| Commentator |
Time |
Content |
Tag |
| 黃敏碩 |
2023-02-03T17:41 |
在剛過去慨農曆新年黃金檔期，內地酒店業多項指標都表現理想，係咪為內地酒店業復甦打左1支強心針？內地業務較多慨酒店股累計升幅都唔少，係咪反映行業慨復甦勢頭？呢類股份仲有幾多水位？ 寶鉅證券董事及首席投資總監黃敏碩指，內地酒店業復甦情況的確較市場預期理想，而且唔需要靠壓低房價，都可以重返合理慨入住率，反映內地人消費能力轉強，有利內地酒店業。 Michael又話，酒店股仲有幾多上望空間，要視乎地域擴闊及酒店檔次會唔會進一步提升，若個別區域只係得1、2個市場，市場預期慨推動力可能已經反映左，不過，如果有跨省、跨境慨突破，毛利率就可以更上層樓。 |
Gold |
| 關焯照 |
2023-02-03T16:40 |
雖然港股呢幾日回調，但個別股份仍有炒作，包括AI及GPT概念股，其中百度集團(09888)近日熱炒公司擬3月推中國版「ChatGPT」慨傳聞，今日出現回套，同類股份如商湯(00020)今日仲有得升，資金係咪會繼續追炒呢類股份？ 冠域商業及經濟研究中心主任關焯照指，依家資金係充裕，唔少會買一些有概念慨落後股，例如AI相關股商湯係由低位抽返上黎，商湯亦有機會係3月納入富時指數，睇返商湯盤路，升勢有大成交配合，下跌時成交就縮，只要唔跌穿10天線呢類重要位置，係仲有得炒，去到3元邊緣。 關博士又話，呢兩個星期主要睇股份慨動力，商湯呢類股份如果繼續有資金灑落去，追貨其實係幾著數。 |
Stock , GW TERROIR |
| 梁偉源 |
2023-02-03T14:03 |
截至早上11時止，1小時內《彭博》用戶關注度上升最多港股，依次為碧桂園服務(06098)、騰訊控股(00700)、龍湖集團(00960)、雅居樂集團(03383)、中國平安(02318)。 上榜股有3隻係內房股，中央去年底密集式連發多支「箭」救內房，但近排較少有相關政策出台，僅零星地區有減房貸息之類慨消息，到底係咩原因會「靜左落黎」？ 華繼顯執行董事梁偉源表示，內房板塊好似打緊強心針維持生命慨病人，當有政策出台時，就會吸引資金炒一轉，令股價出現短期急速反彈慨情況，但當呢些消息消化曬，又冇新政策出台，股價就會係兩至3日內跌返落黎。 佢又話，近期較受關注係中證監話希望促進內房平穩發展，但內容亦唔係新鮮事，反而市場最關心內房賣唔賣到樓，因為有強勁現金流先可以再吸引到投資者重新投資。 |
HK Cap Flow , Stock , China Real Estate , TENCENT , COUNTRY GARDEN |
| 陳偉聰 |
2023-02-03T11:55 |
全球3大主要央行已先後公布今年首次議息結果，央行對息口係咪已見頂、加息周期幾時完結仍有分歧，舊年市場主題係聯儲局加息遏通脹，呢個投資主題今年會唔會持續發酵？ 東亞銀行財富管理投資策略師陳偉聰指，雖然聯儲局主席鮑威爾暗示今年最少再加兩次息，但市場就解讀為第4季可能會減息，反而歐央行加息步伐比聯儲局更進取。 Jason又話，亦要留意經濟放緩速度，市場已開始消化美國經濟轉弱慨消息，相信未必會陷入嚴重衰退，加上歐洲經濟似乎冇市場睇得咁悲觀，因此，若環球經濟增長前景較預期樂觀，將會成為環球股市、風險資產好有力慨催化劑。 |
BANK OF E ASIA , HK Banks |
| 聶振邦 |
2023-02-03T10:53 |
美國多家科網巨企噚晚齊齊派成績表，其中蘋果公司上季業績令市場失望，其中收入錄得6年以來最大跌幅，盈利就6年以黎首度下跌，iPhone銷售亦兩年以來首次下跌，差過預期。至於大中華區銷售就跌7%。行政總裁庫克暗示同供應鏈問題有關，唔係需求問題，又預期第2季銷售會回升。Apple股價噚晚收市有得升，但盤後跌逾3%，呢份業績最令市場失望係邊個位？ 博威環球資產管理金融首席分析師聶振邦指，大中華地區業績差過預期時，市場會留意Apple整體布局上，會唔會再專注於大中華區，還是轉移返去歐美市場，係呢個情況下，難免會窒礙Apple股價表現。 聶Sir又話，由於中國舊年處於疫情封控較嚴謹慨時期，都會影響Apple慨業績表現。 |
Earnings |
| 彭偉新 |
2023-02-03T09:48 |
資深證券分析師彭偉新推介昆侖能源(00135) 推介原因： -內地今年燃氣銷售增長料達13% -內地經濟復常，能源需求復甦。 |
Energy , KUNLUN ENERGY |
| 羅明立 |
2023-02-02T17:52 |
聯儲局主席鮑威爾暗示，可能再加息兩次美息便見頂，美匯指數應聲回落至101水平，跌至9個月低位。回顧今個加息周期，每當美匯指數係咁升，市場就會出現唔少「預言」，甚至美元崩潰論，真正風險其實出現未？美匯指數係咪已見底？ 亨達集團助理總經理羅明立指，聯儲局似乎都認同通脹正在回落，但仍要加多一兩次息，又話今年減息唔係太合適，過去一段時間，市場一直憂慮美國經濟衰退，若年中經濟進一步轉弱，或要調整貨幣政策，佢認為呢個趨勢仍然未變，市場仍傾向睇淡美元，聽晚美國會出就業數據，如果勞工市場仍然良好，會限制美元短期跌幅，相反，美元將持續受壓。 |
USD , USD , CINDA INTL HLDG |
| 植耀輝 |
2023-02-02T15:50 |
雖然物管股業績係3月底，但摩根士丹利已搶閘做預測，估計去年有國資背景慨物管公司業績，將會明顯跑贏民營物管企業，平均多賺最少25%，民營物管公司只錄得溫和增長，甚至出現倒退，具國資背景物管股業績，係咪會進一步拋離民營物管股？國資背景慨物管股估值比民營高一截，如果想買係咪要捱貴貨？ 耀才證券研究部總監植耀輝指，國資背景物管股業績好大機會跑贏民營物管股，過去1年，如果揀內房相關股，必定揀有國資背景，主要係信心問題，而業績表現都幾兩極化，而舊年下半年慨股價表現都有啟示。 Stanley又話，其實有些板塊今年發展慨清晰度更高，而困擾內房及物管股慨陰霾。 |
Results , China Real Estate , Earnings |
| 王良享 |
2023-02-02T14:23 |
美國聯儲局一如預期加息0.25厘，聯邦基金利率上調至介乎4.5厘至4.75厘。到底加息0.25厘呢個步伐會維持幾耐？係咪加到5厘水平就見頂？ 臻享顧問董事總經理王良享指，根據主席鮑威爾所講「couple of times」，couple即係兩次，但佢又話，美國通脹開始紓緩，佢慨用字係「disinflation」，討論時好易令人聯想起「deflation」，即通縮，王良享估計，局方內部都有相關討論，累計加息4.5厘後，會唔會弄巧反拙，會唔將美國經濟推去衰退邊緣？通脹過後會唔會出現通縮？呢個問題已經防止局方下半年再加息，其次係鮑威爾係Jackson Hole會議後，每次聯儲局開會，佢都話金融條件收得唔夠緊，但今次冇再咁講，佢認為，鮑威爾冇再大手打擊未成熟慨股市升勢，或打壓樓市令樓價大幅回調，如果係咁，聯儲局有機會加多一至兩次息就完。 分析普遍預期，春季暫停加息後，息口會維持係高水平一段時間，估計最快年底有機會開始減息。 Tommy認為，3月再加息0.25厘後就會見頂，未必會去到局方估計年底見5.1厘水平。 |
|
| 潘國光 |
2023-02-02T12:09 |
雖然美國多個通脹指標持續放緩，但就業市場持續強勁，美國舊年12月職位空缺量出乎市場預期增加，亦係5個月以來最多，另一方面，中國重開仍是全球通脹風險所在，點睇呢個兩可能令通脹再度升溫慨風險因素？ 富邦銀行(香港)投資策略及研究部主管潘國光指，美國就業情況方面，非農就業數據聽晚就會出爐，而前晚已出左，有「小非農」慨ADP都差左，當然，美國就業情況仍然唔錯，失業率亦比較低，所以，依家慨就業市場情況唔容許聯儲局放軟手腳。 內地方面，潘國光認為，今季復常進度都未會咁快，估計第1季GDP同舊年第4季差唔多，相信要到2月、3月，等整個中國疫情高峰過去，第2季GDP就會上返5%至6%，呢個係唔少大行慨預測。 |
KLN |
| 陳偉明 |
2023-02-02T11:36 |
市場憧憬美國通脹放緩、加息壓力回落、美息首季見頂，帶動港股上周在農曆新年假期後持續向上，即使缺乏北水支持下仍能在上周四(1月26日)兔年首個交易日紅盤高開高收，並且在上周五(1月27日)升高見22,700點，連續兩日陽燭收市企穩在22,500點阻力之上。然而，本周初在A股復市及北水重臨下，港股連續兩日反高潮累跌逾800點，反映港股短期升勢或已透支，短線或面臨調整壓力。 在聯儲局放慢加息和內地經濟重啟這兩大因素支持下，恆指自去年10月14,597點見熊底至今，五次跌穿10天線後也能在短時間內重返其上並且極速破頂，而且近期連續六周保持收市向上，向上動力雖強但未見明顯調整下，高追宜審慎。 美國聯儲局一如市場預期加息0.25厘，主席鮑威爾表明仍然須要繼續加息以抗擊通脹，美股昨晚(2月1日)曾一度插逾500點，其後市場憧憬在通脹緩和下加息力度應該有限支持美股急插後回升再帶動港股今早(2日)高開，但投資者須小心恆指在22,500至22,700點區短期仍有頗大阻力。 值得留意，在內地政策轉向穩經濟、炒復常、經濟重啟及估值修復下，港股今年回升至去年1月25,000點高位絕不過份，因為當時市場同樣是憧憬通關，但因為中港嚴峻疫情、內地政策偏緊，美國激進加息及俄烏戰爭等因素而回落，現在這些所謂的利淡因素已經逐步消除，而目前港股只是在22,500點水平，因此今年炒股大方向仍然是逢低吸納。 港股動力強勁，但是超買嚴重，短期可能在22,500關略有回吐，由於大市連續三個月未曾經歷明顯調整，因此在筆者在看好港股的同時不排除港股短期有回試20天線，跌至21,300點或以下的風險。 策略上，傾向現價先減持倉位，尤其是新經科技板塊，並且利用股票期權策略候低在21,500點開始分注Short Put接貨，而吸納對像始終是受惠於復常概念的濠賭、本地地產及證券行業板塊。 |
Stock , Real Estate , US Stock , Real Estate , IT |
| 許繹彬 |
2023-02-02T11:33 |
中國及香港的農曆春節假期，於歌舞昇平下渡過，中港兩地投資者在本周終於可歸位，專注兔年的股市走勢。 上周在國內股市仍未復市前，港股一鼓作氣地衝上接近22,800點的水平，一眾投資者滿以為國內股市重開，在北水重臨的情況下，23,000這重要關口相信是志在必得；但自古以來，股市有時真的可稱為「估市」；國內復市的首天，在市場上沒有什麼壞消息之情況下，港股竟然反高潮地「低開低收」，兩日合共下挫超過800點，急速回吐至21,800點水平；一向為升市動力的股王騰訊(00700)，更成為跌市元兇，單與上周五(1月27日)的收市比較，已下跌超過40元，即接近10%，跌幅驚人。 投資慾望一向強盛的北水，不但沒有進行掃貨，反而出現淨沽出的現象，驅使本周一(30日)港股的成交超越二千億元，創下近期新高，實在令人匪夷所思。筆者認為，港股在農曆新年假期前出現反常的狀況，在低成交下反而節節上升，逢關過關，如入無人之景；其實低成交下的走向一定是不可盡信，今次相信是衍生產品的好友「得勢不饒人」，在低成交下大舉推高大市，將淡友一網打盡；但在本周一(30日)，當所有外圍環境回復正常後，畢竟大市由去年低位反彈超過8,000點，在任何時候出現獲利回吐，亦不足為奇；加上，單是本月的升幅，仍有2,061點之多，故此在期指結算時出現調整，相信仍是正常現象。 港股現行仍可視為大漲小回格局，投資者應時刻留意市場數據作投資部署，筆者建議先行在21,600點作防守點，如市況沒有轉壞而成交依然充足下，最終受惠的，會是近期股價較為沉靜但仍算穩固的港交所(00388)。 |
Stock , HKEX , TENCENT , IT |
| 阮子曦 |
2023-02-02T09:43 |
中國通海證券投資策略聯席總監阮子曦推介泉峰控股 (02285) 推介原因： -原材料價格下跌，降低成本 -以人民幣計價。 |
RMB , CHERVON |
| 羅尚沛 |
2023-02-01T22:50 |
東江環保(00895)獲中證監批准，配售最多2.64億股A股，集資最多12億元人民幣。 銀河證券業務發展董事羅尚沛表示，雖然東江環保配股集資，是用於擴充產能，同時大股東又同意認購部分新股，但對A股及H股股價未必有支持，因市場或擔心公司帳目或出現問題。 |
RMB , IPO , IPO , CHINA YU TIAN , Enviro |
| 聶振邦 |
2023-02-01T16:42 |
龍源電力(00916)噚日收市後發盈警，預期去年少賺最多40%，純利最多近52億人仔，龍源股價早市一度挫近7%，但午後不斷收復失地，尾市僅跌逾1%，唔少分析睇好今年風資源會較去年有改善，加上資產減值僅屬一次性，應該點解讀呢個盈警？龍源股價唔使睇得太淡？ 博威環球資產管理金融首席分析師聶振邦指，其他新能源股今日表現唔差，個別更升超過4%，但龍源就跌左落黎，反映業績的確唔係咁睇好，參考返公司舊年第3季業績，全年純利反而少過首3季，反映第4季其實係「見紅」，聶Sir估計，市場對龍源慨業務發展會有重新慨考量，呢方面投資者要多加留意。 |
Results , Earnings , Energy , New Energy , ChinaElec |
| 股中人 |
2023-02-01T16:26 |
11月23日提及曼聯(NYSE: MANU)走勢不只一日貨仔，當日收報18.8美元，至1月9日升抵25.24元，近日則於22至23美元橫行。 賣盤進展方面，唯一公開表示已展開收購的英國首富Sir Jim Ratcliffe，最新的小報消息是壓價至40億英鎊。至此大至有一個由三個價位形成的區間：Ratcliffe的40億英鎊、車路士去年賣盤的42.5億英鎊參考價，以及市面流傳的60億英鎊格拉沙家族叫價。 區間相應的美元價值為49.25億美元、52.36億美元和73.88億美元，比曼聯上日收市市值36.77億美元分別高33.94%、42.40%和1.01倍。 論再升空間是有，餘下兩個散戶典型問題：其一是值不值？剛結束的英超冬季轉會窗，20支球隊共花費8.25億歐元增兵，打破2018年疫情前紀錄，創下冬季轉會窗歷史新高。 當中花費最多是車路士。商業而言，車路士主場史丹福橋球場容納人數4,449人，Facebook追蹤者有5,317萬，IG追蹤者約3,780萬。曼聯主場奧脫福球場容納人數74,310人，Facebook追蹤者有8,003萬，IG追蹤者約6,070萬。另外，足球資訊網站FTBL公數據顯示，2021/22球季中，車路士賣出131萬件球衣，全球排第八；曼聯賣出316萬件球衣，全球排第二。 以商業角度，曼聯應比車路士估值更高。 第二問題是：賣唔成點算？此為風險因素，要蓋棺才有答案，至於處理方法隨止蝕價外，可以訂下一個時間死線，再無進展便離場。 |
GBP , USD , EURO |
| 陳錦興 |
2023-02-01T16:17 |
澳門中午出左上個月慨賭收數據，按年大增超過80％至逾110億澳門元，按月更飆逾2倍，遠勝預期。摩根士丹利上月估計，1月賭收僅62億澳門元，即使綜合市場預測，按年僅增長36％至約86億澳門元，結果為市場帶來驚喜，點解會出現呢個情況？ 英皇證券研究部總監陳錦興指，雖然之前市場對賭收慨預測較低，但農曆新年期間，有大行不斷跟進澳門消費及賭業慨情況，其實最新估算已去到110億澳門元，依家出黎慨數字更好，反映澳門賭業復甦比市場預期強勁，賭收數據一出，賭股都應聲抽高。 佢又話，通關後，內地及香港人入境澳門唔使做核酸檢測，會進一步刺激旅客到訪澳門，利好當地旅遊及賭業，又認為賭業復甦情況有驚喜。 |
EMPEROR CAPITAL |
| 莊志雄 |
2023-02-01T15:32 |
恆指過去2個月跑贏好多資產，內地放完農曆新年長假後復市，雖然北水重臨，但頭兩日都係沽貨，今日就稍為喘定返，但港股其實升左唔少，呢兩日慨回調可能係短線健康調整，港股後市又會點走？ 「股市漁夫」創辦人莊志雄指，如果以低位計，恆指係兩個幾月已升超過50%，所以唔應該再追貨，雖然恆指係全球股市中做得最好慨指數，即使市況冇問題，都最好等回調先再加倉，因為睇返個別股份，尤其係指數成分股，好多股份慨蟹貨仲未消化曬，今次恆指升得咁勁，的確係超預期，Lewis又話，舊年第4季已經講過唔好睇淡港股，而今年1月表現係較預期好，但佢認為，操作上仍當上落市咁做，可以係低位或散戶比較悲觀時加多些貨，依家咁多人話牛市重臨，反而就要減持，唔好畀情緒牽動得太緊要，因為今年仲有好多變數。 |
Stock |
| 李偉傑 |
2023-02-01T15:00 |
截至早上11時止，1小時內《彭博》用戶關注度上升最多港股，依次為騰訊控股(00700)、吉利汽車(00175)、比亞迪股份(01211)、友邦保險(01299)、雅居樂集團(03383)。 比亞迪係1月「藍籌王」，2月開局保持升勢，今朝高位見過260元，「股神」減持造成慨下跌裂口已經補返，集團發盈喜後亦keep住升，雖然減價影響毛利率，但比亞迪作為龍頭係咪都唔使擔心？ 華盛証券經紀部董事李偉傑指，比亞迪發盈喜後，股價一直逆市造好，集團第4季盈利增速繼續加快，主要受惠於買家趕係補貼結束前買車，推高左銷量。不過，市場分額會出現「爭崩頭」慨情況，因為對手Tesla亦劈價賣車谷銷量，因此，預期比亞迪今季新能源車銷量會開始下跌。 Jason又指，比亞迪股價已補返舊年8月慨裂口，估計升勢短期會略為放緩，後市或回落至240元。 |
GEELY AUTO , Stock , Energy , TENCENT , BYD COMPANY |
| 盧志威 |
2023-02-01T11:34 |
美股3大指數噚晚升逾1%，其中道指重上34000點，除左市場憧憬聯儲局收窄減息幅度，最新出爐慨數據係咪有份推升大市，美國去年第4季僱傭成本指數按季升1%，較前一季升1.2%略為放緩，升幅亦係1年以來最細，人工少左，消費自然冇咁豪爽，通脹就會降溫，一般而言，聯儲局議息前市場都唔會好睇重數據，美股噚晚係咪只係借勢炒埋1月？ 潤淼資產管理董事盧志威指，數據可能都有些幫助，依家多家科技公司，包括Google、Amazon都裁員，所以人工都唔會點加，令通脹降溫係合理。 Willam又話，依家市場比較樂觀，將所有數據面向樂觀慨方向睇，刺激美股向上，加上已經係1月底，市場的確可能借勢炒埋，而近期慨升勢主要係炒作利率因素。 |
US Stock , IT , Layoffs |
| 郭家耀 |
2023-02-01T10:08 |
安里資產管理董事總經理郭家耀推介紫金礦業 (02899) 推介原因： -美元轉弱有利金價 -產量增長目標樂觀 建議買入價：12.5元 目標價：15元 止蝕價：11. |
ZIJIN MINING , Gold , USD , Rating |
| 陳欣 |
2023-01-31T17:48 |
A股噚日係兔年首個交易日紅盤高收，但今日出現回套，但睇返資金流，外資噚日流入A股慨規模約186億人仔，今日仍錄得逾百億人仔淨買入，係咪對人民幣都有一定支持作用？ 資深外匯分析師陳欣指，市場對中國經濟復甦有信心，例如農曆新年假期旅遊出行人數高達3億人次，較舊年同期升逾20%，此外，過去幾年受疫情影響，銀行存款大升50%，反映家庭有能力消費，政府需有貨幣政策配合刺激消費潛力。 Chase提醒，雖然人仔前景向好，但要留意中美利差限制左人仔上升空間，短線較大阻力係6.7水平，中線則有機會升至6.6水平。 |
RMB , China Econ , Capital Flow |
| 李偉傑 |
2023-01-31T15:57 |
比亞迪股份(01211)噚日發盈喜，反映去年第4季表現持續強勁，內地維持多年慨新能源車補貼政策已經終止，而比亞迪部分車款去年底已經加價，今次盈喜有冇受惠於加價？呢個勢頭又可唔可以延續至今年？ 華盛証券經紀部董事李偉傑指，舊年因為取消補貼，帶挈比亞迪去年第4季銷售理想，比亞迪車價介乎逾10萬至20萬人仔，加價2000至6000人仔，幅度算係合理，相信消費者可以消化到，相反，如果比亞迪唔加價，就會令每部車產出都有一定盈利壓力。 Jason又提醒，比亞迪加價撞正Tesla減價，會唔會令2家公司此消彼長，導致比亞迪慨市場份額被搶走，呢方面係值得留意。 |
Energy , BYD COMPANY , New Energy |
| 彭偉新 |
2023-01-31T15:04 |
截至早上11時止，1小時內《彭博》用戶關注度上升最多港股，依次為騰訊控股(00700)、小米集團(01810)、舜宇光學(02382)、比亞迪股份(01211)、友邦保險(01299)。 騰訊連續第2日位居榜首，雖然北水重臨，但騰訊成為沽貨目標，噚日沽左超過36億元貨，究竟仲要捱幾耐？其實投資者獲利回套係好正常，但幅度應該點量度？估值方面又點評估？ 資深證券分析師彭偉新指，其實騰訊股價升左好多，睇返舊年，係10月係沽過龍，加上內地對成個行業都有嚴密監管，但今年再出現類似情況機會唔大，因為已復批遊戲版號，加上中央表明撐平台經濟，佢估計，騰訊股價仲未見頂。 Castor又話，雖然騰訊股價已累積唔少升幅，觸發北水先行獲利，但當中有較多資金係做長線部署，認為今輪跌勢純粹係股價回調，短期而言，如果可以企穩20天線水平，可以考慮再買入。 |
Stock , TENCENT , BYD COMPANY , SUNNY OPTICAL , IT |
| 黃偉豪 |
2023-01-31T12:02 |
港股噚日顯著回套，一度失守22000點關口，恆指今朝反彈，10天線係咪有較大支持？如果做睇好部署，恆指牛證應該點擺位？噚日最多資金加倉慨21700點穩唔穩陣？ 中薇證券研究部執行董事黃偉豪指，隨著北水回歸、A股復市，港股借勢調整，睇返整體格局，雖然後市未必睇得好淡，但已炒左復常及通關一段時間，港股要再上需視乎有冇新催化劑。 佢又話，恆指20天線有較大支持，如果投資者唔係太進取，揀收回價係21400點樓下比較合適，如果揀21700點咁貼，隨時即日被收回。 |
Stock |
| 梁振輝 |
2023-01-31T11:24 |
2023年以來市場活力再現，而美聯儲和歐洲央行本周將舉行今年來的首次會議，復蘇的市場即將與央行政策相撞擊。這將續寫一年前展開的傳奇，但情節或許會較為波動。 一年前，以美聯儲為首的各國央行試圖在應對當時肆虐的通貨膨脹時，對市場施加壓力，開啟了歷史上最劇烈的一輪加息。大多數資產類別都受到衝擊。來到今年，隨著整體通脹達到頂峰，各國央行似乎已佔據了上風。因此，一些央行發出了休戰的訊號—最新表示有意暫停加息的是加拿大央行，2022年3月以來該央行已先後加息合計4.25厘。 我們認為，由於就業市場依然火爆，美聯儲和歐洲央行現在就宣布勝利的話還為時過早。這兩家央行或許擔心過快放鬆金融狀況，從而讓潛在的工資通脹壓力加速。在這樣的背景下，謹慎的做法是，在投資者持倉過於集中的一些資產類別中，趁著反彈分批減持。自12月中旬我們發布2023年展望以來， 我行「SAFE」(穩健投資）的投資組合表現強勁，我們相信在央行政策進一步明確前，該投資組合仍能很好地平衡市場的機會和風險。 在我們看來，三大主題有望推動今年一些資產的上漲：第一個是歐洲創紀錄的暖冬消除了能源危機的尾部風險；第二個是美國經濟活動疲軟和通脹緩解的進一步跡象，增加了美聯儲提前暫停加息的可能性；以及第三是中國經濟活動開始上升。 然而，我們的專有指標顯示，投資者的倉位元已被大多數領漲的資產所佔據，這至少提升了出現一些調整的可能性。這些資產包括歐洲和亞洲(不包括日本)股票、亞洲本幣債和歐洲高收益債券、工業金屬、黃金和澳元。本周的美聯儲和歐洲央行政策會議可能是近期逆轉的催化劑，市場當前預計美聯儲政策將出現鴿派轉變，但若市場預期落空將增加失望的風險。 市場已將聯邦基金終端利率的預期下調了10個基點，預計2月和3月分別加息0.25厘，然後會暫停加息。然而，到目前為止，美聯儲官員在看到就業市場和服務業工資放鬆的更明確跡象之前，一直保持堅定的「鷹派」立場。歐洲今年冬天的天氣比預期要暖和，這有助於重振消費者和商業信心，從而使歐洲央行更有可能變得強硬。「鷹派」的歐洲央行，疊加極度延伸偏向超買的技術走勢，歐元區股票要進一步反彈將面臨挑戰。 雖然短線或許出現調整，但我們預期風險資產可望在調整後仍有機會繼續反彈。從本質上講，市場需要確認美國和歐洲經濟正在走向軟著陸，隨後是經濟復蘇，以證明迄今為止風險資產的上漲是合理的。在這方面，上周美國第四季度經濟增長2.9%高過預期，主要受私人庫存提振，不過個人消費放緩。就業市場火爆，崗位空缺數高企，失業申請人數接近紀錄低位元，這表明服務業具有韌性(最新的1月就業數據將於周五(2月3日)公布)。 然而，美國PMI的收縮和領先指數的持續的負數表明，在去年第四季度強勁增長之後，經濟活動正在顯著放緩。前瞻性資料和過往表現資料的對比給美聯儲帶來了困境。與此同時，歐元區的前景繼續改善，服務業PMI自7月22日以來首次回歸擴張區間，為歐洲央行「鷹派」政策制定者本周提出0.5厘的加息提供了進一步的彈藥。 以投資者策略來說，我們認為有四點可以留意。第一是考慮到投資者倉位已變得擁擠，或許不是追買的時候；第二點是確保投資組合多樣化並符合自身的風險承受能力；第三是對美聯儲準備減息的跡象保持警惕，出現這種跡象後再轉而看好風險資產(我們預計美聯儲只會在下半年減息)；最後是偏好收益型策略，因為多樣化的收益型組合仍然是應對當前形勢的好方法，在等待央行政策更為明確之前繼續賺取收益。 |
AUD , Gold , US Bonds , Energy , China Econ |
| 梁偉民 |
2023-01-31T10:42 |
今個星期迎來「超級央行周」，美國聯儲局、歐洲央行及英倫銀行都會議息，其中聯儲局內部已有共識放慢加息步伐，市場預期今個星期只會加息0.25厘，但高息會維持一段較長時間，依家市場同聯儲局最大分歧係終極利率目標差距大，主席鮑威爾會唔會繼續「放鷹」？今次議息有咩重點要留意？ 高富金融集團投資總監梁偉民指，睇返最新利率期貨，市場仍認為好大機會加息0.25厘，加0.5厘慨機會唔夠5%，原因係美國通脹持續回落，令聯儲局有空間放慢加息步伐。 Wyman又話，3月仍有可能再加息，雖然通脹持續降溫，但月初公布慨消費物價指數(CPI)升幅仍超過6%，升幅一日未回落至5%或以下，仍未可以放心，佢估計，聯儲局要到5月、6月先有望停止加息。 |
|
| 黃敏碩 |
2023-01-31T10:24 |
寶鉅證券董事及首席投資總監黃敏碩推介昆侖能源(00135) 推介原因： - 旗下天然氣銷售規模近年快速增長，具LNG 接收站、生產儲運及原油勘探全業務發展。 - 有母企資源優勢，專注中西部經濟發展及配合工商業用氣需求發展。 - 具強大現金流，於去年上半年積極收購城市燃氣、支線管道及LNG加注站。 |
Energy , KUNLUN ENERGY , Resources |
| 阮子曦 |
2023-01-30T22:44 |
正停牌的紛美包裝(00468)或獲A股公司新巨豐入主，新巨豐擬向怡策購入28.22%紛美，每股作價2.65元，較停牌前溢價22.7%。 中國通海證券投資策略聯席董事阮子曦表示，雖然新巨豐的收入及盈利不及紛美，但成為單一大股東之後，可望為紛美帶來新客戶，相信市場會有一定期盼，估計紛美復牌會有正面反應。 |
GAPACK |
| 林嘉麒 |
2023-01-30T16:51 |
洪九果品(06689)股價連續第2個交易日捱沽，今日一度瀉逾30%，低見25.5元，「死因」係集團上周宣布，擬增發逾6億股H股，相當於公司H股已發行股本2倍，點解市場反應咁大？阿里巴巴(09988)係洪九H股慨第2大股東，持股逾11%，雖然有阿里「光環」，但都止唔到瀉，投資者係咪擔心阿里會帶頭減持？ 元宇證券投資總監林嘉麒指，股份流通量突然增加，一定對股價造成壓力，加上洪九以資本公積轉增股本，將一部分利潤轉發新股，會加重每股盈利壓力。集團上市唔夠半年，股東都擔心公司會唔會再玩財技。 KK認為，唔排除大股東會沽貨，投資者亦憂慮IPO慨半年禁售期就過，大股東如阿里、招商局及有名氣慨投資基金會沽貨，依家佢地各持有數千萬股，今日成交額只得500萬幾股，估計未來仲有排沽。 |
Trades , IPO , IPO , LINGYI ITECH , CHINA MER PORT |
| 郭思治 |
2023-01-30T16:19 |
踏進兔年，筆者先祝各位新年事事如意，股運亨通，財源廣進，最重要是身體健康，因此乃真正的財富。 踏進兔年首個交易日(1月26日)，港股如市場所料紅盤高開達342點至22,386點，其後再進一步升至全日最高位22,566點收市，即恆指已成功升破去年第二季的小雙頂（去年4月4日之高位22,523點及6月28日之高位22,449點），單從年圖上看，大市再進一步上望之目標該為去年2月10日之高位25,050點，此亦為去年全年之高位，惟有一點需指出，大市之成交金額並不相配，即大市雖仍在續尋頂，但動力方面卻未見明顯增加，單從技術上看，大市之升勢該會漸受規限，果然，到上周五(27日)，大市雖再進一步高見22,700點，但走勢已略見反覆，衹是相對升幅而言，暫衹屬大幅急升後之高台消化及整固而已。 此潮升浪是始自去年10月31日之低位14,597點，至本月27日高位22,700點止計，大市經過12周之上升後，累積升幅已達8,103點，單以升幅計實已不算小，且上升之周期亦該可滿足一個中期升浪之所需，故即使大市能再作進一步之尋頂，惟估計幅度可能已有限，故任何再冒高進入之短炒行動，最好不要過急及過勇，同時亦需緊扣安全帶，即任何短炒投機，當需自設止蝕位，但有一點需指出，一日恆指仍能續穩企於10天線（約在21,864點左近）之上，即表示大市技術上仍身處續尋頂之形態中。 移動線方面之表現仍偏穩，直到執筆一刻止計，恆指暫仍穩守於各組常用的平均移動線之上，包括10天線（約在21,864點左近），20天線（約在21,168點左近），250天線（約在20,258點左近），50天線（約在19,645點左近）及100天線（約在18,482點左近），目前較關鍵的支持為10天線，因恆指一旦跌穿10天線，即表示大市之升勢已開始受規限。 |
Stock , KADER HOLDINGS |
| 梁傑文 |
2023-01-30T15:36 |
愛高集團(00328)建議將股份50合1，待股本重組後，再按1供4比例供股集資，供股價每股1.425元，集資逾8900萬元，主要用黎還債。集團股價近1年維持仙股狀態，合股及供股消息傳出後，股價今日一度急瀉逾23%，呢個集資計劃目的係咩？散戶應該點解讀？ 《香港股票財技密碼》作者梁傑文指，愛高近年陷入虧損困局，急需要還債，供股價較經調整收市價1.9元，折讓25%，雖然幅度唔算好大，但股價係高位不斷碌落黎，依家市值得返2000幾萬元，原本持貨慨股東輸淨無幾，散戶只能迫於無奈接受。不過，今次供股集資唔涉及包銷商，如果冇足夠小股東供股，計劃都未必成功。 Mike又提及，愛高舊年配股籌左千幾萬，都拎曬去還債，今次供股集資金額，相對十幾億負債只係杯水車薪，加上公司從事電子產品銷售，面對日韓企業慨激烈競爭，又不斷出現人事變動，即使今次成功供股集資，都未必支持到長遠營運。 |
Stock , ALCO HOLDINGS , IPO |
| 陳錦興 |
2023-01-30T10:23 |
英皇證券研究部總監陳錦興推介中國建材(03323) 推介原因: - 市場已消化負面因素，未受盈警消息影響 - 水泥業預期受惠今年基建及內房投資回暖 - 煤價回落有助穩定成本。 |
China Real Estate , EMPEROR CAPITAL , CNBM , Infra |
| 李浩然 |
2023-01-30T10:02 |
曾在1982年的股東信中，被「股神」巴菲特（Warren Buffett）稱為「財產保險業務中最好的投資經理」的Lou Simpson在今年初離世，享年85歲。Lou Simpson在伊利諾伊州海蘭帕克長大，曾在西北大學（Northwestern University）短暫學習，然後轉到俄亥俄衛斯理大學（Wesleyan University），並於1958年獲得會計和經濟學雙學位；兩年後，他獲得了普林斯頓大學（Princeton University）的碩士學位（也曾於 1960 年至 1962 年期間擔任該校的經濟學教授）。從普林斯頓大學畢業後，Lou Simpson 回到芝加哥，曾在Stein Roe & Farnham工作，並於1969年成為這家投資公司的合夥人；之後，Lou Simpson搬到洛杉磯，並在Western Asset Management擔任總裁兼CEO。 在1979年8月，Lou Simpson巴菲特德會面後，正式加入「股神」旗艦投資公司巴郡哈撒韋（Berkshire Hathaway）旗下汽車保險業務分支GEICO擔任投資經理。顯然，Lou Simpson在GEICO給人留下了深刻印象：在接下來的三十年里，到2010年正式退休時，他在汽車保險公司負責管理的投資增長到50億美元。而GEICO的業績亦可概括為一句話：驚為天人。 事實上，在2004年的股東信中，巴菲特披露了Lou Simpson管理的GEICO股票投資組合的年度業績，更把該部分標題為「紀律投資者的肖像」。從1979年，若把1,000美元投資投資在Lou Simpson管理的投資組合，到2004年的價值將高達至約10.16萬美元（增長超過100倍），而同期，如果投資於標準普爾500指數，則只增值至約2.37萬美元。換句話說，GEICO股票組合的複合年回報率約20.3％，遠高於指數在同一時期約13.5％的年化率。這難怪「股神」在2010年的股東信中所寫道：「簡單地說，Lou Simpson是投資界的偉人之一，我們會想念他。 」 GEICO在1986年的年度報告中，概述了Lou Simpson的投資方法有五個關鍵準則：一，獨立思考；二，投資優質企業；三，只支付合理的價格，即使是出色的業務；四，長期投資；五，不要過度分散。此外，Lou Simpson是這樣描述他的思考過程的：「我的方法是折衷的。我們會試著仔細閱讀所有關於該公司的文件，也會嘗試與競爭對手交談，也試圖找到比我們更了解業務的人。我們不依賴華爾街的研究報告，而是做自己的研究，並盡量與高層管理人員會面。我們所做的是管理一個由10到15隻股票組成的長期投資組合。他們大多數人都是美國公司，而且都有相似的特徵。基本上，這些公司都是優質的企業，擁有很高的資本回報率（ROE），始終如一的良好回報；此外，他們的領導者希望為股東創造長期價值，同時也善待利小股東。」 最後，Lou Simpson認為上市公司管理質量是投資決策的關鍵部分：「多年來學到的一件事是，企業管理在創造（或減少）價值方面起了重要作用。我們除了會盡量去見高管以外，更喜歡去參觀相關公司。理由是管理層可以有冠冕堂皇的書面回覆，但弄清楚公司高層真正想法其實更重要。 |
USD , IPO , IPO |
| 趙晞文 |
2023-01-27T22:44 |
中集車輛(01839)日前披露，獲大股東增持股權，持股由55.44%增至56.78%。 信達國際研究部主管趙晞文表示，中集車輛雖然獲大股東增持，但股價未見太大反應，繼續跑輸同業，可能跟市場對公司認知度不足有關，至於公司去年第三季業績明顯改善，主要受歐美業務推動，但今年情況或逆轉，歐美需求料轉弱，而內地基建及房屋建築對公司產品需求會否大增，則仍需觀察。 |
Infra , CIMC VEHICLES |
| 姚浩然 |
2023-01-27T16:38 |
據外電報道，內地計劃實施技術出口管制，以鞏固太陽能行業慨領導地位，不過，其實呢個消息早係去年底已經係微信流傳，今日再傳出呢個消息，係咪光伏股今日捱沽慨「死因」？ 亨達財富管理董事總經理姚浩然估計，相信係農曆新年假期後，市場睇下有咩消息可以炒，而呢單消息都有唔少人報道，令相關股份今日受壓。佢又話，過去一段時間，光伏股整體表現唔算太靚仔，雖然之前光伏需求大，導致去年不斷提升產能，但今年產能到位，令市場擔心硅片價格有下跌壓力，但限制技術出口消息一出，令光伏相股雪上加霜。 不過，由於中國係硅片行業具領導地位，一旦落實出口限制。 |
CINDA INTL HLDG , Expo |
| 陳建良 |
2023-01-27T15:38 |
【Now財經台】農曆新年假期多左人去澳門、入賭場玩兩手，由舊年10月底低位至今，幾隻主要賭股普遍倍升，但銀河娛樂(00027)股價表現相對差，賭收方面其實有幾大改善？賭收由不同部分組成，其中VIP應冇法回復至疫前水平，靠中場、高端中場及非博彩收益，可唔可以彌補到VIP流失慨收益？ 勝利瑞柏基金管理合伙人暨投資總監陳建良指，睇返訪澳旅客數字，今個農曆新年假期訪澳旅客中，香港旅客復甦情況最理想，大約恢復到2019年約70%，來自其他地區慨旅客恢復到約30%。至於賭收方面，中場恢復至2019年近50%，VIP就回復至20%以上，銀娛股價表現相對差，同賭收組成有關，市場認為中場係賭收支柱，即使VIP復常，估計都去唔返2019年一半，VIP客唔係冇，只係注碼細左好多。 KL認為，炒賭股要留意復常後，賭收會唔會增加，訪澳旅客人數反而冇咁重要。 |
GALAXY ENT , HK Cap Flow |
| 梁偉源 |
2023-01-27T13:12 |
截至早上11時止，1小時內《彭博》用戶關注度上升最多港股，依次為騰訊控股(00700)、小米集團(01810)、碧桂園(02007)、龍湖集團(00960)、中芯國際(00981)。 碧桂園獲民生銀行(01988)授出信貸額度，最高達5000萬美元，股價今朝約10時開始發力，一度升逾8%，高見3.3元，中午收市報3.16元，升3.6%，集團拿到信貸額度，係咪畀到市場信心，帶挈股價炒上？ 大華繼顯執行董事梁偉源指，5000萬美元信貸額度唔算特別多，對碧桂園幫助亦唔係好大，其實去年唔少內銀都向內房提供一定信貸額度或支持發債，但值得留意係，之前都係以人民幣計，但今次碧桂園係獲得美元信貸額度，而且係首次，所以都會帶黎一定支持。 Steven又話，碧桂園去年曾經配股集資約11億美元，今次獲5000萬美元信貸額度，的確對公司幫助唔大，要提升投資者信心，除左信貸額度，更最重係賣樓情況，如果過年後賣樓情況冇改善，投資者仍會擔心資金鏈有壓力。 |
RMB , Stock , China Real Estate , TENCENT , SMIC |
| 聶振邦 |
2023-01-27T10:48 |
美國上季GDP按季增長放緩至2.9%，勝預期，有分析認為，美國經濟軟著陸機會增加，美股3大指數噚晚以接近全日高位收市，其中納指一度上試200天線。 博威環球資產管理金融首席分析師聶振邦預期，美股會繼續向好，道指突破34500點水平後，會遇到較大阻力，意味較噚晚收市33949點，仲有幾百點潛在上升空間，而標指、納指之前落後道指唔少，佢認為後市有機會跑贏道指，而新經濟股亦有睇頭。 不過，高盛指，美國GDP慨細數疲弱，消費、企業投資增長大幅放緩，進出口數據亦向下，純粹係庫存增加推高左GDP。傳統行業方面，尤其係消費相關企業慨業績唔太理想，IBM及玩具公司孩子寶等又話裁員，美國市道似乎唔太好景。聶Sir估計，大型消費股會陸續有裁員消息，現時不宜沾手。 |
US Stock , Sachs , Layoffs , Expo |
| 盧志明 |
2023-01-27T09:42 |
大唐資本投資策略部總監盧志明推介新秀麗(01910) 推介原因： - 第3季銷售持續改善，並扭虧為盈，賺逾5800萬美元 - 第4季假期旺季，料利潤率進一步提高 - 受惠中國重新開放。 |
USD , SAMSONITE |
| 林嘉麒 |
2023-01-26T22:43 |
權益披露顯示，心動公司(02400)聯合創辦人兼總裁戴雲傑，於1月19日場內減持1350萬股，套現逾3億元。 元宇證券基金投資總監林嘉麒表示，心動第二大股東戴雲傑，急於在公布全年業績靜默期前減持股份，除了暗示公司去年下半年業績未有明顯改善之外，更可能意味今年度業績將依然未見好轉。 |
Trades , XD INC |
| 植耀輝 |
2023-01-26T16:57 |
「股王」騰訊控股(00700)今朝一開市就重上400蚊關口，衝上近1年高位，午後更收復埋南非大股東Naspers係2018年首度減持價，即405元，收市報406.8元，升逾3%，但技術上已超買，相對強弱指數(RSI)已升至超過80水平。 股份本身冇特別消息，資金繼續炒監管鬆綁，同埋有遊戲獲批版號，除左呢兩個因素，耀才證券研究部總監植耀輝表示，騰訊最近抽升有大成交配合，認為或有唔少基金去年因為睇淡內地經濟而拋售股份，待內地復常消息刺激科技板塊後，再次追入騰訊。 睇返基本面，Stanley指出，騰訊微信視頻號獲大行普遍睇好，但集團近排業績唔算好，好多業務進入瓶頸期，要等到3月底，出左舊年第4季及全年業績，先知係咪真係有利好。 |
TENCENT , IT |
| 羅明立 |
2023-01-26T16:50 |
聯儲局下周將會舉行2023年首次議息會議，市場估計，好大機會加息0.25厘，值得留意係，加拿大宣布加息之餘，亦預告會暫停加息，歐央行方面，官員放風話2月、3月加息0.5厘後，可能都要停一停，係呢個情況下，美元係咪有機會反彈？ 亨達集團助理總經理羅明立估計，環球央行今年會陸續放慢加息步伐，甚至停止加息，原因係今年經濟衰退風險相當高。美國方面，聯儲局官員早前仲係好口硬，雖然要繼續加息，但幅度可能會細些，但拖長加，還是加埋今次就停，仲要睇多少少數據，同埋今次會議後慨講法。Patrick又話，市場之前已經炒加息步伐放慢，美匯指數去到100、101水平其實已經差唔多，價格反映緊得七七八八，短線可能有反彈機會，但大幅反彈至103慨機會唔大。 |
USD , USD , CINDA INTL HLDG |
| 許繹彬 |
2023-01-26T11:23 |
踏入兔年首個交易日，筆者在此祝各位「兔氣揚眉，身體健康，一世富有，代代無憂」！ 香港在這悠長的農曆新年年假，與過去兩年對比，確實有大不同的感覺，維園行花市，黃大仙上香，車公廟參拜，大埔林村許願樹，全部因為不設人流限制的關係，四處歌舞昇平，市面上個個笑逐顏開，齊齊歡度佳節，一洗往年的頹風，此情景相信是所有港人的願望，祈求未來港人不再受任何事情拖磨，一起重建香港經濟，重振香港的繁榮。 談回香港股票市場，全球股市在香港及中國股市休戰的情況下，總算生性，尤以美股，完全沒有作出任何調整，反而節節上揚；此外，美聯儲官員指，有證據顯示通脹壓力將在今年進一步放緩，預期上半年將會放慢加息步伐，亦有傳下周的議息會議只會加0.25%，更有可能在會議上決定什麼時候停止加息；如此傳聞屬實，意味著困擾全球的美息美債，以及令全球匯市股市陷於困苦的年代，有望終於獲得解脫。 內地和香港正在復常的步伐上，因此，因復常而令股市上落的力度，相信已不像從前般雀躍；反而上半年息口的去向，以及復常後的經濟數據，可能會為股市帶來波浪，投資者在上半年必須留意。國內自由行將會重開，已是鐵一般的事實，儘管現行範圍仍有限制，但全面開放指日可待，因此受惠股中，名店林立的九倉置業(01997)，或被看高一線。 |
US Bonds , HK Cap Flow , Stock , US Stock , WHARF HOLDINGS |
| 姚浩然 |
2023-01-26T10:12 |
亨達財富管理董事總經理姚浩然推介李寧(02331) 推介原因： - 近期特步國際(01368)發表勝預期的展望，反映同業今年前景理想 - 李寧存貨日數約55天，較其他同業超過100天為低。 |
LI NING , CINDA INTL HLDG , XTEP INT'L |
| 植耀輝 |
2023-01-20T22:45 |
吉利汽車(00175)斥資逾14億元人民幣，向主席李書福收購馬來西亞車廠寶騰49.9%股權。 耀才證券研究部總監植耀輝表示，雖然吉利可望透過寶騰的分銷網絡，加大開拓東盟市場力度，但實際上未必容易有明顯成效，而且寶騰盈利規模小，對吉利業績實際幫助不大。 |
RMB , GEELY AUTO , Earnings |
| 葉佩蘭 |
2023-01-20T17:51 |
兔年係婚嫁好年，加上內地及香港防疫限制近乎「清零」，估計會有唔少人結婚擺酒，繼而帶動金飾需求，金價噚日見過每盎司1936美元，現貨金價企穩1930美元水平，金價之前衝上8個月高位，主要受美元下跌及部分避險需求帶動，金價後市會受咩因素影響？ 英皇期貨營業部總裁葉佩蘭指，美元對金價慨影響最直接，由於市場預期聯儲局下月加息幅度收窄，估計加息周期今年會完結，資金應該會吸納返黃金，但暫時仍未見到有大量熱錢流入金市。 Fion認為，如果環球央行繼續大手買掃黃金，金價向上慨動力會大些，金價已升穿1900美元阻力，若企得穩，後市留意可唔可以衝上2000美元。 |
Gold , HK Cap Flow , Capital Flow , USD |
| 關焯照 |
2023-01-20T15:30 |
阿里巴巴(09988)同騰訊控股(00700)呢兩隻重磅股，過去一段時間都升左唔少，有唔少投資者仲搵緊入場時機。 冠域商業及經濟研究中心主任關焯照就認為，騰訊獲批遊戲版號反映內地略為放鬆對公司慨監管，雖然股價已反彈左好多，但較當年慨700元水平，仲有一大段距離，如果想穩陣些，佢建議揀阿里，因為股價彈得相對少，反而風險較細，回報亦靚仔些。 農曆年長假在即，關博士預期，呷哺呷哺(00520)等消費股，有機會係假期後再炒多轉，呷哺股價已衝破50天線，技術走勢唔錯，後市有機會升穿9元。 此外，內地經濟重啟後，金價、銅價今年已累升逾10%，關博士表示，可以留意紫金礦業(02899)、江西銅業(00358)，因為呢兩隻股份之前跌左唔少，佢相信可以繼續上。 |
ZIJIN MINING , Gold , TENCENT , LINGYI ITECH , IT |
| 梁偉源 |
2023-01-20T12:30 |
截至早上11時止，1小時內《彭博》用戶關注度上升最多港股，依次為中國海洋石油(00883)、騰訊控股(00700)、中國石油股份(00857)、中國移動(00941)及美團(03690)。 騰訊今朝一開市已經見左半日高位390元，中午收市升逾1%，報388.6元，公司噚日繼續係高位做回購，涉及92萬股，每股平均價381.45元，涉資約3.5億元。不過，好快就上返南非大股東Naspers於2018年首次減持價405元，係咪對股價有好大阻力？ 大華繼顯執行董事梁偉源認為，騰訊近日升勢主要係受獲批內地遊戲版號慨消息刺激，而公司月初派發美團股份作特別息後，要係騰訊股價之上加返近20元價值，所以騰訊現價實際上已升至410元水平，因此，Naspers減持價405元應該唔會構成阻力。 |
Oil , Trades , Stock , TENCENT , PETROCHINA |
| 梁偉民 |
2023-01-20T11:19 |
華府支出觸及債務上限，加上投資者憂慮息口高企拖累經濟，美股3大指數噚隔齊齊失守50天線，依家只有道指仲守得住200天線，但市場普遍認為，黎緊呢個星期，甚至未來幾個交易日都可能守唔住，道指有可能下試舊年9月、10月低位，即30000點以下水平。美股業績期已經展開，市場會有咩寄望或憧憬？ 高富金融集團投資總監梁偉民指，始終經濟走下坡，一定對公司業績有影響，所以市場唔會有太大期望。佢又話，睇返舊年公司業績，反映高通脹會蠶食企業盈利，因為企業面對高生產成本，但未必可以百分百轉嫁畀消費者，變相要企業硬食，繼而影響企業毛利。 Wyman續指，依家出左業績慨企業中，有70%表現好過市場預期，已算中規中矩，只要業績唔太差，對市場黎講已經係好消息。 |
Earnings , Results , US Stock |