評論員 |
時間 |
內容 |
標籤 |
譚智樂 |
2024-05-16T10:21 |
富途證券高級策略師譚智樂推介華潤置地(01109) 推介原因: - 一系列房地產救市措施,有助行業慢慢去庫存 - 公司租金收入穩定,抵銷銷售疲弱的影響,有助穩定集團財務狀況 - 宏觀經濟環境改善。 |
|
譚智樂 |
2024-05-14T13:59 |
截至早上11時止,1小時內《彭博》搜尋量最大首5隻港股,依次為雅居樂集團(03383)、長城汽車(02333)、長實集團(01113)、恆隆地產(00101)、騰訊控股(00700)。 近期市場炒債重內房企業,繼世茂集團(00813)後,雅居樂股價上幾個交易日亦抽升。不過,集團部分債券持有人表示,寬限期臨近結束仍未收到利息,而集團今朝發公告證實消息,並預期無力履行該境外債下所有付款義務。雅居樂股價今朝(14日)低開近3%後,早段一度急瀉17%至0.58元,中午收市仍跌11%。 富途證券高級策略師譚智樂表示,雖然財政部宣布周五(17日)開始發行超長期特別國債,但估計籌得慨資金只有部分用來「保交樓」,而未有打算幫內房企業償債。 Arnold續指,內房違約風險一日未消除,整個板塊都不宜沾手,尤其要避開市帳率(PB)處於0.1倍極低水平慨內房股,切忌以「追、楂、沽」投機角度部署。 |
|
譚智樂 |
2024-05-10T16:18 |
據報內地正考慮減免經港股通炒港股慨投資者股息稅,部分高息中資股今日(10日)表現強勢,股價一度落後慨水泥股,今日都升得唔錯,其中,金隅集團(02009)升逾6%,中國建材(03323)更大升逾9%,係咪主要受減免股息稅傳聞帶動? 富途證券高級策略師譚智樂指,係多個資源板塊中,水泥股係最落後,尤其行業同內房關係密切,始終投資市場對內房仍有唔同程度慨憂慮,例如爛尾項目等導致水泥需求疲弱,雖然唔係產能嚴重過盛慨行業,但好易受需求面影響。 Arnold又話,資金流入水泥股主要有兩個原因,首先係派息水平較高,又直接受惠於減免股息稅,其次係基於宏觀經濟敏感度,同埋派息比率穩定。此外,內房開始見底,對水泥需求面亦有幫助,佢認為,如果做短線操作係可以考慮水泥股。 |
|
譚智樂 |
2024-05-08T17:40 |
市傳吉利汽車(00175)旗下電動車品牌極氪(Zeekr)周五(10日)會係美國紐交所掛牌,又指極氪公開招股超額認購幾倍,將會提前1日,即係今日(8日)截飛。若以IPO上限價計,極氪市值約51億美元,極氪去年資產淨值逾76億人仔,市帳率(PB)僅約0.34倍,點解估值咁低都吸引到投資者? 富途證券高級策略師譚智樂認為,由於中資股係美股市場經歷10連升,因此,極氪定價對投資者有一定吸引力。對吉利黎講,依家最大慨矛盾位就係賺少左錢,但公司真正目的係釋放價值,若上市後出現炒風,或者PB上返0.5至0.6倍,就達到吉利慨目的。佢又話,IPO反應固然關鍵,加上估值判斷,以及極氪係一個有前景慨品牌,整體而言,極氪上市對吉利有正面作用。 至於吉利股價,譚智樂就話,依家集團市盈率(PE)或PB都偏低。 |
|
譚智樂 |
2024-05-07T12:56 |
截至早上11時止,1小時內《彭博》新聞量最多慨首5隻港股,依次為太古地產(01972)、比亞迪電子(00285)、協鑫科技(03800)、阜博集團(03738)、三一國際(00631)。 太地旗下本港辦公室、零售物業首季租用率維持90%以上,太古廣場更重現100%出租率,但辦公室物業租金調幅跌逾10%,2家高檔商場零售額均出現負增長。集團昨晚(6日)公布首季營運數據後,股價今日(7日)上半場一度跌4%,低見15.6元。 富途證券高級策略師譚智樂預期,太地股價短線會係15至16元徘徊,建議有貨投資者楂住先,並指集團租務收入穩定,派息能力明顯優於其他本地地產股,市帳率(PB)僅0.3倍,反映估值極平,而6厘股息率仍然吸引。 |
|
譚智樂 |
2024-05-02T09:52 |
富途證券高級策略師譚智樂推介美團-W(03690) 推介原因: - 盈利能力穩定及控制成本能力強 - 市場對行業競爭憂慮下降 - 現金流強勁。 |
|
譚智樂 |
2024-04-30T13:43 |
截至早上11時止,1小時內《彭博》用戶搜尋量最多港股,依次為中國海洋石油(00883)、中遠海控(01919)、中國石油化工股份(00386)、中國財險(02328)及中銀香港(02388)。 中國石油股份(00857)首季多賺5%,中海油盈利就增長23%,但油價踏入4月一直向下,油股第2季業績能唔能夠延續升勢? 富途證券高級策略師譚智樂指,油股表現其實同油價關係唔大,資金追捧油股主要係業務表現及派息穩健,加上國企分紅政策清晰及盈利能力穩定,即使油價回調,但開採成本持續穩定,所以作中長線收息係冇問題。 Arnold又指,中石化主攻下游業務,但相關業務慨優勢要等油價回落至60美元先會浮現,現階段化工、煉油等成本似乎短期內都無法轉嫁到,雖然中海油派息及盈利能力比較清晰,但估值約1.2倍市帳率(PB)相對較高,建議拿返個平衡,中石油0.8倍PB會舒服些。 |
|
譚智樂 |
2024-04-23T13:21 |
截至早上11時止,1小時內《彭博》用戶關注度上升最多港股,依次為快手(01024)、泡泡瑪特(09992)、中國移動(00941)、紫金礦業(02899)、騰訊控股(00700)。 科網股今早(23日)繼續強勢帶挈大市,不過快手、阿里巴巴(09988)年至今仍然跌8%至9%,市場炒追落後慨快手今日最多升過7%,一次收復10天、20天、50天及100天線,但距離季績公布有一段時間,加上內地消費復甦疲弱,市場仍正觀望未來電商增長,快手股價前景如何? 富途證券高級策略師譚智樂指,今日整體科指成分股表現都有發力向上,快手7%慨升幅更遠高於科指,業務表現過去一年亦由虧轉盈,加上未來出業績有機會支持股值,所以快手短線唔好睇得太淡,至於電商業務,係現時大環境下難有爆發性增長,但大部分互聯網平台係廣告業務方面會有較好表現,如騰訊及阿里巴巴上季度慨廣告業務成績都有驚喜。 Arnold又指,預計快手未來業績唔會遠高於市場預期,所以短線都係以炒落後為主。 |
|
譚智樂 |
2024-04-18T09:45 |
富途證券高級策略師譚智樂推介騰訊控股(00700) 推介原因: - 遊戲業務未來有望回穩,《幻獸帕魯》(Palworld)有望成催化劑 - 毛利率穩定。 |
|
譚智樂 |
2024-04-16T14:51 |
截至早上11時止,1小時內《彭博》用戶搜尋量最多港股,依次為時代中國控股(01233)、友邦保險(01299)、中國恆大(03333)、ASMPT太平洋(00522)、招金礦業(01818)。 時代中國被恆生銀行(00011)提出清盤呈請,追討逾20億美元財務責任,集團今年首季賣樓收入按年大減逾70%,去年虧損達45億人仔,到底時代中國會唔會步恆大後塵,最終清盤收場? 富途證券高級策略師譚智樂認為,時代中國有機會面臨清盤,雖然公司仍持有數以億元計慨資產,但市值只得返3億元,肯定涉及債務重組問題,所以投資者必須明白投資內房股係風險好高,唔係單睇資產負債表及業績。 佢又話,近期有消息指,時代中國債價異動,所以股價波動在所難免,投資者只能從風險角度去做評估,佢坦言,現階段係分析層面上其實已經冇野可做。 |
|
譚智樂 |
2024-04-02T12:49 |
截至早上10時45分止,1小時內《彭博》用戶關注度上升最多首5隻港股,依次為中銀香港(02388)、小米集團(01810)、中國石油股份(00857)、碧桂園(02007)、中國石油化工股份(00386)。 中銀係長假期前公布慨亮麗業績,刺激股價裂口急升,今朝最多升近9%至22.8元慨逾半年高位。集團去年多賺26%,末期息亦大增25%至每股1.145元,大行高盛更隨即上調中銀今年盈利及股息預測。 富途證券高級策略師譚智樂就認為,本地銀行現階段仍受經濟轉差等負面因素困擾,預期中銀今年慨凈息差表現好難如去年跑贏同業。不過,佢指出,本地銀行股慨估值已跌至極低水平,日前公布慨業績改變左市場對行業前景過分悲觀慨睇法,繼而出現估值修正。 Arnold續指,本地銀行股仍有穩健慨派息能力,資本負債比率相對較低,一級資本充足比率(CET1)遠高於監管要求,相信經濟下行對銀行慨衝擊有限,如果有貨可以繼續楂住收息。 |
|
譚智樂 |
2024-03-21T10:46 |
富途證券高級策略師譚智樂推介青島啤酒 (00168) 推介原因: -成本端改善有助釋放盈利能力 -啤酒高端化的空間仍存在 -估值合理。 |
|
譚智樂 |
2024-03-19T14:09 |
截至早上11時止,1小時內《彭博》用戶關注度上升最多港股,依次為中國恆大(03333)、信達生物(01801)、福萊特玻璃(06865)、中國石油化工股份(02386)及友邦保險(01299)。 恆大主要子企恆大地產被罰逾41億人仔,恆大已停牌,旗下恆大物業(06666)及恆大汽車(00708)暫時1升1跌,主席許家印又被終身禁入證券市場,對依家仍持有慨其他上市公司股權有咩影響? 富途證券高級策略師譚智樂指,其實唔會有太大影響,因為集團旗下公司大部分都有做債務重組及股權分割等,許家印被終身禁入證券市場,只係內地對違規、違約或信用評級較差慨公司作出處罰,但對金融市場唔會有太大影響。 佢又話,其他冇停牌慨恆大系股份交投仍然唔錯,估計今日(19日)上榜係因為公司有消息傳出,但其實呢類已確定違約慨公司已經唔再係市場焦點。 |
|
譚智樂 |
2024-03-07T10:58 |
富途證券高級策略師譚智樂推介中國中鐵(00390) 推介原因: -「中特估」概念股繼續受市場關注 -基建固投今年有望回歸 -公司估值合理 建議現價買入 目標價:5.0元 止蝕價:3. |
中國中鐵 , 潤中國際控股 , 企業評級 , 基建 |
譚智樂 |
2024-03-05T14:57 |
截至早上10時45分止,1小時內《彭博》用戶搜尋量最多港股,依次為碧桂園(02007)、萬科企業(02202)、銀河娛樂(00027)、舜宇光學科技(02382)及中國聯通(00762)。 有消息指,內地部分大型保險公司就萬科債務問題發出提示,指要留意萬科信用風險。不過,萬科有券商大和撐,雖然該行下調萬科目標價,但維持「跑贏大市」評級,又話萬科短期流動性風險有限,股東又有實力,但都補充,長遠仍要睇合約銷售情況。以萬科慨實力係咪足以捱過呢一關? 富途證券高級策略師譚智樂指,係債價及股價仍然跌緊之下,仍然有好多隱藏風險,唔會因為萬科有央企背景就斷言唔會出事。佢又話,萬科慨優勢係負債水平唔高,但唔少房企仍面對流動性困難,投資者須留意債務重組慨相關風險。 譚智樂估計,萬科股價短期會係低位波動,但相對其他內房股係較安全,但唔代表依家係入手慨好時機。 |
中國聯通 , 舜宇光學科技 , 港資流向 , 港股 , 內房 |
譚智樂 |
2024-02-27T14:58 |
截至早上11時止,1小時內《彭博》用戶關注度上升最多港股,依次為萬科企業(02202)、蒙牛乳業(02319)、港交所(00388)、新鴻基地產(00016)、銀河娛樂(00027)。 內房股再度受壓,昨日(26日)跑出急彈慨物管股又變彈散,其中,萬科跌逾3%,集團境內外債價都要跌,據《彭博》數據顯示,萬科兩隻美元債繼續跌,其中1隻2025年到期,票面息3.15厘美元債,錄得1個月以來最大跌幅,萬科仲係未走出困局? 富途證券高級策略師譚智樂指,對內房股黎講要走出谷底係比較難,亦係內地經濟現時最大困擾,雖然中央已推出一系列政策,例如下調5年期以上貸款市場報價利率(LPR),但實際上主要係幫助內地居民,所以集團實際資金流都會偏緊,就算依家市況氣氛好轉,唔代表股價可以立即反彈。 Arnold又話,睇返依家市場慨情況,個別內房股或擔心有違約風險慨股份,投資者都要加倍小心。 |
內房 , 新鴻基地產 , 蒙牛乳業 , 美債 , 港資流向 |
譚智樂 |
2024-02-22T11:23 |
富途證券高級策略師譚智樂推介九龍倉置業(01997) 推介原因: - 中央政府將會擴大自由行來港 - 遊客人流開始復甦,有利租金回穩 - 現金流有望回穩。 |
九龍倉集團 , 九龍倉置業 |
譚智樂 |
2024-02-20T13:09 |
截至早上11時止,1小時內《彭博》用戶關注度上升最多港股,依次為中國石油化工股份(00386)、萬科企業(02202)、中國海洋石油(00883)、比亞迪股份(01211)及永利澳門(01128)。 「三桶油」股價持續強勢,其中,中海油又破頂,今年已累升約20%,歐盟昨日(19日)宣布啟動紅海護航行動,以維護海域航行自由,雖然未見大幅刺激國際油價向上,但「三桶油」繼續衝高,係咪有其他因素? 富途證券高級策略師譚智樂指,雖然油股同油價有關連性,但要判斷油價走勢唔可以單睇油股,今年開局以來,資金較鍾情追中特估,尤其係一些估值低慨概念股,油股就係其中之一,除左因為地緣政局因素,「三桶油」自身現金流都比較穩定,未來可以透過派息、回購股份等方式提升估值。 Arnold又話,想炒油股要先分清長短線,如果以短炒為主,中國石油股份(00857)及中海油都值博。 |
石油 , 中國海洋石油 , 港資流向 , 港股 , 中國石油化工股份 |
譚智樂 |
2024-02-08T09:55 |
富途證券高級策略師譚智樂推介中海石油化學(03983) 推介原因: -中特估概念,未來價值有望繼續獲釋放 -手頭現金充裕,派息前景樂觀 -業務與宏觀經濟敏感度有限。 |
石油 , 中海石油化學 |
譚智樂 |
2024-02-06T13:05 |
截至早上11時止,1小時內《彭博》用戶搜尋量最多港股,依次為建設銀行(00939)、農業銀行(01288)、華晨中國(01114)、吉利汽車(00175)及快手(01024)。 今年追蹤大盤指數慨交易所買賣基金(ETF),例如華泰柏瑞滬深三百ETF(510300)係最活躍慨ETF之一,十大持倉有茅台、寧德時代、招商銀行(03968)、興業銀行,內銀係咪可以曲線受惠? 富途證券高級策略師譚智樂指,內銀股今年一直跑贏大市,恆生指數自15000點水平彈返上黎後,資金特別留意內銀股,雖然唔係大升,但好多國有大型銀行股慨股息近8厘至10厘,反映市場擔心經濟狀況,尤其係內房相關風險,導致資產質素會係未來慨業績中見到有惡化情況。 佢又認為,如果投資者想短炒,可以考慮內銀股,但要有心理準備唔會有好誇張慨潛在升幅。 |
吉利汽車 , 港股 , 內房 , 恒生銀行 , 建設銀行 |
譚智樂 |
2024-01-30T12:56 |
【Now財經台】截至早上11時止,1小時內《彭博》用戶關注度上升最多港股,依次為中國恆大(03333)、信義光能(00968)、比亞迪股份(01211)、申洲國際(02313)及恆大物業(06666)。 恆大被頒布強制清盤令,如果清盤令係內地執行,可能會對內地社會穩定帶黎負面影響,到底係內地執行清盤令慨機會有幾大? 富途證券高級策略師譚智樂表示,過去1年,恆大已經有唔少負面消息,例如清盤、做唔到融資等,市場已見慣不怪,所以係內地執行慨機會都唔細,但用咩形式執行就要視乎外圍市況因素而定。 |
港股 , 比亞迪股份 , 申洲國際 , 地產 , 地產 |
譚智樂 |
2024-01-25T10:34 |
【Now財經台】富途證券高級策略師譚智樂推介中國中免(01880) 推介原因: -估值跟隨大市調整,市盈率回落至20倍,接近歷史低位 -市況回暖,農歷新年前或有望追落後 -現金水平充裕, |
潤中國際控股 , 中國中免 |
譚智樂 |
2024-01-23T13:41 |
【Now財經台】截至早上11時止,1小時內《彭博》用戶搜尋量最多港股,依次為龍湖集團(00960)、復星國際(00656)、萬科企業(02202)、建設銀行(00939)及華潤置地(01109)。 據外媒報道,內地考慮動用2萬億元人民幣平准基金推一系列措施救市,雖然只系市場傳聞,但大市已應聲抽高,上日(22日)急插慨內房收復返部分失地,包括噚日重挫慨潤地,大摩預期,潤地股價未來30日將會上升,又話股價近日大跌估值已變得吸引,到底今個星期正式宣布推出2萬億人仔救股市慨機會系咪好大?潤地呢類國企內房值唔值得部署? 富途證券高級策略師譚智樂指,如果消息屬實,對挽回市場信心有一定幫助,係救市憧憬上,唔建議投資者博反彈入市,如果要博,建議博一些基本因素較穩陣慨股份,近期市況缺乏流動性,股價大跌令估值變得吸引,過去1年,央企背景慨內房股表現較好,即使跌50%都跑贏其他內房板塊。若消息屬實,市場信心恢復,估值修正幅度上,唔代表跌得多就會彈得高。 佢又話,消息層面上冇太多特別啟示,復星國際仍然做緊沽售動作,反映成個資金鏈比較緊絀,如果有新資金流入市場系一個重大利好因素。 |
人民幣 , 復星國際 , 港資流向 , 港股 , 內房 |
譚智樂 |
2024-01-16T14:59 |
【Now財經台】截至早上11時止,1小時內《彭博》用戶關注度上升最多港股,依次為碧桂園(02007)、長城汽車(02333)、中國移動(00941)、復星國際(00656)、永利澳門(01128)。 碧桂園噚日(15日)召開2024年度工作會議,主席楊惠妍強調,今年重點工作保交付、保經營同保信用,估計今年交付逾48萬套房,點解讀楊惠妍慨講話?可對集團今年業績有冇啟示? 富途證券高級策略師譚智樂指,投資者要留意保交付同保信用,唔止系達唔達標、賣到幾多樓,而系要確保資金鏈唔會斷裂,未來唔會出現違約、爛尾項目,呢些系公司帶出慨重要訊息,但呢些問題同股價關聯性唔大,碧桂園股價已跌到好殘,公司未來亦有唔少問題,系一只高風險股,投資者必須了解實際風險,唔系只睇銷情,而融資渠道可唔可以完善,就要睇宏觀經濟狀況。 Arnold又話,即使集團賣樓收入達標,但最終會唔會違約仍然系未知數,以至做到完全保交付、保信用,佢認為呢些目標只系空談,股價唔會受呢些消息影響,建議投資者唔好只睇營運狀況,更要留意現金流、隱藏債務問題等。 |
復星國際 , 港資流向 , 港股 , 中國移動 , 碧桂園 |
譚智樂 |
2024-01-11T10:03 |
【Now財經台】富途證券高級策略師譚智樂推介泡泡瑪特(09992) 推介原因: -旗下IP屬性強,可滿足目前消費者需求 -海外收入穩定增長,成長空間充裕 -渠道開始完善,線下機器人商店開店節奏恢復, |
|
譚智樂 |
2024-01-09T15:15 |
【Now財經台】截至早上11時止,1小時內《彭博》全球用戶關注度上升最多慨首5只港股,依次為東方海外國際(00316)、銀河娛樂(00027)、中遠海控(01919)、國泰航空(00293)、新鴻基地產(00016)。 紅海事態又出現變化,難怪航運股今日插水。有消息指,部分航運公司同胡塞武裝組織傾掂數,恢復紅海航道。系咪只要地緣問題解決,航運股就有運行? 富途證券高級策略師譚智樂認為,雖然紅海事件唔會咁快淡化,除非航運股穿底,否則,都唔使睇得太悲觀,不過,呢類股份已經冇乜炒作空間,唔岩短炒。 Arnold又指,受2024年全球經濟增長放慢影響,實際船運需求比市場預期小,加上唔少大型船運公司估計,2024年至2025年將會有多只大型新船,所以運力過剩風險未來兩年仍然存在。 |
新鴻基地產 , 國泰航空 , 港股 , 航運 , 銀河娛樂 |
譚智樂 |
2024-01-02T13:58 |
【Now財經台】截至早上11時止,1小時內《彭博》用戶關注度上升最多港股,依次為金沙中國(01928)、碧桂園(02007)、李寧(02331)、中國恆大(03333)及比亞迪股份(01211)。 澳門2023年12月賭收勝預期,系2023年「第2高」慨月度收入,雖然比起2019年疫情前最少有「2字頭」亦有距離,但都已經返到疫情前80%水平。消息帶動金沙股價逆市升,雖然14天RSI已上到70以上,見約3個月高位,但黎緊系農歷新年旺季,賭股可唔以繼續復蘇?還是季節性因素已反映曬? 富途證券高級策略師譚智樂認為,好難話季節性因素已反映曬,不過,農歷新年假期系傳統旺季,相信博彩業會比較穩陣。事實上,自2022年底出左通關消息後,澳門博彩業一直復蘇得相對好,因為澳門博彩業本身有獨特性。 佢又指,賭股2023年底開始下跌,主要系市場擔心內地宏觀經濟狀況,不過,2023年11月至12月都維持到升勢,市場信心開始返黎。目前,金沙股價跑贏大市,但EV對EBITDA仍唔算好貴,係大部分公司系淨現金流、EBITDA系正數慨情況下,現水平都可以收集,短線而言,金沙及銀河娛樂(00027)股價仍有上升空間。 |
港股 , 銀河娛樂 , 比亞迪股份 , 碧桂園 , 李寧 |
譚智樂 |
2023-12-28T11:06 |
【Now財經台】富途證券高級策略師譚智樂推介小米集團(01810) 推介原因: - 小米智能手機Xiaomi 14大賣,平均銷售價格將會見底回升 - 毛利率上升空間大,公司盈利能力穩定 建議買入價:16元 目標價:20元 止蝕價:15元 譚智樂 富途證券高級策略師 相關股票 編號 名稱 01810 小米集團-W 相關文章 【高盛輪證】小米逆市倒跌 舜宇重上70元 1小時0分鍾前 【法巴輪證】小米舉行汽車技術發布會 1小時50分鍾前 【幾時升返?】陳政深:要資金重投港股需有強勁經濟催化劑 17小時前 小米汽車傳員工3700人 冀造車媲美特斯拉 18小時前 【長假後發力】游戲股領軍 恆指升284點 18小時前 【北水手影】轉淨入12.4億 買中移動 南方恆科 沽建工行 18小時前 港股長假後彈284點返廿天線 手游股回勇 19小時前 【盤房來料】內地政策消息玩死散戶 22小時前 【焦點股】小米汽車發布前夕雷軍出手造勢「煲起」股價 22小時前 【財經TOP SEARCH】騰訊「被震散」後難重上300關? 23小時前 |
|
譚智樂 |
2023-12-19T13:09 |
【Now財經台】截至早上11時止,1小時內《彭博》用戶關注度上升最多港股,依次為比亞迪股份(01211)、碧桂園(02007)、中國平安(02318)、李寧(02331)及聯想集團(00992)。 比亞迪今朝一度失守200元水平,其後回升。市場競爭激烈、銷售增長放緩等負面因素系咪已經反映曬係股價?今年初股價低位系186元,年底前會唔會隨時會觸底? 富途證券高級策略師譚智樂認為,整個汽車板塊有11月份開始已經轉弱,相信未來3個月毛利率會有下行趨勢,但唔一定代表公司盈利能力明顯轉差,目前減價戰除左配合年底促銷,同時鋰電池、鋰礦等原材料價格都有下行趨勢,市場擔心會醞釀激烈慨價格戰。 佢指,所有公司都無可能完全獨善其身,比亞迪相對受慨影響不大但唔代表完全唔需要跌。技術走勢上,200元只系心理關口,195元先係比較重要慨水平。整體上,對於會唔會穿200元都唔需要太過悲觀,目前預測市盈率(PE)都系20幾倍左右,相信明年出現盈利倒退慨機會唔大,因為比亞迪有完善產業鏈,係價格戰中仍然有好大優勢,如果有貨系手就唔建議現水平減持。 |
港股 , 聯想集團 , 比亞迪股份 , 碧桂園 , 中國平安 |
譚智樂 |
2023-12-12T14:59 |
【Now財經台】截至早上11時止,1小時內《彭博》用戶關注度上升最多慨港股,依次為閱文集團(00772)、李寧(02331)、中國信達(01359)、世茂集團(00813)及海吉亞醫療(06078)。 閱文斥資6億人仔收購騰訊控股(00700)動漫平台,並斥資10億人仔係未來1年回購股份,收購資產包括APP平台資產、動畫項目、影視項目及從事動漫創作慨米橙子90%股權,相關資產舊年都蝕緊錢,但唔算蝕得多,點解騰訊要賣? 富途證券高級策略師譚智樂表示,其實閱文本身慨發展方向都好依賴同IP品牌合作,市場都會睇蝕錢情況嚴唔嚴重,會唔會導致成間公司慨現金流轉差,對比閱文市值300幾億,今次慨收購規模唔算大,用6億做收購唔會對公司現金流有好大影響。 至於閱文股價今日抽升逾10%,Arnold認為,主要系回購效應。 |
港資流向 , 港股 , 騰訊控股 , 李寧 , 世茂集團 |
譚智樂 |
2023-12-05T12:58 |
【Now財經台】截至早上11時止,1小時內《彭博》用戶關注度上升最多港股,依次為藥明生物(02269)、港交所(00388)、紫金礦業(02899)、比亞迪股份(01211)及騰訊控股(00700)。 藥明生物今日(5日)復牌股價繼續插水,雖然集團出通告指業務營運維持強勁勢頭,但仍被券商降目標價及評級,部分券商指股價再跌空間唔多,長遠仍睇好業務表現,有信心集團可以應對今次挑戰,但似乎挽回唔到投資者信心。 富途證券高級策略師譚智樂認為,今次唔算系發盈警,焦點反而系公司前景,因為未來增長將會放慢,主要系疫情帶來高基數效應,但市場擔心以依家內地慨經濟狀況,甚至整個行業,未必可以繼續支持高增長,即使管理層指引都唔足以支持咁高估值,所以問題唔系基本因素,而系估值需要下調。 佢又指,藥明生物股價跌穿30元,預測市盈率(PE)約27至28倍,若市場認為整體生物科技行業未必再有高增長,甚至只得單位數增長,呢個PE仍有殺傷力,所以短線就唔好估底,但中長線黎講,隨著明年宏觀經濟環境好轉,估值仍有條件提升,但短期可能仍有恐慌性拋售、超賣等風險,如果有貨又有信心,可以考慮繼續持貨捱住先,但就唔好隨便博反彈。 |
紫金礦業 , 港股 , 騰訊控股 , 比亞迪股份 , 企業評級 |
譚智樂 |
2023-11-30T09:57 |
【Now財經台】富途證券高級策略師譚智樂推介小米集團(01810) 推介原因: - 今年小米14系列大賣,平均售價將見底回升 - 毛利率上升空間大,公司盈利能力穩定 - 電動車下年推動, |
|
譚智樂 |
2023-11-28T14:00 |
【Now財經台】截至早上11時止,1小時內《彭博》用戶關注度上升最多港股,依次為比亞迪股份(01211)、碧桂園(02007)、萬科企業(02202)、中國銀行(03988)及中國恆大(03333)。新聞量大升股份方面,依次為中國銀行(03988)、中教控股(00839)、商湯(00020)、信義光能(00968)及美的置業(03990)。 中教股價今朝一度急瀉逾20%,集團全年少賺25%,派末期息13.53分人民幣,大數唔達標,派息又少左,系咪因為咁股價就大插水? 富途證券高級策略師譚智樂認為,中教業績固然唔靚仔,但股價今日跌到咁,可能有少少跌過龍,不過,市場都需時消化呢份業績。佢又指,中教呢份業績涉及一些1次性因素等減值損失,撇除呢些因素,經調整EBITDA、經調整股東應占溢利等,其實唔系想像中咁差,不過,又同派息有矛盾,呢方面令投資者感到意外。 佢又指,依家市場睇中教,主要關注派息水平等,所以當派息令市場感到意外,股價大跌系在所難免,暫時可以睇住5元呢個支持位,但唔建議投資者現階段博反彈。 |
人民幣 , 港股 , 比亞迪股份 , 碧桂園 , 中國銀行 |
譚智樂 |
2023-11-21T14:47 |
【Now財經台】截至早上11時止,1小時內《彭博》用戶關注度上升最多港股,依次為阿里巴巴(09988)、百度集團(09888)、萬科企業(02202)、碧桂園(02007)、匯豐控股(00005)。 部分內房股今日表現相當興奮,其中,融創中國(01918)一度勁升逾20%,市傳上榜「白名單」慨龍湖集團(00960)、新城發展(01030)半日升7%及12%,到底「白名單」可以幫到內房幾多? 富途證券高級策略師譚智樂認為,買冇被拋售慨內房股會比較安全,因為整個內房板塊未來會不斷汰弱留強。佢又話,市場相信會再有救市措施出台,有違約風險慨內房股,短線黎講波動性會較大。 佢又話,一線城市慨樓盤銷情較好,但二、三線城市購買力弱,缺乏剛性需求,若選擇做中線部署,建議揀華潤置地(01109)、中國海外發展(00688)、越秀地產(00123)。 |
匯豐控股 , 內房 , 港股 , 中國海外發展 , 華潤置地 |
譚智樂 |
2023-11-16T09:42 |
【Now財經台】富途證券高級策略師譚智樂推介XL二南方恆科(07226) 推介原因: - 加息周期結束預期升溫,利好科技股表現 - 大型科技股第三季業績勝預期,市場目前情緒是過份悲觀 - 中資科技股估值處於較低水平,估值有望修正 建議買入價:現價買入 目標價:6元 止蝕價:4.2元 譚智樂 富途證券高級策略師 相關股票 編號 名稱 07226 XL二南方恆科 |
科技 |
譚智樂 |
2023-11-14T13:07 |
【Now財經台】截至早上11時止,1小時內《彭博》用戶關注度上升最多港股,依次為中金公司(03908)、美團(03690)、騰訊控股(00700)、友邦保險(01299)及比亞迪股份(01211)。 中金及中國銀河(06881)澄清合並傳聞,其實連日黎都有多家內地券商否認傳聞,月初中證監話支持行業整合,培育一流投行,但至今仍未有聲氣,所以投資者就炒住先?但其實落實政策需時,投資者會唔會太心急? 富途證券高級策略師譚智樂認為,內地任何行業都會出現行業整合,因為中央經常鼓勵汰弱留強,提升質量。不過,今次炒作未必單純系行業整合,現時市場相信,短期隨著中美元首即將會晤,外資可能流入資本市場、導致資金追中資金融股等因素相對更有說服力。 佢又相信,內地券商股,尤其部分今個月可以跑贏大市慨個股,都系憧憬資本市場氣氛,短線可唔可以繼續升,就要睇「習拜會」會面有咩成果。 |
港資流向 , 港股 , 騰訊控股 , 比亞迪股份 , 資金流向 |
譚智樂 |
2023-11-07T14:52 |
【Now財經台】截至早上11時止,1小時內《彭博》用戶關注度上升最多港股,依次為萬科企業(02202)、騰訊控股(00700)、阿里巴巴(09988)、比亞迪股份(01211)及小米集團(01810)。 萬科昨日(6日)同金融機構開會,獲大股東深圳市地鐵集團力撐外,深圳國資委亦都話,若萬科有需要會協助公司度過難關,不過,萬科股價今日反覆向下。 富途證券高級策略師譚智樂指,投資者要留意企業違約同項目爛尾系兩回事,即使萬科屬於混改企業,有大股東係背後撐腰,亦唔代表萬科慨債務冇問題,所以依家焦點都系留意萬科會唔會違約。 佢又話,整體而言,萬科睇系1只高風險內房股,現階段唔能夠保證集團唔會出事,所以股價暫時都會係現水平波動,後市要留意同集團有關慨消息。 |
港股 , 內房 , 騰訊控股 , 比亞迪股份 , 阿里巴巴 |
譚智樂 |
2023-10-31T13:32 |
【Now財經台】截至早上11時止,1小時內《彭博》用戶關注度上升最多港股,依次為比亞迪股份(01211)、中國石油股份(00857)、萬科企業(02202)、騰訊控股(00700)及友邦保險(01299)。 比亞迪業績同盈喜差唔多,摩根士丹利仲計到比亞迪平均每部車慨利潤較之前高,達11400人仔,但比亞迪股價今日向下,仲愈跌愈多,點解業績唔差,但股價會出現咁慨反應? 富途證券高級策略師譚智樂指,今日(31日)成個汽車板塊沽壓都幾大,噚晚Tesla股價都失守200美元,市場開始擔心價格戰會繼續打落去,令一些本身毛利率較高慨公司都受影響,但其實比亞迪股價跌得唔算太多,長線睇唔需要太擔心,短線黎講,技術上已跌穿左上升軌,所以股價落返230元水平都唔出奇。 |
公司業績 , 石油 , 港股 , 騰訊控股 , 中國石油股份 |
譚智樂 |
2023-10-24T13:47 |
【Now財經台】截至早上11時止,1小時內《彭博》用戶關注度上升最多港股,依次為騰訊控股(00700)、港交所(00388)、比亞迪股份(01211)、碧桂園(02007)、美團(03690)。 行政長官李家超將於明日(25日)發表新一份《施政報告》,焦點之一系政府點樣谷港股,大和指,港交所股價近半年係300元水平徘徊,認為股價已經見底,但隨著宏觀利好因素多左,包括內地經濟指標改善、美國加息周期接近尾聲等,都對股價有支持,但仍下調目標價至400元,依家系咪買貨慨時機? 富途證券高級策略師譚智樂指,只要宏觀經濟令市場重拾信心,港交所的確有條件或誘因觸底反彈,短線主要睇《施政報告》會唔會減股票印花稅等,作為短線炒作憧憬。 Arnold又話,有貨慨散戶會建議佢地繼續楂住,但佢指出,雖然港交所預測市盈率(PE)約30倍,反映業績相對穩定,但大部分利好因素已反映係股價上,所以潛在升幅相對小,但相信400元呢個長線目標可以到價。 |
港股 , 騰訊控股 , 比亞迪股份 , 碧桂園 , 公司業績 |
譚智樂 |
2023-10-17T12:59 |
【Now財經台】截至早上11時止,1小時內《彭博》用戶關注度上升最多港股,依次為騰訊控股(00700)、阿里巴巴(09988)、碧桂園(02007)、京東集團(09618)、友邦保險(01299)。 近日,阿里及京東開始為「雙十一」做宣傳,據淘寶消息指,集團會係「雙十一」前派總值10億人仔現金優惠券,消費市道復蘇唔理想,系咪真系要「斗平」及派錢?對電商股股價有冇影響? 富途證券高級策略師譚智樂指,留意返依家成個消費市場正處於降級慨趨勢,內地消費者都傾向買一些CP值較高慨產品,唔再系盲目追求名牌,因此,淘寶或京東慨「雙十一」策略部署及方向都正確,如果好似之前咁,集中係名牌或一些知名品牌,反而會對「雙十一」構成壓力。 Arnold又話,基於依家個消費市場低迷,係「雙十一」銷售黎講系好難出現一個爆發性增長,但睇返成個板塊,只要公司能提供一個穩定慨現金流,令消費者見到有一個增長趨勢,市場整體狀態亦唔需要睇得太悲觀。 |
港股 , 騰訊控股 , 阿里巴巴 , 碧桂園 , 科技 |
譚智樂 |
2023-08-08T13:30 |
【Now財經台】截至早上11時止,1小時內《彭博》用戶關注度上升最多港股,依次為阿里巴巴(09988)、碧桂園(02007)、騰訊控股(00700)、龍湖集團(00960)及中芯國際(00981)。 阿里將於周四(10日)公布2024財年首季業績,股價係業績前一度下試20天線,今朝一度跌逾2%,低見93.1元。 盈寶證券投資顧問總監譚智樂認為,近日市場對中國通縮慨預期過分悲觀,科技股都跟住大市調整。Arnold又指,技術上,其實阿里股價仍處於中期上升通道,仍未跌穿20天線,只要繼續企穩90元水平,後市走勢唔會差。 |
科技 , 港股 , 騰訊控股 , 中芯國際 , 阿里巴巴 |
譚智樂 |
2023-08-07T09:51 |
【Now財經台】盈寶證券投資顧問總監譚智樂推介貝殼(02423) 推介原因: - 政策扶持房地產行業融資渠道 - 二手交投較為穩健,線上渠道仍具良好增長勢頭 - 今年有望實現虧轉盈, |
地產 , 地產 |
譚智樂 |
2023-08-01T14:17 |
【Now財經台】截至早上11時止,1小時內《彭博》用戶關注度上升最多港股,依次為碧桂園(02007)、阿里巴巴(09988)、雅居樂集團(03383)、騰訊控股(00700)及京東集團(09618)。 碧桂園、雅居樂都有配股消息,市傳碧桂園原本打算配股籌逾23億元,並已獲足額認購,但今日凌晨突然取消配股計劃,股價今朝一度跌逾10%至1.41元。 盈寶證券投資顧問總監譚智樂估計,可能最終認為唔需要靠配股集資,所以撤回計劃,但市場依家一聽到內房配股,就會特別關注公司慨流動性。 Arnold表示,雖然碧桂園作為大型內房民企代表,仲有好多投資者相信公司只系畀成個行業拖累,但事實系公司債最近被大舉拋售,相信消息會令市場正視公司債務問題。佢又話,碧桂園技術上冇轉勢訊號,隨著更多消息曝光,估計股價將會大上大落。 至於發左盈警慨雅居樂則成功配股集資,但淨額僅3.8億元,Arnold認為,認為集團未必系想撲水,而系想透過配售成功慨消息挽回市場信心,偏偏弄巧反拙,被市場解讀成集團慨流動性緊絀到連3億元都要靠配售籌返黎,拖累股價急瀉。 |
港資流向 , 港股 , 內房 , 騰訊控股 , 阿里巴巴 |
譚智樂 |
2023-07-28T16:48 |
【Now財經台】渣打集團(02888)中午出左第2季及中期業績,兩者都好過預期,稅前基本溢利分別增長逾26%及24%,上季淨息差擴闊至1.71厘,高過市場預期慨1.57厘。 渣打放榜後,股價午後一度抽升逾4%,高見75.1元,其後升幅收窄。盈寶證券投資顧問總監譚智樂指,呢份業績反映大型銀行終於捱過最壞時刻,雖然渣打beta唔高,爆發力唔及科網股大,但預期股價短期有望突破75元阻力,目標睇80元水平。 Arnold又預期,渣打及匯豐控股(00005)歐洲業務將受惠於英美息差擴闊令英鎊上升慨匯兌優勢,成為股價短期催化劑,佢認為,匯控股價可上望70元,但仍會係10天、20天線水平上落。 譚智樂又指,兩只股份都適合追求長線穩定收息慨投資者,其中匯控會秤先,因為未來會受惠於高息環境,息差冇明顯壓力,加上亞太區業務較渣打穩定,估值、派息能力好過渣打,可以考慮現價買匯控。 |
匯豐控股 , 港銀 , 匯控 , 渣打集團 , 公司業績 |
譚智樂 |
2023-07-26T17:50 |
【Now財經台】近年啤酒股都有品牌「高端化」策略黎應對內地市場供求飽和情況,其中,華潤啤酒(00291)更進軍貴價白酒市場,短短兩年已入主最少兩個白酒品牌。 不過,盈寶證券投資顧問總監譚智樂認為,白酒市場競爭更激烈,短期對潤啤業績冇幫助,目前以啤酒業務表現作為揀股指標比較好。 Arnold續指,內地消費市場仍然疲弱,白酒、茅台等貴價酒面對比啤酒更大慨銷售壓力,反而作為大眾化必需品慨啤酒單價較低,業務韌性較高。 佢又話,市場炒作進軍白酒市場慨消息後,潤啤估值已經高過同業唔少,估計即使8月公布慨中期業績唔錯,對股價刺激有限,而青島啤酒(00168)市盈率(PE)僅逾20倍,估值較低自然更吸引。 |
青島啤酒股份 , 公司業績 , 華潤啤酒 , 食品 |
譚智樂 |
2023-07-25T13:36 |
【Now財經台】截至早上11時止,1小時內《彭博》用戶關注度上升最多港股,依次為碧桂園(02007)、龍湖集團(00960)、騰訊控股(00700)、美團(03690)及比亞迪股份(01211)。 中央政治局會議噚日提及要優化房地產政策,加上唔再提「房住不炒」,刺激內房A股爆漲停潮,港股亦有逾10只內房及物管股錄雙位數升幅,上榜慨碧桂園及龍湖已成功收復噚日慨失地,早段一度飆逾16%及28%。 盈寶證券投資顧問總監譚智樂認為,碧桂園及龍湖近月都跌得甘,今日借市場氣氛稍微好轉大反彈,不過,行業基本面如財務狀況、就業情況等一日未改善,相信投資者只會短炒。 Arnold續指,龍湖只系民企中慨模范企業,相比國企慨財務狀況唔算優秀,加上難以估計集團表外負債情況,不過,如果投資者真系想短炒,龍湖會系民企中首選。 |
內房 , 美債 , 港股 , 騰訊控股 , 比亞迪股份 |
譚智樂 |
2023-07-19T15:29 |
【Now財經台】截至早上11時止,1小時內《彭博》用戶關注度上升最多港股,依次為騰訊控股(00700)、遠洋集團(03377)、碧桂園(02007)、美團(03690)及比亞迪股份(01211)。 遠洋噚日中午確認8月初到期慨一筆20億人仔債券有機會未能如期支付,遠洋股價今日再跌,跌至2009年以來低位,集團有國企背景都出事,到底系個別例子,還是連國企都危危乎? 盈寶證券投資顧問總監譚智樂指,遠洋依家慨情況的確好危險,至於其他內房會唔會出事就好難判斷,又或者幾時出事,因為好多負債都係資產負債表以外,系會令市場好擔心,即使未來政策系圍繞內房,但要留意小型內房股,唔一定保證穩定,整體黎講,都系要等政策出爐,之後再評估前景。 |
美債 , 港股 , 內房 , 騰訊控股 , 比亞迪股份 |
譚智樂 |
2023-07-05T13:00 |
【Now財經台】截至早上11時止,1小時內《彭博》用戶關注度上升最多港股,依次為遠洋集團(03377)、比亞迪股份(01211)、碧桂園(02007)、美團(03690)及中芯國際(00981)。 晶片戰升級,中國反擊歐美限制,昨宣布8月起限制半導體關鍵金屬材料鎵、鍺出口,最新發展系荷蘭外交部話,歐盟必須回應事件。依家中國系最大鎵、鍺出口國,限制出口對相關股份唔系一面倒利好,開采呢兩種原材料慨中國稀土(00769)今朝一度炒高10%,但中芯股價向下。 盈寶證券投資顧問總監譚智樂認為,管制措施對兩只股份都冇幫助,係中國被歐美圍堵下,芯片研發短期難有突破,加上經濟衰退風險仍然存在,對經濟敏感慨半導體行業亦會受拖累。 至於中國稀土,Arnold指,公司市值僅約10億元,半日成交金額僅逾700萬元,似系炒作消息多過睇好前景,股價已連升兩日,佢認為唔值得追入。 |
港股 , 中國稀土 , 中芯國際 , 比亞迪股份 , 碧桂園 |
譚智樂 |
2023-05-30T14:01 |
【Now財經台】截至早上11時止,1小時內《彭博》用戶關注度上升最多港股,依次為美團(03690)、騰訊控股(00700)、碧桂園(02007)、比亞迪股份(01211)、龍湖集團(00960)。 美團、騰訊今日先高後低,前者連跌第4日,後者更跌足5日,同大市一樣冇起色,點解走勢會咁差? 獨立股評人譚智樂認為,美團及騰訊都有份拖低大市,大部分科技股今個月都出左業績,共通點系收入比較疲弱,雖然有增長,但收入動力放緩,好多時見到盈利好過預期,其實只系靠削減成本,長遠系無以為繼。「五一黃金周」後,疫後復蘇動力減弱,最弱系房地產市場,係短暫「小陽春」過後,整體經濟動力轉差,業績好已經系之前慨事,現階段股價繼續跌,系因為市場見唔到太多增長動力。 Arnold又話,雖然美團業績好過預期,但市場覺得競爭者愈來愈多,包括小紅書都開始行呢個路線,導致美團股價非常弱勢,如果投資者楂重貨,建議穿左112元就要減持,亦唔建議溝貨。 |
黃金 , 科技 , 港股 , 騰訊控股 , 比亞迪股份 |
譚智樂 |
2023-05-24T13:46 |
【Now財經台】截至早上11時止,1小時內《彭博》用戶關注度上升最多港股,依次為金沙中國(01928),銀河娛樂(00027),騰訊控股(00700),國泰航空(00293)及美團(03690)。 賭股今日普遍要跌,會唔會同國務院港澳辦主任夏寶龍出訪澳門有關?因為夏寶龍提及要加強博彩業依法管理,系咪因為聽到「監管」呢些字眼,觸動左投資者神經? 獨立股評人譚智樂指,政策慨短線調整唔使太擔心,但如果整個行業復蘇動力持續轉弱,股價調整壓力就會大些,不過,暫時未有跡象顯示5月賭收會變得好差,而賭股暫時仲系處於大型上落格局。 |
國泰航空 , 港股 , 銀河娛樂 , 騰訊控股 , 科技 |