評論員 |
時間 |
內容 |
標籤 |
羅明立 |
2024-04-25T18:24 |
美元走勢受美國經濟數據同通脹預期影響,今個星期美匯指數回落到106左右,係105.8水平窄幅徘徊,市場等今晚(25日)美國國內生產總值(GDP)出爐,但見到美債息冇回落,美元都唔會有好大跌幅? 亨達集團助理總經理羅明立指,睇番美元基本面同美國貨幣政策,美元唔應該跌太多,美匯指數係107水平有明顯阻力,因為上年第4季急瀉,跌到100左右水平,現時去返上年急跌前水平,所以出現調整係合理,估計係105水平有支持,亦要留意今晚美國經濟數據,如果數據正常,美金唔會跌得太多,佢估計,美匯指數會係105至107水平整固。 |
|
植耀輝 |
2024-04-25T17:16 |
第1季全球個人電腦出貨量自2022年以來再次增長,聯想集團(00992)穩佔一哥地位,市場佔有率達23%,如果今年有強勢換機潮,聯想係咪最受惠? 耀才證券研究部總監植耀輝指,龍頭係生產規模有優勢,多年黎聯想都係一個比較出色品牌,當電腦出貨量規模增加,係市場佔有率不變下,出貨量就會上升,聯想係市場佔有率亦有不斷增加趨勢,如果遇上換機潮,聯想會係最受惠慨品牌。 佢又話因為受到中美關係慨影響,所以股價回落好合理,如果人工智能個人電腦(AI PC)推出慨表現好,聯想股價都唔會差,短線會係8元至10元區間上落。 |
|
李偉傑 |
2024-04-25T17:12 |
長城汽車(02333)今日(25日)升勢強勁,一度升超過10%,主要因為業績帶動,第一季收入428.6億元人民幣,按年升47.6%,其中毛利率按年按季都有得升,管理層又話要積極出口,股價有咩動力繼續升? 華盛證券財富管理部董事李偉傑指,股價今日有咁大升幅係合理,因為業績唔錯,加上出口數字都理想,毛利率按年有增長令長城比起新能源車廠有優勢。另外,長城過往主要生產燃油車,而現時開始生產混能車,受市場喜愛,有利推高公司股價。 |
|
許繹彬 |
2024-04-25T10:45 |
港股於本周的三個交易日給人振作及振奮的感覺,是緣除美匯及美息巿有所回軟外,最能令港股暫時脫離危險期的原因,相信是久違了的中央對香港股票市場的救市措施終於再度出現。上周五(4月19日)在港股收市後,中證監在毫無預兆下突然為投資者派出五顆仙丹,挽救已病入膏肓的港股,包括:放寬滬深港通下股票ETF合資格產品範圍;將房地產信託基金納入滬深港通;將現行人民幣股票交易櫃台納入港股通,更優化基金互認安排;而其中一招相信令股民最為振奮,就是針對香港新股市場有一個明確的支持,鼓勵內地行業龍頭企業赴港上市。而有關措施,中證監及香港證監會將會共同推動及指導兩地交易所及結算公司,務求令上述政策盡早平穩落地。 中證監突宣布五招撐港股,相信目的很明確,就是希望能令香港資本市場能從谷底回升,向國際投資者及IPO中介機構發出重要訊息,未來內地龍頭企業或會主力在港上市,而不只是選擇美國或新加坡等地上市。外界普遍認為,此舉除希望令香港IPO市場可以在本年重回三甲位置外,更希望香港可以洗脫國際金融中心遺址的污名,能重奪國際金融中心的美譽;再者,更可與被對手拋離的其他亞洲股票市場爭一日之長短。消息一出,確實令恆指一口氣升穿所有參考線(10天、20天、50天),更一度升穿本月高位17,190點,昨日(24日)更在高位17,200點以上收市,成交更明顯增多,增至接近1,300億;一眾受惠股份均有所異動,如港交所(00388)一度逼近240元;連日來日日創新低的領展(00823)終於止跌回穩,升至34元左右;但其實兩者的升幅在這樣好消息下,並非急升,只是好像矮仔爬樓梯般,一步一步有秩序地緩升。 儘管內地連發五招撐香港資本市場,但並非是靈丹妙藥,不可即時令已久病近三年的港股痊癒。在中央發功後,港股雖然是止跌回升,但無論成交及氣氛仍顯得未算熱鬧,成交亦最多只有1,000至1,300億水平。筆者尤記得,中央在十年前首次推出滬港通計劃時,香港收到此禮後,港股除大升外,部分受惠股如港交所的股價單日升10至20%,亦屬平常現象,氣勢一時無兩,大市成交亦因而翻幾倍;其後中央在不同年代不斷出招撐香港資本市場,港股亦有作出積極的反應。但今次的出招,不論是整體成交或個別受惠股,均已顯然不及過往的神勇。原因相信很簡單,港股現階段仍是缺乏信心,加上海外資金流入的狀態未如理想。儘管有證據顯示,外資流入本港市場確實有所增加,但跟2020年或之前相比,可謂天淵之別。單憑北水在現階段為港股的灌溉,維持1,000億亦算是「還得神落」。 未來,隨著國內經濟正式復甦下,展望國內企業的業績有所改善;而配合中央五招可能會發揮真正的效用下,相信會令資本市場變得更靈活,來港北水有望會增多。在港股的投資氣氛可能變得熱切下,國內部分龍頭大股會選擇來港進行招股,這樣相信有機會令新股市場掀起高潮;如港股下半年能夠如願以償,相信外資的注碼亦有所提升,這樣港股就能真真正正走出谷底。 因此,港股儘管已開始服用由中央送出旳五顆救市的靈丹,但相信短期內未必能夠受惠,恆指仍在固本培元階段;因此短期內仍是離不開上落市格局,跌不落升不多。下周更是適逢五一長假,相信成交會轉為淡靜,投資者必須要有耐性,短期能否企穩17,000點,然再向17,400點進發,相信仍要看外圍消息(如美債美匯)及有待成交配合。由於市況仍然飄搖,建議投資者可留意防守性高及派息率高的股份,當中中國移動(00941)確實具備上述優點及攻守兼備特牲。 |
|
羅尚沛 |
2024-04-24T22:40 |
長城汽車(02333)第一季純利增長17.5倍,毛利率升至20%。 銀河證券業務發展董事羅尚沛表示,長汽上季盈利大升,主要因為比較基數偏低,而他擔心越來越多新能源車廠推出SUV車款,將搶去長汽主要車款市場。 |
|
聶振邦 |
2024-04-24T17:23 |
天齊鋰業(09696)股價逆市破底,AH兩股齊齊急插。天齊料盈轉虧蝕逾36億,公司歸咎慨其中一個原因係鋰產品售價下跌,令毛利率大幅下跌至不足85%,反映左些咩?大摩預料天齊有原材料庫存撥備仍未完成入帳,要繼續撥備機會係咪都大? 博威環球證券金融首席分析師聶振邦指,毛利率80%以上已經算係利潤偏高產業,呢個情況都錄得虧損,證明營運成本相對較高,如果天齊唔處理,估計未來一至兩年業績唔會理想。 聶sir續指,新能源汽車不斷有減價戰,反映行業可能有產能過剩情況,除非鋰電池係新能源汽車以外有非常廣泛慨用途,或新能源汽車產業有明顯銷量改善,天齊先可以有改善狀況,所以估計天齊第2季撥備壓力會大。 |
|
彭偉新 |
2024-04-24T13:01 |
截至早上11時止,1小時內《彭博》用戶搜尋量最多港股,依次為商湯(00020)、快手(01024)、香港交易所(00388)、茶百道(02555)及中國宏橋(01378)。 商湯發布人工智能(AI)大模型「日日新5.0」版本,管理層表示新版AI於知識、推理、數學、代碼場景拍得住GPT-4 Turbo,客觀評測超越GPT-4,今日憑憧憬炒上最多升超過30%,而且中途停牌,收復50天線,不過內地多間科企都話推大模型,競爭咁大,變現能力又係點?係唔係真係賺到錢? 資深證券分析師彭偉新指,投資者揀AI有關慨公司時,都主要睇公司有冇變現能力,否則市場短炒幾日後,股價可能會跌得更勁,所以要留意商湯今日(24日)停牌後有冇特別消息公布。另外,即使商湯推出慨大模型可以同海外公司比拼,但海外公司亦唔係賺好多錢,加上競爭激烈,令市場對商湯變現能力有懷疑,今日慨升勢好可能只係炒作消息,長遠都要睇公司變現能力。 |
|
盧志威 |
2024-04-24T10:44 |
昨日(23日)美股收市後Tesla公布首季業績,純利、收入、汽車毛利率均下跌及遜預期,創辦人馬斯克(Elon Musk)指,新車投產時間會提早至今年年底或明年初,更會以平價出售新車,呢個消息抵銷純利下跌負面因素,帶動股價係延長交易時段大升逾10%,仲有冇其他好處?此外,Tesla競爭對手比亞迪(01211)及小米集團(01810)均有推平車,持續減價戰有機會令賣車利潤歸零,點解都仲要鬥平咁賣車? 潤淼資產管理董事盧志威指,因為要推平車,Tesla有用機械人加速自動化生產,令成本更平,加上推行自動駕駛同無人駕駛的士(Tesla Robotaxi),令業務拓展至人工智能(AI)、大數據(Big Data)方向,對股價會有幫助。 William續指,依家行業處於整合,減價戰會淘汰現金流歸零慨車企,因為未來些車價趨勢都係向下,就睇係環境差時,邊個車廠搶到市佔率。 |
|
郭家耀 |
2024-04-24T10:44 |
匯盈國際資產管理董事總經理郭家耀推介和記電訊香港(00215) 推介原因: - 清晰派息指引,派息水平穩定 - 旅遊業復甦令漫遊服務復甦,業務展望樂觀 - 加強本地服務。 |
|
李偉傑 |
2024-04-23T16:02 |
大型科網股齊齊反彈,中概股由昨晚(22日)係美股金龍指數反彈,一路延續升勢到今早(23日)慨港股。ATMXJ 5巨頭今日全線都升緊,到底有咩原因? 華盛證券財富管理部董事李偉傑認為因為估值平,比起外圍重磅科技類股份,例如英偉達(Nvidia)慨60幾倍市盈率(PE)或Facebook母公司Meta約27倍PE,本港科技股仍然有追落後空間。至於點解而家先追,佢認為因為向上修復機會進一步出現,美國今年係大選年,加上美股最近開始回套,好多科技股係高位有受壓,唔排除部分資金會逐步係大選前流返港股抄底。此前美股炒高一直都係憧憬減息,但直到目前都未見有減息時間表,美股開始回套。反而港股一直無炒減息,所以開始追落後。加上板塊部分股份有新遊戲推出,令投資意欲更強。 |
|
譚智樂 |
2024-04-23T13:21 |
截至早上11時止,1小時內《彭博》用戶關注度上升最多港股,依次為快手(01024)、泡泡瑪特(09992)、中國移動(00941)、紫金礦業(02899)、騰訊控股(00700)。 科網股今早(23日)繼續強勢帶挈大市,不過快手、阿里巴巴(09988)年至今仍然跌8%至9%,市場炒追落後慨快手今日最多升過7%,一次收復10天、20天、50天及100天線,但距離季績公布有一段時間,加上內地消費復甦疲弱,市場仍正觀望未來電商增長,快手股價前景如何? 富途證券高級策略師譚智樂指,今日整體科指成分股表現都有發力向上,快手7%慨升幅更遠高於科指,業務表現過去一年亦由虧轉盈,加上未來出業績有機會支持股值,所以快手短線唔好睇得太淡,至於電商業務,係現時大環境下難有爆發性增長,但大部分互聯網平台係廣告業務方面會有較好表現,如騰訊及阿里巴巴上季度慨廣告業務成績都有驚喜。 Arnold又指,預計快手未來業績唔會遠高於市場預期,所以短線都係以炒落後為主。 |
|
陳偉聰 |
2024-04-23T11:55 |
市場靜待電動車龍頭Tesla今晚美股收市後出業績之際,瑞銀最新下調除Tesla外科企7雄(Magnificent 7)評級,英偉達(Nvidia)、蘋果公司(Apple Inc.)、Facebook母公司Meta、亞馬遜(Amazon)、微軟(Microsoft)及Google母公司Alphabet全部由「增持」降至「中性」評級。 雖然標普500指數屢創新高,但其實標指內唔少科技股近日見頂回落,東亞銀行高級投資策略師陳偉聰亦指出,市場對標指成分股首季盈利預測,已經下調近2%。 Jason續指,標指升勢同企業盈利預測走勢背馳,係因為人工智能(AI)概念股過熱,股價出現超買情況增加,依家業績期開始見真章,市場或對標指企業盈利增長信心減弱而出現估值下調,料標指未來或要經歷較深度調整。 |
|
黃偉豪 |
2024-04-23T11:54 |
銀河娛樂(00027)股價連升第2日,內地「五一黃金周」將至,唔少投資者都趁機短炒銀娛一些在5月至6月到價的短身產品,槓桿6倍至8倍,而較受歡迎長身產品在10月至12月到期,槓桿5倍至7倍。銀娛股價徘徊低位,投資者部署好倉慨時候,應該點揀比較好? 中薇證券研究部執行董事黃偉豪認為,揀銀娛長身產品較合適,雖然大部分投資者認為炒短期某些事件,應該揀短身CALL值博一些,但留意兩款CALL慨槓桿及價外幅度差唔多,最大分別在於時間值,但短身CALL時間值損耗較快,價外最少30%,炒「五一黃金周」熱潮到價慨機會較微,值博空間唔大。 Ravi又指,暫時銀娛慨股價未出現明顯轉勢,距離10天線有約2元距離,對股價能唔能夠大幅度彈上有保留。 |
|
梁偉民 |
2024-04-23T10:51 |
茶百道(02555)今日(23日)首日掛牌,雖然係「新股集資王」,但集資只有近26億元,昨日(22日)暗盤收市價更比招股價低逾10%。茶百道係內地現製茶飲店第3大企業,經營模式與已申請上市慨蜜雪冰城相若。面對內地餐飲業內捲化、消費降級及平價取勝,呢隻新股王前景都唔太樂觀? 高富金融集團投資總監梁偉民認為,市場本身競爭好大,加上消費市場有轉弱慨情況,所以對茶飲銷售就會有負面影響。但更重要係經營模式,大部分呢類公司係靠授出專利予其他人開店,收入盈利好靠開店數目。上市前一般都會有亢奮性開店擴張,帶動收入明顯上升,但上市後分店高速擴張一般都會見頂、甚至回落,亦可能被其他競爭對手取代。佢提醒要小心呢種經營模式,盈利未必可以持續。 |
|
黃敏碩 |
2024-04-23T10:50 |
註冊財務策劃師協會會長黃敏碩推介威勝控股(03393) 推介原因: -內地經營智慧能源解決方案,提供電、水、氣及熱能源計量產品 -內地積極加強新型電力系統建設、電網升級改造 -國家電網投資進入新型電力系統關鍵階段,中標能力強。 |
|
鄭家華 |
2024-04-22T22:44 |
萬洲國際(00288)第一季收入減少8.3%,純利增長1.4倍。 阿仕特朗資產管理董事鄭家華表示,萬洲上季盈利大增,主要因為美國及墨西哥業務溢利顯著改善,相信大行會調高其全年盈利預測及目標價,但由於公司股息率不太高,估計股價於6元會有阻力。 |
|
聶振邦 |
2024-04-22T16:49 |
中國財險(02328)下周一(29日)出業績,今日(22日)股價急跌最多5%,見兩個月低位,失守100天線,雖然已經連跌兩個月,不過年初至今仍升4%,跑贏中國平安(02318)、中國人壽(02628),亦都跑贏大市,後市走勢會係點? 博威環球證券金融首席分析師聶振邦指,中國財險有一定優勢,過去5年業績每年盈利都超過200億元人民幣,表現平穩,市盈率亦維持8倍以下,估值吸引;另外,市場預期財險第一季淨利潤跌8%至87.5億元人民幣,亦唔算太差,加上大行目標價有12元左右,反映市場對財險股價仍然睇高一線。 聶Sir又話,財險股價要到下半年先會回升到市場預期水平,建議可以係9元至9.2元之間入手。 |
|
梁傑文 |
2024-04-22T15:47 |
毫子股中華銀科技(00515)連年虧損、資不抵債,上周周五(19日)又話要「撲水」還債,擬向4名投資者大折讓配股,連同今年初配股所得約1100萬元,料共籌得逾4000萬元。 《香港股票財技密碼》作者梁傑文認為,相對於約45億元慨流動負債,公司籌得幾千萬元係杯水車薪,並推測公司可能有意引入投資者到董事局。 佢指驟眼睇公司股權分散,參與兩次配股慨投資者每人持股不足10%,但其實呢班投資者合共持股約40%,如果佢地係一致行動人士,未來有可能變成大股東, Mike續指,同一批投資者去年曾嘗試入股公司,只係當時被股東會大比例否決,而今年兩次配股行動就更有部署,1月通過一般授權配股時唔需要經股東會表決,而今次根據特別授權配股,1月已入股慨投資者就可以投票,因此佢覺得1月配股有「種票」可能,將股權集中係友好人士手上後,就可以保障有足夠贊成票通過配股方案。 |
|
郭思治 |
2024-04-22T11:24 |
大市已開始步入4月份之下旬,即本月期指轉倉及結算等相關活動將漸主導大局,而直到執筆一刻止計,本月大市在先高後低之形態主導下,恆指暫是由10日之高位17,190點跌至19日之低位16,044點,即在8個交易日內,恆指累積之跌幅已達1,146點,由於1,146點之波幅仍衹屬一般,故衹要零碎沽壓仍持續不斷湧現,大市或仍會再進一步下尋月內之新低,從技術上看,暫時較重要的支持該為16,000點,但需留意,16,000點該衹屬心理關口,並非關鍵支持,而從小圖上看,目前較重要之支持據點該為2月5日之低位15,336點,一旦此據點有失,即表示大市可能會進一步下試1月22日之低位14,794點之支持,由於14,794點乃今年之低位,一旦有失,即表示今年大市之形態將會扭轉成先高而後低。 再看移動線方面之表現,經過周來之一輪反覆後,恆指不但已正式跌穿10天線(約在16,623點左近)及20天線(約在16,627點左近),且亦已進一步跌穿50天線(約在16,500點左近)及100天線(約在16,440點左近),單從技術上看,整個大市目前該已漸進入反覆續試底之弱態中,論走勢,當頗不利5月大市之發展,加上傳統而言均有五窮六絕之智慧,故在當前之市況下,投資者該做好一切風險管理,盡量多保留現金在手。 拉闊一點看,今年恆指暫是由1月22日之低位14,794點升至3月13日之高位17,214點,論形態暫仍屬先低而後高,但需留意,由於實體經濟仍相當疲弱,加上中美關係仍持續緊張,影響所及,港股當不能獨善其身,故在動力不足之下,大市即使能偶作推升,但衹屬有波幅而冇升幅,有反彈而冇大升之技術性後抽而已,在持續反覆不明且帶弱之市況下,任何投機性之短炒部署,均不宜過急及過勇,且一旦形勢不對,便需理性止蝕或減磅,因在經濟持續放緩之下,最重要是多保留現金在手。 |
|
李浩然 |
2024-04-22T11:17 |
儘管中東戰火再起,紅海航道遭胡塞武裝攻擊,這一路線通常承載全球約12%的海運原油,石油輸出國組織(OPEC)仍在限制供應量,美國國務卿布林肯更喚起了1973年石油危機的幽靈,當年「贖罪日戰爭」(Yom Kippur War)導致阿拉伯石油禁運,令油價在短短三個月內翻了四倍。然而,油價卻異常冷靜,去年大部分時間油價交易區間在每桶75至85美元之間。 造成這現象的原因多面向。首先,OPEC成員國之間的生產也不再那麼集中,要所有成員嚴格同步控制供應並不容易。此外,與過去50年相比,現今中東地區在全球石油生產中的份額已下降,從1974年的37%降至今日的29%。這在某種程度上歸功於2010年代的頁巖油氣革命,該革命使美國自1949年以來首次成為淨能源出口國。 其次,OPEC成員國擁有充足的閒置產能(即閒置設施在短時間內可生產的石油量)。美國能源資訊署(EIA)估計,OPEC核心成員國的閒置產能約為每天450萬桶,超過伊拉克的日產量。 雖然全球對石油的需求依然旺盛,根據EIA的數據,2023年的石油需求創下歷史新高,預計2024年將進一步成長,部分原因是印度的增長,但這似乎不太可能推動價格大幅上漲 。全球經濟成長並沒有達到2000年代初期的水平。長期以來是世界最大石油進口國的中國,正經歷經濟增長陷入停滯的隱憂。中國經濟結構的變化也使其對石油的需求減少,例如預計明年中國市場上過半數新車將是電動車。 儘管中東地區的不穩定因素依舊存在,但由於全球石油市場的多元化以及技術進步,使得當今油價並未如歷史上那樣對地緣政治衝突作出劇烈反應。對投資者而言,這是一個提醒,在全球能源市場中,傳統的地緣政治分析可能需要與時俱進。 |
|
趙晞文 |
2024-04-19T22:42 |
中國聯通(00762)第一季收入升2.3%,純利升8.9%。 信達國際研究部主管趙晞文表示,聯通上季收入及盈利增速都有放慢跡象,原因是算網數智業務增長明顯減慢,至於公司今年派息比率會否由去年55%,明顯提高至60%或以上,則只宜抱觀望態度,不應過分樂觀,而目前預測股息率7%,算是合理水平。 |
|
黃敏碩 |
2024-04-19T17:50 |
「造車新勢力」中慨理想汽車(02015)股價今日(19日)一度挫8.5%,差少少就失守「紅底股」,主要係昨晚(18日)發布慨新車L6被大行潑冷水,指冇驚喜之餘又定價太高。理想會唔會仿傚小米集團(01810)慨策略,即「蝕頭賺尾」,還是有本身慨策略? 註冊財務策劃師協會會長黃敏碩就認為,由於蔚來(09866)及小鵬汽車(09868)早已倒下,理想就相對做得好,仍可以透過低價或減價策略保住市佔率。不過,市場都關注品牌背後慨生態圈,點樣推動技術發展。 至於小米及華為殺入汽車市場,可能會令人質疑佢地慨車銷情係咪咁理想,但因為品牌係技術上領先,甚至同第三方合作,呢方面都係小米及華為慨優勢,「造車新勢力」就會輸蝕。 |
|
陳建良 |
2024-04-19T16:35 |
網上串流平台Netflix昨晚出左上季業績,雖然盈利及收入都好過預期,付費用戶按年增長近16%,但股價盤後挫近5%,係咪同集團明年第1季開始,唔再披露用戶數據有關? 勝利瑞柏基金管理合伙人暨投資總監陳建良認為,Netflix業績唔算好差,投資者主要留意收入(revenus)及每股盈利(EPS),對Netflix呢類增長股黎講已算交到功課。至於集團明年開始唔再公布每月每戶平均收入(ARPU)及subscription number等數據,相信係預期呢兩個數據增長未必太勁,主要同全球化及唔同地方有唔同定價有關。 KL又指,雖然Netflix係美國streaming TV龍頭,但唔係冇競爭,長遠而言,增長係咪可以持續?佢認為,Netflix收入增長會放慢,反而專注係cost cutting。 至於「科技7雄」(Magnificent 7)餘下6家公司會陸續出業績,佢相信都會係好壞參半,市場應該唔會只反映中東局勢,仲會包括之前爆炒慨人工智能(AI)相關企業慨業績係咪交到貨,以及美國聯儲局會唔會掉頭加息,估計美股後市都係傾向向下Chock。 |
|
梁偉源 |
2024-04-19T14:59 |
截至早上11時止,1小時內《彭博》用戶關注度上升最多首5隻港股,依次為ASMPT(00522)、招金礦業(01818)、九龍倉置業(01997)、永利澳門(01128)、中國石油化工股份(00386)。 剛出左業績慨台積電下調全球晶圓代工業增長預測,荷蘭ASML上季新定單亦差過預期,近日環球晶片股都面臨較大調整壓力。今日(19日)排榜首慨ASMPT再度失守「紅底股」,股價之前彈左兩日,今朝跟隨外圍晶片股向下,一度挫逾7%,低見95.9元。 大華繼顯執行董事梁偉源認為,晶片行業基本面有變,預期板塊慨弱勢會持續一段時間,ASMPT股價今年已累升約30%,所以今日出現較大獲利回套壓力亦可以理解,佢又估計,唔少機構投資者未來會趁股價反彈時減磅,ASMPT股價可能要跌到85元至90元先有支持。 |
|
聶振邦 |
2024-04-19T11:30 |
美股3大指數昨晚(18日)個別發展,其中,納指已連跌5日,但台積電(TSMC)昨日(18日)出完季績後,都幫到英偉達(Nvidia)股價靠穩,值得留意係,台積電進一步睇淡行業增長前景,又預期集團第2季收入增長唔及第1季,對行業有咩啟示?此外,係美股噚晚收市後出業績慨Netflix,交左一份亮麗成績表,每股盈利超預期,但集團公布2025年首季開始,唔再公布季度會員數目,會唔會對股價有影響? 博威環球證券金融首席分析師聶振邦指,受人工智能(AI)發展帶動,今年晶片需求理應有增無減,但台積電第2季預測保守,或反映AI發展冇想像中咁強勁,有機會對整體美股帶黎挑戰。 聶Sir又話,Netflix透明度減少不利市場氣氛,但會增加公司營運彈性,因為唔需要投入咁多資源向公眾交代數據,有助控制成本,佢認為唔需要太擔心,始終集團業績增長亮麗,預期股價暫時會係600美元至640美元上落。 |
|
盧志明 |
2024-04-19T10:40 |
大唐資本投資策略部總監盧志明推介海信家電(00921) 推介原因: - 受惠效率提升及產品組合改善,去年業績亮麗,純利增近1倍 - 自研AI模型用於電視,可跨場境任務規模,具發展潛力 - 上海實施促進綠色節能家電消費補貼政策。 |
|
林嘉麒 |
2024-04-18T22:58 |
太平洋航運(02343)擬斥資最多3.12億元回購股份,是上市以來首次回購行動。 元宇證券基金投資總監林嘉麒表示,太航計劃回購股份,雖然只佔已發行股本約2%。 |
|
熊俊傑 |
2024-04-18T17:57 |
美國總統拜登(Joe Biden)或加中國鋼鋁關稅3倍,刺激鐵礦石價格隔晚(17日)升近3%。事實上,4月至今鋁價升幅已跑贏銅及鎳,如果美國真係大加中國關稅,鋁價會唔會繼續跑贏基本金屬? 獨立商品外匯分析師熊俊傑指,受到早前英國、美國對俄羅斯慨銅、鋁、鎳制裁,相信鋁價短期會持續高企。至於拜登擬大幅加中國鋼鋁關稅,Ken認為,要密切留意美國總統大選慨選情,現時拜登有機會為左回應當地工會,先至話考慮大加關稅。 |
|
植耀輝 |
2024-04-18T17:44 |
安踏體育(02020)今日(18日)出左營運數據,安踏品牌及FILA品牌都有增長,今年係奧運年,市場對體育用品慨需求有增無減,安踏更加係國際奧委會2024年至2027年官方體育服裝供應商,又將會推出NBA球星簽名球鞋「歐文系列」,未來兩季係咪安踏慨銷售關鍵期? 耀才證券研究部總監植耀輝指,安踏未來兩季銷售及收入增長可能更理想,因為上述因素對第2至第3季慨銷售有明顯幫助,反而奧運對個別品牌未必有太大貢獻。 此外,大行焦點落係折扣及庫存上,最新營運數據反映集團產品賣得之餘,又唔需要提供好大折扣優惠,但內地市場消費降級係一大隱憂,植耀輝指,安踏定位比較好,根據公司慨品牌指引,其中,FILA品牌首季增長差少少已達標,而線上銷售對公司慨貢獻亦相對大,所以整體銷售情況仍算理想,不過,一旦消費狀況改變,唔排除集團要加大折扣率。 |
|
陳偉明 |
2024-04-18T14:14 |
美國就業及通脹數據強勁,加上地緣政治局勢緊張、國際油價持續破頂創近年新高,美國減息預期大降,多名聯儲局官員發表「鷹派」言論,美股由今個月初開始明顯轉勢弱勢而且未有反彈跡象。 美匯強、人仔弱,內地股市於清明節假期後上周表現繼續疲弱,相反港股上周初在沒有特別利好消息情況下反覆向上,即使美國3月通脹數據高於預期,美股上周三(4月10日)晚急挫逾400點,但港股上周四(11日)只是裂口低開約300點後便即時在恆指開市價16,856見全日低位並且即日大陽燭重返17,000點以上收市,筆者當時天真地認為港股可能有資金撈貨,判斷恆指有機會向上突破3月13日高位17,214點打破一直以來的反覆上落格局。 自從美國3月消費者價格指數(CPI)高於預期,芝加哥商品交易所數據顯示美國6月份開始減息的預期由前周接近六成跌至只有約兩成,美國10年期債息及美匯指數在上周三(10日)晚開始飆升,人民幣匯價轉弱,港股在上周四(11日)反常地靠穩一日之後,因為內地3月通脹及出口數據遜預期於上周五(12日)再大陰燭回落,但筆者相信歐元急挫令美匯進一步上升才是港股近期回落的主因。 歐洲央行公布4月議息結果一如預期維持利率不變,但歐央行行長拉加德表明歐元區的通脹性質與美國不同,且不會依賴美國聯儲局的決策判斷減息周期,加強了市場對歐洲央行6月份減息的預期,英倫銀行行長貝利亦表示英國通脹正下降,令市場預期英國亦有機會早於美國在8月會首次減息。 美國通脹數據連續3個月遠高於聯儲局2%目標水平,連聯儲局主席鮑威爾亦於本周二(16日)晚認衰表示通脹回落速度並不足夠,因此並不急於減息,反映美國高息環境或維持更長時間,美匯強勢明顯。市場開始認為聯儲局今年減息次數少於兩次,而不是原先估計的三次;首次減息時間較可能在9月,而不是6月。 國務院上周五(12日)收市後發布新「國九條」支持資本市場發展,刺激內地A股於本周一(15日)開始顯著反彈,但聯儲局繼續有官員支持放慢減息步伐,美國短期減息無望,瑞銀甚至預測聯儲局有機會掉頭加息,加上中東緊張局勢升溫,港股在美元強勢拖累下於本周初進一步下跌,恆指於本周三(17日)跌至低見16,155點。 美國總統拜登提議對中國鋼鐵和鋁徵收更高的關稅,雖然中美貿易戰升溫,但中東緊張局勢暫時紓緩,油價回落令通脹壓力減低,美國債息及美匯指數開始回軟令恆指本周四(18日)早上最高曾升至高見16,507點。 3月初時,鮑威爾「放鴿」表示有信心通脹率可向下回落至2%並表示美國今年某個時間減息可能合適,而中國2月居民消費價格指數(CPI)終止連跌四個月通縮,在美國減息預期升溫及內地有望擺脫通縮兩大憧憬下,港股3月初後期急升,但目前美國減息預期不斷推遲、內地通縮壓力仍在,相信恆指短期內很難向上突破筆者一直提及的3月13日高位17,214點。 技術上,恆指處於反覆上落格局之中略為編弱的狀態,密切留意恆指會否進一步陰燭跌穿16,055點令跌勢加劇,近期港股走勢飄忽,筆者傾向觀望等待明顯機會才進場。 |
|
許繹彬 |
2024-04-18T11:10 |
港股上周一(4月15日)度升穿17,100點水平後,投資者本以為港股有機會在短期內現曙光,但港股的路又怎會如此平坦。踏入本周,港股疲態又再次呈現。令港股再度轉弱原因,相信是壞消息在本周相繼出現。 首先,中東局勢突然出現緊張,事緣在香港時間周日,伊朗突向以色列發動直接襲擊,出動逾200枚導彈和無人機,攻擊以色列境內目標,目的是報復月初以色列空襲伊朗駐敘利亞大使館。儘管伊朗駐聯合國代表稱襲擊行動已結束,但這次空襲帶來的負面影響已逐漸浮現,除令中東局勢緊張外,亦致使全球股市陷於苦戰。近日一直處於調整階段的道瓊斯工業平均指數及納斯達克指數,以及在亞洲表現一向最突出的日本市場,亦相繼出現深度調整,單是道指及日股已下調近2,000點之多。 此外,投資美國股票市場的投資者可謂最憂慮的問題在本周亦相繼出現,美國10年期債息突然升至4.6厘,是自去年11月中以來最高,美匯指數亦升穿106水平。此次雙雙抽升,令市場推測美國聯儲局今年6月首次減息的機會變得渺茫。 對此,市場因而眾說紛紜,有投行推測最快在9月才減息,部分更認為12月才出手。更甚的是,投行瑞銀指出,美國今年除不會減息外,反而有機會再加息。再者,內地的A股指數在並未有任何實質支持下,呈現膠著及回軟的情況。 在上述林林總總的不利因素下,相信久病初癒的港股一定不能獨善其身。儘管昨日港股微升2點,終結四連跌的殘局,但最終波幅亦只有200點左右,可見呈現「跌快升慢」!一直守得較穩的50天及100天(16,468點附近)最終亦在本周失手,所有領航的大藍籌全部下挫,更紛紛創下52周新低,情況再度變得令人憂慮及無助。 筆者認為,雖然上周港股曾一鼓作氣衝上17,000點以上水平,但此升穿確實令人有不實在的感覺。而在缺乏有力的承接及壞消息充斥下,相信港股出現調整亦屬正常,驅使大市再度應驗「唔怕一萬,最怕萬七」的魔咒。而這次的調整出現一個很特別的現象,就是雞犬皆跌,多隻有份量的藍籌去年在跌穿15,000點時仍表現硬淨。 但反觀本周,部分昔日強勢藍籌跌至52周新低,如收息股領展(0823)、一向優於大市的濠賭股銀河娛樂(00027)及金沙中國(01928),昨日股價更跌至體無完膚;對港股後市有指引作用的港交所(0388)股價越跌越有;「ATMXJ」強勢盡失。惟港股仍有「苦中一點甜」之處,就是「北水」在跌市時伸出援手,資金仍持續流入,更為逾三周以來最多,錄得連續14日淨流入。 港股本周作出深度調整,除中東局勢緊張令外圍市況籠罩著一片不景氣外,最致命的相信是減息步伐有所推遲,令美元再度轉強,以及令美債息率及美匯又再度急升。投資者尤記得,去年港股曾一度陷於苦戰及一沉不起的原因,亦是由於美債美匯持續上升,令港股由20,000點邊緣不斷下挫,更一度跌穿15,000點水平。 最後,港股突開始企穩及止跌回升的原因下,亦是因為美債及美匯回落所致。因此港股現階段能否止跌回穩,相信短期要看美債及美匯會否回落;現階段希望港股能守穩16,095點的三月份低位,而上望則希望能升穿50及100天線(即16,460點附近)。 |
|
梁偉民 |
2024-04-18T10:47 |
聯儲局主席鮑威爾(Jerome Powell)周二(16日)指,抗通脹進度麻麻,暗示要再推遲減息後,聯儲局最新出爐慨地區經濟報告顯示,美國大部分地區經濟增速2月底開始略為加快,企業對今年稍後慨經濟表現偏向樂觀,似乎反映美國經濟乃仍然強勁,似乎冇減息迫切性? 高富金融集團投資總監梁偉民指,過去幾個月美國經濟數據理想,離衰退愈來愈遠,減息迫切性的確細左,呢個情況會維持幾耐,係幾時開始減息慨重要因素。 市場開始估計美國今年未必會減息,其中,美國銀行預期聯儲局最快明年3月先開始次息。不過,花旗認為聯儲局官員其實唔係咁鷹,又指今年仍有機會減息5次。 Wyman指出,減5次息唔係市場主流睇法,但唔排除美國經濟下半年有機會失控,導致聯儲局加快減息步伐,係6月開始減息,但睇返依家慨情況,雖然美國經濟下半年可能轉弱,但係兩至3個月內出現好大問題慨機會唔大,唔足以迫使聯儲局大手減息。 佢又認為,上述兩個種預測都未必會發生,仍預期美國今年減息1至兩次,首次會係9月,11月或12月會再減。 |
|
譚智樂 |
2024-04-18T09:45 |
富途證券高級策略師譚智樂推介騰訊控股(00700) 推介原因: - 遊戲業務未來有望回穩,《幻獸帕魯》(Palworld)有望成催化劑 - 毛利率穩定。 |
|
羅尚沛 |
2024-04-17T22:44 |
同程旅行(00780)聯席董事長梁建章4月12-16日連續三日場內減持,共沽出108萬股,套現逾2300萬元。 銀河證券業務發展董事羅尚沛表示,同程高層減持,可能純粹個人財務需要,與業務前景無關,至於公司股價一向是內地長假期前大約兩星期炒上,之後便會回調,建議投資者待下一個長假期前,再作部署。 |
|
林嘉麒 |
2024-04-17T18:38 |
市場一直憂慮騰訊控股(00700)南非大股東旗下公司Prosus慨減持行動帶來慨沽壓。不過,有資料顯示,騰訊首季回購股數超過Prosus同期拋售慨股份量,相信抵銷到減持對股價慨影響。 騰訊將於5月14日公布業績,集團似乎進入靜默期,所以呢兩日未見公布回購行動,而股價今日(17日)要跟隨大市向下,並一度跌穿300元大關。既然大股東減持陰霾已散,點解股價今日仲會受壓? 元宇證券投資總監林嘉麒認為,雖然騰訊係之前港股大跌時,仍可領先大市,股價能夠係高位企穩頂住大市,但短線可能會跟住其他科網股,甚至大市下跌,直言現時唔會考慮買騰訊。 KK續指,300元唔係明顯支持位,之前股價一跌穿300元跌勢就加快,加上稍後美國科企公布慨業績一旦未必理想,可能會拖累埋港股科技股。佢又提到,自上周三(10日)起,騰訊慨沽空比率由約10%,急升至現時逾20%,反映唔少資金部署騰訊股價之後會下跌。 |
|
莊志雄 |
2024-04-17T17:29 |
美國3月通脹超預期,其他經濟數據亦表現強勁,美國聯儲局主席鮑威爾(Jerome Powell)昨日(16日)改口,暗示或要延遲加息,大行瑞銀(UBS)甚至估計,今年減息後,明年有機會加息。不過,美銀最新調查顯示,仍有唔少基金經理預期,未來12個月美國經濟唔會陷入衰退,佢地係咪對經濟前景過分樂觀? 「股市漁夫」創辦人莊志雄估計,隨著美國政府慨國債負擔愈來愈重,加上中東局勢緊張,聯儲局今年或會減息1次,但指減息後通脹可能更不受控。 Lewis指出,過去6個月受訪基金經理普遍對美國債市、股市前景比較樂觀,所以大幅減少手頭現金,並大量買入包括股票、長債等長期資產(long-duration assets)。佢引述美銀4月調查指,基金經理慨股票配置繼續上升,而目前現金僅佔基金經理管理資產4%。 Lewis續指,環球通脹開始見底回升,市場對減息次數慨預期愈縮愈少,經理就有壓力減倉提高現金水平,到時美股有機會調整至少1個月。 |
|
彭偉新 |
2024-04-17T13:08 |
截至早上11時止,1小時內《彭博》用戶關注度上升最多首5隻港股,依次為銀河娛樂(00027)、中信銀行(00998)、金沙中國(01928)、禹洲集團(01628)、新世界發展(00017)。 賭股持續弱勢,金沙股價暫時4連跌,銀娛更連跌第5日,今朝輕微低開後,半日最多跌6%至34.5元。資深證券分析師彭偉新分析指,銀娛股價或要回落至2022年3月及11月慨低位附近先會喘定,若以當年3月約33.45元水平估算,現價仲有約1.4元慨下跌空間,楂住銀娛慨股民可能要捱多一浸跌浪。 Castor又認為,澳門政府似乎唔睇好今年旅遊業慨增長,雖然今朝澳門首季博彩收入按年增長65%,相當於2019年同期慨75%,當地旅遊業數據亦差唔多恢復至疫情前水平,但當局未有因此上調全年賭收預測,相信今年「五一黃金周」慨憧憬唔會炒到博彩板塊。 此外,市傳澳門博彩信貸法8月起生效,Castor話,市場或憂慮法例會限制賭企收入,令唔少之前部署左賭股慨投資者今日進一步拋售手上持股,相信賭股短期會繼續跑輸大市。 |
|
盧志威 |
2024-04-17T11:11 |
美國10年期債息升至近4.7厘水平,事關聯儲局主席鮑威爾(Jerome Powell)同副主席傑斐遜(Philip Jefferson)都暗示或要推遲減息步伐,指去年底起抗通脹缺乏進展,愈黎愈多券商下調今年減息次數預測,其中,瑞銀預期今年減息兩次後,明年有機會掉頭加息。 雖然金價仍處於每盎司2380美元水平慨高位,不過,潤淼資產管理董事盧志威認為,後市10年期債息有機會上到5厘,長遠不利金價走勢,加上中東局勢繼續升溫,最新以色列明言會報復伊朗,短期金價未見進一步動力向上,建議投資者趁而家市場氣氛好就適量減持黃金。 |
|
植耀輝 |
2024-04-17T09:56 |
耀才證券研究部總監植耀輝推介中國中車(01766) 推介原因: - 早前發盈喜,料首季淨利按年升50%至70% - 估值有望獲得提升 - 內地鼓勵以舊換新。 |
|
趙晞文 |
2024-04-16T18:24 |
雖然港股今日(16日)顯著下挫,但中國石油股份(00857)逆市跑出,股價一度升逾3%,創2007年12月底以來新高,亦是表現最佳藍籌,成交額亦明顯增加,中石油A股亦升得靚,總市值更一度突破2萬億人仔。摩根士丹利將中石油H股加入A股及港股關注名單,美銀證券亦叫繼續買中石油,係A股及港股今日大跌下,仍有大量資金湧入買貨,到底反映乜野? 信達國際研究部董事趙晞文認為,國際油價係其中一個主要助力,若中東局勢進一步升溫,油價勢再上,加上中石油慨自身因素,具國企背景,年初起盈利能力亦逐步提升,都係資金睇好集團慨原因之一。佢又提醒,投資者要留意中石油派息比率係咪可以進一步提高,而集團未來數年資本開支及營運成本相對穩定,原因係有盈利槓桿及自由現金流增加,未來派息比率有機會提升。 |
|
李偉傑 |
2024-04-16T17:55 |
美國保險股強勢,反觀主攻亞太區市場慨友邦保險(01299),同埋一眾內險股持續弱勢,其中,友邦股價已連跌7個交易日,今日(16日)再創52周新低,仲跌穿埋疫情時低位,相對強弱指標(RSI)亦低過當年兼極度超賣,點解友邦股價會跌到咁? 華盛證券財富管理部董事李偉傑表示,內地收緊監管政策對保險業有長遠影響,其實唔止監管因素,友邦股價係出完業績後,跌勢顯著加劇,大行及外資對持續性新增業務價值投放慨睇法比較悲觀,觸發友邦新一輪跌勢,亦缺乏反彈動力及契機,而集團回購規模遠少過之前,除非集團未來提高回購金額,挽救投資者及市場對友邦慨信心,股價先有機會有起色。 |
|
陳欣 |
2024-04-16T17:20 |
內地今早(16日)出左首季經濟增長、零售及固投等數據,雖然經濟增長超預期,但零售增長差過預期,數據出爐後,離岸人仔一度轉弱至7.283,跌至4個月低位,其後搵到支持。摩根士丹利最新估計,美國聯儲局推遲減息,亞洲央行有可能跟隨,人仔後市會點走? 連連STAR FX總經理陳欣指,雖然內地經濟增長好過預期,但市場關注慨房地產數據仍弱,加上零售及工業生產都弱,人仔繼續反覆偏弱,而中美息差持續擴闊,以及日圓愈跌愈有,都不利人仔走勢。Chase估計,離岸人仔短線係7.3水平會有支持。 |
|
譚智樂 |
2024-04-16T14:51 |
截至早上11時止,1小時內《彭博》用戶搜尋量最多港股,依次為時代中國控股(01233)、友邦保險(01299)、中國恆大(03333)、ASMPT太平洋(00522)、招金礦業(01818)。 時代中國被恆生銀行(00011)提出清盤呈請,追討逾20億美元財務責任,集團今年首季賣樓收入按年大減逾70%,去年虧損達45億人仔,到底時代中國會唔會步恆大後塵,最終清盤收場? 富途證券高級策略師譚智樂認為,時代中國有機會面臨清盤,雖然公司仍持有數以億元計慨資產,但市值只得返3億元,肯定涉及債務重組問題,所以投資者必須明白投資內房股係風險好高,唔係單睇資產負債表及業績。 佢又話,近期有消息指,時代中國債價異動,所以股價波動在所難免,投資者只能從風險角度去做評估,佢坦言,現階段係分析層面上其實已經冇野可做。 |
|
梁偉民 |
2024-04-16T11:55 |
美股昨晚(15日)先升後跌,市場憂慮以色列將回應伊朗攻擊,加上美國3月零售銷售強勁,市場對聯儲局推遲減息慨預期升溫,道指單日轉向,由一度飆400點,到收市跌逾200點,已連跌6個交易日,而3大指數中,以納指跌得最多,收市跌近2%,美股後市仲有幾大下調空間?可唔可以趁大市氣氛轉弱撈人工智能(AI)慨念股? 高富金融集團投資總監梁偉民指,美股之前受AI熱潮帶動,無視債息上升慨負面影響,不過,最近AI相關股份都係高位出現整固及回落,反映AI熱潮有冷卻跡象,但唔排除之後會回勇,如果大市短期冇左AI相關股份支撐,債息上升對美股慨影響會明顯浮現,佢估計,美股未來有機會再回調2%至3%。 |
|
黃偉豪 |
2024-04-16T11:05 |
港股暫時連跌第4個交易日,恆生指數今朝(16日)低開後,跌幅擴大,一度挫近300點。好倉繼續有資金流入,今朝流入4500萬元,5日合計有1億元資金坐貨,淡倉5日合計有約2200萬元資金流出。此外,牛證重貨區介乎16200至16300點,其中,16200點是最多人加倉位置,熊證重貨區就係17200點,最多人加倉係16800點。大市連日下跌,明顯見到資金流較多部署好倉,今日係咪仍然維持呢個趨勢? 中薇證券研究部執行董事黃偉豪認為,港股短期走勢會較為反覆,過去幾日投資者博好倉,因為當時見到大市借勢回落,加上技術上仍未跌穿移動平均線,不過,今朝再跌就有少少破壞左短期上升趨勢,50天及100天線已失守,即16400點水平。 Ravi又話,如果想博好倉,例如牛證就要從收回價著手,宜揀距離現價遠少少,以過夜為主至少要擺係15500點水平。 |
|
陳鳳珠 |
2024-04-16T10:09 |
匯盈集團研究部主管陳鳳珠推介信義玻璃(00868) 推介原因: -浮法玻璃及建築玻璃產品,於內地市場銷量增加,推動去年收入 -受惠生產效率提升及增加可再生能源使用。 |
|
阮子曦 |
2024-04-15T22:43 |
國常會日前強調,要全面開展電動自行車安全隱患全鏈條整治,雅迪控股(01585)今日大成交下抽升逾9%,應如何解讀? 華富建業證券投資策略聯席總監阮子曦表示,市場或憧憬在行業整治下,市場將更集中,而且雅迪的用家或需購買正版原裝電池,將有助帶動收入。 |
|
聶振邦 |
2024-04-15T16:13 |
周大福(01929)上周五(12日)收市後出左業績,股價今日(15日)顯著受壓,一度挫9%,不過,大行焦點反而落係開店及關店數目上,摩根士丹利指,周大福淨關店數目少過預期,中信里昂就話,淨開店數目少過指引,到底呢些數據有幾重要? 博威環球證券金融首席分析師聶振邦指,雖然周大福內地淨關店數目近90間,但佔比其實唔大,不過,市場預期,內地今年經濟應該比去年好,但今年第1季反而出現淨店舖減少,市場傾向解讀為集團睇淡未來消費市道。佢認為,集團削減店舖慨趨勢將會持續,主要係線上銷售逐步增加,銷情亦唔錯,如果呢個情況持續,門店需求會不斷減少,周大福將資金強化網上銷售係比較合適。 聶Sir又指,實體店同網上銷售慨收入交替,或令整體業務發展出現「陣痛」,相信市場未來會關注呢個交替銜接係咪暢順,投資者暫時要有心理準備,周大福會繼續削減店舖,但其實係一個健康發展方向。 |
|
梁傑文 |
2024-04-15T16:01 |
內地茶飲店茶百道(02555)今日(15日)開始招股,籌逾25億元,係今年新股「集資王」,茶百道招股價17.5元,入場費約3500元,同已係本港上市慨同業奈雪的茶(02150),仲有經營天仁茗茶自營店慨賓仕國際(01705)比較,茶百道有冇優勢?呢隻新股又抽唔抽得過? 《香港股票財技密碼》作者梁傑文指,茶百道有一定吸引力,因為規模比賓仕及奈雪大,若成功上市,市值將高達200億元,加上概念獨特,收入及純利可觀,不過,雖然加盟店模式會令開店速度快,毛利率又高同業一截,但要留意加盟店管理質素,同埋能唔能夠持續高速擴張。 Mike又話,專注外賣定單係大勢所趨,即使茶百道盤數靚,但新股始終要睇估值,茶百道市盈率(PE)約22倍,但係依家慨投資環境下,定價未必有吸引力。佢又提醒,茶百道最大隱憂係冇基石投資者,因此,如果想抽呢隻新股宜一手起兩手止較穩陣。 |
|
郭思治 |
2024-04-15T10:21 |
大市已身處4月份之中旬,而經過近日之一輪急升後,由於恆指已成功升越2日之高位17,007點,故本月大市之形態現已扭轉成先低而後高,恆指暫是由5日之低位16,480點升至10日之高位17,190點,即月內之波幅已稍擴闊至710點,由於一個月之高低位是不該同時出現於4個交易日之內,加上710點之波幅亦該不能滿足月內之所需,故在本月餘下之交易日,理論上該有更大之波幅點出現,從而擴闊月內之波幅以滿足所需,同時亦能拉闊月內高低位之距離以符合慣性之要求。 從技術上看,大市如欲進一步上尋月內之新高,首要之條件是恆指必需持續穩守於10天線(約在16783點左近),20天線(約在16,743點左近),100天線(約在16,511點左近)及50天線(約在16,433點左近)等四組平均移動線之上。 另外,成交金額亦必需再增至1,000億元或以上,因大市之動力如不相配,升勢定必漸受規限,往上望,暫時之上升阻力該為3月13日之高位17,214點,但如大市再度跌穿10天及20天線,則整個市勢又會再重陷反覆不明之中,其時大市或回試100天線及50天線之支持,即本月大市之形態將有變。 股份中,仍以中國移動(00941),匯控(00005)及中國海洋石油(00883)等之表現最強,而近月中國石油(00857)開始發力,股價亦創年內新高,由於上述四隻股份均已升近或已創年內新高,對大市當帶來一定刺激,至於騰訊(00700),美團(03690)及阿里巴巴(09988)等雖稍見技術性回升,但在買盤保守之下,擔心升勢末能持續,況且友邦(01299)仍持續反覆尋底,即股份升勢未見全面,再一次指出,大市暫該衹屬熊市三期之反彈而已,在實體經濟持續不明之下,技術上似難出現新一潮之牛市,況且中東局勢越來越緊張,如有黑天鵝事件爆發,大市將再陷反覆。 |
|