易發投資 - <03433.HK> - 南方東英富時美國國債20年+指數ETF

分享此頁

自我建設商務智能網站
請輸入股票編號或公司名稱		搜尋

基本資料
公司名稱	買賣單位	市盈率	市帳率	每股盈利	每股派息
概覽資料數據財務比率損益現金流資產負債盈利派息

相關網頁

相關新聞
≫更多

公司評級
日期	證券商	公司名稱	評級	目標價
≫更多

公司業績 - 已發佈
日期	公司名稱	營業額*	盈利*	%	股息 (仙)
≫更多

評語

最大升／跌項目	顯示所有圖表

指數/價格
名稱	最後更新	指數/價格	變動	變動 %
恆生指數	05-06 09:30	18448.5	▼ 27.42	▼ 0.15%
南方美國國債２０	05-07 15:58	72.08	▲ 72.08	▲ ∞%
≫更多

專家評論

2024-05-07　港股10連升後回調之際，工業股力勁科技(00558)強勢跑出，股價今日(7日)午後愈升愈有，最多大升16%至3.88元，衝上3個半月高位。力勁4月中曾被美銀唱淡，主要是集團壓鑄機收入或受累車廠和汽車零件廠慨資本開支(CAPEX)收縮，並大削股份目標價至2.9元。不過，力勁股價相當爭氣，自4月中由低位反覆向上，至今已累升逾30%，今日更重上100天線，係咪代表之前跌幅已經反映完利淡因素？信達國際研究部董事趙晞文認為，力勁呢輪升勢未必關基本面事，並估計資金見到同業海天國際(01882)股價飆升而追落後。佢分析指，海天主要生產低噸位注塑機，唔少客戶來自消費電子及飲食製造業(F&B)等下游產業，而海天慨預測市盈率(PE)約14倍，股價年初至今由15元水平翻倍至近28元，同樣有注塑機業務慨力勁則有10倍PE，因此估計力勁股價尚有10%至20%水位。不過，趙晞文提醒，公司旗下「世界最大車身壓鑄機」Giga Press慨訂單及市佔率未來有被攤薄風險。

2024-05-07　澳洲央行一如預期維持利率不變，已連續第4次會議按兵不動，值得留意係，將減息從今年預測中剔除，暗示2025年中前都未必會減息。澳元隨即失守66美仙，紐元亦回落至60美仙水平。點評估今次議息結果？澳元後市又會點走？連連STAR FX總經理陳欣指，今次澳洲央行議息結果未夠鷹，當地通脹偏高，甚至更有機會進一步升溫，但係議息結果暗示今年都唔會加息，為澳元帶黎壓力。 Chase又指，由於澳洲國內生產總值(GDP)萎縮、消費疲弱、借貸成本高，係咁多不穩定因素影響下，澳元只能見步行步，佢估計，澳元難突破67美仙，短線會反覆橫行震盪，支持位可以睇64美仙。

2024-05-07　截至早上11時止，1小時內《彭博》新聞量最多慨首5隻港股，依次為太古地產(01972)、比亞迪電子(00285)、協鑫科技(03800)、阜博集團(03738)、三一國際(00631)。太地旗下本港辦公室、零售物業首季租用率維持90%以上，太古廣場更重現100%出租率，但辦公室物業租金調幅跌逾10%，2家高檔商場零售額均出現負增長。集團昨晚(6日)公布首季營運數據後，股價今日(7日)上半場一度跌4%，低見15.6元。富途證券高級策略師譚智樂預期，太地股價短線會係15至16元徘徊，建議有貨投資者楂住先，並指集團租務收入穩定，派息能力明顯優於其他本地地產股，市帳率(PB)僅0.3倍，反映估值極平，而6厘股息率仍然吸引。

2024-05-07　內地「五一黃金周」假期出境外遊數據火熱，帶動攜程集團(09961)昨日(6日)收市升逾4%，不過，攜程股價今日(7日)早段創426元新高後，隨即掉頭向下。市場上有一批CALL輪價外17%，行使價499元，3個月後到期，槓桿做到6倍，係咪岩做攜程後市突破向上部署？中薇證券研究部執行董事黃偉豪認為，呢批CALL價外幅度較大，未必3個月內會變成等價，要承受較大時間值損耗。佢又指，唔建議現價開CALL，建議等股價回調至410元以下先再做部署。 Ravi續稱，技術走勢上，攜程股價出現多頭排列格局慨上升形態，不過，9天相對強弱指數(RSI)出現跟股價升勢相反慨「頂背馳」形態，反映股價因近期升得太急，上升動力開始減弱。

2024-05-07　美國4月就業數據差過預期，令市場對聯儲局減息預期再升溫，美國債息下跌，美股3大指數隔晚(6日)高收。此外，紐約聯儲銀行行長威廉斯(John Williams)最新指，聯儲局最終都會減息，時間就取決於數據。係咪反映減息問題開始明朗化？今年係咪最少減息1次？高富金融集團投資總監梁偉民認為，美國減息時間仍未明朗，雖然非農數據冇預期咁強勁，但已令今年減息慨可能性增加，不過，股市及債市慨即時反應，反映市場對美國減息問題仍非常敏感，即使只係一兩個數據已足以影響減息預期。佢又話，一旦下個月慨經濟數據再度轉強，市場睇法又隨時有變。不過，Wyman認為，美國今年減息機會仍高，因為下半年經濟好難好似依家咁強勁，佢估計，聯儲局會係第3季開始減息，今年減息1至2次。

2024-05-07　註冊財務策劃師協會會長黃敏碩推介中廣核新能源(01811) 推介原因： -中美氣候特使將會晤，憧憬在能源及減排方面擴大合作 -業務包括風力、光伏、燃氣等，背靠國企中廣核集團 -預期今年新增風光裝機近1GW。

2024-05-06　醫思健康(02138)披露，上年度銷售額42億元，增長約8%。華富建業證券投資策略聯席總監阮子曦表示，醫思上財年下半年度銷售額按年僅持平，若單計第四季度，銷售額更少於第三季度，表現疲弱，不過基於股價近年已累積很大跌幅，估計再大跌空間不大。

2024-05-06　國際油價上周累跌約6%，紐約期油更跌足5日，但今日(6日)反彈近1%，沙特阿拉伯上調大部分地區6月官方售價，市場認為，反映夏季需求旺盛慨預期。此外，石油輸出國組織及盟友(OPEC+)將於6月1日召開會議，市場預期，OPEC+將自動延長現時每月減產220萬桶計劃至下半年，或令美元轉弱，繼而為油價帶來支持，係各項因素及地緣政局影響下，油價未來會點走？英皇期貨營業部總裁葉佩蘭指，油價早前因地緣政治衝上每桶近90美元，雖然OPEC+加大減產力度，但美國石油庫存增加左唔少，加上政治方面未有利好消息，而油價之前失守82美元，已經破壞左上升趨勢，估計今次會出現更深慨調整，但估計72美元至74美元會有支持。

2024-05-06　雖然《生物安全法案》已係美國參議院壓倒性通過，藥明系股價一度急瀉，但要總統拜登簽署成為法案仍要過好多關，其中1名發起法案慨議員已經離任，藥明康德(02359)指，至今未有重大項目被取消或影響新項目，反而首季有40%新項目來自歐美客戶。不過，摩根大通下調集團今年收入預測及目標價，如果想部署藥明生物(02269)及藥物康德要留意乜野？博威環球證券金融首席分析師聶振邦指，法案對藥明系影響唔大，其中，已出左首季業績慨藥明康德表現唔差，但受法案影響，收入及純利都減少，但歐美業務收入同比有增長，加上內地經濟回穩，相信藥明生物及藥物康德上半年業績唔差。聶Sir又話，依家藥明康德市盈率(PE)僅約9倍，股價下一個阻力介乎45至50元，現價買入風險唔算大，如果想再穩陣些，可以係35至36元做部署，至於藥明生物現價跟3月高位，即22元水平仲有好大距離，係16至16.5元會有阻力，所以可以吼13.5至14元買入。

2024-05-06　宏安集團(01222)賣左旗下位元堂(00897)1間觀塘地舖畀獨立第3方，套現3300萬元，呢個舖位原本月租15萬元，由位元堂加盟商承租，舖位易手後都會繼續租，但為期3年慨新租約，月租就減至12萬元，點睇今次呢單交易？賣舖後原租客續租係好常見慨情況，究竟有咩好處？《香港股票財技密碼》作者梁傑文指，近期港人熱衷北上消費，導致本地零售市道疲弱，可能會影響宏安及位元堂銷售，今次售後續租慨租金回報有4.36%，對賣家黎講係非常理想，位元堂選擇賣舖後繼續承租，主要係考慮到公司經營狀況，既然有唔錯慨回報，就將自用舖位減磅出售，套現用作營運資金，令資金鬆動左。 Mike指，售後續租係零售業最常見，因為唔少都係做返自己生意，一旦本港地產市道下半年走下坡，到時未必可以用個靚價租舖，所以都把握機會續租，唔想影響到本身慨零售網絡。