易发投资 - <08661.HK> - 中微智码二七零三

自我建设商务智能网站
请输入股票编号或公司名称		搜寻

基本资料
公司名称	买卖单位	市盈率	市帐率	每股盈利	每股派息
概览资料数据财务比率损益现金流资产负债盈利派息

相关网页

相关新闻
≫更多

公司评级
日期	证券商	公司名称	评级	目标价
≫更多

公司业绩 - 已发布
日期	公司名称	营业额*	盈利*	%	股息 (仙)
≫更多

评语

最大升／跌项目	显示所有图表

指数/价格
名称	最后更新	指数/价格	变动	变动 %
中微智码二七零三	null null	0	0	0%
≫更多

专家评论

2026-04-22　德昌电机(00179)昨日(21日)收市后发盈警，预期全年纯利最多跌25%，德昌股价今日(22日)大插水，一度重挫18%，低见20.94元，系咪呢个盈警令市场好失望？元宇证券投资总监林嘉麒指，德昌继续有下行风险，今次盈警嘅讯息好详细，但未知集团有冇方法解决个中问题，甚至每个环节解决一两个问题都未必做到，可能未来要做更多嘢先可以令投资者有返信心，让投资者判断仲有冇中长线投资价值。 KK又话，今次盈警同机械人业务条数冇关，睇返啲数字，尤其下半年，相对上半年有好大变化，睇返基本面，汽车业务做得差，行业“内卷”情况比预期严重，至于机械人发展就要等出全年业绩时，先可以睇到未来嘅发展计划。股价方面，因为市场之前热炒机械人概念股，所以拉高咗德昌估值，但畀公司基本面、核心业务做得差拖累返，短线要小心因为市场憧憬有少少落空，股价有机会落到18元水平，但到时估值先算合理。

2026-04-22　虽然中东局势反覆，但日韩台湾股市照升，相反，港股就跑输区内股市，动力唔系好强，恒生指数边个位有支持，阻力又喺边？冠域商业及经济研究中心主任关焯照指，上月底至今，恒指弹咗近2000点，喺咁强嘅反弹下，港股喺高位回套都好正常，依家系一个“后抽”，而25900点系重要阻力，投资者都可以考虑小注。佢又话，睇返技术走势，恒指已穿咗中轴，但仍然喺中轴线以上，都算系强势，最大支持系20天线，即25500点水平，系一个理想买入点。关博士又话，依家市场热炒半新股，不妨特别留意兆易创新(03986)，已连续几日炒上，依家资金主导投资主题股，所以呢段时间应该炒股唔炒市。此外，宁德时代(03750)基石投资者之一中国石油化工股份(00386)减持逾半H股，股价今日(22日)一度重挫近6%，低见692元，后市可以点部署？关博士指，宁德基本因素有改善，仍然系一只强势股，虽然都有投资者跟风减磅，但股价都唔算系大跌，反而带嚟一个吸纳机会，如果守得住680元可小注。

2026-04-22　截至早上11时止，1小时内《彭博》搜寻量最多港股，依次为ASMPT(00522)、中国石油化工股份(00386)、五矿资源(01208)、紫金矿业(02899)及紫金黄金国际(02259)。 ASMPT第1季度纯利逾2.5亿元，按年大升2倍，毛利率39.5%，略超预期，新增定单总额按年增长约72%至逾56亿元，系4年以嚟最多，主要受惠于人工智能(AI)迅速发展，ASMPT系咪一洗之前几年颓势，嚟紧系咪接单接到手软？资深证券分析师彭伟新指，内地做晶片、记忆体相关公司如雨后春荀，令晶片工装设备生产商如ASMPT受惠，喺AI大时代之下，晶片需求暴增，令ASMPT短期业绩爆升，对未来整体业务或定单预期，估计喺短期一、两年内会去到一个历史高位，之后会出现明显回落，所以未来业务指引会保持进取，但过咗个期之后就未必能够继续保持。 ASMPT股价今日(22日)一度大升8.7%，高见161元，有冇升过龙？Castor又话，ASMPT股价喺呢段时间急升，1个月都冇就升咗60%，过分反映利好消息因素，呢个情况下估值过高，就算之后接单接到手软，过咗今年情况唔会咁乐观。

2026-04-22　美国总统特朗普(Donald Trump)喺美伊停火期“死线”倒数前，宣布延长停火期，市场忧虑中东局势前景，美股3大指数昨晚(21日)全线低收，而油价喺消息公布前已偷步抽升，因为知道副总统万斯(J.D.Vance)已经取消咗去巴基斯坦嘅行程，伦敦布兰特期油一度迫近每桶100美元。虽然延长停火期，但美国继续封锁伊朗港口，伊朗就话必要时会用武力打破美国封锁，点睇局势发展及对金融市场影响？泓瀚资本董事卢志威指，市场开始对呢啲消息冇乜反应，或者习惯咗，以美股为例，以往惊开火个市就跌，但依家一边谈判一边封锁，已达到经济制裁及物质封锁嘅目标，而市场亦收货。佢又估计，停火期未来有机会不断延长，而市场亦已经消化咗呢个消息，预期油价暂时都会企喺100美元水平，因为需时消息相关影响。William又认为，美股其实已经开始唔睇呢件事，相信美伊战事会逐渐走出股市视线及淡化。

2026-04-22　港湾家族办公室业务发展总监郭家耀推介碧桂园服务(06098) 推介原因： -业务有望见底。

2026-04-21　威胜控股(03393)趁股价喺高位“抽水”，集团以先旧后新配股筹15亿元，配股价30元，较昨日(21日)收市价折让6%，威胜股价今日(21日)低开3%后，一度跌6%，低见29.9元，失守配股价，点睇威胜今次配股？天风国际李伟杰指，市场对威胜今次集资都唔会太意外，集团规模都唔细，值得留意系，今次折让幅度比较小，反映市场有几大接货意欲，今次配股亦系一口过上板。佢又话，威胜近年复合年增长都唔错，盈利由2021年至2025年增长近4倍，市场都对公司增长给予厚望，公司提及今次集资额约34%会用喺海外市场，配合返去年海外市场增速加快嘅需要。 Jason又话，威胜不单食正人工智能(AI)供电需求热潮，更受惠于国策规划，国家电网喺“十五五”期间，计划投资4万亿人仔，比“十四五”大增40%，炒起一批电网设施股，所以今次都可以有较高嘅估值去配股。但佢补充，集团之前试过配股后，股价要沉淀一段时间先可以上返去，现时可以留意50天线水平，即28元水平，可唔可以守得住。

2026-04-21　截至早上11时止，1小时内《彭博》搜寻量最多港股，依次为港铁公司(00066)、中国移动(00941)、蜜雪集团(02097)、国泰航空(00293)及威胜控股(03393)。市传港铁委托多家银行发行港元绿色债券，年期5年、10年及30年期，可能今日(21日)会定价。此外，港铁锦上路站第2期项目昨日(20日)截标，合共收到8份标书，当中包括唔少大型发展商，点睇港铁今次发港元绿债？富途证券首席分析师谭智乐指，港铁呢几年都出现好大变化，由地产市场唔好开始，集中发展北部都会区令资金承受唔少压力，而集团定位亦唔同咗，不论发债、债务状况都有改变，普遍市场认为，港铁最大风险系负债水平相对偏高。 Arnold又话，但以现时嘅环境去评估，依家发债反而对公司有利，一方面受惠于美国减息，财务压力细咗，另一方面，唔少数据都反映地产市场逐渐回暖，一啲港铁上盖项目招标反应理想，对现金流有显着帮助。股价方面，Arnold就话，虽然港铁近期跟随大市向下，但睇返今年走势，股价暂时累升近17%，大幅跑赢大市，加上股息率仍有一定吸引力，短线有条件继续睇好。

2026-04-21　恒生指数今朝(21日)高开约80点后，升幅一度扩大至逾百点，其后走势转弱，好淡仓资金方面，好仓资金昨日(20日)食糊，所以转为流出逾7500万元，5日合计有约1.4亿元离场，淡仓连续两日有资金流入，5日合计仍有逾1.57亿元坐货。此外，牛证重货区于25800点，熊证重货区就喺26500点，亦系最多人加仓嘅位置。美伊局势又出现变数，系咪入场造淡嘅好时机？胤源世创家族办公室(香港)第一副总裁黄伟豪指，市场观望美伊谈判有冇进展，恒指窄幅上落，暂时都冇乜方向，以近期消息面嚟睇，虽然美伊仍未重返谈判桌，但美股、港股投资者都唔系睇得咁负面，市底其实唔系咁差，所以造淡就要小心，暂时可先睇26000点，如果破咗呢个整数关口，先再睇25500点，牛证方面，如果大市再向上，收回价可以摆26800点或27000点水平，可避开即市收回风险。

2026-04-21　美伊局势持续紧张，美国总统特朗普(Donald Trump)态度仍然好强硬，指唔太可能再延长停火期，指美伊须达成协议，否则，美军会再有行动。美股3大指数昨晚(20日)收市微跌，美元、美债亦几乎冇变动，点睇依家嘅局势发展？高富金融集团投资总监梁伟民指，投资者要有心理准备美股会出现调整，昨晚嘅市况仍比较乐观，相对平稳，即使油价抽返上去，标指及纳指只系微跌0.2%，过去两周，美股自低位大幅回升，甚至再破顶，不过，短线都倾向较悲观及审慎。 Wyman又话，呢一刻都唔肯定美伊谈判会有正面发展，当中仍有好大变数，所以后市必须小心。佢认为，股市似乎有啲过分乐观之嫌，睇返依家中东及油价嘅情况，美股仲企喺历史高位系唔太合理，因为战事问题仍未解决，只系有机会“将会解决”，而呢几日更加唔可能百分百解决，认为市场系price in得过分乐观。至于有“恐慌指数”之称嘅VIX，虽然升咗，但仍处于相对低嘅水平。

2026-04-20　半新股大族数控(03200)第一季多赚1.8倍，毛利率升至33.1%。华富建业证券投资策略联席总监阮子曦表示，大族数控生产印刷线路板的生产设备，目前订单充裕，今年全年盈利可望保持高速增长，不过估值不算便宜。