易發投資 - <06760.HK> -

分享此頁

自我建設商務智能網站
請輸入股票編號或公司名稱		搜尋

基本資料
公司名稱	買賣單位	市盈率	市帳率	每股盈利	每股派息
概覽資料數據財務比率損益現金流資產負債盈利派息

相關網頁

相關新聞
≫更多

公司評級
日期	證券商	公司名稱	評級	目標價
≫更多

公司業績 - 已發佈
日期	公司名稱	營業額*	盈利*	%	股息 (仙)
≫更多

評語

最大升／跌項目	顯示所有圖表

指數/價格
名稱	最後更新	指數/價格	變動	變動 %
PRC B2510	null null	0	0	0%
≫更多

專家評論

2025-06-04　優必選(09880)非執董夏佐全1月作出一年自願禁售承諾，但自5月起已多次減持股份。銀河證券業務發展董事羅尚沛表示，夏佐全只是作出自願承諾，並無法律責任，而他當年以天使投資者身份入股，成本價非常低，加上內地已有多家機械人公司，競爭激烈，相信他會繼續減持股份。

2025-06-04　美元匯價今年累跌8%，主要受美國總統特朗普(Donald Trump)發動慨關稅戰拖累，雖然依家略為降溫，但其實市場都觀望緊談判進展及結果，包括特朗普今個星期係咪會同國家主席習近平通話，美元今年餘下時間係咪會繼續向下？「股市漁夫」創辦人莊志雄認為，美元跌除關稅會影響美國通脹外，根據過往經驗，關稅問題唔係幾個月可以傾得掂，甚至會拖成年，但投資者似乎已經投左票，認為美元會弱，所以見到今年trade通脹、trade美元下跌慨工具，表現係特別好，尤其是金屬，金銀銅價格都升逾20%，比特幣(Bitcoin)價格都跑輸佢地，而美元下跌最受影響係美國資產，見到美債及標指今年僅升逾1%。 Lewis又話，對歐洲投資者黎講，楂住美元資產單係蝕匯價都8%至9%，因為歐元今年升左10%，日圓都升左9%，所以美元跌對好多外國投資者黎講，美國資產吸引力會大減。

2025-06-04　截至早上11時止，1小時內《彭博》用戶搜尋量最多港股，依次為信達生物(01801)、中廣核礦業(01164)、中國平安(02318)、中國生物製藥(01177)及美團(03690)。中廣核礦業與母企簽署總值6億元人民幣新採購協議，明年至2028年採取新定價機制，核電燃料天然鈾每磅預測價格升至94.22元。Meta首次與Constellation Energy簽署核電協議、摩根士丹利預料美國總統特朗普(Donald Trump)支持核能發展等利好消息，刺激中廣核礦業今日(4日)股價大升，一度升逾31%，高見2.18元，股價會繼續造好？資深證券分析師彭偉新指，核電未來需求增長快，除左美國因應電能需求增加，而加快發展核電，內地都重新發展核電，不過，內地正面對上網電價限制大慨問題，就算需求大、成本高，都唔可以隨便加價。同時外國都紛紛加快核電發展，令核燃料價格進一步上升。 Castor又話，中廣核礦業與母公司慨協議係因應核燃料價格上升而制定，對公司慨股價及盈利唔會有好大提升，業績亦未必會向好，今次只係純炒作消息。

2025-06-04　美股繼續造好，繼高盛及瑞銀5月調高標指目標後，最新輪到德銀上調標指年底目標至6550點，除左美國經濟穩健外，德銀亦提及TACO TRADE(Trump Always Chickens Out)，諷刺特朗普總係退縮慨效應，標指現價同德銀目標仲有10%水位，美股今年餘下時間係咪仍然樂觀？邊類股份可以睇高一線，繼續係人工智能(AI)相關股？潤淼資產管理董事盧志威指，與其話係TACO，倒不如話美國經濟夠強，可以捱得過關稅，睇返特朗普過去慨行事作風，係隨時有突如其來慨行動或政策，但佢有信心美股會繼續慢慢上，不過，始終要小心一些突發事情，所以投資者需控制注碼，同埋預留現金隨時撈底，又認為焦點放係個股會好過大市。揀股方面，佢認為，Nvidia係納指大股之中。

2025-06-04　港灣家族辦公室業務發展總監郭家耀推介小米集團(01810) 推介原因： -季度業績表現強勁 -智能手機及電動車業務前景樂觀建議買入價：51.5元目標價：58.5元止蝕價：48.

2025-06-03　新世界發展(00017)上周五晚(5月30日)宣布，4隻永續債券(Perpetual bond)要延遲派息，雖然根據永續債條款，延遲派息唔算違約，短期可以慳到19億元利息開支，似乎對集團短期現金流有幫助，但難免損害市場信心，楂住新世界永續債慨投資者應該點算好？信達國際研究部董事趙晞文指，無論用資金派息或還債，前提都係資金回籠後，手頭上頭寸夠唔夠，此外，利息覆蓋倍數係債市慨重要指標，如果利息低於某個倍數，就會技術性觸及債務違約，所以新世界今次延遲派息，起碼將利息倍數維持係set定慨價上面，不過，對一般機構投資者黎講，難免會打擊楂永續債慨信心。晞文續指，如果純粹由成件事發酵慨時間黎睇，永續債個價係「腰斬」左一半以上，平均債價係20至40慨區間入面。佢又提醒，黎緊新世界旗下資金靠乜野回籠，就係市場後續需要留意慨重點。

2025-06-03　有大戶係5月21日，將約5.49億股阿里巴巴(09988)美股預託證券(ADS)轉入中央結算系統(CCASS)，若以當收市價計，呢批股份總值逾600億元，而阿里ADS託管行花旗慨持倉，係5月23日由不足10%大幅增至逾12%，點睇呢個動作？天風國際證券經紀業務部董事李偉傑指，雖然近期美國已較少傳出要迫中概股退市慨消息，但香港作為中國主權範圍內慨市場，轉貨返香港可視為分散地緣政治風險策略，始終中美角力仍處於白熱化階段，相比依賴單一市場，將些貨搬返香港以減低市場不確定性憂慮都係合理做法。Jason又指，大戶將呢批股份轉入CCASS可解讀為，本港市場對集團慨認受性或期望度高。

2025-06-03　截至早上11時止，過去1小時內《彭博》用戶搜尋量最多港股，依次為新世界發展(00017)、長和(00001)、龍湖集團(00960)、比亞迪股份(01211)及康寧傑瑞製藥(09966)。新世界之前公布4隻永續債要延遲派息，今日(3日)又有消息指，位於香港國際機場慨11 Skies出租率只得40%，租戶進駐進度緩慢，航空公司亦唔願意將航班轉至鄰近商場慨2號客運大樓(T2)，但有消息指，商埸計劃明年下半年分階段開幕，依家出租率只得40%係咪唔使太擔心？富途證券首席分析師譚智樂指，市場始終最關注新世界慨永續債及股息，對集團新項目關注度唔高，如果11 Skies真係計劃明年下半年分階段開幕，依家出租率只得40%問題唔算大，但值得留意係，商場未必可以成為現金流來源，對零售市場黎講，即使新世界處於復甦階段，都只係呈「L」型，所以相信11 Skies幫唔到新世界還債之餘，亦吸引唔到現金流。 Arnold又指，由於新世界慨流動性仍然穩定，所以銀行仲肯借錢畀公司，不過，永續債投資者要留意，新世界慨股息率及還債息能力，仍存在好大變數，一般投資者亦要留意，現階段唔止睇基本因素，亦涉及好多財務開支等。

2025-06-03　澳門5月賭收創逾5年新高，銀河娛樂(00027)股價近日反覆向上，已升穿幾條主要移動平均線，股價今日(3日)一度高見34.35元，依家CALL輪條款普遍唔夠100日到期，行使價40元至46元，投資者應該點部署？胤源世創家族辦公室(香港)第一副總裁黃偉豪指，雖然近期出爐慨賭收數據唔差，令賭股氣氛好轉，但始終升勢唔強。此外，行使價40元以上，同正股現價有些距離，佢認為，短期而言，正股上試至行使價水平，或變成價內慨機會性唔高。 Ravi補充，行使價40元至46元，唔夠100日到期慨CALL，時間損耗值快，加上近期銀娛動力減弱左，做即市部署作用唔大，佢建議先行觀望。

2025-06-03　近期不斷有資金流出美國市場，另一方面，財爺話依家有歐美資金流入港股，係關稅戰陰霾下，買港股係咪好過美股？高富金融集團投資總監梁偉民指，美股經歷2023年及2024年大升浪後，估值貴左好多，加上關稅戰慨不明朗因素，市場對美股可以再升係有質疑。佢又指，有私人投資者「去美國資產化」，減持美元資產以反映對美國總統特朗普(Donald Trump)政策慨不滿，因此，市場都擔心美元、美債、美股會被拋售。不過，Wyman認為，對美股影響唔會太大，始終唔少美國企業係全球市場都有領導地位，係好難被取代，不過，當出現拋售潮時，其他股市係會受惠。佢又提醒，投資港股仍要小心，始終港股表現同內地經濟息息相關，加上中美貿易戰持續，所以現階段投資者未必會揀港股，反而見到資金正流向減息政策較明朗、經濟較平穩慨歐洲股市。