Create Your Own Business Intelligence Website
 
Input the stock code or the company name     Search  

<00424.HK> -

 
 
 
 
 Company Rating
Date Broker Company name Rating Target
≫More
 
 Company performance - Published
Date Company name Turnover* Profit* % Dividend
≫More
 
 
 
 Top Gain / Loss Show All Charts 
 
 Value
Name Updated Value Change Change %
MECOM PWR W2405 null null 0 0 0%
≫More
 
 Expert Commentary
2026-09-09　攜程集團(09961)下周三(16日)會派第2季成績表，參考同程旅行(00780)下調全年收入及核心在線旅遊平台OTA業務指引，擔唔擔心攜程慨業績表現？係反壟斷之下，攜程前景又如何？ 元宇證券基金投資總監林嘉麒估計，攜程慨情況可能比同程更差，因為同程業績暗示一線城市消費力不似預期，而攜程主要客戶正正集中於一線城市，呢些數據的確影響攜程未來慨指引，唔排除會再調整，繼而拖低股價，估計短期仍偏向負面。 KK續指，消費意欲未見明顯回升，一定影響旅遊出行情況，再加上反壟斷政策，負面情緒一直在疊加，導致整個行業市盈率(PE)非常低，除非作為龍頭慨攜程業績好過市場預期，股價先有機會回穩。
2026-09-09　內地商用服務機械人公司優地機器人(03231)今日(9日)首掛，成功扭轉近期新股市場劣勢，收市炒高逾1.5倍。至於智能機械人組件供應商梅卡曼德機器人(09615)，上市至今仍然「潛水」，集團今年第1季營業額大升逾70%，股東都好有份量，當中包括美團(03690)，梅卡曼德機器人幾時可以上返水面，集團當日招股定價101.7元？ 高歌證券金融首席分析師聶振邦指，暫時黎睇，梅卡曼德機器人走勢逐步向好，公司屬於產業鏈中游業務，生意較穩定，上市初期，由於撞正港股冇乜方向，加上散戶持股佔比較大，隨著散戶沽貨沽得七七八八，沽壓已明顯細左，股價會有回升空間，不過，都要睇埋機械人板塊熱度keep唔keep到，如果炒作熱度降溫，上到90元水平會有阻力。
2026-09-09　《彭博》綜合環球主要國債平均孳息率指數，升至2008年金融海嘯前高位，美國、日本、德國長債價格相繼失守低位。雖然美國財政部即將公布回購國債規模，但市場認為，除非金額遠超預期或11月新季度持續做，否則作用有限，環球長債息高企係咪暫時解決唔到？呢個情況同超大型人工智能(AI)企業發債又有冇關係？ 「股市漁夫」創辦人莊志雄指，環球通脹問題由2020年開始一路向上，如果央行想根治通脹，加息幅度必須高過通脹率1%至2%，但依家各央行都冇呢個決心，純粹靠回購操作等，力度應該唔夠，必須由聯儲局出手，做量化寬鬆(QE)或扭曲操作(Operation Twist)，加上美國總統特朗普(Donald Trump)傾向減息，估計聯儲局主席沃什(Kevin Warsh)都唔會逆佢意，財政部只可以將長債息係5.3厘水平封頂，力保唔會失守5.5厘，但要跌落5厘以下就好難。 Lewis又話，6月底SpaceX發行250億美元長債後，各大科技巨企都開始加碼，美國30年期孳息率由4.8厘水平飆至5.3厘，依家巨量AI相關債務發行，規模相當於美國每年發債總量70%，呢些優質債變相係同美國國債爭緊生意，從而出現供求問題。 佢續指，有分析指，大量發債會推高美債約0.3個百分點，例如Google母公司Alphabet發30年期債，孳息率接近6.4厘，遠遠高過美國債券，自然好多投資者都會選擇佢，令整體債券長期融資成本全面提高。
2026-09-09　截至早上11時止，1小時內《彭博》搜尋量最多港股，依次為海底撈(06862)、李寧(02331)、濰柴動力(02338)、長飛光纖光纜(06869)及京東健康(06618)。 《彭博》昨日(8日)報道，海底撈大股東張勇妻子舒萍，計劃折讓配股售2.59億股公司股份，又話減持係個人財務安排，國家稅務總局針對內地居民離岸信託最新規定，將會對過去3年離岸信託追收稅款，若張勇妻子今次減持真係同交稅有關，係咪可以視作一次性事件？ 資深證券分析師彭偉新指，短線睇應該係一次性減持，但長遠而言，如果內地未來再收緊離岸信託稅款措施，可能再有減持套現動作，當市場消化左今次呢個利淡消息後，會重新睇返海底撈基本面，不過，內地整體內需仍未有改善，餐飲行業仍處於寒冬，所以短期睇黎，可以繼續留意10元關口。
2026-09-09　美股昨晚(8日)假期後復市，3大指數都要跌，其中，道急瀉逾600點，主要受油價抽升拖累，其中，倫敦布蘭特期油迫近每桶100美元。不過，人工智能(AI)基建股及光通信股表現突出，而油價飆升及美國加息預期升溫，似乎對呢兩類股份冇乜影響，呢個情況會唔會持續，股價有冇機會上返7月大調整前水平，甚至更高？ 泓瀚資本董事盧志威指，息口變化對AI基建投資成本來講係可以接受，正常慨硬件回本期約2年，投資回報極高，就算融資成本加到3厘至4厘都可以接受，只要推出慨AI模型成功及整體成本穩定，加上OpenAI新一代模型「GPT 6 Astra」，大規模用算力提升模型表現，因此，預期硬件股會繼續有追捧，亦唔怕加息。 William估計，硬件股慨股價會慢慢上，只要AI有收入，半年後股價應該會隨著大模型推出而上返黎，至於光通信股亦會慢慢重上高位。
2026-09-09　內地今朝(9日)出左通脹數據，8月全國居民消費價格指數(CPI)按年升0.8%，工業生產者出廠價格指數(PPI)按年升3.8%，雖然數據略為回升，但7月以來整體經濟仍然靠出口撐，若內需短期內冇明顯起色，今年國內生產總值(GDP)要增長4.5%至5%係咪好難達標？ 富邦銀行(香港)投資策略及研究部主管潘國光指，目前情況有正有負，正面在於即使係人民幣升值背景下，中國出口競爭力仍然好強勁，佔全球出口逾30%，並以中高科技半導體、無人機等高端產品為主，令競爭力唔會咁易受匯價影響，但長遠而言，可能會出現「K型經濟」(K-shaped Economy，即經濟係復甦或增長時，唔同產業及企業等發展時，出現極端分化情況。)，低端產業或受影響向下滑，衍生出貧富懸殊同就業問題，潘國光認為，除左針對內需增加財政開支外，亦可以讓人民幣升，令購買力強些，減輕通脹壓力。 佢又話，GDP增長的確有隱憂，若10月初公布慨第3季GDP增長低過4.5%，相信10月召開慨中央會議將會有升級慨財政政策出台。
2026-09-09　大唐資本投資策略部總監盧志明推介美圖公司(01357) 推介原因： -上半年收入升逾22%，淨利潤近40% -管理層表示，生產力應用每付費用戶平均收入(ARPPU)較生活場景應用高約5%，料成下一增長動力 -基本面穩固。
2026-09-08　聯想集團(00992)今日(8日)股價突然急瀉，一度重挫逾11%，低見28.62元。美國晶片製造商英特爾(Intel)慨中央處理器(CPU)又加價，市傳10月5日起，電腦CPU加價約10%，係2025年底以來第3次加價，現時聯想主要收入來源仍然係智能設備業務，包括個人電腦(PC)，重要零部件加價令市場擔心聯想業務及毛利率，但股價跌到咁有冇跌過龍？ 獨立股評人植耀輝指，加價消息唔單止令聯想股價大跌，亞太區內好多同PC相關慨股份都要跌，反映加價對公司股價造成壓力，依家市場更看重聯想慨人工智能(AI)數據中心發展，業績見到方案服務業務表現強勁，呢項業務可能先係公司較大賣點，佢又認為，聯想股價今日係跌過龍，而市場亦有過分憂慮之嫌。 Stanley又指，聯想最近慨業績睇到毛利率按年上升，反映公司轉嫁成本能力較高，加上聯想同好多供應商簽左長期供應合約，都可能幫到公司消化加價影響。
2026-09-08　寧德時代(03750)股價近期弱勢，今日(8日)輕微低開後，一度挫4.5%，低見546.5元，睇返技術走勢，「寧王」已失守曬主要移動平均線，更跌穿埋4月時配股價628.2元，點分析集團股價走勢？ 元宇證券大中華區股票投資總監趙晞文指，「寧王」股價4月至今都行緊一個好大範圍，但又唔係跌足成個量度跌幅目標，即400元，因為基本面冇明顯轉差。 晞文又話，大行過去一段時間講慨AH差價，係過60日溢價相對較高，當中因為「寧王」係H股之中屬於稀缺性標的，亦同H股流動性相關，境外機構投資者相對願意比一個較高慨溢價，而過去5個交易日慨溢價收窄約30%。 佢續指，「寧王」作為行業龍頭，考慮全球市佔率仲係靠前，有「護城河」，面臨慨挑戰又唔係好大，加上行業最近亦又冇太多增量消息出現，相信短線資金暫時需要鎖定做估值修正。
2026-09-08　港股昨日(7日)跌完，今朝(8日)再低開過百點，好倉轉為有資金流入，昨日流入8670萬元，5日合計，有約3000萬元坐貨，淡友就獲利離場，淡倉昨日流出7360萬元，5日合計，近3000萬元離場。牛證整體都有加倉，重貨區上移至24900點，最多人加倉係25200點，熊證重貨區係25800點，近兩個星期，恆指都係25000點至25800點上落，牛熊證點擺位較合適？ 胤源世創家族辦公室(香港)第一副總裁黃偉豪指，恆指暫時係25000至26100點上落，後市要留意幾時可以突破呢個框框，今個星期可以留意美國消費物價指數(CPI)，因為會影響美國聯儲局議息結果。 Ravi又指，如果向上突破26100點，或進一步向挑戰26500點水平，若失守25000關，或要下試24800點以下水平，如果做即市部署，下方可以擺25000點，上方可以擺26100點，但如果做過夜部署，牛證可以擺24800點樓下，熊證可以擺26100點樓上，呢些位置做收回價會比較合適。
 

Mobile | Full
Forum rule | About Us | Contact Info | Terms & Conditions | Privacy Statment | Disclaimer | Site Map
Copyright (C) 2026Suntek Computer Systems Limited. All rights reserved
Disclaimer : In the preparation of this website, 88iv endeavours to offer the most current, correct and clearly expressed information to the public. Nevertheless, inadvertent errors in information and in software may occur. In particular but without limiting anything here, 88iv disclaims any responsibility and accepts no liability (whether in tort, contract or otherwise) for any direct or indirect loss or damage arising from any inaccuracies, omissions or typographical errors that may be contained in this website. 88iv also does not warrant the accuracy, completeness, timeliness or fitness for purpose of the information contained in this website.