| Commentator |
Time |
Content |
Tag |
| 陳偉聰 |
2022-03-21T18:23 |
丘鈦科技(01478)中午出左業績，去年多賺不足3%，唔派息，受新冠疫情肆虐及埋指紋識別模組升級放緩等原因影響，純利及毛利率指標逐步轉弱，毛利率最新更跌到單位數，呢份業績係咪令人失望？ uSmart盈立證券研究部總監陳偉聰指，雖然丘鈦舊年下半年收入冇大跌，增長甚至有加快跡象，但純利及毛利率都轉弱，即使收入、出貨量維持到，但產品利潤減少，加上工資上升，導致營運成品壓力加劇，佢直言，丘鈦純利僅增長逾2%，的確令人失望。 |
Results , Earnings , IT , Q TECH |
| 梁傑文 |
2022-03-21T17:54 |
港華智慧能源(01083)上個星期四收市後出左業績，股價翌日大插，其實同日公司出左通告，話會配股畀公司及附屬公司慨高管合共10人，當中包括港華CEO黃維義，應該點解讀公司呢個動作？ 《香港股票財技密碼》作者梁傑文指，港華業績一般，所以今次都係兩睇，依家港華股價差唔多係1年低位，今次全部配畀公司董事及附屬公司慨高級員工，除左可以解讀為睇好公司前景，亦可以視為董事係低位增持，雖然金額唔係特別多，但象徵意義大於一切。Mike又話，呢次配股對公司高管黎講係有著數。 |
Stock , Energy , TG SMART ENERGY , IPO |
| 郭思治 |
2022-03-21T10:35 |
3月份之股市相當反覆，恆指先由1日之高位22,937點大幅急跌至15日之低位18,235點，在短短兩周內，恆指已急跌4,702點，講跌勢確極偏促，故在技術超賣下終見報復式反彈，而自15日低位18,235點開始之反彈，在龐大之成交金額支持下，恆指在短短四個交易日內，已大幅反彈3,411點至18日之高位21,646點，即是說，經過一輪快步上升後，大市不但已漸升離15日之低位18,235點，以恆指於18日報收在21,412點計，即已成功重越10天線(20,484點)，論形態，技術上該有利於再進一步上試20天線(21,703點)，當然，直到目前一刻止計，大市衹屬急跌後之技術性反彈，暫該不屬新中期升浪之開始，故任何再冒高追入之短炒行動，最好是做好風險管理。 有一點需留意，17日之大幅高開，技術上遺留下一大型上升裂口，介乎20,120點至20,786點，此上升裂口出現在20,000點大關左近，論情況確不太理想，況且10天線(20,484點)剛好位於此上升裂口之中，即是說，大市一旦回補此裂口，即會同時下試或跌穿10天線，且其時更可能會再次下試20,000點大關，故目前需留意大市之成交金額能否保持暢旺，因大市之動力一旦有失，即表示大市之反彈可能已近尾聲。 再看移動線方面之表現，直到執筆一刻止計，各組常用的平均移動線之排列仍屬倒序模式，由上而下的順序為250天線(25,878點)，100天線(23,757點)，50天線(23,237點)，20天線(21,703點)及10天線(20,484點)，但由於恆指已成功重越10天線(20,484點)，故衹要大市能維持反彈之形態不變，技術上該有機會拉動10天線掉頭上試20天線，談到此點，當又需視乎大市之交投能否維持暢旺，因動力如配合，大市方能作進一步之反彈，需留意，上周五(3月18日)大市之成交金額似略見放緩。 |
Stock |
| 趙晞文 |
2022-03-18T22:43 |
華潤燃氣(01193)去年多賺24%，單計下半年純利增速放慢至14%，毛利率更跌至21.7%。 信達國際研究部主管趙晞文指出，國際天然氣價格高企，相信潤燃今年上半年毛利率仍受壓，上半年業績難有好表現，現價估值仍不吸引。 |
Results , CHINA RES GAS |
| 葉佩蘭 |
2022-03-18T18:27 |
俄烏談判距離達成協議仲有排傾，刺激紐約期油及布蘭特期油齊齊升至每桶100美元樓上，但油價暫時有機會連跌兩周，100美元係咪有較大支持？ 英皇期貨營業部總裁葉佩蘭指，近期油價走勢波動，高位曾上到130美元水平，低位就大約93美元，佢估計，油價未來會係93至130美元波動，油價過去長時間係80至120美元上落，而呢個範圍相對合理。 佢又提醒，投資者除要關注俄烏局勢外，亦要留意美伊談判，近期雙方談判有突破性進展，一旦談判成功，出口石油供應增加，將會利淡油價。佢又相信，油價短期會係90至120美元上落。 |
Oil , USD , CARRIANNA , Expo |
| 黃敏碩 |
2022-03-18T16:58 |
建滔系兩隻股份中午齊齊出業績，純利都升超過1倍，不過，建滔積層板(01888)全年毛利率34%，較2020年升左7個百分點，算唔算係呢份業績慨亮點？至於集團慨覆銅面板係用於電動車及電子產品，需求就唔需要擔心，但供應鏈成本持續上升，今年仲交唔交到功課，毛利率上升空間有幾多？ 寶鉅證券董事及首席投資總監黃敏碩指，雖然集團接單有些反覆，但由於上游原材料有一定儲備及生產，呢個係有一定優勢，有助控制毛利率，亦對盈利表現有幫助。Michael又認為，集團今年毛利率表現唔需要擔心，反而有另一樣野要留意。 |
Results , KB LAMINATES , Earnings , KINGBOARD HLDG |
| 陳建良 |
2022-03-18T16:02 |
俄烏戰事持續近1個月，談判仲未有進展，而歐洲有可能因今次戰事，出現潛在金融危機，有歐洲業務慨股份係咪暫時都不宜沾手？ 勝利瑞柏基金管理合伙人暨投資總監陳建良指，俄烏一開始埋檯傾，投資者係有一定期望，但由於雙方慨底線相差太遠，短期內都好難傾掂數，有可能造成商品短缺，而俄羅斯亦有可能拋出反制措施，係咁多不明朗因素下，會令金融市場出現動盪，例如依家歐洲有40%天然氣係俄羅斯供應，雖然好多歐洲國家話唔買俄羅斯天然氣，但其實歐洲根本冇能力咁做，原因係唔夠天然氣用，所以歐洲好大機會陷入滯脹，而歐洲金融機構或銀行亦有可能出現違約風險。 |
|
| 梁偉源 |
2022-03-18T15:28 |
截至早上11時止，1小時內《彭博》用戶關注度上升最多港股，依次為富力地產(02777)、禹洲集團(01628)、花樣年控股(01777)、長實集團(01113)及融創中國(01918)。 5隻上榜股中，4隻係內房股，內房股今個星期坐過山車，連續兩日夾高後，今日又回軟，內房股夾淡倉反彈係咪已告一段落？ 大華繼顯執行董事梁偉源指，今周內房股急跌後再急升，相信要休息慨淡倉已經休息完，但內房股急升唔代表公司財務狀況有改善，業績及資金流等問題仍然存在，個別公司將還債時間拉長，可能會對股價有幫助，但長遠而言仲未徹底解決問題，所以內房股想進一步突破會有難度。 |
China Real Estate , R&F PROPERTIES , Real Estate , HK Cap Flow , Stock |
| 聶振邦 |
2022-03-18T11:04 |
港股連續兩日急升，累升逾3000點，已完全收復上周五至今個星期二慨失地，但相比3周前俄羅斯出兵烏克蘭慨水平，3大指數仍要跌約10%，恆指及國指暫時仍然係全球5大表現最差指數，北水噚日錄得淨流出，係今個月首見。經歷連日大幅波動後，港股係咪差不多彈完？ 華盛証券分析師聶振邦指，恆指要上返20天線，即22000點水平先可以繼續上，依家距離20天線仲有約500點，噚晚夜期跌超過200點，道期又跌緊，恆指今朝好大機會低開，加上已連續兩日急升，恆指有機會回調至21000點樓下，到時投資者就要小心，不過，如果守得住21000點，相信整固後好大機會再升過。 |
Stock , HK Cap Flow |
| 李浩然 |
2022-03-18T10:20 |
美國聯儲局議息後宣布加息0.25厘，主席鮑威爾在會後記者會上，表示持續加息是恰當的行動，因為通脹仍遠高於2%的長期目標，又暗示今年內還會上調利率六次。事實上，鮑威爾亦只得承認，由於美國勞動力市場狀況普遍改善，勞動力供應受限，薪資水平以多年來最快的速度增長；加上能源價格上漲，都推高通脹。通脹上行風險將持續，並需要更長的時間才能達到目標。 與此同時，聯儲局卻調低今年美國GDP增長預測至2.8%，此前為4%在烏克蘭戰爭對美國經濟影響帶來高度不確定性下，既造成額外的通脹壓力又令經濟活動受到潛在的損害。值得留意的是，聯儲局公布議息結果後，孳息曲線出現明顯收窄，意味著市場預期美國經濟將有可能轉弱。而根據德銀的策略員里(Jim Reid)的分析指，儘管並非每次加息周期都會導致經濟衰退，但歷年數據可見，由聯儲局第一次加息到出現衰退平均需要大約三年時間(約37個月)，而且都發生在兩年期和十年期國債息差出現倒掛。 無疑，與上世紀末科網狂潮作比較，近年的情況與當年泡沫爆破(前、後)某程度上確實具有許多共同特徵。例如在泡沫爆破前：首次公開募股(IPO)如火如荼、「即日鮮」交易受到投資大眾的青睞、投機行為猖獗、科技股受到熱烈追捧、新科技正在創造一種新的世界秩序、投資者的期望與現實脫節、「股神」巴菲特等價值投資者被無情嘲諷。在泡沫爆破後：能源股出現飛升、科技股被壓垮、巴菲特王者歸來、價值型股份跑贏大市。此外，也曾巧合地發生改變世界歷史觀的地緣政治事件(911事件和俄烏戰爭)。 當然，沒有一個周期是一模一樣。在2000年初期，通脹率就不曾接近8%，但當時的利率比目前高得多(於2000至2005年期間，十年期國債的平均息率接近5%)。而且，當年也沒有供應鏈短缺、全球疫情、串流媒體服務、社交平台、iPhone 等事物。然而，若比較當前與2000年兩個時期的十大市值上市公司可以發現，千禧年時科技股只有微軟(Microsoft)、英特爾(Intel)和思科(Cisco)。但今天，蘋果公司、微軟、亞馬遜、谷歌、英偉達和Facebook的市值已佔標準普爾500指數約近四分之一。 納斯達克指數今年從高一度下跌了約20%，在這次拋售潮中，估計大約蒸發五萬億美元的財富。而在2000年初落幕後，納指也曾下跌了80%以上，估計也蒸發了約五萬億美元市值。對比之下，現時投資在科技股上的資金要比當年多更多，無論是以投資科技為主的長倉基金、個人持股或是指數基金。 迄今為止，在標普500分類指數中，包括通訊(Communications)、科技(Technology)及非必需消費品(Consumer Discretionary)板塊都跑輸指數，而能源股是今年唯一錄得正回報的板塊，但僅佔該指數的4%。換言之，對不少投資者而言(假設持有標指)，持有表現最佳的股份比例卻相對地少；反之，持有表現最差的股份比例卻較高。 因此，很多投資者都會憧憬，科技股需要怎樣才能重回早前的光輝日子。事實上，自金融海嘯結束以來，科技股的表現遠超過於整體大市。儘管，較高的通脹、更高的(名義)經濟增長和更高的利率都傾向於有利價值型股份。不過，假如通脹真的居高不下，將可能：一、抑壓消費者的開支(雖然可能性較低)；二、或導致聯儲局上調利率，將經濟推入適度衰退以控制物價，減緩通脹。 惟週而復始，當經濟陷入衰退，聯儲局又再一次可以將利率下降以彌補經濟增長放緩。這將使美國重新進入低通脹、低利率和低增長的境地，而這聽起來似是對科技股相當有利的理想宏觀環境。那麼什麼時候美國會陷入經濟衰退？以目前的孳息曲線變化來看，估計今年不太可能是美國出現衰退的一年，但2023年末或2024年初是高風險的時期。 無論如何，在過去的一年里，增長股崩盤的最大原因之一，主要是升得太過火了；惟諷刺的是，假若通脹最終持續加劇，經濟將難免會再次陷入衰退之中。但從長遠來看，這對科技股或高增長股來說也可能是一件好事。 |
US Stock , Energy , IPO , IT , IPO |
| 彭偉新 |
2022-03-18T10:19 |
京華山一研究部主管彭偉新推介匯豐控股(00005) 推介原因： -加息預期料持續一段時間，息差擴闊利好國際金融股 -重新派息，股息率重上4厘。 |
HSBC HOLDINGS , HSBC |
| 陳偉聰 |
2022-03-17T22:47 |
福耀玻璃(03606)去年多賺21%，不過單計第四季純利則跌37%，季內毛利率由42.8%急降至23.6%。 uSmart盈立證券研究部總監陳偉聰表示，福耀第四季業績令人失望，估計今年首兩季度毛利率，會跟去年第四季相若，意味按年仍要大跌，而汽車產業仍面對芯片等問題，產量難以大幅提升，換言之對汽車玻璃需求亦減弱，相信福耀今年上半年業績不會理想，估值亦應被下調。 |
Results , Earnings , FUYAO GLASS |
| 盧楚仁 |
2022-03-17T17:23 |
美國聯儲局一如預期逾3年以來，首度加息0.25厘，美股噚晚繼續升，美匯指數短暫上過99，之後好快轉弱，美國10年期債息一度見2.24厘，衝上兩年半高位後回落。 獨立外匯商品分析師盧楚仁指，最令市場感到意外係今年有機會加7次息，因為之前一直估加3至4次，而美匯反應唔大兼反覆偏軟，主要係市場已預左加息，其次係俄烏局勢緩和，歐元出現反彈，令美元受壓。短線而言，美匯指數會係97.7至99.4區間橫行，唔排會借勢調整，之後打底再上。 |
USD , US Stock , USD , EURO |
| 植耀輝 |
2022-03-17T16:38 |
汽車經銷股中升控股(00881)舊年多賺50%，股價今朝一度升近10%，但出左業績後，升幅幾乎化灰，係咪市場唔收貨？ 耀才證券研究部總監植耀輝指，中升今次業績唔算差，而季度業績亦顯示第4季汽車銷售對比第3季係有改善，相信同芯片、豪華車出貨量增加有關。 Stanley仲話，今日汽車經銷股倒跌，同行業氣氛有關，如果芯片供應冇咁緊張，會對今年業務發展有幫助，又話中升股價已算硬淨，雖然供應鏈對行業有影響，但Stanley覺得今年行情都係審慎樂觀。 |
ZHONGSHENG HLDG |
| 陳偉明 |
2022-03-17T13:44 |
俄烏戰事不但持續，美國總統拜登更宣布禁止入口俄羅斯石油引發全球能源價格抽升，港股上周三(3月9日)曾跌至20,102點後，再因為美國通脹率再創40年新高、中概股退市憂慮再起及內地疫情加劇而再度急插，本周一(14日)恆指確認失守兩萬關，並且在本周二(15日)低見18,235點，創六年新低，幸好筆者過去兩周不斷強調加強對沖倉位風險，把損失盡量減至最低。 正當市場遍布著恐慌情緒，俄烏談判似取得進展，油價隨即大幅回落，美股亦於本周二晚開始急彈帶動港股本周三(16日)裂口高開逾500點，隨後中央更發言穩定股市進一步帶動港股飆升，最終本周三(16日)報復式反彈1672點，本周四(17日)上午再升逾1,200點，一舉重上兩萬及兩萬一關。 技術上，港股經過這兩天報復式反彈，於18,235點見底機會大增，但短期升勢太急，建議耐心等待回吐至20,000點以下分注Short Put下月等價騰訊控股(00700)期權接貨。如果期指進一步升至22,000點以上，則小注Long Put 即月價外800點恆指期權博大市出現獲利回吐。 |
Stock , Energy , Oil , Money Supply , TENCENT |
| 王良享 |
2022-03-17T11:11 |
美國聯儲局一如預期自2018年以來，再次啟動加息周期，噚晚議息後宣布加息0.25厘，但幅度係咪太保守？一向偏鷹慨聖路易斯聯儲銀行行長布拉德係投左反對票，因為佢認為要加息0.5厘，聯儲局係咪考慮到地緣局勢因素？ 臻享顧問董事總經理王良享指，其實加0.25厘係市場及聯儲局慨共識，唔加0.5厘主要係俄烏局勢仲有好大不確定性，但其實局方慨取態都幾鷹派，對今年慨經濟增長預測，由舊年12月4%下調到最新2.8%，又將今年加息次數由估計4次增加到7次，縮表就提早到5月開始，而且規模應該唔細。 |
|
| 許繹彬 |
2022-03-17T11:09 |
港股在毫無預警及先兆下，下跌幅度有如高台跳水，直落無水花地直插至18,000點邊緣，下挫幅度冠絕全球，更創下六年低位。跌市出現大成交的現象，可見斬倉盤威力驚人，導至血流成河。科技股乃是次股災的襲擊對象，股王騰訊控股(00700)、阿里巴巴(09988)、美團(03690)及多隻科技股均創下52周及上市新低。 是次「香港股災」發生前，投資者完全沒有心理準備，儘管俄烏戰局仍然在膠著，但投資者對此早有戒心，而照邏緝推斷，其實對歐美股市的影響，可能會較亞洲為大，但歐美股市只是保持上落格局，並不能用「災」來形容；再說美國突然對中概股再次施壓，但此話題已是「舊瓶新酒」，每隔一段時間就會燃著，因此投資者亦早有防範；內地監管問題重燃，騰訊旗下的微信支付傳面對人行破紀錄罰款，但監管罰款投資者亦早已聽聞，見慣不怪。上述事件，其實一眾投資者可能會跟筆者一樣，究竟何解因素令港股有如此冠絕全球的羞辱反應；就上述問題而言，調整幅度其實是否有限？ 真正引致是次股災元凶，是否在於政府抗疫政策朝令夕改，曾下令全港學校提早放假及需要「禁足」，來配合全民檢疫的措施，言之鑿鑿，消息令港交所(00388)急挫，但官員近日在言談間對全民檢測的計劃，又好像未必會實行，因此國際問題可能只是導火線，一眾投資者不論外資或港資，對港府此等舉棋不定的政策失去耐性及信心，可算是理所當然，但當投資者仍驚魂未定之際，昨日(3月16日)港股早上承美股反彈及午市市場突然傳出中央提到中美雙方監管機構已取得積極進展，並繼續支持企業到境外上市，消息一出，港股作出報復式反彈，全日急升1,672點，再次重反20,000點水平，成交更近3,100億元，可謂一洗頹風。 但筆者認為，此消息有如突如期來的「過雲雨」，又似是舊聞新炒，尤記得去年美方亦曾對中概股施壓，中方亦曾作出類似的言論，所以筆者認為是近日港股調整過深，斬倉盤大增，令「好友」全軍覆沒，更有傳外資有撤資的行為，趁昨日(16日)中央有消息一出便借勢作出「報復式」反彈，北水急增，明顯地在國家隊帶動下，作出反撲。現階投資者對股市的信心仍然脆弱，外圍市況將會繼續左右大市的走勢，油價曾作出大幅調整，但俄烏問題一直未解決，油價仍有波幅，可吼位留意中國石油(00857)。 |
Oil , IT , HK Cap Flow , Stock , TENCENT |
| 阮子曦 |
2022-03-17T09:53 |
中國通海證券投資策略聯席總監阮子曦推介新秀麗(01910) 推介原因: - 最新公布業績表現超乎市場預期，各地業務恢復進度相當理想 - 俄烏局勢緊張對環球旅遊影響已在股價充分反映。 |
SAMSONITE |
| 植耀輝 |
2022-03-16T22:40 |
新秀麗(01910)去年業績虧轉盈，毛利率則升至54.5%。 耀才證券研究部總監植耀輝表示，新秀麗去年每季度業績都持續改善，相信隨著越來越多國家開放國際旅遊，今年生意會更好，業績應可保持復甦勢頭。 |
Earnings , SAMSONITE |
| 莊志雄 |
2022-03-16T16:42 |
港股3日累跌逾2400點後，今日出現報復式反彈，大市過去3日係大成交下急瀉，恆指落到逾9年低位，唔少分析話，同外資大舉撤離有關，還是借消息殺孖展倉，觸發呢輪海嘯式跌市？ 「股市漁夫」創辦人莊志雄認為，主要係殺孖展倉及accumulator，如果話外資撤離，制裁中資機構及公司，呢些消息都唔係噚日先傳出，亦知道一直加大緊力度，外資係咪會等到咁遲，個個都恐慌先一齊恐慌撤離？反而係用呢些消息嚇到些人係低位沽貨，造淡慨人係大成交下就平到倉，平左之後個市就唔會再跌，佢認為似係呢個情況。 |
Stock |
| 譚智樂 |
2022-03-16T16:14 |
截至早上11時，1小時內《彭博》用戶關注度上升最多的港股依次為融創中國(01918)、龍湖集團(00960)、東方航空(00670)、中國海外(00688)及華潤置地(01109)。 評機構惠譽噚日再降融創評級，又話公司在岸及離岸市場慨再融資不確定性增加，拖累融創多隻境內債價急挫，集團中期負債比率約46%，內房今年銷售麻麻，加上疫情擴散，融創係咪行緊中國恆大(03333)條舊路？ 耀才證券研究部經理譚智樂指，恆大規模比融創大好多，但冇內房係大到不能倒，就算有中央扶持，入市都冇著數，所以市場唔再盲炒內房，佢又話，內房今年首兩月慨銷售疲弱，加上貨幣政策「鬆手」，同埋市場睇淡LDR，因此，冇買盤支持，佢估計，融創未必彈得起，收復失地絕對唔容易。Arnold估計，資金短期內會湧向較強勢，跌得無咁急慨內房股。 |
Stock , China Real Estate , CHINA RES LAND , CHINA EAST AIR , CHINA OVERSEAS |
| 陳錦興 |
2022-03-16T15:51 |
華潤電力(00836)中午出左業績，舊年少賺79%，末期息又大減89%，但股價下晝升幅擴大，一度勁升超過14%，其實潤電呢份業績麻麻，係咪純粹受大市走勢轉強帶動？ 英皇證券研究部總監陳錦興指，潤電股價今年好早見左高位反覆回落，比大市更早出現調整，反映投資者對集團舊年下半年經營環境轉差已有一定預期，加上公司之前亦發左盈警，投資者有足夠心理準備，不過，潤電股價今日有得升，只係反映今日整體市場氣氛，業績因素已經過左去。 佢又話，市場未來會重新聚焦潤電今年慨經營狀況，尤其係新能源業務發展，以及成本控制問題。 |
Results , Earnings , ChinaElec , Energy , EMPEROR CAPITAL |
| 文錦輝 |
2022-03-16T11:51 |
中資股相對MSCI環球指數慨預測PE折讓創歷史新高，港股PB進一步下試0.75倍，不停有估值大幅折讓慨消息傳出，依家係咪撈底慨好時機？ 艾德證券期貨投資策略總監文錦輝指，依家港股的確抵玩，尤其一些PB低、高現金流慨公司有機會回購股份，如果依家入市適合做中長線投資，但佢估計，科網股只係短線反彈，當環球股市喘定，就要搵定其他目標。 Felix又話，市傳騰訊控股(00700)旗下微信支付涉違反洗黑錢規定，面臨破紀錄罰款，搞到大家都唔敢買，但Felix認為，騰訊現價超值，後市要睇股價有冇力彈上320元至330元，再係270元至280元做止蝕。 |
HK Cap Flow , Stock , TENCENT , IT |
| 譚智樂 |
2022-03-15T16:14 |
永達汽車(03669)中午出左業績，末期息多過對上一年一大截，但只係派一次息，唔似2020年有埋特別息，所以舊年全年股息其實係派少左，係咪令永達又少左去一個賣點？ 耀才證券研究部經理譚智樂指，投資者要諗下，買永達係純粹收息，還是想財息兼收，佢又話，公司現金流一直唔太穩定，係依家慨市況，4S股比汽車生產商相關股有優勢，即使都要跌，但起碼跌得冇咁甘，如果純粹食息，估計股息未來有機會派到5厘以上。 不過，如果想財息兼收就唔同講法，過往4S股唔太受疫情影響，因為消費者都會照買車，不過，依家環球經濟開始有下行壓力，即使相對有錢慨人都受影響，令市場擔心4S公司銷售、現金流減少，所以想博財息兼收似乎諗多左。 |
YONGDA AUTO |
| 盧志明 |
2022-03-15T13:07 |
理想汽車(02015)今日納入深港通，但消息無利好股價之餘，仲連續第2日急插，今朝一度瀉近20%，低見67.3元，創上市新低，如果想捕捉短線見底反彈，部署價外近40%慨CALL，7月到期，槓桿普遍3倍至逾5倍，呢批CALL係咪值博？ 大唐資本投資策略總監盧志明指，要留意股份目標價有冇足夠水位，理想汽車第1個阻力位係84元，第2個係92元，睇返正股現價，槓桿3倍至5倍風險可控，投資者要留意股價今日可唔可以升返，因為股價跌得多，反彈時間要拿捏得準確些，以免冇糊食。 |
CROSS-HAR(HOLD) , Rating , IPO , IPO |
| 彭偉新 |
2022-03-15T12:46 |
截至早上11時止，1小時內《彭博》用戶關注度上升最多港股，依次為龍湖集團(00960)、銀河娛樂(00027)、萬洲國際(00288)、中國平安(02318)、恆隆地產(00101)。 今日上榜5隻股份都係藍籌，而隻隻都要跌，排榜首慨龍湖又係同債務問題有關，其實一向被視為較穩健優質慨內房，負債比率其實同碧桂園(02007)差唔多，但噚日碧桂園都可以跌到咁，龍湖係咪都走唔甩？ 京華山一國際研究部主管彭偉新指，市場依家都係睇住銷售數據，如果銷售唔理想，投資者會擔心公司冇足夠資金還債，一旦還債有問題，債價就會跌。佢又話，依家投資者唔會理性思考，只求自保，所以呢排除左大市散曬，有違約風險慨內房股都跌到四腳朝天，不過，佢認為龍湖短期應該唔會出現還唔到債慨風險。 |
HANG LUNG PPT , China Real Estate , Real Estate , Stock , HANG LUNG GROUP |
| 蘇沛豐 |
2022-03-15T11:51 |
聯儲局議息前夕，外圍科技股持續受壓，摩根大通最新更一炮過將28隻中資科網股降級，又叫投資者未來半年至1年唔好掂中資科網股，因為短線估值缺乏支持，科技股真係未跌夠？ 招銀國際證券研究部策略師蘇沛豐指，今年監管政策細節應該同上年差唔多，因此，唔會有太大利淡因素，反而更擔心美國退市，如果聯儲局加息，美股一些估值較高慨科網股會有回調壓力，但睇返港股，以騰訊控股(00700)為例，依家預測市盈率(PE)係歷史低位，對加息唔會太敏感。 Daniel補充，若內地監管政策令股市進一步不明朗，想趁低吸納就要揀政策風險最小慨股份，例如騰訊或網易(09999)等手遊相關股，阿里巴巴(09988)、京東集團(09618)等電商股就暫時唔好掂。 |
IT , Money Supply , Stock , TENCENT , LINGYI ITECH |
| 盧志威 |
2022-03-15T10:55 |
俄烏談判未有重大突破，投資者繼續觀望事態發展，加上油價回落，道指噚晚早段一度升逾400點，但中段回套兼短暫倒跌，最終微升完場，標指更出現死亡交叉，至於納指收市跌超過2%，美股後市係咪仍然偏淡？ 潤淼資產管理董事盧志威表示，雖然暫時仍然唔睇好美股，但以資產配置角度黎講，仍可以投資美股。港股方面，William話，美國警告一旦中國援助俄羅斯會有後果，如果對俄制裁提升到中國，到時中概股、港股都冇得避，除非港股有風險移除因素，例如中國同俄羅斯切割，否則走勢好難有改善，情況比美股更難估計，至於比特幣(Bitcoin)及金價波幅都唔細，相比之下，美股相對安全。 |
US Stock , Stock , Gold |
| 黃敏碩 |
2022-03-15T10:18 |
寶鉅證券董事及首席投資總監黃敏碩推介越秀交通基建(01052) 推介原因： –圍繞交通基建業務搭建REIT及孵化平台。 –購入大中型高速公路項目，進一步增加資產管理規模。 |
YUEXIUTRANSPORT , CHINNEY INV , Infra , REIT |
| 梁振輝 |
2022-03-15T09:58 |
上周金融市場的震盪延續本星期，恆指已率先在周一(3月14日)失守20,000點大關，加上預料美國聯儲局將開展加息周期，及多國央行亦會在本周議息，市場擔心將有另一輪的大幅波動。 上周的波動帶來兩個重要啟示。首先，風險資產雖然受到烏克蘭局勢影響處於煎熬之中，但下跌情況很大程度仍反映當前的市場定價，短線烏俄的談判是重點；其次是市場經過近期的連番急挫後，有機會出現反彈，投資應該跟隨策略行事，不要輕易受短線波動影響，否則可能會錯過市場表現最佳的幾個交易日。因此我們經常強調，即使地緣政治局勢的陰影在短期內仍然籠罩市場，但仍要保持投資於多元化配置策略。 烏克蘭局勢雖然難以短期內畫上句號，但歐洲政策行動具協調統一的優勢，有望幫助其應對日益加劇的滯脹風險。歐盟官員上周開會討論如何支援區內受烏克蘭局勢影響最大的經濟體，若能達成一致共同承擔歐盟成員國的債務負擔，以保護企業和消費者免受油氣價格上漲的衝擊，並增加防禦支出，將會是歐盟財政政策邁出的重要一步。尤其是歐洲央行維持鷹派立場，即堅持在今年內結束債券購買計畫，歐盟政府更積極的財政政策有望抵銷央行「收水」對區內經濟體的影響。 西方央行以對抗通脹為先的取態，同樣很大可能反映在美國聯儲局本周的議息決議中。美國通脹飆升至40年來高點，迫使美國非常大機會開展加息周期。油價飆升令美國長期通脹預期破位上行，市場將密切關注美聯儲對經濟增長、通脹和利率的最新預測，來判斷政策制定者是否認為現在正積聚滯脹風險。 在西方面臨嚴峻挑戰下，我們認為中國資產可有效對沖烏克蘭局勢的不確定性，其中包括中國國債和人民幣在內的防禦性資產，以及中國股票和中資美元公司債等的風險資產。上周內地公布今年經濟增長目標為5.5%，高於市場預期，這清楚地說明政策制定者的重心偏向於保增長。中國政府去年未有十足執行預算，為今年加大財政支出留有較大空間，我們近日亦見到中國信貸增長開始反彈，超過50個城市放鬆房地產行業的相關政策。此外，黃金和能源類資產在最近的市場震盪中表現出色，若烏克蘭緊張局勢持續，上述兩類資產仍繼續是不俗的風險對沖工具。 |
RMB , Energy , Gold , US Bonds , Real Estate |
| 阮子曦 |
2022-03-14T22:44 |
贛鋒鋰業(01772)去年多賺四倍，同時指出今年首兩個月，收入增長2.6倍，純利增長3倍。 中國通海證券投資策略聯席董事阮子曦表示，贛鋒去年以至今年首兩個月，業績都有強勁增長，不過汽車產業仍面對供應鏈問題，除了鎳及其他金屬價格上升，汽車晶片依然短缺，全球車廠未來或要降低產量，對贛鋒前景構成不明朗因素，加上目前估值不算便宜，建議未有貨的投資者宜先行觀望。 |
Results , GANFENGLITHIUM |
| 梁傑文 |
2022-03-14T15:45 |
雖然利淡消息盡出，恆指PB持續破淨，不過，短線似乎都係由淡友主導，現階段係咪不宜做任何部署？港股跌到邊個水平，先見到「熊底」？ 《香港股票財技密碼》作者梁傑文指，依家全球充斥咁多負面因素，港股想彈都未必彈得起，恆指舊年最高上過31000點，如果跌40%，即係落到18700點水平，若跌50%，就係15600點水平，Mike直指，現階段唔排除跌到呢些水平。佢又話，雖然恆指跌穿20000點，但跌慨股份大部分都係中資股、中概股，本地銀行股表現相對硬淨，如果真係想撈底，暫時先避開中資股及中概股。 |
Stock |
| 陳錦興 |
2022-03-14T10:48 |
英皇證券研究部總監陳錦興推介美的置業(03990) 推介原因： –獲內銀支持，反映認同集團財務及營運能力 –屬品牌房企，內地融資能力不俗 –股價正打底，估值有望修復。 |
EMPEROR CAPITAL , China Banks , MIDEA REAL EST |
| 郭思治 |
2022-03-14T10:40 |
大市自踏進3月份後，受烏克蘭局勢持續緊張所累，市場之避險情緒逐步升溫，資金大舉徹離股市，故環球股市紛紛急跌，影響所及，港股當然不能獨善其身。 大市在先高後低之形態主導下，恆指先由1日之高位22,937點大幅急跌至9日之低位20,102點，其後在技術超賣下反彈至10日之高位21,114點，但買盤不繼，加上沽壓又陣陣湧現，故大市卒再急跌至11日之低位20,079點，即是說，以恆指暫是由1日之高位22,937點跌至11日之低位20,079點止計，在短短8個交易日內，恆指累積之跌幅己達2,858點，論跌幅實己不算小。 再拉闊一點看，此潮跌浪是始自2月10日高位25,050點，至3月11日低位20,079點止計，在短短一個月內，累積之跌幅更達4,971點，單從技術上看，大市之超賣確頗嚴重，惟目前資金之入市態度相當保守，故即使股份之估值己相當吸引，但買盤態度仍較審慎，在買盤薄弱下，衹要沽壓稍作主動，市勢己可續受壓。 再看移動線方面之表現，直到執筆一刻止計，目前各組平均移動線之排列屬倒序模式，順序如下：250天線(26,053點)，100天線(24,049點)，50天線(23,541點)，20天線(22,793點)及10天線(21,609點)，從技術上看，此倒序模式該屬標準的中期跌市形態，由於恆指目前仍反覆於上述各組平均移動線之下，論形態當屬反覆欲試底或續尋底之弱態，大市如欲打破此敗局，恆指必需先成功重越10天線(21,609點)並穩守其上，否則，整個反覆欲試底或續尋底之弱態不變，而所指的底，暫該為20,000點大關。 友邦保險(01299)業績勝預期，加上有百億元之回購，對股價該具頗正面之效應，衹要大市漸趨明朗，友邦股價該可重越80元，另一眾中概股如回歸，對港交所(00388)當具相當正面刺激，相信股價該可候機上試380元至400元，衹是大市暫時仍處反覆不明之中，故衹宜先輕注買少少守門口，另匯豐控股(00005)近期走勢似己漸趨喘定，如不介意股價走勢會略偏慢，不妨候位分注吸納。 |
HSBC HOLDINGS , Stock , HSBC , HKEX , AIA |
| 趙晞文 |
2022-03-11T22:41 |
中國聯通(00762)全年多賺15%，全年派息21.6分人民幣，派息比率提高至46%。 信達國際研究部主管趙晞文表示，聯通去年純利符合預期，但EBITDA僅升2.3%，則遜預期，至於派息比率雖然提高至46%，但應低於另外兩隻中資電訊股，股息率亦應是三隻電訊股中最低，相信會令市場失望。 |
RMB , CHINA UNICOM |
| 葉佩蘭 |
2022-03-11T17:57 |
俄烏停火談判冇進展，油價噚日一度反彈，俄軍攻擊持續，但OPEC+係咪會因應市場情況增產係一大變數，油價後市回落到每桶100美元水平，還是再破位機會較大？ 英皇期貨營業部總裁葉佩蘭認為，如果市場再傳出不利消息，油價先有機會再上，而油價要突破130美元慨空間有限，雖然部分國家如沙特阿拉伯，仲未就增產表態，但OPEC+增產機會仍然較大，到時會對油價產生壓抑作用。 葉佩蘭指，參考返布油2008年衝上147美元後急挫慨走勢，其實油價升到120美元已經偏高，佢估計，油價後市會係80美元至120美元徘徊，係100美元水平會有支持。 |
Oil , USD |
| 阮子曦 |
2022-03-11T16:16 |
友邦保險(01299)去年多賺逾28%，又宣布未來3年回購100億美元股份，係上市以黎首次，派末期息1.08元，友邦呢份業績大行都畀like，仲話有驚喜，係咪因為去年基數低，感覺表現較好？呢份業績又係咪反映行業開始復甦？ 中國通海證券投資策略聯席總監指阮子曦指，友邦今次不論純利，還是派息都創左新高，睇到已經係新冠疫情中復甦。不過，因為保險業好依靠內地客源，加上第五波疫情衝擊，預期前景會短暫受影響，並會係今季業績反映。 |
Results , USD , IPO , IPO , AIA |
| 關焯照 |
2022-03-11T15:39 |
港股今日一度瀉跌超過800點，再跌至逾5年半低位，主要係美國證交會(SEC)噚晚係官網公布左一份名單，涉及5隻係美國上市慨中概股，其中4隻都係香港上市，監管機構要求睇呢些公司盤底數，如果唔配合可能要除牌，不過，中概股今日全軍覆沒，到底係咩原因？ 冠域商業及經濟研究中心主任關焯照指，雖然SEC只點名5家間公司，但其實其他係主板上市慨公司都要交底數，如果達唔到要求，都好有可能要除牌，觸發市場恐慌，投資者係咁掟貨，以騰訊控股(00700)為例，理論上唔受今次事件影響，但都要捱沽，反映市場「沽左先算」慨恐慌情緒。 |
Stock , TENCENT , IPO , IT , IPO |
| 梁偉源 |
2022-03-11T14:06 |
截至早上11時止，1小時內《彭博》用戶關注度上升最多港股，依次為京東健康(06618)、旭輝控股集團(00884)、龍源電力(00916)、李寧(02331)、友邦保險(01299)。 京東集團(09618)及京東物流(02618)噚日派左成績表，雖然業績麻麻，但大行都冇狂踩，只係下調目標價，不過，都幫唔到股價，未出業績慨京東健康更加要「跌左先」，投資者係咪已經對京東系冇曬信心？ 大華繼顯執行董事梁偉源表示，大市氣氛低迷，中概股、科網股都插水，恆指又跌到20000點邊緣，投資者對港股慨信心都較弱，所以不論業績、大行報告點樣，投資者都會減磅，加上今日係星期五，周末前冇撈底資金流入，令股價冇乜支持。佢又話，京東健康呢類醫藥股未有錢賺，好難吸引投資者趁低吸納。 |
Stock , HK Cap Flow , LI NING , ChinaElec , Capital Flow |
| 聶振邦 |
2022-03-11T11:06 |
美國證交會(SEC)噚晚係官網「點名」5間係美國掛牌慨中概股，話如果連續3年交唔到監管機構要求慨報告，SEC有權將呢些公司除牌，5隻點名股，有4隻都係香港掛牌，包括百勝中國(09987)、百濟神州(06160)，和黃醫藥(00013)同再鼎醫藥(09688)，呢些股份噚晚係美股急瀉，但花旗話有跌過龍之嫌，反而係低吸機會。 華盛証券分析師聶振邦指，依家投資氣氛較差，只要中概股傳出負面消息就會出現恐慌性拋售，但睇返基本面，依家的確係吸納時機，但只適合中長線部署，佢又認為，中概股仍有下跌空間。至於中概股去香港上市，係咪一條出路。 |
HUTCHMED , US Stock , IPO , IPO , BEONE MEDICINES |
| 李浩然 |
2022-03-11T09:54 |
儘管筆者非常喜歡閱讀歷史，以此來幫助理解現在，惟不幸的是，歷史總是充滿了意外。就像過去十多年，全球經歷了大大小小的動盪，例如美國房地產市場出現有史以來最大規模的泡沫爆破，更觸發自大蕭條以來最大的金融危機。從那時起，中東經歷了多場戰爭、英國公投脫歐、中美貿易戰、美國國會大樓衝擊事件、新冠疫情大流行以及現在的烏克蘭戰爭。 雖然古語有雲：以史為鑑，可以知興替(典故出自《舊唐書．魏徵傳》)。然而，人們卻喜歡不斷地重新編寫歷史，結果歷史的真相卻被長期掩蓋。歷史的表述、解釋不盡相同，譬如歷史學家就為導致羅馬帝國衰落給出了超過20,000種不同的理論；又例如17世紀的荷蘭鬱金香狂熱雖被喻為歷史上最大的泡沫之一，但也有人淡化了事件，認為整個事情被誇大了。南轅北轍的觀點，結果今天會有些人說某地方的人民，欠某個國家的人一句道歉！稍為對過去有點認知的人，聽起來都覺得相當的荒謬。 如果對過去都難以作出清楚的解釋，那麼將很難從過去中吸取教訓，而「借古鑑今」根本是無從說起。事實上，與數周前相比，世界已出現翻天覆地的改變，其中的主因當然是俄羅斯總統普京入侵烏克蘭，並徹底改變了自二戰以來的世界秩序。對於目前的地緣局勢，包括筆者在內，腦海的問題肯定比答案多： ．普京的結局會是什麼？ ．無論戰爭結果如何，普京領導的俄羅斯將如可重新出發？ ．一旦俄羅斯經濟出現崩潰，會帶來什麼意想不到的後果？ ．美國和其他發達國家會否參戰？ ．戰爭對美國聯儲局的貨幣政策和通脹意味著什麼？ ．股市對持續的戰爭會有何反應？ ．俄羅斯會否經歷惡性通脹？ ．這會否增加或減少台海戰爭的可能？ ．這場衝突到底何時才會結束？ 坦白說，不斷施加的制裁，不可能不摧毀像俄羅斯這樣的經濟而不產生難以預料的後果。這兩個擁有近兩億人口的國家之間發生戰爭，似乎也有很難在短時間之內一切恢復正常。局勢的發展是如此復雜和動態，以至於根本無法預測這次事件將如何結束。唯一能安慰自己的是，從長遠來看，情況總會慢慢轉好。 回望過去，德國在第一次世界大戰後經歷了惡性通脹，並在第二次世界大戰後經濟遭受重創。然而，德國在二戰後是整個歐洲國家之中增長最快的經濟體。惟無奈的是，在短時間內仍將很難找到擺脫當前地緣政治噩夢的簡單方法。 |
Real Estate , Real Estate |
| 盧志明 |
2022-03-11T09:29 |
大唐資本投資策略部總監盧志明推介中國電力(02380) 推介原因： －發改委稱加快研究健全綠色電價體系，完善核電價格形成機制 －發展綠電交通，加快綠色水運轉型發展 －預期明年清潔能源佔比目標達到70%以上。 |
ChinaElec , Energy , CHINA POWER , AVIC JOY HLDG |
| 林嘉麒 |
2022-03-10T22:43 |
中銀航空租賃(02588)去年多賺10%，末期息增至17.33美仙，全年股息率3.8%。 獨立股評人林嘉麒認為，中銀航空租賃全年業績符合預期，不過股息率低於4%，並不吸引，但若今年業務持續改善，股息率可升至逾6%的話，則屬合理水平。 |
BOC HONG KONG , BOC AVIATION |
| 羅明立 |
2022-03-10T17:28 |
歐央行議息前，歐元兌美元一度升近2%，錄得5年半以黎最大單日升幅，亦突破埋俄烏開戰以來慨下降軌，今次1.1水平係咪可以企得穩？ 亨達集團助理總經理羅明立指，對於歐元可以守住1.1水平唔太樂觀，俄烏戰事對歐洲影響最大，就算戰事緩和，西方國家同俄羅斯關係未必可以返轉頭，好難即時解除制裁，歐洲要繼續面對能源價格高企局面，歐元可以係1.115試沽。 |
USD , Energy , EURO , CINDA INTL HLDG |
| 植耀輝 |
2022-03-10T16:06 |
太古系中午出左業績，太古Ａ(00019)扭虧為盈，太古地產(01972)就多賺73%，應該點樣解讀呢份業績？邊個位買太古勝算最大？ 耀才證券研究部總監植耀輝指，太古上年飲品業務相對做得比較好，地產業務都尚算穩陣，業績公布後，太古股價依然硬淨係同派息有關。佢又話，集團海洋服務表現比較差，盈利貢獻唔大，賣走呢項業務套返現，對公司反而有幫助，而集團未來似乎會強攻內地業務。 Stanley又話，太古A派息都係一個亮點，雖然國泰業績拖累太古表現，但太古本身業務都算穩定。如果做長線部署，現價都算有吸引力，但要有耐性等股價反彈。 |
Earnings , Real Estate , SWIRE PACIFIC B , Real Estate , SWIRE PACIFIC A |
| 陳偉明 |
2022-03-10T09:26 |
俄軍襲擊烏克蘭最大核電廠、美國聯儲局主席鮑威爾又明言支持本月加息0.25厘、美國總統拜登更宣布禁止入口俄羅斯石油，加上本港疫情持續嚴峻，港股上周五(3月4日)失守22,000點關口後，本周初更跌穿2020年3月疫情低位21,139點，並於本周三(9日)低見20,103點。 俄羅斯正式揮軍進攻烏克蘭後，美國加息預期曾經降溫，但美聯儲主席鮑威爾上周出席國會聽證會時，對本月加息立場不變，高估值新經濟股續成為拋售對象拖累大市表現，看來在俄烏局勢降溫前，只有能源板塊能有一定的抗跌能力。 港股估值確實是平，而大家都知道俄烏戰爭理論上對港股影響較少，目前大市似是過度受恐慌情緒拋售而跌低於合理價值，相信俄烏局勢降溫後，港股有機會突然出現急劇反彈，再炒估值回歸。 政治市難測，港股短期雖然有機會超賣反彈，但要大升卻甚有難度，加上近期大市波動引伸波幅明顯上升，有利於收取期權金的期權短倉策略，繼續建議持貨Short Call下月等價股票期權，盡量減低持貨成本。如果期指反彈至上日高位以上，引伸波幅略減，但大勢仍跌，可考慮Long Put即月價外800點恆指期權對沖倉位風險。 |
Stock , Energy , Oil , MIDLAND HOLDING , BAOGAI |
| 羅尚沛 |
2022-03-09T23:34 |
福萊特玻璃(06865)表示，今年首兩個月光伏行業淡季不淡，公司的光伏玻璃訂單充足。 銀河證券業務發展董事羅尚沛指出，今年光伏玻璃需求維持增長，已屬預期之內，但面對成本上漲壓力，以及行業供應不斷增加，市場最關注福萊特今年毛利率表現，估計毛利率下跌可能性較大，勢必影響公司一向偏高的估值。 |
FLAT GLASS |
| 聶振邦 |
2022-03-09T16:34 |
國泰航空(00293)中午派左成績表，全年虧損大幅收窄之餘，舊年下半年仲有錢賺，炒油又轉賺，令燃油成本淨額大幅減少。國泰股價下晝愈升愈多，一度升近4%，份業績好過市場預期，股價今又「飛得起」，公司係咪開始走出谷底？ 華盛証券分析師聶振邦指，市場將國泰份業績分開上下半年去睇，上半年蝕少左好多，下半年更加轉賺超過20億元，業績的確有明顯改善。佢又話，雖然客運收入仍然倒退，但需求有超過30%增長，因為短期黎講客運需求較有迫切性，將令國泰今年第1季，以至上半年業務帶來支持，佢認為，集團業績最壞時期已經過去。 |
CATHAY PAC AIR , Earnings |
| 陳錦興 |
2022-03-09T16:34 |
港股今輪跌浪中，冇盈利股份沽壓更大，例如重磅中資科技股美團(03690)、嗶哩嗶哩(09626)(B站)都比有盈利慨科技股跌得更甘，不過，即使高估值股表現都幾曳，以藥明生物(02269)為例，今日已經跌穿左上個月慨低位，如果依家仲楂住上面提及呢些股份，帳面又輸緊錢，係咪要忍痛「斬纜」？ 英皇證券研究部總監陳錦興指，好視乎持倉情況，例如係重倉兼有資金壓力，特別係冇盈利股份，就要忍痛止蝕，此外，亦要睇係咪藍籌，以美團及藥明為例，已經殺左咁多估值，走勢會較為硬淨，抗跌力亦會逐步增加，博反彈機會會大些，相反，B站或B仔股呢些股份，反彈力度就會較弱。 |
Stock , EMPEROR CAPITAL , IT , Bio , WUXI BIO |
| 莊志雄 |
2022-03-09T15:11 |
環球股市持續受俄烏戰事困擾，歐股一定係重災區，但美股表現都唔好，單睇今個月，美國科技股都好傷，跌到咁其實反映乜野？ 「股市漁夫」創辦人莊志雄指，股市近期慨跌勢，當然同俄烏有關，亦有可能出現反彈，例如烏克蘭總理澤連斯基話唔一定要加入NATO，呢些消息都可以係觸發點，不過，依家最大問題係，尤其美股，其中一個倩況係資產泡沫爆破，包括些增長股，即契媽股、虛擬貨幣及元宇宙概念等，事實上，美股指數已經逐個跌入熊區，但其實美股早已步入熊市，依家只得標指未「見熊」，但最終都會畀大市拖埋落去。佢又話，FANG已入左熊區，仲出現死亡交叉，佢認為今年係一個避險mode。 |
IT , US Stock |