Create Your Own Business Intelligence Website
Input the stock code or the company name     Search  

<02667.HK> - TONGRENTANGCARE

 
 
 
 
 Company Rating
Date Broker Company name Rating Target
≫More
 
 Company performance - Published
Date Company name Turnover* Profit* % Dividend
≫More
 
 
 
 Top Gain / Loss Show All Charts 
 
 Value
Name Updated Value Change Change %
TONGRENTANGCARE null null 0 0 0%
≫More
 
 Expert Commentary
2026-04-22　新東方(09901)第三季度業績好過預期，並再次調高全年收入指引。 銀河證券業務發展董事羅尚沛表示，雖然新東方連續兩個季度上調全年收入指引，但公司估值不算便宜，相信股價未必有很大正面反應。
2026-04-22　德昌電機(00179)昨日(21日)收市後發盈警，預期全年純利最多跌25%，德昌股價今日(22日)大插水，一度重挫18%，低見20.94元，係咪呢個盈警令市場好失望？ 元宇證券投資總監林嘉麒指，德昌繼續有下行風險，今次盈警慨訊息好詳細，但未知集團有冇方法解決箇中問題，甚至每個環節解決一兩個問題都未必做到，可能未來要做更多野先可以令投資者有返信心，讓投資者判斷仲有冇中長線投資價值。 KK又話，今次盈警同機械人業務條數冇關，睇返些數字，尤其下半年，相對上半年有好大變化，睇返基本面，汽車業務做得差，行業「內捲」情況比預期嚴重，至於機械人發展就要等出全年業績時，先可以睇到未來慨發展計劃。 股價方面，因為市場之前熱炒機械人概念股，所以拉高左德昌估值，但畀公司基本面、核心業務做得差拖累返，短線要小心因為市場憧憬有少少落空，股價有機會落到18元水平，但到時估值先算合理。
2026-04-22　雖然中東局勢反覆，但日韓台灣股市照升，相反，港股就跑輸區內股市，動力唔係好強，恆生指數邊個位有支持，阻力又係邊？ 冠域商業及經濟研究中心主任關焯照指，上月底至今，恆指彈左近2000點，係咁強慨反彈下，港股係高位回套都好正常，依家係一個「後抽」，而25900點係重要阻力，投資者都可以考慮小注。佢又話，睇返技術走勢，恆指已穿左中軸，但仍然係中軸線以上，都算係強勢，最大支持係20天線，即25500點水平，係一個理想買入點。 關博士又話，依家市場熱炒半新股，不妨特別留意兆易創新(03986)，已連續幾日炒上，依家資金主導投資主題股，所以呢段時間應該炒股唔炒市。 此外，寧德時代(03750)基石投資者之一中國石油化工股份(00386)減持逾半H股，股價今日(22日)一度重挫近6%，低見692元，後市可以點部署？ 關博士指，寧德基本因素有改善，仍然係一隻強勢股，雖然都有投資者跟風減磅，但股價都唔算係大跌，反而帶黎一個吸納機會，如果守得住680元可小注。
2026-04-22　截至早上11時止，1小時內《彭博》搜尋量最多港股，依次為ASMPT(00522)、中國石油化工股份(00386)、五礦資源(01208)、紫金礦業(02899)及紫金黃金國際(02259)。 ASMPT第1季度純利逾2.5億元，按年大升2倍，毛利率39.5%，略超預期，新增定單總額按年增長約72%至逾56億元，係4年以黎最多，主要受惠於人工智能(AI)迅速發展，ASMPT係咪一洗之前幾年頹勢，黎緊係咪接單接到手軟？ 資深證券分析師彭偉新指，內地做晶片、記憶體相關公司如雨後春荀，令晶片工裝設備生產商如ASMPT受惠，係AI大時代之下，晶片需求暴增，令ASMPT短期業績爆升，對未來整體業務或定單預期，估計係短期一、兩年內會去到一個歷史高位，之後會出現明顯回落，所以未來業務指引會保持進取，但過左個期之後就未必能夠繼續保持。 ASMPT股價今日(22日)一度大升8.7%，高見161元，有冇升過龍？Castor又話，ASMPT股價係呢段時間急升，1個月都冇就升左60%，過分反映利好消息因素，呢個情況下估值過高，就算之後接單接到手軟，過左今年情況唔會咁樂觀。
2026-04-22　美國總統特朗普(Donald Trump)係美伊停火期「死線」倒數前，宣布延長停火期，市場憂慮中東局勢前景，美股3大指數昨晚(21日)全線低收，而油價係消息公布前已偷步抽升，因為知道副總統萬斯(J.D.Vance)已經取消左去巴基斯坦慨行程，倫敦布蘭特期油一度迫近每桶100美元。雖然延長停火期，但美國繼續封鎖伊朗港口，伊朗就話必要時會用武力打破美國封鎖，點睇局勢發展及對金融市場影響？ 泓瀚資本董事盧志威指，市場開始對呢些消息冇乜反應，或者習慣左，以美股為例，以往驚開火個市就跌，但依家一邊談判一邊封鎖，已達到經濟制裁及物質封鎖慨目標，而市場亦收貨。 佢又估計，停火期未來有機會不斷延長，而市場亦已經消化左呢個消息，預期油價暫時都會企係100美元水平，因為需時消息相關影響。William又認為，美股其實已經開始唔睇呢件事，相信美伊戰事會逐漸走出股市視線及淡化。
2026-04-22　港灣家族辦公室業務發展總監郭家耀推介碧桂園服務(06098) 推介原因： -業務有望見底。
2026-04-21　威勝控股(03393)趁股價係高位「抽水」，集團以先舊後新配股籌15億元，配股價30元，較昨日(21日)收市價折讓6%，威勝股價今日(21日)低開3%後，一度跌6%，低見29.9元，失守配股價，點睇威勝今次配股？ 天風國際李偉傑指，市場對威勝今次集資都唔會太意外，集團規模都唔細，值得留意係，今次折讓幅度比較小，反映市場有幾大接貨意欲，今次配股亦係一口過上板。佢又話，威勝近年複合年增長都唔錯，盈利由2021年至2025年增長近4倍，市場都對公司增長給予厚望，公司提及今次集資額約34%會用係海外市場，配合返去年海外市場增速加快慨需要。 Jason又話，威勝不單食正人工智能(AI)供電需求熱潮，更受惠於國策規劃，國家電網係「十五五」期間，計劃投資4萬億人仔，比「十四五」大增40%，炒起一批電網設施股，所以今次都可以有較高慨估值去配股。 但佢補充，集團之前試過配股後，股價要沉澱一段時間先可以上返去，現時可以留意50天線水平，即28元水平，可唔可以守得住。
2026-04-21　截至早上11時止，1小時內《彭博》搜尋量最多港股，依次為港鐵公司(00066)、中國移動(00941)、蜜雪集團(02097)、國泰航空(00293)及威勝控股(03393)。 市傳港鐵委託多家銀行發行港元綠色債券，年期5年、10年及30年期，可能今日(21日)會定價。此外，港鐵錦上路站第2期項目昨日(20日)截標，合共收到8份標書，當中包括唔少大型發展商，點睇港鐵今次發港元綠債？ 富途證券首席分析師譚智樂指，港鐵呢幾年都出現好大變化，由地產市場唔好開始，集中發展北部都會區令資金承受唔少壓力，而集團定位亦唔同左，不論發債、債務狀況都有改變，普遍市場認為，港鐵最大風險係負債水平相對偏高。 Arnold又話，但以現時慨環境去評估，依家發債反而對公司有利，一方面受惠於美國減息，財務壓力細左，另一方面，唔少數據都反映地產市場逐漸回暖，一些港鐵上蓋項目招標反應理想，對現金流有顯著幫助。 股價方面，Arnold就話，雖然港鐵近期跟隨大市向下，但睇返今年走勢，股價暫時累升近17%，大幅跑贏大市，加上股息率仍有一定吸引力，短線有條件繼續睇好。
2026-04-21　恆生指數今朝(21日)高開約80點後，升幅一度擴大至逾百點，其後走勢轉弱，好淡倉資金方面，好倉資金昨日(20日)食糊，所以轉為流出逾7500萬元，5日合計有約1.4億元離場，淡倉連續兩日有資金流入，5日合計仍有逾1.57億元坐貨。此外，牛證重貨區於25800點，熊證重貨區就係26500點，亦係最多人加倉慨位置。美伊局勢又出現變數，係咪入場造淡慨好時機？ 胤源世創家族辦公室(香港)第一副總裁黃偉豪指，市場觀望美伊談判有冇進展，恆指窄幅上落，暫時都冇乜方向，以近期消息面黎睇，雖然美伊仍未重返談判桌，但美股、港股投資者都唔係睇得咁負面，市底其實唔係咁差，所以造淡就要小心，暫時可先睇26000點，如果破左呢個整數關口，先再睇25500點，牛證方面，如果大市再向上，收回價可以擺26800點或27000點水平，可避開即市收回風險。
2026-04-21　美伊局勢持續緊張，美國總統特朗普(Donald Trump)態度仍然好強硬，指唔太可能再延長停火期，指美伊須達成協議，否則，美軍會再有行動。美股3大指數昨晚(20日)收市微跌，美元、美債亦幾乎冇變動，點睇依家慨局勢發展？ 高富金融集團投資總監梁偉民指，投資者要有心理準備美股會出現調整，昨晚慨市況仍比較樂觀，相對平穩，即使油價抽返上去，標指及納指只係微跌0.2%，過去兩周，美股自低位大幅回升，甚至再破頂，不過，短線都傾向較悲觀及審慎。 Wyman又話，呢一刻都唔肯定美伊談判會有正面發展，當中仍有好大變數，所以後市必須小心。佢認為，股市似乎有些過分樂觀之嫌，睇返依家中東及油價慨情況，美股仲企係歷史高位係唔太合理，因為戰事問題仍未解決，只係有機會「將會解決」，而呢幾日更加唔可能百分百解決，認為市場係price in得過分樂觀。 至於有「恐慌指數」之稱慨VIX，雖然升左，但仍處於相對低慨水平。
 

 
88iv | Home |  Login
Mobile | Full
Forum rule | About Us | Contact Info | Terms & Conditions | Privacy Statment | Disclaimer
Copyright (C) 2026
Suntek Computer Systems Limited.
All rights reserved