易發投資 - <08997.HK> -

分享此頁

自我建設商務智能網站
請輸入股票編號或公司名稱		搜尋

基本資料
公司名稱	買賣單位	市盈率	市帳率	每股盈利	每股派息
概覽資料數據財務比率損益現金流資產負債盈利派息

相關網頁

相關新聞
≫更多

公司評級
日期	證券商	公司名稱	評級	目標價
≫更多

公司業績 - 已發佈
日期	公司名稱	營業額*	盈利*	%	股息 (仙)
≫更多

評語

最大升／跌項目	顯示所有圖表

指數/價格
名稱	最後更新	指數/價格	變動	變動 %
恆生指數	05-02 09:30	17797.7	▲ 34.7	▲ 0.2%
8997 中	null null	0	0	0%
≫更多

專家評論

2024-05-03　本周主要農產品價格齊向下，其中，以可可跌幅最大，緊隨其後係咖啡，本周累跌近8%。哥斯達黎加4月咖啡出口回升，隨著供應增加，係咪不利咖啡價格？英皇期貨營業部總裁葉佩蘭指，之前由於咖啡供不應求，導致價格上升，原因係越南及巴西減產，加上有報道指呢兩個國家慨農民囤積咖啡，令價格火上加油。佢又話，越南及巴西咖啡出口回升，供應層面上有所紓緩，價格亦開始回落，但相信只係一個短期現象。

2024-05-03　美高梅中國(02282)昨日(2日)開市前出左一份非常靚仔慨季績，帶動股價連升兩日，今日(3日)一度高見15.14元，大升近9%，並獲大行上調目標價。此外，集團博彩業務市佔率持續上升，今年首季升至17%，高於去年慨15%。點解美高梅會係6大牌主中，唯一一家博企中場賭收可以超越2019年水平？亨達財富管理董事總經理姚浩然指，依家訪澳旅客人數大約相等於2019年72%，賭收就僅約13%，大部分博企收入都少過2019年，唯獨美高梅唔係，主要係美高梅賭檯多左近三分之一，令2023年度整體除息、稅、折舊及攤銷前盈利(EBITDA)等同2019年117%，冠絕一眾博企，亦令股價表現一枝獨秀。佢又話，美高梅引入「智能賭檯」係推動業績一股好大動力，除左成本效益更大，亦可節省人手等成本，加上有部分客人鍾意同電腦對賭，能夠迎合唔同客人需要，業績自然比同業做得更好，但隨著對手亦引入「智能賭檯」，美高梅優勢會愈來愈小。姚浩然認為，美高梅未來增長動力應該係來自新開慨娛樂場。

2024-05-03　美股人工智能(AI)熱近日有少少冷卻，輪到中概股接力炒上，金龍指數隔晚(2日)大升6%，錄得9個月最大單日升幅，多隻錄得雙位數升幅，係咪反映美股AI熱已見頂？冠域商業及經濟研究中心主任關焯照認為，AI熱冇見頂之餘，路線反而更清楚，以晶片股黎講，雖然英特爾(Intel)及AMD都係晶片生產商，大型科企慨AI投資包括買入高科技晶片，但大部分都選擇英偉達(Nvidia)，而3家晶片商中，Nvidia已搶左大部分生意。佢又指，唔少大型科企仍強調未來會大力投資AI，所以呢股熱潮唔會止步。若AI熱持續，港股方面，ATMXJ係咪仍然值得部署？關博士就話，ATMXJ股價彈左唔少，但如果認真秤，AI概念股其實只得百度集團(09888)，但百度唔可能好似Nvidia升得咁多，只可以跟住外圍科技股走，如果講上望空間較大，首選美團(03690)，其次係騰訊控股(00700)，百度彈力只係一般，因此，如果要炒AI概念股，外圍始終都係揀Nvidia，港股就冇乜選擇。

2024-05-03　截至早上11時止，1小時內《彭博》用戶關注度上升最多港股，依次為藥明合聯(02268)、郵儲銀行(01658)、藥明生物(02269)、新鴻基地產(00016)及騰訊控股(00700)。藥明系今早(3日)全線向下，其中，藥明合聯一度瀉13%，失守100天線。藥明生物指，唔會參加今年6月於美國加州舉行慨「2024年生物科技國際大會」，藥明康德(02359)亦不在參展商名單內，但兩家公司自2022年起，一直有參加呢個活動。今次慨決定會唔會同美國今年3月通過《生物安全法》有關？藥明系急挫係咩原因？華盛證券財富管理部董事李偉傑認為，今年係中美角力非常明顯慨一年，近日亦有消息指，美國可能會對華為等公司進行新一輪制裁，呼應之前藥明系被美國施壓，係呢個情況下，如果再去美國出席活動會令市場更觸目，所以就決定唔參加。 Jason又指，集團美國業務佔比相當大，雖然近年已開始擴大大中華區佔比，但始終美國業務盈利貢獻大，若美國不斷加大施壓，必定對藥明系盈利及發展前景構成一定壓力。股價方面，李偉傑認為，雖然港股近期回勇。

2024-05-03　蘋果公司(Apple Inc.)昨晚(2日)出左第2財季業績，市場最關注慨iPhone銷售跌逾10%，但其實都係市場預期之內，集團又公布歷來最大規模，高達1100億美元慨回購計劃，又宣布增加派息，刺激Apple股價盤後一度飆逾7%，到底呢個史上最大規模回購計劃，可唔可以以令Apple股價起死回生？博威環球證券金融首席分析師聶振邦認為，Apple股價已連跌5個月，加上股息相對低，即使股價跌到咁，股息率都唔夠1%，但相信咁大規模慨回購計劃可以穩定返股價。Apple股價上月高位約178美元，噚晚收報173.0.3美元，短期有機會彈上180美元樓上，即上返前兩個月慨高位180至185美元。不過，聶Sir提醒，美股投資氣氛開始轉弱，所以唔好對Apple慨反彈力度有太大憧憬，而有意入市慨投資者亦要控制注碼。

2024-05-03　耀才證券研究部總監植耀輝推介網易(09999) 推介原因： -於科技股中，股價相對落後 -市場憂慮遊戲收入表現。

2024-05-02　達勢股份(01405)獲大股東兼副董事長，於４月份七度增持股份，持股由33.16%增至33.38%。元宇證券基金投資總監林嘉麒表示，雖然達勢去年下半年錄得經調整盈利，收入亦維持高增長，但增速未必能持久，相信屬於餐飲股的達勢，難以因為大股東增持，而提高投資者的興趣。

2024-05-02　日本將於周五(3日)展開一連4日慨黃金周假期，日股將於下周二(7日)復市，不過，匯市持續大幅波動，日本央行疑於紐約時段再入市干預，日圓匯價一度由158兌1美元水平，反彈3%至154水平，並觸及1990年日本經濟泡沫爆破時慨高位。日圓在亞洲時段升勢回順，最新係156兌1美元水平上落，亨達集團助理總經理羅明立預期，未來幾日慨波動區間介乎152至158，又指可以等日圓跌至157再買入。

2024-05-02　美國商用物業市場需求疲軟，加上愈來愈多業主不敵高利率，商業物業抵押貸款慨壞帳率升至接近歷史高位，而未來12個月有180億美元商業抵押擔保證券(Commercial Mortgage-Backed Security)到期，較2023年高出逾1倍，評級機構穆迪料當中將有73%貸款可能難以再融資。不過，臻享顧問董事總經理王良享認為，相關壞帳風險唔算嚴重，未至於會逼使聯儲局盡早減息應對，並指當地商用物業市場氣氛已經好過去年中，留意到商舖同多戶型物業(Multifamily)慨按揭需求回暖。 Tommy續指，聯儲局最關心慨核心個人消費物價指數(PCE)已回落至接近2.6%慨目標水平，即使未來3個月慨PCE通脹數據唔大跌，估計聯儲局有空間係今年7月同12月減息2次。

2024-05-02　渣打集團(02888)今日(2日)中午派左首季成績表，大部分指標都交足功課，除稅前利潤、經營收入及淨息差(NIM)都超預期，營業支出都比市場預期少，如果要挑剔，就係普通股一級資本充足率(CET1)低過市場預期，加上信貸減值按年增加，集團指，部分強勁勢頭被按揭收入減少所抵銷，呢項業務係信貸減值慨佔比最大，會唔會成為渣打未來慨隱憂？耀才證券研究部總監植耀輝指，渣打呢份業績令市場有驚喜，刺激股價午後大升，放榜前大行對渣打業績比較審慎，預期利潤會輕微倒退，但最終各項指標都達標兼好過預期，雖然市場或會擔心銀行股慨淨息差問題，但渣打業績已交足功課，令市場十分滿意。 Stanley又話，渣打今季按揭收入同去年同期比較大幅倒退約30%，按季比較就大幅反彈約80%，但佢估計，渣打按揭收入未來都唔會太理想，不過，由於財富管理等業務表現唔錯，好大機會可以抵銷按揭收入減少慨影響。