| Commentator |
Time |
Content |
Tag |
| 阮子曦 |
2026-01-12T22:48 |
藍月亮集團(06993)預告，去年虧損收窄50%以上，意味集團去年下半年扭虧為盈。 華富建業證券投資策略聯席總監阮子曦表示，藍月亮近年開始縮減宣傳開支，成功令去年下半年止蝕，意味業務可望走出谷底，不過這類生活必需品公司，並非目前市場炒作焦點，業務亦難有顯著增長，相信變相盈喜的消息，對股價有正面幫助，但升幅有限。 |
|
| 聶振邦 |
2026-01-12T16:32 |
內地鋰離子電池出口數據由跌升，帶動贛鋒鋰業(01772)等上游股回暖，雖然摩根士丹利預期，出口短期將會激增，但高盛估計，今年下半年隨時供過於求，更重申贛鋒及天齊鋰業(09696)慨「沽售」評級，點睇供應增加慨潛在負面因素？ 高歌證券金融首席分析師聶振邦指，內地將會係2026年4月下調鋰離子電池增值稅出口退稅率，新例實施後，短期會對上游行業有提振作用。此外，除左手機設備及新能源汽車，機械人產業慨蓬勃發展亦有望帶動鋰電池需求，相信產能過剩對鋰業慨實際衝擊，未必好似預期咁大，所以仍對整體鋰業前景樂觀。 聶Sir又話，贛鋒短期利好因素較多，投資者可以先留意股價今個星期企唔企得穩60元，建議要觀察1至2個交易日，唔需要心急沽貨。佢續指，投資者亦可以考慮現價入手，如果想再謹慎些，亦可以等落到56至57元再考慮。 |
|
| 梁傑文 |
2026-01-12T16:15 |
本地券商股LFG投資控股(03938)今早(12日)復牌，雖然深圳券商富中證券以大折讓價收購，但股份今日復牌一度飆逾1.5倍，高見3.76元。富中證券本身已持有部分牌照，今次收購LFG係咪睇中港股係2025年，不論成交及新股市場都十分熾熱？ 《香港股票財技密碼》作者梁傑文認為，兩者確實有關聯，隨著港股成交急增及內地資金重新活躍，資金一定會搵新投資機會，對收購券商慨買家黎講，可以話係「一石二鳥」，因為買方購入慨唔止係一個殼或上市地位，以及牌照或客戶基礎外，更有利業務轉型或資產增值。 Mike又話，LFG知名度唔算高，同埋公司持有慨6號牌未必可以顯著帶動IPO業務，今次收購唯一解釋係買家更睇重佢慨上市地位。佢續指，如果以陰謀論角度分析，買家可能市旺買個殼，當係一個炒作慨投資機會，帳面上隨時已大賺幾倍。 |
|
| 潘國光 |
2026-01-12T11:10 |
人仔近日強勢，摩根士丹利估計，人仔2026年會繼續走強，高盛就預期，人仔年底將會見6.85。若美國聯儲局今年繼續減息，人仔仲有幾多升值空間？ 富邦銀行香港第一副總裁兼投資策略及研究部主管潘國光認為，除左中美息差外，美國係新一年慨地緣政局、軍事動作及政府開支，都令美元體系出現信心危機，加上近年有唔同新興國家及「一帶一路」國家支持中國，國內亦擁有豐富天然資源，以及完善製造業生產線支撐人仔，國內外因素都令人仔轉強，所以表現好過美元及其他貨幣。 Vicks又估計，人仔年中將升至6.9水平，下半年更有望見6.8水平。 |
|
| 趙晞文 |
2026-01-09T22:43 |
藍思科技(06613)上市半年禁售期完結，股價不跌反升，原因是近日相繼有利好消息。 元宇證券大中華區股票投資總監趙晞文表示，藍思近日入股腦機接口概念公司強腦科技，並向對方獨家供應核心硬件模組，日前又於2026年國際消費電子展上，展示多項創新技術及產品，因此市場對其未來業務增長持樂觀看法，大行或相繼調高其盈利預測。 |
|
| 盧楚仁 |
2026-01-09T17:43 |
近日地緣政局焦點必定係美國突襲委內瑞拉，據《彭博》最新報道，美國總統特朗普(Donald Trump)將會見近20名油企高層，又話希望美國油企可以重返委內瑞拉，連串事件會點影響油市？ 獨立外匯商品分析師盧楚仁認為，油價好大機會重返每桶50美元水平，美國之前持續購入石油做戰略儲備，令油價可以企穩55美元以上，但依家特朗普表明要油價跌，加上未來委內瑞拉會有源源不絕慨供應，相信油價好快就會失守55美元，雖然近日美國威脅印度唔可以買俄羅斯石油，帶動油價反彈，但相信油價未來仍會持續向下。 |
|
| 林嘉麒 |
2026-01-09T17:19 |
老鋪黃金(06181)係2025年3度加價，但似乎無損消費者購買意欲，大行亦繼續睇好集團，指剛過去慨元旦需求復甦，預期農曆新年銷售會更強勁。不過，若公司短期內再加價，市場會唔會唔受落？ 元宇證券投資總監林嘉麒表示，如果老鋪黃金短期內再加價，可能對超短線投資氣氛構成一定負面影響。佢解釋，一旦再加價，可能令投資者擔心2025年國家調控金價慨事件會重演，當時相關政策曾導致黃金及珠寶股顯著回調，但佢指出，金價回復力好強，好多時好快就升返上去。 KK續指，老鋪黃金有別於其他同業，隻團主打古法黃金，毛利率較高外，產品認受性亦較高，因此，就算面對金價上升，集團都有足夠能力將加幅轉嫁畀消費者，以保障公司利潤。佢又認為，若金價今年維持升勢，唔排除老鋪黃金會持續加價，但相信唔會打擊公司銷售，並預期老鋪黃金股價有望跟隨金價向上。 |
|
| 關焯照 |
2026-01-09T15:58 |
踏入2026年，港股拿完頭彩之後，似乎無以為繼，1月首3個交易日累升千點，但之後連續兩個交易日回套，累跌逾500點。雖然內地最新通脹數據符預期，令通縮憂慮略為紓緩，但港股仍然彈唔起，但恆生指數暫時仍可企穩26000關樓上，港股要出現突破欠缺咩關鍵因素？ 冠域商業及經濟研究中心主任關焯照表示，依家港股市盈率(PE)約13倍，雖然估值較外圍市場低，但估值低唔代表有買入價值，投資者更著重市場增長動力，現時港股欠缺強勁慨企業盈利支持，同埋鮮明慨投資主題。 關博士又指，市場估計，港企今年盈利增長介乎7%至9%，相比之下，美國企業增長強勁得多，佢認為，除非出現突發性利好因素，例如美國聯儲局減息幅度超預期，或者內地有政策因素利好香港，否則，單靠A股上升或小幅減息，港股好難大升向上突破。 |
|
| 梁偉源 |
2026-01-09T13:07 |
截至早上11時止，1小時內《彭博》用戶搜尋量最多港股，依次為稀宇科技(MiniMax)(00100)、濰柴動力(02338)、恆生銀行(00011)、長和(00001)及中國石油化工股份(00386)。 今日(9日)有3隻新股首掛，內地「AI六小虎」之一慨MiniMax搶盡風頭，半日收市升幅跑贏另外兩隻新股外，更打入10大成交榜，MiniMax一上市市值就衝上800億元，係咪真係物有所值？點睇咁高慨估值？ 大華繼顯執行董事梁偉源表示，踏入2026年，新股市場氣氛顯著回暖，多隻新股上市都有資金追捧，佢認為，今年市場焦點會繼續落係人工智能(AI)相關板塊，MiniMax就食正呢個熱潮，帶動股價升得咁靚，MiniMax除左有核心AI模型外，集團影片生成技術亦大受年輕人歡迎，有一定增長潛力。 Steven又話，MiniMax招股時已有大型傳統主權基金認購，係昨日(8日)暗盤交易時段，亦見到唔少大型機構性投資者積極吸納，反映市場對MiniMax興趣非常大。 |
|
| 盧志明 |
2026-01-09T10:40 |
大唐資本投資策略部總監盧志明推介極兔速遞(01519) 推介原因： -在「雙十一」與「黑色星期五」等全球電商大促周期推動下，全球包裹量再次有突破 -去年第4季合計包裹量按年增長14.5% -大灣區數字化供應產業鏈園區。 |
|
| 梁偉民 |
2026-01-09T10:08 |
美國今晚(9日)將會有唔少重磅消息及數據出爐，包括非農數據、最高法院公布對等關稅(Reciprocal Tariff)意見，甚至係裁決，市場估計，非農新增職位約7萬個，略多過2025年11月，不過，日前公布有「小非農」之稱慨ADP就業數據就差過預期，預期今晚慨非農數據都會偏弱，聯儲局月底減息機會係咪仍然偏高？ 高富金融集團投資總監梁偉民認為，美國2026年上半年減息機會唔大，聯儲局依家處於一個兩難局面，面對美國就業市場顯著轉弱，而通脹就持續不明朗，雖然去年11月消費物價指數(CPI)輕微回落，但市場擔心呢個數字慨準確性，因為期間有美國政府停擺事件，所以一定要睇實下周出爐慨最新CPI數據，因為好影響聯儲局今年上半年慨減息步伐。 |
|
| 林嘉麒 |
2026-01-08T22:41 |
安井食品(02648)剛過上市半年禁售期，其中一名基石投資者連續兩日減持股份。 元宇證券基金投資總監林嘉麒表示，安井所處的行業競爭大，業務前景一般，基石投資者見股價仍高於招股價，沽貨獲利正常，亦不排除會繼續減持股份。 |
|
| 植耀輝 |
2026-01-08T16:22 |
全球現面對記憶體晶片短缺問題，自2025年10月起，DRAM及HBM現貨價格爆升。有市場研究指，人工智能(AI)發展令行業出現結構性轉變，導致晶片供不應求，記憶體荒係咪已經變成一個長遠問題？ 耀才證券研究部總監植耀輝認同，依家市場上慨晶片「一片難求」，係同AI需求大增有關，導致生產線類型轉移。佢又認為，記憶體廠商產能有限，加上大部分產出被AI產品佔據，繼而令資源投入減少。 Stanley續指，問題本身在於AI所需慨HDM產出不足，因此，公司權衝利益後可能會選擇新增同AI相關慨產品，而唔會揀DRAM。佢又認為，呢個問題短期內唔易解決，估計記憶體晶片價格易升難跌。 投資者除左可以考慮相關股份，市面上亦有相關交易所買賣基金，例如GX亞洲半導體(03119)及三星環球半導體(03132)。 |
|
| 許繹彬 |
2026-01-08T14:42 |
回顧2025年，香港股市可用「吐氣揚眉」及「豐衣足食」來形容：恆生指數去年全年大升5,570點，不僅連升兩年，更創下8年以來最強升幅。恆生國企指數去年累升1,623點，而深受投資者熱捧的科技股的恆生科技指數，則全年升1,047點。至於升幅最「勁」的是投資者或未太留意的恆生生物科技指數，去年全年大升5,557點，升幅達64.5%，確實驚人。 去年觸發港股升浪的主因，相信是「Deepseek」效應下引發的AI概念及人工智能相關股份，在市場熱捧下紛紛展開升浪，部分升幅更相當驚人，帶動恆生指數由2025年1月13日的全年低位18,671點起步，升至10月2日高位27,381點，高低波幅達8,710點。 踏入2026年，港股氣勢持續強勁，首個交易日雖欠缺北水加持，但一開市便升穿上月掙扎多時的25,800點關口，收市更升穿26,300點，報26,388點，升幅超過700點，是自2013年以來最好的開局，恆生指數更重返去年11月水平。由於首個交易日的強勁升幅是在欠缺北水下實現，故當日成交額不足1,500億元，投資者亦未因這急升而過分喜悅，大部分人留待北水回歸再作部署，實屬人之常情。果然，內地股市本周重開，北水首日淨買入達187億元，是近3個月最多。 上證綜合指數在今年首個交易日（2日）亦紅盤高開，一舉升穿4,000點心理關口，截至昨日（7日）更一度逼近4,100點水平。目前，港股走勢暫未見特別銳利，原因是產油國之一的委內瑞拉政局不穩，導致投資者轉趨保守，國際油價因此下跌，相關股份顯著受壓，惟大市成交額明顯改善，有接近3,000億元水平。 但隨著美股三大指數急升、道指創新高，港股終在本周二（6日）作出突破，在大成交下升穿26,800點。隨著中國在AI應用及中高端製造業的領先優勢逐步顯現，大行紛紛看好今年恆生指數表現，揚言「恆指今年突破30,000點不是夢」。 筆者認為，踏入2026年全球股市均呈「歌舞昇平」之勢，道指創新高，劍指50,000點，帶動亞洲主要股票市場同創新高。台灣加權指數在台積電帶動下突破30,000點關口，甚至連30,500點亦一舉升穿；韓國綜合指數與加權指數齊齊破頂；日經平均指數同樣急升，距離歷史高位僅一步之遙。 而一直為港股提供最強後盾的內地股市，今年開首亦有亮麗表現，上證綜合指數升超過100點，直逼4,100點水平，再創10年新高；港股亦不負眾望，雖昨日（7日）回落252點，收報26,458點，但首四個交易日已累漲827點；北水截至昨日（7日）合共淨流入逾250億元。由於港股本周成交顯著增加，有接近3,000億元，暫可視昨日下跌為升勢過急、在技術上觸及26,800點後的正常回吐，當跌至26,300點時，已見有買盤支持。未來倘若恆生指數能穩守10天及50天線（約26,000點水平），相信仍屬穩步上揚格局。 談回個股，每年元旦假期後，即將迎接農曆春節假期，而春節是內地重大節日，每年吸引大量民眾外遊，故旅遊相關股份將備受關注，當中旅遊平台同程旅行(00780)值得留意。 |
|
| 陳偉明 |
2026-01-08T14:26 |
中國11月「三頭馬車」數據全遜預期，加上日圓拆倉危機再現，港股曾於去年12月16日跌至25,086點的低位。其後，受惠於多項利好因素帶動，包括市傳「國家隊」資金入市、國產晶片股上市掀炒風、美國11月通脹遠低於預期令減息預期升溫，以及人民幣匯率持續強勢等，港股於聖誕假期前夕略為反彈，重上26,000點水平。 美國第三季國內生產總值（GDP）遠超市場預期，令市場對聯儲局1月減息的預期降溫，美匯隨之轉強，一度拖累港股於聖誕假期後跌至約25,600點水平。 然而，受惠於多項利好因素，包括國家主席習近平在新年講話肯定國產人工智能(AI)與芯片領域的成就、中芯國際(00981)獲「國家隊」增持、內地晶片企業陸續在港推進IPO、內地12月官方製造業PMI重返50以上的擴張區間，以及離岸人民幣（CNH）繼續走強並創兩年半新高，港股在2026年開局跑贏亞太區主要股市。恆指於上周五（1月2日）飆升707點（升幅2.76%），收報26,338點。 美軍上周五（2日）晚突襲委內瑞拉首都卡拉卡斯，將總統馬杜羅夫婦俘擄並移送至美國受審。此舉被視為公然違反國際法，意在搶奪石油資源。地緣衝突風險加劇，加上中國在委內瑞拉石油領域有巨額投資，理論上可以成為股市下跌的藉口。然而，市場資金持續熱炒人工智能(AI)概念股，推動環球股市造好，並帶動中港股市維持強勢，恆指於本周二（6日）一度升至高見26,858點。 恆指連升三日累漲過千點後，在地緣政治風險加劇及內地再提及對網絡平台和直播電商的監管消息拖累下，於本周三(7日)開始出現技術性調整。在策略上，若投資者持有充足現金準備接貨，可考慮等待恆指回落至26,300點以下時，Short Put 2月份到期、等價的阿里巴巴(09988)期權。 另一方面，若恆指向上升穿本周三（7日）的高位26,616點，則升勢或會再度加速。屆時，進取投機者可考慮Long Call 1月份到期、價外約600點的恆指期權，以博取恆指短線挾升至約27,200點水平。 |
|
| 文錦輝 |
2026-01-08T10:07 |
美國總統特朗普(Donald Trump)計劃2027年將美國軍費，由1萬億美元增至1.5萬億美元，並指要軍工企業停止做股份回購及派息計劃，要求將資金投入係生產及研發，係呢個情況下，點睇軍工股投資前景？對呢類股份有興趣慨投資者應該點部署？ 艾德金融投資執行董事文錦輝指，除美國外，歐洲及日本都增加軍費開支，又指軍工股行情仍然唔錯。 Felix又話，其實係環球投資市場中，軍工股係人工智能(AI)相關股以外，前景仍然偏好慨股份，又提醒投資者係關注美國或環球軍工股慨同時，都可以多留意相關周邊業務。 他續指，唔使擔心軍工股2026年開局有些調整，並相信環球局勢係今年第1季唔會出現巨變，之後就要留意美國聯儲局月底議息後，呢類股份慨走勢。 |
|
| 譚智樂 |
2026-01-08T10:00 |
富途證券首席分析師譚智樂推介歌禮製藥(01672) 推介原因： -減肥藥是今年焦點 -今年第1季將密集公布多項階段性頂線數據 建議現價買入 目標價：18.0元 止蝕價：11. |
|
| 植耀輝 |
2026-01-07T22:42 |
小米集團(01810)推出新一代SU7，周四接受預訂，預計四月開始交付。 耀才證券研究部總監植耀輝表示，雖然改款SU7預售價高於上一代款式，不過整體配件及晶片成本亦增加，能否提升汽車毛利率仍是未知數，而小米的智能手機及家電業務，今年前景亦不太樂觀，相信股價短期內難以扭轉近期弱勢。 |
|
| 彭偉新 |
2026-01-07T13:08 |
截至早上11時止，1小時內《彭博》搜尋量最多港股，依次為快手(01024)、聯想集團(00992)、小米集團(01810)、騰訊控股(00700)及比亞迪股份(01211)。 快手股價連升3個交易日後，今日(7日)回套，一度挫近4%，低見72.5元，市傳集團擬破天荒發境外債。此外，內地市監局及網信辦規範及管理直播營運，規定唔可以畀熟客唔公平慨交易收費條件，呢兩單消息對快手股價有咩影響？ 資深證券分析師彭偉新指，發債係正面消息，雖然正股會產生攤薄效應，利淡股價，但利息扣稅可以降低整體成本，所以發債計劃未必係快手股價今日慨跌因。 直播營運方面，Castor話，快手股價跌反映內地極度警惕「殺熟」行為，除左快手，直播、直銷平台相關股份都一齊跌，不過，「殺熟」唔係第一次提出，所以只會造成短期影響，令股價有回調壓力，但唔係令股價走勢逆轉慨主因。 |
|
| 盧志威 |
2026-01-07T11:31 |
地緣緊張局勢一波未平一波又起，繼突襲委內瑞拉生擒總統馬杜羅(Nicolas Maduro)夫婦後，白宮公開話，總統特朗普(Donald Trump)指唔排除使用武力奪取格陵蘭。係地緣局勢動盪下，貴金屬慨避險功能顯得更重要，摩根士丹利估計，金價係2026年第4季有望升至每盎司4800美元，黃金及銀都係熱門產品，投資者應該點揀？ 泓瀚資本董事盧志威指，地緣政治不穩一定利好貴金屬價格，又認為黃金比銀更值得投資，由於銀價係2025年已升左逾1.4倍，累積太大升幅，今年再大升慨機會唔大，而黃金慨特性更能應對突發事件，所以黃金比銀更可取。 |
|
| 植耀輝 |
2026-01-07T09:34 |
耀才證券研究部總監植耀輝推介中遠海運國際(00517) 推介原因： -內地造船業今年仍有好表現 -現價息預計仍超過9厘 -船舶塗料業務發展仍理想 建議買入價：6.0元 目標價：7.0元 止蝕價：5. |
|
| 譚智樂 |
2026-01-06T12:33 |
截至早上11時止，過去1小時內《彭博》搜尋量最多港股，依次為快手(01024)、紫金礦業(02899)、國泰航空(00293)、中國平安(02318)、泡泡瑪特(09992)。 泡泡瑪特股價今日(6日)一度高見207.4元，升5.7%，依家趁反彈沽貨慨壓力都唔細，主要係蟹貨多，今日股價升可能同一單消息有關，市傳跟隨南韓總統李在明訪華慨三星電子會長李在鎔，係北京商場Shopping時買左Labubu。 富途證券首席分析師譚智樂指，呢個消息都可能有些幫助，刺激泡泡瑪特股價一度衝高，但所有弱勢股上面都會有蟹貨，所以呢樣野意義唔大，泡泡瑪特大部分負面新聞都出曬黎，集團旗下IP如The Monsters係列、星星人，海外市場需求其實仍然強勁，所以呢隻股份中長線仍然睇好。 Arnold又話，睇返技術走勢，短線的確係差，股價今日(6日)掂一掂10天線又落返去，突破唔到203元、204元呢些阻力，雖然短線表現唔樂觀，但如果企得穩200元以上，有貨可以考慮繼續楂。 |
|
| 黃偉豪 |
2026-01-06T10:57 |
恆生指數昨日(5日)有得升，好友又入返場，但5日合計仍有4720萬元離場，淡倉昨日有少少資金流出，5日合計仍1.8億元坐貨。牛證重貨區上移至25800點，亦係最多人加倉慨位置，熊證重貨區就上移至27000點，最多人加倉係26900點。此外，好友揀到最貼仍有近900點距離，熊證重貨區距離現水平唔夠300點，呢個距離夠唔夠？ 胤源世創家族辦公室(香港)第一副總裁黃偉豪指，依家好淡友都似乎選擇唔多，主要係港股近日升得好急，就算牛證揀到最貼，收回價可能都去到25800點，由於升得好急，揀熊證例如收回價27000點，可能本身唔係太貼，但依家都變成貼價。 Ravi又話，以好倉為例，牛證收回價揀25800點暫時都係合適。 |
|
| 姚浩然 |
2026-01-06T10:22 |
亨達財富管理董事總經理姚浩然推介洛陽鉬業(03993) 推介原因： -受惠銅價急升，盈利顯著增加 -資源股有望避開「內捲」憂慮。 |
|
| 梁偉民 |
2026-01-06T09:57 |
市傳內地金融監管機構要求銀行，匯報對委內瑞拉慨貸款風險敞口，內銀股昨日(5日)受壓係咪受呢單消息拖累？值得留意係，中國係委內瑞拉最大貸款國，透過國有銀行向該國提供逾600億美元石油擔保貸款，而當地石油產業好大機會由美國主導，呢些貸款要撇帳機會大唔大？ 高富金融集團投資總監梁偉民指，都有呢個可能，因為委內瑞拉政局好大機會由美國控制，中國係當地慨融資係有機會出現壞帳，但暫時對內銀及石油股慨影響唔係咁直接，首先係金額唔係太大，其次係呢些融資都預左唔係全部收得返。 Wyman又話，到底呢些融資有幾多係上市公司，因為可能係一些冇上市慨國有銀行或油企身上，而市場認為委內瑞拉政局仍有變數，雖然港股慨內銀股昨日(5日)跌左少少，但佢相信，對內銀唔會有好直接影響，尤其業績方面。 |
|
| 鄭家華 |
2026-01-05T22:49 |
舜宇光學(02382)計劃分拆車載業務——舜宇智行科技，在聯交所主板上市。 阿仕特朗資產管理董事鄭家華認為，若成功分拆，除了有助舜宇光學釋放價值，亦可向舜宇智行科技員工，發放公司認股權證，藉以激勵員工，推動業務增長。 |
|
| 梁傑文 |
2026-01-05T17:57 |
中證國際(00943)今早(5日)復牌，集團昨晚(4日)公布，計劃收購內地美容行業軟件解決方案及SaaS業務「伊美眾」100%股權，股權連股東貸款總代價6250萬元，將會發新股支付，中證今日復牌一度飆33%，係咪純粹炒呢單收購？ 《香港股票財技密碼》作者梁傑文指，中證股價反應正面係合理，集團近年有唔少會計問題，股價又大跌，依家出左呢單收購消息，收購對象依家係賺緊錢，所以畀到憧憬股東及投資者，刺激股價今日大升。 Mike又指，中證市值細，加上公司近期做過合股，再加埋其他因素呢隻股份的確有少少殼股味道。 |
|
| 聶振邦 |
2026-01-05T17:11 |
南京熊貓電子股份(00553)有參與腦機接口技術慨多模態人機交互系統集成關鍵技術，股價今日(5日)一度勁升近50%，高見7.22元，集團本身有3大業務，分別係智慧交通與平安城市、工業互聯網、智能製造，值得留意係公司由2023年開始蝕錢，2025年首9個月仍蝕約9000萬人仔，今日係咪亂炒，還是真係有炒作原因？ 高歌證券金融首席分析師聶振邦估計，AH股折讓慨上升誘因較大，南京熊貓A股今日(5日)冇乜點升，但H股就升得好勁，加上腦機接口新業務由2025年6月開始逐步發展，令市場對公司扭虧有憧憬。 聶Sir又指，現時腦機接口或有助癱瘓病人，透過電子儀器進行思想表達，若配合多模態，更有機會可以控制輪椅及機械臂，幫到日常生活。 |
|
| 郭思治 |
2026-01-05T10:35 |
筆者首次於2026年首度執筆，先祝各位新年事事如意，股運亨通，財源廣進，最緊要是身體健康。 未作展望之前，不妨先回顧過去兩年大市之表現。首先看2024年，恆指是由1月22日之低位14,794點升至10月7日之高位23,241點。即年內之上升波幅為8,447點，其後大市出現中期調整，恆指在反覆中跌至2025年1月13日之低位18,671點方見喘定。由此刻開始，大市亦進入另一中期大升浪之中。 恆指於2025年是由1月13日之低位18,671點至10月2日之高位27,381點。即年內之上升波幅為8,710點。簡單點說，2024年及2025年均屬先低後高之形態，且年內之上升波幅亦相當明顯。單從走勢上看，大市自2024年1月22日低位14,794點開始之上升，技術上當已進入新一浪之牛市，而目前該正處牛市1期之中。 從走勢上看，大市自2025年10月2日高位27,381點開始之中期調整。由於恆指已相繼跌穿多組平均移動線，故整個技術性調整該仍在延續中。嚴格而言，大市如欲擺脫持續反覆不明之弱態。恆指必須先成功重越各組平均移動線並穩守其上，惟有一點需要留意，大市自2025年10月2日高位27,381點開始之中期調整，雖然曾於12月16日一度低見25,086點。但從年圖上看，恆指並未有跌穿2024年10月7日之高位23,241點，即是說，整個大市技術上暫仍處浪高於浪之升勢中。 踏進2026年首個交易日，大市先紅盤高開至25,717點，其後稍作拉鋸後便進一步升至26,345 點，即此刻恆指又再重越10天線 (約在25,751 點左近)， 20天線 (約在 25,720點左近)， 100天線 (約在 25,930點左近) 及250天線 (約在24,054 點左近)。單從走勢上看，大市技術上又再重現卻試頂之趨勢。但需留意，大市之交投暫仍略為偏疏。故一旦大市之動力仍未見恢復前，升勢可能仍會略受規限。 |
|
| 李浩然 |
2026-01-05T10:14 |
每逢歲末、年初，財經媒體的預測潮總會席捲而來。投行分析師、財經KOL、甚至AI模型都紛紛亮出明年「十大風險」、「十大最佳機會」與「指數點位大猜謎」。這種集體預言儀式像極了春節貼春聯——熱鬧非凡，但意義有限。畢竟，沒人會在一年後追究這些預測的準確度，市場記憶比金魚還短。 於是，另一種更容易「安全過關」的內容便順理成章地登場：投資教訓。這類文章彷彿是財經圈的萬用感冒藥，無論牛熊市、通縮通脹、AI熱潮還是碳中和熱議，總有幾條萬試萬靈的箴言可以套用。這背後的真相令人莞爾——投資教訓年年新瓶裝舊酒，市場變幻莫測，但人性固執始終不願長進。 數據顯示，過去十年美股標普500每年經歷平均14%的最大回撤，但持有者大多數時候唯一的「操作」就是追高殺低。牛市里自信爆棚，熊市里慌不擇路，這種「情緒周期」的標準曲線，比華爾街的K線圖還要規律。正如行為經濟學家反覆強調，FOMO（錯失恐懼）、Recency Bias（近期偏見）、Survivorship Bias（倖存者偏差）這些心理陷阱，早已內建於投資者大腦，哪怕你手上有的是Ray Dalio的橋水基金內部指引，還是會在市場震盪時按下賣出鍵。 這正是投資教訓的尷尬之處——它們雖然正確，卻無法阻止人類一次又一次地重蹈覆轍。換句話說，投資教訓最大的價值，在於提醒我們：理性與人性的戰爭是一場永遠不會結束的消耗戰。市場劇情每天都在變化，投資者的故事卻是一成不變的肥皂劇。 諷刺的是，市場對「新鮮感」的需求，遠大於對「正確性」的渴望。人們要的是聽起來高明的建議，而不是一成不變的老調重彈。這也是為什麼每年總有人義無反顧地寫出「Sell in May」或「這次不同」的預言，然後在歷史煙塵中悄然隱去。畢竟，沒人會為錯誤的預測負責，但誰都想為一個正確的預言領功。 如果說去年能給投資者帶來什麼新啟示，只怕還是那句老話：不要高估自己的理性，也別低估市場的無情。真正的投資高手，不是那些能準確預測市場風雨的人，而是能夠在風雨中堅持原則、不被情緒左右的異類。 至於2026年會發生什麼？沒有誰知道。唯一可以確定的是，明年這個時候，還會有人寫出一篇「投資教訓」，提醒我們記住那些我們永遠學不會的道理。 |
|
| 植耀輝 |
2026-01-02T22:49 |
曹操出行(02643)控股股東李書福自願承諾，將股份禁售期延至今年9月30日，但同一時間，公司首席執行官（ＣＥＯ）日前場內減持股份。 耀才證券研究部總監植耀輝表示，曹操出行剛過上市半年禁售期，公司首席執行官便減持，而上市前投資者及基石投資者均已過禁售期，若然未來沽貨，公司股價勢必破底。 |
|
| 盧楚仁 |
2026-01-02T18:12 |
踏入2026年，匯市比較淡靜，美匯指數守住98美元水平，變動唔大。美匯指數係2025年累跌9%，表現係2017年以來最差，但去年1月表現其實唔算差，點睇今個月走勢？ 獨立外匯商品分析師盧楚仁指，大方向都係預期美國聯儲局今年仍有減息壓力，美元會走弱，關鍵在於幾時減，究竟係今個月減息，還是等新主席上場先減，雖然依家美元偏弱，但最近有見底回升跡象，佢估計，美匯指數今個月會繼續偏淡，不過，都要留意美國今晚(2日)及下星期出爐慨經濟數據，若數據反映當地經濟仍然強勁，美元或會反彈。 |
|
| 陳建良 |
2026-01-02T18:07 |
今日(2日)係港股2026年第1個交易日，開局表現強勢，依家大行及市場都繼續看好中資股。恆生指數係2025年累升逾27%，係其中1個表現靚仔慨股市，恆指今年開局有個好開始，點睇新一年表現？ 勝利證券首席顧問陳建良認為，恆指今個月頭2至3個星期，應該維持到升勢，主要由係靠去年第4季表現較差慨科技股帶動，因為騰訊控股(00700)及阿里巴巴(09988)呢些重磅股，對拉動指數非常重要，呢些股份大升，就會推高大市。 KL提醒，依家有大量科技相關新股排隊上市，如果呢些新股一直向上，到時唔止科指升，亦可以帶動整體大市造好。 |
|
| 黃敏碩 |
2026-01-02T17:47 |
網易(09999)旗下遊戲《燕雲十六聲》周年版本上周六(2025年12月27日)上線，玩家反應唔錯，帶挈網易股價技術上出現突破，後市有冇機會挑戰去年9月高位，即240元樓上？雖然《燕雲十六聲》中國版已上線1年，熱度可能會稍為減退，但加左新玩法及內容後，會唔會變成新增長引擎？ 王道資本及家族資產管理執行董事黃敏碩指，要挑戰去年9月高位要睇有冇新資金流入，例如有冇多些北水，雖然技術走勢有突破，但成交唔算多，若睇好股價向上，短期可以先睇240元呢個阻力。 Michael又話，依家《燕雲十六聲》好受歡迎，玩家忠誠度又高，未來要留意遊戲更新情況。此外，網易旗下《第五人格》、《率土之濱》都有新模式及聯動，相對於騰訊控股(00700)，市場認為網易更主力做遊戲業務，而兩家公司旗下遊戲熱度及吸引力其實都唔同，對網易黎講算係一個正面因素。 |
|
| 聶振邦 |
2026-01-02T17:30 |
本港新股市場持續熾熱最近有十隻IPO，其中，內地「AI六小虎」之一慨稀宇科技(MINIMAX)招股價介乎151元至165元，每手20股，入場費3333元，集資近42億元，公開招股將會係下周一(5日)截飛。截至2025年9月止9個月，MINIMAX收入約5300萬美元，按年大增1.7倍，呢家公司有咩賣點？ 高歌證券金融首席分析師聶振邦指，MINIMAX慨業務類似DeepSeek，JASeek，都係主打人工智能(AI)大模型，包括語音、影片內容生成，將文本輸入轉換為多語言，會有迫真慨人聲，甚至識得作曲等，可應用係唔同AI場景，所以唔少企業如金山軟件(03888)，都引入佢慨服務。 聶Sir續指，MINIMAX主要收入來源係接入唔同企業，然後收取API Token，目前黎睇，MINIMAX用戶基礎大，有近2億用戶，收入亦唔錯，只要增長勢頭持續，集團有望扭虧為盈。 |
|
| 梁偉源 |
2026-01-02T14:54 |
截至早上11時止，過去1小時內《彭博》用戶搜尋量最多港股，依次為壁仞科技(06082)、華虹半導體(01347)、比亞迪股份(01211)、騰訊控股(00700)及中芯國際(00981)。 「國產GPU四小龍」之一壁仞今日(2日)首掛，開市報35.7元，較招股價19.6元，高逾82%，約10分鐘已升至暫時時高位，即42.88元，高逾1.2倍，但其後走勢轉弱。上市後股價會點走？ 大華繼顯執行董事梁偉源指，人氣新股上市初期表現主要睇市場氣氛，以及有冇資金追入，睇返係A股上市2隻「GPU四小龍」，即摩爾線程及沐曦股份，上市首日開高幾倍，壁仞今日高開唔夠1倍，其後股價走勢轉弱，低過今朝開市價，之後才略為喘定。 Steven認為，呢類股份起碼要觀察2個月，首先要睇摩爾線程及沐曦股份下星期會唔會繼續造好，而第4隻「GPU四小龍」燧源科技，計劃係內地科創板上市慨消息，有機會帶動另外「3小龍」股價，其次要睇整個大市氣氛，若晶片及人工智能(AI)相關股仍然係焦點，壁仞股價應該可以守住30至33元水平。 |
|
| 彭偉新 |
2026-01-02T10:34 |
獨立股評人彭偉新推介三一重工(06031) 推介原因： -內地有顯著市場領導地位。 |
|
| 趙晞文 |
2025-12-31T22:15 |
新鴻基公司(00086)決定，最低公眾持股量要求採用替代門檻，即公眾持股比例由25%可降至最少10%。 元宇證券大中華區股票投資總監趙晞文表示，新鴻基公司過去幾年都有回購股份，但目前公眾持股比例已貼近25%水平，改用替代門檻後，公司可回購的空間變大，但是否重啟回購，則主要視乎股價表現。 |
|
| 彭偉新 |
2025-12-31T12:43 |
截至早上11時止，過去1小時內《彭博》用戶搜尋量最多港股，依次為紫金礦業(02899)、比亞迪股份(01211)、泡泡瑪特(09992)、江西銅業股份(00358)及碧桂園(02007)。 紫金發盈喜，預期全年多賺60%，但今年分拆上市慨紫金黃金國際(02259)表現更好，估計全年多賺逾2倍，如果2026年要「二揀一」，應該揀邊隻？ 資深證券分析師彭偉新指，金價繼續升係未來慨大方向，一定會利好紫金系，但值得留意係，雖然紫金分拆紫金黃金後，手持慨紫金黃金比重細左，但公司其實冇真正沽貨，因此，當紫金黃金股價有得升，紫金估值仍可受惠。 Castor續指，明年銅價亦有上升空間，對紫金股價推動力更大，因此，投資者買入紫金黃金之餘，都不妨考慮埋紫金。 |
|
| 陳偉聰 |
2025-12-31T10:10 |
環球股市陸續「收爐」，美股都進入最後倒數，經歷3年牛市後，標指由唔夠4000點，升到昨晚(30日)收市慨6896點，累升逾72%，但仍有唔少大行睇好2026年表現，普遍預期標指可以升上8000點，點睇呢個預測？明年有冇潛在「黑天鵝」事件？ 東亞證券高級投資策略師陳偉聰指，展望2026年，標指上半年有機會見7500點，下半年就要留意美國總統特朗普(Donald Trump)係中期大選前有咩動作，其中1個關鍵變數係中美關係。 Jason續指，「黑天鵝」事件方面，要留意個別人工智能(AI)公司高槓桿及融資問題，又提醒投資者要關注違約風險。 |
|
| 郭家耀 |
2025-12-31T10:02 |
港灣家族辦公室業務發展總監郭家耀推介騰訊控股(00700) 推介原因： -遊戲業務表現穩定 -持續回購有利股價走勢 建議買入價：600.0元 目標價：700.0元 止蝕價：550. |
|
| 趙晞文 |
2025-12-30T17:10 |
自美高梅中國(02282)宣布明年開始，上繳比母公司慨授權費用率大升1倍後，股價已連續第2日急挫，雖然摩根士丹利及瑞銀隨即出報告唱淡，但目標價仍遠高於現價，其實係咪市場過分憂慮，導致股價跌過龍？ 元宇證券大中華區股票投資總監趙晞文指，授權費用率倍升，市場反應大係正常，相比授權費用率，其實投資者更擔心公司決策有問題，所以管理層未來有需要澄清。佢又指，授權費屬於母子公司慨關聯交易，係上市公司中並唔罕見，加上通常設有年度上限(Annual Cap)，唔會冇上限咁遞增。 晞文建議，係依家資訊未完全明朗下，投資者不妨持觀望態度，亦可以留意2026年1月母企出業績時，管理層會唔會有更清晰慨指引，到時再做部署。 |
|
| 梁偉源 |
2025-12-30T14:57 |
截至早上11時止，過去1小時內《彭博》用戶搜尋量最多港股，依次為英矽智能(03696)、泡泡瑪特(09992)、中國海洋石油(00883)、英諾賽科(02577)及美高梅中國(02282)。 「2025年新股尾班車」今朝(30日)開出，6隻新股齊齊掛牌，表現最好暫時係有人工智能(AI)概念慨藥物開發企業英矽智能(03696)，係咪因為「AI」呢個字令呢隻股份成功跑出？ 大華繼顯執行董事梁偉源指，由於市場上同類公司唔多，令唔少資金覺得呢間公司有獨特性，具投資價值。呢隻股今日高開，股價亦企得穩，加上早前英矽智能同日本企業武田製藥有業務合作，亦會吸引到投資者。 Steven建議，如果係35元水平「冇走到」慨投資者，可以繼續持有，因為開市獲利回套壓力已經過左，事實上，集團未來發展的確有好大憧憬空間，冇貨慨投資者，由於股價係年尾可能會較波動，加上今年只剩返今日及明日半日市，可以等股價落到30元至31元水平，再考慮買入，高追就唔值得。 |
|
| 蘇沛豐 |
2025-12-30T12:10 |
雖然港股近期有得彈，但今年最Hit慨人工智能(AI)概念股似乎冇乜起色，而大型科網股黎到年底表現一般，但外圍AI股仍有資金追捧。展望2026年，大型科網股會唔會係重點部署股份之一？ 金馬資本交易策略師蘇沛豐表示，揀股主要睇企業盈利及增長前景，同埋公司本身慨競爭力。佢又指，最Top慨AI概念股大部分係美國上市，資金自然追入美股慨相關股份，事實上，美國AI股盈利及增長前景明顯較強勁，所以估值相對較高係合理，加上市場預期美國聯儲局明年會繼續減息，係減息周期下，美股估值唔會點跌，所以維持較高估值係正常。 港股方面，Daniel認為，受制於內地經濟表現疲弱，缺乏明顯經濟增長動力，相關企業盈利前景會較遜色，好難同美股相提並論。 |
|
| 黃偉豪 |
2025-12-30T11:34 |
今日(30日)係期指結算日，明日(31日)就係年結，雖然恆生指數昨日(29日)跌近200點，但好友係貼價慨25600點積極加倉，資金流向亦轉趨活躍，好友似乎比淡友更進取，去到年尾應該點部署？ 胤源世創家族辦公室(香港)第一副總裁黃偉豪表示，受假期因素影響，投資者入市意欲唔大，近期市況買賣兩閒，令大市維持區間上落格局。佢提醒，若計劃坐過夜，甚至持貨到假期後，要留意假期期間外圍或內地可能有突發消息，導致港股復市後出現顯著裂口波動。 投資部署方面，Ravi建議，投資者可根據收市水平做決定，依家港股比較合適慨上落區間係25600至27000點，上方第1個阻力係50天線，即26000點水平，如果想博熊證，收回位可以擺50天線以上，即26300點以上會較安全。牛證方面，港股近期主要支持位係25100點水平，建議揀24800點水平會較合適。 |
|
| 黃敏碩 |
2025-12-30T10:24 |
王道資本及家族資產管理執行董事黃敏碩推介古茗(01364) 推介原因： -從事經營現製茶飲店。 |
|
| 梁偉民 |
2025-12-30T10:17 |
黎到年底貴金屬有新一輪行情，其中以白銀價格最癲，破頂後出現大震盪，衝上每盎司84美元後，再急「跳水」，直插至70美元水平，更引發其他貴金屬波動。市傳有歐洲大行白銀期貨爆煲，美國聯儲局要緊急注資救市。技術上白銀的確已超買，市場都預左升得急、回得急，但點解會出現昨晚(29日)呢個情況？ 高富金融集團投資總監梁偉民認為，其中一個原因係市場擔心要加按金，會令市場流動性減少，更重要係白銀價格今年已累升1.6至1.7倍，係1979年以來最大年度升幅。 Wyman又話，除左基本因素，市場熱錢流入及投機炒作，都令白銀價格過去2至3個月升勢加劇，所以當價格突然急回，投機資金及熱錢就會好快流走，令昨日慨回調速度更急。佢續指，白銀價格暫時回調約10%，仍算係正常水平，至於市傳有大行爆煲，佢認為呢個可能性相對細。 |
|
| 阮子曦 |
2025-12-29T22:59 |
年底前港股迎來限售股解禁高峰期，相關股份股價波動，有公司選擇回購股份或公布股東自願延長禁售期，包括周二基石投資者解禁期屆滿的椰子水品牌母企IFBH(6603)。 華富建業證券投資策略聯席總監阮子曦指，回購股份或股東延長禁售期，短線或可緩解短價短勢，但能否撐到股價要視乎不同因素，包括是否AH同步上市、股價走勢等。 |
|
| 梁傑文 |
2025-12-29T17:52 |
港股有望連升兩年，今年暫時升近30%，恆生指數係10月一度衝破27000關，日均成交亦大增。新股市場方面，首次公開招股(IPO)集資額重奪「世一」，值得留意係，今年港交所(00388)進行新股機制改革，降回撥比例之餘，又新增Plan B不設回撥，初始份額最少10%，點睇IPO新玩法？此外，人民銀行同外管局上周五(26日)明確境外上市募集資金、減持或轉讓股份所得資金應匯返內地，對本港IPO市場有咩影響？ 《香港股票財技密碼》作者梁傑文指，今年大部分新股都揀Plan B，目的係留返更多份額畀保薦人及包銷商，加上超額倍數極高，甚至過萬倍都有，就連「頂頭錘」都未必派到股份，不過，新機制令公司貨源更集中，股價就更易炒起，散戶可「高追」博股價炒上賺返筆，但風險就大好多。 內地方面，Mike認為，唔少公司想將資金留係海外發展，係海外做併購等，如果政策真係落實，好大機會削弱港股新股集資吸引力，甚至令部分企業返A股上市，因為係內地上市可以拿到更高估值。 |
|
| 聶振邦 |
2025-12-29T17:01 |
全國財政工作會議日前係北京召開，財政部部長藍佛安明確指出，明年將會擴大財政支出，大力提振消費，繼續支持消費品「以舊換新」，雖然未有披露詳情，但市場解讀為「以舊換新」政策明年有望延續，帶動車股今日(29日)造好，其中，比亞迪股份(01211)及吉利汽車(00175)收市升逾3%，「以舊換新」政策延續對行業有咩影響？ 高歌證券金融首席分析師聶振邦認為，補貼政策係好大機會延續，但相信會有調整，參考市傳慨購置稅消息，將會由3萬人仔全免，減半至1.5萬人仔，意味補貼會減少，因為新能源車市場愈黎愈成熟，國家補貼焦點或轉向高科技市場，例如機械人。 聶Sir又話，政策調整或包括提高申請汽車續航力慨要求，以鼓勵車企生產更高質量新車款。 |
|