易發投資 - <03023.HK> - 平安納斯達克人工智能及機械人ETF

自我建設商務智能網站
請輸入股票編號或公司名稱		搜尋

基本資料
公司名稱	買賣單位	市盈率	市帳率	每股盈利	每股派息
概覽資料數據財務比率損益現金流資產負債盈利派息

相關網頁

相關新聞
≫更多

公司評級
日期	證券商	公司名稱	評級	目標價
≫更多

公司業績 - 已發佈
日期	公司名稱	營業額*	盈利*	%	股息 (仙)
≫更多

評語

最大升／跌項目	顯示所有圖表

指數/價格
名稱	最後更新	指數/價格	變動	變動 %
平安智能及機械人	09-29 09:30	106.15	▲ 106.15	▲ ∞%
≫更多

專家評論

2026-06-10　地緣局勢再升溫，油價係今日(10日)亞洲時段反彈，雖然仍未重返每桶100美元慨危險水平，但近日有能源機構開始接連針對石油庫存發預警，其中，美國能源資訊署(EIA)指，全球主要經濟體石油庫存迫近2003年以來最低水平，若中東局勢冇改善，經濟合作暨發展組織(OECD)成員國庫存，至年底將減至約23億桶。油價現水平係咪未反映庫存問題？獨立外匯商品分析師盧楚仁指，現時油價主要睇住伊朗局勢發展，其他數據都冇太大參考價值，即使今朝(10日)出慨原油庫存大減，但油價都冇乜反應，反映局勢反覆拉鋸，而油價最終都會呈反覆向下格局。 Jasper又提醒，昨晚(9日)紐約期油曾見87.36美元，呢個係短期支持位，一旦失守，油價好大機進一步下挫，有機會未來幾日跌至79美元水平。

2026-06-10　長飛光纖光纜(06869)、建滔積層板(01888)、英諾賽科(02577)及天岳先進(02531)都係今日(10日)50大活躍成分股之一，雖然大部分股價都跌得多，但個別仍係相對高位，港股已連跌6個交易日，係市況欠佳下，邊些屬於高危股？元宇證券投資總監林嘉麒認為，如果企業需投資數據中心，涉及慨成本一定較高，投資者或會擔心公司要向國家，甚至股東「伸手」，因此，一些股價升至高位慨AIDC(人工智能數據中心)股會跌先，相反，若企業屬於供應鏈上游，例如長飛光纖及建滔積層板，由於投放量唔多，以產出為主，短期抗跌力會明顯較強。此外，KK又提及濰柴動力(02338)，公司首季盈利差過預期，加上新能源收入佔整體比例仍偏低，加上市場依家處於避險狀態，因此，預期盈利短期難大幅增長，建議投資者吼股價回落至介乎32至33元再入手。

2026-06-10　地緣局勢持續反覆，雖然美國向伊朗發動慨新一輪打擊結束，但消息令股市及油價波動，油價昨晚(9日)大跌，雖然係今日(10日)亞洲交易時段反彈，但仲未上返近日高位，加上美方指，可以通過霍爾木茲海峽(Strait of Hormuz)慨船隻開始增加，油價暫時平穩向下，不過，國際貨幣基金組織(IMF)及美國能源資訊署(EIA)最新就石油庫存發出警告，會否會觸發油價大舉反撲？「股市漁夫」創辦人莊志雄認為，依家美伊都認為可以拖到對方讓步，現時有個講法叫「Peace on」、「Peace off」，如果和平協議有得傾就係「Peace on」，咁個市就會升，冇得掂或談判有阻滯就「Peace off」，咁個市就會有震盪。 Lewis認為要傾掂數唔容易，但石油庫存持續減少，而庫存方面要留意一樣野，唔係減到零先唔Work，其實庫存要Keep住有70%至80%，一旦低過呢個水平，會對好多油管、煉油設施、運油設施有影響，雖然依家全球都冇一個單一明確數字，去定義極低庫存，但有唔少分析指，困存慨石油包括管道、抽唔出慨油、在運途中慨油等，都要Keep住有70%至80%。佢續指，如果以之前慨水平為例，當係一個正常水平。

2026-06-10　截至早上11時止，過去1小時內《彭博》搜尋量最多港股，依次為濰柴動力(02338)、國泰航空(00293)、敏實集團(00425)、泡泡瑪特(09992)及友邦保險(01299)。泡泡瑪特股價今日(10日)一度升逾5%，高見177.4元，管理層表示，期望第4季係美國開旗艦店，又指去年非Labubu產品佔美國總收入逾50%，亦佔日本、南韓、東南亞銷售大多數，例如「星星人」系列已成為亞洲增長最快慨IP之一，期望消費者唔好只聚焦Labubu，到底海外增長可唔可以彌補到整體增長放緩？資深證券分析師彭偉新指，最新非Labubu銷售數據，相信可以令市場冇咁擔心，加上市場喜好有變，可以令增長放緩慨負面影響逐步消退。不過，Castor指出，泡泡瑪特內地銷售佔比之大仍然係不容忽視，雖然其他國家慨銷售有增長，但佔比始終唔大，不過，都會對股價有一定推升作用，因為投資者主要睇消息面，見到集團海外銷售理想，有機會吼位買貨。股價方面，佢坦言，未來會唔會顯著上升仍比較難估計，因為唔係每個IP都可以帶黎相同效果，仍要等數據出左黎，先可以判斷股價未來走向。

2026-06-10　美伊戰事再度惡化，美股3大指數昨晚(9日)個別發展，道指收市升86點，標指及納指就向下，而油價昨晚跌3%，但今早(10日)係亞洲交易時段反彈，紐約期油最新報每桶88.84美元，倫敦布蘭特期油報92.23美元，油價走勢反覆對美股有咩影響？泓瀚資本董事盧志威認為，雖然美伊持續爆發衝突，但油價近期一直上唔返100美元以上高位，反映市場可能有新供應，所以未有引發恐慌性「搶油」，因此，暫時毋須太擔心石油庫存問題。佢又提及，即使市場再Price in地緣政治衝突，但由於油價穩定會逐步利好通脹及金融市場，所以道指昨晚可以收高。 William又話，由於依家受美國加息預期升溫﹑美伊戰事拉鋸、大型IPO融資活動等夾擊，而且係負面消息居多，所以好難要求股市只升不跌，佢又估計，美股係世界盃期間成交將會縮減，而指數會係高位整固橫行一段時間，表現會較為「牛皮」。

2026-06-10　耀才證券研究部總監植耀輝推介鷹普精密(01286) 推介原因： -業務受惠包括人工智能數據中心(AIDC)等概念 -首季收入表現理想。

2026-06-09　美國國防部昨日(8日)更新「中國軍事企業」(CMC)名單，呢些公司被認定協助中國軍方發展，阿里巴巴(09988)、百度集團(09888)、藥明康德(02359)等數十家企業「上榜」，不過，消息對市況影響唔大，可能因為呢些企業可以上訴，還是市場早已經預左？港灣家族辦公室業務發展總監郭家耀表示，要從兩方面去分析，首先，名單設有剔除機制，亦有先例，所以仍要觀望後續發展，其次，各企業業務面向慨客群唔同，若主要客源係美國影響就會較大，相反，只係少左業務發展想像空間，加上市場都有心理準備，中美係「習特會」後，可以恢復公平貿易慨機會唔大。 Matthew續指，以被列入「黑名單」慨比亞迪為例，股價今日(9日)午後一度迫近90元，主要係集團海外銷售理想，獲摩根大通上調目標價至124元，暫時睇唔到黑名單事件有好大影響。

2026-06-09　停牌逾1個月慨康特隆(01912)今日(9日)復牌，股價一度狂飆逾1.9倍，集團宣布向認購人Zhuang Hezhong按每股0.365元配售新股，佔擴大後發股本58.81%，另向最少6名投資者配售12.61%股份，合共集資1.2億元，雖然配售價較停牌前折讓達35%，但市場今日反應好好，後市應該點部署？天風國際李偉傑指，今次注資最少可以幫公司解困，過去半年，公司傳出慨消息大部分都唔太正面，係經營出現困難下，唔使對今次配股慨折讓幅度太緊張，依家新主連同其他股東合共持股逾70%，股權易手後，可以留意公司會唔會有新營運模式。至於還債後業務會唔會有轉機，Jason就話，公司轉型需時，但相信還債後餘下慨3000萬元資金，足以支持公司待變，市場亦關注康特隆可唔可以利用新大股東，係內地及亞洲慨消費電子買賣、半導體出口貿易慨人脈網絡，讓康特隆切入近期熱炒慨板塊。不過，佢提醒，股份今日暴升後，理論上會出現小陰燭，股價會慢慢返落黎，可以留意公司會唔會拓展新業務，例如人工智能(AI)領域，又建議投資者唔使係現價高追。

2026-06-09　騰訊控股(00700)計劃發美元及離岸人民幣債，集資30億美元，股價今早(09日)一度升近5%，高見468.4元，上方50天線唔算企得穩，現時係10天及20天線水平徘徊，睇好騰訊可以點部署？胤源世創家族辦公室(香港)第一副總裁黃偉豪指，騰訊股價近日又反彈，但仍受制於50天線，反映投資者做中線部署都比較審慎，他又指，做睇好部署用CALL或牛證都可以。 Ravi又提醒，如果用CALL輪博反彈，建議等股價回穩，升穿50天線，再以510元水平做短期目標價去做部署，牛證就建議選擇收回價420元以下。

2026-06-09　自踏進6月份後，恆指先由1日之低位26,517點急升至2日之高位26,045點，即在短短2個交易日內，恆指已急跌升87點，且其時恆指已曾一舉重越10天線（約在25,401 點左近）、250天線（約在25,699 點左近）、50天線（約在25,716點左近）及20天線（約在 25,720 點左近）。單從走勢上看，祇要大市能進一步重越100天線（約在26,096 點左近）並穩守其上，則此刻之大市，技術上已初呈欲試頂之趨勢，但由於高台買意漸趨保守，加上沽壓又不斷滲著湧現，故大市便在動力不足之下漸轉反覆。而恆指亦順勢於5日跌穿1日之低位25,174點。即是說，6月大市之形態現已扭轉為先高而後低。恆指暫是由2日之高位26,045點跌至5日之低位24,928 點。當然，恆指亦再度跌穿所有平均移動線。論形態，大市又再重陷反覆欲試底之弱態中。直到執筆一刻止計，本月恆指暫是由2日之高位26,045點反覆跌至5日的低位 24,928 點，即在短短4個交易日內，恆指已急跌1,117 點。首先，以1,117點之波幅計定不能滿足月內之所需，加上1個月之高低位是不會同時出現於4個交易日之內，故在本月餘下之交易日，定必有更大之波幅點出現，從而擴闊月內之波幅以滿足所需，同時亦能拉闊月內高低位之距離，以符合慣性之需求。而從目前之市勢看，大市之支持已退守至25,000點及5月28日之低位24,727點。拉長一點看，今年大市已漸呈一個大型三角形態。恆指自1月9日高位28,056點開始之下移，連接5月14日之高位26,844點，已形成一道「下降軌」。另外，恆指自3月23日低位24,203點開始之上升，連接5月28日之低位24,727點，亦已形成一道「上升軌」。即是說，此兩條軌道已形成一個中期三角形態。由於恆指目前已走到此中期三角形之末端，即較關鍵時刻已到。