| Commentator |
Time |
Content |
Tag |
| 莊志雄 |
2022-11-23T15:14 |
美國聽日開始感恩節假期，隨即踏入傳統消費旺季，究竟美股今年會唔會出現聖誕老人升浪(Santa Claus rally)，即係股市係聖誕節假期後重整向上？ 近日美股行情唔錯，反映市場恐慌情緒慨VIX指數亦跌回相對低位，投資情緒高漲。不過，「股市漁夫」創辦人莊志雄認為，投資者又炒錯預期，因為美國10年期國債慨引伸波幅係過去1周又靜靜地回升，意味投資者對後市唔樂觀，反而今年債券投資者睇市比較準，所以股市其實唔係咁好景。 Lewis又話，美國家庭資產配置中，股票比重逼近2020年高位至逾40%，調查亦顯示投資者未來數周欠缺增持股票慨意欲，佢估計，唔少美股投資者可能已成手蟹貨，預期未來1個月難有大成交配合推升美股。此外，美股中長線基本面亦麻麻，指數成分股不斷下調盈利預測，難以吸引長線投資者入市撐場。 佢續指，鷹派代表、聯儲局主席鮑威爾將於11月30日發表講話，到時好可能會再「放鷹」衝散升市預期。 |
US Bonds , US Stock |
| 譚智樂 |
2022-11-23T12:33 |
截至早上11時止，1小時內《彭博》用戶關注度上升最多港股，依次為雅生活服務(03319)、中國交通建設(01800)、交通銀行(03328)、領展房產基金(00823)及中國海洋石油(00883)。 雅生活今朝有大手賣出約2363萬股，每股成交價7.31元，較噚日收市價8.6元，有15%折讓，涉資1.73億元，佔流通股份約3.3%。賣盤規模唔細，雖然港交所(00388)暫時未披露賣家資料，但疑似係大股東減持。 雅生活股價今朝平開後最多跌近7%，低見8元後回升，半日微升0.6%，報8.65元。 獨立股評人譚智樂認為，母企雅居樂集團(03383)同好多內房企業一樣面臨資金鏈斷裂風險，唔排除集團未來打算出售資產救亡，但佢話內房股股價短期更受市況波動影響，認為雅生活疑似被大股東減持慨消息其實唔會拖累股價太耐，強調目前有貨慨投資者只能局守，唔建議溝貨。 |
Oil , Trades , HK Cap Flow , Stock , China Real Estate |
| 文錦輝 |
2022-11-23T11:21 |
美團(03690)股價已連跌兩日，噚日下晝突然急挫，一度瀉10%，原因係市監局擬修訂針對數字經濟慨反不正當競爭法公開徵求意見，經營者唔可以利用數據、演算法、技術等影響用戶選擇，美團股價即時有反應，但呢個影響會持續幾耐？平台經濟監管未來會點發展？ 艾德金融期貨部主管文錦輝指，呢些監管其實無可厚非，因為唔少電商都係利用收集返黎慨大數據誘導消費者消費，所以提出監管係一件好事，相信對平台經濟影響唔會好大，始終中國人口龐大會帶來一定經濟收益，依家提出清晰慨監管，美團可以避免將來「踩界」被罰。 Felix又稱，美團今個星期五出業績，估計表現唔差，由於美團係國內冇同類競爭對手，可以保持龍頭位置，前景相對樂觀。 |
|
| 郭家耀 |
2022-11-23T09:54 |
安里資產管理董事總經理郭家耀推介領展房產基金(00823) 推介原因: -本地租務收入復甦 -加息步伐放緩。 |
LINK REIT |
| 李偉傑 |
2022-11-22T17:43 |
內地及香港「中字頭股」突然炒起，估計同中證監主席易會滿話，要探索建立具中國特色慨估值體系有關，依家央企市盈率(PE)普遍唔夠8倍，係近10年最低水平，亦明顯低於A股整體約14倍慨水平，易會滿的言下之意，係咪官方認為按一般國際市場準則，唔可以真實反映各行業相關企業真正估值？ 華盛証券經紀部董事李偉傑指，其實都係，因為現時係香港上市慨中企，估值真係好平，以今日升得較犀利慨中國交通建設(01800)為例，股息率約3倍，預測PE約2.6倍，息率約6厘，估值都幾平。 Jason又話，中字頭股今日係呢些消息、氛圍下大幅炒上，雖然中證監指係估值體系問題，但要提升估值，始終要市場資金配合。 |
CHINA COMM CONS , IPO , IPO |
| 彭偉新 |
2022-11-22T12:56 |
截至早上11時止，1小時內《彭博》用戶關注度上升最多港股，依次為融創中國(01918)、中遠海能(01138)、中遠海控(01919)、中國海洋石油(00883)、中國石油股份(00857)。 融創早前傳出進行境內債務重組，但離岸債談判似乎遇到阻滯，持有25%離岸債慨債權人代表反對談判方案，包括債轉股，涉及40%離岸債務及繼續延長還款期，其實條款算唔算好辣？ 資深證券分析師彭偉新指，內房整體債務問題唔係咁易解決到，而國務院都想盡辦法去幫，避免爛尾樓不斷湧現，但計返數，國務院慨融資係冇可能解決到所有問題，因此，市場都擔心整體內房債務問題點收科，如果睇返融創慨情況，要債權人接受好長慨還款期係未必願意，最終方案係點現階段好難估計，不過，一旦談判失敗，融創短期內都復牌冇望。 |
Oil , Stock , China Real Estate , PETROCHINA , CNOOC |
| 黃偉豪 |
2022-11-22T11:42 |
一眾科技股業績好過預期，如想部署美團(03690)業績，用牛仔避開縮窩風險，收回價應該點擺位？ 中薇證券研究部執行董事黃偉豪指，相比起其他科技股，美團業績的確有較大憧憬，不過，除左睇業務層面外，近期因騰訊控股(00700)以派發美團B股作為股息，導致美團股價偏弱，如果投資者想部署好倉，收回價可以考慮放係120元水平。 |
IT , TENCENT |
| 陳偉聰 |
2022-11-22T11:31 |
內地早前推出「優化防疫20條」，市場解讀為釋出微調或放寬疫情控制措施慨訊號，消息一出，股市表現亢奮，恆生指數裂口大升，更炒到逼近18500點，但1星期過去，冷靜落黎，見到社會活動限制根本冇放寬，反而因疫情再升溫而有收緊跡象，港股亦掉頭回落。市場本來對內地放寬防疫措施有好大憧憬，結果係咪證明又炒錯？ 東亞銀行投資產品及顧問部股票策略師陳偉聰指，其實可以先觀察市場反應，根據過往經驗，當內地單日感染個案達20000宗，或收緊疫情防控措施，大市應該唔止跌百幾點，如果好似年初全面封城，恆指單日跌500至600點，甚至跌更多。 Jason又話，雖然內地疫情近期持續升溫，封控措施亦持續，但市場表現相對冷靜，原因係大家都有一個共識，就係所有防疫政策都係慢慢微調，但動態清零慨大方向政策亦講明唔會變。 |
Stock , BANK OF E ASIA , HK Banks , HANG SENG BANK |
| 盧志威 |
2022-11-22T10:58 |
石油輸出國組織(OPEC)早前再下調全球石油需求預測，不過，噚日《華爾街日報》爆料，話油組及盟友(OPEC+)考慮掉頭增產，消息一出即震散油價，其後沙特阿拉伯急急澄清，指OPEC堅持減產，油價亦喘定返。除左環球經濟因素，近排內地疫情再升溫，OPEC似乎真係冇增產慨理據？ 潤淼資產管理董事盧志威指，OPEC增產呢個講法唔太合理，站係OPEC角度，油價係每桶約80至100美元水平，係一個佢地覺得舒服慨水平，除非需求出現好大變化，否則，OPEC都希望維持係呢個range。 William又話，最近因為加息及通脹問題，導致經濟降溫，基本上油價向下慨機會較大，係呢個情況下，突然掉頭增產慨誘因及機會都唔係太大。 |
Oil , USD |
| 梁振輝 |
2022-11-22T10:01 |
過去兩周市場走勢驟然轉向，預示美國加息預期或已見頂引發樂觀情緒，而市場對歐洲等主要經濟體前景的悲觀情緒可能也已經過了高峰期。美國10年期國債收益率和美元已經由今年高位大幅回落，亞洲和歐洲股票已經由低位反彈。美國通脹數據不及預期，內地亦公布了優化防疫以及支援房地產板塊的措施，這些因素都是令我們認為市場潮流正在逆轉的關鍵因素。俄烏衝突的當前情勢亦有望利好風險資產表現。 儘管如此，我們還是不應貿然在全球風險資產上漲後高追。眾多美聯儲官員的發言提醒我們，美國央行依然專注於加息，只不過是速度略為放緩而已，一直持續到有清晰跡象顯示就業市場轉差，以及通脹回到央行2%的目標。美聯儲遏制通脹的決心，可能會導致經濟衰退，正如美國收益率曲線倒掛日漸嚴重所預示的情況。 在此背景下，我們一直建議準備好迎接亞洲除日本市場的風險情緒反彈。內地及時公布了政策支援措施，令我們感到驚喜。因此，我們依然看好該地區的股票和美元計價債券。美國國債收益率見頂，也將支援我們看好成熟市場投資級債券以及多元化收益的觀點，特別是若果2023年美國經濟只是溫和衰退。 未來幾周，美聯儲政策和內地持續的政策刺激措施有望成為決定市場走勢的關鍵因素。因此，我們將更近距離探索上述兩個關鍵驅動因素。美國方面，上周公布的10月份零售銷售強於預期，支援美聯儲的觀點，即美國經濟和消費者仍然十分強勁，因此儘管今年金融環境收緊，但其仍無法安心結束激進的貨幣緊縮。 零售銷售公布後，亞特蘭大聯儲的GDP Nowcast模型預測第四季度美國經濟年化增速為4%。美國消費有望受到今年最後一個月聖誕消費的進一步提振。從如此強勁的數據來看，美聯儲今年以來的加息並沒有令金融條件緊縮到足以大幅遏制通脹的程度。有鑑於此，我們預計12月份美聯儲將提升基準利率0.5厘至4.5%。 從貨幣市場定價來看，市場預期2023年5月份之前美聯儲還會再加息0.5厘，推升基準利率至5%的峰值。美聯儲官員布拉德上周已暗示基準利率有望升至5至7%的高位。誠然，如果未來幾周公布的一系列美國經濟數據出人意料地疲弱，那麼上述預測就會走低(反之強勁的數據將令預測走高)。因此，未來利率波動可能會更大，尤其即將公布美國商業信心(採購經理人指數)、就業市場(申領失業金人數、職位空缺和非農就業人數)和個人消費支出通脹數據的前後時間。 美元見頂通常會令非美市場—尤其是新興市場—持續反彈。內地政策支持也會支持上述市場表現。內地官方近期公布16條金融支持措施穩定樓市，此外還公布了進一步優化防疫的措施，預示著內地正採取綜合措施重振國內經濟活動。重振國內投資和消費也日漸重要，因為美國和歐洲增長放緩，拖累了內地的出口。未來數月，預計內地會進一步增加對科技創新和普惠養老，以及中小企業的專項貸款。 總體來看，我們相信這些措施大大降低了內地資產的下行風險。事實上，他們或有助於價值被嚴重低估的內地和亞洲(除日本地區)股市在未來6至12個月逆轉頹勢並保持強勢。 |
US Bonds , Real Estate , China real est , USD , Real Estate |
| 黃敏碩 |
2022-11-22T09:49 |
寶鉅證券董事及首席投資總監黃敏碩推介光大環境(00257) 推介原因： -全方位業務涉及垃圾發電及污泥處理，旗下落實多項環保能源項目 -「十‧四五」垃圾焚燒營運市場擴大。 |
Energy , EB ENVIRONMENT , Enviro |
| 阮子曦 |
2022-11-21T22:45 |
威勝控股(03393)取得國家電網逾5億元人民幣訂單，今年累計取得逾13億元人民幣訂單，按年升43.6%。 中國通海證券投資策略聯席董事阮子曦表示，威勝今年以來從國家電網集中招標，取得的訂單價值，增幅不俗，相信對未來業績有正面幫助，而公司過往派息尚算慷慨，預測股息率逾7厘，適合作為長線價值投資，但由於這類股份並非市場焦點，故不宜短炒。 |
RMB , WASION HOLDINGS |
| 陳欣 |
2022-11-21T18:02 |
內地噚日新增近27000宗新冠本土個案，再多2人死亡，屬於北京本土病例，而廣州白雲區加強防控，河北省石家莊又宣布「封城」5日。內地再收緊封控，人仔亦轉弱，內地疫情係咪打擊內地重新開放進程，令人仔進一步受壓？ 資深外匯分析師陳欣指，人民幣之前弱勢主要係美元強，雖然內地疫情反彈，但佢認為，由於防疫政策放寬左，未必會輕易轉向，若防疫政策持續放寬，相信經濟可以有個良好預期，除左防疫政策，房地產慨融資政策、對民營企業貸款政策都有助內地經濟增長發展，雖然人仔近期因美元反彈而受壓，但隨著政策實行後，將利好中國經濟，預期可以為人仔帶來支持，估計人仔係7.2至7.25有支持。 |
RMB , China Econ , Real Estate , USD , Real Estate |
| 林嘉麒 |
2022-11-21T16:52 |
世界盃主辦國一般都因賽事而帶動當地，甚至周邊地區經濟，今次世界盃係卡塔爾舉行，港股、A股有冇機會受惠？ 元宇證券投資總監林嘉麒指，過往世界盃一般係7月、8月暑假期間舉行，但今次卡塔爾世界盃決賽周唔係特別假期，所以有些唔同，基金經理放假睇波慨機會較細，回顧港股過往係世界盃期間慨表現，大部分時間都係先跌後升，由於港股之前都升左一段時間，KK估計會有調整，之後再重拾升勢，仲可以食埋年底慨粉飾櫥窗效應再升多浸，並相信A股之後都好大機會反彈。 |
Stock |
| 梁傑文 |
2022-11-21T15:36 |
基石控股(01592)上周五宣布，向控股股東兼主席雷雨潤收購內地雲石及花崗石銷售分銷業務，即係廈門亞太全部股權，總代價1億元，代價會以發行新股支付，涉及5.97億股，基石股價今朝一度急挫逾14%，點睇今次呢單收購？ 《香港股票財技密碼》作者梁傑文話，呢單交易慨估值唔平，向好慨方面諗，公司唔使出錢，全部靠印「公仔紙」收購，雖然大股東股權集中左，但其他股東權益就被攤薄。值得留意係，基石最初上市只係從事港澳業務，依家透過發新股收購埋大股東內地慨雲石供應業務，的確係有少少優勢，因為大家都係同行，而唔係完全唔熟悉慨行業。 Mike又話，呢單收購慨關鍵係，集團純利保唔保持到，甚至錄得增長，如果純利只因收購谷高左，之後又跌返落去，呢單收購又未必值得。 |
Stock , IPO , IPO , Food , ANCHORSTONE |
| 趙晞文 |
2022-11-18T22:42 |
京東集團(09618)第三季收入升11.4%，經調整盈利升98.9%。 信達國際研究部主管趙晞文表示，京東上季經調整盈利近乎倍升，勝預期，主要是節省開支推動，期內京東零售收入升7%，顯示公司的內地電商業務，表現優於阿里巴巴(09988)，相信股價會有正面反應。 |
LINGYI ITECH , IT |
| 葉佩蘭 |
2022-11-18T17:30 |
美匯波動，難免會影響金價表現，即使日前地緣局勢出現突發事故，但金價始終升唔穿每盎司1800美元，後市仲有咩因素可以推升金價？ 英皇期貨營業部總裁葉佩蘭指，息口仍然係市場焦點，只要加息周期仍未結束，金價都會面對頗大壓力，暫時仍睇唔到有咩因素可以支持金價向上，加上11月至今黃金淨流出規模唔細，反映黃金慨吸引力唔大，經歷一輪反彈後，金價係1800美元的確有阻力，唔排除未來會下試1740美元水平。 |
Gold , USD , USD |
| 姚浩然 |
2022-11-18T15:57 |
維他奶(00345)中午出左中期業績，雖然恢復派中期息，但收入按年僅增長1%，香港業務經營溢利，如果扣除政府因應疫情提供慨補貼，大跌25%，毛利率亦冇太大改善，維持係48%水平，股價午後仲要轉跌，成份業績似乎冇咩驚喜比到投資者。 亨達財富管理董事總經理姚浩然指，維他奶業績的確欠缺驚喜，利潤有增長係因為集團削減部分開支，唔係生意額上升，所以只係一份中規中矩慨業績。Patrick又估計，維他奶毛利率可維持穩定，但要透過開發新產品或加價提升盈利能力。 |
|
| 陳建良 |
2022-11-18T15:04 |
港股3大指數係上月低位反彈逾20%，重上18000點大關，步入技術牛市，係咪進一步確認已經見左今年低位？之前個巿累積左咁多蟹貨，恆指短期係咪會係現水平上落，先整固一下？ 勝利瑞柏基金管理合伙人暨投資總監陳建良指，恆指今年已經見底，好消息亦令巿場反應相當猛烈，不過，投資者唔好太興奮，因為股巿續受加息大環境影響，想追貨最好先觀察美國慨情況。 至於恆指後市會點走，KL估計，年底前會繼續係18000點或以下水平徘徊，波幅唔會太大。 |
Stock , TERN PROPERTIES |
| 梁偉源 |
2022-11-18T12:58 |
截至早上11時止，1小時內《彭博》用戶關注度上升最多港股，依次為中國銀行(03988)、小米集團(01810)、合景泰富集團(01813)、美團(03690)及旭輝控股集團(00884)。 過去幾年，基於內房「3條紅線」，銀行不能隨便借錢畀「踩到紅線」慨內房，部分內銀因而轉戰其他非利息收入慨銷售，當中包括理財產品，近日有報道指，由於內地債市大跌觸發理財產品贖回潮，惹黎監管部門關注，甚至已要求銀行上報流動性情況，今波贖回潮衝擊有幾大？ 大華繼顯執行董事梁偉源分析指，睇返市場上慨資料，較難評估理財產品係內銀慨佔比，以往銷售理財產品最積極係招商銀行(03968)，所以應該對招行影響較大，而四大國有銀行涉及慨金額唔會太大，亦唔會影響流動性。Steven又話，市場對內銀慨投資價值睇法冇明顯轉變，四大國有銀行資產比較穩定，派息水平即使股市低迷時都有9厘，所以仍有投資價值，展望未來，預期中央會出台更多刺激經濟政策，都唔使太擔心四大國有銀行慨札關風險。 |
KWG GROUP , CM BANK , China Banks , HK Cap Flow , Stock |
| 蘇沛豐 |
2022-11-18T11:37 |
科網股今日表現搶鏡，普遍錄得5%以上升幅，帶挈科指跑贏大巿。市場一直關注科企監管問題，不過，最近有關當局頻頻釋出鬆綁訊號，例如早前內地官方媒體指，電子遊戲對國家產業布局及科技創新有重大意義，值得重視及深度挖掘相關潛在價值，係咪意味「二十大」後遊戲相關行業可以鬆一口氣，走出監管陰霾？ 招銀國際策略師蘇沛豐指，中央針對遊戲行業慨監管的確傾向放寬，近期亦似乎不斷放風，不過，暫時對相關股份慨業績影響唔大。佢又話，雖然當局取態有明顯轉向，但科企盈利唔會咁快反映到，但相信估值會率先有回升動力，後巿可以留意盈利增速會唔會加快，甚至由跌轉升。 |
Earnings , IT |
| 聶振邦 |
2022-11-18T11:06 |
阿里巴巴(09988)原本預期年底前完成轉換為係香港主要上市，但集團噚晚公布業績時指，今年之內唔會成事，又話會繼續評估各項因素，適時再向投資者提供更多資料，市場原本預期，轉換成主要雙重上市，阿里就有望納入滬深港通，北水就可以買貨，依家出現變數對阿里有咩影響？ 華盛証券分析師聶振邦認為，阿里轉換為主要雙重上市只係時間問題，相信明年第1季完成審核慨機會較大，雖然短期可能對海外投資者有少少影響，但因為美國審計消息傾向正面，因此，未必對退市構成壓力。 業績方面，阿里上季經營溢利按年增長68%，收入則按年升3%，勝預期，聶Sir話，阿里經營溢利大幅增長，會對股價有正面影響。 |
LINGYI ITECH , Money Supply , CROSS-HAR(HOLD) , IPO , IT |
| 盧志明 |
2022-11-18T09:52 |
大唐資本投資策略部總監盧志明推介新秀麗(01910) 推介原因： - 上季銷售持續改善 - 第4季銷售旺季，預期錄得中單位數增長 - 憧憬內地重新開放。 |
SAMSONITE |
| 林嘉麒 |
2022-11-17T22:48 |
網易(09999)第三季多賺逾1倍，營業利潤升25.6%，公司表示，獲暴雪授權於內地發行的七款遊戲，將於明年一月終止合作，但對收入及盈利影響輕微。 元宇證券基金投資總監林嘉麒表示，網易上季業績表現不俗，而遭暴雪終止授權的幾款遊戲，收入佔比只有低單位數，對明年業績實際影響不大，但相信市場仍擔心，失去暴雪這個遊戲開發高手作為合作夥伴，網易往後推出的新遊戲，未必會很受玩家歡迎。 |
Earnings |
| 植耀輝 |
2022-11-17T17:57 |
恆指公司會係明日收市後公布季檢結果，中金估計慨「染藍」大熱多達8隻股份，當中包括多次大熱倒灶慨股份，到底邊些股份有力「跑出」？ 耀才證券研究部總監植耀輝估計，百勝中國(09987)機會最大，始終公司係內地經營必勝客、KFC，屬於全國性業務，市值又高逾1700億元，成交量又偏高，再加公司月初公布慨業績，表現唔錯，市場都收貨，尤其餐廳利潤持續增長，成本控制又做得好，反觀其他大熱新貴業績都麻麻。 雖然百勝依家仲持有美團(03690)逾400萬股，有機會受「公私合營2.0」影響而需要減持，因而影響股價，但Stanley指，百勝投資虧損慨影響有限，因為公司淨利潤都有唔錯增長。 |
Trades , Earnings , Stock |
| 羅明立 |
2022-11-17T17:43 |
英國今日會公布最新財政預算案，估計會加能源利潤暴利稅、加所得稅收入等，英鎊已自上月低位反彈左唔少，預算案公布後，英鎊會唔會進一步上升？ 亨達集團助理總經理羅明立指，英國10月通脹升至11.1%，創41年新高，英倫銀行講明會繼續加息，新任財相侯俊偉要將上手慨預算案推倒重來，轉為加稅削開支，相信可以穩定返市場信心。不過，佢認為預算案能唔能夠進一步推高英鎊，仍要睇返英倫銀行慨貨幣政策，同埋英國慨經濟情況。 羅明立估計，英鎊係1.2或1.22水平會遇阻，建議投資者暫時唔好係呢個水平追入。 |
Energy , GBP , CINDA INTL HLDG |
| 林樵基 |
2022-11-17T13:03 |
內地為救經濟政策開始轉向，近期陸續有針對性政策出台，包括支持民企融資、推出「內房16條」，容許優質內房合理使用預售監管資金，呢些利好消息帶動內房股股價近期爆升，係咪反映市場開始對內房有返信心？ 光銀國際董事總經理兼研究部主管林樵基指，「內房16條」的確係有幫助，因為呢些政策對民企及發展商係具針對性，另一方面，其實發展商黎講，問題主要同流動性有關，始終發展商冇資金支持，完成唔到項目就收唔返錢，最後就還唔到債，中央近期推出慨政策，可以提升返內房慨流動性，因此，只要措施可以盡快落地，一定對內房有好大幫助。 |
China Real Estate , Capital Flow |
| 許繹彬 |
2022-11-17T12:08 |
港股由寒氣入骨到春回大地，關鍵因素是人民幣匯率，人民幣兌美元由上月低見7.3左右，到近日重返7.05水平，人民幣轉強為刺激恆指大轉勢的轉捩點。眾所周知，人民幣倘若維持弱勢，必影響國內的民生地產及對外投資，惡性循環下，北水力度必遭受拖累而受限，一直依賴北水灌溉的港股，只會繼續疲弱。 歐美資金一向抱著跟紅頂白、擇優而噬，眼見港股弱勢不改，投向強勢的美股，為港股雪上加霜。港股是次反彈，足證人民幣轉強的威力，北水帶動港股過關，強勢再現，千億元成交額已成近日常態，更數次出現二千億元以上的成交；歐美資金捲土重來也是助力之一。 筆者認為，需留意內地疫情有蔓延跡象，若國內政府對是次反彈不似以往那樣著急，相信距離對外開關的日子，將邁進一步，吸引外資重投國內股市。港股有望受惠水漲船高；如港股成交持續高企，有力挑戰100天線18,838點，而支持區則希望在17,800點有支持。連日來急升的股份，或現大上大落的格局，必須格外留神；建議可留意電動車龍頭比亞迪(01211)，儘管股神巴菲特多次作出減持，但港股持續強勢引領下，股神或會因此改變想法。 十一月恆指終在連日締結大成交的推波助瀾下，成功脫胎換骨，一眾投資者對此均難以置信。港股承美股上周稍跌，而低見過15,945點，卻只用短短三個交易日收復失地，一口氣升穿10天、20天及50天線，更一度直逼100天線18,838點，勢如破竹，弱勢全消。港股升幅突然冠絕全球，完全可以套用「跌就跌到心寒，升就升到你唔信」來形容近三個月的恆指走勢，相信無人會反對。 上月恆指猶如「高台跳水直插無水花」，低見14,816點，令人「不寒而慄」，跌幅冠絕全球，手持股票的小股民可謂「一殼眼淚」，來到今日，港股的走勢變身作一部沒有剎車系統的超級跑車，過五關斬六將，升勢更難以估計，手持現金、伺機入市的投資者，此刻一定不知如何是好，有此心情實屬正常。 |
Stock , RMB , USD , Real Estate , US Stock |
| 陳偉明 |
2022-11-17T12:00 |
市場早前傳出內地或放寬防疫政策及美國對中概股首輪審計有望提前完成，港股11月開始展開報復式反彈，雖然加密貨幣急挫及內地疫情持續擴散，曾拖累港股在上周一(11月7日)於16,800點遇阻並連續回吐三日至16,000點關。 美國通脹數據回落及內地正式宣布放寬入境防疫措施，港股上周五(11日)爆升逾1,200點後，本周初，在內地出台16條措施撐內房及中美元首(國家主席習近平及美國總統拜登)面對面會談沖喜下，一度再升近1,000點，在本周三(16日)高見18,356點。近期港股成交急增、氣氛改善，恆指大有機會在10月底14,597點已見底位。 值得留意，美國10月份CPI(消費物價指數)及PPI(生產者物價指數)低於市場預期，但美國通脹仍然高企， 加息預期雖然短暫降溫，但未來有機會產生滯脹或衰退問題，內地放寬檢疫限制至「5+3」，但仍然未改為「0+0」，至於習拜會面亦難改長期中美鬥爭，再加上近期內地疫情持續升溫，好消息似是過度反映，小心港股短期亢奮急升之後會在18,000點關出現回吐。 技術上，港股雖然剛出現久違了的10天線升穿20天線的「黃金交叉」利好信號，但通常股市經過長期下跌後，因急彈而第一次出現的「黃金交叉」亦會於短期內出現後抽回落，因此暫時傾向建議避免高追，但可候低吸納。 策略上，可考慮在期指18,300點以上，極小注Long Put即月價外800點恆指期權對沖港股短期下跌風險，並且耐心等待港股回吐至17,000點以下再分注撈貨。 |
Stock , Gold , China Real Estate , USD |
| 羅尚沛 |
2022-11-16T22:51 |
騰訊控股(00700)第三季收入跌1.6%，經調整盈利升1.6%，同時以實物分派美團B類股份，每10股分派1股美團。 銀河證券業務發展董事羅尚沛認為，騰訊上季業績只是持平，沒大驚喜，不過分派美團，股息率逾5厘，加上內地很可能放寬遊戲規管，騰訊重大遊戲版號，或於短期內獲批，相信會利好股價。 |
TENCENT , Earnings , IT |
| 陳錦興 |
2022-11-16T17:45 |
發改委等3部門發布進一步做好新增可再生能源消費總量控制的通告，重點係要準確界定納入可再生能源消費總量控制慨能源種類，現階段包括主流慨可再生能源，例如風電、太陽能及水電等，呢個消息對綠電股係咪正面？會唔會帶動到綠電需求？ 英皇證券研究部總監陳錦興指，呢個政策唔止對綠電，甚至傳統能源電企都有正面幫助，因為兩者都會做總量控制，因此，如果電力公司多左新能源消費，傳統電力消費就會減少，尤其新能源消費唔會計入總量控制，預期會加快新能源消費增長。 Stanley又話，呢個政策微調令電力行業係經濟同發展上更有彈性，今年石油價格上升，令傳統能源電企係房屋發電方面想加大發電力度都有限制，今次呢個政策可以增加相關電企發電量及銷售彈性。 |
Energy , Oil , ChinaElec , EMPEROR CAPITAL , CONCORD NE |
| 聶振邦 |
2022-11-16T16:10 |
首程控股(00697)係內地主營停車場慨物業管理服務，華盛証券分析師聶振邦指，首程股價5月至今累升逾40%，對比恆指同期累跌超過10%，明顯跑贏大市。佢又話，首程派息穩定，息率約5厘，上半年係內地疫情反覆期間，公司仍保持唔錯慨盈利，依家市帳率(PB)約1倍，估值吸引。 早前，首程大股東首鋼集團完成出售部分股權予北京國有資本運營管理，2家公司都係國企，聶Sir認為，首程日後可能會有配合國家政策慨動作，又話公司近年積極布局房託基金(REITs)投資，北京國管可能會轉讓旗下優質基礎建設資產畀首程管理，有助提升公司利潤率及加快盈利增長。 |
REIT , Stock , SHOUCHENG |
| 莊志雄 |
2022-11-16T15:21 |
美國上月生產者物價指數(PPI)升幅細過預期，反映通脹再有降溫跡象，噚晚美股3大指數向上，不過「股市漁夫」創辦人莊志雄指，美股呢轉升浪唔太合邏輯。 Lewis分析指，睇返過去一周各類資產價格表現，雖然股市升，但同衰退有關慨債價及金價亦有得升，至於同經濟相關慨油價就向下，其實係反映經濟基本面唔好。佢又話，美股呢輪升得勁，純粹係資金炒緊聯儲局政策轉向(Fed pivot)慨憧憬。 佢續指，據最新利率期貨顯示，聯儲局最快明年7月先會減息，依家炒pivot係太早，就算聯儲局減息，亦唔代表股市見底，據歷史統計顯示，聯儲局開始減息後，美股會再跌27%至58%。 |
Gold , US Stock |
| 譚智樂 |
2022-11-16T14:40 |
截至早上11時，1小時內《彭博》用戶關注度上升最多慨港股依次為雅居樂集團(03383)、融創中國(01918)、合景泰富集團(01813)、中國銀行(03988)及小米集團(01810)。 雅居樂連續2日居榜首，比上日配股「抽水」慨碧桂園(02007)搜尋量更多，相信市場已經估到雅居樂會接力抽水。 上日碧桂園股價先低後高，守得住配股價，但雅居樂今朝宣布配股後就低開11%，其後跌勢加劇，更失守配股價2.68元，半日挫21%，報2.57元。 獨立股評人譚智樂認為，碧桂園配股消息可能被投資者解讀為資金對集團前景有信心，配合埋上日大升市慨正面氣氛，令股價得以靠穩，但當接續有內房企業跟機，就會令市場憂慮抽水潮出現。佢補充，過去1年唔少內房企業「抽水」後，仍然消除唔到違約風險。 Arnold又話，現時內房板塊尚有唔少不明朗因素，短線股價波動好正常，亦有機會面對股份因為財務問題而停牌慨風險，建議介意短線波動慨投資者可趁早係跌穿配股價時沽貨。 |
KWG GROUP , Stock , China Real Estate , COUNTRY GARDEN , AGILE GROUP |
| 盧志威 |
2022-11-16T11:12 |
繼碧桂園(02007)噚日宣布折讓逾17%「抽水」逾38億元後，今朝輪到雅居樂集團(03383)公布，以每股2.68元，折讓近18%，配股集資逾7.8億元，主要用作債務再融資。 碧桂園噚日可以守住配股價，午後更一度倒升，其他內房物管股亦照升，但雅居樂今朝低開11%後，跌勢加劇，之後更守唔住配股價。 潤淼資產管理董事盧志威認為，雅居樂配股其實算係利好消息，因為可以籌到新資金緩解流動性問題，始終內房依家好難再發債籌錢，而股票係唯一能初步融資慨渠道。 不過，William話，如果想趁低位吸納內房股，需要考慮一樣野，就係即使內房回復盈利能力，但都唔會好似以前咁強勁，又指買內房債券比股票更值博，因為可以鎖定回報率。 |
China Real Estate , COUNTRY GARDEN , AGILE GROUP , Capital Flow , IPO |
| 植耀輝 |
2022-11-16T09:38 |
耀才證券研究部總監植耀輝推介新秀麗(01910) 推介原因： - 近幾季業績表現持續有改善 - 第3季經營狀況理想。 |
SAMSONITE |
| 陳欣 |
2022-11-15T16:57 |
內地今朝出左最新零售、工業及固投數據，全部差過預期，不過，人仔對數據反應唔算太大，在岸及離岸價係7.05水平上落，近日人仔反彈至接近7算水平，短期反彈係咪差不多告一段落？ 資深外匯分析師陳欣指，現時有兩個主要因素影響人仔短期走勢，首先係憧憬防疫政策持續放寬及優化，其次係美元回落，可以畀非美貨幣抖抖氣，係呢個情況下，人仔就有一個比較似樣慨反彈。 Chase又話，後市要留意美元跌穿咁多支持位後，會唔會進一步向下，同埋聯儲局會唔會繼續放慢加息步伐。佢續指，美國今個星期會公布零售銷售數據，若數據不利美元，人仔有機會挑戰7算水平。 |
USD |
| 譚智樂 |
2022-11-15T16:32 |
敏華控股(01999)中午派左中期成績表，半年多賺逾10%，但收入按年減少約8%，毛利率38.8%，較去年同期及去年底都係有改善，派中期息0.15元，較去年同期增15%，敏華呢份業績都應該算係有驚喜，因為內地經濟唔好，但公司仍交到成績，關鍵係咩？派息多左係咪另一個驚喜？ 獨立股評人譚智樂指，敏華業績靚關鍵係成本控制上，雖然公司收入跌，但今年環球經濟狀況普遍都係倒退緊，今年唔少經濟體如中國、美國，都係去到第3季先擺脫到短線衰退慨狀況，所以即使敏華收入下跌，市場亦唔會感到驚訝。 至於呢份業績慨驚喜位，就係毛利率有得升，主要製造家具唔涉及通脹問題，過程較少涉及能源，而原材料、皮革價格都回落，都有利毛利率整體表現。 |
Energy , MAN WAH HLDGS |
| 彭偉新 |
2022-11-15T14:11 |
截至早上11時止，1小時內《彭博》用戶關注度上升最多港股，依次為雅居樂集團(03383)、銀河娛樂(00027)、永利澳門(01128)、碧桂園(02007)、金沙中國(01928)。 在連串政策消息帶動下，內房股連日急升，碧桂園趁股價勁彈宣布配股集資，配股價2.68元，較噚日收市價折讓近18%，集資約39億元，雖然碧桂園股價今早低開，但半日仍守得住配股價，係咪反映市場對集團慨信心已有改善？ 資深證券分析師彭偉新指，市場的確冇之前睇得咁淡，新政策可以解到內房燃眉之急，唔使擔心比銀行call loan call到清盤，但政策只係一個短中期利好，長遠仍要睇返內房銷售有冇好轉，依家內地居民擔心買樓後可唔可以如期交樓，因此，仍要觀察內房有冇錢幫幾百個地盤「埋尾」，唔會出現爛尾情況。 Castor又話，市場已逐步由以往見到內房股都驚，到開始願意以折讓股價內房股，呢個都係一個正面訊息。 |
Stock , China Real Estate , GALAXY ENT , COUNTRY GARDEN , AGILE GROUP |
| 黃偉豪 |
2022-11-15T12:19 |
阿里巴巴(09988)股價今朝輕微低開後，好快就掉頭向上，公司近日都有唔少消息，包括螞蟻消金增資額縮水，又減持商湯(00020)股份，阿里兩日後就會出業績，業績前做部署有冇得諗？ 中薇證券研究部執行董事黃偉豪指，雖然恆指今朝升上50天線，但暫時建議先行觀望，由於大市氣氛好轉，會令市場解讀呢些消息時比較正面，但其實阿里反彈力度比大市弱，唔算係好強勢慨股份，公司兩日後出業績，始終市場對新經濟唔係睇得太樂觀，建議投資者等公司出左業績再做部署。 |
LINGYI ITECH , Stock , IT |
| 梁振輝 |
2022-11-15T11:59 |
美國10月份的通脹數據為投資市場帶來了很大影響，股市在美國通脹略低於預期後飆升，同時美國國債收益率下跌和美元跌破關鍵技術支持位，均表明投資者對美國通脹和利率前景的看法變得負面。 儘管數據確實表明，美國通脹可能已經達到周期的頂峰，但我們認為，美聯儲在決定暫停加息之前，需要看到更多訊號反映成本壓力和就業創造明顯放緩。美聯儲或許意識到過早放鬆通脹的風險，亦從上世紀80年代的經驗中吸取教訓，當時通脹放鬆得太早。因此，未來幾個月加息速度出現放緩的可能性更大(包括12月加息0.5厘至4.5厘)，而不是即時暫停加息行動。 另外，政府債券收益率也很可能更接近是次週期的峰值，因為它們已經將美聯儲的終端利率定價為在2023年年中接近5%水平。股票仍需應對增長和收益下調的風險上升。隨著利率和美元接近週期的峰值，我們繼續傾向於增加投資級企業債券的風險敞口，以及亞洲(日本除外)等經歷過拋售的股票市場。在這種環境下，多元化的一籃子收益資產也可能比更均衡的股債配置組合表現更好，因為這一籃子資產更傾向投資於從峰值的利率預期中受益最多的固定收益資產。 美國通脹數據雖然低於預期，但在我們看來，差距並不十分巨大，無法讓美聯儲相信他們已經過度收緊金融條件。名義通脹環比增長0.4%，低於預期的0.6%，但保持了上個月的增長速度。扣除能源和食品後的核心通脹率從上月的環比增長0.6%降至0.3%，低於預期的0.5%。今年一直推動核心通脹上升的住房通脹的業主等效租金部分從環比增長0.8%降至0.6%，儘管離家住宿成本的急劇上升意味著整體住房通脹基本保持不變。隨著疫情後經濟繼續正常化，整體消費轉向服務業，耐用品通貨緊縮從-0.1%加劇至-0.7%。 儘管如此，我們進一步觀察後注意到一些潛在的通脹趨勢正在繼續擴大 — 通脹細分類別中三個月百分比變化大於年同比變化的比例在加速增加。亞特蘭大聯儲的「粘性價格」通脹率過去三個月的年化率仍為7.2%，儘管核心指標從每月的年化8.3%降至5%。核心通脹數據本身名義環比增加0.3%，按年度計算遠高於美聯儲2%的目標。 美國中期選舉中共和黨雖成功成為美國眾議院的多數黨，但獲得的席位較預期少，而民主黨則保住參議院— 這意味著美國政府明年達到債務上限的不確定性可能會持續，並將進一步發行政府債券以支撐債券收益率。上周10月非農就業人數優於預期(創造了26.1萬個淨新增就業崗位)，反映就業市場依然火熱，美聯儲將於12月14日舉行下一次議息會議，而接下來還有兩個關鍵的通脹和就業市場數據點，我們認為，要確認美聯儲利率達到峰值還為時過早。 在這種背景下，儘管包括利率敏感型增長股在內的風險資產在短期內仍可能表現優異，但我們仍然認為，對於6至12個月期限的投資者來說，一籃子收益資產仍然是最有吸引力的選項用來過渡這種新興的宏觀經濟形勢。如果有進一步跡象表明美國利率及美元見頂，亞洲除日本以外的股市可能會跑贏全球股市。中國國務院聯防聯控機制發佈的優化調整疫情防控措施可能會帶來進一步刺激，支持短期內投資市場的氣氛。 |
US Bonds , Energy , USD , CKH HOLDINGS , SUN HING VISION |
| 文錦輝 |
2022-11-15T11:33 |
內地連出16招救內房，更刺激內房及物管股股價連日飆升，其中碧桂園(02007)趁股價大舉反撲宣布配股集資，籌近39億元，主要用黎還債，碧桂園係呢個時候「抽水」係咪合理？其他有集資需要慨內房，係咪會排住隊配股集資？ 艾德金融期貨部主管文錦輝話，碧桂園配股時間拿捏得岩岩好，中央星期日推出政策，碧桂園隨即宣布配股，不過，如果其他內房效法碧桂園，市場岩岩「食」完碧桂園，未必再有咁多資金買入其他內房股，但無可否認，今次慨政策的確比到房地產行業一個喘息機會，佢又估計，如果大市未來可以繼續企穩17600點樓上，唔排除有其他內房或物管股配股集資。 |
China Real Estate , COUNTRY GARDEN , Real Estate , Real Estate , IPO |
| 陳鳳珠 |
2022-11-15T10:12 |
安里資產管理投資組合經理陳鳳珠推介百勝中國(09987) 推介原因： –餐廳利潤率按年擴闊6.6% –同店銷售恢復至去年同期水平 –今年維持全年淨增門店。 |
|
| 鄭家華 |
2022-11-14T22:54 |
市場消息指，復星旅遊文化(01992)或出售度假村業務Club Med，尋求估值15億美元，折合約117.45億港元。 阿仕特朗資產管理董事鄭家華表示，Club Med業務正急速復甦，雖然傳聞中的15億美元估值，高於復星旅遊本身市值，但若按此作價出售，屬偏低價格，不過為了籌集資金為大股東復星國際(00656)減債，最終亦可能要出售。 |
FOSUN INTL , USD , FOSUN TOURISM |
| 林嘉麒 |
2022-11-14T16:21 |
受惠於內地一口氣連出16招撐內房，帶挈內房及物管股勁升，連整條產業鏈相關股都跟升，除左中國平安(02318)、招商銀行(03968)、明源雲(00909)，連做梳化慨敏華控股(01999)都有得升。呢些內房周邊行業、相關股都升得咁誇張，反應係咪過左龍？ 元宇證券投資總監林嘉麒指，雖然股價今日升左好多，但其實呢些股份之前都係高位回落左唔少，既然之前跌得多，依家大幅反彈都好正常，雖然內房依家仲未見到好實質慨改善，但市場已經有好多憧憬，後市要留意內房慨違約情況、債價，先知道市場反應係咪過大。 KK又話，持續慨政策的確有助改善市場對內房慨睇法，但未見有實質改善前，依家投機性投資慨風險仍然唔細，佢又預期，市場氣氛短期唔會明顯轉差，應該同依家差唔多。 |
China Real Estate , PING AN , CM BANK , MING YUAN CLOUD , MAN WAH HLDGS |
| 梁傑文 |
2022-11-14T16:11 |
手機設備股通達集團(00698)今日升得唔錯，公司噚日傍晚出通告，以近4億元出售製造汽車內飾部業務70%權益，估計稅前賺3億元，完成交易後，通達仍持有呢間公司30%，呢間附屬公司市值9.7億元，作價相當於市值近40%，呢單交易對通達黎講有冇著數？股東應唔應該支持？ 《香港股票財技密碼》作者梁傑文指，呢單交易慨PE約21倍，都算係合理，但附屬公司慨電動車電池鋁部件業務剛上軌道，又同龍頭車廠有合作，所以對通達出售業務慨決定有少少質疑，加上交易其中1.35億元以現金支付，餘下就要同通達借錢找數，反映買家冇乜實力。 Mike認為，通達今次將慢慢做出成績慨業務賣走，將資源集中造手機外殼業務，佢估計股東未必會贊成，但小股東始終無辦法否定管理層慨決策。 |
Stock , TONGDA GROUP , Resources |
| 郭思治 |
2022-11-14T12:51 |
受美國上周四晚(11月10日)所公布的通脹已稍回落至7.7%所刺激，美股大幅上升，市場憧憬在通脹受控下，聯儲局之加息步伐不但會放慢，且為刺激疲弱之經濟，聯儲局於明年稍後可能會掉頭減息，故在亢奮的情緒主導下，資金大舉入市，在買盤不斷追捧下，道瓊斯工業平均指數最後大幅急升1,201點至33,715點，而納斯達克指數亦同樣大幅上升760點至11,114點，惟有一點需留意，聯儲局局長早前表示希望通過大幅加息把通脹壓低至2%。 當然，照目前之市況看確實不易做到，畢竟是潮通脹之成因確頗為復雜，要達標之可能性實不高，但重點是相對目前之通脹仍達7.7%計，相對聯儲局局長之目標2%確頗遠，故相信聯儲局該會維持高利率一段較長的時間，故目前美股之大幅急升該衹屬投機性亢奮之資金所導致，不要忘記，到今年底前，聯儲局可能會再加息0.5厘，即聯邦基金利率將由目前之3.75至4厘上調至4.25至4.5厘。 再看港股，受美股於上周四晚(10日)大幅上升所刺激，恆指於11日早市亦大幅高開1,039點至17,120點，其後再進一步升至1,7368點，相對月內之低位為1日之14,859點計，即11月大市之波幅已再擴闊至2,509點，從走勢上看，由於目前恆指已漸升離20天線（約在15,944點左近）及10天線（約在16,039點左近）故衹要大市能緊扣17,000點左近，形勢上該有利於再伺機輕越50天線（約在17,267點左近），但需留意，即使恆指能重越50天線，亦衹代表大市再進一步往上尋月內新高而已，並不代表大市會漸發展成一個中期新升浪。 資金之入市態度及意欲仍偏向較保守，在動力不足之下，大市之升勢定必不能持久，當升勢漸受規限後，零碎沽壓又再滲著湧現，故是潮大市該衹屬中期跌浪後之技術性反彈而已。因此，任何再冒高追入之短炒部署均不宜過急及過勇，並需做好風險管理，至於持貨一直偏重的投資者該考慮需否伺機略作減磅，以減低持貨壓力。 |
Stock , US Stock |
| 陳錦興 |
2022-11-14T12:40 |
截至早上11時止，1小時內《彭博》用戶關注度上升最多港股，依次為碧桂園(02007)、中銀香港(02388)、中國海外發展(00688)、雅居樂集團(03383)、華潤置地(01109)。 傳出中央推出16項金融措施撐內房，其中包括鼓勵金融機構跟開發商自主協商貸款按排，亦提到可以將未來半年到期慨貸款可延長1年，但冇提及額度、邊間銀行或發展商，但市場照喪炒內房股，多隻錄雙位數升幅，呢個消息真係有咁大驚喜？ 英皇證券研究部總監陳錦興指，早前官方一直有放寬措施，但當時大環境仲係唔明朗，投資者憂慮內房弱勢會持續，所以市場冇太大反應，直至近期宏觀環境有改善，內地「二十大」後，係政策層面上支持經濟慨動作更積極，除左支持內房發債，今次16項金融措施中，銀保監及銀行都對內房有更明確慨支持，內房融資方面亦有針對性部署，因此，市場對呢兩項措施睇法都好正面，可以改善內房資金鏈及債務問題，令內房板塊出現報復性慨升幅。 |
BOC HONG KONG , HK Banks , Stock , China Real Estate , CHINA OVERSEAS |
| 梁偉民 |
2022-11-14T11:41 |
中國政府推出「16條」措施支持房地產市場，包括鼓勵金融機構和開發商自主協商，對開發貸款、信託貸款等存量融資合理延期，又要求穩定建築企業信貸投放。消息一出，刺激內房股繼續大幅炒上，多隻錄得雙位數升幅。今次新政策慨支持力度係咪比之前大？內房股升勢係咪可以持續？ 高富金融集團投資總監梁偉民指，內房股近日氣氛明顯好轉，因為新一輪政策相信可以幫到手。之前內地放寬民眾買樓限制，但由於民眾睇淡樓價，加上驚發展商交唔到樓，因此，銷售始終谷唔起，亦解決唔到發展商無辦法融資呢個重要問題，因為發展商周轉唔到，民眾對買樓有戒心，樓盤賣唔出，形成惡性循環，令內房財困問題雪上加霜。 不過，Wyman認為，新政策係融資問題上未必完全幫到手，要睇銀行一方會唔會用力執行新政策，而貸款延期對質素差慨內房亦幫助唔大。佢又話，市場依家最期望貸款市場重開，或銀行放寬貸款要求，先拯救部分質素較好慨內房。 |
China Real Estate , Real Estate , Real Estate , AEON CREDIT |
| 李浩然 |
2022-11-14T10:44 |
金融行業中最重要的技能是甚麼？坦白說，最重要的技能與數學幾乎是完全無關。因為即使懂得創建世界上最好的貼現現金流（Discounted cash flow）等財務模型，也不會直接從潛在的客戶里籌集資金。如果沒有「說好XX故事」的能力，那麼沒有人會真正關心真正金融所需的技能，例如分析員每天都用到的Microsoft Excel。事實上，MS Excel上的試算表可能根本比不上軟技能（Soft Skills）那麼重要，就連「股神」巴菲特（Warren Buffett）亦曾經說過「金融最重要的技能是推銷技巧。」 某程度上，每個人都以某種身份從事銷售。如果你想結婚，你必須把自己 Sell 俾未來的配偶；如果你想被錄用，你必須把自己Sell俾未來的雇主。如果你想銷售一種產品或服務，你必須讓客戶相信它是值得的。如果您希望人們接受你的想法，你就必須以人們能夠理解的方式Sell俾受眾。 大多數的情況下，能夠講出最好、最動聽的「故事」通常會成為贏家。當然，這不僅僅是某地局市長那種純粹自我感覺良好的「說好XX故事」。例如美國能夠讓美元霸權穩如泰山的原因，除了軍事力量以外，更重要的就是非常有效宣揚意識形態的軟實力。換句話說，好的文章可以左右普遍人的思想，可能比用槍炮更有效去統治世界。但要成為一個有效的溝通者，首先必須了解與誰交談。 CNBC的Bob Pisani在他的新書《Shut Up & Keep Talking》中討論了了解聽眾的重要性：「三十二年前，當我剛開始在CNBC工作時，我遇到了一個大問題，就是我不確定我在和誰說話。我是房地產記者，但我不知道觀眾的接收程度如何。他們知道什麼是抵押貸款嗎？如果他們知道，他們是否知道抵押貸款證券（MBS）是什麼？這困擾著我，盯著鏡頭而不知道我在和誰說話。」因此，Bob Pisani嘗試去了接觸其中一些觀眾的想法。 當中，其中一位聯繫上的一位女性觀眾、48歲住在明尼阿波利斯，並擔任兼職會計師。她已婚，有兩個男孩，其中一個25歲，剛訂婚，有興趣買房。她對房地產有基本的了解——她知道什麼是抵押貸款，並且對買賣房屋的過程略知一二，但了解不多。Bob Pisani表示：「她是一位完美的觀眾。她知道一些事情，但不是太多。我知道可以和她說話的深入程度。我知道她會理解抵押貸款，但我必須解釋抵押貸款證券是甚麼。當我撰寫新聞故事時，我會考慮她感興趣的內容，並且知道我需要到達那種複雜的程度。」 正如愛因斯坦曾經說過的那樣：「如果你不能向一個六歲的孩子解釋它，你就稱不理解它。」大多數歷史上偉大的投資者——格拉罕（Benjamin Graham）、巴菲特、馬克斯（Howard Marks）、林奇等（Peter Lynch）——都具有以每個人都能理解的方式去解釋他們投資過程的天賦能力，而這看來絕非巧合。 金融界有不少人都喜歡用一些「專業術語」來嚇唬別人，原由是他們假設這類專門和複雜的詞彙作解釋將證明他們的智慧。聰明的人經常被複雜的解決方案所吸引，因為它感覺更安全。複雜性提供了一種控制的錯覺，但化繁為簡則非常困難，因為必須以超越金融的方式真正理解核心的問題。 當然，單靠銷售和溝通技巧還不足以讓飛機安全著陸。在管理他人的資金時，仍然必須提供良好的服務體驗並深入理解不同的領域的硬知識，但如何作出平衡會是非常考功夫。最理想的情況下，最好當然是擁有互補技能的組合，包括：一，具良好分析的能力；二，對人類心理和行為的理解；三，以人們可以理解的方式交流自己的觀點的能力。以上三點說起來容易，但做起來難，不信可以一試。 |
Real Estate , Capital Flow , USD , Real Estate , JACOBSON PHARMA |