Create Your Own Business Intelligence Website
 
Input the stock code or the company name     Search  

<01537.HK> -

 
 
 
 
 Company Rating
Date Broker Company name Rating Target
≫More
 
 Company performance - Published
Date Company name Turnover* Profit* % Dividend
≫More
 
 
 
 Top Gain / Loss Show All Charts 
 
 Value
Name Updated Value Change Change %
SYMPHONY W1907 null null 0 0 0%
≫More
 
 Expert Commentary
2026-10-14　嘉利國際(01050)第二季度收入增長45%，增速高於第一季度的35%。 銀河證券業務發展董事羅尚沛表示，嘉利收入增長主要受惠伺服器機殼業務，相信全年收入及盈利均有可觀升幅，不過雖然公司業務算是跟AI概念沾上邊，但伺服器機殼技術含量及毛利率不高，而市場對於AI概念的投資熱情難與今年初相比，相信嘉利股價亦難以反彈至今年中高位。
2026-10-14　港交所(00388)股價今朝(14日)一度跌2.2%，低見371.2元，跌至3個月低位，除左受大市氣氛及成交疲弱影響，亦因為市場擔心IPO生意，會受證監會日前搗破兩個IPO造假集團，凍結近47億元資產，事件涉及茶百道(02555)等3家上市公司，呢場「打假風暴」會點發展，對本港新市場有咩影響？ 元宇證券投資總監林嘉麒認為，投資者短期毋須過度恐慌，亦唔會令所有新上市股份都會停牌，香港IPO集資排名全球第1，依家有大量人工智能(AI)排隊在港上市，如果失去呢批資金，有機會影響未來新股上市數目，繼而影響港交所上市費、交易費收入，以及各類牌照中介機構生意額，牽連範疇可能比較廣，而市場上所謂慨「陋習」，或令監管機構收緊上市審查條例，日後要搵合規投資者會唔會更難，相信對整個IPO市場影響都幾深遠。 KK坦言，今次應該唔係單一事件，新股市場背後慨遊戲規則其實大同小異，只不過係睇有幾多證據，如果相關秘密協議被曝光，唔排除有更多關聯公司及投資者被牽涉在內。
2026-10-14　兌吧(01753)股價今日(14日)一度爆升50%，高見0.72元，集團透露，新業務人工智能(AI)短劇連續3個月有錢賺，兌吧今年1月由SaaS(軟體即服務)轉型至AI短劇，睇返中期業績，收入已有2.23億人仔，佔整體收入51%，但因為AI業務勁燒錢，令中期業績「見紅」，雖然新業務表現好，但唔代表盈利一定有保證，點睇兌吧現時經營狀況？AI短劇業務收入增長勁，係咪足以撐起成份業績？ 高歌證券金融首席分析師聶振邦表示，兌吧轉型成效唔錯，之前做SaaS生意時，已有分析廣告流量慨技術優勢，依家做AI短劇似乎用得著，成功製作吸引性高、流量高慨短劇。 聶Sir又話，雖然兌吧中期業績仍錄得虧損，就算黎緊未能扭虧，但估計虧損會進一步收窄。佢認為，兌吧擁有自家系統製作AI短劇，壞處在於前期投入較多，但好處係唔使用詞元(Token)，因此，雖然兌吧前期投入大，但未來成本效益會較理想。
2026-10-14　截至早上11時止，過去1小時內《彭博》搜尋量最多港股，依次為美團(03690)、小米集團(01810)、創科實業(00669)、康方生物(09926)及騰訊控股(00700)。 創科實業股價近期表現唔錯，今朝(14日)一度升逾4%，高見130.6元，其後保持升勢。瑞銀指，創科實業管理層重申，有信心今年收入增長6%至7%，主要受惠於旗下美沃奇(Milwakee)錄得低雙位數增長，人工智能資料中心(AIDC)相關銷售強勁，原本預期息稅前利潤(EBIT)利潤率達明年才可以達到10%，但依家預期今年已可達標，係現時市況唔明朗下，創科實業算唔算係穩陣之選？ 資深證券分析師彭偉新認為，創科實業股價波動性大，所以唔算係一隻穩陣慨股份，但每次股價顯著回調後，都可以再重拾升勢，主要係數據中心未來都要用集團慨電動工具、產品，估計公司可維持強勁增長。此外，創科實業主要出口電動工具及戶外設備去美國，而近期當地房地產銷售理想，相信家居、DIY工具業務增速會較快。 Castor估計，創科實業股價會繼續升，亦認為應該未見頂，投資者可以繼續睇好。
2026-10-14　美國大行陸續派成績表，其中，富瑞股票交易係今個季績期最大驚喜，除左花旗，其他美國大型銀行都交靚績，統計4家銀行業績，股票交易收入金額更罕有地超越固投收入，雖然業績強勁，但股價冇得升，更拖累美股3大指數昨晚(13日)收市向下，點解會出現呢個情況？此外，摩根大通發債集資70億美元，會唔會限制左後市表現？ 泓瀚資本董事盧志威指，銀行股見光死主要因為市場情緒差，所以投資者反而趁業績唔差沽貨，加上股價之前已升左唔少，所以出現技術性調整，但佢認為，銀行股整體數字及預測其實唔錯，所以唔使太擔心。 William又話，花旗表現特別弱係個別公司及季度問題，唔可以因為咁抹煞成個行業，市場後續仍有Anthropic及OpenAI等大型新股上市憧憬，可以為投行業務貢獻唔少收入，但傳統及零售業務就相對看淡。 至於摩通發債，佢就話，如果短期內有大型新股IPO憧憬，表現應該還好，不過，未來新股號召力及估值或會轉弱，到時金融股會回歸平淡，如果短期跌得急可以考慮撈底，但唔預期股價會大升。
2026-10-14　獨立股評人植耀輝推介東方海外國際(00316) 推介原因： -中東局勢令運費持續高企，公司第3季業績亮麗 -全球運力增加。
2026-10-13　金力永磁(06680)預告，第三季純利介乎2.7-3.4億元人民幣，增長30-60%，基本盈利則增長33-66%。 阿仕特朗資產管理董事鄭家華表示，金力永磁業績對辦，公司估值亦不算高，不過市場擔心其他國家會逐步減少對內地稀土相關產品的依賴，相信股價難有明顯起色。
2026-10-13　據《彭博》報道，瑞聲科技(02018)擬發離岸人民幣債，金額不逾32億人仔，瑞聲回覆《彭博》查詢時冇否認「抽水」，僅稱發點心債係融資選項之一。消息可信性有幾高？集資所得有咩用途？ 元宇證券大中華區股票投資總監趙晞文相信，瑞聲好大機會發債集資，今次有可能係故意放風試水溫，睇下整體市場及機構投資者有幾大需求，再決定最終定價及其他詳情，最終集資金額係咪32億人仔，甚至更多，就要視乎機構投資者反應。 晞文續指，瑞聲係市場上一向較少動作，今次發債集資可能係中長期戰略規劃，用途包括投資光相關業務，例如光傳輸或人工智能(AI)數據中心、液冷等相關業務，希望更多增長曲線。
2026-10-13　騰訊控股(00700)發行50億美元債券，初步定價比同類美國國債高最多140個基點，發債主要用係人工智能(AI)發展等，騰訊股價今朝(13日)曾跌1.4%，低見419.8元，如果想趁跌入場做長線部署，條款揀2028年到期，2倍槓桿，行使價449元，還是揀明年8月到期，6倍槓桿，行使價580元？ 胤源世創家族辦公室(香港)第一副總裁黃偉豪指，如果依家做博反彈部署，宜擺近少少，因為明年8月到期唔算短身，6倍槓桿亦較高。佢又話，如果博股價短中線升至500元會較難，6倍槓桿較高，就算唔係博變等價或價內，反彈機會都較大。 Ravi又話，無論同大市或主要科技股龍頭股價比較，騰訊股價都係比較弱，Ravi認為，如果博好倉反彈，止蝕位可以擺410元水平，一旦失守就要走，如果博反彈可以先睇20天線水平，即430元水平，如果升穿，目標價可以再睇450元。
2026-10-13　近兩個月標普500指數及納指屢創新高，但都係靠科技股獨撐，科技股升左咁多，令資金出現輪動情況，瑞銀指，資金似乎由「擠擁」慨科技、半導體以至保險板塊，轉戰工業、能源等冇咁「擠擁」慨板塊，點睇呢個情況？ 金馬資本管理交易策略總監蘇沛豐指，上半年科技股跑輸，唔少投資者都分散投資，轉戰其他板塊，但科技股經歷呢輪跌勢後又平返，例如英偉達(Nvidia)慨預測市盈率(PE)僅約17倍，令投資者翻兜科技股。 Daniel又指，近期資金轉戰較落後慨行業，特別踏入10月，美國長債息喘定返，冇再衝上去，加上美國長債拍賣反應較預期好，令之前受債息急升拖累慨板塊，如防守性行業及公用股等開始出現反彈，由於科技股回調剛剛開始，資金仍會繼續輪動，投資者可以考慮公用股，例如Google母公司Alphabet與星座能源(Constellation Energy)簽訂長期核電供電合約，反映人工智能(AI)對長期發電需求強勁，消息會對公用股有利。
 

Mobile | Full
Forum rule | About Us | Contact Info | Terms & Conditions | Privacy Statment | Disclaimer | Site Map
Copyright (C) 2026Suntek Computer Systems Limited. All rights reserved
Disclaimer : In the preparation of this website, 88iv endeavours to offer the most current, correct and clearly expressed information to the public. Nevertheless, inadvertent errors in information and in software may occur. In particular but without limiting anything here, 88iv disclaims any responsibility and accepts no liability (whether in tort, contract or otherwise) for any direct or indirect loss or damage arising from any inaccuracies, omissions or typographical errors that may be contained in this website. 88iv also does not warrant the accuracy, completeness, timeliness or fitness for purpose of the information contained in this website.