| 評論員 |
時間 |
內容 |
標籤 |
| 彭偉新 |
2024-04-17T13:08 |
截至早上11時止，1小時內《彭博》用戶關注度上升最多首5隻港股，依次為銀河娛樂(00027)、中信銀行(00998)、金沙中國(01928)、禹洲集團(01628)、新世界發展(00017)。 賭股持續弱勢，金沙股價暫時4連跌，銀娛更連跌第5日，今朝輕微低開後，半日最多跌6%至34.5元。資深證券分析師彭偉新分析指，銀娛股價或要回落至2022年3月及11月慨低位附近先會喘定，若以當年3月約33.45元水平估算，現價仲有約1.4元慨下跌空間，楂住銀娛慨股民可能要捱多一浸跌浪。 Castor又認為，澳門政府似乎唔睇好今年旅遊業慨增長，雖然今朝澳門首季博彩收入按年增長65%，相當於2019年同期慨75%，當地旅遊業數據亦差唔多恢復至疫情前水平，但當局未有因此上調全年賭收預測，相信今年「五一黃金周」慨憧憬唔會炒到博彩板塊。 此外，市傳澳門博彩信貸法8月起生效，Castor話，市場或憂慮法例會限制賭企收入，令唔少之前部署左賭股慨投資者今日進一步拋售手上持股，相信賭股短期會繼續跑輸大市。 |
|
| 彭偉新 |
2024-04-12T10:22 |
資深證券分析師彭偉新推介大唐發電(00991) 推介原因： -上月內地製造業採購經理指數(PMI)繼續處於擴張範圍 -去年虧損大幅收窄至約2億人民幣 -經濟回穩加上煤價有望回落。 |
|
| 彭偉新 |
2024-04-10T14:01 |
截至早上11點止，過去1小時內《彭博》用戶搜尋量最多港股，依次為新奧能源(02688)、紫金礦業(02899)、新世界發展(00017)、恆生銀行(00011)及中國移動(00941)。 外圍氣價昨日(9日)回落，但新奧股價今日(10日)仍然強勢，A股慨燃氣股亦炒上，加上早前《彭博》有報道指，內地有逐步開放天然氣價政策，並於短期內出台，連帶電力股都炒上，燃氣價格會唔會出現調整？新奧股價可唔可以繼續上？ 資深證券分析師彭偉新指，多項利好因素刺激燃氣需求增長，加上市場憧憬夏季電力供應緊張，以及有國策支持，令燃氣股炒得火熱。不過，天然氣幾時先會因應整體需求而調整供氣價，相信唔會咁快落實到，因為燃氣涉及民生因素，所以未能跟隨市場定價機制，令燃氣價格及企業盈利好轉。 Castor又話，雖然新奧股價處於偏低水平，但貼近短期主要阻力67.5元，所以未必可以咁快進一步上升。 |
|
| 彭偉新 |
2024-04-03T14:56 |
截至早上10時45分止，1小時內《彭博》用戶關注度上升最多首5隻港股，依次為吉利汽車(00175)、中國宏橋(01378)、建設銀行(00939)、紫金礦業(02899)、五礦資源(01208)。 排榜首慨吉利股價自逾4個月高位顯著回落，半日最多跌3%至9.16元，下試10天線。 資深證券分析師彭偉新認為，吉利之前升咁多，係反映旗下電動車品牌極氪首季交付量慨正面消息，實質欠缺基本面支持。佢解釋指，交付量按年大增1.1倍，乍眼睇數據有顯著增長，但極氪實際產量遠低於其他一、二線生產商，低基數效應令唔少人忽略極氪尚未收支平衡慨事實。 |
|
| 彭偉新 |
2024-03-27T13:37 |
截至早上10時45分止，1小時內《彭博》用戶關注度上升最多首5隻港股，依次為騰訊控股(00700)、申洲國際(02313)、中國石油化工股份(00386)、中國銀行(03988)、建設銀行(00939)。 騰訊股價升穿100天線，今朝低開1%後，隨即掉頭向上，半日最多升逾2%，高見307.6元。據內媒報道，騰訊將為蘋果公司(Apple Inc.)慨混合實境頭戴裝置Vision Pro提供重要應用程式。 資深證券分析師彭偉新認為，雖然市場對Vision Pro評價好壞參半，但見到騰訊有新動作，可以同國際科技巨企合作開發新業務，令唔少投資者對集團前景更樂觀。 Castor續指，近日明顯見到多左資金流入股份，除左騰訊績後持續回購，北水亦狂掃騰訊，昨日(26日)淨買入錄得逾8億元，帶動股價昨突破過去2個月慨主要雙底及頸線，即297元水平，預期將進一步觸發資金流入，短線繼續帶動股價向上。 |
|
| 彭偉新 |
2024-03-20T12:41 |
截至早上11時止，1小時內《彭博》用戶關注度上升最多港股，依次為李寧(02331)、紫金礦業(02899)、舜宇光學(02382)、友邦保險(01299)及安踏體育(02020)。 李寧今朝(20日)出左業績，去年少賺近22%，派息大減約60%，但股價照升，有分析指，集團庫存有回穩跡象，而上季線上銷售又好過預期，係咪可以令市場重拾對集團慨信心？ 資深證券分析師彭偉新指，短期黎講，由於李寧股價已跌到好殘，所以再跌空間唔多，而庫存回穩的確可以令市場恢復對公司慨信心。 Castor續指，整體渠道銷售方面，集團情況唔係市場講到唔差，甚至跑贏部分內地品牌，因此，佢認為集團最情況已過。佢補充，李寧主攻內地市場，唔似其他品牌係海外進行大規模收購，反映李寧逐漸重回正軌，對扭轉未來業績有一定幫助。 |
|
| 彭偉新 |
2024-03-13T14:00 |
截至早上10時45分止，1小時內《彭博》用戶關注度上升最多首5隻港股，依次為碧桂園(02007)、吉利汽車(00175)、快手(01024)、建設銀行(00939)、華潤置地(01109)。 市傳碧桂園未能如期償還旗下1隻境內債券利息，金額高達9600萬人仔，內媒引述集團回應指，因為銷售恢復情況不達標，資金調撥有壓力等，還息資金未到位，但稱將盡最大努力係30日寬限期內籌措資金。不過，今朝碧桂園股價偏軟，平開後半日最多跌近5%，未見好大沽壓。 資深證券分析師彭偉新預期，碧桂園好大機會搞唔掂，最終可能又要中央出手。佢分析指，雖然集團有逾200項目或納入白名單，代表有能力保交樓，但亦間接反映冇盈利能力。集團1至2月合同銷售金額皆見高雙位數跌幅，繼1月按年跌75%，2月更跌85%，偏偏公司唔可以動用以白名單項目名義借來慨資金，可謂杯水車薪。 |
|
| 彭偉新 |
2024-03-08T10:19 |
資深證券分析師彭偉新推介華能國際電力股份(00902) 推介原因： - 內地今年經濟增長目標約5%，中央力谷消費將帶動電力需求 - 預期電腦算力發展將令電力需求進一步增加，電企將顯著受惠 - 預測市盈率(PE)低於行業平均。 |
|
| 彭偉新 |
2024-03-06T15:04 |
截至早上11時15分止，1小時內《彭博》用戶搜尋量最多港股，依次為快手(01024)、碧桂園(02007)、友邦保險(01299)、恆生銀行(00011)及ESR(01821)。 友邦股價今日(6日)逆市向下，已跌到接近橫行通道底部，美國減息預期對友邦股價冇乜支持，今日一度失守60元水平，其實友邦一直有做回購，但股價都係冇太大起色，反觀同業宏利金融(00945)股價愈升愈有，資金係咪湧曬去宏利？ 資深證券分析師彭偉新指，過往市場將焦點放曬係友邦身上，令友邦市盈率(PE)高過宏利，但係現時內地市場增長已不及以前咁勁，令兩間公司慨PE出現調整，加上宏利業績理想，雖然股價係咁升，但仍相對較平，兩者有比較之下，市場開始關注宏利。佢又話，由於友邦係恆指成分股，難免受制於恆指弱勢，繼而拖累友邦股價。 |
恒生銀行 , 港股 , 宏利金融－Ｓ , 碧桂園 , 公司業績 |
| 彭偉新 |
2024-03-01T10:23 |
資深證券分析師彭偉新推介心動公司(02400) 推介原因： -主要從事手機及網頁遊戲開發及營運 -毛利率屬行業中較高水平 建議買入價：14元 目標價：17.5元 止蝕價：13. |
企業評級 , 心動公司 |
| 彭偉新 |
2024-02-21T15:39 |
截至上午10時45分止，1小時內《彭博》用戶搜尋量最多港股，依次為中國海外發展(00688)、快手(01024)、周大福(01929)、美團(03690)、建設銀行(00939)。 人民銀行昨日(20日)下調5年期以上貸款市場報價利率(LPR)後，對內銀股利好及利淡參半，利淡係擔心淨息差及銀行利潤，高盛指，下調5年期以上LPR 25點子，內銀今年純利將減少最多6.5%，利好作用就係，可以改善房貸及政府債償還能力，減低系統性風險，匯豐證券就話，有助內銀資產質素改善。 資深證券分析師彭偉新表示，內銀一向估值低，例如建行息率高，市盈率(PE)就非常低，反映個別內銀股估值被嚴重低估，佢又話，如果內銀股慨生意維持到，息率就會keep到，唔會因為息差及收入下跌派唔到息，所以內銀股短線會有一個唔錯慨上升空間。 彭偉新續稱，若人行未來再減息，令息差進一步收窄，到時先會反映係股價上，現階段慨影響相對輕微。 |
建設銀行 , 內銀 , 美債 , 高盛 , 港股 |
| 彭偉新 |
2024-02-16T09:56 |
資深證券分析師彭偉新推介金沙中國(01928) 推介原因： -農曆年假期期間，訪澳旅客人數上升，澳門酒店入住率近90% -美高梅中國(02282)業績反映博企中場業務表現理想，賭收等均高於2019年初 -澳門博彩業復甦。 |
美高梅中國 |
| 彭偉新 |
2024-02-14T13:56 |
截至早上11時止，1小時內《彭博》用戶關注度上升最多首5隻港股，依次為美高梅中國(02282)、恆基地產(00012)、領展房產基金(00823)、港鐵公司(00066)、藥明生物(02269)。 美高梅開市前公布上季業績，經調整EBITDA(稅息、折舊及攤銷前盈利)虧轉盈，2023年全年收入勝市場預期，按年激增逾3倍至近247億元，股價今日(14日)高開2%後，愈升愈有，半日一度升逾7%至12.1元，創52周新高。 澳門1月賭收193億澳門元，超預期，資深證券分析師彭偉新認為，澳門依家丁財兩旺，農曆新年訪澳旅客量差唔多恢復至2019年水平，估計農曆年期間整體賭收會繼續向好。 Castor續指，美高梅率先上返2021年以來澳門博彩板塊慨相對高位，而同業去年賭收出乎意外地好，令市場重新關注賭股，相信其他股份會陸續受惠於行業復甦。 |
恒基地產 , 港鐵公司 , 公司業績 , 港股 , 地產 |
| 彭偉新 |
2024-02-07T13:52 |
截至早上11時止，1小時內《彭博》全球用戶關注度上升最多首5隻港股，依次為歐舒丹(00973)、華虹半導體(01347)、新鴻基地產(00016)、中芯國際(00981)、富力地產(02777)。 昨日(6日)市傳私募基金黑石集團(Blackstone)考慮收購後，歐舒丹今朝近乎平開後一度急升逾2%，高見28.5元，惟股價其後偏軟，半日收報27.9元。 不過，歐舒丹慨基金股東Butler Hall Capital表示，集團股價最少值45元，並支持集團到美國上市釋放價值。資深證券分析師彭偉新分析指，現時歐舒丹慨盈利增長能力麻麻，市場上平均睇28元，以多個估值方法計算，集團最高合理價值都係得44元，因此，唔認為公司被嚴重低估。 Castor預期，歐舒丹仲有約10%水位，升到30元已屬於高水平，唔建議現價追入。 |
新鴻基地產 , 富力地產 , 港股 , 中芯國際 , 地產 |
| 彭偉新 |
2024-01-24T15:22 |
【Now財經台】截至早上11時止，1小時內《彭博》用戶搜尋量最多港股，依次為長城汽車(02333)、快手(01024)、復星國際(00656)、中國石油化工股份(00386)及零跑汽車(09863)。 今日(24日)排行榜頭5位有兩只系車股，兩只都有利淡消息拖累股價逆市急插，其中，出左業績快報慨長汽去年少賺15%，營業收入更跌26%，拖累股價一度跌近10%，險守8元關口，跌至8個月低位，長汽股價系咪仲有排捱？ 資深證券分析師彭偉新表示，長汽股價短期仍然唔樂觀，如果RSI唔跌穿30水平，相信仲有機會反彈，因為短期有「跌過龍」慨情況，不過，一旦跌穿30水平呢個重要關口，股價會繼續向下，因為投資者要掟貨止蝕。 Castor又提醒，若長汽股價跌穿2023年低位，即7.77元水平，後果就非同小可，所以長汽現階段唔值博。 |
復星國際 , 石油 , 港股 , 中國石油化工股份 , 長城汽車 |
| 彭偉新 |
2024-01-19T10:18 |
【Now財經台】資深證券分析師彭偉新推介聯想集團(00992) 推介原因： -AI OS預期年內推出，有望為PC產業帶來2次技術變革 -52周股價累升逾63%，跑贏恆指 -機構投資者持股比率逾31%， |
聯想集團 , 港股 |
| 彭偉新 |
2024-01-17T14:23 |
【Now財經台】截至早上11時15分止，1小時內《彭博》用戶搜尋量最多港股，依次為商湯(00020)、國泰航空(00293)、領展房產基金(00823)、美團(03690)及快手(01024)。 科技股今日全軍覆沒，其中，以商湯跌得最甘，由蚊股慘變毫子股，其實之前集團創辦人離世已令投資者信心大減，商湯股價2024年開局至今已累跌逾18%，大幅跑輸大市，暫時似乎都睇唔到有任何股價催化劑，可以帶動股價反彈。 資深證券分析師彭偉新指，首先要定義返「反彈催化劑」，除非接到好大慨定單，或有知名投資者入股，令商湯發展回到正軌，做返市場好有期望慨人工智能(AI)業務，咁股價就可以大幅反彈。相反，如果冇夠份量慨好消息，股價都較難回升。 佢又話，1只股份慨升跌關鍵一般在於管理層，要有能力令市場相信佢地可以順利執行公司慨計劃，但商湯其中1位創辦人已經離世，市場仍未見到集團未來慨發展路向，所以股價一定會跌左落去。 |
國泰航空 , 港股 , 科技 , 領展房產基金 |
| 彭偉新 |
2024-01-10T12:28 |
【Now財經台】截至早上11時止，1小時內《彭博》全球用戶關注度上升最多首5只港股，依次為國泰航空(00293)、創科實業(00669)、中遠海控(01919)、萬科企業(02202)、中國石油化工股份(00386)。 國泰近期接連取消航班，今朝(10日)終於話已完成航班整合，逾96%受影響乘客獲安排替代航班。雖然集團係農歷新年長假期前成功「拆彈」，但股價仍然冇乜起色，今朝輕微低開後，持續偏軟，半日收報8.11元，跌1%。 資深證券分析師彭偉新認為，即使冇左取消航班呢個負面消息，股價上升空間仍然有限，估計2022年高位頂部，即9.2元水平，系市場預期慨最終反彈目標，而大行整體目標價8.5至10元亦係高位附近，好難吸引投資者重新入場。 |
國泰航空 , 石油 , 港股 , 中國石油化工股份 , 創科實業 |
| 彭偉新 |
2024-01-05T10:21 |
【Now財經台】資深證券分析師彭偉新推介東方海外國際(00316) 推介原因： - 馬士基(Maersk)暫停紅海航線，同業或跟隨 - 部分航線運費已大升1倍 - 股價去年8月至今累跌近14%， |
東方海外國際 |
| 彭偉新 |
2024-01-03T13:43 |
【Now財經台】截至早上11時止，1小時內《彭博》用戶關注度上升最多首5只港股，依次為舜宇光學(02382)、騰訊控股(00700)、萬科企業(02202)、復星國際(00656)、港交所(00388)。 至於第6至10位，依次為中國銀行(03988)、永利澳門(01128)、快手(01024)、新世界發展(00017)、建設銀行(00939)。 隔晚巴克萊銀行(Barclays)因為唔睇好iPhone需求前景，而下調蘋果公司(Apple)美股評級至「減持」，拖累蘋果股價收市跌3%。今朝港股入面，蘋果供應鏈相關企業慨股價普遍向下，其中舜宇低開逾1%後，曾急插4%，低見64.65元。 資深證券分析師彭偉新認為，內地以往系蘋果其中一個主要市場，但當地經濟緩慢復蘇，加上最新推出慨iPhone 15性能同硬件配置冇大升級，自然刺激唔到一般消費者去換機。 不過，Castor指出，舜宇唔系主力供貨畀蘋果，iPhone慨需求前景唔好對公司慨影響相對較小，而公司股價已經回落到100天線附近，佢預期投資者唔會希望股價跌穿，相信消息觸發唔到新沽壓，舜宇短線有機會企穩返。 |
新世界發展 , 復星國際 , 港股 , 騰訊控股 , 建設銀行 |
| 彭偉新 |
2023-12-27T13:17 |
【Now財經台】截至早上11時止，1小時內《彭博》用戶關注度上升最多首5只港股，依次為騰訊控股(00700)、比亞迪股份(01211)、新世界發展(00017)、碧桂園(02007)、小米集團(01810)。 騰訊、網易(09999)等游戲股上周五(22日)急挫後，周一(25日)收到內地發布進口及本地游戲版號慨消息做聖誕禮物，加上監管機構最新表示會視乎社會反應完善有關「課金」獎勵制度慨監管規例，今日騰訊股價得以反彈，高開近3%後，早段曾升逾6%，高見291元，但未能重上300元大關。 有券商指，上周五騰訊股價大跌系市場反應過度。資深證券分析師彭偉新則認為，當時唔少投資者選擇先離場觀望導致騰訊跌勢較急，但唔可以話投資者過分憂慮，因為市場可能系趁有新慨負面消息而一次過反映所有負面因素。 Castor續指，負面因素未完全消除，而且監管政策或多或少會影響盈利，券商稍後或會下調股份目標價。雖然今日有投資者撈低而令股價反彈，但佢估計呢輪反彈未必可以收復上周五重挫後慨失地。 |
新世界發展 , 港股 , 騰訊控股 , 比亞迪股份 , 碧桂園 |
| 彭偉新 |
2023-12-22T11:05 |
【Now財經台】資深證券分析師彭偉新推介中國海洋石油(00883) 推介原因： - 雖然首6個月少賺約11%，但主要受平均油價較低影響 - 中東地區政局緊張對明年上半年油價有支持， |
石油 , 中國海洋石油 |
| 彭偉新 |
2023-12-20T13:32 |
【Now財經台】截至早上11時止，1小時內《彭博》用戶關注度上升最多首5只港股，依次為華能國際電力股份(00902)、中國平安(02318)、華南城(01668)、騰訊控股(00700)、李寧(02331)。 內地電力數據陸續出爐，加上當地遭遇入冬以來最強寒潮，全國用電需求處於歷史高位，電力股AH股齊齊炒起，其中華能國電高開1%後，早段曾升逾4%，高見4.22元。內地氣象部預料再有一股冷空氣南下，下周六(30日)氣溫才回升，電力股系咪仲有上升空間？ 資深證券分析師彭偉新認為，除左寒流呢類季節性因素短線推動股價，上月內地工業生產值回升反映當地工業開始復蘇，有利整體用電需求上升。此外，煤價已經恢復到比較合理慨價格水平，而且最近整體發電量數據較預期好，有助減輕電力股慨毛利壓力。 Castor續指，華能國電自年初由低位拾級而上，目前已經形成上升型態，相信眾多消息可以助力股價進一步升至4.5元水平。 |
中電力 , 港資流向 , 港股 , 騰訊控股 , 華能國際電力股份 |
| 彭偉新 |
2023-12-06T14:57 |
【Now財經台】截至早上11時止，1小時內《彭博》用戶關注度上升最多港股，依次為金沙中國(01928)、太古A(00019)、太古地產(01972)、藥明生物(02269)及微創醫療(00853)。 金沙母企計劃斥資近20億元增持公司股份，以昨日(5日)收市價20.2元計，涉及約9660萬股，系咪反映20元水平真系已經見底？金沙股價一度升近6%，高見21.4元，系咪受增持消息帶動？ 資深證券分析師彭偉新指，暫時好難評估金沙股價系咪見左底，公司回購慨目的系頂住股價，唔好繼續跌，消息一出，股價隨即企穩之余，仲升得唔錯，但好難評估仲有幾多水位，依家市場目標價最牛睇34元，但合理價應介乎23.7元至28元，上望空間就介乎13%至30%。 Castor又話，要到新年先有賭收數據，新年前如果純粹炒賣，就好難扭轉近期弱勢，今次母企計劃增持，即使市場睇淡，但估計都唔會沽得太多，股價暫時係50天線有較大阻力，如果想再進一步向上突破，一定要更多利好因素。 |
大股東動作 , 地產 , 港股 , 太古股份公司Ｂ , 生物 |
| 彭偉新 |
2023-11-29T13:27 |
【Now財經台】截至早上11時止，1小時內《彭博》用戶關注度上升最多港股，依次為阿里巴巴(09988)、比亞迪股份(01211)、碧桂園(02007)、匯豐控股(00005)、萬科企業(02202)。新聞量大升股份方面，依次為阿里健康(00241)、恆大物業(06666)、中國奧園(03883)、中集車輛(01839)及歐舒丹(00973)。 中集車輛今朝復牌，公司計劃退市及撤銷上市地位，回購價7元，較停牌前有約9%溢價，總代價10.27億元，對小股東系咪好事？ 資深證券分析師彭偉新指，通常股份成功退市或私有化，市場認可慨作價系停牌前股價1.3倍，即有溢價約30%，投資者先會接受，所以今次只有9%溢價，投資者未必會接受，退市有一定難度，而對小股東黎講，回購價咁低其實唔太吸引。 |
匯豐控股 , 中國奧園 , 港股 , 比亞迪股份 , 阿里巴巴 |
| 彭偉新 |
2023-11-24T09:42 |
【Now財經台】資深證券分析師彭偉新推介中軟國際(00354) 推介原因： -雖然系統性風險高於大市，但在市況有望好轉下，股價勢跑贏大市 -未來5年年復合盈利增長逾28% -估值不算貴， |
豐城控股 |
| 彭偉新 |
2023-11-22T13:04 |
【Now財經台】截至早上11時止，1小時內《彭博》用戶關注度上升最多首5只港股，依次為百度集團(09888)、阿里巴巴(09988)、比亞迪股份(01211)、中國恆大(03333)、匯豐控股(00005)。 百度昨晚(22日)公布慨第3季業績扭虧為盈，收入、純利都高過市場預期，今朝股價反應唔錯，一度升6%，高見114.2元，中午收市仍升5%，百度系咪終於打破近期績優股不升反跌慨宿命？ 資深證券分析師彭偉新指情況唔同，小米集團(01810)等績優股放榜後向下，主要系業績前已傳出唔少正面利好消息，投資者已偷步炒高股價，百度最新表示，今季「文新一言」人工智能(AI)大模型有望開始貢獻盈利，有利後市股價。 Castor續指，大行給予百度目標價平均約175元，距離現價仲有約60%水位，認為預測唔算進取。佢解釋指，百度由去年10月約75.2元沖上至今年2月高位166.3元後，累計已回調逾61%，今日出現1支大陽燭，仲補埋10月19日慨下跌裂口，相對強弱指數(RSI)又回升，反映技術走勢已經轉強，只要股價短線升穿50天線，即106元水平後，就可以視為完成回調，下一站可以留意145元。 |
匯豐控股 , 公司業績 , 公司業績 , 港股 , 比亞迪股份 |
| 彭偉新 |
2023-11-15T14:45 |
【Now財經台】截至早上11時止，1小時內《彭博》用戶關注度上升最多港股，依次為騰訊控股(00700) 、融創中國(01918)、碧桂園(02007)、美團(03690)、萬科企業(02202)。 市傳中央有萬億措施撐樓市，擬透過「3大工程」穩住樓市，但唔系直接泵水畀內房還債，萬億穩樓市措施對內房幫助有幾大？ 資深證券分析師彭偉新指，一定對經濟有效用，亦會產生連鎖反應，而呢1萬億慨投放時機亦非常重要，因大部分內房手頭資金只夠1至2年營運，加上內房不景氣情況持續，若資金到位時間慢，對內房幫助唔大，甚至未必撐得住。 至於措施會唔會幫到民企，Castor就話，要視乎有冇足夠資金，即使人行投放萬億資金做基建，都會要求相關企業有足夠資金支付原材料費，估計銀行肯借錢畀陷入財困慨民企機會唔大，因此，可能只有個別民企可以參與。 |
美債 , 港股 , 內房 , 騰訊控股 , 碧桂園 |
| 彭偉新 |
2023-11-10T10:15 |
【Now財經台】資深證券分析師彭偉新推介泰格醫藥(03347) 推介原因： -短線走勢已跑贏中期走勢，有望進一步向好 -第3季盈利急升2.3倍，今年全年預期盈利有望急升 -機構投資者持股比率79.29%， |
泰格醫藥 |
| 彭偉新 |
2023-11-08T13:00 |
【Now財經台】截至早上11時止，1小時內《彭博》用戶關注度上升最多首5只港股，依次為阿里巴巴(09988)、騰訊控股(00700)、萬科企業(02202)、新奧能源(02688)、小米集團(01810)。 新上榜慨新奧今朝股價一度跌逾3%，低見58.9元，因集團開市前出通告，提出今日(8日)起計1個月內，回購最多1.5億美元2030年到期慨優先票據。 資深證券分析師彭偉新分析指，新奧回購票據有助去槓桿，以及減少未來整體利息支出，對公司黎講應該系好事，但點解股價今朝受壓？Castor認為，可能系市場睇淡新奧前景，認為集團都預期未來冇乜發展機會，先會用手頭資金買返票據。 Castor又指，新奧股價近月一直受制於50天線，反彈乏力，相信股價一日未破50天線，投資者都唔會吼呢只股份。 |
港股 , 能源 , 騰訊控股 , 阿里巴巴 , 科技 |
| 彭偉新 |
2023-11-01T12:55 |
【Now財經台】截至早上11時止，1小時內《彭博》用戶關注度上升最多港股，依次為比亞迪股份(01211)、萬科企業(02202)、騰訊控股(00700)、友邦保險(01299)及美團(03690)。 比亞迪昨日(10月31日)出業績後股價「見光死」，明明同盈喜差唔多，就連大行都話毛利率有驚喜，但股價係放榜後持續受壓，今日跌系因為「股神」巴菲特再減持比亞迪H股，持股量降至不足8%，其實「股神」不斷減持，加上減持步伐又慢左，點解仍會拖累比亞迪股價？ 資深證券分析師彭偉新認為，「股神」減持令市場街貨多左，加上電動車股近排弱勢，Tesla股價更失守200美元，都令比亞迪股價受壓。 Castor又指，雖然比亞迪有一定市占率，海外市場亦系未來重要增長點，但減價賣車仍無可避免，呢些利淡因素仍然存在。雖然比亞迪業績勝預期，但由於港股仍然反覆，利好消息唔能夠推升股價之余，更成為「見光死」慨原因。 |
公司業績 , 港股 , 騰訊控股 , 比亞迪股份 , 公司業績 |
| 彭偉新 |
2023-10-27T10:01 |
【Now財經台】資深證券分析師彭偉新推介中國海洋石油(00883) 推介原因： -油價持續高企 -股份派息吸引 建議買入價：13元 目標價：16.2元 止蝕價：12.6元 彭偉新 資深證券分析師 相關股票 編號 名稱 00883 中國海洋石油 相關文章 【北水手影】淨入22.3億 撈李寧美團 沽騰訊快手 15小時前 港股高開低走收彈93點 降印花稅港交所反挫逾4% 2023/10/25 17:00 港股急回吐曾僅升9點 納指期貨挫近1% 2023/10/25 15:31 【盤房來料】《施政報告》未為大市帶來驚喜 2023/10/25 14:33 港股半日升200點 石油電訊股捱沽 2023/10/25 12:35 港股升幅曾縮至254點 聯通三桶油捱沽 2023/10/25 11:40 港股仍升400點 科指曾飆5% 網易漲逾6% 2023/10/25 10:14 【異動股】中海油跌1.8% 首三季盈利跌10% 2023/10/25 09:56 【業務展望】中海油:資本開支預算增至最多1300億人幣 2023/10/24 19:15 【北水手影】淨入23.2億 買美團小鵬 |
石油 , 中國海洋石油 , 企業評級 |
| 彭偉新 |
2023-10-25T12:46 |
【Now財經台】截至早上11時止，1小時內《彭博》用戶關注度上升最多首5只港股，依次為港交所(00388)、阿里巴巴(09988)、騰訊控股(00700)、比亞迪股份(01211)、新鴻基地產(00016)。 港交所第3季業績略勝預期，加上市場憧憬《施政報告》會下調股票印花稅，支持股價早前回升。不過，行政長官李家超11點開始宣讀《施政報告》，港交所股價隨即急回1%，中午收市時靠穩，報288.6元。 政府最終宣布，將會下調股票印花稅至原來慨0.1%，僅符合市場預期。資深證券分析師彭偉新認為，消息唔會刺激到港交所股價向上動力，又預期市場將進一步調低港交所估值。 Castor續指，近月北水占港交所慨持股比例大增，由8月底慨4.97%升至昨日(24日)慨6.1%，而股份上晝已經開始倒跌，相信唔少資金會趁政策公布後減持，預期股價要繼續試低位。 |
新鴻基地產 , 港股 , 騰訊控股 , 比亞迪股份 , 阿里巴巴 |
| 彭偉新 |
2023-10-18T13:42 |
【Now財經台】截至早上11時止，1小時內《彭博》用戶關注度上升最多港股，依次為比亞迪股份(01211)、聯想集團(00992)、騰訊控股(00700)、碧桂園(02007)、友邦保險(01299)。 至於第6至10位依次為萬科企業(02202)、美團(03690)、小米集團(01810)、港交所(00388)、中國銀行(03988)。 兩年前，小米宣布開展新能源車業務，昨日(17日)獲泰國總理邀請加大當地投資，包括電動車業務，不過，小米仲未拿到係內地生產電動車慨經營牌照，呢個電動車新勢力有冇力趕上其他電動車企？ 資深證券分析師彭偉新指，要視乎小米投入幾多錢，雖然最近推出慨原型樣車外型靚，但要銷量高就要出傳統車款類型，不過，小米暫時唔會出呢些車款。佢又話，要留意幾時出呢類型原型樣車模型，因為要計算生產成本，亦要同市場其他電動車品牌比較，睇下需唔需要加入減價戰。 |
港股 , 能源 , 騰訊控股 , 聯想集團 , 比亞迪股份 |
| 彭偉新 |
2023-10-13T09:42 |
【Now財經台】資深證券分析師彭偉新推介新世界發展(00017) 推介原因： - 出售新創建後有助改善財務水平 - 股價走勢或已近見底 建議買入價：15元 目標價：16.8元 止蝕價：14.2元 彭偉新 資深證券分析師 相關股票 編號 名稱 00017 新世界發展 相關文章 【焦點股】彭博估樓價或再林10%負資產飆升 磚頭股驚唔驚？ 20小時前 【財經TOP SEARCH】碧桂園「干塘」火燒連環船 2023/10/10 14:34 【專家分析】樓市「減辣」或三缺一？ 2023/10/06 17:24 【財經TOP SEARCH】北水下周回歸救唔救到港股成交？ 2023/10/06 13:09 【焦點股】本地地產股繼續炒施政報告「減辣」憧憬 2023/10/06 10:33 【交投淡靜】恆指升18點 成交縮至470億逾4年最少 2023/10/05 17:02 【財經TOP SEARCH】融創通過境外債務重組提振內房信心 2023/10/05 12:30 【北水未回歸】恆指干跌135點 成交縮至僅576億 2023/10/04 |
新世界發展 , 民銀資本 , 企業評級 |
| 彭偉新 |
2023-10-11T14:56 |
【Now財經台】截至早上11時止，1小時內《彭博》用戶關注度上升最多港股，依次為美團(03690)、騰訊控股(00700)、舜宇光學(02382)、匯豐控股(00005)、阿里巴巴(09988)。 港股今日升勢持續，科網股成升市火車頭，上榜慨美團、騰訊同阿里都收復20天線，但騰訊及阿里開左支陰燭，美團就繼續造好，連升4日，呢3只科網股之中，邊只前景最好？ 資深證券分析師彭偉新指，以值博率黎講，美團係短線慨反彈力力度系最強，因為市場早前擔心主要股東減持，令股價持續插水，但被沽過龍，美團股價企穩兼出現反彈，便會有大量資金湧入，帶動美團持續反彈，加上美團今日慨相對強弱指數(RSI)企穩50以上，釋出短期造好訊號。 Castor又話，美團股價向上突破後，可留意後市可唔可沖破50天線，上望127元水平。 |
匯豐控股 , 港股 , 騰訊控股 , 阿里巴巴 , 科技 |
| 彭偉新 |
2023-10-04T13:36 |
【Now財經台】截至早上11時止，1小時內《彭博》用戶關注度上升最多港股，依次為友邦保險(01299)、新世界發展(00017)、騰訊控股(00700)、比亞迪股份(01211)及融創中國(01918)。 友邦股價暫時連升3日，今朝開市前有大手上板，涉資近2億元，股價一度升2%，半日收報65.15元，現水平系咪值得撈底？ 資深證券分析師彭偉新表示，友邦之前跌過龍，大市跌到現水平，資金開始買返估值跌得太平慨股份，友邦系其中一。 此外，有投資者憂慮，美國債息高企會不利友邦持有債券慨價格，Castor指，會計准則要求按市場計價(mark-to-market)，因此，當息口向上，會提升集團慨投資收益同資產總值。 不過，佢續指，由於保險公司系用客戶保金去做長期投資，本質非炒賣，所以友邦按道理應該要楂到票據到期為止，市場波動唔會影響最終慨收益。 |
新世界發展 , 美債 , 港股 , 騰訊控股 , 比亞迪股份 |
| 彭偉新 |
2023-09-27T13:08 |
【Now財經台】截至早上11時止，1小時內《彭博》用戶關注度上升最多港股，依次為中國恆大(03333)、騰訊控股(00700)、碧桂園(02007)、友邦保險(01299)及美團(03690)。 據《彭博》引述消息人士報道，恆大主席許家印本月較早時間被警察帶走，現正被監視居住。此外，據《路透》引述消息指，若恆大下月底仍未提交新境外債務重組計劃，部分債權人擬加入清盤呈請，係咁多負面消息下，點解今朝恆大股價竟然有得升？ 資深證券分析師彭偉新表示，要解釋呢個異動現象，就要留意北水對恆大慨態度，並指集團復牌後，北水持股比例由7月慨9.92%減至昨日(26日)慨8.17%。佢認為，雖然北水未必急住掟貨以免推林股價，但當股價一被谷高，佢地慨減磅力度就會好明顯。 Castor續指，睇返恆大基本面，睇唔到公司有咩前景，相信市場只系見今朝出爐慨內地8月工業企業利潤有明顯增長，同埋大市反彈夾高股價。 |
美債 , 港股 , 騰訊控股 , 碧桂園 , 科技 |
| 彭偉新 |
2023-09-20T12:56 |
【Now財經台】截至早上11時止，1小時內《彭博》用戶關注度上升最多港股，依次為騰訊控股(00700)、碧桂園(02007)、比亞迪股份(01211)、新奧能源(02688)及快手(01024)。 新奧股價暫時已連升第7日，今朝愈升愈有，更突破20天線，即62.6元水平，中午收報64.25元，升逾3%。花旗指，依家系買入新奧慨好時機，到底有咩因素可帶動股價持續向上？ 資深證券分析師彭偉新指，新奧8月下旬公布中期業績後，股價大跌，其後控股股東密密增持，噚日又公布用最多1億美元，係市場購回股份作獎勵計劃，認為公司趁低價吸納，令市場留意到公司估值已去到超值水平，吸引部分資金入場。此外，北水過去1周「眷顧」燃氣股亦對新奧股價有支持。 Castor又話，新奧股價今日升穿20天線，估計短期會進一步上升，如果以5月高位回落而形成慨跌幅，即逾38%作反彈目標，股價有望彈上77.5元水平。 |
港股 , 能源 , 騰訊控股 , 比亞迪股份 , 碧桂園 |
| 彭偉新 |
2023-09-15T09:51 |
【Now財經台】資深證券分析師彭偉新推介中國石油化工股份(00386) 推介原因： - 市場對今年盈利增長預期逾13% - 過去12個月市盈率(PE) 8.33倍，仍然偏低 - 大戶坐貨比率逾15%， |
石油 , 中國石油化工股份 |
| 彭偉新 |
2023-09-06T16:02 |
【Now財經台】截至早上11時止，1小時內《彭博》用戶關注度上升最多港股，依次為融創中國(01918)、碧桂園(02007)、中國恆大(03333)、騰訊控股(00700)及新世界發展(00017)。 內房股今日爆升，其中，融創半日最多飆68%，高見2.66元，碧桂園、恆大亦一度升18%及34%。 內地官媒《證券時報》評論文章指，樓市供求關系改變，限制性政策已不合時宜。 資深證券分析師彭偉新認為，中央好想樓市回暖，但內地存在「不可能的三角」，唔想樓價升，咁點吸引人去買樓，另一方面又唔想樓價跌，因為銀行會受壓，解除限購限售，推出認房不認貸，都冇辦法令人願意再買樓，依家內房慨情況相比10年前嚴峻左好多，始終內地整體經濟已經冇10年咁興盛，內地居民買樓前都要考慮有冇能力供樓，其次系唔少內房慨項目仲未封頂，所以動用唔到托管資金用黎還債等，導致短期資金仍然緊張，因此，依家慨政策只能谷起內房股價，解決唔到資金不足慨問題。 Castor續指，除非容許內房可以將之前收到慨預售樓花資金，全部拿曬出黎還債或找數等，就可以解決到短期資金不足問題，但相信中央對呢個方法有一定考慮。 |
新世界發展 , 港股 , 內房 , 騰訊控股 , 碧桂園 |
| 彭偉新 |
2023-08-18T09:44 |
【Now財經台】資深證券分析師彭偉新推介比亞迪股份(01211) 推介原因： - 出車量跑贏一眾同業 - 過去5年的平均Beta值為0.65， |
比亞迪股份 |
| 彭偉新 |
2023-08-16T12:52 |
【Now財經台】截至早上11時止，1小時內《彭博》用戶關注度上升最多港股，依次為碧桂園(02007) 、騰訊控股(00700)、比亞迪股份(01211)、友邦保險(01299)及美團(03690)。 港股持續尋底，資金炒股唔炒市，上榜慨騰訊今日收市後會出業績，集團游戲業務方面有好消息，《王者榮耀》再蟬聯全球游戲收入榜首位，而市場對騰訊慨業績預測唔差，系咪應該依家做部署？ 資深證券分析師彭偉新指，騰訊業績應該唔差，關鍵系下半年整體狀況有冇進一步轉弱，因為市場開始擔心經濟回落，騰訊部分收入來自網上廣告，會對收益構成一定程度慨負面壓力。佢又指，就算騰訊第2季交到一份令市場對未來有較大憧憬慨成績表，亦未必令投資者即時對集團整體前景有好正面睇法。 Caster續指，唔少大行最少下調騰訊目標價3%，雖然下調幅度唔大，但市場會認為大行都系睇淡，加上內地最新出爐慨「三頭馬車」等經濟數據唔理想，即使騰訊第2季業績好過預期，相信都對股價冇太大幫助。 |
港股 , 騰訊控股 , 比亞迪股份 , 碧桂園 , 企業評級 |
| 彭偉新 |
2023-08-09T13:07 |
【Now財經台】截至早上11時止，1小時內《彭博》用戶關注度上升最多港股，依次為碧桂園(02007)、阿里巴巴(09988)、理想汽車(02015)、騰訊控股(00700)及友邦保險(01299)。 碧桂園冇如期償還兩筆債息，合共2250萬美元，折合約1.8億港元，雖然有30日寬限期，但違約風險大增。上周市傳集團突然煞停23億港元配股計劃，噚日就傳出畀唔到債息後，集團亦好快承認周轉困難，股價今朝一度再急插近9%，半日收報1.08元，仍跌4%。 資深證券分析師彭偉新相信，碧桂園有足夠現金支付債息，但還息後可能唔夠營運資金，並指現時銀行唔會輕易批出信貸額，估計集團未來或發行新股集資，但要比上次計劃配股慨折讓幅度，即近18%更大，先吸引到投資者，甚至減持或出讓其他上市項目股權，同屬藍籌慨碧桂園服務(06098)，預期股價短期會繼續受壓。 恆指季檢結果下周五(18日)出爐，但Castor認為，恆指公司唔會現階段踢走碧桂園系，因為一旦剔出呢家內房龍頭，市場對其他內房慨前景會變得更負面。 |
港股 , 新股IPO , 美債 , 內房 , 騰訊控股 |
| 彭偉新 |
2023-08-04T10:03 |
【Now財經台】資深證券分析師彭偉新推介銀河娛樂(00027) 推介原因： - 7月博彩入達167億澳門元，前景逐步回穩 - 澳門6月入境訪客量恢復到疫情前約70%水平， |
銀河娛樂 |
| 彭偉新 |
2023-07-26T15:19 |
【Now財經台】截至早上11時止，1小時內《彭博》用戶關注度上升最多港股，依次為碧桂園(02007)、阿里巴巴(09988)、小鵬汽車(09868)、龍湖集團(00960)及騰訊控股(00700)。 噚日升得好靚慨新能源車股，今日就「死火」，其中，上榜慨小鵬噚日勁升12%，但今日中午收市前已經跌6%，市場見噚日氣氛咁好，原本諗住可以追大落後慨其他車股，今朝都無以為繼，其實追落後系咪都唔劃算？ 資深證券分析師彭偉新指，過去兩年，部分汽車股扭虧為盈，中央亦有措施支持新能源車企，但仍要面對唔同問題，例如消費者短期內唔會再買車、購置稅減免正面作用唔能夠持續，以及減價戰拖累業績等，呢些都系導致新能源車股回調慨主因，Castor建議，可以等呢些股份回調後先重新買貨。 |
公司業績 , 港股 , 能源 , 騰訊控股 , 阿里巴巴 |
| 彭偉新 |
2023-07-21T10:12 |
【Now財經台】資深證券分析師彭偉新推介中國電信(00728) 推介原因： -股價過去52周累升逾40%，短期走勢轉強 -早前與內地企業合作推出AI相關的業務發展 -預期股息率約5.7厘， |
中國電信 |
| 彭偉新 |
2023-07-18T13:54 |
【Now財經台】截至早上11時止，1小時內《彭博》用戶關注度上升最多港股，依次為中國恆大(03333)、遠洋集團(03377)、龍湖集團(00960)、騰訊控股(00700)及碧桂園(02007)。 去年初開始停牌慨恆大終於出到業績，兩年合共蝕超過5800億人仔，總負債2.4萬億人仔，加上最新出爐經濟數據顯示，反映內房情況仍然嚴峻，其實第1及第2季期間，內房銷售曾經有過起色，但最終無以為繼，系咪中央唔主動出手，內房都無可能翻身？ 資深證券分析師彭偉新指，內地居民對房屋慨剛性需求，唔足以撐起整個內房市場，市場亦預期，內房股下跌周期會較長，內房持續受破產風險困擾，令投資者擔心內房冇足夠資金支持營運，營運困難外，龐大負債亦令市場憂慮，所以最終都系要靠中央出手，佢又坦言，內房情況短期仍然唔太樂觀。 |
港股 , 內房 , 騰訊控股 , 碧桂園 , 遠洋集團 |
| 彭偉新 |
2023-07-11T13:35 |
【Now財經台】截至早上11時止，1小時內《彭博》用戶關注度上升最多港股，依次為世茂集團(00813)、碧桂園(02007)、銀河娛樂(00027)、騰訊控股(00700)及普拉達(01913)。 恆指公司上周六宣布，外國公司今年11月起可納入恆指及科指，「染藍」憧憬帶動普拉達及新秀麗(01910)呢兩日大升，其中，普拉達今朝一度升6%，高見57.7元，沖上逾1個月高位，暫時系今朝榜上表現最好慨股份。 資深證券分析師彭偉新認為，如果普拉達最終獲納入指數，會吸引更多投資者關注呢只股份，並指臨近中午收市前已有逾1150萬元資金流入普拉達，唔少系來自大戶投資者。 Castor續指，大戶流入資金慨整體追貨率達18%，若比率上升至20%以上，反映投資者系睇好普拉達慨長線表現而坐貨，有望擴大股價上升空間。 |
港股 , 港資流向 , 銀河娛樂 , 騰訊控股 , 碧桂園 |
| 彭偉新 |
2023-07-07T10:12 |
【Now財經台】資深證券分析師彭偉新推介中國海洋石油(00883) 推介原因： -平均Beta值為0.97，系統性風險略低於大市 -今年純利料倒退17%，因油價回落至70美元水平，估值仍偏低 -機構投資者持股比率5.57%， |
石油 , 中國海洋石油 , 美元 |
