| Commentator |
Time |
Content |
Tag |
| 聶振邦 |
2024-02-05T17:52 |
體育用品股361度(01361)今日(5日)中午發盈喜，預告去年多賺25%，其中佔集團整體收入約25%慨電商收入增長亮點之一。集團去年增持電商業務附屬股權至87%，而電商流水去年4個季度都維持30%以上增長，去年上半年電商收入已相等於2022年64%，全年似乎都應該有唔錯增長。 博威環球證券金融首席分析師聶振邦指，疫情期間市民培養左線上消費模式，因此，361度發展線上業務係行岩方向，相信未來仍有增長空間。聶Sir又指，361度可能要轉型，減少門市數目，集中火力發展線上業務，有利361度控制成本之餘，亦有機會提升純利率，始終毛利率係同銷售成本掛鉤，未必同門市銷售有關，如果淨利潤率表現好，都對361度業績前景有幫助。佢又提醒，未來要留意361度會唔會有業務轉型慨利好消息，因為有機會推升股價。 |
Results , Earnings , Sport |
| 梁傑文 |
2024-02-05T16:28 |
美圖公司(01357)以現金及發新股方式，收購中國設計師互動平台站酷網全部股權，集團上月發盈喜，預告去年多賺最多2.3倍，主要在生成式人工智能(Generative AI)技術帶動下，影像產品組合訂閱會員滲透率急升，以及全球化戰略推動全球影像及設計產品收入上升。美圖指，今次收購會為影像及設計產品業務帶來巨大協同效應，係咪可以美圖股價依家跌至近半年低位吸納？ 《香港股票財技密碼》作者梁傑文指，除左盈喜，其實美圖業績去年中已開始改善，下半年增速更輕微加快，至於買唔買得過，都要考慮返息口仍持續高企，同埋中資科技股投資氣氛一般呢兩個問題。 Mike又指出，雖然美圖發盈喜，但睇返市盈率(PE)唔算特別平，雖然股價持續回落，但最後再睇定些，唔需要急於入場，但中長線而言，美圖係有噱頭，業績又向好，仍然值得留意。 |
Results , Stock , Earnings , IT , IPO |
| 植耀輝 |
2024-02-02T22:49 |
IGG(00799)預計，去年業績扭虧為盈，賺0.7億元。 耀才證券研究部總監植耀輝表示，IGG去年上半年虧蝕逾3億元，意味下半年轉賺4.3億元，原因之一是兩款遊戲流水大增，相信這兩款遊戲可持續一至兩年強勢，大行亦應會調高今年盈利預測，估計利好股價。 |
Earnings , IGG , IGG |
| 黃敏碩 |
2024-02-02T18:20 |
開拓藥業(09939)股價今日(2日)逆市狂飆逾51%，仲收復埋50天線，集團今日出通告，指治療男性脫髮慨藥物KX-286第3期臨床試驗結果獲得內地國家藥監局批准，去年底曾因同1隻藥慨臨床試驗數據未有統計顯著性而急插逾30%，依家藥監局批准臨床試驗結果，市場會唔會都睇好開拓藥業？ 註冊財務策劃師協會會長黃敏碩指，開拓藥業股價之前跌得太多，即使今日爆升，但仲未完全收復之前慨失地。佢又話，市場關心醫藥股慨項目集中係境內定境外，因為政策對境內研發項目影響較小，相信未必再成為股價不利消息。 黃敏碩又話，後市要留意市場需求足唔足以量產新藥，從而帶動股份慨毛利率，目前黎講因為醫藥股太殘，資金會借消息炒上去，佢認為短炒無妨，但暫時唔建議作長線投資。 |
|
| 陳建良 |
2024-02-02T16:11 |
本港經濟仍然疲弱，去年第4季本地生產總值(GDP)增長4.3%，全年就升3.2%，差過預期，農曆新年好快就到，過往呢段時間零售股都會熱炒，不過，匯豐證券最新慨報告預期，本港零售業前景仍面對好大挑戰，又話偏好組合多元化及必需性消費佔比較高慨收租股，包括領展房產基金(00823)及太古地產(01972)，究竟呢類股份係咪可以係疲弱慨零售市道下跑出？ 勝利瑞柏基金管理合伙人暨投資總監陳建良指，以現時本港市況，呢類多元化收租股應該會跟住大市行，未必可以單獨跑出，佢又提醒投資者要避開借貸較高慨股份，因為最近銀行對物業股開始有問號，所以借貸愈少慨公司會愈有優勢。 |
Real Estate , HSBC HOLDINGS , Real Estate , SWIRE PACIFIC A , SWIRE PACIFIC B |
| 梁偉源 |
2024-02-02T13:07 |
截至早上11時止，1小時內《彭博》用戶關注度上升最多首5隻港股，依次為吉利汽車(00175)、騰訊控股(00700)、中國海外發展(00688)、建設銀行(00939)、金沙中國(01928)。 吉利旗下電動車品牌「極氪」1月整體交付量按年大升3倍，創新高，按月微跌7%，但跌幅細過其他電動車企。吉利股價今早(2日)一度升逾9%，高見8.05元。 不過，大華繼顯執行董事梁偉源認為，極氪上月交付1.2萬輛唔算多，並指數據符合預期，亦見到普遍按年升、按月大跌慨現象。Steven續指，車廠賣車畀經銷代理後，有可能因為賣唔曬而累積唔少庫存，佢認為，要睇埋吉利等車企稍後公布慨實際銷量數據，先可以評估到內地電動車市場係咪咁樂觀。 |
GEELY AUTO , Stock , CHINA OVERSEAS , TENCENT , CCB |
| 聶振邦 |
2024-02-02T11:34 |
蘋果公司(Apple)上季業績好過預期，收入扭轉連跌4季慨劣勢，期內，幾乎所有市場慨銷售都好過預期，僅中國市場銷售疲弱，收入按年跌13%，遠差過分析員預期，股價係收市後延長交易時段轉跌，股價之後會點走？人工智能(AI)手機有望今年推出，係咪值得憧憬? 博威環球證券金融首席分析師聶振邦指，近期Apple股價弱勢，主要同市盈率(PE)有關，即使回調左幾日，PE仍逾30倍，僅略高過盈利增長10%，反映Apple PE過高，繼而拖低股價，但如果美國經濟表現持續強勁，相信第第2、第3季盈利增速會加快，到時有望提升返市場信心， 聶Sir又話，由於依家資金流入其他強勢科技股，所以Apple股價暫時都會受壓，後市要留意175美元至180美元有冇支持。 |
Earnings , IT , Capital Flow , USD |
| 盧志明 |
2024-02-02T10:07 |
大唐資本投資策略部總監盧志明推介國泰航空(00293) 推介原因： -香港為亞洲航空樞紐及粵港澳大灣區持續發展對其有利 -受惠內地機隊運力緊張，跨境電商潮持續 -預期今年7月底前，回購餘下優先股後，有望恢復派息 -紅海危機下。 |
CATHAY PAC AIR |
| 熊俊傑 |
2024-02-01T18:16 |
美國聯儲局議息前後，金價都變動唔大，去年第4季急升後，今年開局略為偏軟，但跌幅唔大，市場認為，美國今年減息只係遲早問題，加上地緣局勢因素，係咪可以吼金價回落至每盎2000美元樓下入場？ 獨立商品外匯分析師熊俊傑指，暫時對係金價見2000美元樓下入場睇得較保守，因為聯儲局主席鮑威爾係議息後表明3月唔太可能減息，意味未來3個月都唔會啟動減息周期。 佢又話，早前市場炒作減息利好金價，一度高見2100美元，現時主要阻力係2090美元，由於唔少技術指標同金價背馳，估計金價暫難升上2100美元水平，反而有機會出現回調，落到2000美元水平。 |
Gold , USD |
| 植耀輝 |
2024-02-01T17:17 |
市傳阿里巴巴(09988)考慮出售內地百貨零售商銀泰商業，前主席張勇在位期間曾高調推動「新零售模式」，但自《反壟斷法》出台後，銀泰已甚少重提「新零售模式」概念，唔再推動前朝政策下，現階段考慮出售銀泰係咪最合理慨部署？ 耀才證券研究部總監植耀輝指，假設出售銀泰有一個唔錯慨回報，依家出售都好合理。經歷疫情後，在復常力度不似預期下，內地百貨業情況都唔樂觀，行業去年首3季僅增長約7%，但網上零售銷售額增長約12%，相比之下前者增速較慢，更偶爾會聽到有大型百貨公司關門大吉慨消息，依家阿里集中火力做網上零售，實體店就伺機賣走，呢個部署係非常合理。 佢又話，由於呢幾年市道唔好，唔少百貨公司都頂唔住，係行業經營狀況唔理想下，銀泰都好難賣到一個靚價。 |
LINGYI ITECH , Retail , IT |
| 王良享 |
2024-02-01T17:00 |
美國去年第4季國內生產總值(GDP)按年升3.3%，全年就增長3.1%，整體經濟表現十分強勁，消費氣氛好、勞工市場暢旺，呢些因素係咪會左右聯儲局慨減息決定？ 臻享顧問董事總經理王良享指，美國經濟今年增速應該冇去年咁快，因為去年有幾個政府支持慨反通脹、晶片法案，政府直接畀錢支持企業興建廠房。消費方面，Tommy話，美國歌手Taylor Swift開演唱會可以帶動經濟等，而當經濟未去到衰退邊緣時，聯儲局就覺得有多些時間考慮係咪減息，但值得留意係，現時唔少美國人係借錢消費，當銀行壞帳增加就會開始收緊信貸，到時消費力就冇咁強勁，聯儲局就會願意早些減息，平衡銀行資金緊絀慨情況。 |
US Credit , AEON CREDIT |
| 潘國光 |
2024-02-01T12:04 |
中東局勢升溫，紅海航道緊張，對油價及美國通脹未來走向係咪都有關鍵影響？地緣政治因素係咪唔可以低估？ 富邦銀行(香港)投資策略及研究部主管潘國光指，中東及紅海局勢緊張令大部分航道都行唔通，對運費及時間都有好大影響，因為會令送貨期延遲及成本上升，呢些影響都會滲入未來慨通脹數字，其中又以歐洲受最大影響，對地中海一帶區域慨潛在壓力比美國更大，但估計通脹壓力要至第4季先會浮現，因此，油價現時仍十分冷靜，企穩每桶70美元水平，雖然油價暫時未受影響，但會反映係航運費用上。 美國息口方面，潘國光話，聯儲局要確保今年美國經濟「軟著陸」，令經濟穩定增長及股市向好，佢認為，投資者唔使太擔心美股今年走勢，因為聯儲局會幫手護盤，確保執政黨選情向好，但由於地緣政治慨影響會持續至第4季，所以聯儲局會有壓力提早係5月減息。 |
Oil , BDI , KLN , USD , US Stock |
| 阮子曦 |
2024-02-01T10:12 |
華富建業證券投資策略聯席總監阮子曦推介普拉達(01913) 推介原因： -LVMH業績回勇。 |
CHINNEY INV , PRADA |
| 黃麗幗 |
2024-02-01T08:53 |
2023年度恆指累跌14%，上證指數全年下跌3.7%，創業板則全年下跌19.41%，中港股市成為了全球表現最差的主要城市。至於標準普爾500指數升23%，納斯達克指數全年漲43%，日股更於今年1月觸及34年新高。今年不少大行都繼續看好美國及日本市場，包括我們在內。投資者可以如何配置海外市場呢？ 納指、日本東證指數（TOPIX）及歐洲斯托克指數（Euro Stoxx)過去三年分別累升31%、31%及29%，當中以日本股市的波動性最低，Beta較低，直至去年第二季開始見上升動力。當地積極進行結構性改革，利率正常化、工資上漲及鼓勵「儲蓄轉向投資」計劃，將繼續支持今年的日本股市表現，日經指數正朝著35,000點邁進，是我們最看好的市場。 鼓勵儲蓄轉向投資 過去三十年來，日本持續通縮，日本家庭均養成儲蓄的習慣，金融資產規模達到2,100兆日元，當中一半為現金和存款。日本政府一直致力鼓勵民眾將「儲蓄轉向投資」，旨在刺激經濟增長，促進資本市場發展，並應對低利率環境的問題，惟成效不大。岸田政府其後將NISA（日本個人儲蓄帳戶）改革，從2024年開始，NISA的最大投資金額限制已增加，投資者可以永久享受該制度的稅收優惠（之前的免稅期限最長為20年），或成為了轉折點。 工資增長以提升消費力 另外，日本首相岸田文雄強調結束超低利率，並逐漸採取具體措施，令貨幣政策走向正常化，退出負利率政策。日本政府更希望提升民眾的工資水平以支持通脹，決心於2030年中期將全國最低工資提高50%，多個工會要求年內加薪5-6%，而勞動力短缺的問題將於今年內持續，預計工資能維持較高的水平，從而提升國內消費者信心。 AI繼續推動美股向上 至於美國通脹正以健康的速度回落，第四季的經濟增長高達3.3%，遠超市場預期的2%。納斯達克指數（NASDAQ）未來12個月的盈利相較於2023年初增長25%，低於實際價格49%的升幅，不過相信人工智能將成為盈利增長的主要推動力，而且更具有投機性。 投資者如欲部署美國及日本的科技板塊，可留意本港上市追蹤環球元宇宙潛力股的ETF，當中美日股分佔比達六成，去年升幅達25%。 |
Stock , US Stock , JPY , ETF , HSCEI ETF |
| 趙晞文 |
2024-01-31T22:43 |
東方甄選(01797)終止向大股東新東方(09901)配股的計劃，表示集資並非配股主要目的，又指新東方及公司主席俞敏洪擬斥資共7億元自行增持股份。 信達國際研究部主管趙晞文估計，東方甄選終止配股，主要因為配股價為31.75元，但市價僅23元，相差太遠，而公司取消配股，意味不能集資逾16億元，或對業務發展有負面影響。 |
IPO , EAST BUY |
| 林嘉麒 |
2024-01-31T17:35 |
國資委昨日(30日)公布央企資產評估管理通知，要求進一步落實央企改革，之前喪炒慨中特估概念股已經出現散水潮，市場冷靜落黎後，都會認真睇下到底中特估板塊中，邊個sector最受惠，有唔少國企慨煤炭、電力股受惠程度又有幾大？不過，呢些股份不論基本面、股價都好弱，中特估概念會帶黎幾大支持力度？ 元宇證券投資總監林嘉麒指，係新估值管理辦法下，之前經評估後因存在技術上問題，無法進行併購慨資產，依家會進一步完善，進行規範及給予指引，理論上中特估企業只要有潛在收購機會，或相關板塊之前有較多併購，都應該可以睇高一線。 KK續指，煤炭及電力企業係疫情期間仍做左唔少併購，其中，電力股為左令收入及盈利多元化，進一步增加新能源佔比而買入唔少資產，相信新估值辦法可以增加電力股併購活躍度，改善收入及盈利。 煤炭行業方面，林嘉麒指，去年面對供應過剩問題，部分質素唔太高慨煤企都面對經營困難問題，如果行業有多些併購機會，買到更多平資產，估值上又有便利，國企或民營大小煤企都會多些機會，估計呢兩個板塊未來慨併購會有所增加。 |
Energy , ChinaElec , New Energy |
| 莊志雄 |
2024-01-31T15:55 |
美股持續強勢，道指昨晚(30日)又破頂，但標指及納指回套，聯儲局已展開一連兩日慨議息會議，議息結果將會係本港時間周四(2月1日)凌晨公布，議息結果會點樣左右美股後市？美股升至現水平有冇出現泡沫？ 「股市漁夫」創辦人莊志雄指，最近多左人講要「擁抱泡沫」，市場依家等緊聯儲局議息聲明，上次議息聲明出爐後，美股就升左一大浸，其中，標指升左20%，相信好多人「擁抱泡沫」慨想法就係預期聯儲局再「放鴿」，推高指數，但唔知今次有冇上次咁勁。 Lewis以用之前泡沫時期表現製作慨納指拼圖為例，用納指1999至2000年升勢同2023至2024年比較，pattern上相似，但幅度唔同，上次升得急些，今次慨形態相似，但幅度就冇咁大。睇返拼圖慨軌跡，時間點會到3月初，屆時要留意幾點，包括聯儲局之前為左救中小銀行，推出短期融資計劃係咪真正完結，因為市場似乎唔信會完結，所以會繼續炒，因此，相信納指3月唔會見頂回落，其次係聯儲局想繼續「放鴿」，就要睇通脹係咪持續回落，亦係影響今年可唔可以減息5次慨變數。 至於係唔係泡沫，除左可以睇估值，都可以睇最大慨公司係美股市場佔比有幾大。1929年及2000年慨泡沫都出現最大市值10%慨股票佔股市比重約73至75%，而目前情況就係佔約74%，用呢個角度衡量就係泡沫。因為正常唔會認為前10%股票會佔市場90%，而10%股票佔市值約70%已經係好誇張慨數字。 |
US Stock |
| 梁偉源 |
2024-01-31T14:16 |
截至早上11時15分止，1小時內《彭博》用戶關注度上升最多全球股票，依次為舜宇光學(02382)、中國神華(01088)、中國恆大(03333)、安踏體育(02020)及吉利汽車(00175)。 舜宇係半日表現最差藍籌，集團受手機攝像模組規格配備降級拖累發盈警，預期去年最多少賺55%，雖然市場都預左舜宇會賺少左，但股價仍愈跌愈多，仲插穿埋6年半低位。摩根大通預估計，今年智能手機市場需求復甦，但係咪彌補唔到手機攝像模組規格配備降級影響？有「最強蘋果分析師」之稱，天風國際證券分析師郭明錤睇淡iPhone出貨量係咪踩多腳？ 大華繼顯執行董事梁偉源指，手機攝像模組規格配備降級及iPhone出貨量被睇淡，都係舜宇股價大跌慨「死因」，雖然舜宇下半年賺多左，但睇到第4季復甦情況差過預期，尤其係貴價手機，令盈警數字同市場預期落差更大。 Steven又指，由於手機售價低過預期，導致毛利受壓，加上內地經濟前景唔樂觀，貴價手機需求今年會較少，因此，即使今年較去年有改善，改善程度亦唔會太大，如果iPhone 16銷售唔算強勁，將會係舜宇另一個打擊。 |
GEELY AUTO , CHINA SHENHUA , ANTA SPORTS , SUNNY OPTICAL , EVERGRANDE |
| 盧志威 |
2024-01-31T11:36 |
美股進入業績高峰，多家科技巨企噚晚(30日)派左成績表，其中，微軟(Microsoft)收入增速係兩年以來最快，不過，Google母公司Alphabet上季多賺近52%，但Google廣告及搜尋業務收入差過預期，至於全球第2大晶片商AMD今季收入展望低過分析員平均預測，3隻股份盤後都要跌，但整體業績仍維持增長，係咪都算交到貨？ 潤淼資產管理董事盧志威指，上面提及慨公司中，AMD面對最大問題，同英特爾(Intel)一樣，集團正面對個人電腦及遊戲機伸展需求下降問題，雖然兩隻都係之前表現搶鏡慨半導體股，但放榜後都要跌，所以要小心呢類股進入調整期。William又話，雖然微軟業績好，但噚晚都要偏軟，相信係之前升得太多，Alphabet情況亦差唔多，因為股價過去1年累升50%，所以就算業績好過預期，中線都要小心。 |
US Stock , IT |
| 郭家耀 |
2024-01-31T10:07 |
匯盈國際資產管理董事總經理郭家耀推介中國海洋石油(00883) 推介原因： -地緣政局有利油價升勢 -生產成本低，現金利潤豐厚，派息能力理想 -市場預計繼續派高息。 |
Oil , CNOOC , EJE HOLDINGS |
| 李偉傑 |
2024-01-30T17:24 |
雖然港股今日(30日)又大跌，但浙江世寶(01057)股價逆市大升，集團發盈喜，預期去年利潤最多大升4.4倍，主要受惠於汽車行業整體表現理想等因素，帶動收入及毛利率上升，值得留意係，浙江世寶A股今日漲停板，內媒形容股份有「妖股」feel，如果要做部署係咪唔應該單睇盈喜因素？ 華盛證券財富管理部董事李偉傑認為，浙江世寶慨盈利表現有驚喜，因為只用左1年時間，就做到過去2年半先做到慨成績，市場關注唔少車廠慨毛利係去年第4季受壓，汽車零部件會唔會都受影響？Jason認為暫時未有影響，但過唔排除減價戰持續會令上游產業被壓價，不過，集團中國以外地區慨毛利表現唔錯，期望可以同外國車廠加強合作，可進一步帶動盈利或毛利表現。 李偉傑又指，浙江世寶股價每年5月、6月都會炒上，之後就會跌一段時間，操作上有一定難度，因為股價好Chok，但跟同業比較，浙江世寶市盈率(PE)約17至20倍，唔算太貴，但投資者要有心理準備股價非常波動。 |
Stock , P.B. GROUP , ZHEJIANG SHIBAO |
| 譚智樂 |
2024-01-30T12:56 |
截至早上11時止，1小時內《彭博》用戶關注度上升最多港股，依次為中國恆大(03333)、信義光能(00968)、比亞迪股份(01211)、申洲國際(02313)及恆大物業(06666)。 恆大被頒布強制清盤令，如果清盤令係內地執行，可能會對內地社會穩定帶黎負面影響，到底係內地執行清盤令慨機會有幾大？ 富途證券高級策略師譚智樂表示，過去1年，恆大已經有唔少負面消息，例如清盤、做唔到融資等，市場已見慣不怪，所以係內地執行慨機會都唔細，但用咩形式執行就要視乎外圍市況因素而定。 Arnold又話，暫時未見到清盤令對市場造成好大衝擊，內地房地產屬於第1大產業鏈。 |
Stock , BYD COMPANY , SHENZHOU INTL , Real Estate , Real Estate |
| 黃偉豪 |
2024-01-30T12:33 |
恆生指數今朝(30日)低開逾百點，開市即失守16000關。輪證資金流方面，昨日(29日)好友資金轉為流入，流入約630萬元，5日合計有2.17億元離場。淡友資金亦轉為流入，昨日流入3300萬元，5日合計有2.28億元坐貨。牛證重貨區連續3日處於15300點，最多人加倉係係15800點，熊證重貨區繼續係16500點，最多人加倉係16400點。大市再失守16000關，呢個位置短期係咪有較大阻力？貼價牛證已被收回，重貨區會唔會太貼？ 中薇證券研究部執行董事黃偉豪指，恆指16000點水平短期應該會有阻力，近期自低位回升近1400點，其實都唔算少，加上近期推升大市慨誘因少左，相信會借勢整固，但要留意農曆新年長假前仲有政策憧憬，或會帶動大市反彈。 產品部署方面，依家牛證重貨區係15300點，如果做即市部署問題唔大，但要過夜或擺耐少少就有保留，一旦大市發力抽高幾百點，牛證有可能全軍覆沒，如果想過夜，可以考慮收回價15000點以下慨條款，若大市反彈，16500點會係下一個挑戰目標。 |
HANG SENG BANK , Capital Flow , Stock |
| 梁偉民 |
2024-01-30T11:20 |
騰訊控股(00700)主席馬化騰係集團年會上指，今年會全力發展視頻直播電商，又話社交媒體微信已變左「老樹」，點樣發展新芽先係最大問題，佢又話「BAT」之中，即百度集團(09888)、阿里巴巴(09988)及騰訊，現時只有騰訊仍有機會「發點新芽」，點睇騰訊進軍直播電商？ 高富金融集團投資總監梁偉民指，騰訊過往都有搞電商業務，但唔係集中火力去做，因為唔想觸碰到其他科技巨企慨領域，導致競爭加劇，而依家騰訊利用逾10億用戶慨黏性去搞電商，開闢更多收入途徑，相信仍有發展空間。 不過，Wyman認為，雖然可以創造更多收入。 |
IT , TENCENT , LINGYI ITECH |
| 黃敏碩 |
2024-01-30T10:30 |
註冊財務策劃師協會會長黃敏碩推介中國通號(03969) 推介原因： - 國策推動 「一帶一路」及基礎建設，有助提振集團海外業務 - 同時亦推進交通智慧發展，聚焦高鐵領域。 |
Strategy , CHINA CRSC |
| 阮子曦 |
2024-01-29T23:02 |
東風集團(00489)斥資11.22億元人民幣，向大股東收購創格融資租賃。 華富建業證券投資策略聯席總監阮子曦表示，交易往績市盈率接近35倍，估值並不便宜，至於東風透過收購，擴大汽車融資租賃業務，不排除是希望以這項業務，向經銷商出售更多汽車庫存，從而美化業績。 |
RMB , Earnings , CHINNEY INV |
| 趙晞文 |
2024-01-29T17:19 |
國企指數今日(29日)又跑贏大市，資金繼續掃中特估概念股，其中，中國鐵塔(00788)連續兩個交易日係大成交下急升，今日更打入20大成交榜，鐵塔派息比率超過60%,，業績又穩陣，係咪都唔會炒錯？ 信達國際研究部董事趙晞文指冇炒錯，鐵塔係1隻畀市場遺忘左慨國企股，過去幾年，集團收入等增長都相對穩定，未來焦點會落係盈利增速，因為鐵塔當年係3大電訊商收購返黎慨折舊及攤銷期，將會係2025年屆滿，意味盈利將會進一步釋放，分紅派息將有提升空間，若集團更詳細披露分紅政策，甚至比到市場驚喜，相信有好大估值重估空間。 股價方面，趙晞文憧憬，即係買緊預期慨情況下，估值短期市盈率(PE) 0.7倍，股價要係現水平再升10%唔難。 |
Earnings |
| 聶振邦 |
2024-01-29T17:05 |
哈爾濱電氣(01133)股價今日爆升，一度飆23%，屬二線國企慨哈電亦可受惠於「中特估」概念，一線慨相關概念股已經炒左幾日，升幅開始縮，二線相關股係咪可以接力追落後？再上有電網國策利好，哈電仲有幾多水位？ 博威環球證券金融首席分析師聶振邦指，係多重利好消息帶動下，哈電股價係可以睇高一線，相信股價仍有上升空間。佢又話，電網屬大型基建項目，加上近期內地經濟表現唔定，市場估計，今年內地經濟增長唔及去年，為左加強市場信心，相信中央會推動基建項目，而涉資5000億人仔慨電網項目，好大機會係3月啟動，相信會係哈電上半年業績反映，所以股價值得憧憬。 聶Sir又話，睇返哈電股價去年10月高位係2.75元，同現價相距約10%，保守估計有機會企穩2.7元，之後再上望3.2元水平。 |
HARBIN ELECTRIC , Strategy , Infra |
| 梁傑文 |
2024-01-29T15:31 |
金力永磁(06680)擬發行逾2689萬股新H股，其中，控股股東江西瑞德計劃認購約2017萬股，每股作價8.19元，較上周五(26日)收市價有逾10%溢價，集資2.2億元。值得留意係，金力股價上周五創新低，即傳出大股東肯溢價認購新股，係咪代表佢睇好公司前景？ 《香港股票財技密碼》作者梁傑文指，有可能係大股東想趁低撈貨，金力上市價逾30元，依家已跌到7.5元水平，累跌計逾70%，集團係呢個時候發新股集資，大股東本身持有逾28%慨A股，計埋今次認購慨新H股，總持股量超過30%，集團今次發新H股，似乎係為大股東可以名正言順低位增持舖路，唔代表睇好公司前景。 |
Trades , IPO , IPO , Stock , JLMAG |
| 陳錦興 |
2024-01-29T10:40 |
英皇資本財富管理方案研究總監陳錦興推介時代電氣(03898) 推介原因： -憂慮功率半導體供過於求，已在股價中反映 -首3季盈利增長逾30%，盈利能力不俗 -估值合理。 |
EMPEROR CAPITAL , TIMES ELECTRIC |
| 郭思治 |
2024-01-29T10:36 |
上周市傳中央政府正考慮採取措施去穩定暴跌中的股市，包括正在尋求籌集約2,780億美元去扶穩A股，另外人民銀行亦突然宣布下調銀行存款準備金率0.5個百分點，即有約1萬億元人民幣將釋放出市場，受上述消息及措施所刺激，A股終出現大幅反彈，上證綜合指數由本月22日之低位2,735點大幅急升至26日之高位2,924點。 單從技術上看，A股不但已漸擺脫反覆續試底之弱態，且衹要買盤不退，上證指數該可候機回試3,000點大關，惟需留意，內地經濟仍欠明朗，包括內房問題仍有待解決，另失業人數仍高企，情況當會對內需及消費等帶來負面影響，加上政策不明，故此潮A股之回升，暫該屬中期大幅急跌後之技術性反彈而已。 再看港股，受人行降準及A股大幅反彈所刺激，大市亦伺機作報復式之回升，恆指自本月22日低位14,794點開始之反彈，至25日高位16,254點止計，在短短4個交易日內，累積升幅已達1,460點，論步伐確稍偏促，故在急升過後，技術上當需稍作消化，但估計略作消化後，大市仍會再進一步反彈，原因很簡單，大市自2023年1月27日高位22,700點開始之大型中期跌浪，至今年1月22日低位14,794點止計，經過逾52周之反覆下跌後，累積之總跌幅已達7,906點，單論跌幅實已不算小，故衹要稍有利好消息出現成藥引，大市該可作較明顯之反彈，以總跌幅有7,906點計，衹要資金之入市態度不退，大市該可再進一步反彈，恆指如能反彈跌幅7,906點之三分一，則目標該可上望17,428點，如恆指能反彈跌幅7,906之二分一，則目標更可上望18,747點，當然，大市之動力能否配合至為關鍵。 移動線方面之表現已漸趨穩定，大市經過連續急升4日後，恆指已成功重越10天線（約在15,644點左近），並進一步升越20天線（約在16,058點左近），單從技術上看，衹要恆指能穩守於上述兩組平均移動線之上，該有利於後市再候機上試50天線（約在16,590點左近），甚至再上試100天線（約在17,134點左近）。 |
Stock , RMB , China Real Estate , USD |
| 李浩然 |
2024-01-29T10:26 |
從2022年以來，標準普爾500指數最近終於在相隔512個交易日（或是747日），也相當於兩年多後，再次創下歷史新高。以歷史標準，這還不算太糟。親身經歷的感覺不太好，但是兩年的熊市其實就像東北的暴風雪一樣正常。它以前發生過，將來也會再次發生。現在熊市已經正式結束，也應該反思當中能夠學到的一些經驗教訓，為下次熊市出現做好準備。 回顧過去很容易，事後孔明說應該持有看漲期權或3倍槓桿ETF或其他什麼。然而，熊市是可怕的！當身處其中時，投資者永遠不會意識到這是一個巨大的買入機會。傳統的投資智慧是：「過去的所有下跌看起來都是機會，未來的所有下跌看起來都是風險。」 回顧2022年12月，當時的情況不太好。由於通脹急劇上升，聯儲局急速加息以緩減消費者物價上漲。結果股市暴跌，而受到最嚴重打擊的是普遍投資者都擁有的科技股。其中，亞馬遜股價較最高點下跌55％、Meta的股價僅為一年前的三分之一；在當時，恐懼無所不在，大部分人都預期2023年會出現經濟衰退。然後，有多少人認為股市在10月觸底？要沖進股市撈底？「當別人恐懼時，我要貪婪」這句話很容易說，但實際上很難做到。 過去5年，市值排名前20的公司的盈利年複合成長率大約為13％。股票不會年年上漲，收入不會年年上升，但自由市場經濟會有一個自我修復的機制。當下一次陷入消極情緒時，不要忽視這一點，這一點很重要。當股票走高時，很容易高估自己應對下行風險的能力；當真正身在為熊市之中，投資者才會認清自己的真實性格。 然而，對於少部分的投資者來說，投資從來都是如此簡單。他們在過去兩年里一直在購買，這不是因為他們是天才，也絕對不是因為每次買貨都是看好。然而，如果他們必須親自登入並執行這些交易，筆者確信他們不會像以前那樣保持一致。月供買股票的好處是，不會讓個人情緒左右投資決定。熊市並不好玩，但它是投資的一部分。現在要享受這個牛市了，儘管不知道會持續多久。 |
ETF , IT , CHINA ENERGY , HSCEI ETF |
| 趙晞文 |
2024-01-26T22:43 |
權益披露顯示，國浩集團(00053)第二大股東Elliott悉售9.72%持股，每股作價50元，套現約16億元。 信達國際研究部主管趙晞文表示，國浩2013年5月開始不斷增持國浩股份，平均成本價約每股91元，計及歷年收取的股息，今次帳面輕微虧蝕離場，而國浩大股東2018年提出按每股135元私有化，當時獲Elliott支持，惟最終私有化失敗，意味國浩短期內再提私有化的機會很微。 |
GUOCO GROUP |
| 姚浩然 |
2024-01-26T18:01 |
藥明生物(02269)股價今朝高開，保持升勢，原因係創辦人李革首度增持公司股份，但午後走勢突然逆轉，一度急瀉近28%，因為市傳美國眾議院中共問題特設委員會提出，立法禁止藥明康德(02359)及華大基因等外國生物技術公司，指呢些公司收集美國人基因作惡意或不明用途。其實藥明生物附屬曾係2021年，被納入「中國企業未經核實名單」(UVL)，2022年底成功「甩身」，今次又甩唔甩到身？股價急瀉後係咪撈底慨好時機？ 亨達財富管理董事總經理姚浩然指，藥明生物兩次危機都好類似，最終要視乎美國制裁力度，會唔會影響藥明生物接外國定單，一旦落實制裁，好可能影響藥明生物市佔率，亦解釋到股價點解今日急瀉。 Patrick又話，想撈底慨投資者要三思，因為現階段只係開始，一旦有進一步制裁，股價可能會插水。 |
Bio , CINDA INTL HLDG , MAGNIFICENT , WUXI BIO , WUXI APPTEC |
| 陳錦興 |
2024-01-26T17:37 |
「資產股」國浩集團(00053)分別係2012年及2018年提出私有化，但兩次都失敗收場，2018年股市興旺，當時提出慨私有化作價135元，依家集團4大核心業務包括自營投資、物業發展及投資、酒店及休閒業務及金融服務，國浩截至去年6月底止全年，收入增長近40%，純利更大升近74%，國浩股價依家處於57元水平，有冇誘因再度捲土重來，第3度提出私有化？ 英皇資本財富管理方案研究總監陳錦興指，國浩對上一次提私有化失敗已經係2018年，過去幾年，爆發疫情、經濟唔好、股價反覆向下等因素，其實都有利大股東重提私有化。 不過，佢指出，依家股價折讓都幾大，呢類綜合型股份對市場來講吸引力唔算大，大股東亦唔容易進行集資，所以的確有誘因再提出私有化。 |
GUOCO GROUP , EMPEROR CAPITAL |
| 關焯照 |
2024-01-26T16:16 |
國資委開記招講國企重組，甚至升職都要睇國企業績，中特估概念股近日成功翻炒，中國海洋石油(00883)股價破曬頂，另一隻資源相關股中鋁國際(02068)昨日(25日)更顛升逾70%，中特估概念股應該點揀好？應該長楂或短炒？ 冠域商業及經濟研究中心主任關焯照認為，應該畀呢些股份抖一抖，因為行得好快，其實國企改革好多季之前已經炒左，睇返中國移動(00941)走勢，雖然有2至3季靜左落黎，雖然依家破頂，但低過之前個頂，低過70元，走勢係咪係咁勁？所以都要小心。 佢又話，好彩都有鞭策國企楂弗人，叫佢地睇實股價、做好業績，反而令市場人士有返些信心，如果業績好派多些息。關博士指，中海油有外圍優勢，睇返技術指標真係好強勢。 |
CNOOC , Oil , CHINA MOBILE , CHALCO , Resources |
| 梁偉源 |
2024-01-26T14:07 |
截至早上11時止，1小時內《彭博》用戶搜尋量最多港股，依次為聯想集團(00992)、瑞聲科技(02018)、銀河娛樂(00027)、萬科企業(02202)及中國海洋石油(00883)。 連續3日上榜慨中海油上調今年指引，淨產量目標700萬至720萬桶油當量，但預期會令資本預算上升，大行仍一致唱好集團，匯豐證券睇好未來3年產量指引繼續帶動盈利增長，而國企改革及回購計劃亦有助提升股東回報，高盛更估計，今年股息率達10厘，中海油股價今早繼續破頂，上升動力係咪可以持續？ 大華繼顯執行董事梁偉源指，即使中海油資本開支或會增加，但集團現金流十分強勁，因此，唔會對財務狀況有太大影響，若政策繼續鼓勵投資者入市，中特估概念股會有一定優勢，因為中特估概念股估值平、派息率高，加上可見慨收入前景透明度高，預期中海油股價會繼續跑贏大市。 |
CNOOC , Oil , HK Cap Flow , Stock , HSBC HOLDINGS |
| 聶振邦 |
2024-01-26T11:46 |
中央打出「組合拳」救股市，近日不斷連環出招，刺激恆生指數連升3日，成功收復16000關，科技股表現強勢，其中，阿里巴巴(09988)除左受惠於中央出手救市，本身都有唔少好消息，軟銀集團(SoftBank Group)表示，已完成減持阿里， 投資證券收益高達666億元，軟銀唔再向阿里「提款」，係咪代表外資都唔會再向港股「撳錢」？阿里短線仲有冇反彈空間？ 博威環球證券金融首席分析師聶振邦指，軟銀傾向暫時唔會係港股套現，現時阿里市盈率(PE)約10倍，科技股平均PE就約12倍，阿里係相對吸引，整體黎講，係香港上市慨科技股已處於吸引水平，加上大市回暖，資金流入科技股慨機會較大。 聶Sir又話，阿里受惠於恆指表現，但現價同去年慨80元水平仍有距離，暫時上望78元水平，潛在升幅約10%。 |
Stock , IT , HK Cap Flow , HANG SENG BANK , LINGYI ITECH |
| 盧志明 |
2024-01-26T10:07 |
大唐資本投資策略部總監盧志明推介中國石油股份(00857) 推介原因： -國資委研究將市值管理納入中央企業負責人業績考核 -與烏茲別克能源部簽署擴大能源合作戰略框架協議 -國企改革走向「淡馬錫模式」 建議買入價：5.45元 目標價：6.20元 止蝕價：4. |
Energy , Oil , PETROCHINA , Rating |
| 林嘉麒 |
2024-01-25T22:41 |
中海油(00883)去年產油量多於原先目標，並預計今後三年產油量會持續上升。 元宇證券基金投資總監林嘉麒表示，中海油上季產油量，是去年最多的一個季度，或暗示公司在開採技術上取得突破，每桶油成本可望下降，加上2025年可能調高派息比率，看好股價前景。 |
CNOOC |
| 姚浩然 |
2024-01-25T18:09 |
轉型做直播帶貨慨東方甄選(01797)，上半年業績收入、商品成交金額(GMV)符合預期，但經調整純利低過預期，調整經營溢利率亦大跌，股價今日逆市急挫，係咪因為盈利能力同市場預期有明顯落差?依家持有東方甄選逾50%股權慨新東方(09901)會唔會受牽連? 亨達財富管理董事總經理姚浩然指，內地整體經濟增速較慢，所以GMV表現較慢係可以理解。東方甄選股價急挫，係由於總營收成本上升，其中，銷售及營銷開支激增146%，行政開支亦大升130%，Patrick預期，集團未來營運開支將會繼續增加。 對於持有東方甄選逾50%股權慨新東方，Patrick認為，兩者要分開睇，預期後者業務可持續增長，唔會受到牽連。 |
Results , Earnings , CINDA INTL HLDG , EAST BUY |
| 植耀輝 |
2024-01-25T17:54 |
中央連環出招救市，中字頭股或中特估概念股昨日(24日)下午已經有反應，今日再有資金追入。中國聯通(00762)、中國移動(00941)、中國石油股份(00857)等表現相當突出。摩根士丹利更發表報告，話國企「黃金時代」開始，呢個講法有冇誇張之嫌？市場係咪憧憬國企股估值提升、做回購，同埋加大派息力度？ 耀才證券研究部總監植耀輝指，市場已經唔係第1次炒作中特估概念股，去年都炒過一輪，當時都有好多大行出過報告，睇好呢類包括聯通、中石油等A股都漲停板，炒作原因不外乎因為呢些股份基本面比較強，或派息能力好。 不過，Stanley話，呢些股份股價係短時間內抽升幅度驚人，估值有機會係因為多左聲音下改變，對估值可獲提升有保留。 |
Gold , CHINA UNICOM , PETROCHINA , Oil , CHINA MOBILE |
| 陳偉明 |
2024-01-25T11:02 |
還記得2023年初，港股在內地放棄「動態清零」後氣勢如虹升至高見22,700點，市場期待內地經濟重啟及聯儲局放慢加息這兩大因素支持下港股有望估值修復升至25,000點甚至更高水平。結果中國經濟復甦不似預期，美國聯儲局又持續加息，港股2023年在市場樂觀預期下反高潮地全年下挫2,734點(-13.8%)。 今年2024年初，市場普遍認為美國不但利息已見頂位，而且最快今年3月可以減息，在美國即將減息預期下內地很快會「放水」減息救市，而港股在歷史性連跌四年後，今年2024年開局應該會有一個好開始，結果美國減息的預期降溫、「中國版雷曼」中植破產清盤、內地通縮加劇，而人行又未有如市場預期「放水」下調中期借貸便利(MLF)及貸款市場報價利率(LPR)，港股2024年開局熊絕全球，恆指本周一(1月22日)已失守萬五關，在短短15個交易日內急插2,086(-12.2%)，直逼2023年全年跌幅。 港股估值低殘，但卻不斷尋底，主要原因是因為市場樂觀的預期落空，內地通縮憂慮加速外資沽貨撤資，而「中國版雷曼」中植破產清盤及結構產品爆倉事件加劇A股跌勢，加上內地要求機構投資者不要賣出股票，變相令到港股成為沽貨提款機。 幸好，去年聖誕假期前，筆者提及港股有機會重演向上「假穿」議息後頂位回落的形態，在今年初已預早提醒港股會出現震倉，不但隨後在此專欄不斷提醒戰友港股有創新低風險，並且準確把握恆指每一次短期反彈的機會加強Long Put 對沖倉位下跌風險。 正當恆指本周一(22日)跌至低見14,794點，市場情緒極度悲觀，不少分析認為港股有機會出現「價值陷阱」，低處未算低，有機會進一步插穿2022年14,597點「疫情底」，更有分析指現金在手莫手痕。 港股這次跌勢與去年11月頂位18,174點至12月底位15,972點的跌浪相似，都是向上「假穿」議息後頂位回落逾12%。恆指今年1月初頂位17,135點至本周一(22日)低位14,794點已跌2,341跌(-13.7%)，技術上已具備隨時見底的條件，而且未來12個月預測市盈率只有約8倍，基本分析估值亦低殘，早前眾人睇好我造淡，現在是時候是別人恐慌我貪婪，大量現金在手，開始認真部署候低分注吸納港股。 因此，上周筆者預早提醒把握港股15,500點以下「單日」跌逾300點的撈底執平貨機會，結果港股在本周一(22日)符合筆者提及的條件之後便在內地連番出招救市措施下下見底爆升。 回想起來，本周二(23日)早上突然傳出內地計劃推出2萬億元人民幣平準基金救市，港股亦緊隨反彈近400點，市場當時仍然懷疑消息真定假，未敢大手入市，然而當晚再傳出阿里巴巴(09988)創辦人馬雲及蔡崇信入市增持公司股票消息，筆者隨即認為這些事件並不是巧合，明顯見到中央在背後發功的手影，因此認為港股升勢未止， 繼續在本周三(24日)加注買貨，結果事後得知人行預告降準「放水」一萬億元，港股再升逾500點逼近萬六關。 大家要知道內地不是不想「放水」救市，只是要謹慎行事提防中美息差擴大令人民幣匯價進一步下跌。 雖然美國今年3月減息預期降溫，但幾可肯定最遲今年下半年會踏入減息周期，內地在適當條件的情況下便會隨時開始「放水」救市。 坦白講句， 原本筆者也認為內地會在今年第二季待美國減息周期更明確時才「放水」，港股15,500點以下開始撈底亦預了有機會坐貨一段時間，但近日中港股市跌勢太急，中央終於忍不住出手救市。 早前港股被拋售，一方面是因為外圍升得急，外資楂強沽弱，捨難取易；另一方面是因為市場樂觀預期落空引發恐慌性拋售掟貨。當市場冷靜過後，逐步將焦點回歸美國大方向的減息預期，加上外圍股市貴、下跌空間大、風險較高；港股平、下跌空間細、風險較低， 港股在配合內地救市消息下隨時會迎來絕地反彈。 技術上，恆指在企穩1月11日頂位16,459點之前仍須審慎，暫時傾向港股在15,400至16,500點上落。早前港股急插令期權引伸波幅扯高，有利於期權短倉Short Put撈底接貨，留意恆指15,700點以下Short Put接貨買入科網板塊的機會。 |
Stock , RMB , LINGYI ITECH , China Econ , IT |
| 許繹彬 |
2024-01-25T10:52 |
踏入2024年1月的倒數階段，港股持續其頹勢，只用了短短15個交易日，以不費吹灰之力先後摧毀了17,000、16,000及15,000點的重要支持區；根據翻查的歷史數據來看，這種情況實在甚為罕見，直接用股災來形容本月恆指的走勢，相信沒有人會反對。 本周一(1月22日)回來，投資者滿以為可借上周五(19日)美股收市的升勢，令不會跟隨大市走向的港股，依然可以在15,000點水平附近先企穩，然後能夠築底回升；但事情往往是理想美好，現實殘酷；恆指在開市的一瞬間已跌穿萬五點，更一度逼近2022年的14,597的低位。 是次令港股急跌的主因是，內地1月貸款市場報價利率（LPR）維持不變，意味當局未有肯放水救市的動機，上海指數隨即跌穿2,800點水平，且越跌越有；港股更一度曾挫514點，跌至14,794點首現超過14個月的新低。外間均認為，既然中國放水無望，中港股市就集體散水作為回應！ 恆指在踏入2024年，跌幅已逾12%，創下14年新低原來未算最嚴重；國企指數曾一度跌穿5,000點大關，將回歸以來辛苦建立的國企指數，用不足一個月的時間，就跌至19年低位，令人甚感無奈；昔日令投資者嘗盡五滋六味的科技股指數，亦曾在3,000點邊緣苦苦掙扎，所有藍籌在本周一均創下52周或三年新低。反之，鄰近的印度、台灣及日本則越升越有，日本更輕輕鬆地創下34年新高，與港股14年新低作出了強大的對比。 筆者認為，本周港股跌穿15,000點，與上周跌穿16,000點的情況，均有異曲同弓之處；就是中央放水無望而令港股一開市根本沒有稍作停留，就跌穿15,000及16,000點的心里關口，當中再度觸發衍生產品被強制收回及程式平倉或斬倉盤的湧現。 由於本周同樣出現與上周同等的情況出現，故此促使在上周有部份仍然希望維持觀望或繼續守候搏反彈的投資者，信心出現崩潰狀態；當港股跌穿15,000點後，股民可能突然產生無望之心，更擔心在短時間內可能連2022年低位14,597點都會跌穿而引發了恐慌性拋售，寧願先沽貨離場止蝕，因此所有舉足輕重的藍籌股便出現 「人踐人」的場面，股價完全沒有支持位可言，更是越拋越低。 出現此現象可謂是人知常情，實際而言，就算投資者仍對港股有一絲信心，眼見由20,000點開次段段向下，一浪更低於一浪，每月走勢亦是沒有最低只有更低，股民就算有多堅定，在本周也會動搖。不過，幸好在經歷周一(22日)的大逃殺後，在本周二(23日)市場突然傳出中央短期內會推出多項支持工具，以穩定資本市場的運行；考慮設立約2萬億元人民幣的股市平准基金，使用主要來自中國境外機構的資金經滬港、深港通投向A股。 當局還考慮通過中國證券金融股份有限公司或中央匯金公司，向A股投入至少3,000億元的本地資金；消息一出，外間均認為若短期內將2萬億元人民幣全數投入股市，對中港兩地股市影響巨大；更認為若資金先配置於港股，對港股的幫助一定較國內A股更大。 而好消息突然一浪接一浪，昨午人民銀行宣布於下月5日降準0.5個百份點，意味將會向市場提供長期流動性大約1萬億元人民幣。兩天內宣布的好消息為疲弱的港股創造出了大奇蹟日，恆指兩天由15,000點反回升直逼近16,000點；這兩天的反彈均有成交配合，全部均超過1,100億，可謂吐氣揚眉。儘管如此，對人心虛怯的股民來說，相信仍然驚魂未定，抱著觀望態度來看待此刻的反彈，亦屬正常；惟有希望在成交的配合下，港股可守穩10天線(約在15,700點)左右，上望則16,100點。 國內的救市措施儘管部份仍未得到落實，而部份則下月五日急急地便推行，可見國內對在2024年要挽救疲弱的國內經濟及挽回投資者投入資本市場的決心；而在此亦希望今次港府不要再像去年一樣，國內努力推出刺激經濟的措施，反而港府則採取不知不覺及遲緩的態度來莫視問題。 這次應積極乘著國內救市的決心，仿傚中國並切實提出務實有效的改善股票流通性等一系列挽回投資者對港股的政策，推出樓市撤辣及股市減印花稅來挽回投資者對香港資本市場的信心；不要再嘆慢板或推出不切實際措施來敷衍投資者了事的方案；這才是對港股或整體的投資市場真正對症下藥自救的方法。如中港兩地確實在農曆新年前有務實的救市方案出台，對於股價已跌至慘不忍睹地步的港交所(00388)，可會是最大的得益者。 |
Stock , RMB , HK Cap Flow , IT , China real est |
| 譚智樂 |
2024-01-25T10:34 |
富途證券高級策略師譚智樂推介中國中免(01880) 推介原因： -估值跟隨大市調整，市盈率回落至20倍，接近歷史低位 -市況回暖，農曆新年前或有望追落後 -現金水平充裕。 |
EVERCHINA INT'L , CTG DUTY-FREE |
| 植耀輝 |
2024-01-24T22:54 |
東方甄選(01797)上半年度少賺57.4%，差過市場預期。 耀才證券研究部總監植耀輝表示，東方甄選轉型為直播帶貨後，市場對公司期望很高，但上半年度業績因為毛利率下跌，及營銷開支大增，拖累盈利倒退，相信市場會感失望，而且相關開支短期內應仍會進一步增加，意味下半年度業績同樣會令人失望。 |
Earnings , EAST BUY |
| 彭偉新 |
2024-01-24T15:22 |
截至早上11時止，1小時內《彭博》用戶搜尋量最多港股，依次為長城汽車(02333)、快手(01024)、復星國際(00656)、中國石油化工股份(00386)及零跑汽車(09863)。 今日(24日)排行榜頭5位有兩隻係車股，兩隻都有利淡消息拖累股價逆市急插，其中，出左業績快報慨長汽去年少賺15%，營業收入更跌26%，拖累股價一度跌近10%，險守8元關口，跌至8個月低位，長汽股價係咪仲有排捱？ 資深證券分析師彭偉新表示，長汽股價短期仍然唔樂觀，如果RSI唔跌穿30水平，相信仲有機會反彈，因為短期有「跌過龍」慨情況，不過，一旦跌穿30水平呢個重要關口，股價會繼續向下，因為投資者要掟貨止蝕。 Castor又提醒，若長汽股價跌穿2023年低位，即7.77元水平，後果就非同小可，所以長汽現階段唔值博。 |
FOSUN INTL , Oil , Stock , SINOPEC CORP , GWMOTOR |
| 植耀輝 |
2024-01-24T10:07 |
耀才證券研究部總監植耀輝推介中遠海運國際(00517) 推介原因： -股價於波動市具防守性 -每股淨現金值逾4元 -派息率達100% 建議買入價：3.1元 目標價：3.8元 止蝕價：2. |
COSCO SHIP INTL , Rating |
| 盧志威 |
2024-01-24T10:04 |
Netflix昨晚(23日)係美股收市後出左業績，去年多賺20%，收入及新增用戶都好過預期，後者更是疫後表現最強勁慨季度，刺激股價盤後勁升8%，係咪反映集團力谷用戶慨措施見效？此外，集團擲數十億美元奪得WWE Raw美國獨家轉播權，係咪除左劇集外，Netflix加強體育直播範疇？ 潤淼資產管理董事盧志威指，Netflix廣告及訂閱商業化之後表現係好左，呢個都令市場有些驚喜，令業績及財務回報表現好理想，但佢認為，要留意未來兩季慨情況，再判斷改變訂閱制度令付費用戶多左，係咪一次性因素。 William又話，大型體育節目直播都係另一個可以吸引觀眾，但都需時觀察，雖然經過今輪增長後，Netflix未來業績表現可能唔再有咁大驚喜，但仍然係一家具高增長潛力慨企業。 |
ETF , USD , US Stock , HSCEI ETF |
| 陳欣 |
2024-01-23T18:07 |
有經濟學家預期，4月係日本央行取消負利率政策最佳時機，屆時日央行有時間評估年度薪酬談判結果，係咪真係要等到4月？日圓最新略為轉強，係148水平爭持，若短期仍未取消負利率政策，日圓會唔會見150？ 連連STAR FX總經理陳欣指，日央行全票通過維持貨幣政策、前瞻指引不變，並調整經濟增長預測，反映央行需時觀察通脹及經濟發展情況。 此外，美國3月減息預期降溫，亦令日圓壓力增加，相信短期仍較弱勢，Chase又認為，日圓今季難望回升，中短線料於140至150水平徘徊。 |
|