易發投資 - <03196.HK> - 博時美元貨幣市場ETF

分享此頁

自我建設商務智能網站
請輸入股票編號或公司名稱		搜尋

基本資料
公司名稱	買賣單位	市盈率	市帳率	每股盈利	每股派息
概覽資料數據財務比率損益現金流資產負債盈利派息

相關網頁

相關新聞
≫更多

公司評級
日期	證券商	公司名稱	評級	目標價
≫更多

公司業績 - 已發佈
日期	公司名稱	營業額*	盈利*	%	股息 (仙)
≫更多

評語

最大升／跌項目	顯示所有圖表

指數/價格
名稱	最後更新	指數/價格	變動	變動 %
恆生指數	04-29 09:30	17697.8	▲ 46.67	▲ 0.26%
Ａ博時美元	03-22 13:00	8155.5	▲ 8155.5	▲ ∞%
≫更多

專家評論

2024-04-30　遠東宏信(03360)擬以實物分派宏信建發(09930)作為特別息，每54股獲發10股宏信建發。華富建業證券投資策略聯席總監阮子曦表示，遠東宏信擬派特別息，以兩間公司收市價計算，息率逾6%，對遠東宏信股價屬正面，至於宏信建發股價，參與上一次分派，股價受壓，但相信今次跌幅相對溫和。

2024-04-30　日圓今個月以來累計貶值逾4%，表現係十國集團(G10)貨幣中最差，昨日(29日)一度失守160兌1美元，但之後急速反彈至154水平，最新係156.7水平上落。連連STAR FX總經理陳欣表示，日圓大幅波動令市場猜測日本央行已低調出手，雖然日本負責外匯事務最高官員神田真人對此「不予置評」，但指當局已做好24小時隨時採取行動干預匯市慨準備。佢續指，另一個可能係美國商品期貨交易委員會(CFTC)一個頗高壓慨淡倉，趁日圓匯價觸及160水平慨時候平倉。 Chase認為，單靠政府出手干預匯率對日圓走勢影響唔大，而日匯貶至160係日央行慨底線，預期下次議息或有大動作，提出減少買債規模先有機會穩定到匯價。佢預期，日圓兌美元匯價短線阻力位係154，支持位160。

2024-04-30　航運股今日(30日)造好，其中，中遠海控(01919)跑出，一度大升近7%，衝上兩年高位。中遠海控去年盈利大跌，導致派息大縮水，之後股價反覆調整，但現時股息率逾7厘，仲高過「兩桶油」中國海洋石油(00883)及中國石油股份(00857)，集團上季盈利改善，對應資本開支計劃，現金流亦充裕，加上有「中特估」概念，派息前景係咪值得憧憬？信達國際研究部董事趙晞文指，雖然「三桶油」股息率回落，但股價大幅飆升，所以派息比率冇變，中遠海控前年及去年全年派息比率約50%，集團今年開局平穩，加上財務狀況非常健康，扣除未來大型開支約400億人仔後，仍有充足正現金流及財務實力派息，因此，市場憧憬中遠海控今年派息比率介乎約40%至50%，但下半年開始要留意未來內地對國企及央企回饋股東慨相關政策。

2024-04-30　匯豐控股(00005)中午派左首季成績表，稅前利潤及淨息差(NIM)都好過預期，季息連特別息合共派31美仙，集團又宣布5月會啟動新一輪，最多30億美元慨股份回購計劃，係多項利好消息帶動下，匯控股價午後拗腰升，一度升穿67元，衝上逾3年高位。此外，出任集團行政總裁近5年慨祈耀年(Noel Quinn)，突然表示有意退任，令市場大感意外，佢任內帶領集團走出疫情低谷，期間匯控股價累升30%，大幅跑贏同期跌35%慨恆生指數。華盛證券財富管理部董事李偉傑指，祈耀年會留任到有繼任人選為止，估計新CEO較大機會在內部挑選，過去數年，匯控出售多項海外非核心業務，相信繼任人會延續祈耀年慨政策及發展方向，業務方面會繼續側重大中華區，相信股價唔會出現大震盪。 Jason又指，市場關注慨內地房地產業務風險可控，首季商業房地產信貸損失準備2.51億美元，同去年第4季差唔多，估計之後亦唔會再急升。

2024-04-30　截至早上11時止，1小時內《彭博》用戶搜尋量最多港股，依次為中國海洋石油(00883)、中遠海控(01919)、中國石油化工股份(00386)、中國財險(02328)及中銀香港(02388)。中國石油股份(00857)首季多賺5%，中海油盈利就增長23%，但油價踏入4月一直向下，油股第2季業績能唔能夠延續升勢？富途證券高級策略師譚智樂指，油股表現其實同油價關係唔大，資金追捧油股主要係業務表現及派息穩健，加上國企分紅政策清晰及盈利能力穩定，即使油價回調，但開採成本持續穩定，所以作中長線收息係冇問題。 Arnold又指，中石化主攻下游業務，但相關業務慨優勢要等油價回落至60美元先會浮現，現階段化工、煉油等成本似乎短期內都無法轉嫁到，雖然中海油派息及盈利能力比較清晰，但估值約1.2倍市帳率(PB)相對較高，建議拿返個平衡，中石油0.8倍PB會舒服些。

2024-04-30　比亞迪股份(01211)昨日(29日)公布首季業績，純利按年升近11%至45.7億人仔，每輛車利潤按季跌22%，季度增速創2022年第1季以來最慢，不過，大行普遍收貨，指季績符預期，較多資金追捧淡倉，比亞迪今日(30日)股價見今年高位，績後仍然走勢強勁，係唔係適宜追好倉？中薇證券研究部執行董事黃偉豪指，暫時唔建議部署好倉，雖然比亞迪今日股價能夠企穩高位，但目前汽車行業仍面對減價壓力，即使比亞迪慨業績較同業相對穩定，但公司利潤大部分來自低價汽車，利潤空間容易受壓，若難以提升利潤率，股值缺乏上升空間，就會影響股價，加上比亞迪股價下一個重要阻力位置係250天線，距離現價僅差10元，值博空間唔算大，因此依家應該先觀望，再審慎部署。

2024-04-30　美國電動車生產商Tesla行政總裁馬斯克(Elon Musk)突閃電式訪華，消息指，內地當局暫時批准Tesla推出全自動駕駛(FSD)系統，集團亦會同百度集團(09888)展開FSD相關合作，係內地推廣應用FSD。Tesla美股隔晚(29日)一度飆20%，到底Tesla同百度「強強聯手」威力有幾大，利好效應又可以持續幾耐？高富金融集團投資總監梁偉民認為，Tesla同百度慨合作難有即時效果，因為自動駕駛要係內地推出及廣泛使用，技術層面上慨要求好高，監管層面上，一旦發生意外，責任誰屬亦要取得社會共識，因此，佢認為短時間內好難做到。 Wyman續指，無人駕駛需要大量感應器及複雜慨電腦計算，由於成本極高，好難短時間內做到高效益使用。股價方面，Tesla對上5個交易日累計，已自低位反彈逾30%，Wyman形容市場對Tesla睇法過度樂觀及亢奮，建議投資者必須審慎。

2024-04-30　獨立股評人陳鳳珠推介名創優品(09896) 推介原因： - 去年底門店總數增至148間，定單總商品交易額(GMV)按年增約13%，業績顯著增長 - 優化門店網絡，海外市場佔比持續上升，有利擴闊毛利率 - 旗下品牌「Top Toy」收入增速超越名創本身。

2024-04-29　福萊特玻璃(06865)第一季多賺48.6%，毛利率改善至21.5%。阿仕特朗資產管理董事鄭家華表示，福萊特上季盈利增長強勁，應利好股價，但去年下半年業績基數偏高，加上內地輸美光伏產品或遭加徵關稅，相信股價未必能升穿近月高位。

2024-04-29　近排內房不斷傳出黎正面消息，最新有四川成都全面取消樓市限購令，今日(29日)內房股大爆發，個別民企內房升幅達60%，不過，摩根大通今日(29日)發慨報告就有少少潑冷水之嫌，取消限購令可刺激內房銷售1至3個月，但未來有機會再度轉差，又認為唔足以扭轉樓價跌勢。摩通呢份報告中，有一半內房被睇淡，唯獨叫增持中國海外發展(00688)及華潤置地(01109)，想買內房股係咪應該揀呢兩隻？中薇證券研究部執行董事黃偉豪指，有央企背景慨內房的確比較穩陣，民企內房就炒味較濃，其實市場慨睇法一直都係咁，但呢一刻其實應該再謹慎少少，即使中海外及潤地有央企背景，但沽空比率都超過30%，而銷售同其他內房一樣都要跌，加上市場擔心板塊炒高後，部分民企及小型內房會再趁高「抽水」，會令投資氣氛打折扣，所以Ravi建議等內房回返少少，再吼較重磅慨內房股。