Create Your Own Business Intelligence Website
Input the stock code or the company name     Search  

<01342.HK> -

 
 
 
 
 Company Rating
Date Broker Company name Rating Target
≫More
 
 Company performance - Published
Date Company name Turnover* Profit* % Dividend
≫More
 
 
 
 Top Gain / Loss Show All Charts 
 
 Value
Name Updated Value Change Change %
HEAVENSENT GOLD null null 0 0 0%
≫More
 
 Expert Commentary
2026-06-12　MINIMAX(00100)上市半年禁售期快將完結，股價會否失守招股價？ 耀才證券研究部總監植耀輝表示，MINIMAX上市時的基石投資者，及一批原有股東，設有的半年禁售期，將於7月8日屆滿，兩批投資者共持有近50%股本，屆時沽壓將湧現，加上近日OPENAI降價的消息，亦不利公司收入，股價前景不樂觀。
2026-06-12　周大福(01929)昨日(11日)出完業績後，股價今日(12日)勁升逾18%，高見13.2元，其後升幅略為收窄。周大福全年收入按年增長5%，純利按年增長逾50%至90億元，超預期，毛利率升至32.3%，毛利率改善係咪導致收入增長唔大，但純利有明顯升幅慨關鍵？ 王道資本及家族資產管理執行董事黃敏碩表示，純利升幅較收入高一大截，係因為集團高端項目、成本控制做得比較好，加上內地業務較集中，純利可觀亦反映內地高消費意欲增加，而末期及全年派息都加碼，都係股價今日大升慨推手。 Michael又話，周大福產品組合多左「一口價」金飾，高端門店數量又多左，都會帶動到毛利率上升，加上周大福開始改變銷售策略，就係順應潮流同不同IP合作，擴闊產品鏈之餘，又可以吸引更多年輕顧客，而年輕客群消費力絕對不容忽視，因為同樣可以帶動到毛利率。
2026-06-12　創新藥B仔股華健未來(06132)今日(12日)開始收飛，下周三(17日)截飛，集團計劃發行1360萬股H股，股數相對較少，上市後股價會唔會較硬淨？公司旗下核心新藥HJ787，係內地唯一處於臨床開發慨外用選擇性TYK2抑制劑，係咪都要留意內地限制出口或美國制裁等風險？ 高歌證券金融首席分析師聶振邦指，華健未來基石投資者約45%，意味市面只得逾700萬股，街貨少會令股價沽壓顯著減少，所以有一定吸引力，不過，參考天辰生物(01779)上市時，首日升幅唔及暗盤，認為依家玩「B仔股」應以短線操作為主。 聶Sir又話，現時新藥仍處於臨床階段，所以擔心制裁係言之尚早，想入飛抽慨投資者不妨留意下周三截飛前慨孖展認購反應，若超額認購1800倍或以上，可以考慮借孖展認購。佢又估計，華健未來首掛有望升，不過，若暗盤表現好，或升幅較上市價高50%以上，對謹慎慨投資者黎講，止賺會較安全。
2026-06-12　全球首富馬斯克(Elon Musk)旗下SpaceX，今晚(12日)就會登陸納斯達克，呢個史上最大慨世紀IPO集資額高達750億美元，雖然市場質疑集團估值太貴，睇返以往慨明星股上市首年，股價都自高位大幅回調幾成，如果散戶想係上市後買貨，應該點部署？ 勝利證券首席顧問陳建良指，有分析指，買SpaceX就好似10幾年前買比特幣(Bitcoin)，一係輸曬，一係升幾百倍，以往慨明星股上市後跌得比較多，係因為之後出現左明顯競爭對手，甚至替代公司，KL估計，SpaceX上市首日股價好大機會升，但由於市值大，唔會一開市就倍倍聲咁升，加上太空概念進入門檻好高，市場上暫時搵唔到第2隻同類股份替代，佢預期，SpaceX之後好大機會可以發展到好似人工智能(AI)般大慨概念，所以唔使太擔心，但就要留意呢類股份好易受個別事件影響。 KL又話，傾向等股價回調之後再買貨，因為上市首日一般都會出現雙位數波幅，投資者情緒好易受影響，如果有擔心，就可以等出左衍生產品再參與，但相信依家太空相關交易所買賣基金(ETF)，已經係私人市場慢慢吸納SpaceX，散戶唔需要等SpaceX入指數，應該都會有被動投資者，有封閉性基金(Closed-end Fund)同埋太空相關慨ETF成為被動買盤。
2026-06-12　截至早上11時止，過去1小時內《彭博》搜尋量最多港股，依次為周大福(01929)、洛陽鉬業(03993)、美團(03690)、紫金礦業(02899)及MiniMax(稀宇科技)(00100)。 周大福昨日(11日)交左一份好靚慨全年成績表，純利按年增長52%至90億元，創新高。此外，集團亦公布左4月、5月銷售數據，港澳同店銷售大升40%，末期息又大增40%，周大福股價今日(12日)一度飆逾18%，高見13.18元，點睇集團前景？ 大華繼顯執行董事梁偉源指，周大福整體業績勝市場預期，今年4月、5月慨營運數據反映市場對金飾產品需求頗大，金價自3月底至今累跌約10%，所以見到唔少累積慨需求趁金價回落時湧現，帶動銷售數字造好。 Steven補充，新財年關鍵在於全年金價走勢，金價係去年下半財年起持續急升，若金價今年穩定係現水平，即每盎司約4200美元，將對周大福業務更有利，因為一方面對消費者黎講，金飾價格相對吸引，另一方面對集團慨對沖業務都有幫助，或帶黎輕微利潤，對集團而言屬正面發展，加上近期市場擔心美國聯儲局有加息風險，如果真係加息，金價都唔會大升。
2026-06-12　大唐資本投資策略部總監盧志明推介現代牙科(03600) 推介原因： -去年純利升46%至5.9億元，早前獲高瓴大筆增持 -行業需求持續。
2026-06-11　周大福(01929)上年度多賺52.2%，好過市場預期。 元宇證券基金投資總監林嘉麒表示，周大福上年度業績雖然理想，但隨著金價回落，對其今年業務前景不太樂觀。
2026-06-11　恆指「新貴」極兔速遞(01519)遭國家郵政局立案調查，並指今年以來，集團發生多宗安全事故，場內多次檢查被揭發有安全事故隱患，認為公司嚴重缺乏安全管理，值得留意係，呢類事故一般由市監局或中證監出手，今次罕有由國家郵政局出手，點解會上升到法定機構層面？受消息拖累，集團股價今日(11日)一度急瀉逾14%，低見7.54元。 耀才證券研究部總監植耀輝表示，國家郵政局主要負責全中國郵政業安全監督管理，例如市場進入及質量監管等，而市監局負責監管市場價格壟斷、虛假廣告、不正當競爭，以及保護消費者一般權益等，從字面意思上睇，因為極兔今次係涉及安全生產及行業規管，所以由國家郵政局負責。 Stanley續指，從主要業務性質上睇，極兔同一般速遞公司唔同，主要從事輕資產，集團有自家轉運中心及加盟商負責派送，估計係呢方面出現左問題，導致公司被調查。
2026-06-11　甲骨文(Oracle)昨晚(10日)出左第4季業績，表現好過預期，不過，集團巨額融資計劃倍升至400億美元，盤後股價一度急瀉10%，值得留意係，集團曾經話今年唔使發債集資，股價跌到咁係受咩因素拖累？ 東亞證券高級投資策略師陳偉聰指，美國人工智能(AI)企業，尤其係雲計算，之前簽左好多定單，依家要滿足返客戶需求。此外，電腦記憶體(RAM)、高寬頻記憶體(HBM)等基礎硬件設施價格大升，相關企業要進一步投資新數據中心，導致成本大升，令甲骨文最新融資指引較預期高出1倍，除左定單多，投資人工智能(AI)成本大增亦係其中一個因素。 Jason續指，甲骨文集資後，中長線投資者就會留意需求係咪可以持續，若公司抽完水後，未來1至2年收入仍錄得較高增長，市場就唔會因為公司集資而畀太低折扣，但值得留意係，現時有好多估值高慨科技公司進行股權融資，市場資金會被鎖定，加上Oracle財務狀況唔太理想，如果要進一步融資，一定會增加市場憂慮，短期會對股價有負面影響。
2026-06-11　全球股票市場，本周有如乘上過山車，大上大落，是因為上周美國最大的晶片公司博通的AI收入不及預期，加上非農就業數據強勁，令市場認為加息的可能升溫。在雙重夾擊下，投資者因而對科技股估值會受到打壓而產生擔憂，最終引發連鎖效應，令美股率先大跌，進而觸發亞太區股市經歷「黑色星期一」，所有股票市場全線下挫。 持續保持勇態及屢創新高的南韓綜合指數（KOSPI）於周一（8日）開市後已跌穿8,000點大關，不久就觸發了20分鐘的熔斷，收市連7,500點也告失守。其餘跌幅較為顯著的亞洲市場，除日本台灣股票市場外，連印尼股市仍出現急挫，上證指數跌穿4,000心裏關口，而港股亦當然不能獨善其身，儘管一開市便失守25,000點大關，其後更連24,700點亦跌穿，但可能港股較早前一直長期低迷狀態，所以最終在「黑色星期一」當日只跌304點，跌幅尚算溫和。「北水」繼續為港股加持，淨流入達113億元，結束連續兩日淨流出，但有「北水」持續關愛港股，並未有扭轉近日的弱勢。 亞洲股市在慘歷了「黑色星期一」後，本周二（9日）承隔夜美股止跌回升下，呈現急彈，日前跌勢最為激烈的韓、日股升幅，又再成為亞洲反彈力最強的地方，其中韓國綜合指數在重磅股SK海力士及三星電子領軍下，帶動指數急漲8.2%，重返8,000大關，升勢贏盡亞洲股市外，更將周一（8日）的失地全部收復。上證綜合指數亦有跟隨外圍反彈，升1.3%。不過，港股則繼續我行我素，堅持絕不跟隨亞洲的反彈浪，繼續反覆下沉，保持發揮其疲弱本色，除24,600點失守外，更再度蟬聯亞洲表現最差的股票市場代表。 而正當投資者滿以為經歷了大上大落後，全球主要股票市場可能會呈現喘定之際，美伊雙方關係衝突再度升級。事緣美國總統特朗普指，伊朗在霍爾木茲海峽上空擊落美軍直升機，美軍採取報復。即使美國總統特朗普再三單方面指，美伊停火協議已進入最後階段，但市場信心有所動搖，觸發全球股市出現拋售，韓國綜合指數8,000點得而復失，日經下挫超過1,000點，上證輕微回調近1%。 而一直不振的港股，在金融及資源類別股份下挫，近日走勢異常強勁的聯想集團(00992)，因受產品加價消息影響而急挫，在多層夾擊下，港股最終在24,407點收市，25,000亦宣告失守。港股連續第六日下跌，合共下挫1,631點，但港股昨日（10日）曾低見24,207點，差點跌至今年低點24,203只差4點，令投資者對港股的走勢或前景，顯得無所適從。 筆者認為，港股在過去兩個月，只能用「跟跌唔跟升」來形容，而走勢可謂苦不堪言，但慶幸跌幅並非全面，個別與AI扯上關係的相關股，走勢異常突出，就以老牌電子股建滔集團(00148)為例，在市況不景氣下，股價反而持續創52周新高。 相關AI股仍保持升浪，因而被外間認為，即使全球股市有調整跡象，但只屬正常調整，未有改變由人工智慧（AI）所帶動的升勢，更指AI主題仍有長遠發展空間。是否兌現？就留待時間證明。而港股成交額持續保持在3,000億元以上，對在持續大成交下最有利的代表，一定非港交所(00388)莫屬，投資者不妨留意。
 

 
88iv | Home |  Login
Mobile | Full
Forum rule | About Us | Contact Info | Terms & Conditions | Privacy Statment | Disclaimer
Copyright (C) 2026
Suntek Computer Systems Limited.
All rights reserved