自我建設商務智能網站
 
請輸入股票編號或公司名稱     搜尋  

<06757.HK> -

 
 基本資料
公司名稱 買賣單位 市盈率 市帳率 每股盈利 每股派息
概覽 資料 數據 財務比率 損益 現金流 資產負債 盈利 派息
 
 
 
 公司評級
日期 證券商 公司名稱 評級 目標價
≫更多
 
 公司業績 - 已發佈
日期 公司名稱 營業額* 盈利* % 股息 (仙)
≫更多
 
 
 
 最大升／跌項目 顯示所有圖表 
 
 指數/價格
名稱 最後更新 指數/價格 變動 變動 %
PRC B2912 null null 0 0 0%
≫更多
 
 專家評論
2025-08-12　騰訊音樂(01698)第二季經調整盈利增長37.4%，好過預期。 信達國際研究部董事趙晞文表示，騰訊上季業績繼續由在線音樂的超級會員增加所推動，目前超級會員佔付費會員僅約12%，相信未來仍會逐步增加，在經營槓桿效應下，意味盈利仍有不俗增長，相信股價可繼續破頂。
2025-08-12　金蝶國際(00268)昨晚(11日)出左中期業績，股價今日(12日)急挫，一度大跌8.5%，係表現最弱勢科指成分股。集團中期虧損大幅收窄55%，收入按年增長11%，毛利率擴大2.4個百分點，摩根大通指，金蝶呢份業績係近兩年以來首次好過預期，但點解股價跌到咁，市場收唔收貨？管理層指，今年會強攻東南亞、中東市場，未來人工智能(AI)業務發展及「出海」步伐係咪有望加快？ 信達國際研究部董事趙晞文指，市場對金蝶業績反應兩極係正常，如果單睇虧損，係比市場預期大，但銷售成本按年升幅大過收入增幅，毛利率又升，反映經營狀況有改善。不過，市場關注雲業務扭虧為盈慨情況，今次業績就畀唔到市場信心。佢認為，下半年市場焦點會放係金蝶點樣提升收入增速，釋放經營槓桿。 晞文續指，金蝶開拓海外業務可以增加公司優勢，但要面對燒錢問題，短期內對毛利率貢獻有限。佢又認為，金蝶AI收入佔比要去到30%慨目標水平，可能需要更多時間先可以達標。
2025-08-12　銀河娛樂(00027)上半年收入、經調整除利息、稅項、折舊及攤銷前盈利(EBITDA)及純利都有得升，表現亦好過預期，值得留意係，集團中期息大增40%至0.7元，回饋股東之餘，仲有冇其他啟示？ 天風國際李偉傑表示，銀娛過往甚少派咁多中期息，所以今次大增派息係好理想，過往賭股主要收入來源係賭收，但近年一直有意見認為澳門需要轉型，所以唔少博企開始以綜合度假村形式發展，最近亦興起演唱會經濟，令澳門愈黎愈有美國拉斯維加斯慨影子。 Jason又話，今次派0.7元股息有一定指標性，預期銀娛未來唔止睇賭收表現，亦會聚焦點樣吸引人流，因此，呢0.7元可以話係公司向市場宣布變革慨開始。
2025-08-12　截至早上11時止，過去1小時內《彭博》用戶搜尋量最多港股，依次為快手(01024)、中升控股(00881)、金蝶國際(00268)、比亞迪電子(00285)、小米集團(01810)。 上星期五(8日)快手公布快手App團購新增美團(03690)外賣功能後，股價連日向下，市場係咪睇得好負面？花旗、瑞銀仍睇好「可靈AI」會利好快手估值，帶動快手股價自4月初低位，累計反彈左逾60%，但今日(12日)一跌，已跌穿20天線，到底係投資者趁業績前先食糊，還是反映對集團加入打外賣戰慨憂慮？ 富途證券首席分析師譚智樂指，快手股價近日下跌反映市場對快手加入外賣市場慨擔心，認為呢個舉動有風險，憂慮公司未來要不停燒錢去發展呢項新業務。佢又指，市場未必會太擔心快手業績，反而更關注公司核心業務發展。 股價方面，譚智樂提醒，一旦快手股價跌穿72元就要小心。
2025-08-12　恆生指數今早(12日)低開後，走勢反覆，好淡倉資金流方面 ，好倉昨日(11日)再轉為流出，5日合計有約6000萬元離場，淡倉昨日(11日)轉為流入，5日合計有近300萬元資金坐貨。此外，牛證重貨區繼續係24300點，最多人加倉係24600點，熊證重貨區係25300點，呢個亦係最多人加倉位置。美國再延長對華關稅暫緩期90日，今晚美國會出通脹數據，牛熊證擺位上有咩要注意？ 胤源世創家族辦公室(香港)第一副總裁黃偉豪表示，暫時睇唔到再延長「休戰期」對市場帶黎慨正面影響，相信港股短期會維持窄幅上落格局，牛熊證擺位方面，可以考慮25700及24300點以上或以下。
2025-08-12　中美暫緩徵收對等關稅(Reciprocal Tariff)慨90日期限係今日(12日)屆滿，據白宮官員透露，美國總統特朗普(Donald Trump)已簽左行政命令，將「休戰期」再延長90日至11月初。點睇美國再延長關稅暫緩期？利好作用有幾大？ 高富金融集團投資總監梁偉民表示，仍對中美貿易戰睇法悲觀，特朗普想消除貿易逆差，但中國貨品價錢平，有成本優勢，加上面對出口高科技產品有好辣慨限制，而中方表明唔會單方面作出不平等讓利，所以要解決貿易不平衡問題絕對唔容易。 Wyman續指，特朗普再延長「休戰期」，目的係畀時間美國供應商做補貨準備，避免出現缺貨危機，佢相信美國會繼續找中國麻煩。
2025-08-12　王道資本及家族資產管理執行董事黃敏碩推介順豐同城(09699) 推介原因： - 為內地即時同城配送服務平台，去年配送服務訂單量增超過30%，純利增1.6倍 - 通過深度優化人工智能(AI)調度系統降低成本，有效提升整體營運效率。
2025-08-11　康師傅(00322)上半年經調整盈利增長12%，毛利率升至34.5%。 華富建業證券投資策略聯席總監阮子曦表示，康師傅上半年盈利增長，主要因為原材料成本下降，但方便麵及飲品收入均下跌，表現並不理想，整體業績亦較競爭對手統一企業(00220)失色，不過由於預測股息率仍有一定吸引力，相信股價回落幅度有限。
2025-08-11　有報道指，由於許可證續期問題，寧德時代(03750)旗下1座位於江西宜春市慨大型鋰礦，須停產最少3個月，消息一出，內地碳酸鋰價即時抽升3%，依家集團係內地只得2個主要鋰礦資源項目，其中1個停產，鋰價又急升，寧德時代慨成本壓力會唔會大增？ 博威環球證券金融首席分析師聶振邦指，其實寧德時代主要造電池材料及電池系統，鋰礦資源業務收入佔比唔大，就算鋰價抽升，都唔會對公司業務造成好大影響，所以見到寧德時代股價今日(11日)仍有得升。 聶Sir又指，雖然寧德時代業務前景仍樂觀，但股價未必可以借勢上返470元水平，佢估計，股價暫時會係380元至430元上落。
2025-08-11　中國新零售供應鏈(03928)今日(11日)復牌，萬疆資本擬以逾2.2億元，向中國新零售供應鏈大股東購75%股權，集團本身係做建築工程，而新主就有從事內房業務，會唔會有合作憧憬？ 《香港股票財技密碼》作者梁傑文指，萬疆由內房新城控股創辦人及前董事長王振華慨女兒全資擁有，而王振華係新城發展(01030)最終控制人，而集團都係做內房，將來可能會有工程及裝修業務，可以畀中國新零售供應鏈做，有可能帶動公司營業額或盈利。 Ｍike續指，如果投資者唔介意股價波動，或者相信新城呢個大靠山，可以考慮做中長線部署，相信股價係有機會向上，但仍要視乎新城發展會唔會注資畀中國新零售供應鏈做。
 

流動版 | 完全版
論壇守則 | 關於我們 | 聯繫方式 | 服務條款 | 私隱條款 | 免責聲明 | 網頁指南
版權所有 不得轉載 (C) 2025Suntek Computer Systems Limited.
免責聲明 : 88iv設立此一網站，旨在以最快捷的方式為公眾人士提供清楚準確的最新資料，但在整理資料及編寫程式時或會有無心之失。故88iv特此聲明，此一網站所載的資料如有任何不確之處、遺漏或誤植錯字，並引致任何直接或間接的損失或虧損，88iv概不負責，亦不會作出任何賠償（不論根據侵權法、合約或其他規定亦然）。此外，88iv並不保證本網站所載的資料乃屬正確無誤及完整無缺，亦不擔保可以及時將資料上網及內容適合有關用途。