評論員 |
時間 |
內容 |
標籤 |
關焯照 |
2024-03-15T16:39 |
美國2月消費物價指數(CPI)及生產物價指數(PPI)略超預期,令市場認為美國通脹黏性頗強,PPI出爐後,利率期貨顯示聯儲局6月減息預期輕微降溫,有分析指,反映局方唔急於減息,睇返現時慨情況,係咪不宜對6月開始減息太樂觀?月底出爐慨個人消費支出(PCE)物價指數又有幾重要? 冠域商業及經濟研究中心主任關焯照指,CPI重要性低過PCE,CPI主要反映市場趨勢,美國核心及非核心CPI都高過預期,PPI就處於低水平,但要留意有低基數效應,所以PPI未來有可能回升至2%或以上,跟疫情前相若。 關博士又提及,CPI反映美國通脹黏性,預期租金會持續回落,但速度會較慢,依家租金佔CPI約44%,佔PCE則約20%,所以租金對PCE影響較細。 至於聯儲局今年減息次數,佢預期,可能只減兩次息,即使6月減息,但再下一次減息就要等到大選後,避免經濟反彈。 |
|
關焯照 |
2024-02-16T15:52 |
美股、日股及台股表現強勢,主要係受惠於人工智能(AI)熱潮,帶動相關概念股造好,繼而推升大市,美股方面,雖然龍頭英偉達(Nvidia)股價昨晚(15日)回套,但超微電腦(SMCI)股價9連升,更衝破1000美元,美銀證券預期,未來3年AI伺服器年均複合增長率可達50%,不過,股價升到咁癲,AI板塊有冇出現泡沬慨跡象? 冠域商業及經濟研究中心主任關焯照指,短期係會出現泡沬,始終股價升得太誇張,個別晶片股如SMCI跑得特別快,市值不斷被炒高,令市場睇好成個板塊,令股價繼續向上,但整體而言,成個AI板塊只係岩岩見到「綠芽」。 關博士又話,AI科技股有好大影響力,所以唔可以低估今輪升浪,投資者不妨留意Nvidia下周三(21日)出左季績後,股價有冇機會升至1100美元。 |
科技 , 美元 , 美股 |
關焯照 |
2024-01-26T16:16 |
【Now財經台】國資委開記招講國企重組,甚至升職都要睇國企業績,中特估概念股近日成功翻炒,中國海洋石油(00883)股價破曬頂,另一只資源相關股中鋁國際(02068)昨日(25日)更顛升逾70%,中特估概念股應該點揀好?應該長楂或短炒? 冠域商業及經濟研究中心主任關焯照認為,應該畀呢些股份抖一抖,因為行得好快,其實國企改革好多季之前已經炒左,睇返中國移動(00941)走勢,雖然有2至3季靜左落黎,雖然依家破頂,但低過之前個頂,低過70元,走勢系咪系咁勁?所以都要小心。 佢又話,好彩都有鞭策國企楂弗人,叫佢地睇實股價、做好業績,反而令市場人士有返些信心,如果業績好派多些息。 |
中國海洋石油 , 石油 , 中國移動 , 中國鋁業 , 資源 |
關焯照 |
2024-01-12T17:59 |
【Now財經台】英偉達(Nvidia)股價昨日(11日)再破頂,連升6日,累升15%,集團同印度數據中心營運商(Yotta)達成協議,Yotta會向Nvidia買入總值10億美元慨人工智能(AI)晶片,估計2025年3月付運。《彭博》綜合分析員12個月目標價睇648美元,Nvidia有冇機會到價? 冠域商業及經濟研究中心主任關焯照表示,其實Nvidia目標價個別睇到680至720美元,睇返集團每股盈利(EPS)後,每季慨增長都十分可觀,係強勁慨AI浪潮下,唔同范疇慨需求都好大,Yotta系其中一個例子,Nvidia慨晶片絕對唔憂賣。 關博士提醒,Nvidia生產水准(Capacity constraint)唔似Tesla,貨運量、生產量都有限,但Nvidia可以將晶片制造外判,集團發展空間十分龐大,所以目標價可以睇得更高。 關焯照 冠域商業及經濟研究中心主任 |
美元 , 佳寧娜 , 天元醫療 , 企業評級 |
關焯照 |
2023-12-22T18:29 |
【Now財經台】中午內地突然爆出諮詢文件,話要限制網絡游戲慨課金系統,監管政策突然180度轉變,搞到騰訊控股(00700)同網易(09999)股價大跳水,騰訊更創逾52周新低。 冠域商業及經濟研究中心主任關焯照重申,千祈唔好掂ATM等重磅科網股,包括阿里巴巴(09988)、美團(03690),指內地打壓平台經濟超過2年,而目前仍然睇唔到有消停慨一日,加上當局不斷收緊監管下已經「搾干」呢類科網股慨估值,唔可以好似前幾年當佢地系高增長股咁樣炒。 不過,關博士表示,唔少恆指其他成分股表現好過ATM,先撐得住恆指未跌穿16000點,又話即使港股估值平,都唔好只買某幾只重磅股,要分散投資來減低ATM拖累大市慨風險,而近日大跌市中可見盈富基金(02800)持倉量愈來愈多。 |
港股 , 騰訊控股 , 阿里巴巴 , 盈富基金 , 科技 |
關焯照 |
2023-12-08T15:53 |
【Now財經台】評級機構穆迪近日連環出手,降完中國評級展望後,又降埋香港及一批內地和香港企業評級展望,拖累港股一度跌到16000點邊緣,今輪跌浪中,藍籌友邦保險(01299)跌足10日後,今日終於回穩,上返64元,點解友邦會跌到咁?現價值唔值得買入? 冠域商業及經濟研究中心主任關焯照指,友邦應該可以企穩62元水平,依家系入手好時機,友邦呢一浸跌勢明顯系有人收到風,ATM都已經郁緊,加上美團(03690)等因素,於是順勢推落去。 關博士又話,友邦本身有正面因素支持,理論上走勢唔會咁,佢認為友邦股價應該跌夠,而大部分不利消息都出曬,後市應該係現水平開始反彈,估計年底可以見66元、68元。 |
港股 , 企業評級 , 友邦保險 |
關焯照 |
2023-12-01T16:04 |
【Now財經台】美股今年強勢,標普500指數11月升近9%,彭博話近9%慨單月升幅,自1928年以來次數唔夠十次,外媒形容是「世紀行情」,咁強系因為通脹預期降,油價、長息回落,目前美國通脹及需求降溫慨趨勢,系咪可以持續?經濟最終又會否衰退? 冠域商業及經濟研究中心主任關焯照指,市場預期明年會「軟著陸」,經濟增長接近零,以目前經濟放緩走勢黎睇,預計之後幾個月通脹會繼續慢慢回落,提醒唔好對回落速度有太大期望。 佢又話,如果經濟出現衰退,通脹回落慨速度會增加,有機會會跌到落3%以下。 關焯照 冠域商業及經濟研究中心主任 |
美股 |
關焯照 |
2023-11-10T17:41 |
【Now財經台】雖然英偉達(Nvidia)未出第3季業績,但股價近日由400美元一度炒上480美元水平,據英國《金融時報》報道,Nvidia再為中國「度身訂造」3款性能較低慨人工智能(AI)晶片,目的系避開美國政府禁令。此外,被市場稱為「元宇宙第一股」慨Roblox上月初登陸Playstation後,股價裂口上升,而數據分析軟體公司Palantir亦系季績後裂口上升慨股份,呢些股份系咪都值得睇好? 冠域商業及經濟研究中心主任關焯照指,Nvidia針對中國市場開發新晶片,目的系減低美國新規對銷售慨影響,加上依家AI系全球經濟主軸,同AI有關慨公司都比較賺錢,佢估計,Nvidia股價未來有機會升穿500美元。 關博士又話,Roblox股價時好時壞,但10月初登陸Playstation後,加上業績理想等因素,令到股價升得唔錯,至於Palantir從事AI及軟件相關業務,最近又拿到政府合約,業績亦持續改善,加上食正AI熱,都可以繼續睇好呢些股份。 關焯照 冠域商業及經濟研究中心主任 |
美元 |
關焯照 |
2023-10-27T16:05 |
【Now財經台】過往同債息同步慨股份,系咪應該開始要避開,例如下周一(30日)出業績慨匯豐控股(00005),係利率向上下,憧憬息差擴闊會利好匯控,但係息口就快見頂下,利好系咪已經反映曬,集團第4季表現系咪會較差? 冠域商業及經濟研究中心主任關焯照認為,要視乎息口維持係高水平幾耐,雖然息口快見頂,甚至可能已見頂,但高息會維持一段長時間,股價系炒預期,所以匯控息差擴闊慨利好因素就會消失,理論上股價表現會較差。 不過,集團有做回購,會對股價有支持,加上英鎊由年初1.03水平低位,反彈至1.21水平,但匯控最大問題系唔清楚集團內房慨借貸及投資情況,睇返渣打集團(02888)因為內房撥備多左,畀市場一個唔好慨印象,會令人質疑匯控系咪同樣有呢個情況,股價近期跌得比較多,如果最終盤數睇到撥備情況唔系咁差,股價有機會彈上60元。 |
匯豐控股 , 匯控 , 渣打集團 , 內房 , 英鎊 |
關焯照 |
2023-10-13T16:22 |
【Now財經台】美國通脹超預期,加上10年期債息回升,令聯儲局年底前加息預期升溫,美股噚晚係連升4日後向下,聯儲局系咪一定要加息?港股方面,今日(13日)亦借勢回套,加上內地通縮威脅似乎仲未消退,中央匯金增持4大國有銀行A股效應又冇曬,港股後市會點走? 冠域商業及經濟研究中心主任關焯照認為,聯儲局官員「放鴿」系因為擔心一旦債息升穿5厘,美股會出現大調整,所以「出口術」話唔使再加息,變相夾硬將美息封左頂,所以暫時應該唔會加息。 港股方面,恆生指數噚日觸及保歷加通道頂,同50天線重疊,自然有獲利回套誘因,由上周17100點水平抽上18000點,系升得好急,同埋騰訊控股(00700)去到315元及316元,一定升唔穿,畀人撳返落黎,美團(03690)及阿里巴巴(09988)都跟住落,呢些股份慨表現都會限制左港股升幅。 |
港股 , 恒生銀行 , 騰訊控股 , 阿里巴巴 , 港銀 |
關焯照 |
2023-09-29T18:42 |
【Now財經台】按揭證券公司上周五(22日)宣布,1000萬元以下樓花都可以造到九成按揭,此外,財爺近日亦轉口風,話現時樓市慨情況,同當年引入「辣招」時已經唔同左,令市場憧憬下個月發表慨《施政報告》,可能有機會「減辣」,今次按證放寬按揭對樓市又有冇幫助? 冠域商業及經濟研究中心主任關焯照直言,放寬按揭冇幫助,因為大家對後市仍然冇信心,亦釋放唔到剛性需求。佢續指,過去逾10年,「辣招」已切斷了換樓鏈,加上樓市已調整左一段時間,其實已達至「辣招」部分目的,因此,佢認為系時候「撤辣」。 關博士又話,若政府可以減少置業限制,市場經濟會運作得更順暢,屆時可釋放返換樓客出黎,令換樓鏈順返些,避免樓價出現下降軌,令市場信心盡失。 關焯照 冠域商業及經濟研究中心主任 |
|
關焯照 |
2023-09-15T15:36 |
【Now財經台】人民銀行今日再降准「放水」,內地今朝出慨重磅經濟數據表現又唔錯,尤其零售數據,帶挈港股今日一度升逾300點,雖然早段曾短暫輕微倒跌,但最新都升逾200點,到底人行再「放水」對大市有幾大幫助? 冠域商業及經濟研究中心主任關焯照認為,恆指一度升逾300點,主要受內地零售數據超預期帶動,因為數據符合市場對內需慨憧憬。 不過,佢認為降准幫助唔大,因為降准後釋放出黎慨流動性,未必會流入實體經濟。內房方面,主要視乎企業借唔借到錢,有大行估計,今次降准最多釋放6000億人仔,數目唔算大,其實之前內地經濟差慨時候,人行都曾經降准,但當時都冇乜反應。 關博士又話,內房依家系面對資金問題,賣唔到樓,就算有流動性都冇用,加上內房息率本來已經偏低,好難透過減息提振市場,更重要系,內房會影響市場對整體經濟信心,所以降准亦好難提振經濟。 關焯照 冠域商業及經濟研究中心主任 |
港股 , 港資流向 , 內房 , 資金流向 |
關焯照 |
2023-08-18T15:57 |
【Now財經台】港股呢幾日沽壓沉重,恆生指數仲未企得穩18000點關口,冠域商業及經濟研究中心主任關焯照認為,技術上港股仲未跌完。 關博士分析指,港股近月一直以約200點波幅橫行,但近日保歷加通道突然擴闊後,呢幾日就急挫,並提及上次係同樣情況下,恆指瀉逾1000點先識停,但估計恆指短線跌至17500點會有支持。 佢認為,同內地關系大慨股份,即使有盈喜都撐唔住股價,目前不宜沾手,不過,個別股份如中國移動(00941),高息之余有政策支持,仲可以考慮下。另外,歐洲三寶亦可以秤下,其中,佢最睇好新秀麗(01910),因為最新中期業績靚,業務發展穩健,又有唔少資金捧場博升。 |
港股 , 公司業績 , 恒生銀行 , 中國移動 , 公司業績 |
關焯照 |
2023-08-04T14:08 |
【Now財經台】美國突然畀惠譽降級,拖低美股唔出奇,美國10年期債息亦沖上9個月高位,但連亞太區股市都散埋,應該點解讀呢個情況?睇到債息抽升對全球股市都有關鍵影響,今次只系短暫調整,還是美國經濟可能陷入衰退,股市將會大林? 冠域商業及經濟研究中心主任關焯照指,亞太區市以香港、日本及南韓為主,主要畀科技股拖累,同埋內地救經濟仍未有實質政策出台,變左股市畀美息主導左走勢,其中,美股3大指數中,納指系跌得最多。 關博士又話,要睇實美國今晚出爐慨非農就業數據,但當地經濟勢頭系靚,雖然突然被降級,但其他國家情況都差唔多,雖然美國盤數有些令人擔心,但政府可以印銀紙,中長線會影響美元地位,初步睇可能會引發股市有些調整。 關焯照 冠域商業及經濟研究中心主任 |
美股 , 科技 , 美元 |
關焯照 |
2023-07-21T15:01 |
【Now財經台】雖然美國加息周期屆尾聲,但個別企業季績差,例如Tesla及Netflix,導致股價隔晚要跌,納指今晚有rebalancing,除左換馬亦會調整權重,股價短期或會較為波動,但投資者系咪可以趁調整吸納心水股?除左科技股,美股下半年仲有股份要留意? 冠域商業及經濟研究中心主任關焯照指,噚晚跌得多都系之前升得慨大型科技股,例如Microsoft及Tesla等,要特別留意Apple,雖然升幅唔及Microsoft等,但噚晚只系跌約1%,反映系針對權重及升得多慨科技股,但完成rebalancing後,估計呢批科技股會再起動,因為唔少都涉及人工智能(AI)領域,如果今晚收市前見到呢些股份跌左落去,可以考慮吸納。 關博士又估計,具復常概念如旅游股,下半年仍會強勢,例如航空股Delta、United Airlines,而游輪股仍有唔少水位,冷門就可以留意Uber,原因系... 關焯照 冠域商業及經濟研究中心主任 |
美股 , ETF , 科技 , 恒生中國企業 |
關焯照 |
2023-07-07T18:00 |
【Now財經台】美國噚晚出左有「小非農」之稱慨美國ADP私人企業就業職位,結果遠超市場預期,美國就業市場持續強勁,市場憂慮今晚公布慨6月非農就業數據同樣強勁,美國加息周期系咪真系會較預期長?如果聯儲局今個月一如期加息,之後系咪仲要再加? 冠域商業及經濟研究中心主任關焯照表示,如果今晚出慨非農數據比預期強,加息慨持續性就會比預期強,佢又話,市場一般預期7月加多1次息,今個加息周期就會結束,但聯儲局話未來會持續溫和加息,加息關鍵始終系通脹及勞工市場會唔會降溫。 關博士又提醒,若勞工市場持續保持強勁韌性,上世紀80年代初慨加息潮或會重現,令長債息升得快過短債息,若聯儲局繼續加息,美國經濟陷入衰退只系遲早問題。 關焯照 冠域商業及經濟研究中心主任 |
|
關焯照 |
2023-06-23T18:14 |
【Now財經台】美國聯儲局本月暫停加息,但主席鮑威爾明言今年內可能會加多1至2次息。美股仲係高位徘徊,納指、標普隔晚見反彈。究竟下半年美股走勢會系點? 冠域商業及經濟研究中心主任關焯照表示,市場預期下半年經濟轉差,道指等代表傳統產業慨指數或會受壓;至於納指,因為有微軟、蘋果公司、英偉達等重磅科技股撐市,預期經濟衰退憂慮對納指影響中性。 關博士續指,除左以上慨重磅股,納指值得留意的股份包括現金充裕或有AI概念慨股份,例如落後左好耐慨亞馬遜,近日就爆返上約130美元慨年內高位。 關博士認為,亞馬遜仍有上升動力,因為公司手上現金多,可以收購好公司擴大業務,又有資本去長期投資AI概念,呢些都會支持到股價。 關博士又預料,近排股價急升慨美國連鎖平價雜貨店Dollar Tree會受惠經濟衰退,因為經濟差令民眾傾向買廉價商品。 關焯照 冠域商業及經濟研究中心主任 |
美股 , 科技 , 美元 |
關焯照 |
2023-06-09T15:50 |
【Now財經台】內地面對通縮壓力,5月內地居民消費價格指數(CPI)按年僅升0.2%,工業生產者出廠價格指數(PPI)就錄得7年以來最大跌幅,反映內地消費及上游生產需求仍然疲弱。 冠域商業及經濟研究中心主任關焯照指,內地已經減左人仔存款息,又計劃年底前推汽車促銷優惠谷消費,但始終解決唔到內地人消費意欲低迷慨核心問題,而上游價格大跌反映工業生產量下跌,稍後通縮風險傳導到至下游時,就會影響經濟。關博士預期,內地下半年會力谷基建開支,以達至全年經濟增長5%慨目標。 港股方面,邊些股份會有炒作空間?關博士認為,重磅科技股阿里巴巴(09988)、騰訊控股(00700)、美團(03690)只適合短炒,有「中特估」概念加持慨紅籌,先系未來港股慨投資焦點。佢又話,中國中鐵(00390)、中國石油股份(00857)、中國移動(00941)近日走勢十分靚仔,而息高、估值低慨中信股份(00267)亦受資金追捧,股價由5月底9元水平彈上近10元。 |
科技 , 中國中鐵 , 石油 , 港股 , 騰訊控股 |
關焯照 |
2023-05-12T15:10 |
【Now財經台】港股繼續上演牛熊線攻防戰,恆生指數暫時已連跌第4日,今日午後繼續失守250天線,其實外圍股市都弱,包括A股及美股,上證綜合指數及道指都系4連跌,點解環球股市近期表現咁差? 冠域商業及經濟研究中心主任關焯照表示,A股表現差過其他股市,估計同經濟數據差、通縮陰霾、內需較弱有關,加上復常速度唔理想有關。至於港股更加系持續弱勢,除受ATM拖累,加上「中特估」概念股回氣,就拉左個市落黎,相信恆指係19500點水平暫時會有支持,但大市已跌穿250天線,即19700點水平,如果上唔返250天線,可能要再下試19500點。 經濟數據唔好,衰退風險愈來愈大,美國似乎會暫停加息,而減息機會又愈來愈高,會唔會有利市況?關博士指,通常停止加息那個階段會有少少沖喜作用,但當經濟逐步放緩,甚至步入衰退,股市通常都會跌,而反應最大會係傳統股或金融股,科技股都會跟跌,但應該冇傳統股跌咁多。 關焯照 冠域商業及經濟研究中心主任 |
港股 , 美股 , 恒生銀行 , 科技 |
關焯照 |
2023-04-28T16:19 |
【Now財經台】近期外圍科網股如微軟(Microsoft)、Meta股價係公布業績後急升,反觀係香港上市慨科網股,就明顯比下去,到底港股慨科網股,幾時先可以好似Meta咁絕地反擊? 冠域商業及經濟研究中心主任關焯照指,騰訊控股(00700)南非大股東Naspers及旗下Prosus仲沽緊貨,其實騰訊跌到現水平,即330元水平已經好低,佢估計,大股東沽完呢批貨之後,騰訊股價有機會上返400元,但唔太可能好似微軟、Meta咁持續向上。 至於美團(03690),關博士話,有些貨仍畀騰訊大股東壓住,又冇提及分拆,但只要呢手貨沽完,股價反彈10%至20%唔難,但阿里巴巴(09988)就真系唔好掂。 |
港股 , 騰訊控股 , 阿里巴巴 , 科技 , 新股IPO |
關焯照 |
2023-04-21T17:59 |
【Now財經台】「五.一」長假期臨近,係港股上落市下炒經濟復蘇加「五.一」概念有無得諗? 冠域商業及經濟研究中心主任關焯照就認為,唔至「五.一」,下半年亦系香港慨旅游旺季,旅游股同香港消費股可以炒到年底,應該要逢低位就買。 另外,關博士愛股美團(03690)近期好似受惠「五.一」概念據報到店預約情況爆曬棚。關博士指出,美團股價已企穩50天線,走勢系「ATM」中最靚。除左短線有「五.一」概念,佢話長線業務前景都有憧憬,多瓣新業務都有分拆潛力,而且盈利表現持續改善,認為股價仲有好大上升空間,建議未有貨可趁低位吸納。 |
港股 |
關焯照 |
2023-03-24T16:25 |
【Now財經台】恆生指數第2日企穩20天線。冠域商業及經濟研究中心主任關焯照分析指,根據恆指由去年約14500點水平拾級而上慨規律,大多數反彈發生之前,會係升至20天線水平出現回套,同目前大市情況相似,預期港股好快又會升返。 近日北水大手買入騰訊控股(00700),帶動恆指上日重上2萬點關口。關博士表示,上日多只重磅股有反彈,其中騰訊係業績後仲有得升,認為資金未必只系短炒集團業績。另外,騰訊股東今日將獲寄發美團(03690)股份,佢預期此事對美團沽壓唔大,並觀察到過去1至2個星期不斷有聰明錢吸納股份,估計股價仲有20%水位。 |
港股 , 恒生銀行 , 騰訊控股 , 科技 |
關焯照 |
2023-03-03T15:49 |
【Now財經台】內地經濟復蘇速度比市場預期快,日前公布慨制造業采購經理指數(PMI)升至10年高位,帶挈港股3月開局飆逾800點,全國「兩會」聽日就會開幕,綜合市場消息及估計,內地今年經濟增長目標將會定係5%至6%,但美國加息周期仍未完結,內地GPD增長真系可以達6%? 冠域商業及經濟研究中心主任關焯照估計,內地GDP增長目標最高定係5.5%,雖然經濟已逐步重返疫情前,民眾消費模式及習慣都逐漸「復常」,甚至出現報復式消費,令經濟加快增長,不過,美國持續加息或令經濟陷入衰退,一旦出現呢個情況,內地經濟都會受到拖累,佢認為將經濟增長目標定係6%系太進取。 關焯照 冠域商業及經濟研究中心主任 |
港股 , 長城天下 |
關焯照 |
2023-02-17T16:20 |
【Now財經台】港股近排走勢冇乜方向,冠域商業及經濟研究中心主任關焯照認為,即使業績期亦只會影響個股走勢,預期恆生指數難突破21600點即10天線水平,短期或會失守250天線慨約20000點關口。 匯豐控股(00005)、百度集團(09888)下星期公布2022年全年業績。關博士認為,匯控最值得留意,指美國加息次數或多過預期,集團係香港龐大慨存款基礎將受惠港美息差再擴闊,不過佢估計股價60元水平可能會遇到大阻力。 至於最近被視為人工智能聊天機械人ChatGPT概念股慨百度,關博士認為呢概念就炒完,預料股價將從近日高位約165元回落至20天線約142元水平。 |
匯豐控股 , 港銀 , 匯控 , 港股 , 恒生銀行 |
關焯照 |
2023-02-03T16:40 |
【Now財經台】雖然港股呢幾日回調,但個別股份仍有炒作,包括AI及GPT概念股,其中百度集團(09888)近日熱炒公司擬3月推中國版「ChatGPT」慨傳聞,今日出現回套,同類股份如商湯(00020)今日仲有得升,資金系咪會繼續追炒呢類股份? 冠域商業及經濟研究中心主任關焯照指,依家資金系充裕,唔少會買一些有概念慨落後股,例如AI相關股商湯系由低位抽返上黎,商湯亦有機會係3月納入富時指數,睇返商湯盤路,升勢有大成交配合,下跌時成交就縮,只要唔跌穿10天線呢類重要位置,系仲有得炒,去到3元邊緣。 關博士又話,呢兩個星期主要睇股份慨動力,商湯呢類股份如果繼續有資金灑落去,追貨其實系幾著數。 |
港股 , 長城天下 |
關焯照 |
2023-01-20T15:30 |
【Now財經台】阿里巴巴(09988)同騰訊控股(00700)呢兩只重磅股,過去一段時間都升左唔少,有唔少投資者仲搵緊入場時機。 冠域商業及經濟研究中心主任關焯照就認為,騰訊獲批游戲版號反映內地略為放松對公司慨監管,雖然股價已反彈左好多,但較當年慨700元水平,仲有一大段距離,如果想穩陣些,佢建議揀阿里,因為股價彈得相對少,反而風險較細,回報亦靚仔些。 農歷年長假在即,關博士預期,呷哺呷哺(00520)等消費股,有機會係假期後再炒多轉,呷哺股價已沖破50天線,技術走勢唔錯,後市有機會升穿9元。 此外,內地經濟重啟後,金價、銅價今年已累升逾10%,關博士表示,可以留意紫金礦業(02899)、江西銅業(00358),因為呢兩只股份之前跌左唔少,佢相信可以繼續上。 |
紫金礦業 , 黃金 , 騰訊控股 , 阿里巴巴 , 科技 |
關焯照 |
2023-01-06T15:36 |
【Now財經台】美股今年開局跑輸港股,舊年更錄得2008年以來最大跌幅,但有分析認為,今年唔使太擔心美股表現,因為自二戰以來,美股連跌兩或以上慨情況只出現過兩次,分別系2000年至2002年科網泡沫爆破時,以及1973年至1974年通脹失控時,因此,標指舊年跌約20%後,今年好大機會有得升,到底美股今年會回勇,還是要連跌兩年? 冠域商業及經濟研究中心主任關焯照指,美股3大指數舊年大跌,但官方仲未確定為經濟衰退,而呢股市指數要係經濟衰退時先會見底,意味美股仲未跌夠。 關博士又估計,標指今年有機會跌穿舊年低位,跌勢更會延續至第3季,至於年尾可唔可反彈要再觀察。 關焯照 冠域商業及經濟研究中心主任 |
港股 , 美股 |
關焯照 |
2022-12-23T15:50 |
【Now財經台】美國納斯達克指數今年暫時累跌30%,跑輸曬港股及A股,明年市場主題估計都系圍繞經濟衰退、企業盈利轉差,明年炒美股系咪應該逢彈就沽? 冠域商業及經濟研究中心主任關焯照博士指,首先要觀察經濟周期,如無意外美國係2023年上半年會陷入衰退,導致企業盈利受壓,到時大行會下調目標價,因此,呢段時間美股會對公司業績好敏感,而經濟及就業等數據都會反映衰退慨殺傷力。 美股投資策略方面,關博士估計,標准普爾500指數再次跌穿200天線,明年有機會跌至介乎3200至3400點,而納指將會系美股3大指數中表現最差,因為納指成分股中,好多科技股都受經濟周期下滑影響,並會不斷創新低,他又認為,納指未必守得住10000點,投資者必須小心。 關焯照 冠域商業及經濟研究中心主任 |
美股 , 公司業績 , 公司業績 , 港股 , 科技 |
關焯照 |
2022-12-09T15:08 |
【Now財經台】如果明年有機會掉頭減息,利淡樓市一大因素就會消退,本地地產股可能值得再關注,事實上,外資大行近排都輪流唱好本地樓市,本地地產股今日繼續升,其中新鴻基地產(00016)重返「紅底股」,而當內地同香港可以通關,內地買家有機會再黎入市掃港樓,似乎本地地產股不乏利好因素。 冠域商業及經濟研究中心主任關焯照指,呢些因素會令投資氣氛好轉,但睇返二手成交,已連續5個月唔夠3000宗,仲差過2008年及2009年,但如果出現一些基本性轉變,例如通關及息口向下,都會對樓市有幫助,不過,息口向下代表美國經濟有可能轉差,到時會唔會拖累全球經濟衰退?因此,暫時應視為短期利好,博地產股呢兩個月超跌反彈,如果政府為樓市「減辣」,樓價就會彈返少少。 |
新鴻基地產 , 港資流向 , 地產 , 地產 , 內地樓市 |
關焯照 |
2022-11-25T15:16 |
Now財經台】美國踏入感恩節後Black Friday慨傳統消費旺季,隨著聖誕節愈黎愈近,市場都會憧憬美股系咪會出現Santa Rally(聖誕老人升浪),另一方面,近期市場焦點落係聯儲局12月議息時,會唔會因應10月CPI及PPI增速放緩而放慢加息步伐,截至周三止,美股已連升兩個月,放慢加息步伐及通脹降溫憧憬,系咪12月出現Santa Rally慨原因? 冠域商業及經濟研究中心主任關焯照指,相信美國通脹會持續改善,加上內地疫情升溫令油價下跌,美國CPI及PPI應該會穩定落黎,而市場對息口走勢慨預期,的確有利消費情緒。關博士又話,聯儲局內部預期美國經濟50%機會陷入衰退,而多項數據都顯示美國經濟將會陷入衰退,如果明年通脹可以持續放緩,加息步伐可以逐步放慢,不過,美國樓市已放緩左幾個月,一旦出現跌市,甚至爆煲,一定對整體經濟構成影響。 關焯照 冠域商業及經濟研究中心主任 |
內地樓市 , 美股 |
關焯照 |
2022-11-11T16:00 |
【Now財經台】恆指今朝跟隨外圍急升,裂口高開過千點,並重上17000點關口,自低位反彈逾2000點,午後再傳黎好消息,內地宣布放寬隔離政策,港股後市會點走? 冠域商業及經濟研究中心主任關焯照表示,對比3月「大奇跡日」,恆指從低位抽升約20%,不排除恆指呢一浸可以再升20%,依家關鍵支持位睇17500點及18200點。 此外,騰訊控股(00700)將會係下周三(16日)出第3季業績,股價由200元樓下累計反彈逾20%,但其實呢輪升浪主要因為南非大股東,由9月初至10月底都冇減持行動。關博士又話,南非大股東可能等業績後,股價造好先再減持,並建議投資者績後搵個靚位沽貨離場先系上策。 |
港股 , 騰訊控股 , 科技 |
關焯照 |
2022-10-28T15:48 |
【Now財經台】港股今個星期初大跌過千點後,仍未擺脫弱勢,今日系期指結算,恆生指數今日低開後,跌幅不斷擴大,午後一度挫逾650點,再失守15000點。 冠域商業及經濟研究中心主任關焯照表示,港股近日反彈與3月市況唔同,並預期恆指失守15000點後,會進一步下試14000點水平。佢分析指,港股「大奇跡日」,即3月16日當日及之後,大市連續幾日錄得數千億元成交,恆指亦係兩三日內重上20天線,不過,依家恆指同20天線水平相差逾千點,加上成交相當疲弱,反映早前曇花一現慨升市,純粹系夾淡倉而出現技術反彈。 關博士認為,現時可以買慨股份好少,又建議投資者唔好見公用股價殘就想入貨,起碼要等聯儲局放風「減息」,股價止跌回升後先好考慮。 關焯照 冠域商業及經濟研究中心主任 |
港股 , 恒生銀行 , 公用 |
關焯照 |
2022-10-14T15:58 |
【Now財經台】港股連跌6日後,今日係重磅股發力下夾返上去,但午後重上17000點後,升幅即逐步收窄。冠域商業及經濟研究中心主任關焯照指,如果想判斷大市後向,就要睇實阿里巴巴(09988)、騰訊控股(00700)及美團(03690)慨走勢。 騰訊連日明顯加大回購力度,由之前約3億元,到呢兩日加碼1倍至約6億元。關博士認為,騰訊股價要捱到大股東Naspers減持行動結束先可能有起色。佢認為,雖然騰訊股價愈跌,公司回購力度愈大,以拉低回購成本,但大股東手上仲有7000億至8000億元貨等住沽,相信騰訊有排回購。 關博士又話,阿里股價已經跌到好殘,所以再大跌機會唔大,不過,亦冇乜利好因素刺激股價向上。 至於美團,佢認為系ATM之中唯一慨強勢股,恆指要出現大反彈,就要等美團跌穿142元慨1個月低位,見底後大市反彈力度先會勁些。 |
港股 , 騰訊控股 , 阿里巴巴 , 科技 |
關焯照 |
2022-09-30T14:51 |
【Now財經台】恆指係9月最後一個交易日唔上唔落,都系擺脫唔到近期慨劣勢,大市今朝平開後,走勢反覆,一度下試17000點關口,依家巿場氣氛差,信心又薄弱,跌穿17000關只系遲早問題?睇返3月大跌巿那浸,當時恆指累跌逾20%,如果睇返技術分析,今輪跌浪有冇機會連15000點都守唔住? 冠域商業及經濟研究中心主任關焯照指,恆指絕對有機會插穿15000點,睇返3月時慨跌巿因素,當時一度跌穿長期上升軌,亦係橫行區急插落黎,如果跟返同樣操作,呢浸由橫行區間19300點插20%,就會落到15000點水平。 關博士估計,恆指要跌到15000點至15500點先會停,如果大市急插可以考慮博反彈。 關焯照 冠域商業及經濟研究中心主任 |
港股 |
關焯照 |
2022-09-16T16:11 |
【Now財經台】最近市場充斥壞消息,恆指今日又下試半年低位,一度低見18678點。不過,有2只旅游相關股,國泰航空(00293)及新秀麗(01910)逆市造好。冠域商業及經濟研究中心主任關焯照指,其實之前市場憧憬慨通關概念到依家仲未過時。 關博士表示,政府除左上周六免除機組人員檢疫,最近又不斷宣傳11月慨國際金融投資峰會,認為呢些都系港府想同外圍連接,鋪路進一步放寬檢疫措施慨跡象。佢又話,雖然國泰業績唔算亮麗,但股價之前跌得太多,預期係通關憧憬下,股價可望係1季內升穿9元。 至於近日曾升至2年半高位慨新秀麗,關博士預期,股價1至2個月內有望升至22元,現價同摩根士丹利目標價26元,仲有30%水位。 |
國泰航空 , 港股 , 企業評級 , 新秀麗 |
關焯照 |
2022-09-02T15:41 |
【Now財經台】港股好似吊命咁,上又上唔到,反而陰些陰些咁跌,9月開局出師不利,3大指數暫時跌逾2%,港股8月持續悶局,高低波幅只得1094點,系今年最細慨波幅月,8月日均成交只得922億元,系今年最奀,巿況咁淡靜,港股後巿系咪都好推得郁?未來成交會唔會再進一步縮水? 冠域商業及經濟研究中心主任關焯照指,陰干式下跌一定系痛苦,其實作為一個國際金融中心,成交只得700幾億真系幾羞家,冇新水入之余,如果再有水漏出去,個市只會更殘,依家要等消息,例如內地有些好消息咪可以彈下,但基本因素就肯定欠奉,始終加息會影響亞洲市場,加上美元強,以及睇唔到經濟展望好轉,而內地又有封城消息,同埋消費信心低迷,睇黎真系有排搞。 關博士又話,要留意下月慨施政報告有冇刺激政策,令香港經濟穩定落黎之余,甚至幫到股市,否則,港股有可能陰干到年尾。 關焯照 冠域商業及經濟研究中心主任 |
港股 , 美元 |
關焯照 |
2022-08-19T15:57 |
【Now財經台】港股本周埋單好大機會要跌,即連跌兩周,反觀美股標指向連升5周,美股明顯比港股強勢,唔少港股散戶都轉戰美股,港股弱、美股強慨情況系咪會持續?此外,美股近排其中一個焦點,就系迷因股(meme stock)熱潮系咪去到尾聲?事緣Bed Bath & Beyond被知名投資者清倉,導致股價急瀉。 冠域商業及經濟研究中心主任關焯照指,的確出現左一些比較強慨訊號,例如呢排跌得好甘慨Upstart Holdings及Roblox,都系之前沖oblox,都系之前沖到好高,近日顯著回落,再加上呢類網紅股一旦畀知名人士清倉,意味應該炒到水尾。 關博士估計,港股仲有排悶,因為冇資金流入,好難將些股價推上去。另一方面,政策因素亦不利科技股,而呢類公司慨大股東或會沽貨自救,呢些因素都拖住港股後腿,只有反彈冇升幅,如果持續冇資金流入,要小心大市陰干式下跌。 關焯照 冠域商業及經濟研究中心主任 |
港資流向 , 港股 , 科技 , 資金流向 , 美股 |
關焯照 |
2022-08-05T16:43 |
【Now財經台】阿里巴巴(09988)派完成績表後,市場焦點就轉到兩星期後出業績慨騰訊控股(00700)及美團(03690),阿里靠成本控制,交出一份獲得市場正評慨成績表,不過,內地監管部門表明唔會放寬平台經濟監管,意味科網龍頭收入及盈利大幅增長不再,科網股彈唔起系咪基於呢個原因? 冠域商業及經濟研究中心主任關焯照指,早前騰訊股價唔見左近40%,因為當時好多資金係低位平倉,加上大跌後反彈幅度唔大,每次股價一彈,大股東就沽貨,阿里情況亦一樣,反映市場唔認為呢類股份會見底回升,或者可以大幅反彈,即使業績好過預期,股價出現反彈,都只系曇花一現,所以持有呢些股份慨投資者,就要逢高就走。 |
科技 , 騰訊控股 , 阿里巴巴 , 公司業績 , 網龍 |
關焯照 |
2022-07-22T15:14 |
【Now財經台】歐洲央行相隔11年再度加息, 一出手就加0.5厘,環球央行慨加息取態明顯愈黎愈進取,不過,係各大央行加息愈黎愈重手下,經濟衰退慨風險系咪亦愈黎愈大? 冠域商業及經濟研究中心主任關焯照指,各大央行為左遏通脹,都傾向係任何情況下都要加息,而需要付出慨代價就系經濟衰退,相信唔會有任何大型經濟體可以避過衰退一劫,事實上,呢些國家慨實體經濟數據都愈黎愈差。 關博士又話,經濟進入衰退反而系好事,因為通常衰退完結前,股市就會見底,投資方面會較易拿捏。 關焯照 冠域商業及經濟研究中心主任 |
|
關焯照 |
2022-07-08T14:57 |
【Now財經台】美國經濟正處於衰退邊緣,港股亦難獨善其身,資源、航運股早兩日已經示范左,投資者系咪要跟住經濟周期炒作去做部署? 冠域商業及經濟研究中心主任關焯照指,經濟下滑即系企業盈利顯著受壓,係呢個情況下,表現特別差一定系航運股,因為需求減少繼而拖低貨運量,而跟經濟掛鉤慨消費股,甚至銀行股亦會遭殃,所以呢類股份都要避一避。 關博士又話,如果聯儲局月尾再加息,當市場預期衰退再現,令加息空間收窄,就會部署買有穩定派息慨股份,此外,一旦加息預期開始掉頭,曾被殺估值慨科技股就會大彈。 至於應該點捕捉部署時機,關博士認為,8月尾至9月頭系較合適慨時機,因為... 關焯照 冠域商業及經濟研究中心主任 |
港股 , 航運 , 科技 , 資源 |
關焯照 |
2022-06-17T15:18 |
【Now財經台】美國聯儲局大手加息,展示遏40年以來最嚴重通脹慨決心,美股噚晚走勢系5月議息後慨翻版,即議息後當日急彈,翌日就插水,到底聯儲局不斷加息,解唔解決到高通脹問題? 冠域商業及經濟研究中心主任關焯照指,加息可以解決高通脹問題,但要付出代價,就系經濟下滑,密歇根大學公布慨6月消費信心指數初值系50.2,創歷史新低,仲低過金融海嘯時期,反映美國人消費情緒非常悲觀,一定會減少消費,關博士又提醒,每次呢個指數低過60,美國經濟一定陷入衰退,美國經濟由消費主導,美國人減少使錢,經濟一定會下滑,佢又認為,美國經濟已步入衰退。 關焯照 冠域商業及經濟研究中心主任 |
美股 |
關焯照 |
2022-05-27T15:25 |
【Now財經台】市場炒通脹見頂,道指明顯向好連升五個交易日,本周暫時累升逾1300點,美股咁升法可唔可以帶動港股上升? 冠域商業及經濟研究中心主任關焯照指,之前巿場預期美國加息速度會好快,擔心經濟增長放緩,所以導致美股大林。不過,自從聯儲局議息記錄等多方釋出利好信號,巿場憂慮減少,造就巿況低位反彈。不過,關博士話,港股已經跌到殘曬,但要靠A股企穩向上,先拉得返港股上黎。 關焯照 冠域商業及經濟研究中心主任 |
港股 , 美股 |
關焯照 |
2022-05-13T15:22 |
【Now財經台】美國PPI高過預期,美股3大指數噚晚齊齊向下,其中道指一度急瀉逾600點,收市僅跌約百點。聯儲局主席鮑威爾重申,未來兩次會議可能各加息0.5厘,又話美國經濟強勁會承受得到,亦反映加0.75厘機會好微,但市場仍然好恐慌,會唔會影響聯儲局慨加息部署? 冠域商業及經濟研究中心主任關焯照指,呢個系典型滯脹,因為通脹不斷升溫,央行必須加息追通脹,美國通脹高企源於供應鏈問題,加上受俄烏戰事影響,就算通脹見左頂,回落速度都會好慢,但過度加息又會踩林整體經濟,所以睇到美股,以至環球股市都跌得好犀利。 關博士又話,聯儲局不斷加息,資產價格就系咁跌,跌到經濟衰退就要停止加息,甚至減息,依家市場price in緊環球經濟顯著放緩,如果股市繼續跌,財富蒸發令經濟進入萎縮期,絕對唔系聯儲局樂見,所以依家市場系迫緊聯儲局放軟手腳。 關焯照 冠域商業及經濟研究中心主任 |
美股 |
關焯照 |
2022-04-29T16:38 |
【Now財經台】美國首季GDP初值按季收縮1.4%,不過,美國股市冷靜應對,部分企業季績理想,美股三大指數又齊齊升2%至3%,系咪唔使太擔心今次慨數據?關博士又會點拆解? 冠域商業及經濟研究中心主任關焯照指,雖然美國首季GDP數字遠遜預期慨上升1.1%,不過美國GDP有70%都系依賴內需,當地慨內需目前都屬於健康增長,因此唔使過分擔心。但關博士話美國去年第四季受疫情影響,貿赤進一步拉闊,會蠶食GDP增長,可以觀望近期疫情放緩會唔會令入口數字上升,改善貿赤情況。 關焯照 冠域商業及經濟研究中心主任 |
美股 |
關焯照 |
2022-04-08T15:49 |
【Now財經台】港股早前自低位反彈逾4000點後,一直唔上唔落,雖然近排走勢麻麻,但20天線及2020年疫情底,即21139點水平暫時仲頂得住,到底港股依家系回調,還是系一個彈散格局?美國長債息高企,美國中概股指數連跌3日,科指都持續跑輸恆指,暫時系咪都好難有起色? 冠域商業及經濟研究中心主任關焯照指,港股由22500、22600點落返20天線,約21200點水平,之後上返21600點呢個好大慨支持位,如果今日收市上得返21800點就更加靚,因為依家長息咁高都踩唔林港股,反映今輪反彈浪都幾堅。 關博士又話,美國長債息依家係近期高位2.66厘,之前係2厘水平爭持,科技股已經好大壓力,之後科技股急彈扯左個市上去,但依家長債息咁高,美國慨科技股都要跌,更何況香港呢邊,但香港呢邊有好處,就系... 關焯照 冠域商業及經濟研究中心主任 |
港股 , 潤中國際控股 |
關焯照 |
2022-03-25T15:24 |
【Now財經台】美團(03690)今日收市後壓軸出業績,市場預左呢份成績表會差,因為受疫情及宏觀環境疲弱拖累,主要業務都有下跌風險,而新業務預期都會繼續蝕錢,而第4季有機會「見紅」,至於經調整虧損有機會擴大。美團股價今日已經跌左落去,業績後又會點走?值唔值得做部署? 冠域商業及經濟研究中心主任關焯照指,騰訊控股(00700)出完業績都要跌,市場都對美團冇期望,加上公司冇乜前景,新業務又不斷燒錢,股價由480元水平跌落黎,仲要冇市盈率(PE),所以唔好對呢只股有任何憧憬。不過,投資者可以考慮博騰訊反彈,雖然集團上年第4季及今年第1季業績差,但相信股價要上返420元水平唔難,但需要一些時間。 |
公司業績 , 騰訊控股 , 科技 |
關焯照 |
2022-03-11T15:39 |
【Now財經台】港股今日一度瀉跌超過800點,再跌至逾5年半低位,主要系美國證交會(SEC)噚晚係官網公布左一份名單,涉及5只係美國上市慨中概股,其中4只都係香港上市,監管機構要求睇呢些公司盤底數,如果唔配合可能要除牌,不過,中概股今日全軍覆沒,到底系咩原因? 冠域商業及經濟研究中心主任關焯照指,雖然SEC只點名5家間公司,但其實其他係主板上市慨公司都要交底數,如果達唔到要求,都好有可能要除牌,觸發市場恐慌,投資者系咁掟貨,以騰訊控股(00700)為例,理論上唔受今次事件影響,但都要捱沽,反映市場「沽左先算」慨恐慌情緒。 |
港股 , 騰訊控股 , 新股IPO , 科技 , 新股IPO |
關焯照 |
2022-02-18T16:00 |
【Now財經台】港股今年大翻身,今年以來罕有跑嬴美股,相反,受俄烏局勢影響,道指噚晚急挫逾600點,最新傳出俄羅斯外長下星期會同美國國務卿係歐洲會面,消息公布前,恆指都守得住100天線,港股系咪已成為資金避風港?後巿應該點部署? 冠域商業及經濟研究中心主任關焯照指,現時地緣政治風險仍然未消退,巿場會比較神經質,已經有唔少資金流向日圓避險。至於港股經歷去年大跌後,就成為資金避風港,加上巿場睇好科網股,佢估計,恆指有望突破25000點。 關焯照 冠域商業及經濟研究中心主任 |
港股 , 資金流向 , 港資流向 , 美股 |
關焯照 |
2022-02-04T15:53 |
【Now財經台】港股懶理美股噚晚急挫,恆指係虎年首個交易日紅盤高開590點後,愈升愈有,午後升幅更一度擴大至約800點。港股上個月跑贏外圍,呢個勢頭系咪可以延續到2月? 冠域商業及經濟研究中心主任關焯照指,美股方面,納指應該已見左今季低位,不論科技股慨震蕩,或美股慨恐慌情緒都已經接近尾聲,不過,近日新冠變種病毒Omicron係香港急速擴散,港股強勢可唔可以持續,就要視乎市場點看待疫情發展,如果投資者唔驚,咁當然冇問題,佢又提醒,有人可能會借疫情消息壓低港股,一旦確診數字以幾何級數上升,市場亦有可能因為呢個憂慮而掟貨。 關焯照 冠域商業及經濟研究中心主任 |
港股 , 美股 , 科技 |
關焯照 |
2022-01-21T19:56 |
【Now財經台】近期恆指波幅都幾大,年頭開始,大價股、藍籌似乎輪流炒作,幫手推高指數,例如ATMXJ、匯控股(00005),近呢兩日就輪到友邦保險(01299)接力,投資者應該點部署? 冠域商業及經濟研究中心主任關焯照表示,ATMXJ、匯控、友邦都系權重股,比重較高,如果真系要挾高指數,推高個市,呢些股份一定系首選。 關博士又話,ATMXJ之中,第一只郁一定系阿里巴巴(09988),因為佢明顯跌唔落,甚至係美股那邊仲錄得大成交,不過,阿里日升日跌,不排除只系低位反彈,同類又比重較低慨股份,好似京東集團(9618)、騰訊控股(00700)今日都有得升,反映內地科技股都系輪流炒,甚至系內險股,都系明顯推緊個市上去。 |
科技 , 匯控 , 匯豐控股 , 騰訊控股 , 阿里巴巴 |