明顯改善，相信股價要繼續尋底。 |
Results , LEE & MAN PAPER |
| 譚智樂 |
2022-07-25T16:34 |
青島啤酒(00168)上周公布，會係韓國推出青島啤酒沙灘球套餐，加上憧憬夏天係銷售旺季，以及青啤係幾隻啤酒股中市盈率(PE)最低，呢些消息似乎都係青啤今日逆市炒上慨幕後推手。 獨立股評人譚智樂指，青島啤、華潤啤酒(00291)及百威亞太(01876)，3家公司未來1年慨估值的確有分別，當中以青啤估值最平，而盈利增長較慢慨百威就最貴，不過，如果以近1年銷售數據去睇3年後慨預測PE，其實都差唔多，因此，相信唔會有資金集中訓身某1隻啤酒股，而3家公司都係走高端化路線，只係睇邊個率先跑出，潤啤及青啤股價過去半年跌得較多，短線反彈動力唔錯，但始終即將要面對業績，尤其毛利率見頂回落風險好大，短線要小心走勢逆轉。 |
TSINGTAO BREW , Earnings , CHINA RES BEER , Food , BUD APAC |
| 聶振邦 |
2022-07-25T16:27 |
摩根士丹利認為，上海復旦(01385)作為軍用級晶片FPGA主要供應商之一，現時全國市佔率僅2%，增長空間巨大，相關毛利率高達90%，有望拉動整體毛利率水平，最新就上調復旦今年毛利率預測，大摩估計，復旦慨FPGA產品未來有機會成為集團主要增長引擎。 華盛証券分析師聶振邦指，從數據上黎睇，舊年復旦FPGA收入佔整體17%，反映復旦業績相對分散，所以當其中一個範疇錄得顯著增長，就會對整體收入帶黎利好作用，因此，如果FPGA收入顯著增長，復旦前景係值得睇好。 聶Sir又話，FPGA唔單止係軍用，其實一直都有民用，例如影音設備、手機等，最大慨優勢係客人購買後，可以按個人需要調整程式，加上復旦係FPGA領域慨先驅企業之一，呢些因素都會利好公司前景。 |
SHANGHAI FUDAN |
| 梁傑文 |
2022-07-25T16:12 |
大成糖業(03889)配股集資約3055萬元，仲提及「迫切需要現金」，截至去年底止，公司手頭現金780萬元，但銀行貸款逾9億元，全部屬於短債，負債水平相當高，公司講到十萬火急，但只係籌逾3000萬元，今次集資其實係咪另有原因？ 《香港股票財技密碼》作者梁傑文指，大成負債逾9億元，就算配股籌到呢筆錢全部用黎還錢，隨時還息都唔夠，值得留意係，呢筆錢除左用黎還債，部分會用黎採購玉米及作營運開支，投資者開始覺得今次配股集資只係杯水車薪，根本唔可能完全解決債務問題，亦係睇到公司通告，先知道大成負債金額已經去到天文數字，不過，通告講慨野唔係一定要落實，即使前執行董事孔展鵬有意入股，但冇人知後來係咪有阻滯，令入股計劃告吹。 |
Stock , GLOBAL CORN GP , IPO |
| 李浩然 |
2022-07-25T10:00 |
美國對上一次通脹率如此之高是在1981年11月。當時，也曾出現能源危機，就像今天一樣。而聯儲局在1980年代初一樣為了對抗通脹收緊貨幣政策，普羅百姓結果對經濟狀況越來越不滿，但現在與1980 年代初期和1970年代後期之間卻存在許多差異。 目前，利率雖然已從最低位攀升至3厘水平，但仍遠低於約9%的通脹率。反之，在八十年代初期，利率卻遠高於通脹率。儘管當時利率正在開始下降，但到1981年底，十年期國債收益率仍比通率高出近4個百分點。此外，當年利率普遍較高，比現在最少高出約10個百分點。 而美國的按揭貸款利率方面，在過去幾年從只有2-3%左右水平，升到現在5-6%的水平似乎已令不少人感到震驚。不過，1980年代初期的按揭貸款利率(儘管1981年末的按揭貸款利率已從近19%的高位下降，但仍高達 17.2％)比較，根本是小巫見大巫。當然，那時的房價顯然要低得多。在1981年，美國的平均房價約為7萬美元。不過，二成的首付和17.2%的固定貸款利率，這相當於每月支付800多美元，對於當年嬰兒潮一代來說也並不那麼容易。 當然，高借貸利率的另一面是高固定收益率。在1981年末，買入短期美國國庫券可賺取10%以上的雙位數的投資收益。雖然仍難以跟得上實質通脹，但至少比現在好得多。簡單比較的話，在1981年，消費者面對的環境是10%的存款收益率、17%的抵押貸款率、13％的債券收益率和9％的通脹率。而今天，則是1%的存款利率、5%的抵押貸款率、3%的債券收益率和9%的通脹水平。 再仔細一看的話，即使通脹率在過去18個月左右大幅上升，但過去十年的平均水平仍只是2.2%左右，以歷史標準衡量仍處於低位。反之，在1981年底的時候，其過去十年的平均通脹率為9%(最高接近15%，明顯要比現在高得很多。目前9.1％的通脹率感覺異常高，但與八十年代情況相比，目前高通脹的環境僅相對持續朋較短的一段時間。老實說，如果很難想像要面對持續10個月了9％的通脹普遍人將有何反應，也就更不用說持續十年或更長z。 由於通脹和利率如此之高，到1981年，標準普爾500指數的估值(以CAPE計有)跌至只有8倍左右的個位數水平。今天，股市的估值也有所下降，但按歷史標準衡量仍然很高(CAPE仍高達28.9倍)。無疑，高通脹往往會壓低估值，因此看到「殺估值」是有道理的，但更大的問題是估值下調會持續多長時間以及跌至多低。上一次通脹如此之高時，美國基本上是在短期內經歷了兩次衰退，失業率一度攀升至接近11%。不過通脹最終被收服，主要是因為八十年代時任聯儲局主席的伏爾克(Paul Volcker)瘋狂加息。 如果能夠在沒有看到經濟衰退的情況下克服目前的通脹環境，那就太好了。筆者也不知道有沒有可能，看來還待讀者拭目以待吧。 |
US Bonds , Energy , Volcker , USD , SHANGHAI IND H |
| 郭思治 |
2022-07-25T10:00 |
7月大市已近尾聲，踏進本周後，整個大市將漸受即月期指轉倉及結算等相關活動所主導，而直到執筆一刻止計，本月大市之形態仍暫屬先高而後低，恆指暫是由5日之高位22,198點跌至15日之低位20,215點，即在短短半個月內，大市之跌幅已達1,983點，由於跌勢頗偏促，故其後大市曾略作反彈，但在買盤態度較保守之下，大市之動力明顯不足，故整個反彈衹屬急跌後之技術性後抽而已，即大市暫時會處有波幅而冇升幅，有反彈而冇大升之上落格局中，惟有一點可見到，每當大市跌近月內低位附近時，維穩買盤便會入市扶持，衹是大市雖見喘定，但卻欠缺上升動力。 經過週來之一輪反覆後，恆指已跌穿各組常用的平均移動線，技術上該屬反覆欲試底之弱態，而所指的底，暫該為本月15日之低位20,215點及20,000點大關，值得留意的是，一旦20,000點大關有失，其時較具防守性之支持據點將退守至5月10日之低位19,178點，大市如欲擺脫反覆欲試底之弱態，首要條件是恆指必需先成功重越10天線(20,740點)並穩守其上，另外，成交金額亦必需明顯增加，否則，大市在淡靜氣氛主導下，恆指最後終仍會續試底。 移動線方面之表現持續偏弱，受大市不斷下跌所累，目前10天線(20,740點)已相繼跌穿20天線(21,313點)，100天線(21,148點)及50天線(21,066點)，單從此點看，已可表示整個反覆偏弱之市勢，技術上暫確難以明顯扭轉，在不明之市況中，投資者應該盡量保留現金，靜待另一次低吸良機。 |
Stock |
| 植耀輝 |
2022-07-22T22:42 |
中國飛鶴(06186)發盈警，預計上半年純利倒退33.3％至42.4%。 耀才證券研究部總監植耀輝認為，內地出生率持續下降，加上市場競爭大，飛鶴的嬰幼兒配方奶粉業務，未來仍面對很大挑戰，至於成人奶粉方面，收入應可保持高增長，但始終佔整體收入比重不大，而且毛利率低於配方奶粉，對整體業績幫助有限，相信盈警消息，短期會令股價受壓。 |
Results , Earnings , IPO , IPO , CHINA FEIHE |
| 黃敏碩 |
2022-07-22T16:17 |
時代電氣(03898)發盈喜，預期上半年多賺21%，以集團第1季賺逾3.4億元推算，第2季賺約5億元，略高於過去兩年慨第2季純利。不過，時代電氣股價今日反而逆市跌，到底係咩原因？ 寶鉅證券董事及首席投資總監黃敏碩指，時代電氣發盈喜係市場預期之內，雖然集團慨汽車半導體業務做得好，但市場始終認為係公司主業慨軌道交通裝備產品增長唔理想，所以呢方面會扣減返估值。 Michael又話，依家市場消化緊，股價經過一輪回調後，投資者要密切留意，集團下半年慨基建項目可唔可以提升，同埋毛利率有冇上升空間。 |
Results , TIMES ELECTRIC , Infra |
| 關焯照 |
2022-07-22T15:14 |
歐洲央行相隔11年再度加息， 一出手就加0.5厘，環球央行慨加息取態明顯愈黎愈進取，不過，係各大央行加息愈黎愈重手下，經濟衰退慨風險係咪亦愈黎愈大？ 冠域商業及經濟研究中心主任關焯照指，各大央行為左遏通脹，都傾向係任何情況下都要加息，而需要付出慨代價就係經濟衰退，相信唔會有任何大型經濟體可以避過衰退一劫，事實上，呢些國家慨實體經濟數據都愈黎愈差。 關博士又話，經濟進入衰退反而係好事，因為通常衰退完結前，股市就會見底，投資方面會較易拿捏。 |
|
| 梁偉源 |
2022-07-22T12:51 |
截至早上11時止，1小時內《彭博》用戶關注度上升最多港股，依次為海螺水泥(00914)、中國石油股份(00857)、雅居樂集團(03383)、快手(01024)及聯想集團(00992)。 海螺股價今朝大跌，似乎內房弱勢已蔓延至水泥股，摩根大通今日出左一份31頁慨水泥股報告，下調左水泥股目標價，其中下調海螺目標價13%至46元。報告又睇淡水泥股第2季業績，估計純利按年跌33%至84%，似乎內房一日未走出谷底，相關產業慨股份都撈唔過？ 大華繼顯執行董事梁偉源指，內房問題已困擾經濟及市場好耐，到依家都未有徹底解決方案，估計內房相關產業面對慨問題會陸續浮現。 佢又話，內房需求疲弱，除左影響水泥業，更要面對能源及煤炭成本上升問題，即使近期內地擬增加基建項目，但海螺慨水泥一般係用於房地產，所以未必可以受惠於基建加碼，由於房地產市場暫時都睇唔到有全面復蘇跡象，相信水泥業仍未可以走出困境。 |
Energy , Results , China Real Estate , Oil , Stock |
| 聶振邦 |
2022-07-22T10:56 |
內地爛尾樓斷供火舌已燒到內銀，因為涉及唔少貸款及按揭，市場關注內銀係咪要為呢場危機埋單，不過，H股金融行業指數連續兩個星期受壓後，今個星期可以回穩，表現仲好過內房股，應該解讀為係正面訊號？還是仲未反映危機擴散風險？ 華盛証券分析師聶振邦指，暫時對內銀股影響唔係太大，依家係一個爛尾狀況，同埋產生一個斷供潮風險，而呢部分慨按揭貸款佔整體內銀慨比例較小，雖然爛尾樓會令內銀產生一個不利狀況，但只要確保「保交樓」，就會令內銀楂住慨按揭物業慨價值重新浮現。 聶Sir又話，由於向業主提供一個供款緩衝期，因此，暫時唔會出現一個斷供慨狀況，呢些都可以穩定銀行體系信心，所以令內銀股仍有支持。 |
China Real Estate , China Banks |
| 林嘉麒 |
2022-07-21T22:42 |
銷售文件顯示，特步國際(01368)主席兼大股東丁水波擬減持0.8億股，減持價較周四收市價折讓最多9%，套現逾10億元。 元宇證券基金投資總監林嘉麒表示，特步股價去年急升逾兩倍後，目前亦於相對高位徘徊，大股東選擇減持，或意味下半年業績會遇較大挑戰，而且參考大股東於2010年10月減持後，股價經歷逾一年的調整，相信短期內股價難有運行。 |
XTEP INT'L |
| 羅明立 |
2022-07-21T16:46 |
日本央行公布議息結果，維持利率負0.1厘不變、10年期國債收益率目標續於零水平，消息公布後，日圓變動唔大，係咪美日息差已經唔會令日圓進一步受壓？ 亨達集團助理總經理羅明立指，由於近排美元調整，美元兌日圓係140關口反覆上落，但調整到10天線水平就有阻力。日央行行長黑田東彥指，日央行唔會針對匯率改變政策，而大幅加息會影響經濟，反映日本仍會堅持寬鬆貨幣政策，Patrick估計，美元會持續向上，如果想買日圓，建議投資者係136.8至137.8水平，即10天及20天線水平吸納。 |
USD , CINDA INTL HLDG |
| 植耀輝 |
2022-07-21T16:33 |
洛陽鉬業(03993)上周四收市後發盈喜，預告中期多賺最多75%，但股價要到今個星期先開始慢慢反映，到今日先有較大升幅，其實洛鉬股價連升幾日，同盈喜慨關連性有幾大？ 耀才證券研究部總監植耀輝指，洛鉬第2季利潤比第1季更好，同公司收購或擴大生產市場有一定關係，大行睇好洛鉬未來5年產出可能錄得40%至50%強勁增長，係產能不斷提升下，盈利一定相應增加，雖然洛鉬位於剛果民主共和國慨礦場暫停銅、鈷出口，但對股價似乎冇乜影響，原因係類似事件已經唔係第一次發生，只要有額外資金與當局和解，或達到特定要求，相信礦場就可以重開，所以洛鉬股價彈左幾日，仲價量齊升。 |
CMOC , Resources , Expo |
| 許繹彬 |
2022-07-21T10:55 |
在美國不斷加息及美匯指數持續強勢下，觸發新一輪貨幣貶值危機，全球貨幣難逃「被貶」厄運，尤以日圓及歐元「被貶」的幅度非常驚人；除此之外，強美元更為多國帶來一場前所未有的噩夢，至少有12國家已經出現貨幣違約風險。港元匯價一度觸發7.85兌每美元的弱方兌換保證，香港金融管理局亦「焗住」出手承接港元沽盤，令本港銀行結餘跌穿2,000億港元大關，近年罕見，倘若情況再壞，港加息勢所難免。 從上述全球貨幣危機來看，美國因通脹而導致不斷加息，波及其他與美元掛勾的國家，令其他國家相繼出挸通脹，令全球仍處於冰封狀態的經濟環境，更加雪上加霜；全球股票市場亦難免受貨幣問題拖累，而出現波動，投資者需格外留意。 談回港股，近日成交額突然萎縮，更曾一度跌穿千億水平，儘管昨天作出反彈，但依然力度欠奉；真正原因是北水乏力灌溉所致，歸根究底，相信是國內紛紛出現「爛尾樓」，斷供」的聲音此起彼落。此類不利消息如繼續惡化，定必出現骨牌效應，除不利內房外，物管、內險，尤以內銀定必遭受牽連。儘管本周初曾傳出內地監管部門考慮予「爛尾樓」業主緩衝期，銀行將暫時擱置針對「爛尾樓」業主暫停供款的司法追討，以紓緩斷供風險蔓延，消息傳出後，帶動內房及物管為首的藍籌率先反彈，可惜一日後便打回形，還要靜候官方的答案，才是良策。 適逢當局將於8月7日派發新一輪消費券，反正預期市況淡靜情況短期內未能扭轉，倒不如博一博炒股不炒市，建議先行留意受惠的零售股莎莎(00178)及友和(02347)。 |
HK Banks , USD , Stock , China Real Estate , China Banks |
| 羅尚沛 |
2022-07-20T22:34 |
周黑鴨(01458)近月於公開市場購回本金額2.6億元換股債，公司大股東周一亦購入本金額1.2億元換股債，該批換股債的換股價為10.01元。 銀河證券業務發展董事羅尚沛表示，周黑鴨於2020年發行的15.5億元換股債，年息1%，到期時按面值106.58%贖回，而公司以低於面值的價錢，購回部分換股債，對公司有利，可節省利息開支，至於大股東購入同一批換股債，則可能認為其息率吸引；股價方面，周黑鴨上半年業績，受內地疫情封控措施影響，可能見紅，暫時見到任何催化劑。 |
ZHOU HEI YA |
| 聶振邦 |
2022-07-20T17:51 |
係柬埔寨做博彩生意慨金界控股(03918)，上半年轉賺5270萬美元，中期收入按年增長86%，單計第2季就按季多賺逾39%。金界中期業績大致符合預期，點解股價今日反應咁大，係咪業績有好大亮點？還是有其他原因？ 華盛証券分析師聶振邦指，金界業績的確有亮點，首先係成功扭虧為盈，對應返第1季收入同比增長差不多達40%，對市場黎講係有驚喜，雖然疫情反覆，但第2季仍錄得環比增長，一定對股價有支持，其次係地域上慨分別，澳門及柬埔寨都係東南亞，依家澳門賭業比較疲弱，反觀柬埔寨賭場有起色時，原本流入澳門賭業股慨資金，就會轉投金界。 |
Earnings , NAGACORP , Capital Flow , USD |
| 股中人 |
2022-07-20T17:23 |
股票是一場處理資訊的遊戲。資訊可以昭告天下，也可以暗藏密碼，是好處也是難處。 鄭煤機(00564)創逾一年高，個別確信「價值」的頻友勝出一仗，以近乎RM形式交流的老友能夠完整接收而且正確解讀暗藏密碼，作為信息發送者夫復何求。當然今年硬仗連連，一個半個操作只是微塵，長路慢慢，繼續埋首做功課。 大市交投縮減，往往是尋寶好機會，識途老馬此時此刻不會在社交媒體怨天尤人，而是懂得問要買甚麼。市場上最多人只求林把價位，偏偏此類股民往往輸多贏少，特別近幾季甚麼「技術位」都成陷阱，支持必穿，阻力必破，「止蝕」多過食飯。 變動時代往往是催生新事物的時機。天大地大，只怕狹隘，考試結果即使不如意，灰幾日就足夠，停步就會一輸再輸，勝在有時間，勝在有機會。 倪老作品衛斯理系列的終章《只限老友》中，衛斯理一家與老友溫寶裕向星空出發，溫寶裕放棄消滅人口救地球的想法，轉而尋找新生活，正正就是周國賢的《重逢》，要明就會明，機會遍宇宙。 |
ZCZL |
| 陳錦興 |
2022-07-20T15:49 |
據外媒報道，俄羅斯天然氣完成年度維修後，或會恢復對歐洲供氣，但產量會減少。歐盟又估計，一旦俄羅斯停止供氣，或會令歐盟GDP受損，仲會出現能源危機等連鎖反應，俄羅斯最終決定會係點？此外，天然氣供應少左，可能又要用返煤，煤炭股係咪可以受惠到，其中兗煤澳大利亞(03668)已連升7日，憧憬及利好作用係咪真係咁大？ 英皇證券研究部總監陳錦興指，照現時慨情況估計，俄羅斯部署上有一定難度，睇返基本面，俄羅斯恢復對歐洲供氣慨機會係大左，但供氣量應該會調整。 Stanley又認為，俄羅斯未必會太極端咁完全「斷氣」，因為能源只係反制歐洲其中一項政治工具，如果完全停止供氣，亦會損害俄羅斯經濟。佢又話，隨著歐洲不斷加大對俄羅斯慨制裁力度，即使俄羅斯恢復供氣，數量亦大不如前，估計最多相等於過往40%。 |
Energy , AUD , EMPEROR CAPITAL , Coal , YANCOAL AUS |
| 莊志雄 |
2022-07-20T15:07 |
美股噚晚勁彈，睇返過去一星期，外圍、新興市場股市表現都唔錯，但A股、港股因內房「爛尾樓」風暴而跑輸，點解讀上周外圍呢個反彈？係咪反映已經見左短期底？ 「股市漁夫」創辦人莊志雄指，今次慨反彈已經行左幾個星期，雖然反彈比較反覆，但如果計返收巿低位，標指噚晚彈到6%至7%，如果係熊巿反彈，佢認為仲有得彈，但係反彈慨情況都有分先後次序，從環球股巿黎講，第1季A股、港股跌得最殘，所以會率先反彈，美股跌到6月就開始反彈，同樣都係由跌到最殘慨增長股、科技股及虛擬貨幣彈起先。不過，去到反彈中段，其他大巿值美股都反彈，所以過去一星期就唔同之前，而納指就跑嬴左ARKK。 佢又話，去到今個星期，由於大家都以為美元出現突破，但依家已跌穿曬突破日慨升幅，變左歐元有得升，幫到歐洲股巿，而歐元升幅更高達6%，所以歐美股巿係全面反彈。 Lewis認為，由於美元早前強勢，令投資者對新興巿場有憂慮，加上內房危機影響緊A股、港股，但A股、港股之前都試過跌得幾殘，佢提醒投資者唔好係上落巿高追，係低位亦唔使太驚，反而可以考慮買返些貨。 |
Stock , US Stock , China Real Estate , IT , USD |
| 譚智樂 |
2022-07-20T13:47 |
截至早上11點止，1小時內《彭博》用戶關注度上升最多港股，依次為新世界發展(00017)、融創中國(01918)、聯想集團(00992)、時代中國(01233)、中銀香港(02388)。 市傳新世界計劃出售本港非核心業務，涉及逾100億元，包括商場、酒店、全幢商廈或工廈，有D.PARK愉景新城、新蒲崗九龍貝爾特酒店等。本港加息周期快將殺到，呢個時候出售非核心業務，係咪好時機？可唔可以賣到靚價？ 獨立股評人譚智樂指，依家市況大不如前，估計黎緊好多公司都會做類似動作，呢個時候出售資產反映集團對前景睇法仍比較審慎，噚日有消息指，新世界有信心集團未來能維持穩定盈利增長，背後原因係，就算面對經濟增長放慢，甚至有衰退風險，都可以靠出售資產維持短線盈利能力。 譚智樂又話，呢單消息對大市影響唔大，市場唔會因為新世界出售資產，就預期集團有機會派特別息。 |
NEW WORLD DEV , BOC HONG KONG , Stock , LENOVO GROUP , HK Banks |
| 文錦輝 |
2022-07-20T10:43 |
Netflix係噚晚美股收市後出季績，股價係出季績前已經造好，第2季流失97萬付費用戶，但遠勝市場預期，每股盈利亦好過預期，加上估計今季訂戶人數會回復增長，所以盤後再升多浸，市銷率(PS)只得2.5倍，係近10年最低，股價自52周高位回落左70%，跑輸曬美國大型科網股，呢份業績真係有咁大驚喜？股價可以彈到幾高？ 艾德證券期貨投資策略總監文錦輝話，Netflix之前兩次出完業績都跳懸崖式下跌，睇返噚晚慨走勢，美股今晚一定抽上去，有機會抽高40美元至50美元，要博就係場外交易時段，趁佢唔係升得好多，美股今晚開市抽上去就比返佢。 Felix又話，Netflix每次出業績都好驚嚇，好多投機買賣都集中係場外交易時段，或開市頭半個鐘，一見勢色唔對就要走，佢估計，Netflix今晚會有機會升70美元至80美元。 |
Earnings , ETF , USD , US Stock , HSCEI ETF |
| 郭家耀 |
2022-07-20T09:55 |
安里資產管理董事總經理郭家耀推介美團(03690) 推介原因： –業務復甦表現理想 –新業務虧損有望收窄 建議買入價：180元 目標價：220元 止蝕價：165元 |
Rating |
| 譚智樂 |
2022-07-19T18:52 |
地產股慨收入除左樓宇買賣外，唔少都來自商場、租金收入同內地樓市，雖然依家仍未通關，防疫措施亦未見放寬跡象，但如果投資者想入市地產股慨話，幾時先係最佳時機？ 獨立股評人譚智樂指，投資地產股時應該留意加息幅度，由於聯儲局月底可能加0.75厘至1厘，股價短期內可能會調整10%至20%。睇返有實力慨大型地產股如新鴻基地產(00016)同新世界發展(00017)，雖然每年都可以收到8厘至9厘息，但樓價向下加上行業狀況未必配合，地產股有機會行深V型走勢，有可能賺息蝕價。 不過，Arnold亦指，有實力慨大型地產股慨財務狀況夠穩健，唔會出現爛尾、突然停工狀況，呢類地產股有長線投資價值，短線投資就較適合分注吸納。 |
SHK PPT , NEW WORLD DEV , Real Estate , China real est , Real Estate |
| 陳鳳珠 |
2022-07-19T17:24 |
思摩爾(06969)在美國電子煙市場的一大勁敵JUUL，早前被美國食品及藥物管理局(FDA)頒令停售電子煙產品，未來美國市場會唔會成為思摩爾增長動力呢？ 安里資產管理投資組合經理陳鳳珠指出，思摩爾內地市場總佔收入40%，內地業績相對差，恢復比較慢，美國同英國市場合共佔20%，如果要倚賴海外市場增長，彌補返內地慨下跌暫時都係比較困難。 她相信，行業需求量增加，海外業務會呈現增長趨勢，加上集團係海外市場推出一次性電子煙帶動銷售，相信海外收入會有增長，但要完全彌補跌幅有一定困難。 |
Food |
| 盧志明 |
2022-07-19T14:18 |
截至早上11點，1小時內《彭博》用戶關注度上升最多港股，依次為華南城(01668)、瑞聲科技(02018)、東方海外(03160)、銀河娛樂(00027)、聯想集團(00992)。 消息面上，華南城上日公布以12.57億元人民幣，出售物管業務一半持股予大股東深圳特區建設發展集團；另外，今日華南城慨美元債大幅下跌，據報公司考慮將五隻，今年到期的美元債延期，涉及16億美元。 睇返上日的交易，作價估值遠高於華南城估值，有大股東高價科水但股價都無咩反應，係咪同公司本身債務重及還債能力惡化有關? 大唐資本投資策略部總監盧志明指，過去半年華南城一直有減持自己項目，至於減持背後原因，可以追溯到今年2月，華南城陸續同唔同公司搞城市規劃以及能源合作慨協議，進行業務轉型。 盧志明指出，業務轉型呢些都係年中已經見得到，反而要留意慨係黎緊有冇後續消息公布。 |
RMB , Stock , Energy , GALAXY ENT , LENOVO GROUP |
| 黃偉豪 |
2022-07-19T13:38 |
內地監管風波、爛尾樓事件及疫情等不明朗因素影響下，恆生指數一直上上落落，雖然上月高位見22449點左右，但呢排又不停跌，日前跌至20215點，呢個跌幅足唔足以令淡友再搏得進取些？ 中薇證券研究部董事黃偉豪指，係現時恆指由上月高位到依家都跌左成2000點慨情況下，依家先沽慨話已經太遲，雖然市場有不明朗因素，如爛尾樓事件、外圍加息因素及經濟衰退憂慮等，但相信恆指短期內未必有大跌空間。 他建議，投資者即使睇淡都要留意注碼，及選擇一些收回價放係21000點及50天線以上的熊證。 |
HANG SENG BANK , Stock |
| 盧志威 |
2022-07-19T10:57 |
上日恆生綜合指數慨地產建築分類指數錄得一個月來最大單日升幅。金融監管部門據報，考慮為拒絕繼續供爛尾樓慨苦主提供緩衝期，又要求建行(00939)探討同地方政府設立基金，購買在建慨地產項目改建公共房屋，目前有無足夠數據睇到，斷供爛尾樓事件危機不會擴大? 潤淼資產管理董事盧志威指，銀行正面對風險，因為銀行貸款收唔返會對內銀不利，同時間若果要兼顧購買在建項目改見公屋的話，市場未必會鍾意內銀要做埋呢樣野，認為內銀股走勢或回跌，最終要視乎事件會否要由銀行去收拾殘局。 |
China Banks , HANG SENG BANK , Real Estate , HK Banks , Real Estate |
| 黃敏碩 |
2022-07-19T10:57 |
寶鉅證券董事及首席投資總監黃敏碩推介新創建(00659) 推介原因: -業務涵蓋收費道路、環境管理、物流設施、建築及交通等 -退出飛機租賃業務，擴大物流領域發展，積極收購多項物流企業 -發盈喜，核心業務經營溢利保持穩定。 |
CMBC CAPITAL |
| 梁振輝 |
2022-07-19T10:06 |
美國6月份通脹數據高於市場預估，加上就業市場狀況較預期緊張，令投資市場前景蒙上更多陰影。全球各大中央銀行加快緊縮政策的任務變得更加緊迫，從而加劇了未來幾個季度經濟增長大幅放緩的風險。 渣打在下半年展望報告中強調，現時並非過度集中投資於個別資產類別的時機。我們偏向在基準資產配置模型中，廣泛而多元地配置股票、債券和另類資產，並增加對美國和歐洲醫療保健股等防禦型板塊的倉位，同時繼續借助能源股、黃金和私募資產對沖通脹前景。 高通脹逼使央行加快行動 美國上周公布的數據顯示整體通脹攀升至9.1%的40年來新高。核心通脹(不包括食品和能源)按月升幅擴大至0.7%，各通脹分項指標的增速均見加快，情況令人憂慮。我們認為，美聯儲7月份加息100個基點及9月份再加息75個基點的風險因而上升。 美聯儲主席鮑威爾曾公開表示遏制通脹是首要任務，美聯儲只會在通脹持續下降數月後才會放慢加息腳步。其他央行亦已經積極應對通脹壓力，加拿大央行上周出乎預期加息100個基點，新加坡和菲律賓央行更未有等待政策會議便出手緊縮貨幣政策。 值得慶幸的是，股債之間的負關聯性似乎已經回歸。最近幾周觀察所見，股票下跌時，債券價格會出現上升，反之亦然，意味通過多元化投資組合分散風險的效益再度出現，扭轉上半年投資者舉步為艱的情況。 美國通脹數據出爐後，長期美國國債價格上升(收益率下跌)，2年期國債收益率一躍超過10年期國債收益率，倒掛情況是自2000年以來最嚴重，預示投資者已經將美聯儲的加息預期推前。市場對終端利率(即加息周期結束之際)的預測仍低於6月份時約4%的高位，意味中期而言，投資者認為美國經濟衰退比高通脹更令人憂慮，這可能會令美國10年期國債收益率難以再突破6月份創下3.5%的11年高位，並可能加快美元見頂的步伐。 美國長期國債收益率看來明顯見頂，相比於傳統的股債均衡配置，我們更看好多元化收益配置的觀點。整體而言，債券價格已經很大程度反映通脹上行的風險及央行緊縮的預期，一旦經濟增長下滑，當前偏低的債券價格可望更為受惠。 參考風險偏好屬穩健的收益型資產配置模型，把52%資產配置於債券、28%於高派息股票及20%於非核心資產，當前的收益率可高於6%，是十多年來的最高水平，有望為投資者提供穩定收益之餘，同時適度分散風險。 |
Gold , US Bonds , Energy , HK Banks , USD |